رواية من حضرتك عشان قلبي تذله الفصل الحادي والخمسون 51 - بقلم ام عوض

جويريا قاعدة وعمها قدامها ويمسح بجبينه :لا حول ولا قوة الا بالله لا حول ولا قوة الا بالله اشلون يسوي فيتس كذاا
جويريا :زي ما سمعت ما عميي هو سواها وخلااص وانا اخر كلام عنديي اني بتطلق منه
ابو فيصل :ما يصير الحين انتي معصبة وما تدرين وش تقولين روحي نامي ياا بنتي وبكره نشوف وش نسوي
جويريا :انا كلامي نفسه الحيين او بكره يا عميي
ابو فيصل :ما يصلح يا بنتيي ما يصللح انتو بينكم بنت لا تنسيين وش يصير فيهاا
جوريا سكتت وما جاوبت
ابو فيصل :فكري زيين يا بنتيي ما يصير تاخذين قرار بيوم وليلة
جويريا قامت :اذا ما تبيني اقعد عندك يا عمي قول ولا تستحي مو ترجعني غصب عني كافي انك زوجتني غصب حتى هاذي تبيها غصب عنيي
ابو فيصل  تكلم بسرعة: لا يا بنتي والله ما اقصد كذا "وتنهد" خلاص انتي روحي نامي الحين تأخر الوقت وبكره نتكلم زين؟
جويريا سكتت وهي تدري عمها ما يقصد:طيب
قامت من مكانها وطلعت برا المجلس وكان فيصل واقف برا وسمعهمم وما استوعب الي سمعته وقعد يسأل نفسه معقولة صدق بتتطلق؟؟؟
وسرعان ما ارتسمت الابتسامة بوجهه من الي قاله بداخله
وجويريا دخلت الغرفة وحطت شنطتها وفصخت عبايتها بقسووة وهي مو مصدقةة نهاية قصتهم انهم يفترقوون ما خططت كذا بخياالهاا ابد ما خططت كذاا
دخلت الحمام"وانتو بكرامة" وقفلت الباب من وراهاا باالمفتاح وفتحت الدوش ونزلت تحته وهي حاطة يدها بفمها كاتمة شهقاتها ما تدريي تلقاها من جرح عنان وخيانته ولا من فراق بنتها شموخ ولا من سلطانةة الي كانت لها زي الاخت وصديقة. وشكت لها وضحكت معهاا واخرتها طلعت هاذي الي كانت تحفر لهاا
ضربت الجدار بيدينها وهي تقول :ليييه يا عنااان ليييه لييه تسوي فييني كذا ليييه حبييتكك وقلبيي يشههد عليي انيي حبيييتك لييه سويت فيييني كذاا لييه
كانت الموية الباردة تنزل عليها زي الناار تحرقها
ما ظنت بيوم نهاية مشوارها مع عنان يكون الفراق ظنت كل شيء ولا ظنت كذاا والندم ياكلها ليه عطته فرصة من البداية عشان يذل قلبهاا هي كانت رافضة تحبه من البداية بس استسلمت بالنهاية وحبته وهاذا اكبر خطأ سوته لانها كانت تدري عنان من اي نوع ورغم هاذا حبته وقالت ما يسويهاا

مرت اليوم بصعوبة على الكل كان يوم صعب وطوويل وشقاها تعب الكل وشرقت الشمس من اول و جديد
صحيت جويريا على ضوء الشمس الي ضوءه وجع عيونهاا الي ذبلت من كثر ما بكيت امس
جود قربت منها :واخيرآ صحيتي يا روحي
جويريا لفت لها وهي مصغرة عيونها تناظرها بإستغراب: بسم الله انتي وش جابتس هنا
جود :عمي اتصل فيني وخبرني على كل شيء
جويريا تقوم وهي تبعد شعرها :ايه زين انا قايمة اغسل وجهي
جود وقفتها :جوييريا اقعدي بكلمتس
جويريا قعدت :تفضلي
جود ناظرت لعيونها الي توضح لها شكثر امس بكت:جوييريا اسمعي من عمتس وارجعي لرجلتس وبنتس ولا تسوين كذا انتي كبييرة وفاهمة و واعية اشلون تسوين كذاا
جويريا ضحكت بخفة:وتبيني اقعد عنده بعد الي سواه فيني بعد يا جوود؟؟؟؟
جود:عشان بنتس تحملي
