رواية من حضرتك عشان قلبي تذله الفصل الثاني والخمسون 52 - بقلم ام عوض

في صباح اليوم الثاني
جود اول ما صحيت جهزت نفسها وعلى طول لبيت عمها فتحت لها جويريا وهي مبتسمة وسلمت عليها وباستها ودخلتها لداخل :نورتي البييت والله يا روحي تفضلي تفضلي
جود تناظرها بإستغراب:منورة بوجودتس
جويريا :وينهم خواتس
جود:جايين بعد شوي "وقربت منها" جويريا انتي طيبة
جويريا :طيبة طيبة تعالي ادخلي داخل شبلاتس واقفة هنا
دخلت جود معها داخل وهي تدري انه جويريا مهما كانت زعلانة ما حتبين هاذا الشي
طلعت ام عنان من غرفة. ابو فيصل لانها سمعت صوت الباب
وجود انفجعت اول ما شافتها :بسم الله رحمن رحيم
ام عنان :شبلاتس شايفة. جني
جود ناظرت لجويريا بصدمةة
جويريا ضحكت:امس سوينا عرس لعمتس فااتس والله عمي كان مستحيي مررة
جود قربت وباستها لام عنان وهي للحين مو مستوعبة :مبروك يا خالة مبرووك
ام عنان :الله يبارك فيتس يا روحي
جود :بس ليه ما قلتو لنا كنا جينا وسوينا الواجب لعمنا وفرحنا فيه
جويريا :صار كل شيء بسرعة يالله اهمشي كنت انا موجوده ة وسويت الواجب عنكم
مشيت عنهم ام عنان بإبتسامة
وجود سحبت جويريا للمطبخ:قوليلي وشسالفة وليه عمي تزوج مريم ما ظنيت يتزوجها بعد السالفة ذي
جويريا تضرب كف بكف وتعض شفتها بحماس :والله سالفتهاا سالفة يا جوود عنان شكله مع كثرة الزواجات هاذي عقله طار من راسه طرد امه من البيت وهي اول شيء سوته جت هنا وعطت موافقتها لعمتس وعمتس ما قصرر متحمس راح عللى طوول وجاب الشييخ
جود حطت يدها بقلبها : يا ويليي لييه يطردهااا هاذا شكله طقو فيوزااته اشلووون يطردها هاذي امه
جويريا :ايه حبيبتي هذيك جويريا الي كانت تحط لسانها بفمها وتسكتت مب سلطاانة طلعت وحدة مو بهينة وانا عباالي وحدة على نياتهاا طلعت انا الي على نياتي والله
جود :طيب وش قلتي بترجعين
جويريا :لا طبعآ اصلا طلقني وخلااص
جود بغت تطيح بس مسكت نفسها :وشهوو؟؟ طلقتس؟؟؟؟؟ الله لا يوفقك يا عنااان خليت اختي تصيير مطلقة بأول عمرها حسبي الله عليييك جعلك ما تشوف يوم واحد زين مع سلطانة ذي
جويريا :انا غصبته يطلقني قلت له يا تطلقني يا اخلعك والحمدلله طلقني بالطيب
جود ناظرت لجويريا الي خرب بيتها بيوم وليلة :جوييرياا تكفين وش الي قاعدة تسوينه بذمتس الحين انتي راضية باللي قاعد يصيير
جويريا :ما بتفهميني يا جود ما بتفهمييني من اول دقيقة الي شفته جنب هذيك المسلطة حلفت بوقتها اني ما بقعد عنده
جود تنهدت :الله يهدييتس يا جويريا الله يهديينس وش سويتي انتي وش سويتي بنفستس
جويريا حطت البريق فوق النار بلا مبالاة
وجود مو مصدقة للحين جويريا تطلقت وخلاص

وبعد ساعة اجتمعو كل الخوات وكانو كلهم مصدومين انه عنان طلق جويريا خلاص والصدمة ثانية انه ابو فيصل تزوج ام عنان
اسيل :والله يا بناات مو مصدقةةة اليوم بتجلطوني انتم بالصدمات الي ورا بعضض اشلون عنانو الخرا ذا طلق جويريا اييه مو بكيييفه
هيام حطت يدها فوق يد جويريا :حبيبتي فكري زيين والله اخاف بكره تندمين
جويريا تنهدت:صدقوني يا بنات اني اناا راضية بكلامي لا تضغطون علي بكلامكم
نور :طيب وبنتس شموخ
جويريا سكتت بكبر
جود:اكيد بيخليتس تشوفينها كل فترة
جويريا :ما ادري بس مو من حقه يبعدها عني اكيد بشوفها وغصب عليه
جود:اشلون يسوي ذا كذاا ما يقدر يبعد ام عن بنتها حراام علييه
جويريا :غصب عليه بشوف بنتي من هو عشانه يحرمني منها مو بكيفه
هيام :والله مو مصدقة للحين يا جويريا طيب والحين وش يصير فيتس
جويريا :بقعد هنا عن عمي لين ربي يفرجها
جود رفعت حاجبها :لين ربي يفرجها
جويريا تذكرت كلام فيصل وقالت بهمس :تخيلو وش سمعت عمي وفيصل يتكلمون اليوم

