رواية من متى و الغصـن يختـار الطيـور..!! الفصل الرابع وثلاثون 34 - بقلم Nis2reen~<

36))من متى والغصن يختار الطيور؟!!

هذا الفصل إهداء إلى الاخت الجميله "وردة شقى" ..

ان شاء الله يعجبك..ويعجب القراء... وقراءه ممتعه لكم يا رب.. *
"""""""""""""""""""""
،
ماني الأول ..حيل تغيرت ..!
،
*
فجأه كل شيء يكون ضدي.. المحاولات الحوارات.. اللقاءات العابره..كل شيء..!!
،
*
أمر بحالة يأس واحباط وكأنني امشي على رمال متحركه لا استطيع عبورها او الخروج منها!!
،
*
الموت يكمن أحياناً في شوق مكبوت يقابله شوق مكبوت.. يكابر كل منهما.. وينتصر الفراق!!
،

،
*الأحداث السرديه"..
.. جلست لمياء ع كرسيها باسترخاء.. وشافت ظرف سماوي تحت قلمها،استغربت وفتحت الظرف بسرعه تبي تشوف وش مكتوب فيه.. وعقدت حواجبها بامتعاض بعدما قرأت المكتوب/هذا جنوون!!
بهاللحظات دخل زياد ولكن ساكت ويناظرها باستفهام/.
لمياء حاولت تخبي الظرف بسرعه وتلعثمت/هـ اهليين
زياد وبعيونه نظرات شك/السلام عليكم
لمياء قامت واخذت ساره منه وحضنتها/وعليكم السلام.. هلا بسوسو حبيبت ماما
ساره ببرائه/انا وخالي ذياد روحنا الثوبر ماركت
لمياء تبسم وهي تكلمها بنفس كلامها/روحتوا الثوبر ماركت.. طيب ايش جبتوا لي معاكم
ساره مدت عليها حلاوة مصاص/هذي
لمياء باستها بقوه/فددديتها ينااااسووو عليها
زياد واقف وملتزم الصمت ويتفقد جو العياده ويناظرها بشكل بانورامي ويمشي ويجلس على كرسيها/..
لمياء بيوقف قلبها من الخوف وهي تشوفه يجلس بكرسيها والرساله بالدرج لو فتحه بيشوفها علطوول/ماقلت لي زياد شلون الشغل معك..
زياد وهو يطالع بالاوراق اللي على مكتبها بدقه/الشغل ماشي ماعليه...
لمياء تحاول تشتت انتباهه بأي وسيله/زواج سعد ابن جيراننا الاسبوع الجاي وماقلت لي ايش راح تقدم له انت وبابا
زياد فتح الدرج، وهو يكلمها/راح احجز له قاعة في فندق هيلتون على حسابي
لمياء بغى يوقف قلبها بهاللحظه( وش هالورطه؟!!)
زياد رن جواله بهاللحظه ،وسكر الدرج/هذا ابوي يتصل
لمياء تنفست براحه،وهي تشوفه يسكر الدرج ويقوم يرد عالجوال.
زياد ألتفت عليها بعدما كلم ابوه/لمو انا رايح ابوي يبيني بشغل ضروري.. عادي اخلي ساره عندك؟!
لمياء وهي تخزه/انت بس تبي تعطلني.. مو مشكله روح..
زياد/لمو.. والله لو مو ابوي استعجلني والا اخذت ساره... يلا سلام
لمياء/الله معك..
ساره ميّلت راسها على كتف لمياء بدلع وهي ساكته/..
لمياء ابتسمت،تموت على هالحركه باستها وراحت تجلس وتحطها جنبها بكرسي ثاني/فديت بنتي ي ناس اجلسي هنا.
ساره مدت بوزها بزعل/ماما بجلس معاكِ
لمياء طلعت كراسة ساره اللي دوم حاطتها بمكتبها وحطتها قدامها واعطتها الألوان/انا مشغوله حبيبتي انتي ارسمي.. يلا ارسمي شجره
ساره ببرائه/ماعرف ارثم ثجراااه
لمياء/طيب ارسمي بيت
ساره شهقت/بث مااعرررف ارثم بييييت
لمياء/يالله اجل وش بترسمين؟
ساره بعد تفكير ثواني/برثم عثفور
لمياء/ههههههه طيب ارسمي عصفور..
جلست شوي وتذكرت الرساله وطلعتها وهي تفكر فيها..
/
/
،
،
،
،
،
توه واصل مكتبه.. ماقدر يجلس أو يرتاح... وهو يحس بنيران الغضب تتقد بصدره... عقد العزم انه يغير كل شي ماراح يتنازل بعد هاليوم،
وهو يقول بخاطره (انا الغبي بالنهايه.. خسران كل شي.. ومالي حق بأي شي.. انا ولا شي يا لوجين هاه؟!! راح تندمين لانك استخفيتي فيني)
جلس مشعل وهو يحاول يهدي نفسه ويفكر شلون يبدأ، رن جواله.. شاف المتصل "عزيز" و رد بسرعه/هلا عزيز..
عزيز بالجوال وباين بصوته متغير/السلام عليكم
مشعل/وعليكم السلام.. كيفك عزيز
عزيز وبصوته التوتر/ماني بخير... مشعل نصف مخازنا احترقت..
مشعل وقف على حيله وهو معصب/شلوون تحترق وانا مستخدم فيها اعلى درجات السلامه
عزيز/ما دري.. التحقيق جاري.. زين اللي لحقناها قبل تحترق كلها وتصير كارثه
مشعل ضرب بقبضة يده ع الطاوله/متى هالشي وليه ماعطيتني خبر من بدري
عزيز/انشغلت.. ما قدرت اكلمك لين طفوا الحرايق
مشعل وهو يحس بتشتت/عزيز انا الليله اذا لقيت حجز باذن لله بكون بالرياض واذا مالقيت حجز الليله بجيك بكرا. وبنشوف وش نقدر نسوي.. يلا سلام..
سكر مشعل جواله .. واتصل بالسكرتير/اسسمعني ابيك تحجز لي للرياض الليله واذا مافيه بكرا بالكثير... وعطني الاوكي..
سكر التلفون و حاول مشعل يسترخي ويهدي باله ويريح نفسه لكن هيهات "يرتاح".. طرأ عليه موضوع مهم و فز واقف وطلع مستعجل..
،
،
،
،
،
،
،
،
بالمستشفى..
اتجهت لمياء للريسبشن وبالها مشغول.. هي شاكه بموضوع "فاتن" وكانت تبي تتأكد "يدفعها الفضول"..
الموظفه واسمها نور/امري دكتوره لمياء
لمياء/نور أبي تطلعين لي ملف المريضه فاتن عبدالمجيد محمد
الموظفه/ماتعرفين رقم الملف
لمياء/No المرضى كثير الله يشفي الجميع وش احفظ واخلي.. بعدين عطيتك الاسم طلعيه لي بسرعه بليز
الموظفه بابتسامه/ان شاااء الله بس يبي وقت..
لمياء وهي تأشر لساره تجي/تعالي ماما ساره لا تروحين بعيد،..خذي وقتك نور
الموظفه خلصت ومدت عليها الملف،و بفضول وهي تشوف الاختلاف الكبير بين لمياء وساره/ دكتوره عندي سؤال محيرني،والبنات كلهم متحديني وانا كذبتهم
لمياء بابتسامه/هههه أسألي يا نور.. لا تموتين علينا من الحيره
نور ابتسمت/ساره بالمره ما تشبهلك..يقولون انك متزوجه اجنبي؟
لمياء ماتوقعت انها تنسأل هالسؤال،لكنها ماترددت بالاجابه،ماتبي احد ينظر لساره اللي تعتبرها بنتها ومن روحها بنظرة شفقه/يب... "كنت" متزوجه كندي ومات.. وهذي بنتي منه.. ارتحتي يا نور،اروح اشوف شغلي؟!