جويريا قامت بسرعة:لاا يا جود انا مو من الحريم الي تقوول عشان عيالي بتحممل لاا انا مو منهمم تقدري تقولين عني انانية ام سيئة تقدري تقولين كل شيء عنيي بس والي خلقني وخلق الكون اني ما برجع له لا الحيين ولا بعديين وان كان بيفرق بنتي عنيي خله يفرقها عنيي  واذا انتي جاية عشان ذا الموضوع اقولتس لا تتعبين نفستس وارجعي لبيتس لاني انا كلمتي وحدةة ما بتتغيير لا انتي ولا عمي بتقدرون وغصب عن الكل انا بتطلق
جود تنهدت من جويريا وسكتت
وجويريا دخلت الحمام "وانتو بكرامةة"

ام عنان قاعدة ومو مصدقة للحين الي صاار
زي الحلم  بنسبة لهاا تصحى وجويريا مو موجوودة
صحيح ظنت انها تترك البيت اول ما يتزوج عنان بس ابدد ما ظنت انها  تطلب الطلاق بعدد
هاذا الي ما كانت حاسبه حسابه وتضرب لها مثل ضربت عصفورين بحجر واحد
بهاللحظة نزلت سلطانة وهي مبتسمةة ابتسامة نصرر
ام عنان :ياا صباح الورد والزهور بوجهتس يا سلطاانة والله انتس وحدة ينشد فيها الظهرر سويتي الي ما قدرت اسويه كل هاذي الشهور  اشلون بشيء صغير زي كذاا خليتيها تطلع من البييت والله منتي قلييلة هااه
سلطانة قعدت بفرحة:ايه انا سلطاانة ما دريتي فينيي احفر وازرع من ورااتس بدون ما تدرين و هااه جويريا قد حست فيني لااا ابد
ام عنان :والله صدق ينخااف منتس
سلطانة تحط رجل على رجل :ايه كنت بسألتس
ام عنان :تفضلي بنيتي جعل ما يسال غيرتس
سلطانة:انتي متى بتعرسين؟
ام عنان نزلت فنجان الشاي وهي تناظرها :وشوله ذا السؤال الحين
سلطانة:ايه انتي قلتي موافقةة مو؟
ام عنان :لا حبيبتي انا مب موافقة بس كنت اقول كذا عشان جويريا ولا انا مابي اعرس اصلا ومن ميين بعدد من ابو فييصل لا والله الي احسن منه ما قبلت فيهم واقبل بهاذا لا لا يقلبي
قامت سلطانة من مكانها بسرعة :وش تقولين انتي يعني بتقعدين فوق راسي هناا
ام عنان تناظر فيها :تبين استأذن منتس اذا ب قبل ولا لاا وطلع وجهتس الحقيقي من اول يووم
سلطانة :انا وش يعرفني بتقعدين وتتربعين هناا بس مو بكيفتس انتي قلتي مواافقة وبتعطين موافقتس لولدتس ولا انا مو ناقصتني وحدة اهتم فيها
جت خلود وسمعت  كلامها ذي وجت عندها ولفتها عندها بعصبية : هيييه هييه من انتي تكلميين امي كذا هااه اقطع لساانتس هاذا وارمييه للكلابب تفهميين ولا لااا حلو والله البيييت بيت اميي وتبي تطردها منه من اول يوم بانت وجهتس الحقيقي صدقق من قاال ماا تحت سواهي  الا الدوااهي
سلطانة :انتي خليتس بالمطبخ احسن لتس زين؟ "ولفت نظرها لام عنان وهي مبتسمة " وانتي يا مريمووه بتتزوجين وغصب علييتس والله ما اقعد بذا البييت وانتي موجودة فييه مانيب غبيةة زي ما نويتي وحفرتي وطلعتي جويريا بكره تسويين نفس الشيء معي بعدد
خلود ناظرت لامهاا :يمه وش تقول هاذيي انتي وش سويتيي
سلطانة:حبيبتي خلوود تدريين ان هاذي الزوااج وكل شيء امتس هي الي خططت له وقنعتني انا بعدد وقنعت اخوتس عناان ولا عنان ما كان فباله يعرس لاا ابد ما كان فبااله بشوية اقنااع من امتس وافق
خلود :يممه وش تقوول تكفين
ام عنان دفت سلطانة بعصبية :والله لاذبحتس يااا كلبةةة بنت الكلببةةة يا منااافقةة
سلطانة بعدت خطوتين ورا وهي تضحك :والحين بتوافقين  تعرسين وتروحين بالطيب ولا لاا لاني الصراحة مقدر اتحملتس بالبييت  دقيقة وحدة
خلود :تخسيين وتعقبيين تطلع من هاذيي البييت
سلطانة بأريحية :طييب براغحتس يا مريموه نتلاقا عند عنااان بروح واخلييه يسمع الي سجلته
