رواية من حضرتك عشان قلبي تذله الفصل الثاني عشر 12 - بقلم ام عوض

صحصحت حنان بعد دقايق كذا
خلود فرحت:صحيت صحيت يمه صحييت
ام عنان :كيفتس  بنتيي الحيين
حنان تمسك راسها:بخير
روزا :وشبلاتك طحتي علينا فجأة
حنان للحين ماسكة راسها :مدري فجأة اسوَد كل شيء بوجهي وطحت
ام عنان ابتسمت وهي تدعي الي ببالها صح   :متى اخر جتك؟
حنان ناظرتها وهي تفكر:مدري من شهرين يمكن
ام عنان :اجل مبرووك حامل
حنان ناظرتهم بصدمة : هاه ؟حامل؟؟؟
ام عنان تقومها :قومي قومي امشي قدامي اشوف كيف تمشين
حنان قامت ومشيت قدامها
ام عنان تضرب كف بكف :والله حاامل
حنان فرحت وهي تحط يدها بفمها :صدقق
ام عنان:اييه
خلود ضمت حنان :مبرووك يقلبيي ما اصدق بيجينا بزر ثاني غير ثامر بس هاه اقولتس هالمرة بنتت يا ويلتس لو ولدد
حنان تضحك:ابشري
بعدها ضمت روزا وهي تقولها مبروك
حنان:الله يبارك فيتس يقلبي و عقبالتس
روزا ابتسمت :ان شاءالله
حنان بعدها ناظرت لجويريا وهي تقول :وانتي ما بتقولين مبروك
جويريا :يوه ليه ما اقولتس طبعآ بقولتس مبرروك يا حرمة رجلي
حنان :لو ما تبين تقولين عادي يقلبي
جويريا قربت منها وهي تبوسها :مبرووك يا قلبي
حنان :عقبالتس
جويريا : لا لا ما افكر بالبزران وش ابي بالهم  والغم
وهي بداخلها تقول احا من الارنبة بتجيب الثاني
قعدو كلهم سوا وام عنان فرحانة :ما اصدق لين ما اقول لعنان
حنان مبتسمة :لحد يقوله انا بقوله بنفسي
خلود :انا بقول لثامرر الله شقد بيفرح حبيبي

عند معاذ ونور خلصو ونور شالت السفرة ونظفت
ورجعت قعدت ومعاذ يشرب بيبسي قال بمزح وطقطقة :تدرين يا نور
نور لفت له:هلا
معاذ وهو يرفع لها علبة البيبسي :تدرين هاذا اغلى منتس
نور ناظرته وهي ترفع حاجبها بدهشة:والله؟
معاذ يضحك:والله
نور رجعت لفت وجهها للتلفزيون وهي تقول :اخر مرة تقول كلام زي كذا ولا ما يصير طيب
معاذ ضحك:امزح معتس والله وشفيتس
نور :هاذا اول مرة ثاني مرة لو تقول ما تشوف رقعة. وجهي عندك
معاذ قرب منها :والله انتس غاالية بقلبيي نمزح معتس يا قلبي تزعلين من مزووح؟ افا بس
نور :ذا الحاجات مافيها ضحك و مزوح
معاذ:خلاص صدقيني اخر مرة
نور :زيين لا تنعادد

جا عنان وطلعو كلهم وركبو السيارة
جويريا تكلمت وقالت :عنان تكفى خذني عند اختي ابي اتطمن عليهاا
عنان:ابشري بس انزلهم بالبيت واخذتس
جويريا ابتست انه وافق:بشروك بجنته
ام عنان :هيه وين نحن بعد جايين معكم
جويريا تنرفزت :خالة انا رايحة اتطمن على اختي مو عزيمة ترا عشان تجين
ام عنان:طيب نعزييهاا
جويريا سكتت وهي تقول بداخلها نشبةة يا ربيي
وصلو واخيرآ نزلو كلهم ودقو الباب فتحه ، فيصل ولف وجهه بسرعة عشان شاف انهم حريم
وبعد عشان يدخلون
وبعدها فيصل رحب ب عنان ودخله المجلس
وجويريا دخلت لداخل وهي بعيونها تدور لهيام
