رواية من حضرتك عشان قلبي تذله الفصل التاسع والثلاثون 39 - بقلم ام عوض

في ليل
تعشو سعود وهيام وخلصو وهم اثنينهم ساكتيين الهدوء الي بينهم يذبح الواحد
هيام قامت وشالت الاكل وراحت المطبخ غسلت وحطت ورتبت من وراها وخطفت كاسة من مكانها وهي تعبيه موية عشان تشرب بس وقفت بمكانها وهي تسمع صوت ياسر يبكي رجعت الكاسة بمكانها واسرعت بمشيتها للغرفة بس وقفت عند باب الغرفة وهي تشوف سعود يقرب من السرير ويشيله بهدوء وحنية ويهزه بشويش عشان يسكت وفعلآ سكت معه
بدأ يقرا عليه وهو يهف عليه كل شوية وهي عند الباب مبتسمة وتحسس لاول مرة ياسر بكون مع احد وتكون هي متطمنةة
ويوم لاحظها سعود انها عند الباب ابتسم وهو يقول :صحي من النوم توه
هيام للحين كانت مبتسمة وقربت :يمكن مسويها تحته يبغاله تغيير
سعود مد ياسر لها :اهاه
هيام شالت ياسر وراحت عند السرير وغيرت له ولبسته وسعود جنبها يلعب مع سعود ويبوس يدينه الصغار كل شوية وهي لا اراديا منها تبتسم لحركاته وكل شوية يقول بسم الله عليك، وما شاء الله ويبوس يدينه
خلصت وسعود شاله وهو يحضنه ويلعب معه
توجه عند المراية وهو يطالع لمصحف تميم وابتسم بحزن
وراح عند السرير وهو يحط ياسر هناك واخذ المصحف وهو يفتحه في سورة البقرة ويقعد فوق الكرسي وياسر قدامه وبدآ يقرا

اسيل قاعدة عند وليد :والله اقولك مب صااحية بغت تذبح عياليي تصدق بالله
وليد :طيب انتي وش سويتي لها عشان بغت تذبح عيالتس
اسيل والقفص قدامها :تراا ماا سويت لها شيء تعرفنيي انا ما احب احتك فيها ومالي بالمشااكل بسس يمكنن غارت لانك جبت لي عصافير والمجربع حقها ما جاب لها
وليد فطس ضحك:صدق؟
اسيل تلعب مع العصافير :اييه
وليد قعد يشيك على اكلهم وشربهم وشاف مويتهم شوية
وليد:الموية حقهم خلص
اسيل :اييه ادري خلص بس خفت اطلع والهنوف تجي تسويلهم شيء بس يالله الحين بقوم احط لهم وانت لا تقووم من عندهم طييب؟
وليد:ابشري
قامت من مكانها وهي تطلع برا وتطالع حولها وتنهدت براحة :الحمدلله اكيد بغرفتها منقبرةة
ولفت تبي تطلع الصالة شافتها واقفة بالصالة و واضح تحتري محمد يجي
الهنوف ناظرتها بكره :خيير جاية؟
اسيل :وش الي خير جاية الصالة باسمتس وحنا مندريي
الهنوف :لا مو باسميي بس خبري هاذا الوقت تكوني نايمه فيها بكره عندتس دواام
اسيل :اييه عندي دواام بس طلعتت اجيب موية لعياليي
الهنوف :مالت عليتس وعلى عيالتس ،هين بس الي سويتيه والله ماني ممشيته لتس تفهمين ولا لا هين بس يا اسيلووو
اسيل :والله لو تقربين عند عيالي يا ويلتس بعدين اذا ما تبين تصير بينكم مشاكل قولي لرجلتس لا يقرب مني ولا من رجلي والي صار اليوم خل ياخذ منه عبرة، عبرةةة
الهنوف :امحقق عبرةة والله روحي روحي ضفي وجهتس لغرفتس روحييي
اسيل لفت وجهها عنها بعد ما رمت عليها كم نظرة
وراحت حطت موية لعصافيرها ومشيت لغرفتها وهي خايفة على عصافيرها من الهنوف وهي ما تدري انه الهنوف ما تأذي نملة فما بالك في عصافير

الهنوف تهز برجلها وتطالع ساعتها :يوه محمد ويين بقييت معقولة زعلان لاني صدقت انه انت الي حطيت الصورة افف منتس يا اسييل اففف
