رواية من متى و الغصـن يختـار الطيـور..!! الفصل الثالث والعشرون 23 - بقلم Nis2reen~<

25))من متى والغصن يختار الطيور؟!

في مواقف نمر فيها.. تصرخ الكرامه وكبرياء النفس يرفض ان يقبل بالذُل.فالعشق لا يبرر الأخطاء،العشق والحب يتبعهما الثقه بين المُحبين..
فإنه لا يجتمع عشق وشك في علاقه واحده..
العلاقات القويه اطرافها اقوياء يتحدون كل المشكلات مع بعضهم... بعكس العلاقات الهشه التي يكون احد طرفيها تحت تأثير ظروفه ومن حوله ممن يحاولون إفشال تلك العلاقه...!!
،
،
،
الأحداث السريه*
الساعه الآن السابعه. .
نزلت من غرفتها وبيدها ملزمه وشنطتها واتجهت للمطبخ كعادتها...
تركت ملزمتها واغراضها ع الطاوله واخذت لها كاس وصبت لها عصير توت بري من الثلاجه.. سكرت الثلاجه وهي تحاول تركز.. شوي وسقط الكاس من يدها وانكسر وانكب العصير ويدها ترجف..!!

هدى اتجهت للمطبخ بعد الصوت/ايش صار حبيبتي
لوجين راحت تجلس ع كرسي وتضغظ على راسها بيدينها/بسم الله
هدى/انكسر الشر يا حبيبتي.. راسك يوجعك.. او حاسه بحاجه..
لوجين بابتسامه/لا.. الظاهر ارهاق..
هدى/واضح من لون بشرتك ان عندك فقر دم.. انتبهي لأكلك.. لا تنسي ببطنك ثلاثه.. راح تهلكين منهم اذا ما اكلتي..
لوجين اخذت كتبها/ماما لا تشيلين همي انا بخير
هدى/اجلللسي بصب لك عصير واحط لك شي تاكليه
لوجين وهي تقوم/لا تتعبين نفسك يا أمي.. انا طالعه
هدى مسكتها وجلستها غصب/اقووول اجلسي احسن لك
لوجين جلست وهي تتبسم/اوكي..
هدى وهي تصب العصير وتمدها لها/اسمعيني ترى عندك موعد عند دكتورتك بكرا لا تنسين تروحين بعد محاضراتك
لوجين/اذكر ما راح انسى ان شاء الله.
هدى/كويس انك تذكرين خايفه تنسين نفسك بالدراسه وتهملين نفسك.
،
،
،
،
،
،
،
المطار...
نزل و قلبه بدأ يضطرب... فكرة ان حبيبته بهالمكان تربكه وتوتره بعد..
عمر وهو يشيل شنطته/يلا مشعل.. لقيت سايق
مشعل/يلا مشينا..
ركبوا السياره متجهين لمقر اقامتهم..
عمر/هاه بتروح لها الليله؟ والا تنتظر لبكره..
مشعل وقلبه مع لوجين/ودي.بس اخاف تكون نايمه
عمر وهو يقصد الكادي/انا بعد من رايك.. روح لها تلقاها تنتظرك على جمر..
مشعل سرح وهو بوادي ثاني/...
عمر ابتسم ونغزه/تراني اقصد الكادي.. ما اقصد غيرها.
مشعل عصب/من قالك اني افكر بـ لوجين
عمر/ههههههههههه انت قلت
مشعل عطاه نظره"يعني اسكت"..
عمر ماقدر يسكت/هههههههه قسم بالله تضحك..
مشعل/اقول خلنا نروح نرتاح وبكره بروح لها..
ركبوا السياره.. ومشت..
عمر/الساعه 9 ترى يمديك تلقاها مابعد نامت
مشعل/لا يابن الحلال صعبه... خلها لبكره
عمر/بكيفك.
سكت مشعل وهو شارد بأضواء هالمدينه وشوارعها.. هالمدينه فيها "اجمل حب"..
،
،
،
،
،
،
الجنوب..
يوم جديد... *
صحت من نومها بخوف... على اصوات اطلاق نار من رشاشات اوتوماتيكيه ..للحظه ظنت "هنادي"انها تحلم!!
فزت من سريرها وهي مرعوبه واتجهت للنافذه اللي تطل على حوش كبييير كله اشجار ليمون ورمان واكواخ عنب يتوسطها رصيف لسيارات البيت..
لاحظت واحد ماسك الرشاش قبال جابر و يطلق الرصاص في الهواء.. وباين "مبسوطين" من وجيههم..!!