واول ما شافتها ضمتها وهي تقولها:كيفتس يا روحي
هيام ابتسمت :بخير يا قلبي انت كيفتس
جويريا :بخير يا روحي بشوفتس
سلمو على بعض هيام وخلود وام عنان
ام عنان:عظم الله اجركم
هيام :اجرنا واجركم
جلسو كلهم في صالة واسيل جت سلمت وقعدت
هنا هيام همست لجويريا :قومي معي ابي اقولتس شي
جويريا قامت معها بهدوء
وطلعو برا اثنينهم وراحو المطبخ و وقفتها وقالت بخوف :تكلمي وشصاير؟
هيام نزل عيونها بحزن:انا حامل يا جويريا
جويريا انصدمت بس حاولت ما تبين لها ورسمت ابتسامة بوجهها تخفف عليها من الي هي فيه :مبرووك يا روحيي هاذا خبر يا زين حلاته
هيام تنهدت :خايفة يا جويريا خايفةة يبعدونه عنيي
جويريا مسكت يدها وهي تطمنها :ليه تخافين نحن كلنا حدتس
هيام :بياخذونه مني يا جويريا عمتس اول ما اولده بيزوجني وهو وش يصير فييه ماخذة همه يا جويرياا خايفة علييه
جويريا  :ان شاءالله بنلقى حل بس اهمشي ما يقربون صوبتس وصدقيني بسوي كل شيء لتس ولا يضرتس عمتس الظالم
هيام سكتت
جويريا شدت بكتفها  :وانا اختس لا تخافين محد بياخذه منتس
هيام ابتسمت لها

عند محمد دخل الجامعة و دور فييها كثير بس مستحيل يلقاها في جامعة كبيرة مثلهاا لازم يتعنى لين يلقاها وهو معنده الا خيطين عنوان البيت الي ممكن تكون هناك وعنوان الجامعة الي ممكن تسجل فيه
بعد ما تعب وهو يسأل عنها ومحد يعرفها طلع برا وهو يقول خلاص بروح العنوان واشوف هناك وبعدين يصير خير
طلع وركب التاكسي وهو يوريه العنوان الي يروح له
وحرك السيارة متوجه هناك
لحظات طوييلة لين وصل حاسب . صاحب التاكسي ونزل وهو يناظر بيت عادي دور واحد بس
قعد شويي بعيد عن البيت يحتري يشوف احد ويسأله بيت مين ذا ومن يسكن فيه
قعد كثير يحتري ومافي احد جا
بدا يظلم المكان ومافي احد للحين للحظة ظن انه هالبيت فاضي وين ناسه واهله مافي احد حتى اضويته مقفلة
قام وهو يقول والله ما احتري اكثر من كذا
بس وقف بمكانه يوم  شاف في رجال جا وابتسم انه اخييرآ شاف احد يدله
بس رجع وهو يندس ورا الشجرة لأنه تصرفاته مو طبيعية متلثم ويطالع يمين وشمال لو في احد وكنه جاي يسرق
قرر انه يتأكد ويشوفه وش يسوي
شافه مشي عند الباب وطلع مفتاح من جيبه وهو يطالع يمين ويسار للحين وامره مشكووك فيه مرة
فتح الباب ودخل
ومحمد قرصه قلبه وهو يقول اكيد مو من اهل البيت لو من اهل البيت كان ما يناظر يمين ويسار وهو خايف احد يشوفه
وبعدها غير رايه وهو يقول :يووه وشدخلني انا فيه انا راجع الفندق انام وارجعع الجامعة وابدور عليها
ولف عشان يمشي وتذكر بهاللحظة كلمته يوم قال ابشرر لابو غانم والهنوف في مسؤوليته لين يرجعها لابوها
تأفف ولف مرة ثانية وهو راح لاتجاه البيت
دخل وشاف الباب مفتوح والاضوية مسكرةة هنا تاكد انه سارق لو من اهل البيت كان قفل الباب وفتح الاضوية بعد دخل بهدوء وهو ما يبيه يحس عليه دخل داخل بخطوات بطيئة