البنات :وشهو؟؟؟
جويريا :سمعت فيصل يكلم ابوه ويقول انه يبيني
هيام وجود بصدمة:صدقق؟
جويريا :ايه وقال كلام واجد وقال البنت لولد عمها ومدري وشهو
نور:وانتي شرايتس فيه
جويريا :الصراحة فيصل رجال وما به شيء بس انا خلاص طابت خاطري من الرجال اذا على عنان ما كملت ثلاث سنين على بعضهم وش تتوقعون مع فيصل
جود:تبين الصدق فيصل رجال ونعم فييه والله انه زين ومو حق الحريم زي عنان والدليل انه للحين ما تزوج
جويريا تذكرت كلام الي قاله لها قبل فترة يوم قال اذا ما خطبتس عنان ذاك اليوم كنتي الحين حرمتي
اسيل:هييه وين رحتي
جويريا :لا ما رحت مكان
هيام :واذا طلبتس فيصل توافقين؟
جويريا ضحكت :يمكن اوافق عشان احر عنان
اسيل :كفو بديتي تعجبيني
جود :معلينا وينها ام عنان تقول جمعو كلهم وخلوني لوحدي
نور:قاعدة بالحوش مع عمي
هيام:للحين مو مصدقة يا بنات انه ام عنان تزوجت عمناا
اسيل:ما زعلتني الا جويريا جت من هناك عشان ترتاح ولحقتها هنا بعد
جويريا :والله اني ابيها من الله هيين ان ما وريتها عيني الحمرا ما اكوون بنت يااسر
جود:تكفين جوير بدون مشاكل
اسيل:وش بدون مشاكل هي تخرب بيت جوير عاادي بس جوير تسكت لا والله ما تربينا على السكوت حناا الي يحط راسه براسنا يتندمم
نور سندت راسها بكتف جويريا :تدرين يا جوير ما ودي اروح واخليتس وانتي بهاذي الحالة بس والله مجبورة
جويريا ابتسمت ومسحت بشعرها بحنية :معليتس يا قلبي اختس جبل ما يهزها ريح روحي وانتي متطمنة
جود مسحت بكتف جويريا :لعله خير لتس ما تدرين
جويريا :الحمدلله الحمدلله
هيام ضمت جويريا :والله ما تموني علي يا قلبي
وجويريا ابتسمت وبادلتها الحضن وجت اسيل مسرعة وهي تقول :احضنووني معكمم
ضحكو عليهم وطبت نور وهي تقول :وحنا مزهرية هناا ولا وشش
وضمتهم هي بعد
وجود سندت راسها على جويريا وهي مبتسمة لجمعتهم مع بعض اجتمعو هنا بالفرح والحزن وكل لحظاتهم الحلوة بس الحين اجتمعو عشان يضمون حزن جويريا اختهم اللي كانت اقوى وحدة فيهم كانت تقويهم وتسندهم على نفسهاا بس ما عمرها شكت لهم يدرون انها بداخلها موجووعة
موجوعة على فراق بنتها وخيانة زوجها وطلاقها بس ما حتبين لهم ابدد والحين كل وحدة منهم تاخذ هم جويريا وش بيصير فيهاا
شدت جويريا بحضن خواتها وهي تدري انه حياتها الحين تغييرت فيها اشياء واجد فجأة تطلقت وبعدت عن بنتها والاكثر انه جت الجروح كلها مع بعضها وهي تتحدى نفسها بهاذي الجروح وتدري هي انها بتداوي هاذي الجروح هي لوحدهاا ما بتخلي احد يساعدهاا يمكن تبكي ليالي لوحدها وتفرح هنا لوحدهاا
ناظرت لشباك وهي تسأل نفسها بعد سنين من الحين يا ترا وش يكون حالنا؟ وين بنكون موجودين؟
عايشين ولا ميتين؟ كلهاا تساؤالات ببال جويريا الي صار مستقبلها مجهول ما تدري وش مخبي لها القدر ومحد يعرف وش مخبي له
ومحد برضو بيعرف جواب اسئلته الا لما تمر هاذي السنيين ويجي الوقت الي تتذكر فيه اللحظة الي سألت نفسها فيه هاذا السؤال وتضحك وتقول الحين انا هناا وتلقى الجواب للأسئلة الي نسيتهاا مع مر الوقت هاذيي

ويجي اليوم الي نعرف فيه وين صارو بعد كل ذاك السنين و وشصاار فيهم
جود تكوي فستان اجوان وبنتها جنبها تدور حولها
جود :تكفين اجوان لا تركضيين لا تطيحين الحين وتتعورين وابلتش فييتس وبعدين ما نروح زواج الخالتو بسبتس انتيي اهجديي يا بنتي اهجديي
اجوان :مابي مابي
جود:يا ربي منتس روحي عند اسيل بسرعة روحي ازعجيها هي
جا محمد من برا
جود:تكفى محمد خذ اجوان معك ازعجتنيي مو عاارفة اشتغل بسببها
محمد ركض ورا اجوان ومسكها وهو يقول :يالله تعالي اخذتس معيي ما تقدرين تهربين منيي
واجوان قعدت تضحك واخذه معه للغرفة
الهنوف كانت تطبطب على ولدها يوسف عشان ينام ودخل محمد وهو يدغدغ اجوان ويضحكون سوا
الهنوف :هاه الحين كملت العصاابة لو اذبح نفسي الحين ما نام دامك انت واختك جيتو
محمد يقعد فوق السرير بوناسة :ايه نتونس كلنا سواا وشفيهاا
الهنوف:اشلون وشفيها ابغااه ينام الحين عشان ادريي فيه بينام بالعرس ويوم نرجع البييت بيسهرني معه عشان كذا حاسبة حساابي ولازم الحين ينام
محمد :خليه يلعب يا شيخة لا تغصبيه ينام وربك يحلها بعدين
الهنوف تقوم:انا قايمة اطلع فستااني عااد اذا في ليل ما نام اقعدك انت ويااه انا برجع من العرس تعباانة وبنااام على طوول تفهم ولا لاا
محمد :افهم افهم معليتس
وسحب يوسف لحضنه وقعد يلعب هو واجوان ويوسف سوا والهنوف اخذت فستانها وطلعت برا عند جود وهي تقول :جود خلصتي من الكواية ابي اكوي فستاني
جود:لا للحين ما خلصت والله
الهنوف:لما تخلصين تقولين لي انا اندري في اختس اسيلوو بتجي تاخذه وتقعد ساعتين تكويي
جود:وانتي صادقة خل نخلص بسرعة قبل تطلع من غرفتها
ما كملت كلمتها وجت اسيل وهي تصارخ :جوووود
جود :نعم اشفيي
اسيل واقفة بمكانها وما تدري وش تسوي :جوود نزلو المووية وش اسوييي
جود تركت الي بيدها بسرعةة :تكفيين يا اسيلوووو ما لقيتي الا اليووم راحت علينا العرس والله راحت علينا
اسيل مسكت بطنها : انا بمووت هنا وانتي للحين تقولين عرسس خذووني المستشفى بسرعةة
جود :الهنووف جيبي عبايييتها بسرعةةة
اسيل :اتصلوو على وليد خلووه يجي بسرعةة
جود:طيب طيب بنقوله الحيين ولا يهمتس
جت الهنوف وهي بيدها عباية اسيل
جود :هاتي الجووال نتصل عليك وليد ويينه ذاا
الهنوف عطت الجوال لها واتصلو بسرعة على وليد عشان يجيي وهو على طوول ترك الي بيده وطيران ركب سيارته عشان يجي