لحظات ووقف اطلاق النار..
الرجل اللي اسمه "مفلح" رفيق جابر وعلي/الللف مبروووك يا بو علي ..منك المال ومنها العيال....
،
هنادي فهمت السبب وسكرت الشباك/اجل هذا الازعاج بمناسبة الزواج ههههه... والله لو تموت يا جابر ما شيل في بطني اولادك.
دخلت و غيرت بجامتها ولبست فستان تركي نعوم لتحت الركبه وشعرها ممسوك بربطه فووق مثل ذيل الحصان ونزلت تحت تدور ابو علي في الصاله تبي تصبح عليه، ماشافته( بروح اجهز القهوه علبال مايجي عمي واتقهوا معاه)
.
اتجهت للمطبخ بتفطر ..وانصدمت بلبس الفلبينيه "برمودا ابيض ضييق وبدي اصفر"!!!
الفلبينيه بابتسامه/صباح الخير أروووس
هنادي بقرف/اي صباااح اللي بشوفك فيه لابسه هالشكل!!
الفلبينيه/انتا مالك دخل مدام
هنادي اتجهت للثلاجه تاخذ مويه/ياااااع وش هالقررف اللي انتي لابسته.. بعدين عييب البيت كله رجال..
بهاللحظات دخل جابر وما انتبه لهنادي/وين القهوه يا روزي..
هنادي اخذت كوب ماء وتشرب وهي تخزه من بعيد بنظرات ناريه/
روزانا بابتسامة خبث/موجود هبيبي كلو جااهز..
جابر ناظر شكلها بابتسامه/شلونك روزي،اشتقتلك
روزانا وهي تناظر هنادي بنص عين وتحرها/كوويس هبيبي
جابر قرب لخدها بيبوسها/
هنادي ماقدرت تتحمل اتجهت للزباله واستفرغت/... .
جابر تفاجأ بوجودها.. ودف روزانا بعيد عنه واتجه لهنادي وهو خايف/هنااادي وش فيك؟
هنادي استفرغت وخلصت وتمسحت..
جابر مد يدها لكتوفها ومسكها وهو خايف/هنادي فيك شي؟
هنادي ابعدت يدينه عنها بقرف وهي تخزه بنظراتها الناريه/ياااع لا تلمسني
جابر يخاف دووم من نظراتها/لا تناظريني كذاا نزلي عيوونك
هنادي وعينها ما زالت تخزه/كنت اظنك مجرد انسان حقير ويستغل الفرص لنفسه وبس.. طلعت زياده على ذلك انسان ررخييص وقذرر و بدون وازع ديني!!
طلعت هنادي من المطبخ وتركته..
جابر اول مره يسكت وما يرد على احد يسبه!!
روزانا اتجهت له تبي تستغل الفرصه وربتت على كتفه/دونت ووري هبيبي انا موجود.. انا اعرف هذي مافي كويس rozy is ur love
جابر اخد القهوه و راح لمجلس الرجال من دون يرد عليها...!
روزانا بنظرات خبيثه/I will show u mis hanady
،
،
،

قصر ابو مشعل*
رجعت ام مشعل من زيارتها لاحد الجارات وكانت حيل متوتره وعيونها تلمع دموع...رمت عبايتها على جنب و جلست وهي مو على بعضها ..
نزلت زينه وشافت "أمها مو طبيعيه/يمه بسم الله عليك وش فيك
ام مشعل وهي معصبه/وين أبوك
زينه/ما ادري... يمه ليه انتي معصبه
ام مشعل كانت بتتكلم وشافت ابو مشعل توه يدخل/..
ابو مشعل/السلام عليكم
زينه/وعليكم السلام
ام مشعل ماقدرت تسكت اتجهت له وهي مو مصدقه/صحيح اللي سمعته يا فيصل
ابو مشعل ابتسم بخبث وجلس/ووش اللي سمعتيه يالكهله
ام مشعل وهي تخفي جرحها/انت صدق تبي تتزوج علي؟
ابو مشعل/اي نعم بتزوج.. عندك مانع
زينه/!!!
ام مشعل خنقتها العبره/موصحيح يا فيصل اكيد تمزح
ابو مشعل/انا ما امزح والزواج بعدما يرجع مشعل من سفره ان شاء الله
ام مشعل لمعت دمعتها/عاد مالقيت غير مشاعل بنت راجح!!
ابو مشعل ناظرها وهو يبتسم بسخريه/يقولون البنت حلوه وصعيرة سن بعد.. لا يكون عندك مانع والا شي بس!!