ام عنان :الي سجلتيه؟؟ تعاليي وش تقولين انتيي
وبسرعة وقفتها :وش تهرجيين وش الي سجلتييه
سلطانة:كل كلامتس في اني اطلع قدام عنان وتعليماتس ترا سجلتهم تبين تسمعيين؟؟
ام عنان انصدمت فيهاا اشلون طلعت حية تحت التبن :ما توقعتس حقي*رة كذاا يا سلطانة
سلطانة ضحكت:اتغدا فيتس قبل تتعشين عليي
ومشيت من عندها وام عنان ناظرت لخلود الي نطرتها كلها عتب لامها :يمه ليه سويتي كذاا ،حرام عليتس والله حرام علييتس
ومشيت من عندها وام عناان مصدومة للحين من سلطانة وندماانة من الي سوته لانها كانت تدري في طبايع سلطانة واشلون هي منافقة وحية بس ما توقعت ابد انها تغدر فيها وتبيها تطلع من البيت
وصحيح قدرت تطلع جويريا بس ما بتقدر تقعد مرتااحة لانها تدري سلطانة بتسوي كل شيء عشان تطلعها من البييت ومافي حل قدامها الا انها توافق
دلكت جبينهاا ب تعب وهي مو مستوعبة وين وصلت نفسها هيي

نور حطت يدها بقلبها:وشهوو
جود :ايه والله زي ما قلت لتس
نور:والحين وينها هيي وكيفهاا
جود:فبيت عمي وين تكون يعني المسكينة
نور :يعمريي والله ما تستاهل يصير فيها كذاا
جود :وانتي صادقةة
نور :وشمووخ معها ولا لا
جود:لا مو معها خلتها عند ضرتها
نور شهقت:عند العروسة؟؟
جود:هبلة وش عند العروسة مع حنان اكييد
نور تمسح عيونها ب تعب :طيب اسمعي انا اليوم مقدر اروح عندهاا مشغولة وااجد بيجونا الاهل اليوم وبعد بكره حنا راجعين بكره ازبط وقتي قبله وبروح عندهاا
جود:طيب يا عيوني انا رحت عندها بس هي ما رضيت تكلمني ورجعت فبيتي مرة ثانية مشغولة اليوم واجد وانبعد بكره بروح عندها وهيام اتصل عليها ما ترد شكلها نايمة
نور :بس والله يقهر رجلها هاذا اجل يتزووج على اختنا والله ما ارضااهاا اختي تقعد وفوقها ضرة بهذاك البييت وش ناقص اختيي عشان يروح يعرس عليها
جود تنهدت:الرجال يا نور لا تأمنين فيهم يا روحي
نور:صدق والله
جود:يالله انا بقفل الحين يا عيوني اجوان تبي رضوعة بسويلها
نور:طيب انتبهي لنفستس
جود:وانتي بعد حياتي

جويريا دخلت المجلس وقعدت :صبحك الله بالخير يا عمي
ابو فيصل كان سرحان ويفكر وصحي بصوتها وابتسم وقال :صبحتس الله بالنور يا بنتي
جويريا :هاه كلمت عنان
ابو فيصل استغرب :لا ما كلمته بس ب وش اكلمه
جويريا :لا تبطي يا عمي لانه انا مصرة بقراري وانت تدري وانا ادري ما اتراجع عنه قوله يا يطلقني بالطيب او بروح المحكمة واخلعه والله العظيم يا عمي اسويهاا
ابو فيصل :لا لا وش تخلعيينه
جويريا :زي ما سمعت يا عمي بخلعه والله اذا ما رضيي
ابو فيصل :هدي يا بنتي شوي والله ما يصلح الي تسوينه اقعدي مع نفستس وفكري
جويريا :يا ربي منك ياا عميي ،اقوولك ابي اتطلق انت لييه موو  راضي تفهم
قاطع عليهم فيصل وهو يدق الباب :يبه
ابو فيصل :هلا يبه تفضل
فيصل:لا جيت اقولك عنان برا ويبي يكلم حرمته
جويريا صدت نظرها  بقهر وهي تقول:وكماان جايي بكل عين
ابو فيصل:دخله يا يبه دخله
فيصل:طيب
ودخله فيصل المجلس الي اول ما دخله طاح عينه على جويريا الي ما تحملت وجوده وقامت من مكانها بس عنان مسك يدها :انا جاي اخذتس، بسرعة قومي لمي ثيابتس وخلي نمشي البيت
جويريا ناظرت فيه:انت ما تفهم اقولك مابييك ولا ابي ارجع بيتك تقولي قومي لمي ثيابتس  تستهبل معي يا عنان