سمعت صوت الباب وتعدلت بوقفتها بسرعةة وهي تقول بلهفة :محمدد
محمد فز يوم سمع اسمه
الهنوف قربت منه وهي تحضنه :محمدد ويين كنتت خفت علييك
محمد بادلها الحضن وهو مبتسم
الهنوف بعدت عنه:وين كنتت؟
محمد :كنت بالدكان تاخر الزبون لين خرج، بس وشفيتس ليه خايفة هو دايم اجي ذا الوقت
الهنوف :مدري اليوم خفت عليك
محمد بصوت كله حنية :لا تخافين مافيني شيء
الهنوف :جوعان احط لك عشا؟
محمد :وينه ابوي و وليد تعشو؟
الهنوف:عمي اليوم كان تعبان شوي تعشى ونام بدري و وليد برضو تعشى
محمد :طيب جيبي لي انا رايح اغير
الهنوف ابتسمت :ابشر الحين اجيب لك من عيوني
محمد ابتسم انه الزعل الي بينهم خلص
راحت الهنوف تحط له عشى وهي مستانسة ومبتسمةة
وشالت الصينية وتوجهت لغرفتهم وشافت محمد مغير ملابسه وجالس يحتريها دخلت وحطت الصينية فوق الطاولة وقعدت قبال محمد
محمد جلس يتأمل فيها
الهنوف استغربت :اشبك؟
محمد مبتسم :مو مصدق يا الهنوف معقولة صرتي حرمتي انتي وحلالي؟
الهنوف ابتسمت :الا صدق يا محمد انا الهنوف الي خطفتكك والحين هي صارت حرمتك وحلالك
محمد ضحك :مو مصدق انه بيوم انتي خطفتيني ههههههههه
الهنوف :تستاهل قلت لك امش بالطيب
محمد مسك راسه:اف الضربة الي كليتها للحين اذكر وجعها
الهنوف ضحكت :ههههههههه اولها كانت مني وثانيها من جمان
محمد :ههههههههه حق جمان كانت توجع اكثر واضحح البنت كانت تبي تذبحني
الهنوف :عاد صدمتني والله
محمد :انتو الي صدمتوني والله رابطين يديني بسلك اسشوار مافي انسان عاقل يسويها والله
الهنوف :خفنا تصحى هههههه
محمد سكت وهي يحس كلها ذكرياات جميلة جمعتهم مع بعضض وخلى كل واحد يحب الثاني المشوار الي كان يبيه يخلص بسرعةة ما خلصت للحين مكتملة مشواره مع الهنوف للحين لين اخر حياته

هيام غفيت من يوم سعود بدا يقرأ لانها ما نامت امس ابد لانه ياسر ما خلاها وبنفس الوقت ما جاها نوم كانت تفكر بحياتها الجاية مع سعود وعييت تنام
فزت من نومها على صوت صياح ياسر
قامت وقعدت بسرعة ما لقتهم موجودين عرفت انه جوعان عشان كذا يصيح قامت بسرعة وسوت له الرضوعة وتوجهت للصالة وهي تشوف سعود يهدي فيه عشان يسكت قربت منه وهي بيدها الرضوعة وكلها نووم ما شبعت للحين
سعود :هاتي انا بعطيه انتي نامي واضح عليتس تعبانة واجد
هيام :لا عادي مو تعبانة و اعتذر منك والله ما حسيت على نفسي وغفيت خليت ياسر معك
سعود مد ياسر لها :عادي انا افرح يوم اقعد معه ما يتعبني
ابتسم هيام وقعدت فوق الكنبة وهي تعطي لياسر رضاعته وعيونها كله تعبب وكل شوية تغفي بس ترجع تفتح عيونها من جديد لين غفيت تمامآ
وسعود رحمها ورجع شال ياسر من حضنها وحطه بسريره وحط لها مخدة ونومها فوق الكنبة بس علقت يده تحت المخدة غمض عيونه بإنزعاج وهو يحاول يطلع يده بدون ما يزعجها ويصحيها
وبنفس الوقت توتر من قربه لها طلع يده بسرعة من تحت المخدة وقام من مكانه وهو يبلع ريقه
لأنه هو اصلآ مستحيل يتقبل هيام كزوجة له بأيآ شكل من الاشكال وما تزوجها الا عشان ياسر وعشان تميم وصاه على هيام قبل يموت

مرت الايام بسرعة