اسيل :وييينه الزفت للحينه ماا جاا انا بمووت هنا وهو للحينه ما بيين
جود :استهدي بالله الحين يوصل تنفسي
اسيل مسكت بطنها مرة ثانية :حسبي الله علييك يا ولييدوو قلت له نجيب الورعاان بعد خمس سنيين وهو مستعجل يجيبب والله ما عاد اخليه يقرب عنديي انا اوريييك كلبب
الهنوف :خلاص اص فضحتي الرجال استغفري ربك احسن
وصل وليد وجا وهو يركض :اسييل حياتي
اسيل :خذنيي المستشفى بسرعةة يا وليدد بمووت
وليد قومها : بسم الله عليتس يالله الحين نرووح
وجود لفت ل الهنوف :انتبهي لاجوان يا الهنوف
الهنوف :طيب طيب روحي وما عليتس
طلعو اسيل وجود و وليد متوجهين للمستشفى واسيل طوول الوقت تسب وتلعن في وليد وتتوعد فييه وو وليد متفشل وجود متفشلة اكثر منه

فبيت عنان
حنان بيدها فستان شموخ وتنادي عليها :شمووخ يا امي وينتس تعاالي بسرعةة واختاري الي تبيينه والله هلكتييني ورااي شغل ثانيي يا روحيي
شموخ جت :مابي فستاان
حنان :يا يمه هاذي عرس الكل يكونو لابسين فساتين تبين تطلعين بالبناطيل والله بيضحكو الناس عليتس
شموخ :ماابي تكفيين
حنان :لا حبيبتي مو بكيفتس جويريا قاالت بتلبسيين فستان وغصب عليتس يالله
شموخ بوزت :والله العظييم ما البسهاا
حنان تناظرها :عاد اذا عصبت امتس عليتس انا مالي شغل وقتهاا طييب
شموخ:طيب
جت سلطانة وهي تنادي وتصارخ :شمووخ يا شمووخ وينتس تعاااليي
حنان  وقفت بستقامة :خير وشتبيين من شمووخ
سلطانة جت :اندري هي اليي فتحت الكوااية. وحطتها فوق السرير لو ما لحقتهاا كان حرقت الغرفةة تعااليي هنا والله لاذبحتسس يااا شمووخ
حنان دفتها :خير خير اسمعي وش يطلع من لساانتس شموخ ما تسويها شكلتس خرفتي وصرتي تنسيين الكواية شغالة
سلطانة:والله هي الي خلتها شغاالة لا تسوين نفستس ما تخبريين فييها اييه بنت امهاا ذيي اندري هي الي قصت شعري ذاك اليوم بعدد وهي الي حرقت ثوب عناان صغييرة بس زي العفرييتة ترمي سمهااا بكل مكاان
حنان :روحي بس مانيب فاضيية لتس اسمع حكاويتس وراي شغل
سلطانة لفت وجهها عشان تمشي وهي تقول :هييين يا شمووخ هييين ان ما وريتس من تكون سلطاانة اندري امتس تعلمتس علييي اييه
واول ما راحت نزلت حنان عند شموخ :بطلي حركاتس يا شمووخ الي تسوينه مهوب زين يا امي
شموخ :مب انا
حنان :اندري انتي لا تكذبين
شموخ تمشي عنها :تعالي نختار لي ملابس
حنان ضحكت وابتسمت بعدها  وهي تشوفها وتتذكر جويريا كل شيء فيها تشبه فيه لامه مشيتها وحركاتها وكلامهاا وابد ما تمثل دور طفلة كنها وحدة كبييرة
ومشيت وراهاا وهي تدري الحين تقعد نص ساعة عشان تختار لها ملابس

زين توه ركب الي جابه وفتح الموية وفتحت اللمبة الالوان بعد وابتسم ونادا روزا بفرحة :روززااا يا روزااا
روزا جت :هااه خير تناديي
زين :افتحي الموية
روزا استغربت وفتحته وشافت اللمبات الي تشتغل اول ما تفتح الموية وناظرت لزين :وش ذا؟
زين :شفتها اليوم في دكان ابو خالد مرة تهببل يوم تفتحين الموية تشتغل اللمبة ولما تقفلينهاا تتقفل وَ. تشوفين الموية بالالوان
روزا : و وش فايدتها طيب
زين يفكر:يعنيي لما ينقطع الكهرباء نقدر نغسل يدنا وفي نور
روزا :والله يا حبيبي حلوة و ودي نخليهاا بس اعتذر لانك بتطلعها الحين وتركبها لما بنتك تكبر لاني اصلا هلكت معها وهي تلعب بالموية واذا شافت الالوان هاذي على قولتك بتقعد تلعب زياادة وقتها اخلييك انت وبنتك تغسلون الفرش البييت لانه طلعت ريحتها من كثر ما بنتك تجي وتكب موية مو ناقصنيي هاذي الالوان عشان تجي وتزود عليي
زين:عادي نروح عند امي الله يحفظهاا لنا تستقبلنا
روزا :اييه ما شاء الله بتصل عليها واقولها اذا ولدنس جا لا تدخلينه عندتس
زين:اف خلاص بطلعها بس نركبها يوم تكبر ميار
روزا :يوم تكبر ميار بيجي الي بالطريق يا روحي
زين ناظر لها :صح والله نسيت "وابتسم" بس اكيد ولدي حبيبي ما بيكون زي ميار شقية
روزا :طلعها بسرعة انا رايحة اشوف ميار قبل تسوي مصيبة
زين:طيب يا عيوني
مشيت روزا للمطبخ و وقفت بمكانها بقلة حيلة وهي تشوف المطبخ كله طحين اخذت نفس ونادت زين بصوت عالي
جا زين:هااه هاه تروحين هنا زين وتروحين هناك زيين
رورا تأشر له على المطبخ: تفضل شوف بنتك
زين ناظر للمطبخ وسند نفسه بالجدار ب تعب وهو يقول :ليه يا بنتيي لييه تسوين فيني كذاا حراام عليتس والله حراام
روزا :يالله نظف من ورا بنتك
زين راح وشال بنته من وسط الطحين وهو يقول :يا ربي انا وش سويت عشاان بنتي تطلع كذاا والله كنت مؤدب لما كنت صغيير
جا صوت روزا من الصالة وهي تقول: لا تكذذب امك قالت كنت مشااغب وتكب الزييت
زين تأفف من بنته الي كل ما راحت مكان كبت و وسخت