عنان :لا بترجعييين وغصب علييتس وطلااق مانيب مطلقتس تفهميين ولا اقولها لتس ب لغة ثاانية
جويريا :طيب براحتك لا تطلقني اقدر اروح واخلعك بسييطة يا حبيبي
عنان انصدم:جوييرياا
جويريا :والله اسويها يا عناان والله العظيم اسويهاا طلقني بالطيب ولا تفضح نفسك بين العرب احسن لك صدقني
عنان بصراخ :ما بتسوييينها وترجعييين معي الحييين وغصب علييتس
ابو فيصل :استهدو بالله يا جماعة وش الي تسوونه انتو
عنان بإصرار :بترجعيين معي يالله بسرعة وين عبايتس
جويريا سحبت يدها بقسوة:انت تظنني امزح يا عناان خلااص انا ما عااد ابييك ان شاء الله لو تطلق سلطانة الحيين وتسوييي الي ابييه طابت خاطري منكك الي خسرني ونزل من قدري  لو يمرر السنين وشفته بالارض ما خذييته ظنيت لاني احبك بتغاضى واصبر لاا صدقني اواازن بين الحب والكرامة واجد واذا لزم اتخلى عن الحب لاجل الكرامة اتخلى عنه بكل سهوولة
عنان بهاللحظة من نظرة عيونهاا عرف انه خسر جويريا وللابد كلامها جت مثل السكاكين بقلبه تزوج من باب التجربة والاعجاب ما دري هاذي الباب تكون نهاية مشواره مع جويريا
جويريا الي كان يدري زييين  في شخصيتها وطبايعها وعزة نفسهاا الي يسواه
عنان بترجي :جوييرياا
جويريا بحدة واصرار  :طلقنيي
عنان ترك يدها :جوييرياا تكفيين
جويريا كانت نفس نظرتهاا :طلقني يا عناان ،طلقنيي
عنان سكت شويي وهو ما ظن ابددد انه بيوم بينطقهاا والمصيبة انه هو خسرها بيدينه الثنتين واخذ نفس ونطق  :انتي طالق طالق طالق
ومشي بسرعة عنها وابو فيصل انصدم انه طلقها  فعلآ
وجويريا طلعت برا الغرفة وهي تغمص عيونها بعدم استيعاب من الي سمعته وصحيح انها كانت تبي تطلق منه بس يوجعها يوم تتذكر بنتها شموخ اشلون بتكبر يا بعيدة عن امها يا بعيدة عن ابوها وهي ابد ما كانت تبيها تكبر زي كذا بس اجبرها عنان على هاذا الشيء

هيام صحيت من نومها واخيرآ وشافت الوقت تاخر مرة وسعود ما صحاها وسرعان ما تذكرت الي صار امس ومسكت جبينها بتعب من هاذي الذكرى
سعود :واخيرآ صحيتي خوفتيني عليتس
هيام ناظرته لانه ما حست عليه انه موجود بالغرفة:لا تخاف مافيني شيء
سعود متردد لو يكلمها بالموضوع ولا لا :هيام ابي اقولتس شيء
هيام:قول
سعود:الي سويتيه امس مو معقوولة  لانه صدق الي صار شيء مو طبيعيي انتي مستوعبة انتس كنتي على شوية بتذبحين علي بدون وعيي منتس ما فكرتي وش يصيير ما فكرتي ب ياسر ما فكرتي وش يصيير فييه واناا ما فكرتي فينا
هيام :وانت وش؟
سعود :انا وش يصير فيني بعدتس
هيام :ما يصير فيك شيء لانك انت اصلا ما تحبني ولا تعتبرني زوجة لك وانا عادي متقبلة هاذا شيء
سعود :من قال
هيام قامت من مكانها وهي فعلا تحس تعبت من الوضع هاذي :كنت ساكتة كل هاذي الفترةة بس حس فيني مقدر على هاذي الوضع مقدر اقعد مع بعض ما يحبنيي وكنه قاعد معي مجبوور
سعود :هيام تعالي
هيام رجعت مرة ثانية وهي تصد بنظرها:تفضل
سعود :ليه قاعدة تقولين ذا الكلام
هيام :شلون افهمك يا سعود صدقني ما اعرف