وجويريا توها غيرت لشموخ وتلعب معها :اليوم شموخي صار عمرها شهرين يا فديتهاا "وتبوس رجولها" فدييتس يا روح امتسس فديت ذا العييون يا نااس
ولبستها ملابسها وهي بين حين واخر تبوسها
خلصت منها وشالتها وهي تقول :يالله ننزل تحت يا روح امهاا نشوف جدتس الغثيثة وشهو تسوي ونجلطها شوية لنا يومين ما جلطناهاا موو يا عمري انتيي
نزلت تحت وهي بحضنها بنتها وتنزل بكل فرح وفخر وبنتها معها
ثامر جا لها بفرحة وهو يقول :شمووخ جت
جويريا راحت وقعدت وهي مبتسمة لثامر وحبه لأخته وثامر جا يلعب مع شموخ وهو مستانس
ام عنان :منزلة البنت بدون غطا بهالبرد انتي وش ما تحسين فبنتس صدق عديمة مسؤولية، ثامر حبيبي قم جيب بطانية لاختك لا تبرد
جويريا رفعت حاجبها لها :ولا كنه انتي ال بغيتي تذبحينها وهي فبطن امها
ام عنان كانت تبي تتكلم بس سكتت يوم شافت خلود جت وهي بيدها صينية الشاي :صبحتس الله بالخيير يا جويير
جويريا بإبتسامة :صبحتس الله بالنور
خلود قعدت تصب قهوة للكل :افف يمه ظهري انكسرر وانا اشطف الحوش امس شرايتس نجيب خدامة؟
ام عنان :اقول اهجديي وانتي تدريين لو امووت ما دخلت الخدامة فبيتيي
جويريا عجبتها الفكرة :لا صدق فكرة سنعة ،بعدين خلود بتتزوج وانتي سنة سنتين بالكثير بتموتين ببقى انا لوحدي مع حنانو ما بنلحقق نسوي شيء
ام عنان فزت من مكانها :تفلي من فممتس يا الي ما تستحين على وجهتسس تفاوليين عليي هااه بسم الله علي قدامي عمر طوييل
جويريا :طيب كلنا بنموت يوم وشفيتس زعلتي
ام عنان :قاعدة على قلبتسس اجل هااه تفاولين علي وتبين تذبحيني
جويريا :يا ربي وش قلنا
قطع عليهم صوت التيلفون
ام عنان :قومييي ردييي هالتيلفون صرعنيي
خلود :حاضر يمه حااضر توي جيت اريح
قامت خلود وجويريا وام عنان يبادلون بعض بالنظرات
خلود رجعت :يمه في وحدة تبغاتس بالتيلفون
ام عنان بإستغراب:تبيني انا؟ غريبة
خلود:اييه قالت عطيه لمريم
وقامت وهي رايحة عشان ترد
خلود قربت من جويريا :صدق بتقولين لاخوي يجيب لنا خدامه تكفييين قوليله ودي اجرب اني اكون قاعدة وفي خدامه تشتغل عني وناسة والله
جويريا :معليتس معليتس بكلمه ونشوف بس الصراحة دخلت السالفة بمخيي شكلي بزن على عنان لين يرضى
خلود:والله انتس كفوو

فبيت زين وروزا
روزا واقفة عند الشباك وهي تناظر وسرحااانه ومهمومةة بالها ابد مو معهاا بالها كلها بحياتها وكلام ام زين يوم قالت لزين انه حرمتك اشبها للحين ما حملت ومصرة يجيبون لهم احفاد وهاذا حقهم مافي شيء يزعل ولدهم الوحيد وبيون يشوفون عياله قبل الله ياخذ امانته
بس وضعها مع زين الي مب عاجبها وضعهم مو كنهم ازواج هي قالت يوم يومين ويتغير مع الوقت
بس مرت شهوور وهم على وضعهم مافي شيء تغير هم كاصدقاء اكثر منه لا ما توصلو لأي طريق
وتوصلت لقرار صح هي مو راضية بس مستحيل تعيش مع زين بهالطريقة وكنه هو مجبور فيها غمضت عيونها وهي تتأكد من قرارها بعدت من الشباك ورجعت خطوات ورا وهي تسمع صوت زين توه راجع وصوت حركته
طلعت برا بخطوات ثقيلة
زين يدور في الريموت ومستعجل :روزا وين الريموت تكفين بسرعةة والله اني راجع بدري بس عشاان الفلم يا ربييي وييينه ذاا
روزا واقفة بمكانها وتنهدت وقربت منه :زين!