نور ماكانت مصدقه/والله ماكنت مصدقه.. لان وحده جات وسألتنا وماقدرنا نجاوبها .و..
لمياء انتبهت لكلامها/مين اللي سألت عني؟
نور/وحده كانت منقبه ماعرفناها.. بس قالوا لها البنات انك كنتي متزوجه
لمياء شكت في فاتن علطووول/اوكي عن اذنك نور... ساااره تعالي ي ماما..
راحت عيادتها وجلست تفتح الملف بفضووول... وبدأت تتصفح الاوراق وبانت الصدمه على ملامحها!! واللي ادهشها انها شافت ورقة تصريح لها بالخروج من طبيبها!!!
فزت واقفه ورسوم الغضب باينها عليها.. اتجهت لعيادته.. وهي متنرفزه.. دخلت قسم الباطنيه وبنتها وراها تمشي.. وشافت الممرضه/نيرس وين دكتور أسامه
الممرضه انبسطت بشوفة ساره وشالتها/هنا في عياده رقم 1
لمياء بسرعه اتجهت للعياده وشافت الطبيب ورمت الملف ع طاولته/... .
الدكتور اسامه يبي يبتسم ويعصب مب فاهم/هلا دكتوره لمياء
لمياء بدون مقدمات/تقدر تشرح لي كيف دكتور محترم وله خبرته مثلك يسمح تصير هالمهزله؟!!
الدكتور وهو عاقد حواجبه زعلان/اي مهزله ي دكتوره
لمياء/افتح الملف وشووف... انت شلوون تسمح لخروج وحده مريضه بالكانسر وبمراحله النهائيه.. شلون تبيها تقضي بقية ايامها؟!! بعذااب؟!!
الدكتور وهو يهديها/لمياء اسمعيني ا..
لمياء قاطعته بجديّه/دكتووووره لمياء لووسمحت..
الدكتور اسامه/يا دكتوره انا حاولت اقنعها بالعلاج ولكنها رفضت.. وبعد رفضت اقول لأهلها..وانتي عارفه اهم شي في علاج هالمرض.. نفسية المريض..
لمياء/عارفه هالشي.. لكن انت ماكلفت على نفسك تقول لأهلها دامها رافضه.. هذا شي ضروري وما ينتخبى عن الاهل علشان يساعدون المريض و يتشجع يا دكتور..
الدكتور اسامه سكت وهو حاس بالذنب..
لمياء اخذت ملف فاتن وطلعت بدون تقول كلمه زياده..
الدكتور اسامه وهو يكسر قلم الرصاص بيده/رااحت علي..
،
،
وصلت عيادتها..
جلست لمياء في مكتبها ورجعت تتصفح ملف فاتن تبي بيانات تخصّها ..وشافت رقم "عُمر" واسمه الكامل عُمر سعد الفهّاد ...تنفست بعمق ودقت رقمه وهي متردده،وأشرت لبنتها تسكت...انتظرته يرد..
وعلى آخر رنه.. رد/ألوه
لمياء حاولت تكون رسميه/الأخ عمر ؟
عمر وكأنه عرف صوتها بس مو مصدق/نعم أنا.. من معي؟
لمياء/الدكتوره لمياء الرايد..
عمر ماصدق/هاه!!
لمياء بارتباك/ اتصلت فيك بخوص زوجتك فاتن ..
عمر استغرب/ليش؟ وش فيها؟
لمياء/ي ليت تجي حالاً ..اذا تقدر طبعاً في موضوع يخص حالتها الصحيه ولازم تطلع انت عليه
عمر/اوكي انا كنت بسافر اليوم لكن دام الموضوع ضروري.. انا جاي حالاً
لمياء/اوكي انتظرك...سلام.
،
،
،
،
مؤسسة ماجد.. ابو لوجين..
دخل مشعل وهو عاقد العزم انه يبدأ قبل يسافر/السلام عليكم
ماجد ابتسم/هلا وعليكم السلام.. تفضل مشعل.. كنت بتصل فيك.. زين اللي جيت
مشعل جلس وهو مو عارف شلون يبدأ حديثه/بصراحه عمي.. انا جاي اكلمك بموضوع ..وابيك توقف معي هالمره و تنصفني.. وثق تماماً اني ماراح اخيّب املك
ماجد بعد سكوت لثواني/شوف يا ولدي.. انا ناوي اوقف معك.. لكن ما اضمن لك النتايج.. انا صرت ما اعرف لهالبنت
مشعل انبسط انه بدأ( انا اللي عرفت لها.. وبوريها مشعل اللي استخفت فيه كيف يذوقها من نفس كاسها)
،
،
،
،
دخل واتجه لعيادتها مباشره ..مو مصدق انها دقت عليه وطلبته.. للحين صوتها بأذنه مثل حلم.. سمع صوت طفله صغيره وهو واقف عند باب العياده..
ودخل لأن باب العياده مفتوح وشافها تتكلم مع البنت اللي جالسه بحضنها وبانت به الضيقه/السلام عليكم
لمياء التفتت عليه وكانت تبتسم واختفت ابتسامتها/وعليكم السلام ..تفضل
دخل عُمر وجلس وعينه ع البنت الصغيره اللي تتبسم له/..
لمياء لاحظت نظراته لساره وحبت تقوله،صوت داخلها يقول ريحيه من هم السؤال وصوت ثاني يقول ماله داااعي وايش المناسبه علشان تقولين،حطت ساره بالكرسي اللي جانبها و طلّعت ملف فاتن وحطته قدامها/..
عمر/ممكن اعرف ليش اتصلتي بي
لمياء وهي تعدل نظاراتها/فالحقيقه اخ عمر انا ماني عارفه كيف أبدأ معك و اقولك هالخبر.. لكن اللي اعرفه انك لازم تعرفه..
عمر/خير دكتوره وش فيها فاتن؟
لمياء/يؤسفني اقولك انها مصابه بالكانسر في الامعاء..
عمر انصدم وبان بوجهه علامات الخوف/وشوو
لمياء/مثلما سمعت... وللاسف المرض بمراحله النهائيه.. ومدري شلون تحملت كل هالوقت وما راجعت المستشفى..
عمر ضاق صدره وصد وهو ينفث الضيقه بتنهيده/لا حول ولا قوّه إلا بالله
لمياء/في الحقيقه هي رفضت العلاج و طلبت انو مانعطيك خبر... بس انا ما طاوعتها هي لازم تخضع لجلسات العلاج.. حتى لو حالتها متأخره.. لازم تكسب وقت.. علشان ولدك وعلشانها
عمر رفع راسه عند كلمة ولدك/طيب لأي درجه متأخر مرضها..
لمياء حزززنت من شكله وهو حزين/حسب التقارير اللي بين يدي مرضها متأخر حيل..
عمر وهو يمسح على وجهه بضيق/وش السوات اللحين؟
لمياء وهي تتغاضى عن تعاطفها معه/ياليت تجيبها للمستشفى بأقررب وقت.. حاول تقنعها بالاول تجي هنا وبعدها انا بقعد معها وبقنعها تخضع للعلاج
عمر قام و تكلم بامتنان/مشكوره ماقصرتي يا دكتوره
لمياء رن جوالها بس قفلته بدون تشوف المتصل،واهتمامها كله كان منصب ع عمر /لا تشكرني قبل ماتجيبها لي، رقمي عندك، اذا وافقت عطني خبر نجهز غرفتها..