سعود قعد وقعدها هي بعد فوق السرير :شوفي يا هيام  اندري وش قصدتس و وش تحاولين توصلين لي  بس صدقيني انا طبايعي كذاا اناا شخص ما قد عمري حبيت ما قد عمري شفت وحدة قدامي معرف اعبر معرف ابادر، كل شي جديد علي هاذا الشعور وهاذا العيشة وصدقيني ما عرفت الفرح الا يوم تزوجتس ايه احبتس يا هيام ومو حب يوم او يومين انا  حبيتس اول ما دخلتي بيتي ونورتيه انتي وياسر واكذب عليتس لو قلت لتس اني اصدتس مو قاصد لا انا قااصد  وصدقيني اني حاولت  اكون زي ما تبين وحاولت افهم وش تبين بس مو قادر اصير لا تدخلين تصرفاتي بمشاعري وصدقي لانه ما يمثله ابدد
هيام ما عرفت ترد من كلامه لانه كل الي كانت تظنه هو قاله وكله صح
سعود مد يده الي يرجف من كثر ما هو متوتر ومسك يدها :امس على شوية كنت بخسرتس ما تدرين ش كثر خفت يا هياام ما ابي اخسرتس كل اليل قعدت صاحيي وانا خايف عليتس انا ما عرفت معنى الحب الا يوم عرفتس، طلبتس بالله ما تتركيني وشدي بيدي انا خسرت واجد بهاذا الدنياا وتقبلت كل الخساير بصدر وسيع بس مو مستعد اخسر مررة ثانيةة تكفين
هيام من رجفة  يده ما شككت بكلامه ابدد رجفة يده كانت توصل قد ايش رتب لهاذي الكلام وتعنى عشان يقوله وفرحاانة مررة انه الحاجز الي بينهم ذا انشال وشدت بيده وهيي متأملة لاياامة حلوة مع سعود الي بادرها واخيرآ وكنها هي كانت فاهمته من البداية بس صدوده كان يرجعها ورا مرة ثانية

ام عنان تهز برجلهاا منتظرة يرجع عناان وهي بقلبها تدعيي انه يرجع جويريا مع انها تدري ومتأكدة لو تنطبق السما بالارض ما رجعت جويريا لعنان تدري محد يقدر يوقف قدام سلطانة الا جويريا وصحيح جويريا كانت وحدة مو بهينة بس ما كانت منافقة وحققرة زي سلطانة الي من اول يوم تفكر تطرد ام عنان
حنان بحضنها شموخ وتروح وتجي :يا ربب ترضى ترجع يا ربب والله يتقطع قلبب على شموخ وهي تبكيي عشان امهاا يا حسرتي عليتس يا شموخ
ام عنان تسلل الندم لقلبها اكثرر وهي تشوف شموخ تبكي وتدعي زيادة انها ترضى ترجع :ان شاء الله يا بنتي ان شاء الله
خلود الي توها تحط الصينية بعصبية :اصلا مو كله صار منتس انتيي مو بسبتس انتي اخوي راح وتزوج سلطاانة ولا غلطانة انا
ام عنان : خلود يا يمه انا وش يعرفني هاذي الحقييرة بتسوي كذاا لو ادري والله ما دخلتها البيت من اصله
خلود :داايم تصير كل الأشياء بسبتس انتي يا يمه ليتس تفكريين قبل تسوين اي شيء وش ذنب شمووخ عشاان تبعديها عن امهاا هااه وش ذنبهاا جت هاذيي وتربعت فبيتناا ومن اول تهدد فيتس وبسببها راحت جويريا بعدد وش باقي يصير اسوء وشهوو زياادة
ام عنان سكتت
حنان :مفهمت وش دخل امتس بكل هاذاا
خلود :ايه يا حناان امي هي الي قالت لعنان تزوج سلطاانة وقعدت تزن علييه لين واافق وهي ورا كل هاذي البلاا
حنان ناظرت لام عنان وهي مو مصدقة :ما اصدق يا خاالة ما اصدق صدقق وش سوييت لتس عشان تسوين فيني كذاا حرام علييتس والله حرام علييتس
ام عنان سكتت
حنان ناظرتها نظرة اخيرة ومشيت عنهاا وهي مو مصدقة . انه كل ذاا يطلع من ورا ام عنان لانها فعلا زودتهاا
ام عنان :والله يا ويلتس مني يا سلطاانة والله لا اطلعتس من هاذي البيت هيين
خلود :تكفين يمه خلاااص كفااية الي سويييته نفس السااالفة كلل مررة وتروحين وتجيبين وحدة العن منها
قطع عليهم صوت الباب
قامت بسرعة ام عنان وهي تطلع برا :يمه عنان
عنان واضح الكسر بوجهه :هلا يمه
ام عنان :ليه ما جبتها معك
عنان قعد وهو ساكت
خلود :وينها جويريا ليه ما جت معك