وهو يدخل بين الغرف والمطبخ والصالة بس مو موجود شاف في باب بالمطبخ مفتوح راح وهو يقول ان شاءالله موجود هنا مجهز قبضته عشان يلكمه
فتح الباب ودخل وما حصل الا ضربة براسه من قوتها طاح بالارض وهو يمسك راسه
الهنوف و جمان صرخوو
والهنوف ماسكة بيدها العصا :ذبحتته ذبحتته والله ذبحتهه
جنان تقرب منها  تتأكد :ما مات ما مات معليك  لا تخافين شوفيه صاحي
محمد لف وجهه وهو للحين ماسك راسه ومتعور منه
والهنوف عرفته اول ما شافته نفس الي كان بيضربها بالسيارة وقال بذهول : :انتتت؟؟، انت  وش تسويي هناا وشجاابك
محمد ناظر فيها :لعنبوهاا من ضربةة وش تاكلين انتيي
جمان ناظرت ل الهنوف بدهشة :تعرفيينه؟
الهنوف:ايه ذا نفسه قطع طريقي، والحين اكيدد جاي يرجعنييي يا ويليي رحت فيها يا جماان بيذبحوني والله والله رحت فيهااا
جمان :لا تخافيين ما يصير شييء
الهنوف الفتت لمحمد الي طايح بالارض للحين :مين رسلكك ابو زيين صحح؟؟
محمد قام وهو للحين ماسك راسه :اييه منهوز غيره يعني والحين قداامي قوميي ارجعتس الديرة يا بنت الحلالل
الهنوف :والله ما ارجعع معك لو تنطبق السما بالارض انا قاعدة هنا وبكمل دراستي
محمد :اقصري الشر يا بنت ابوتس وقومي نرجع الديرة ترا مب فاضي لتس، الحين او بعدين انتي راجعة الديرة يعني راجعة ارجعي بالطيب احسن لتس من انتس ترجعينه بالغصب
الهنوف بعناد :والله ما ارجع فااهم روح قل لشيخك
محمد :يا ربيي منتس يا بنت
جمان اخذت العصا من يد الهنوف :ترا بدق بالشرطة والله هااه
محمد  :انتي لا تتدخلين يا بنت الحلال و روحي شوفي بيتس قبل الحرامية يسرقه
جمان استغربت : اية حراميية؟ وشتقول انتت
محمد :في حرامي دخل وانا لحقته وجيت هنا وضربتوني براسي لاني خفت الحرامي يسرقكم
جمان ركضت وهي تقول :يا ويلييي
والهنوف وراها راحت ،ومحمد تنهد وراح وراهم
جمان بالغرفة وماسكة العصا :انحاش والله انحاش شفتته انحاء من الشباك
الهنوف :شوفيي لو سرق شي
جمان راحت تفتش بين اغراضها وهي تقول :ايبادي مو موجود والباقي مدري وش سرق ابن الكلب
الهنوف :يا ربيي من ذا البلوة حنا كان ناقصنا حراميي يعني
محمد :اتركي عنتس الحرامي ويالله راجعين الديرة اليوم قبل بكرى
الهنوف لفت له معصبة :وانت ما همكك الا نرجع الديرة ارجع وقولهم الهنوف مااتت تبخرت قول ايي شي المهم اتركوني بحاالي  خلاااص
محمد :انا عطيت كلمتيي لابو غانم وما يصير والا اسوي الي قاله لي وارجعتس الديررة
الهنوف :حلفت ما ارجع معكك فااهم ولا لااا
محمد :بالطييب احسن لتس يا الهنووف
الهنوف بصراخ :لاااا
جمان عورها راسها من محمد الي ما كان الا يصارخ وتقدمت عنده وضربته براسه بالعصا مرة ثانية
وانصدمت الهنوف من الي سوته وقال بصدمة :وش سويتي يا مهبوولة