زين ما سمعها ولا ملاحظ لها وقاعد يدور:بسرعة روزا دوري معي
روزا بصوت عالي :زيين
زين توه يلاحظ لها و وقف بأستقام لانه لاحظ فيها كيف واقفة بجدية
روزا :ابي اكلمك بموضوع
زين استغرب : ب وش تبين تكلميني
روزا ما توقعت ابد انها بتنطقها بس نطقتها :ابغاك تطلقني
زين انصدم من كلامها :وش تقولين انتتي؟ تمزحين معي اكييد؟
روزا تعابير وجهها ابد ما يدل على انها تمزح
زين توه يستوعب جدية الموضوع :طيب لييه يا روزاا انا وش سوييت قصرت معتس بشيء زعلتس منيي قوولي وش سوييت؟؟
روزا بعدت خطوتين ورا :مو عاجبنيي شيء يا زيين مو عاجبني ولا شيء انت مستوعب حنا اشلون تزوجناا؟ اشلون واي ظروف وصلتنا مع بعضناا! ،نحن دفعنا ثمن الي سوته الهنوف وبسس ما جنينا شيء وخلاص اشوف رجعت الاوضاع لمسارها الحيين مافي داعي نقعد انا وياك مع بعض لا انت مجبور ولا انااا مو
زين بترجي :روزاا
روزا :الا هالمرة يا زين انا جادة ومستحيل ارجع من الي قلته وابيك تاخذني بيت اهلي
زين :روزا تكفيين
روزا لفت وجهها عنه وهي تحاول ما تبكي :الله يوفقك وان شاء الله تلقى البنت الي تحبها وتحبك
ودخلت الغرفة وهي تحط يدها بفمهاا
و زين وقف بمكانه مصدووم من الي سمعه بس ما صار ذا الا منه ما يدري يلوم نفسه ولا يلومها لانه محدن ينلام
و روزا مسكت الغصة الي بقلبها وراحت عند الدولاب عشان تطلع ملابسها وتضبضب وهي تحاول ما تبكي وتقنع نفسها انه ذي نهاية المشوار

هيام وسعود قاعدين في صالة وياسر نايم فوق الكنبة
هيام ابتسمت وهي تسمعه يردد بعض من الآيات بس بشكل مو مفهوم مرة بس يدندن بنفس طريقة قراءة سعود لأنه سعود دايم يقرأ القرآن في اذنه
هيام لفت لسعود وقالت بفرحة :تسمعه؟
سعود قام مكانه وهو الابتسامة راسمة بوجهه :ايه اسمعه
هيام :يا عمريي فديته
سعود باس راسه :الله يجعله من حافظين القرأن يا ربب
هيام:آمين يا رب
سعود رجع لمكانه بس جت له فكرة ولف لهيام :هيام
هيام لفت له :هلا
سعود :احس اني نسيت القرآن وابي ارجع اختمه مرة ثانية
هيام ابتسمت:فكرة حلوة
سعود :بس ابيتس انتي بعد تختمين معي
هيام :انا!