عنان :طلقتها
ام عنان صدمت : وشهوو طلقتهاا؟؟ بس لييش
عنان :وش اسوي يا يمه هي طلبت منيي وقاالت اذا ما طلقتني اخلعك
ام عنان حطت يدها بقلبهاا :تخلعك؟؟؟؟
نزلت سلطانة وهي تبكي وراحت حضنت عنان تحت انظار خلود وام عنان المستغربة
عنان استغرب :اشفي وشصاير ليه تبكيين
سلطانة تمسح دموعها :عنان تكفى لا تخليني لوحديي بيذبحووني هذوول شف وش سوت امك فيني
و ورته يدها الي محروقة
عنان ناظر لامه وهو مو مصدق امه تسوي كذاا لانه يدري في كيد الحريم وحركاتهم :وامي ليه تسوي فيتس كذاا
سلطانة . تبكي :لاني كنتي ابي اعلمك عليهاا وهددتني اني لو قلت لك بتسوي الي اكثر
ام عنان  بصدمة :كذاابة يا ولدي والله كذاابة  شوفيي يا مناافقة وقسم بذبحتسس وش تقوولين انتي
و عنان مسك سلطانة من يدينها وقال :تكذبييين على اميي؟؟
سلطانة قالت بسرعة:والله العظييم ما اكذب يا عنان حرقتنيي عشان ما اقوولك انها هي سوت لكل ذاا وبسببها طلعت جويريا من البييت
عنان : محدد له دخل في هاذي الساالفة كلها صارت بسببي اناا بسببي انا لوحدييي
وضرب الكرسي برجله بقهرر :بسببيي انااا
سلطانة طلعت جوالها وهي تقول :مو مصدقني موو خذ واسممع هي الي قالتلي اطلعيي قداام عنان خله ينعجب فييتس بس والله ما سوييت كذا الا عشاان بنتي بنتيي كانت بتمووت وهي ما رضيت تعطييني فلوس لين واافقت اسوي كذاا
الكل انصدم من كلامها والاكثر ام عنان الي دفتها وهي تقول :تكذذب يا ولديي هاذي وحدة كذاابة لا تصدقهاا
سلطانة قالت بسرعة :اذا مو مصدقني خذ وشف كل اليي قالته سجلته انااا من خوفي
عنان اخذ الجوال من يدها بقسوة وفتح التسجيل الي وضح فيه كل شيء قالته ام عنان بالحرف الواحد سوي كذا وسوي كذاا وبعدين يصير كذا وكذا
عنان غمض عيوونه بقهرر لانه امه الي اقنعت فيه يتزوج وهاذا الشيء ما عنده مشكلة فيه لانه قرار النهائي كان يرجعله هوو بس الكلام ذا يغيير كل شيء رمى الجوال بالارض بقووة لدرجة انفكت لاجزاء وهو يقول بصوت عاليي:اميييييييي ليييه سويتييييي كذااا لييييييه
خلود وقفت قدام عنان لانه معصبب وعلى شوي بيضرب امه
ام عنان ما تدري وش تقوول لانها مو معها حق تتكلم حتى
عنان ضرب يدينه بالجدار بقهر:ليييه سويتي كذا يااا يمممه لييييه
ام عنان قربت خطوتين :يمه عنان والله انا
عنان :لا تقووولين لي يممه معندتس ولد اسمه عنااان بسبتس انتييي طلقت جويريااا كله بسبتس انتيييي لييييه سويتييي كذااا
ام عنان قعدت تبكي :يولدي لا تقول كذا
عنان اخذ نفس : اطلعي بسرعةة براااا مابيي اشووفتسس اطلعييي برا بيتيييي
خلود تقدمت :صاحييي انتت يا عناان وش الي تقوووله وين ترووح
عنان بصراخ :مااابي اشووفتس مااابي اشوف وجهتتس
ودف خلود بقوة وطلع فوق لانه لو قعد زيادة بيسوي شيء اسوء
وسلطانة مسحت دموعها وهي تقول :قلت لتس ما سمعتي مني الحين تحمليي زعل ولدتس عليتس
ام عنان ناظرت فيها وهي كلها كره وحقد للانسانة الي جابتها لهاذا البيت بيدينهاا
ومشيت لغرفتها وهي تاخذ عبايتها لحقتها خلود وهي تقول :يممه لييش تلبسين عباايتس  وين بتروحيين يممه جاوبيينيي
ام عنان وهي تبكي  : ماا سمعتي اخوتس وش قال اخوتس طردنيي اهه يا ابو عنااان وينك تجي وتشووف وشصاار فييني  حسبيي الله علييتس يا سلطاانة حسبي الله علييتس