ام مشعل بدمعة قهر/عقب هالسنين يا فيصل تتزوج علي؟!
ابو مشعل/انتم يالحريم عجيبين..هذا انتي خربتي بيت مشعل وبعد تبين تزوجينه مره ثانيه علشان تقهرين طليقته.. و ماتبيني اتزوج عليك.!!
ام مشعل ماقدرت ترد،،
ساره تبي تلطف الجو و ما تدري وش تسوي هذي أمها وهذا أبوها/..!!!
ام مشعل قامت وراحت غرفتها متضايقه..
ابو مشعل وهو يخز بنته/مافي مبروك يا يبه ولا شي
ساره وهي خايفه/مبروك يبه.. بس
ابو مشعل/بس ايش
ساره بتردد/ماتلاحظ انها اصغر كثيير منك
ابو مشعل/الرجال مايعيبه شي..اجل تبيني اتزوج كهله كبر امك!!
ساره/بس انت اكبر كثيير ؟من أمي!
ابو مشعل/ساااره..
ساره وهي تنزل راسها/اسفه يبه.
،
،
،
،
،
،
،

يوم جديد في (توينتو) كندا.. . ،
طالع من الفندق وهو لابس قميص رسمي اسود ومفتوحه ازاريره من فوق وبنطلون اسود انيق وبيده جاكيته الرسمي الاسود ولابس نظارات سوداء .. اتجه لبيت الكادي بعدما اتصل في زوجها واخذ منه العنوان..
رن الجرس ونزل نظاراته وانتظرها تفتح له..
شوي وفتحت الباب وصرخت/ااااا ممشششعععللل
مشعل بابتسامته الهاااديه/السلام عليكم
الكادي ماعطته فرصه تعلقت برقبته وهي تبكي من فرحتها/كنت جالسه انتظررك حبيبي اشتقتلك ..<<<خنقتها العبره
مشعل بابتسامه/خلاص كاادي ليش تبكين
الكادي حاولت تسكت وتبتسم/اعذرني ياخوي ماني مصدقه اني شفتك عقب كل هالغياب.. بشرني عنك وعن صحتك وكيف عزيز و الاهل والديره
مشعل وهو يمد يده و يمسح دموعها/كلنا بخير لا تشغلين بالك...
الكادي/تفضل وش موقفك
مشعل/لا مابي اجلس بالبيت ودي اتمشى وجيت اخذك معي انتي وألين ..صحيح وينها ابي اشوفها
الكادي/مايصير منت طاالع.. اذا جاء زوجي وما لقاك بيعصب
مشعل/ولا يهمك بالليل نرجع ونتعشى هنا يكون هو وصل
الكادي/دام كذا انتظرني لحظات واجيب ألين
مشعل جلس ينتظرها..
،
،
،
،
،
،
،
في بيت البنات..
لمياء وباين في نبرتها الزعل/زيااااد الله يخليك مابي اي شي يزعل رفيقتي. وش صار لعقلك انت؟
زياد بدون تفاهم/وانا وش قلت يعني... لمحي لها والا تراني بتولى المهه بنفسي
لمياء وقفت باعتراض/افهههمم البنت حاامل و انت تدري ان خطبة الحامل ما تجوز واصلا لوجين صديقتي واعرفها "فگرة الزواج مو في بالها ابداً" هي توها طالعه من علاقه فاشله مابي اضيق صدرها بالكلام عنك..
زياد قام وهو زعلان/طيب يا لمياء.. مشكوور دامك ماتبين تساعديني.. انا بتصرف
لمياء لحقته/زياااد .لحظه وقف ززيااادد لا تروح لها
زياد ركب سيارته وراح..
لمياء تضايقت من هالموضوع اللي جننها..
روبين نزلت وهي تنادي/لمووووش راح اخوووك
لمياء بضيق/ايووه رااح.. تعالي
روبين/ايش فيكم تووه جاي وصراخكم واصل اخر الحاره
لمياء جلست تحاول تسترخي/اخوي بيجنني يا روبي بيجنني..
روبين/الله يهديه..
لمياء/توقعين وين راح؟
روبين/اللي اعرفه ان لوجين بعد الجامعه عندها موعد في العياده... ان شاء الله ما يلحق عليها بالجامعه وتكون طلعت
لمياء بقلق/ان شاء الله... لان هالبنت مو ناقصه ضغوطات.