طلعت الدكتورة و وليد راح عنده بسرعة :وش جاابت بنت ولا ولد قوولي بسرعةة
الدكتورة ضحكت لحماسه :مبروك جابت ولد
وليد :يسس فززت فزرتت قلتلهاا ولدد وهي قالت بنتتت قلتلهاا ولدد
جود ضربته بخفة وقالت له بهمس :اهجد يا رجال اهجدد تراك بالمستشفى
وليد استوعب و وقف زي الناس :كيفها حرمتيي
الدكتورة تبتسمت :الحمدلله زينة والحين بننقلها للغرفة
جود :الحمدلله انها بخييير "ولفت لوليد" مبرووك يا وليد مبرووك
وليد :الله يباارك فيتس "وقعد يدور بجيبه" يمه وينه جواالي بخبر ابويي
جود مدته له :خذ طاح منك قبل شوي
وليد اخذ الجوال منها بسرعة وهو يتصل ويبشر ابوه وبعدها بشر اخوه وهو الفرحة مو سايعته لانه صار اب واخيييرآ
وجود مسكت جوالها واول شيء اتصلت على جويريا
رنة ورنتين وجاها صوت جويريا وهي تقول :الو جوود وينتس تعالي بسرعةة في احد يترك اخته بيوم زي كذا امحق خواات والله
جود:الحيين معليتس من كل ذاا تخيلي وش يا جويير
جويريا :وشهوو
جود :اسيلو جاابت ولد
جويريا :يممه صدقق؟
جود: اييه توه الدكتورة بشرتناا مو مصدقة اسيلوو جابت ورع
جويريا :وهاذي ما قدرت تجيب ورع الا اليووم
جود ضحكت :والله هاذا الي صاار
جويريا :تكفيين يشبه من ؟
جود:ما شفته للحين قلت اخبرتس وبعدين اروح اشوفه
جويريا :يمه جوود قبل يومين لقيت ملابس اطفال مرة تهببل بالسوق بس ما شريتها قلت محد عنده ولد بس والله خااطريي اشتريييه لولد اسيل
جود:طيب يروحي انا بقفل الحين بروح اشوف الولد
جويريا :روحي روحي يقلبي
قفلت منها جويريا وركضت بسرعةة واخذت عبايتها وهي تقول والله ما اخليها بخااطري
وطلعت برا والتقت مع ام عنان
ام عنان :خير وين رايحةة في احد يطلع ب يوم عرسه
جويريا :ايه اناا رايحة اشتري الملابس الي شفتها بالسوق ذاك اليوم
ام عنان :مب صاحية والله
جويريا تناظر فيهاا :خيير من يوم صحيتي وانتي مبوزة علاامتس عسى ماشر
ام عنان :مافي شيء وعسى الشر ما يجيناا
جويريا :اندري ليه زعلاانة ومبوزة يا مريمووه تبين ارجع لولدتس الخروف هذااك، بس حبيبتي هاذا يصير باحلامتس وبسس وانا قد وقلت ما ادري ليه بنيت احلاامتس على الفاضي وليته لانتس تبين الخيير لي لاا تبين ولدتس يرضى عليتس
ام عنان :روحي روحي تجهزيي ولا تخربين علي صباحي من اولهااا
جويريا تمشي عنها :مدري من الي طلع بوجه الثاني والله
وطلعت من البيت وهي متوجهة للسوق الي قريب منهم مب واجد بعيد وهي حالفة بتشتري الي شافته يعني بتشتريه شافها فيصل من بعيد واستغربب ليه طالعة من البيت بذا الوقت وبذا اليوم بعدد
ولحقها وراح عندها وحط يده بكتفها وهو يقول :جوييرياا؟؟ انتي وش تسوين هنا
جويريا لفت له وقالت بفرحة:تخيل فيصل اختي اسيل جابت ولدد
فيصل فرح:صدقق ما شاء الله ما شاء الله متى؟
جويريا :توه قبل شوي
فيصل :الله يحفظه لها يا ربب ويجعله من الصالحين
جويريا :امين امين "و ورته الي بيدها" شرايك بهااذ؟؟
فيصل:يهببل بس مسرع جييتي تشترين له
جويريا :قبل يومين جيت مع جود وشفت ذا ومررة عجبني بس ما اخذته واول ما بشرتني بالولد حلفت اشتريهاا
فيصل :طيب خلصي بسرعة عشان نمشي البيت نسيتي اليوم عرسناا مو حلوة احد يشوفنا سوا الحين وش يقول
جويريا : عاديي امس عقدنا قرآننا يعني انتت حلاليي الحين موو
فيصل :الناس وش يعرفها
جويريا :ايه خل النااس تفكر الي تبييه ما يهمني اهمشي شيء اني طالع مع رجلي وحلاالي
فيصل ضحك عليها
جويريا لمحت ملابس بناتية بنفس عمر شموخ وابتسمت ومشيت عن فيصل وهي تقول :لحظة بس
فيصل :روحي وارجعي انا احترييتس هنا
راحت جويريا وهي تشوف البناطيل والبلايز وابتسمت لانها تدري شموخ تحب البناطيل ،ابدد ما تحب الفسااتين
وقعدت تنقي وهي تقول اكيد بيعجبها حبيبة قلبيي
ورفعت عينها ولقت عنان واقف عند ملابس الاطفال ويختار
نزلت عيونها بسرعة عشان ما يشوفها ما تبي يطيح عيونهم فبعض لانها صارت تكرهه هو وطارييه
جا فيصل عندها :يالله بسرعة تأخرناا
جويريا :ها خلصت خلصت يالله نمشي ما يمديني اتجهزز
فيصل :يالله
مشيو اثنينهم للكاشير وبهاللحظة عنان عرفها يوم شاف فيصل عرف انه ذي جويريا اكتفى انه يناظرها من بعيد بدون اي كلمة هو الي خسرها بيده بسبب تهوره وهبله واليوم بتصير لولد عمهاا وما يقدر يعاتب احدد وسواء تقبل ولا لاا هاذا الي صاار
حاسبو جويريا وفيصل ومشيو وعنان وقف بمكانه يناظر كيف كانو وكيف صاروو وما عاد ينفع يندم