عمر لاحظ اهتمامها وما علّق/ان شاء الله توافق.. يلا بأمان الله
لمياء وهي تشوفه مقفي وطالع، همست/بأمان الكريم..
طلّعت لمياء الرساله وقرتها مرّه ثانيه وهي متعجبه"
[السلام عليكم..
مرحبا د/ لمياء
امم ماعرف اكتب رسايل و بصراحه عمري ماكتبتها .. لكن انا اليوم مضطره اكتب لك هالرساله،وماني ابداً مبسوطه للي راح اقوله لك.. لكن هذي الحقيقه،
انتي عملتي حاجز بيني وبين عمر من بداية زواجنا... كان يغلط ويقول اسمك..لدرجة كنت اظن ان له علاقه جديّه معك.. لكن مع مرور الوقت اكتشفت انه مايكلم بنات!! ولا هو من هالنوع اللي يستمتع بملاحقة البنات..
غير كذا... عرفت انك انتي مجرد حلم يحلم فيك زوجي وكان دووم يتمناك ..
و من بعد هذاك اليوم بالطوارئ أول مانطق اسمك بدون تردد و بدون ألقاب.. عررفت انه انتي لمياء المقصوده من نبرة صوته!!.. ومن تهربك انتي من نظراته!!
يمكن تقولين مجنونه بعد الكلام اللي بتقرينه.. لكن من جد. يا دكتوره لمياء انا حابه ان عُمر يرتبط فيك..دام هالشيء بيسعده.. لأن هالرجل يستاهل الحب والاحترام والتقدير..وانا ما جبت له غير الاكتئاب والمرض ،انا اكره اقول هالشيء لكن حبي لـ عُمر واللي سواه علشاني يجبرني اتمنى واطلب منك "اذا ماكنتي مرتبطه بثاني" لا تردينه خايب..
اختك /فاتن]
لمياء سكرت الورقه وهي محتاره من طلب فاتن وتقول بخاطرها (مجنونه)!!
،
،
،
،

حزّة المغرب*،*
بسيارة المؤسسه.. توهم وصلوا من المطار..
مشاعل بقهر/اللحين ليش مشعل ما جاء ياخذنا بنفسه من المطار..
زينه وهي تفكر بابوها/هذا هو ارسل لنا سايق وسياره من الشركه.. وش تبين بعد..
مشاعل/ليش انتي معصبه، المفروض ما يتعامل معنا كذا
زينه وهي تخزها بنص عين/ايه صاادقه انا وانتي محـااارم مشعل،بس مدري ليه يتعامل معنا كذا...تهقين ليش؟
مشاعل حست انها مقصوده بس تجاهلت كلامها/اففف هنا حررر يازين الديره بارده
زينه بس تبي تكاجرها/المكيف شغّال.. وثلج..وين الحر والله انك غريبه
مشاعل لفت عليها معصبه/وانتي عسى ماقول كلمه الا علّقتي عليها؟!!
زينه مبسوووطه انها نرفزتها ومستمتعه/عادي مرت ابوي واجاكرك، بعدين ماقلت شي يعصّب..ليش انتي مولعه نار وكل كلمه تنرفزك
مشاعل تصنعت الهدوء وصدت عنها وهي تطق بأظفرها على جوالها بتوتر/...
زينه بانتقاد/انتي ليش موسعه لثامك.. مايصييير.. البسي نقاب احسن من هاللثام الواسع هذا
مشاعل خزّتها بطرف عينها وصدت عنها/والله ماطلبت رايك
زينه/هذا مب رأيي هذي نصيحه.. مايجوووززز
مشاعل تأففت بدون اهتمام/اوكي مشكوره ع النصيحه..
زينه خزتها وصدت عنها ناقده/ياصبر الأرض عليك
مشاعل تنرفزها ذبات زينه بس تحاول تكون ريلاكس وماتخرب برستيجها ..كانت تحسب الدقايق وتشوف اللي ذبحها صدوده..
وصلوا البيت ونزلوا..
سبقتها زينه وهي مشتاقه تشوف أمها لانها من شهور ما شافتها..
نزلت مشاعل بتوتر ماتبي تشوف أم مشعل كانت/الله يعدي هالليله على خير..
،
بالداخل*
زينه وهي تحضن أمها/اشتقت لك ياحلوة اللبن
ام مشعل صايره حساسه تبتسم وتدمع/ماكبرتي يا زينه
زينه وهي تبعد شوي عن امها وتمازحها/وش اسوي؟أمي مب عندي تأكلني وتشربني..
ام مشعل تدري انها تمازحها ولكن هالمزح يحرك حزنها وهي بعيده عنها،رجعت تضمها واجهشت بالبكاء/حبيبتي
زينه بكت ماتحملت/يممه شوفيني وش حلاتي وبخير كنت امزح والله امززح
ام مشعل وتبكي وتحاول تتماسك ماقدرت/كل مره تجين تزوريني و تروحين عني اتعب وكل مره اشوفك فيها كأني انولد من جديد.. زينه قلب أمها ماعدت اتحمل تروحين عني انتي القعده
زينه ماقدرت تتكلم خنقتها العبره من أمها اللي تغيرت 360درجه.. عجّزت بسرعه وهي لحالها ،نفسيتها تعبت.
مشاعل كانت واقفه عند الباب وتتفرج عليهم وتنتظرهم ينتبهون لها.. بس محد دري عنها/احم..
ام مشعل التفتت عليها واشمئزت منها/..
زينه/ايهه نسيت اقولك ان مشاعل معي
ام مشعل بضيق/يالله مساء خير.. هذي وش جابها معك
زينه. وهي تقصر صوتها/تزور ابوي
ام مشعل بغيره مكبوته/زينه انا ماني طايقتها.. شوفتها تجيب الكآبه
مشاعل باستهزاء/انا اللي شوفتي تجيب الكآبه يا هالكهله
ام مشعل وهي تتبسم/تحسبين ان طول عمرك شباب..ترى نهايتك كهله.. بعد وش بتصيرين
مشاعل/ماراح ارد عليك
ام مشعل/غصب عليك ما تردين.. هالبيت بيت ولدي و بيته يُعتبر بيتي.. يعني لا تتكلمين اذا ما سمحت لك.. اجلسي باحترامك ..والا توكلي
نزل بهاللحظات مشعل..وشاف أمه متضايقه/خير وش صاير
ام مشعل/ولا شي يمه ..لا يضيق صدرك.. بنتي عندي وهالشي يكفيني
مشعل وهو يتبسم لزينه/هلا بالزين...
زينه اتجهت له وسلمت بابتسامه/هلا بالشيخ..شلونك اخوي
مشعل/انا بخير شلون خواتي ساره والكادي
زينه/الكادي راحت مع زوجها للرياض من اسبوع وساره يمكن بكره او بعده يجون
مشعل/انتي شلونك بشريني عنك
زينه/بخير.. ماقالت لي صحيح اللي سمعته من أمي
مشعل والابتسامه تعلو وجهه/ايه..و قرريب بتشوفينهم
مشاعل شافته مو معبرها انقهررت/شلونك مشعل
ام مشعل طنشتها ومشت/ انا رايحه فوق.. زينه تعالي
مشعل التفت عليها.. لاهو حاب يشوفها ولا حاب أن أمه تتضايق منها.. اتجه لها ووقف عندها/هلا مشاعل..
مشاعل وعينه عليه بنظرات اعجاب مفضوحه/هلا روحها
مشعل/ماراح تنسين
مشاعل قربت منه خطوتين تتمخطر بدقات كعبها وهي تتبسم وتعض طرف شفتها السفليه/مثلك ما ينسي..