سعود :ايه انتيي
هيام:والله مدري بس اقدر وانتي تدري في ليلة قاعدة مع ياسر وفي صبح نايمة ويا دوب الحق للشغل
سعود :معليه انا بقعد مع ياسر ندبر الامور مع بعض
هيام ابتسمت :اجل تم نختمها سوا بأذن الله
سعود فرح :صدق بتختمينه معي؟
هيام:ايه ان شاء الله
سعود :الله يفتح قلبتس للقرآن
هيام :امين يا رب
سعود :اجل نبدأ بكره بإذن الله تعالى
هيام :ان شاء الله، اقول سعود
سعود :هلا
هيام :انت متى ختمت القرآن
سعود قعد يفكر :والله مدري يمكن وانا عمري 17 او 18 ما اذكر بزبط
هيام:ما شاء الله جد؟
سعود:اييه واذكر ختمته مع ابو سلطان الله يرحمه كان امام المسجد
هيام :ما شاء الله
سعود ابتسم ب حب :كانت ايام حلوة والله يا هيام ليتها ترجع
ابتسمت هيام وسكتت
سعود تنهد وقام :انا رايح المسجد ما باقي على الختم واجد باذن الله بختم اليوم وببدأ معتس بكرى
هيام قامت معه عشان تقفل الباب :ان شاء الله
وطلع سعود وهيام قفلت الباب وهي مبتسمة بإطمئنان لسعود كل يوم يصحى قبل الفجر ويصحيها قبل يمشي المسجد ودايم يقرأ القرآن ويقرأ عليها هي وياسر ويشغل القرآن بالمسجل وكثير مرات يسهر مع ياسر عشان هي تنام
جميع مواصفات الزينة اجتمعت فيه فعلا ينطبق عليه قول كامل مكمل

اسيل تربط شعرها بأهمال وهي تسولف مع وليد :اندريي لييه محمدو جاب لها قطوة عشان غارت من عيالي راحت قالت لمحمد انه جيب لي ولاااا تسوي نفسها متفاجئة بعدد صدق انها وحدة كذووبة
و وليد منسدح بالسرير وقاعد بالجوال ومو معها ويقول :ايه وبعدين
اسيل :وليد انت معييي؟
وليد :لحظة بس
اسيل كانت تبي تتكلم بس فجأة حست بوخزة فبطنها مسكت بطنها بآلم
وليد بعد الجوال من وجهه :وشفيتس؟
اسيل :مدري حسيت في شيء تحرك فبطني
وليد ضحك :جوعانة شكلك روحي كلي
اسيل :لاا مو جوعاانة
"وسكت لوهلة وبعدها شهقت بصدمة" يممه لاا يكوون حامل
وليد فز من مكانه :صدقق انتي حامل
اسيل قامت من مكانها :اييه اكيد انا حامل والحين الورع تحرك فبطنيي
وليد تحطم :بلا هبال يا اسيل
اسيل :الاا اكيد حامل وش غير كذاا يمممه انا قايمة اقول لجود
وليد قام بسرعة عشان يمنعها :لاا تروحييين ترا مب حامل انتي وش ذا كل ما تحرك شيء فبطنك تقولين حامل
اسيل بس كانت اسرع منه وطلعت من الغرفة وهي تنهد من المجنونة حرمته وضحك

جود بالصالة قاعدة مع الهنوف وهي بحضنها بنتها اجوان وتلعب معها
الهنوف قامت من مكانها وجلست جنب جود بحماس :عطيني ياها اكلها بنتس والله اكلهااا تدنن يا ناس تدنن اسم الله عليهاا
جود :لحظة لحظة قبله روحي غسلي يدتس وبعدين اعطيتس ياها كل الوقت اشوفتس شايلة هالقطوة
الهنوف :غسلته بعد كذا ما شلتهاا والله
جود :اقول قومي وعقمي يدينتس وبعدين تعالي اخاف على بنتي من الجراثيمم تراا
الهنوف تأفتت وقامت غسلت يدينها ورجعت بسرعة :يالله هاتيها
جود عطتها اجوان :شوي شوي على راسها لا تتعور
الهنوف :اعرف يا شيخة
قطعت عليهم جية اسيل وهي تركض :بناااات باركوولي