دخلت البيت وجت هيام وحضنتها :جوييرياا يا حبيبة قلبيي اشتقت لتس
جويريا بادلتها الحضن :هياموو يا بنتتت وحشتيييني والله وينتس قلتي امس بتجين وما شفتس
هيام :الله يصلحه سعود في اخر لحظة قال نقعد يوم ثاني يا اني قعدت افكر جويريا الحين وش بتقول عنيي كذاابة
جويريا :معليه معذورة يا روحي قوليلي كيف كانت الاجواء في مكة
هيام:تهببل كان ودي نقعد اكثرر بس عشانتس انتي رجعنا
جويريا :يا عمري انتي فديتس
هيام:نور للحينها ما جت تزينتس
جويريا :لا والله للحين
هيام :تعالي ندخل لينه ونشوف فستانتس
جويريا وقفتها :ايه صح درييتي
هيام: وشهوو
جويريا :اسيلوو جابت ولدد
هيام حطت يدها بفمها بفرحة:احلفيي ؟؟متى؟؟
جويريا :توه قبل شويي
هيام:يعمري يا اسيلووو والله ما دريت ومحد قلي
جويريا :معلييه اكيد نسيوو
هيام :وداامه اليوم يوم البشاير انبعد ابي ابشرتس
جويريا فرحت:يمه وش يا زينه من صباح كله بشااير
هيام بفرحة:انا حامل
جويريا ضحكت بفرحة وقرب و ضمتها :مبرروك يعيونيي الله يقومتس بالسلامة يا رب
هيام:امين يا رب وعقبالتس انتي
جويريا ابتسمت :ان شاء الله
ودخلو لداخل عشان يجهزون جويريا الي تتجول هنا وهناك ولا كنها عروسة اليوم
وبعد ساعة وصلت نور الي متأخرة داايم والي المفروض اليوم تجي بدري عشان تزين جويريا هي بنفسهاا
جويريا :هاذاا وانا قلتس لتس امس مرة ومرتين
نور ترفع اكمامها :كنتي تذكريني للمرة الثالثة كان احسن
جويريا تناظر اكمامها :خير بتلكميني انتي بسرعة ابدأي ما ورانا وقت تراا
نور بعدت شعر جويريا عن وجهها وبدت تزينها
وهيام قاعدة عندهم و ولدها برا يلعب مع الاطفال
وخلصت منها وسوت لها شعرها لانه جويريا رفضت تجي الكوافيرة اصرت نور هي الي تسوي لها كل شيء ونور مستانسة بهاذا الشي لانها تحب تزين احد
وصلت شموخ وجت تركض لغرفة الي فيها امها وهي تقول :جوييرياا
نور بعدت عن جويريا وهي حضنت بنتها :حبيبة جويريا وعيوون جويريا وينتس يا اميي من الصبح اقوول وين النور طلع بنتي للحينهاا ما وصلت
شموخ :وش اسوي تأخرر ابويي
جويريا :معليه يا روحي
وبعدت شموخ وهي توري ملابسها :حلويين؟
جويريا :حلوين يا عيوني بس وين الفستان الي قلت لحنانو تزينتس فيها
شموخ :ما عجبني
جويريا ناظرت لهيام :قلت لتس ذوقها بالملابس زي نور
نور شدت خدود شموخ :فديييت شبييهة خالتها "ولفت لجويريا" اقولتس من الحين بنتس لا كبرت بتصير كشوخية زيي انا
جويريا :وين كشوخية الله يهديتس الفساتين وما تلبس والمكياج ومخربة سيرتهم واسمهم مدري وين الكشوخية بالموضووع
نور ضحكت :الا بتصير كشوخية وبتشوفين و يالله الحين روحي العبي مع الوراعين خليني اخلص من مكياج امتس عشان اتجهز انا بعدين
شموخ تربعت جنب امها :لا لا ابي اقعد هنا
هيام ضحكت :خلوها تقعد معكم وانا قايمة اشوف من جا واسلم عليهم وقامت هيام وطلعت برا
وجويريا سكتت:يعني الحين اسيلو تعبانة وما بتجي وجود متقدر بعد لانه معها ليه انا حظي كذا يا ربيي حتى بيوم زواجي ما تهنييت
نور ضحكت :معليتس انا وهيام حاضرين
جويريا ابتسمت :يالله كملي
وقعدت تكمل لها

جود واسيل توهم وصلو
جود :والله انتس مهبوولة يا اسيل اليوم انتي ولدتي ما يصلح تقوومين من مكانتس مب زيين
اسيل :حلفت لتس اني حااضرة عرس اختي يعني حاضرته
جود :الله بلاني باخت مهبوولة مثلتس الحين لو سالني ابو محمد عنتس وش اقووله وصلتها العرس
اسيل :معليتس هو ما بيسأل عني بيسأل عن حفيده
جود مسكت يدها و وليد نادا وهو يقول :الشنطة الزرقا هي حق مين؟
جود:وشتبي بالشنطة  الزرقا تعال ساعد حرمتك المهبولة تنزل من السيارة
و وليد ترك الي بيده وجا بسرعة و وصلهم عند الباب ودقو الباب وبعدها فتحت لهم هيام الي انصدمت يوم شافت اسيل وبسرعة تقدمت وساعدت جود انهم يدخلونها
هيام :مهاابيل انتوو والله مهاابيل صدققق اشلوون تطلع من المستشفى وهي توها والدةة صاحيين و و ويين الولد
جود :للحينه بالمستشفى بيقعد بالحضانة ليومين
هيام :خير لييه ان شاء الله صحته زينة
جود:الحمدلله زينة زينة
قعدو اسيل فوق الكرسي وهيام واقفة عند اسيل :مهبوولة يا اسييل انتي نفاس اشلون تقومين وتجين العرس واذا عرس اختس حتى ما يصلح تقومي كذا وتجيين بكرة لا سمح الله حصل لتس شيء وش نسويي
اسيل :ما يصير شيء ما يصير شي وينها جويريا ما اشوفها
هيام:هي عروسة اليوم اكيد ما بتلقينها تروح هنا وهناك موجودة بالغرفة تزينها نور
اسيل :تكفون ساعدوني اروح لغرفتها ابي ازين نفسي وشذا المنظرر حقيي بسرعة قبل الناس يكثروو
جود:نخليتس هنا بشوشتس هاذي عشان تعرفين وش يعني تقومين وتجين من المستشفى
اسيل:يالله تكفوون
هيام ناظرت لجود :الشكوا لله يالله تعالي نوصلها
قامو اثنينهم وساعدوها