ومشيت وخلود وقفت بمكانها وهي تراقب امها لين طلعت من البيت وقفلت الباب من وراها وطاحت بمكانها وهي تشوف الكل يروح ورا الثانيي وبيووم وليلة تدمر كلل شيء ما بقا غيرها هي وحنان بهاذا البيت ومعهم سلطانة الي طلعت القناع البريء من وجهها اول ما دخلت البيت

ابو فيصل قاعد ويفكر بالوضع الي هو فيه الحين جويريا خلاص تطلقت وصارت مسؤوليتها عليه هو الحين ومستحييل هالمرة يجبرها انها تتزوج وبنفس الوقت ماخذ همها هو مو دايم لهاا وهي وحدة مجنونة تسوي الي براسهاا وفي عندها بنت
كثييير اشياء يفكر فيهاا
دخل فيصل وراح قعد جنب ابوه وهو يناظر ابوه قد ايش سرحان ومهموم
حط يده بكتفه وصحي ابو فيصل من افكاره :هلا ولدي
فيصل:اشبك يا يبه عسى ما شر
ابو فيصل تنهد:ما شر يولدي ما شر بس قاعد افكر في جويريا
فيصل سكت
ابو فيصل:هاذي البنت ما تسمع الكلام اخاف تطيح بالمصايب من عنادها الحين انا موجود بس انا مب دايم لهاا اخاف عليها من بعدي وش يصير لها
فيصل:وش تقول يا يبه الله يطول بعمرك
ابو فيصل طبطب في كتف فيصل :الله يحفظك يا ولدي الله يحفظك
فيصل متردد يتكلم ولا لا :يبه
ابو فيصل:هلا
فيصل:ابي اقولك من الحين
ابو فيصل:تكلم
فيصل : انا ادري ذا الكلام الحين مب وقته بس بقولك من الحيين جوييرياا اذا خلصت من عدتها انا باخذها
ابو فيصل فز من مكانه بهلع وصدمة :صاحي انت
فيصل:ايه يبه صاحيي ليه البنت من لها غير ولد عمهاا وهي اكيد ما بتقعد كذا بدون زواج وانا اولى من الغرييب
ابو فيصل:ما قلت كذاا بس جويريا تهق انها ترضا فيك هي وحدة راسها يابس بعديين وشوله له الكلام الحيين توها تطلقت وانت تفكر فيها استح على وجهك
فيصل:لا بترضى ان شاء الله بترضى
ابو فيصل:خلي ذا الكلام بيني وبينك يا ويلك لو يطلع برا وخلك الحين ساكت لين تخلص عدتها  وبعديين يصير خيير تفهمم
فيصل سكت وهو متطمن انه كلم ابوه من بدري لانه قد تزوجت وخسرها والحين جت له الفرصة. ومستحيل يضيعها
جويريا برا وسمعت كلام فيصل صدت بوجهها وهي تقول انا وين وذا وين الحيين ذا وقته يفكر بالزواج
سمعت صوت الباب يندق واستغربت من يجيهم الحين راحت وفتحت الباب وانصدمت من الي شافته
جويريا  سكتت لثواني وبعدها ضحكت :مريمووه؟؟ وش جاية تسوين هناا لا تقولين جاية ترجعييني لاني بمووت ضحك والله العظيم هاه
ام عنان دخلت وهي تقول :وينه ابو فيصل
جويريا رفعت حاجبها :وش تبين ف عمي
ام عنان :جاية اقوله اني موافقة وابي اليوم عقد القرآن
جويريا ضحكت :شكله عنان طردتس عشان كذا ولا مب مريموه الي اعرفها تقوول كذاا
ام عنان بانت الغصة من صوتها  :ايه ولديي طردنيي استاانسي وتحنيي ربي خذا حقتس منيي
جويريا وقفت ضحك وقالت بجدية:اشلون؟ عنان عنان الي اعرفه طردتس من البييت؟؟؟ بس لييه
ام عنان :وينه عمتس
جويريا اشرت لها للمجلس :هناك
مشيت ام عنان وهي تبكي
وجويريا مستغربةة منهاا والاكثر عنان طردهاا صدمت لانه عنان كل شيء عنده الا امه قعدت تمسح على فكها وهي تقول اكيد مسوية شيء كبير ولا عنان ذا يمووت في امه اشلوون يطردها لا لا اكيد في شيء
ودخلت المجلس بسرعة تبي تشوف وش بتقول لابو فيصل
ام عنان :داخلة على الله ثم عليك يا ابو فييصل
ابو فيصل قام بسرعة لانها دخلت فجأة وفيصل قام بعد