اردفت وهي تدقق في تقاسيم ملامحه وجسمه بنظرات اعجاب وغمزت له/زاايده وسامتك.مع نهاية الثلاثين
مشعل يتصدد عنها بعيونه ويرجع يكلمها/هيييه انهبلتي انتي؟!
مشاعل وهي تلفت تناظر بالبيت بنظره بانوراميه/حراام كل هالسنين ساكن هنا لحالك!!
مشعل قرر يمسكها بيدها وياخذها لبرا/تعاالي معي
مشاعل ماتقدر تعبر عن سعادتها بهالشي/آآه شوي شوي.ماراح اطير.
مشعل فك يدها لانها فهمته غلط/تعالي اركبي السياره بوديك مشوار
مشاعل بابتسامه تعبر عن سعادتها/مشواار أنا وانت!!! وين؟
مشعل/انتي اركبي وبس.. وين شنطتك
مشاعل وهي تأشر عليها/هذي
مشعل اخذها وحطها بالسياره والتفت عليها/اركبي وش تنتظرين.. افتح لك الباب؟
مشاعل بسعاده/لا بس ماني مصدقه.. طيب وين بنروح؟
مشعل ابتسم بخبث/اللحين بتشوفين وين
مشوا...

،
،
،
،
،
في بيتها..*
بهدوء جالسه بالصاله تشرب قهوتها بعدما ناموا اطفالها واطمأنت عليهم.. حاولت تسترخي من عنى يوم انهكها.. وتستمتع باجازة الويكند.. تفكر باللي صار اليوم وشكل مشعل ومعه نايف..تنرفزت من الصوره وحاولت تناساها..
اقبل ابوها وجلس قبالها ويخزها/...
لوجين عدلت جلستها و التفتت عليه مستغربه لانه ما سلم/بابا فيه شي؟
ماجد بهدوء/المفروض أنا اللي أسألك "وش فيك؟..وش تبين بالضبط؟
لوجين وهي تحاول تستغبي/ابوي.. ايش صاير لك الليله
ماجد وهو يخزها/حيرتيني معك ..مدري وش تبين؟!!
لوجين بان عليها التوتر وكأنها عارفه وش بيقول/...
ماجد كمل كلامه/خليتيني محتار مادري وش اقول لمشعل وهو يسألني ليش تسوين فيه كذا.. وهو ماقصر معك!!!
لوجين نزلت قهوتها من يدها وقامت/أنا رايحه انام نعسانه
ماجد/لا تتهربين من الإجابه،اللحين ابي مبرر واااحد لمعاملتك مشعل بهالطريقه الغريبه.. وليه اليوم تاخذين ولده منه بهالشكل؟ وهو ما أذاك ولا شي!!..نسيتي كلامك عن العقل وانك كبرتي واولادك لازم يشوفون اهلهم..؟!!
لوجين وهي تكبت مشاعرها، وتحس بتششت/ابوي افهمني.. ليش انت واقف ضدي اللحين!!
ماجد استغرب/انا قلت انك تعديتي هالمرحله ونضجتي لكن لا ماشفت غير البنت الطايشه وكأنك تووك صغيره، لين متى تبيني اسكت و اغطي على تصرفاتك الغبيه مع مشعل..
لوجين انصدمت/انت شايف ان تصرفاتي غبيه؟!
ماجد/اي نعم غبيه ،عدلي معاملتك مع ابو عيالك... اصلاً هو مايبي منك شي ولا منتظر منك شي..مشعل صبر عليك كثييير وانا بعد صبرت على امل انك تنضجين و تعقلين.. لكن اشوفك مع انك صرتي دكتوره كبيره الا انك مازلتي الطفله المدلله اللي تعاند بكل شي و ترفض تكبر..
لوجين انقهرت/وش قصدك ابوي؟
ماجد بجديّه/انا و مشعل اتفقنا وسمحت له يزور عياله وياخذهم وقت ما يبي ويرجعهم وقت ما يبي، هو له الحق مثلما لك انتي . وما اسمحلك ابداً ترفضين او تكسرين كلامي.. انا مابي احفادي يروحون ضحية مزاجيتك..
لوجين حست باحباط ووقفت باعتراض/ابوي لا.. ما..
قام ماجد/اللحين مافيك تعترضين على كلامي خلاص..
تركها واتجه لغرفته وهي واقفه مصدومه بالصاله..
لوجين ضلت مكانها شوي وهي منفعله وتكبت صرختها الرافضه.. و رمت كوب القهوه ع الارض وانكسر..
،
،
،
،
،
،

بمكان ثاني من السعوديه..
الرياض.. *
بيده سيجاره يتنفس سمومها و ينفث دخانها وشرارات الحقد ترسلها عيونه.. له فتره طالع من السجن.. ومصدوم بوفاة أخوه.. وطرد ابوه له بعدما عرف عنه سواياه..ما سأل في احد.. كل همّه ينهي مشعل اللي بنظره هو سبب فشله بحياته..
**البعض يبلغ به العجز والحقد مالا يدركه عقل سليم، وكأنه مريض بمتلازمة تحميل الغير "فشل نفسه"..!!
،
جالس "علي"في احد مقاهي الرياض وهو يتبسم بنصر وهو يولع سيجارته ويشفط منها وينفخ دخانها( هذي البدايه يا مشعل.. كل شي بنيته راح احرقه واحرقك معه.. راح استمتع بالبدايه بحرق اعصابك هههه)
اقبل صاحبه مفلح وجلس قباله/هاه وش ناوي عليه
علي بنظرات استفهام/وش تقصد؟
مفلح/منت ناوي تشتغل؟
علي/ماني متحمل فكرة اني اشتغل عند احد،تركت العمل
مفلح ابتسم بسخريه/منتف وشايف نفسه بعد!!
علي ناظره معصب/مفلللح
مفلح/اقوول لا تنفخ بوجهي.. كلنا بهالوا سوا.. ابوك طاردك وحارمك من كل شي..ماحيلتك حاجه..
علي وهو ينفث دخان سيجارته/شغلة السكيورتي ماتناسبني،
مفلح/شوف انا لقيت لك شغل بس مدري يناسبك أو لا
علي/وشو..
مفلح/بالفندق اللي اشتغل فيه،عندهم شاغر وظيفة مشرف عمال اذا انت حاب تقدم قولي علشان اقدم لك
علي والغرور باين في نبرته/والله وصرت أنا والعمال شي واحد.. هزلت
مفلح زهق منه وقام/انا رايح وراي شغل.. حاولت اساعدك بس انت ماتبي بكيفك..
علي/افاا يا مفلح بتخليني
مفلح/شووف يا علي.. انا اساعدك بحكم انك ولد قريتي وبس والا انت منت كفو.. انا رجال تااايب.. ومتزوج وانتظر مولود وأكد على عايله.. ماني مثلك هايم بهالدنيا واحرق نفسي بالكراهيه ومالي هدف غير انتقم من خلق الله
سلااام
مشى مفلح وترك علي مصدوم!!
علي" فكر بكلام مفلح وتذكر اولاده، مفلح قلقان على ولد مابعد جاء.. وانت يا علي عيالك ماتدري عنهم كيف عايشين..!!
ترك علي هالتفكير العقيم بنظره (مصيره بيجي مشعل للرياض وبيشوف مسرح الجريمه.. راح اكون منتظرك يا ولد العم، خلك جاهز لهاللقاء.. هههه)

،
،

،
،

وصلوا عند فندق هيلتون جدّه*
مشعل التفت عليها/انزلي
مشاعل وهي تشوف هالفندق الكبير وتلتفت عليه/هنا؟!