جويريا تناظر نفسها بالمراية :بسم الله رحمن رحييم منهي ذيي
نور:مين يعني انتي اكيد
جويريا :انتي حطيتي لي مكيااج ولا حطيتي لي قنااع ذا مب وجهيي
نور:يا غبية انتي وش عرفتس بالمكياج
جويريا :رجعيلي وجهي بسرعةة لو حاطة كحل مع روج احسن ليي من ذا الوجه
نور:جوييرياا تكفيين قعدت ساعة وانا اسوي لتس والحين تبي تمسحينهم استني شوي تجي هيام واسأليها شكثر  حلوو
ما كملت كلمتها ودخلو هيام وجود ومعهم اسيل
جويريا قامت وهي مصدومة:يويليي اسيلو وشجاابهاا ذيي مو ولدت اليووم؟؟لا يكون غلطانين انتم
اسيل :حاضرة عرستس يعني حااضرة
جويريا جت عندها وضمتها:حبيبتيي انتي الحمدلله على سلامتس
اسيل:الله يسلمتس
جويريا :تعالي تعالي ارتاحي هنا
قعدت اسيل ب تعب ونور راحت عند جويريا :بحط لتس اخر لمسة
جويريا تبعدها:كل ذاا وتقولين اخر لمسةة ليه بقى في لمسة عشان تحطيين
نور:تكفون بناتت حلو مكياجها شوفو وش تقوول
جويريا :كني بوومة شوفو ذا وجهي الحيين خدودي مدري وين راحو وعيوني مسويتهم زي عيون الفرعون ولا البلشر حاطة وتجدد وكنه في احد مصفقني كفوف
اسيل :يخسي احد يصفقك كفوف
جويريا :صح كلامتس يخسي احد يصفقني كفوف بس شوفيي وشذاا
جود :والله حلوو يا جويريا شبلاتس هاذي ليلة وحدة وتمر خلي فيصل ينهببل فيتس
هيام :والله يهببل يا جويريا خلاص اهجديي
جويريا قعدت وهي تناظر نفسها
اسيل :يالله نور تعالي حطي لي الحين
نور تحمست وشالت اغراضها وراحت عندها :وشذاا اليوم الحلوو الكل يطلب مني اسوييله عيد والله عيدد
اسيل:بس شوي شوي مو زي جويريا كنه في احد مصفقها كفوف هخخخخخ
جويريا :اوريتس بعدين يا اسيلوو هييين
جود:انا طالعة اكلم الهنوف تجيب تلم عفشي وتجيبهم ما عندي حل غير اتزين هنا
هيام:وانتي صادقة روحي كلميها مافي وقت
طلعن جود تكلم الهنوف وهيام طلعت بعد بس وقفت يوم شافت ياسر وشموخ
وياسر يوم شافها جا عندها وهو يقول :يمه شوفي هاذي اخذت الكورة مني
شموخ  تهز رجلها :هاذي لها اسم
هيام:اشفي ليه تتهاوشون
ياسر:اخذت الكورة
هيام لفت لشموخ :ليه يا يمه اخذتي الكوره حقته
شموخ:لأنه ذا عرس مب ملعب عشان يلعب بيخرب عرس امي
ياسر قرب منها وسحب الكوره منها بس هي مصرة ما تعطيه
ياسر بصوت عالي :اعطيييني
شموخ :زواج امي ولا امك انقلع يالله بس
هيام مسكت ضحكتها ومسكت يد ياسر وهي تقول :تعال يمه تعال بعدين لو رحنا بيتنا بتعطيك الكورة
ياسر سكت وهو زعلان
وهيام ضحكت وقالت: بنت جويير مب بهينةة يا ولدي

ومرت الساعات بسرعةة وجا وقت الزفة
ودخل فيصل على جويريا بالغرفة عشان يصورونهم قبل وبعدين يزفونهم
واول ما دخل تصنم بمكانه يوم شاف جويريا
وكان عيونه تقول اعجابه فيها قبل كل شيء تقدم بالخطوات و وقف عندها وباس جبينها وهو يقول :مبروك علينا يا جويريا
جويريا ابتسمت:الله يبارك فيك
فيصل ضحك بتوتر :ما ادري وش يقولون بهاذي اللحظات بس طالعة تهبليين يا جوير
جويريا ضحكت :وانتي طالع تهبل مع الشنب هاذا
ضحك فيصل وقال: عجبك؟
جويريا :يهبل
ودخلت المصورة انفال وهي متنقبة مصورة الحارة مو كل الناس تصور بس بطلب من فيصل طلبوهاا
وقفو جنب بعض وبدت تصورهم وفيصل كل ماله يشد بيد جويريا مما يحسسها بالامان اكثر واكثر
خلصت المصورة وجت ام عنان وهي تقول :يالله يالله الزفة وش محتريين الناس تتعشى وبعدين تنزفون
جويريا :تكفين حتى اليوم تبين تخربين علي ارحمييني يا مرة ارحميني مو كافي اني قاعدة عندتس هناا خلي هاليوم يمر بخيير
ام عنان :وش قلناا
فيصل ضحك. وقال :يالله جايين
شغلو اغنية الزفة وتقدمو اثنينهم ماسكينهم ايدينهم وجنبهم شموخ تمشي معهم وهي مستانسة ما تحب فيصل مررة بس مستانسة عشان امهاا
وابتدا الكلمات الي كانت توصفهم اثنينهم