جود بفرحة :مبرووك بس على وش
الهنوف تضحك :عيالها جابو لها احفاد
اسيل :لاا مب عياليي ، انا حاملل
جود  فزت بفرحت:صدققق حامل ما شاء الله
اسيل :اييه
جود قامت وهي تحضنها :كبرتي يا اسييل وبتصريين ام يا روحيي
اسيل :اييه
الهنوف :لحظة لحظة اشلوون وانا وانتي قبل يومين ما كنا نصلي سوا امداك تحملي بهاليومين مااا شاء الله
اسيل :ايه عادي تصير
جود توها تستوعب :ايه وهي صادقة اشلون قبل يومين ما كان عليتس صلاة
اسيل :يعني انا مو حامل؟ طيب وش الي كان يتحرك فبطني؟
جود ضربتها في راسها :مهبولة خليتيني افرح على الفاضي
الهنوف :ما قلت لتس من يومها مهبولة
اسيل تقعد :مدري قلت يمكن حامل
جود:مو كل ما تحرك شيء فبطنتس تجين وتقولين حامل يا عوبة
اسيل تقعد جنبهم :اف فرحت على الفاضي يعني بس معلييه اصلا انا الي ما ابي للحين
الهنوف :زين ما قالت للكل ولا ما عرفنا اشلون نرقعها
جود تضحك:وانتي صادقةة

فبيت ابو معاذ
مثل كل يوم خميس الكل مجتمعين فبيتهم بحكم انه اكبر اخ من اخوانه
انايا واقفة عند شباك المجلس وجنبها هنادي واقفة وتهز رجلها بملل
هنادي :خلاص يا بنت وشفيتس مستعجلة على الزواج
انايا :اصص الحين بيدخل اكيد المجلس ويقول لابوي انا جاي اخطب بنتك انايا على سنة الله ورسووله وابوي يقول مواافق ونتزوج ونكون اسرة صااالحةة
هنادي :حفظت ذي السالفة من شهور شكل الرجال مو ناوي
انايا : قامت:هو يبينيي ويحبنيي بس مو راضي يخطبنيي كيف ما ادريي
هنادي :ما برجع عنده وارجع اساله ترا رسلتيني عنده ثلاث مراات لو رحت المرة الرابعة فهاذي واضحةة انتس انتي رسلتيني
انايا:لا تخافين ما ارسلتس بس خلاص تأكدت انه يحبني الحين ابي اعرف ليه مايخطبنيي اشبه
هنادي :مدري والله
سمعو صوت ادهم دخل المجلس
انايا رجعت قربت من الشباك وهي تسمعه يسلم على الكل ويسأل عن احوالهم ويعطي عن احواله
بس قعد وهو ساكت ولا تكلم
هنادي :شفتيي
انايا قعدت فوق الكرسي بإنكسار:احس نفسي خفيفة
هنادي :معليتس يا روحي لو هوو ما نصيبتس بتتزوجينه يعني بتتزوجينه
انايا سكتت شوي وفزت وهي ببالها فكرة
هنادي:اشفي؟
انايا:في عندي فكرةة
هنادي:وش؟
انايا:مو شرط هو يخطبني
هنادي:اجل؟؟
انايا:انا ارووح واخطبه مافيها شيء
هنادي وسعت عيونها بصدمة:وشش؟ انتي تخطبينه استحي على وجهتس يا بنتت
انايا تمشي :والله فكرة حلووة صدق انا قريت كتاب يقول عادي لو البنت تخطب مافيها شيء والحيين انا رايحة اكلم عمي
هنادي :تعالي وقفي يا مهبوولة وين رايحة اشلون بتروحيين من ياخذتس فبيتهمم؟
انايا:عادي بروح مشي
هنادي تحاول توقفها بس هي راسها يابس
لبست عبايتها ومشيت لبيت عمها وهي مهبولة تبي تخطبه وتكلم عمها
دقت الباب وفتحت لها قمر بعد ثواني
انايا دخلت وحضنتها وهي تقول :كيفتس اخبارتس قمورة
قمر:الحمدلله بخير
انايا مستعجلة :ابوتس فالبيت؟
قمر:ايه اتوقع موجود بالمجلس
انايا :طيب يروحي انا بكلم ابوتس وبعدين جاية عندتس طيب؟
قمر ابتسمت :طيب.