مشعل نزل وطلب من العامل يشيل شنطة مشاعل وياخذ السياره..
مشاعل قربت منه ومسكت يده..
مشعل حاول يفك يدها من يده بهدوء لان المكان عام/اتركي يدي.. خايفه تضيعين يعني؟!
مشاعل وهي تلصق فيه و تهمس له/لا تستحي اي حبيبين يمسكون بعض كذا.. مابي اي وحده هنا تفكر تناظر فيك بنظره من اي نوع
مشعل عرف انها فهمته غلط مرّه ثانيه وسكت/..
**وقفوا عند الريسبشن ..

بهاللحظات طلع زياد من صالة الفندق اللي حجزها لزواج صاحبه وابن جيرانهم كهدية منه له ..و كان بصحبة موظف الفندق يتفقون على الترتيبات.. استغررب من مشعل والبنت اللي ماسكته بهالشكل وكأنها زوجته، لبسها ما عجبه واستغرب اكثر انها تكون مع مشعل بهالعبايه (اخس يا مشعل تتزوج هذي بعد لوجين؟!!..وش صايرلك يا مشعل بس)
،
عند مشعل بعد ماخذ لها جناح ..
اتجهوا للمصعد..
بالمصعد كانت واقفه جنبه/مشعل ماني مصدقه.. قد ايش انتظرت هاللحظه..
مشعل كان صامت طول الوقت وهي تتكلم.. ..
،
عند الجناح*
دخل مشعل ومشاعل والعامل حط الشنطه وطلع وسكر الباب..
مشعل مشى واتجه للشرفه اللي كلها زجاج وتطل على البحر و كان معطيها ظهره ويتكلم/شوفي يا بنت الناس.. لين هنا وبس.. انا جبتك هنا مابي صدر أمي يضيق.. ومابي مشاكل.. انا حاب..
مشاعل بسرعه فتحت اللثام وفصخت العبايه وفردت شعرها من بعد الطرحه وهي تناظر فيه ومطنشه كلامه.. اتجهت له بشوق متناسيه كل القيم والاخلاق والدين..
مشعل كان بيلتفت عليها ولكنه تفاجأ بها تضمه من وراه وتصنم هو مكانه/
مشاعل وبصوت مبحوح/وغلاتك عندي،اعشق ريحتك يا مشعل.
مشعل بلع ريقه ومد يده ليدها يبي يفكها ويبعدها/يا بنت تعوذي من الشيطان
مشاعل لفت عليه وعينها اللامعه بعينه وبنبرة صوتها المبحوحه/مشعل فكرة اني محرمه عليك تذبحني.. انا مانتظر منك زواج.. ولا ارتباط.. لو عطيتني هالليله من عمرك..اعيش على ذكراها طول عمري..
مشعل صد بوجهه عنها،وهي تضغط عليه..
مشاعل، مدت يدها لخده وهي تقرب من دقنه وتغمض تشمه وتستنشق عطره/من ذاقت خمر رجولتك مستحيل تنساك..
مشعل زادت انفاسه تحت ضغطها،بليس معها..
قربت مشاعل لشفايفه وزاد تنفسها وانتظرت المبادره منه.. ولكنه كان جامد... حاولت تبدأ هي..
مشعل ابعدها عنه بهاللحظه ودفعها/اعوذ بالله منك ومن شيطانك.. ماتفهمين انتي
مشاعل ولعت غضب وعصبيه،صرخت بوجهه/لا ما افهم.. ما افهم.. افهم شي واحد وبس ..احبك ومقدر اعيش مع ابوك وانكرك.. صورتك ماتفارقني..انت رغبتي وبس
مشعل اتجه لها وسكر فمها/لا تتجرأين و تنطقينها حتى ، الله يفكني منك ومن بلاويك... انا جبتك هنا ابي افتك منك ومن وسوستك.. لكن شيطانك ما ييأس.. حركاتك هذي حرمتني بيت ابوي ..وابوي اللي ماقمت ازوره الا نادرا.. وللحين ما يأستي مني..
مشاعل نزلت دموعها وهو ساد فمها بيده/..
مشعل ورسوم الغضب باينه على ملامحه/لين هنا وبس يا مشاعل،افهمي يا بنت الناس انتي من محارمي.. وحرااام اللي تفكرين فيه.. حتى لو طلقك ابوي.. مستتحييل يكون بيني وبينك ارتباط ..ابيك تقتنعين من نفسك بس ما اقتنعتي ..واللحين انا طالع من هنا ومابي مشاكل بكره تجيك زينه بالسايق وياخذونك.. وع فكره انا راح اجيب اولادي و زوجتي للبيت ومابي اي شوشره فاااهمه...
تركها ومشى..
مشاعل زاد بكاها ودموعها/لا تعتقد اني بشوفك مع زوجتك وبسكت.. انا حتى خواتك اغار منهم اذا قربوا منك
مشعل التفت عليها وهو عند الباب وناظرها باحتقار/مرريضه
طلع وسكر الباب.. *
مشاعل جلست ع السرير منهاره وتاكل بعمرها من الحرّه.. اتقرب لك وتصدني يا مشعل.. طيب... يصير خير..

،
،
،
آخر الليل..
في شقته اللي استاجرها مؤقت علشان علاجها بجده..
جالس قبالها ومقهور وهو يشوفها تتقطع من الألم/فااتن لا تجننيني.. قومي معاي للمستشفى
فاتن تهز راسها بالنفي وهي/لا خلاص اخذت مسكن.. كل شي بيكون بخير لا تزعل نفسك حبيبي
عمر بضيق/انتي ليش تسوين كذا ليييه
فاتن وهي تدمع من شدة الألم/كلما زاد الصبر على شدة الألم كلما زادت الحسنات ومحيت السيئات.. هذي نعمه من ربي
عمر لمعت عينه/بإذن الله ربي يغفر لك ويسامحك..
فاتن هنا بكت وقلبها يتقطع عليه/عمر
عمر أصغى لها باهتمام/سمي..
فاتن نزلت دمعتها وهي تحس براحه من بعد المسكن/أحبك.
عمر بام من عندها معصب/لو تحبيني قومي معي المستشفى
فاتن/طيب حبيبي بس مو اللحين... انا عندي مشوار بكرا لوحده من صاحباتي هنا... اذا خلصت منه.. اوعدك اروح معك المستشفى
عمر/اكيد؟
فاتن/اكيد..
/
/
/
/
/
/
صباح اليوم الثاني.. *..
كانت طالعه من عيادتها كعادتها.. مرت على مرضاها ومن ضمنهم عمها..
دخلت واستغربت وجود مشعل نايم وهو جالس متكتف ومسند راسه على ع الصوفا السوداء، حاولت تتجاهل وجوده واتجهت لعمها شافته نايم ومرتاح..
والتفتت غصب تجاه مشعل تنهدت وهي تقول بخاطرها(آه ياكثر ما احبك)..كانت بتطلع بس لاحظت شي عند ياقة ثوبه باللون الأحمر..
قربت منه ونزلت راسها لتقرب اكثر تبي تشوف وتتأكد..
مشعل بهاللحظات فتح عيونه بكسل وانتبه لها،لكنها ماشافته يفتح عيونه/اكيد انا احلم.
لوجين ابعدت بسرعه وهي منحرجه/مشعل
مشعل شافها تناظر فيه وعدل جلسته/..
لوجين دققت للي بياقته كان واضح انه "روچ"، حست بنار داخلها تتقد ..