إدخلي عمري بخطوتك اليمين
إضوي أيامي وعتمات السنين
قرت عيوني بشوفك مقبلة
يا الملاك اللين العذب الرزين
إسمعي نبضي وراء صوت الدفوف
من لمحتك ضيع الشوق الحروف
إسمعي نبضي وراء صوت الدفوف
من لمحتك ضيع الشوق الحروف
نورتي نورة حياتي دنيتي
يا ضيا عيني وأغلى ما تشوف

إدخلي عمري
إدخلي عمري بخطوتك اليمين
بخطوتك اليمين
إضوي أيامي
إضوي أيامي وعتمات السنين
وعتمات السنين

إضحكي يا نور عيني وإسعدي
خلي الفرحة في عمري تبتدي
العمر قبلك وهن ما يحتسب
هذي الليلة تراها مولدي
في وسط قلبي حفرت اِسمك هنا
جويريا بنت ياسر تراها لي أنا
في وسط قلبي حفرت اِسمك هنا
جويريا بنت ياسر تراها لي أنا
نصفي الثاني وفرحة دنيتي
دامي، دامي لي حياتي في هناء

إدخلي عمري
(إدخلي عمري بخطوتك اليمين (اليمين
بخطوتك اليمين
إضوي أيامي
(إضوي أيامي وعتمات السنين (وعتمات السنين
(وعتمات السنين (وعتمات السنين

إدخلي عمري
إدخلي عمري بخطوتك اليمين
بخطوتك اليمين
وإضوي أيامي
إضوي أيامي وعتمات السنين
وعتمات السنين

قعدو بمكانهم وفيصل همس لجويريا وقال:بنتس شموخ شكلها ناوية تذبحني دعست على رجلي ثلاث مرات
جويريا ضحكت وهمست له  :لانك سرق امها منها
فيصل : ايه سرقتها والله ومعترف بذنبي هاذي الليلة مو انتظار يوم او يومين صدقيني هاذي انتظار سنيين وسنيين وعد مني لتس اصل على الوعد وما اخيب ظنتس فيني
جويريا ابتسمت وهي شوي وبتطير من الفرحة ابتدت حياتها من اول وجديد مع شخص ميقنة بانه شخص الصح ومستحيل يجي يوم ويخونها زي ما سوا عنان ورمت كل شيء ورا ظهرهاا لانه مافي داعي ابد تقعد وتتحسر على حظها و تبكي عليه لانه ما صار شيء سيء والا فيه خير لها عشان كذا حصل واذا خسرها عنان يعني هاذا كان خيرآ لها وربي عوضها بفيصل الي كان العوض الجمييل فعلا وشموخ بنتها جنبهاا
صحيح ما قدرت تكبرها هي بس كانت كل يومين تشوفهاا وظنها في حنان كان بمحله لانها كبرتها بدون لا تقصر عليها بشيء واحد حتى لدرجة صارت تناديها يمه وتنادي جويريا باسمها
ومن جهة الثانية هيام كانت واقفة ومبتسمة لجويريا وتتمنى لها الحياة سعيدة وتدعي انه فيصل يكون طيب وحنون معها زي ما سعود طيب وحنون معها وجنبها ولدها ياسر شالته بحضنها وباسته وهي تقول :ابيك يولدي تصير زي ابوك طيب وحنون وابيك تحب اخوانك زي حب سعود لاخوه طيب يا روح امك
ياسر هز راسه وهي مبتسم :طيب
ورجعت باسته وهي تحط يدها فبطنها وابتسمت للطفل الي بينور حياتهم بعد شهور وحياتهم مافي احلى منه ينحسدون عليهاا و ما نست تميم للحين والشي الي يفرحها اكثر انه ياسر يشبه لابووه بشكل كبير وكل ما تطالع في ياسر تتذكره بس طبعآ ما تبين هاذا الشيء لسعود لانه مهما كان يحب اخوه تميم الغيرة هي بالفطرة وطبعآ بيتضايق وما يذكرون تميم الا بالطيب بالبيت
وجود جنبها بنتها ومستانسة لاختها جويريا لأنه تقريبآ الكل اخذ نصيبه من الزين الا جويريا راحت ضرة وما ارتاحت وفوقها ام عنان زودت عليها وضيقت بعيشتها لين ما خربت بيتها وبعدين ارتاحت وبعد كل هاذي السنين تجرأت وأخذت خطوة و وافقت على فيصل الي ما خطب غيرهاا وانتظرهاا ليين تواافق
وحياة جود استمرت بالاحترام والود مع ابو محمد الي ما قد عمره غلط عليهاا واحترمها وحبها اكثر من اي شيء بالدنيا ونورت حياتهم اجوان الي سرقت قلوب الكل بالبيت قلب اخواانها وابوها وبيت ابو محمد الي كان هاادي وما ينمسع فيه اي صووت صارت مليانة بصوت الحب والود والبهجة
والهنوف الي بحضنها ولدها يوسف ضحكة جويريا مع فيصل ذكرتها باول ليلة لها مع محمد وانتظار فيصل لجويريا برضو ذكرها بمحمد الي انتظر شهوور لين يوافقو الكل وهي شافته بعيونها قد ايش كان يقنع بالكل انهم يوافقون بس سهلت دربهم و وافقو وصحيح ب لحظة جهل منها هربت من يوم زواجها وما تنكر انها ندمت يوم درت في زين واشلون طلع عكس ظنها بس بنفس الوقت متاكدة ويقينة انه محمد احسن لها من زين لانه لو زين كان احسن لها ما كان هربت وما صار كل ذا وصارت من نصيب محمد وحاليآ قاعدة تدرس بالجامعة صح صعب عليهاا مع ولدها يوسف بس محمد قاعد يساعدها ويدعمها بكل خطوة تخطيها
واسيل الي ضحكت وهي تتذكر اول ليلة لها مع وليد كيف كان سخيف بسبب هبالها الي للحينه موجود بس هبالها هاذا ضاف شيء حلوو بعلاقتهم ببعض وليد قبل كان شوي هادي بس بسبب اسيل تغير وصار بشوش وضحوك و ولدهم الي ولد اليوم اشتاقت له وعرفت وش تعني كلمة ام انها اشتاقت له بساعات قليلة جدآ وكل شوية تتصل على وليد وتسأل عن ولدهاا
وروزا ما حضرت العرس بس كانت بهاذي اللحظات قاعدة مع زين و ميار بنتها وتطالعهم وهم يضحكون صحيح تعبت واجد من شقاوة ميار بس تحبها حب ما تقدر توصفه ومستانسة انه بيجيهم ولد ثاني ينور حياتهم وزين مافي اسعد منه كانت يطفش روزا وجت ميار وطفشته بس للحينه زين الي عرفناه ما يهجد وهو وميار اثنينهم مطفشين روزا
وتوسعت ابتسامة روزا وهي تشوف التليفزيون وتتذكر اول يوم لها هي وزين وكلها بتبقى ذكريات حلووة يتذكرونها وكانت ميار ثمرة حبهم
ونور الي كل ما تشوف اطفال خواتها يتأثر قلبها ويحن بس بنفس الوقت للحين مصرة ما تجيب اطفال لين تسوي الي فبالهاا وتقريبا قربت من الي بتسويه وتحقق حلمهاا ومعاذ اول داعم لهاا اختلفو شوي ببداية زواجهم بس بعدها حبو بعض وتقبلو وشكرو ربهم بالنصيب الي جمعهم مع بعض
وام عنان الي كانت تناظر الزفة بعيون مدمعة
ما زفت جويريا لعنان بس زفتهاا لفيصل
وبسببها هي جويريا افترقت عن بنتها وزوجها وبالوقت الي كانت تحفر لجويريا ما درت هي بتطيح بهاذي الحفرة جويريا الحين تزوجت وبتعيش مع فيصل حياة حلوة هي الي خسرت بالنهاية خسرت ولدها وشوفته وهو للحين ما يكلم امه صح تصالح معهاا بس طابت خاطره من امه وما عاد رجع معها زي اول السلام يالله يسلمها
وعنان عاش حياته مع حنان وعياله الاثنين وبنته
وسلطانة اخذت بنتها وراحت سكنت عندهم
بس حياتها ما كانت مثل ما كانت تبيهاا لانه عنان ما تقبلها مثل زوجة كان يحاول واجد انه يعدل بينهم بس ما ظهر لها ابد انه يحبهاا والبرود كان دايم ثالثهم بس لقت جزء من الي تبيه والي هي الفلوس والملابس الحلووة والعيشة بهذاك البيت بس حياتها ناقصةة بدون حب الزوج وحاليا هي حامل
وحنان زي ما هي طيبة مثل ما عرفناها وعنان نفسه معها ما تغير في معاملته وزاد حب لها لانها ما تركته زي جويريا وقدرت تصبر عليه وكبرت بعينه اكثر من قبل وحبت شموخ زي بنتها واكثرر وشموخ تناديها امي وما تقدر تعيش بدون حنان ولو ثانية وحدة
وخلود تزوجت من زبير بعد سنة وحدة من زواج امهاا وعاشت حياتها مع زبير حياة تنحسد علييه
وصحيح حماتها مخربة عليهاا شويي بس هي بنت مريموه قد نفسها والكلمة تقولها ما تكتمهاا
وانايا حملت وجابت ولدين ورا بعض وعايشة مع ادهم الي ما قصر معها بشيء والاكثر انه يحبه عياله اكثر شيء بالدنيا ولا يرضى احد يغلط علييهم
وللحينه ما عرف انه انايا هي الي راحت وخطبته من ابوه وصح انايا فبعض الاحيان تندم ليه سوت كذا بس بنفس الوقت يوم تشوف معامله ادهم لها وحنانه تقول يستاهل الي سوييته والمهم ان الي سوته ما راح على الفاضيي
واستمر حياة الكل مع ازواجهم وعيالهم صح تمر عليهم شوية مشاكل بس يتعدونها لانه الحب الي بينهم اكبر من هاذي المشاكل