جمان راسها صدع منه :خله ينام احسن له  وتعالي نشوف وش سرق الحرامي بعد
الهنوف تروح تشوفه :ذبحتييه يا بنتت
جمان :معليك قومي نربط يدينه
الهنوف:لا انتي مب صاحيية وش نربط يدينه
جمان :تبين تكملين دراستك ؟
الهنوف ا:اييه
جمان:اجل قومي نربط يدينه لا تخافين ما مات هاذي ضربة تجي بالراس تفقده الوعي لمدة ساعتين
الهنوف:والله شكلو بصير خاطفة بسبتس
جمان:لا تخافين يا شيخة ما يموت شوفيه يتنفس وماشاءالله عليه تعالي نربط يدينه وخليه ينام بمكانه ساعتين ويصحى انا متدربة

في صباح اليوم الثاني
جمان والهنوف واقفين اثنينهم قدام محمد الي للحين نايم
الهنوف :قلتي ساعتين ويصحى مر كل اليل ولا صحي
جمان الحين بدت تخاف :يمكن الضربة كانت شوييي قوية عشان كذا
الهنوف :قلت لتس يمكن ذبحتيه
جمان راحت وهي تتفقد نفسه
جمان:لا ما مات انا متأكدة  شوفي يتنفس ومافيه الا كل العافية
الهنوف :طيب وش نسوي الحين
جمان:لا تسوين شيء انا بروح الجامعة وانتي قفلي كل الأبواب وخليك موجودة داخل البيت
الهنوف :اخاف يرجع الحرامي
جمان:ما يرجع دامه سرق امس
الهنوف:واذا صحي ذا وصرخ وش اسوي
جمان :ليه يصرخ بتغتصبينه انتي؟
الهنوف:لااا
جمان تحط الشريط لازق :حطي بفمه ، اذا صرخ بس ما اتوقع بيصرخ اهانة له انه خطفوه بنتين
الهنوف :والله خايفة يا جمان اخاف القبيلة كلها تجتمع عندنا
جمان:معليييك يا بنتي بعدين نحن مب خاطفينه بس مخلينه عندنا لين يصحى وبعدين نشوف وش نسوي فيه، و انا رايحة الدوام ولا اوصيك انتبهي يا الهنوف وقفلي كل الابواب  والبيت بيتك تاخذين منه الي تبين طيب
الهنوف ابتست:طيب
طلعت جمان
ومحمد توه بدأ يسترجع وعيه
وهو يشوف نفسه بالارض ويدينه مقفلة وحاطين تحت راسه مخدة ومغطينه ببطانية لا يبرد
محمد قام وقعد بصعوبة لانه رابطين يدينه بسلك الإستشوار :لااا كثر الله خيركم مو مقصرين معي مغطيني ببطانية بعد
الهنوف لفت له وقالت بفرحة:صحييت واخيرآ
محمد راسه مصدع :كسرتو راسيي الله ياخذكم
الهنوف :والله ما بغينا نكسره انت جبرتنا
محمد يناظر المكان :يعني افهم الحين  انتو  خاطفيني؟؟
الهنوف:يعني
محمد تنهد:اخر عمري انخطف ومن مين من بزرتين
الهنوف :والله انت الي جبرتنا ولا نحن قلنا لك بالطيب ارجع الديرة
محمد :لا انتو مب صاحيين اصبري علي يا بنت ابوتس انا اوريتس وش يصير فيتس بعدين
الهنوف :يصير خير لا صرت حر الحين انطم واسكت شكلي بربطك هنا لين اخلص الجامعة ههههههههههههه
محمد كان بيتكلم بس سمعو اثنينهم صوت من برا
الهنوف راحت عند الشباك وهي تناظر برا لو في احد
محمد:رجع الحرامي شكله
الهنوف بخوف :لا مستحيل يرجع
جت و وقفت وهي خايفة انه يكون فعلآ رجع
محمد:تدرين شفت بيده سكين امس انتبهي
الهنوف خافت بزيادة وتذكرتت انه يوم ابوها كان يسافر امها وشكانت تسوي.