مشعل وقف/صباح الخير
لوجين وهي تحاول تكون هاديه وعاديه/صباح النور
مشعل استغرب نظراتها الاستفهاميه/فيني شي،غريب؟
لوجين ناظرته باحتقار و مشت..خايفه لا يصحي عمها وهم يسولفون.
مشعل لحقها/لوجين لحظه
لوجين بعدما طلعت لصالة الجناح التفتت عليه وهي تشوف اثآر الروچ على ثوبه/انت شلون تتكلم مع ابوي عن اولادي
مشعل/لا تنسين اني ابوهم
لوجين ماعجبها رده/اكرهك
مشعل بلامبالاه مصطنعه/مشكلتك
لوجين كانت بتطلع بس ماقدرت تسكت رجعت له وهي تناظره بقرف/ثاني مرّه شوف نفسك في المرايه قبل تطلع من عند المدام
مشعل استغرب/مدااام!!
لوجين/لا تستهبل علي.. ادري انك متزوج من زمان فلا تنكر
مشعل/انا مالي زوجه غيرك
لوجين بعصبيه/انا طليييقتك افهمم.. بعدين دام ماتزوجت بعدي اجل وش تفسر لي وجود اثآر هالروچ اللي على ثوبك
مشعل ارتبك وتلعثم وهو يتذكر مشاعل البارحه/هااه..؟!!
لوجين ولعت نيران غيرتها/ليش ساااكت؟..برر موقفك،لا تقول ماعطيتيني فرصه! اانطق من صاحبة هالروج وكيف وصل لهالمكان.
مشعل تردد ما قدر يصرف او يرقع الموضوع/...
لوجين بنظرات احتقار/مشعل اشفييك، انت ماكنت كذا!! معقوله تطلع مع بنات مثل المراهقين؟!! ..لا وجاي تطالبني بالاولاد بعد!! اي نوع من الأباء انت؟!!
طلعت من عنده مصدومه..**
رجع مشعل ودخل دورة المياه بسرعه وشاف ثوبه في المرايه و انقهر اكثر و يتحسب بداخله( الله لا يوفقك يا مشاعل، ناويح تحولين حياتي جحيم )
اخذ جواله واتصل في زينه علشان تجيب له معها بدله..
،
،
،
دخلت عيادتها وهي مقهوره والعبره تخنقها سكرت الباب وجلست تبكي...
صوت احد يطق الباب..!
لوجين مسحت دموعها بسرعه وحاولت تحنحن علشان مايبين على صوتها بحة البكى، قامت وفتحت الباب/لمياء!!
لمياء تعرفها من نظره وحده/السلام عليكم،
لوجين دخلت وجلست/وعليكم السلام
لمياء جلست/شفيك ؟!
لوجين حاولت تصطنع الابتسامه/مافيه شي انتي وش عندك جايه من صباح
لمياء رفعت يدها اللي تمسكك كارت دعوه زواج/ابداً فرحانه،ولد جيراننا البزر بيتزوج وامه طلبت مني اعطيك هالكرت واعزمك
لوجين ماقدرت تبتسم/مبروك
لمياء/شفيك تقولينها بدون نفس،لا يكون بعد شفتي مشعل وضاق صدرك
لوجين قربت تبكي/رحت لعمي كالعاده في الصباح وشفته نايم عنده
لمياء/طيييب،يعني وش مزعلك بالموضوع.. لايكون منعتوا عنه المرافق، و
لوجين باندفاع وبنبره توضح الغيره اللي ماقدرت تكبتها/ي لمياء شفت على ياقة ثوبه رووچ بنااات
لمياء ماقدرت تمسك نفسها/هههههههه يعني بالله في روج للشباب.. انتي هالفتره صايره خبله ههههههه ركزي شوي ههههه تراك طبيبه جرّاحه.
لوجين ناظرتها بنص عين/انا اتكلم جد وانتي تستهبلين
لمياء وهي تكتم ضحكتها/زين ..قولي كلام معقول علشان ما اضحك.. اها.. وش اللي يزعل بالموضوع.. اكيد هذا من زوجته
لوجين عطتها نطرات ناريه/...
لمياء تستهبل عليها ومستمتعه وهي تشوف غيرتها المفضوحه/اها نسيت انو مشعل هو الحب تبعك
لوجين رمت عليها القلم بغيض/حبك برص، اوكي
لمياء مسكت القلم وهي تضحك. تذكرت كلام زياد/تعااالي، زياد اليوم الصبح ع الفطور قالي انه شاف مشعل في فندق هيلتون ومعه وحده واضح انها زوجته يقول متعلقه بذراعه و كنها خايفه احد يخطفه ههههه بعض الزوجات خبلات
لوجين تنحت وكأن الدنيا توقفت و الدم تجمد بعروقها،"تذكرت ان مشعل يقول انه ماتزوج بعدها"اجل هذي ميين؟..غيرتها وصلت للتوب خلاص مافيها تتحمل، ومع ذلك هي من النوع اللي صعب يعبر عن مشاعر حبه بسهوله،معاد حست بشيء حولها/...... .
لمياء، خافت من سكوتها المفاجئ واتجهت لها،هزتها/لوجين.. لوجيين ردي علي... لوجين!
لوجين جالسه مثل الصنم وماتحس فيها،وبعد دقيقه صحت على نفسها/
لمياء بدأت تنرعب/ليتني سكت وماتكلمت.. لوجين ردي
لوجين التفتت عليها وبعيونها دموع ترفض النزول/مافيني شي.. ابعدي عني
لمياء/لوجين..!!
لوجين قامت وتركتها واتجهت للممرضه برا/اليوم ماعندي عمليات..بس عندي 9مراجعين اتصلي عليهم او ارسلي مسجات وعطيهم مواعيد بكره لا تأخرينهم لموعد ابعد من بكره.. فاهمه.. واذا فيه حاله طاااارئه اتصلوا
الممرضه/حاضر دكتوره.
لمياء لحقتها/لوجين تعااالي
لوجين اخذت اغراضها وخلصت و التفتت عليها وهي تصطنع القوه/لا تخافين..ماني هبله علشان أأذي نفسي بسبب تافه.. انا بس حابه ارتاح شوي
لمياء ماصدقتها/اكيد!!
لوجين/اكيد.. يلا سلام..
،
،
لمياء رجعت لعيادة لوجين تبي تاخذ جوالها و تسكر العياده..
لفت وتفاجأت برجال واضح انه هيبه وجنتل من اناقته ولباقته..
لمياء استغربت هالرجل/نعم اي خدمه
الرجل هو نفسه عزام/وين دكتوره لوجين؟
لمياء/مو موجوده.. روح واخذ لك موعد اذا حاب تشوفها..
عزام اول مره يتضايق ،لأن عمره ما جاء الا ويلاقيها قدامه/لا لا ..راح اجي وقت ثاني.. سلام
لمياء وهي تسكرب باب العياده/ سلام...
/
/
/
/
/
/
/
المساء*
كانت زينه عند ابوها.. وتسولف عليه وتنسيه وجعه..