راحت ودخلت المجلس وهي ترمي السلام
ابو ادهم يقوم :وعليييكم السلام ورحمة الله وبركاته
انايا :لا تقوم تقوم خلك قاعد لا تتعب نفسك
ابو ادهم :تعالي اقعدي حدي يا بنتيي وينتس ما عاد شفناتس ما صرتي تجين بيتناا
انايا قعدت جنبه :والله مشغولة يا عمي
ابو ادهم :معذورة يا روح عمها معذورة
انايا تاخذ نفس :انا جاي وطالبك يا عميي
ابو ادهم :وما اردك ان شاء الله عيوني لتس لو تطلبينهم
انايا :الله يسلمك يا عميي انا جاي ابي ادهم زوج لي ابيك تكلمه وتخليه يخطبني
ابو ادهم انصدم منها وقعد يضحك
انايا :اشفي قلت شيء غلط يا عميي
ابو ادهم :لا لا ما قلتي شيء غلط يا بنتي وأبشري ادهم لتس انتي ووالحيين بكلمه واقوله وبياخذتس وغصب عنه
انايا فرحت:صدق عمي؟
ابو ادهم يطلع جواله :اييه
انايا حطت يدها بفمها بفرحة وهي مو مصدقةة
وابو ادهم اتصل على ادهم وانايا متحمسة من الي بيقوله
ابو ادهم :السلام عليكم ادهم
ادهم :وعليكم السلام يبه خير صاير شيء؟
ابو ادهم:لا مو صاير شيء يولدي بس بغيت اكلمك بموضوع
ادهم استغرب لانه قبل شوي كان عنده :تفضل يبه اسمعك؟
ابو ادهم ناظر لانايا وهو مبتسم وقال لها : وش تبين اقوله يا يبه؟؟
انايا بصوت واطي شوي : قوله ابيك تاخذ بنت عمك انايا بنت الاجااويد وشيخة البناات
ابو ادهم :ابيك تاخذ بنت عمك انايا بنت الاجاود وشيخة البنات
انايا تهمس له :و تاج راسك
ابو ادهم بفخر :وتاج راسك بعدد
ادهم قام من مكانه وهو مستغرب من ابوه وطلع برا :وشجاب ذا الطاري براسك فجأة
ابو ادهم : والله يا وليدي قعدت مع نفسي وفكرت انت رجال كبير وبغيت تتزوج و بنت عمك اولى بك من الغريبة صح ولا لا
ادهم:لا لا صح كلامك يا يبه صحح وهي بنت عمي وفوق راسي و والله مانيب ماخذ غيرها
انايا عضت شفتها بفرحة
ابو ادهم :هاذاا وليديي
ادهم مستغرب انه اختار البنت الي هو يبيها :يالله مع السلامه يبه راجع للمجلس
ابو ادهم :ايه مع السلامة يا ولدي
وقفل منه وانايا مبسوطة
ابو ادهم :هاه كذا زين يا بنتيي؟
انايا هزت راسها بفرحة بس سرعان ما قالت:بس اسمع مو تقوله انا قلت لك بطيح من عينه
ابو ادهم:افاا بس والله ما يعرف
انايا مسكت يده وباسته :شككرآ لك يا عمي شكرآ
ابو ادهم قعد يضحك عليهاا
انايا :خلاص بس خلني اتزوج واروح اخطب لك انااا
ابو ادهم فطس ضحك :ان شاء الله يصير خير يا بنتي
انايا ضحكت وبعدها سرحت بافكارهاا وهي تحس مو سايعتها الدنيا من الفرحةة

نهاية البارت

اشوفكم ب البارت الجايي بأذن الله
ه