راحت وشالت حذيان"وانتو بكرامة" محمد وشماغه
محمد بإستغراب:وش بتسوين فييهم؟
الهنوف :بحط الحذيان عند الباب وشماغك اعلقها برا عشان يعرفون ذا البيت فيه رجال امي زمان لا سافر ابوي كان تسوي كذا
محمد  : ذكية مااشاءالله تبين اعطييتس سروالي وثوبي بعد؟؟
الهنوف:لا لا كافي كذا كثر الله خيرك
وطلعت
ومحمد تنهد وهو يقول اخخ منتس يا بنت ابوتسس اخ منتسس وشذا الحالة الي انحطيت فيها بسبتس يا ابو زيين

قاعدين كلهم بالحوش ونزلت حنان توها تنزل وتدلع
جويريا شمقت وهي تقول :جت الارنبة
خلود فطست ضحك:اشبكم انتو على بعض خلاص انتي بعد روحي واحملي ليه الغييررة
جويريا :لا وين ليه اروح احمل بعدني صغيرة ابي اعيش حياتي قبل احمل واجيب الهم لنفسي
خلود:صغييرة خير عمرتس وصل ال25 الي بعمرتس عندهم خمسة
جويريا :اف خلاص وانتي صرتي تتكلمين مثل امتس ما صدقت متى امتس تروح عشان افتك تجين انتي
جت وجلست حنان وهي تحط يدها فبطنها :صبحكم الله بالخير
جويريا :من ويين يجي الخير بوجهتس
حنان تقعد وهي ترخي ظهرها  :هالفترة لحد يحتك معي انا حامل والمفروض ما اعصب ولا اشتغل ولا اسوي شيء وارتاح وبسس
جويريا  تناظرها بدهشة::خير خير يقلبي تشتغلين معنا مثلتس مثلناا ولا تبين ترتاحين وحنا نخدمتس؟؟؟
حنان:انا مالي دخل عنان الي قاال كذا
جويريا :عشتووو والله اصبري علي بس يجي زوجتس التيس ونشوف وقتهاا  وش يقوول اخر عمري اقعد اخدمتس
خلود:لو سمحتي اخوي وما ارضى عليه  تقولين تيس
جويريا :من زين اخوتس عشان ما ترضين علييه
دخلت ام عنان جاية من برا ومعها حريم
تأففت جويريا وهي تقول هاذا الي كان ناقص
وحنان وخلود قامو يسلمون

عند روزا صحيت متأخرة طلعت الصالة وشافت التلفزيون مفتوح ونفس القناة جاها عقدة نفسية من ذا القناة و هو نايم ولا داري عن الدنيا شافتها فرصة وراحت غيرت القناة ودست الريموت وهي تقول الحين اشوفك تتفرج عليه بس هين يا زين  لو انت ولد غانم ف انا بنت مريموو
ودخلت المطبخ وهي تقول وش اجهز اليوم
وفجأة تذكرت كلام جويريا انه عانديه ولا تطبخين له عجبتها الفكرة وهي اصلآ مو خلق لها تطبخ له وتكفخ وهو قاعد دايم قدام التلفزيون رجعت الغرفة ورتبته على السريع سمعت صوت الباب استغربت من يجيهم بذا الوقت
راحت وفتحت الباب وشافته ابو زين
سلمت عليه وحبت راسه وهي ترحب فيه وكنه ابوها
دخل او زين وهي قفلت الباب وجت وراه
ضربت خدودها وهي تشوفه يناظر في زين الي نايم بالصالة
ابو زين بصوت عالي:زييين
زين فز من نومه و اول ما شاف ابوه قام بسرعة وهو يقول:اهليين فيك يبه تفضلل اقعد اقعد
ابو زين كان يناظره بنظرات غضب وراح وهو يقول:الحقني بسرعةةة
زين:اابشر
ولف لروزا:وش جابه وليه معصب