ابو فيصل :خير وشصاير يا ام عنان عسى ما شر
ام عنان :حسبي الله على الي عبو ولديي عليي وخلوه يطردنيي من البييت، يااا ابو فيصل ما عندي مكاان اروح له من الحارة الكبيرة هااذي جيت عندك واندري ما تردنيي
ابو فيصل :والله ما  اردتس بيتي مفتوح لتس يا ام عنان بس عسى ماشر وشصايير ليه طردتس من البيت
ام عنان :حرمته الله لا يوفقهاا ولا يسعدهااا افترت عليي وقالت حكي مهوب فييني وبسببي انا طلعت جويريا من البيت حسبي الله عليهاا الله لا يباارك فيهاا
ابو فيصل :هدي يا ام عنان هدي والبيت هاذا بيتس وانتي في عيين وراسي والله وانا بكلم عنان لا تحاتين
جويريا قعدت تضحك :ههههههه الحين تبينيي اصدق الكلام ذا الي قلتييه لا لا صدقيييني ما يدخل العقل  تدرين ل وش توصلت يا مريمووه اكييد انتي كنتي مع سلطانة بكل شيء بس اول ما وصلت للي تبيه بعدتس عن طريقها ههههههههههه وعبت في راس ولدتس الخروف وخلته يقلب عليتس
ابو فيصل ناظر جويريا وكح عشان تسكتت
جويريا مسكت ضحكتها
ابو فيصل :تعالي معي يا جويريا بكلمتس
جويريا قامت معه : ابشر الحين جاية
وطلعو برا وابو فيصل همس :عيب يا بنتي ما يصير كذا
جويريا ضحكت مرة ثانية :وش اسوي مقدرت امسك نفسيي
ابو فيصل :شسمه ذاا انا رايح اشتري لحم من ابو فوزي وانتي خليتس معهاا واحسني في ضيافتها ما. اوصييتس الليلة هي ضيفتناا
جويريا :لا يا عميي لا تجيب لحم رح وجيب الشيخ توها دخلت وقالتلي انها موافقة هي اصلا ليه جت هنا افهمها يا عمي افهمهاا
ابو فيصل :هاه قالت لتس موافقة؟
جويريا :اييه قالت موافقة
ابو فيصل :يعني اروح اجيب الشيخ الحين
جويريا : ايييه يا عمي رح وجيب الشيخ
ابو فيصل مشي :طيب طيب انا رايح قفلي الباب وراي
جويريا :طيب يا عمي
مشيت للمجلس وكان فيصل توه طالع من المجلس
جويريا دخلت المجلس وهي تضحك بصوت عالي :صدقييني يا مريمووه مستااانسة لانتس بتصيرين زوجة عميي شوفي وجهي ش كثبوواضح علي  الفرح.
مريموه :لا تضحكين يا جويريا وارجعي لرجلتس احسن لتس هاذي سلطانة وحدة شيطاانةة والله ما بتسوي الخير في هذاك البييت من اول اليوم طردتني بكرة وش تسويي
جويريا :كنتي تفكرين قبل تعبين في راس ولدتس انه يتزوجهاا والله تستاهلين الحين الحفرة الي حفرتيها لي انتي الي طحتي فيها عشان تدرين ان دنياا عادلة
و الله  ما يضييع حق احد
ام عنان :انا ما عبيت ب راس عنان صدقيني اصلا انصدمت زيكم
جويريا قعدت تضحك: شين وقوات عين تكذبين فوق سواتس
ام عنان صدت بنظرها وهي تدري جويريا ما يمشي عليها الكذب
جويريا تنهدت ورفعت يدينها لسما :يا ربب تمم لعمي بخيير وخلي مريموه تصير زوجة عميي والله لا لأجننهاا واطلع لها قرووون وما يصير اسمي جويريا بنت ياسر ان ما طلعت الي سوته فيني
ام عنان ناظرت فيها نظرة وقامت وهي تدري ايام الشقى بدت معها مع جويريا الي مستاانسة عشان تجلطهاا
جويريا بصوت عالي :تجهزيي وتكشخييي ترا عمي جاي ومعه الشييخ هههههههه ابيتس تطلعين تهبليين

نهاية البارت
ادري قلت لكم ذا البارت الاخيرر بس طولت البارت مرررة وما قدررت اخليها بارت واحد فقسمتها لبارتين
معليكم البارتين بينزلو بنفس اليوم 😭
مدري مين قلي اتفلسف واقول بكرة اخر بارت
والحين استودعتكم الله
ه