بو مشعل بجديّه/زينه يا بنتي
زينه وهي تصب له ماء/لبيه
بومشعل/زعلانه مني يابوك
زينه استغربت/لا حبيبي.. ليش ازعل من أبوي. .انت كسّر راسي اذا انا مزعلتك
بومشعل/اخاف اكون ظلمتك ..انا حرمتك من الزواج.. رفضت كل من تقدملك بحجة انه مايصلح ومهو من مقامنا
زينه بابتسامه/اصلاً مابعد جاء النصيب... اكيد اذا جاء نصيبي ماراح ترفضه
بومشعل/هالمره الراي رايك لحالك.. ان بغيتي تزوجي وان بغيتي تجلسين عند ابوك تراه بالحيل يحبك ومايستغني عنك
زينه وهي تمازحه/ههههه مثل اللي يقول لا تزوجين
بومشعل/وين مشعل؟
زينه/راح للرياض عنده عمل ضروري مع عزيز
بو مشعل ابتسم بحنين/يالله.. عزيز!!.. هالولد،اختفى مرّه وحده..سمعت من مشعل انه صار رجل اعمال ناجح وهو معاد رجع للجنوب.. والله ان له فقده هالولد
زينه ابتسمت ومالقت لها تعليق..
بومشعل/شخباره هو.. تزوج والا لا
زينه تسوي نفسها ماتدري/مادري عنه..
بومشعل/له حساب عسير هالولد،شلون يقاطعني وانا مربيه مثل ولدي وبمعزّة مشعل..
زينه تختبره/يمكن انه تغير ومعاد يبينا
بومشعل ببتسامه/لا نا اتوقع انا متأكد 100%انه يحبني حتى مع قسوتي عليه احيان.. الا انه عارف اني احبه.. عزيز مب من النوع اللي ينكر اهله..
زينه قامت وباسة راس ابوها/فدديت لحيتك ي هالشايب
بو مشعل/ههههههه
زينه/نسيت اقولك... تراني نسيت امر مشاعل واجيبها معي
بومشعل يكره طاريها/ليش وين هي فيه؟
زينه/مشعل اخذها للفندق.. مايبيها تضايق أمي
بومشعل/من معاها هناك
زينه/محد.. بس لا تخاف بمرها وانا رايحه واشوفها،وبكرا بتجي معي..
بومشعل سكت وهو يفكر باللي سوته مشاعل والكلام اللي سمعه منها وهي تكلم بالجوال.. وحديثها عن تحرشها بمشعل وعشقها له.. كان قلبه ينفطر لأنه كان عايش بـ وهم، وخرب عايلته علشانها، تذكر ليش كان ولده مايجي للبيت كثير ..وكان يحب يقابله بالمجلس اكثر شي..
تذكر رفضه انه يوديها مشاوير... كل هالاشياء خلته يشوف بوضوح كمية الغفله اللي كان عايش فيها..
،
،
،
،
*بيت ابو زياد*
رن جرس الباب.. فتحت الخادمه..ودخلتها للصاله وراحت تنادي ام زياد. ... ،
كانت فاتن تحس بسعاده وهي تحاول تفرّح قلب عُمر..
اقبلت أم زياد بابتسامتها/اهلا وسهلا... حياك تفضلي
فاتن/زاد فضلك خالتي..يمكن ماتعرفنا سلفاً اسفه على جيتي بدون موعد
ام زياد/مافي مشكله تفضلي..
جلست فاتن وهي تحاول ترتب الكلام اللي في راسها وتقوله لأم زياد..
ام زياد/يا عاايدااا هاتي القهوه بسرعه
فاتن/اسمحيلي يا خاله اعرفك بنفسي.. انا اسمي فاتن.. وجايتك بموضوع يخص اخوي. ومستعجله شوي
ام زياد استغربت/اخوكِ؟!!..ايش الموضوع يا بنتي
فاتن/انا طالبه بنتكم لمياء لاخوي عُمر..
ام زياد استغربت/...
فاتن كملت/اخوي بصراحه شافها بالمستشفى وانا تعاملت معاها وحبينا نجي من الباب ..مثلما الناس تسوي يعني.. ايش قلتي يا خاله..
ام زياد تفاجأت بالموضوع/والله يا بنتي انتي عارفه الخطبه مو شي سهل نوافق عليه من البدايه ..انا راح اقولها الموضوع واخوها وابوها ..ونسأل بالأول ..وبعدها نرد
فاتن/اخذوا راحتكم من هالناحيه... لأننا بصراحه شارين لمياء وحابين نناسبكم..
ام زياد وهي للحين مستغربه/خير باذن الله... تقهوي يا بنتي..
فاتن شربت فنجانها وهي مبسوووطه بهالشي.. وتتخيل مدى سعادة. عمر اذا قالت له اللي صار..

،
،
،
،
،
الريـــاض*
وهو بطريقه للمكتب.. جالس مشعل بالسياره يفكر ..من هاللي حاول يأذيه... ليه بعد كل هالسنين المستقره يطلع شي ينكد عليه ..واضح انه عمل تخريبي وبس..
عزيز التفت عليه/وشلون عمي فيصل
مشعل وباله مشغول/بخير ..
عزيز/شلون الاهل
مشعل التفت عليه/من بالتحديد؟
عزيز استغرب/اهلك تراهم اهلي.. لا تقعد تفلسف علي
مشعل ابتسم وهو رافع حاجب/وصرنا نتكلم بثقه بععععد
عزيز/ههههههه
مشعل بشويّة جديه/اذا انتهيت من هالمشكله تفرغت لحياتي
عزيز/وش السالفه.. ناوي تتزوج
مشعل/قسم بالله انك رايق.. سوق وانت ساكت بس
عزيز بمزح/هييي لا تظن اني سايق عندك.. ترى اسفط ع جنب الخط وانزلك
مشعل التفت عليه بنص عين/المهم وش سويت
عزيز/علامك معصب وحاسك متوتر.. صاير شي
مشعل بنبرة تعب/راسي فيه مليون شغله.. وتعبت ،ابي ارتاح.. احس وكأني طول عمري اركض ابي استراحه من هذا كله..
عزيز/شرايك تسافر بعدما نخلص اوراق المخازن
مشعل/هذا اللي افكر فيه.. الحمدلله اني مسوي تأمين والا كان خسايرنا وش بيعوضها.. بس
عزيز/بس وشو يابن الحلال
مشعل طلع جواله وفتح ع الاستوديو وهو يشوف صورة "نايف" ويتبسم وساكت..
عزيز شافه سكت والتفت عليه/وش فيك تبسم لحالك،انا اكلمك وانت حالتك حاله وبالنهايه تطالع بالجوال وتاركني
مشعل بسكات لف بالجوال لعزيز/تعرفه؟
عزيز/لا ،مشعل اخر مره شفت بزر من كم سنه.. عايله فقر بزران
مشعل ابتسم/يعني ما شبهت عليه؟!!
عزيز بابتسامه/ملامحه مألوفه.. شكله مملوح وينحب،لا يكون ولد ساره
مشعل/ياغبي هذا نايف ولدي
عزيز اخذ الجوال منه ووقف وهو يطالع بالصوره والفرحه ما توسعه/قل قسسسم.. اسمه نايف بعد!! ما شاء الله اخيرا شفت ولدك
مشعل اعجبته ردة فعله واكتفى بابتسامه/..
عزيز وكأن الولد له هو/هالخبر والله ما يعدي بهالسهوله.. والله لتدري الديره كلها بحفله ماصارت ولا استوت.. خلنا نرجع لها بس بعدما نخلص وبتشوف.. هذا ولد مشعل مب حي الله
مشعل بابتسامته/كفو يا عزيز..
،
،
،
،
،
،
بغرفتها جالسه مستلقيه على سريرها ..وصدرها حيل ضايق ليه شافته مره ثانيه.. ليه طلع بحياتها.. ضاق الكون فيها.. وهو بعيد شاغلها وهو قريب قاهرها.. ليه ما ينتهي عنه قلبها..ليه ما ينسى.. وتفكر دامه ماتزوج.. من هي هذيك البنت اللي شافها معه زياد؟!..
شلون صرت كتلة نار مشتعله.. ليه اعشق شوفته واذا شفته يغلي دمي واتهاوش معه.. ؟!