روزا:علمي علمك والله
زين يدور شماغه :وين شماغي
روزا عطته:خذ
زين لبسه ولحق ابوه بالمجلس
دخلت وسلم عليه وحب يده وراسه
زين:حياك الله ابوي حياك الله نورت البيت والله
ابو زين:بلاا نورت وبلا كلام زاايد
زين:اشفي يبه وشصاير معصب
ابو زين:من بكرى ترجع شغلك وانت راسك مرفووع  وما تنام الا بالغرفةة عند حرمتكك  عاجبك ابوك يجي ويشوفك نايم بالصالة احترمم حرمتك وصونهاا هي مثلها مثل الهنوفف انت شاريهاا ومتزوجها تركت اهلها واحبابها عشانك انتي وتجازيها كذاا
زين :ابشر يبه
ابو زين:ترجع الدكان من بكرى البيت مو للرجاال  وحرمتكك تحطها تاج فوق راسك وتطيب بخاطرهاا ولا تحملها مسوؤلية الي صارر وابيك تدري الي صاار كان خيره لك
زين:ابشر يبه ابشرر
ابو زين:ولا عاد اشوفك طايح قدام التلفزيون ذا والله اكسره براسك
زين:ابشرر
ابو زين:قم نادي حرمتك
زين ناظر فيه:ليه يبه؟
ابو زين:قم وانت مالك شغل
زين :طيب
قام زين وطلع برا وشافها تسمع لكلامهم وهي مبتسمة انه قاعد يوصيه عليها  :تسمعين كلامنا من ورا الباب يا الي ما تستحين
روزا بهمس وهي ترفع حواجبها بنصر :سمعت ابوكك قالك طيب بخاطر حرمتكك واحترمهاا
زين رفع حاجبه بدهشة:والله
روزا:اييه ومن بكرى ابي طلباتي اوامر ولا اشكيك عند ابوك  فااهم
زين:عشتووو والله وطلع لتس قرون وانا اقول مسكينةة والله سكينةة
روزا :اييه تحسب اني ساكتة يعني ما وراي بلاوي انا بنت مريموو مو سامع عنهاا؟
زين :ادخلي ادخلي بس ابوي يبغاتس  قالت بنت امي قالت
روزا زبطت طرحتها :يالله
ودخلت لداخل وقعدت جنبه وهي مبتسمة
وابو زين حط يده فوق راسها بحنية :اسمعي يا بنتي
روزا:هلا
ابو زين:ابيتس تعرفين انه الي صار نصيب وانتي نصيبتس كان لولدي وما تزعلين وتاخذين بخاطرتس من شيء
روزا :لا طبعآ يا عمي
ابو زين :وانتي بنت اصول والكل يمدح فيتس ويشهد علي ربي اني مستانس انتس صرتي حرمة ولديي يليق بمقامتس
روزا ابتسمت
ابو زين :وان قصر معتس ولدي بشيء تقولين لي اناا وحسابه عندي زين؟
روزا ناظرت:مو مقصر معي بشيء يا عمي الله يحفظه لي يا ربب
ابو زين ناظر في زين :اميين  جعلني اشوف عيالكم حولي  عن قريبب
زين جته ضحكة ومسكه وقال:امين
روزا :امين

محمد للحين بمكانه نادا بصوت عالي :الهنووووف يا بنت ابوتسس وينتسس
الهنوف جت:نعم وش بغييت  تصارخ مثل الحرمة الحامل
محمد:ابي اروح الحمام"وانتو بكرامة"
الهنوف :الحمام؟ "وانتو بكرامة"
محمد :افتحي يدي بروح  الحمام وارجع
الهنوف تتخصر:وتحسب غبية لدرجه افتح يدينك عشان تاخذني غصب عني للديرة
محمد :انا ما اخذتي الديرة بالغصب بتجين معي بالطيب
الهنوف :زين قم اخذك الحمام وانا بلف وجهي وانت خلص
محمد رفع حاجبه بدهشة:لا ياه ،  تستهبلين انتي