(النهاية)

ونقدر نقول الحين وصلنا لنهاية الرواية ما كان ب ودي تنتهي الرواية لانها صدق اول رواية كنت اكتبها وانا مستمتعة جدآ بس مافي طريق وماله نهاية واليوم كتبت نهاية الرواية الي ما بيفرح البعض لانه ابطالنا ما كانو مع بعض وافترقو
بس النهاية توقعتها واضحة لكم من اسم الرواية ومن اول ما بديت الرواية وانا مخططة افرقهم في نهاية الرواية وازوجها لفيصل الي كان يحبها من يوم وهي صغيرة بس كانت مشاعر بينه وبين نفسه ما تجرأ واعترف لهاا وجاه النصيب انه يتزوجها بعد ما تزوجت وجابت بنت وتطلقت
ونهيت الرواية ب نهاية سعيدة وانا الصراحة عن نفسي راضية عنهااا جدآ
وشخصية عنان وحياته تقرييبآ حقيقية اخذتها من قصة بالواقع كل ما حاولت اطلع شخصية ثانية من بالي كنت اربطها بهاذا الشخص
واعتذر اذا صار اي قصور مني لانه اكيد مب بقصديي وبفقد الرواية وبفقدكم
واشكر كل شخص دعمني وفرحني بتعليقاته الحلوة
وصحيح كان في البعض الي تعليقاتهم مو مقبولة وتحطم بس كانت فترات وعدت ازعل شوية وارجع اكتب والحمدلله ما أثرت فيني واجد
اخذت كتابة هاذي الرواية شهرين و 14 يوم 😭وقلت فبدايتها اني ما بتكون طويلة زي رواية عيال خالد بس طلعت اطول من رواية عيال خالد 😂
ه

ه

والحين محتارة اكتب الرواية الي بعدها الحين ولا بعد ما يخلص رمضاان لاني ادري في رمضان انا ما بكون فاضية ابدد واذا نزلت لكم يمكن انزل كل اسبوع
او نوقف شويية ويمر رمضان وانشر لكم اول بارت بعدهاا والصراحة مررة محتاار

بس والله

اتمنى تنوروني في روايتي الجديدة
(شاعر لعيون القصيد)
وكل رواية لي بتكون لها اجواءها الخاصة بتكون قصتها مختلفة عن هاذي الرواية
وعشان احرق عليهم شويتين في عايلة ظهرت في هاذي الرواية بتكون موجودة هناك
وبسسس والباقي تحمسوو لهااا

تمت كتابة رواية (من حضرتك عشان قلبي تذله)
بقلم الكاتبة (اروى قمر)

بتاريخ
١٤ رجب ١٤٤٤ هـ

استودعتكم الله ❤️