معقوله انا مثلما قال ابوي متردده وماعرف وش أبي؟!!معقوله اكون متهوره واتصرف بتصرفات مراهقه مع مشعل؟..يمكن زياد بعد يكذب، او ما انتبه له..بس وش تفسير أثآر الروچ على ثوب مشعل.. مافيه تفسير ثاني.. له علاقه..
افففف تعبت من هالتفكير المزعج..
رن جوالها والتفتت بهدوء تشوف مين المتصل واستقعدت وهي ترد بسعاده/روووبي
روبين في الجوال/السلام عليكم لوووجي
لوجين بابتسامه دامعه/وعليكم السلام ...اشتقتلك روبي
روبين خنقتها العبره/والله انا اللي اشتقت لك وللمياء وللسعوديه بكبرها..
لوجين/حبيبتي وش فيه صوتك،انتي فيك شي
روبين/لا تطمني بس انتي عارفه الغربه.. لي سنتين ما نزلت للسعوديه.. قلبي محروق بس وش بيدي
لوجين رحمتها/تعالي زياره طيب..
روبين/اترجى مراد ننزل ورافض.. ببني وبينك يأست منه دوووم مشغول وانا دوووم مشغوله.. مانلتقي الا المساء ونكون تعبانين.. الله يعين
لوجين/هذي هي الحياه.. وش نسوي
روبين/المهم طمنيني عنك وعن الاولاد اشتقت لهم اللحين كبروا صح؟
لوجين/يب صاروا طلاب في الروضه ههههه.. وعندي هالمشااغب
روبين قاطعتها/ناايف صح؟..
لوجين/ايه.. يختي قالب الدنيا.. يسوي اشياء اخوانه ما يفكرون يسوونها..الله يصلحه بس
روبين/هههههههه
لوجين/بشري ..فيه شي بالطريق
روبين/لا طبعاً
لوجين/يا بنت للحين رافضه فكرة الامومه
روبين/ماطيييق البزرااان.. ياااع اشوفهم من بعيد بس اهتم فيهم ويزعجوني لااااا
لوجين ماعجبها تفكيرها/ولين متى بيصبر عليك مراد
روبين/اذا حاب يصبر..
لوجين/انا اشوف انه بيكون أب مثاالي.. دام انه اصبر عليك كل هالسنوات.. عاد شكله يجب الصغار
روبين/مشكلته مو مشكلتي...انا ما اشتقت صدق الا لساره هالبنت تعلقت فيها وراحت مع لمياء
لوجين تستفزها/جيبي لك طفل احسن لك بس
روبين/لووووووجييين اشوفك قلبي زي ستي
لوجين/ههههههههههههه
،
،
،
،
،
،
،
،
كـــندا*
سكرت روبين الجوال ..وتنهدت كانت جالسه عند المدفئه التفتت على النافذه بعدما سمعت صوت صفير الريح "انتبهت للثلوج تهطل بغزاره.. اتسعت ابتسامتها واتجهت لمكتب مراد اللي يفتح على الصاله/مرااد تعاال برا ثلج
مراد وعينه ع الاوراق اللي بين يديه/روبي ماتشوفيني مشغول
روبين اتجهت له ولفت من وراء الكرسي اللي يجلس عليه وحاوطت رقبته من وراء بذراعها وهي تضمه/حبيبي اليوم اجازه ليش جالس بمكتبك..
مراد ،مايتحمل دلعها لكن حاول يبعد يدينها/قلت لك مشغوول ماتفهمين انتي؟!!
روبين كانت مصرّه وباسته في خده/مراااد الله يخليك تعال معي نلعب بالثلج في الحديقه من زمااان ما لعبنا
مراد/روبين ابعدي عني ترى ماني رايق لك،تعبان ومجهد..
روبين عرفت انه جاد بكلامه دامه قال "روبين"بدال "روبي" سحبت يدينها وتركته ومشت وهي متضايقه من بعده عنها بالفتره الاخيره..
قام مراد واتجه لغرفته بينام..
روبين لبست جاكيت ثقيل و طلعت لحالها بالثلج ووقفت تحته... جمعت منه حفنه ورمتها... وضلت واقفه لحالها تناظر زخات الثلج اللي بدأت تشتد غزاره.. طرأت ببالها فكره..اخذت ثلج ودخلت مباشره لمراد وهو نايم معطي ظهره للباب.. مشت بهدوء..
مراد حس بخطواتها وظن انها جايه تنام...طنشها
روبين قربت من راسه من وراء سحبت البجامه وكبت الثلج بينه وبين ملابسه وهي ترسم ابتسامة المكر..
مراد فز واقف بصراخ /ااااااااح
روبين هربت مثل الهواء وهي ميته ضحك/خليك تصحص يالكسلان
مراد لحقها لبرا ..وذبحها بالثلج يلخذ من الارض ويرميها وهو معصب/والله لخليك تندمين تلعبين بالثلج مره ثانيه...
روبين صار اللي تبيه ولقت من يلعب معها ماقدرت توقف ضحكها...لان خطتها نجحت...
،
،
،
،
،
،
،
السعوديه*
الريــاض..
متجه مشعل وعزيز للمخازن.. وقفوا يعبون بنزين من محطه قرريبه حيل من المخازن..
عزيز نزل/انا رايح اجيب مويه..
مشعل وهو يكلم بالجوال/طيب..
نزل عزيز...اخذ مويه ورجع...
احد عمال المحطه ولابس يونيفورم العمل انتبه لمشعل وهو يتفحص ملامحه اللي مسستحيل ينساها.. لمعت عينه والتفت على صاحبه/مشعل..
صاحبه اليماني التفت عليه/ايت واحد فيهم
العامل فز واقف واتجه لسيارتهم وهو يشوفها تتحرك وينادي/مششعلل... مششعل..
عزيز ما انتبه للي يناديه.. ولف ع المخازن..
مشعل وهو يشوف المناظر من مسافه ومنقهررر من الدمار...
،
وقف عزيز السياره ونزلوا كلهم..
مشعل وقف شوي يطالع وهو يتساءل/انا متأكد انها بفعل فاعل..
عزيز/حتى تقرير الدفاع المدني يقول هالشيء..
مشعل دخل وهو يتفقد حجم الاضرار/حسبنا الله ونعم الوكيل ..
عزيز/زين اننا مسوين تأمين..ضاع عن بالي والله.. كنت منصدم ونسيت سالفة التأمين لين ذكرتني بها.
مشعل التفت عليه بابتسامه/اساسيات العمل التجاري انك تتوقع الخساره مثلما تتوقع الربح.وخلك مصحصح
عزيز/ههههه مشعل ترى ماني قدك
مشعل سمع صوت واستغرب/عزيز فيه عمال هنا!!
عزيز/لا.. اعطيتهم اجازه اسبوع لين تخلص مشكلة
مشعل وهو يلتفت ناحية الصوت/اجل وش هالصوت اللي اسمعه
عزيز حاول يسمع..
عامل المحطه كان لاحقهم وبما انهم وقفوا قريب لحقهم..لاحظ مشعل وعزيز واقفين هناك وبينهم مسااافه.. واتجه لهم ركض وبالطريق لمح واحد مصوب مسدسه تجاه مشعل...!!
ظهر لهم "علي" بلبس العمال وناداه بابتسامه/مشششعللل هذي نهايتك صدقني
عزيز ومشعل ماقدروا يقولون كلمه..
*صوت طلقة رصاص*.. دم انتشر مع سقوط مشعل. . وصراخ عزيز اللي هز المكان..
،
،
يتبع*