الهنوف وقفت وهي تفكر:بس ما افتح يدك مب غبيةة
محمد :زين ساعديني اقوم وانا ادبر نفسي
الهنوف :طيب
راحت عنده وهي تقومه واخذته للحمام وانتو بكرامة
و وقفت هي تحتريه برا
اول ما دخل محمد الحمام"وانتو بكرامه" راح عند المغسلة واخذ فرشة الاسنان عشان يفتح العقدة لانه رابطينه بقووة وهو ما يقدر يفتحه بيدينه ابد لازم يكون بيده شيء حاول يفتحه وهو يقول بنات الذيين رابطينه وكني تيس هنين بس
جا له صوت الهنوف وهي تقول:بسرعةةة ما صارتت تراا
محمد :طييب شوي بسس لا تدخليين ترا بتشوفيني مفصخ
وحاول مرة ثانية وهو يفتح العقدة. واخييرآ فتح معه وفتح العقدة وحرر يدينه وهو يمسك يده الي وجعه من كثر ما حاول يفتحه
طلع برا  وهو ناوي عليهاا
والهنوف ما لاحظت انه يدينه تحررو للحين
مسكها محمد من يدينها وهو يوقفها بالجدار ويلزقها فيه وهو يقول :هااه يا بنت ابوتسس وش بتسوين الحين ورييني
الهنوف توترت من قربه والاكثر انه حرر نفسه من صدمتها وخوفها ما قدرت تنطق
محمد بعد عنها وهو للحين ماسك يدينها :راجعة معي الديرةة والحيين فاهمة ولا لاا
الهنوف صدت وجهها بمعنى ما بجي معك
محمد:احسن لتس تجين معي لانتس الحين لو ما جيتي بيرسلون عشرة رجال يسحبونتس من شعرتس تعالي معي بالطيب والله احسن لتس
الهنوف ناظرت بعيونه  :انت ما تعرف ابوي والله بيذبحني من اول يوم خلاص اتركوني بحالي اكمل حياتي واعيش حياتي مثل ما ابغاها اناا ليش هم الي يختارون حياتيي انا ابي اعيش حياتي باختياراتي لانها حياتي اناا
محمد :انتي تعالي معي وانا احلف لتس انه محد بيأذيتس طيب ؟
الهنوف :انا ما اثق في احدد ما اثق
محمد :بس انا كلمتي وحدة ومثل ما وعدت ابو زين اني ارجعتس الديرة انا الحين اوعدتس انه محد بيأذي شعرة وحدة من راستس
الهنوف كانت بتتكلم بس جاهم صوت جوال محمد
محمد للحين ماسك يدينها وطلع جواله من جيبه وهو يرد
ابو محمد :السلام وعليكم
محمد:وعليكم السلام يبه
ابو محمد :اسمع
محمد:هلا
ابو محمد : ابو خالد توفى اليوم وابيك تترك كل شي  عندك وتروح عنده وتسوي بالواجب
محمد :طيب والبنت يا ابوي
ابو محمد:اترك عنك البنت و روح عند خالد وسوي الواجب انا مقدر اجي ودامك بالمدينة روح انت
محمد يتأفف :طيب يبه طييب
ابو محمد:يالله يبه انتبه لنفسك
محمد:انشاءالله يبه
ولف لها وترك يدها وهو يرفع اصبعه لها :راجع لتس يا الهنوف صدقيني راجع لتس
ومشى
والهنوف مسكت قلبها وهي تقول بداخلها يخووف

نهاية البارت
اسفة لكل شخص خليته يبكي في موت تميم بس مدري كيف اصارحكم اني افرح يوم تقولون انه بكيتو 😭افرح لأني قدرت اوصل لكم المشاعر مو لانكم بكيتو ولا دموعكم انتو غالية والله🥺❤️
لافيوو بناتي
تشاووو✌️❤️