روبين تذكرت/لموش وش قلتي؟ نروح للسوق بعد العصر
لمياء بضيق/لازم يعني
روبين/ايوه لازم... محتاجه كم غرض
لمياء/طيب بس مو نتأخر لأن وراي مذاكره
روبين/اكيد ما راح نتأخر.. حتى انا وراي مذاكره
لمياء جلست وهي تفكر بـ لوجين... وتصرفات اخوها الغبي.
،
،
،
،
،
،
،
في مكتبة الجامعه..
نزلت كوب قهوتها على طاولتها وهي تناظر بالكتاب اللي قدامها..وتكتب ملاحظاتها والملخص..
رن جوالها وطنشته..
وئام لاحظت ان الكل يلتفت عليهم ونغزت لوجين/لوجين ردي على جوالك ازعج الطلاب
لوجين انتبهت وفتحت الشنطه/يووه نسيت
وئام/ردي بسرعه
لوجين فتحت الجوال وردت/الوه.. حاضر يا أمي.. لا مانسيت ..اوكي دحين اروح..
سكرت جوالها وهي ماده بوزها/يالله
وئام/وش صااير وش تبي الوالده
لوجين/أمي متصله تذكرني بموعدي بالعياده.
وئام/وليش زعلانه يعني.. المفروض من نفسك تروحين انتي اللي حامل ولازم تهتمين
لوجين وهي تتصنع اللامبالاه/عندي اللي اهم
وئام تناظرها بنص عين/انتي تبين تجلطيني قوومي خلينا نروح، وش اللي اهم من صحتك
لوجين قامت ببطنها اللي صار باارز بشكل ملحوظ/اووكي خليني أجمع اوراقي
وئام ساعدتها وطلعوا...
،
طلعوا ووصلوا الرصيف يوقفون تاكسي..
هاللحظات وقف بسيارته ونزل لها/
لوجين تضااايقت وهي تحاول تسوي نفسها ماشافته/هذا بعز ايش جاااابه
وئام استغربت/وش تقولين انتي؟
وقف قبالها بوقاحه/السلام عليكم
لوجين وهي تتتصدد عنه/عليكم السلام
زياد بابتسامه/ايش بنا يا لولو.. مافيه الحمدلله ع السلامه ولا شي!! انا توني واصل البارح
لوجين بضيق/زياد وش جابك وراي هنا
زياد/جاي اشوفك..
لوجين التفتت عليه بنظرات ناريه وصدت/وئام مشينا
وئام همست لها/هذا زوجك؟
لوجين تذكرت مشعل وقارنته بزياد،فرق شااسع بين الثريا والثرى.. مرت صورة مشعل قدام عينها.. و ركبت مع اول تكاسي وقف. وما ردت عليها...
وئام لحقتها وركبت معها ومشوا..
زياد بابتسامة خبث/ان ما ضبطتك ماكون زياد.. انا وراك وراك.. ركب سيارته..
،
،
،
في الانتظار تبع العياده*،*
وئام بفضوول/لوجين ماجاوبتيني.. هذاك كان زوجك؟
لوجين ردت بقرف/لا طبعاً مو زوجي..
وئام استغربت/من جد حقير ليش مطيح الكلفه بينكم
لوجين بضيق/بليزز وئام انسيه احسن انسيه..
وئام ربتت على كتفها تهديها/اوكي لا تتوترين مايصلح تتوترين.. قومي الممرضه تنادي عليك.
لوجين قامت بثقل و يدها على بطنها،وحست بشد/آآه
وئام قامت معها تساعدها/سلمات ،تحبين ادخل معك للدكتوره؟
لوجين وهي تكتم ضيقتها/لا، حابه ادخل لحالي
وئام/براحتك.
،
،
،
بعد الكشف وقراءة التحاليل.. الدكتوره نزلت نظاراتها وهي تكلم لوجين بجديّه،/مدام لوجين هناك امر مهم يجب عليك معرفته الآن
لوجين خافت/مالأمر دكتوره؟ هل هناك مشكله
الدكتوره/هي ليست مشكله.. في الحقيقه الأجنه تكبر وسوف تزدادين ثقلاً في الأيام القادمه وسوف تصعب عليك ممارسة نشاطاتك اليوميه العاديه.. هذا عدا انك ضعيفة البنيه وجسمك لا يحتمل حمل التوائم لتسعة اشهر..
لوجين زاد خوفها/ماذا تقصدين بذلك؟
الدكتوره/يجب عليك ان تخضعي لولاده قيصريه عند اتمام الشهر السابع من اجل صحتك
لوجين خافت اكثر/والأجنه ماذا عن صحتهم
الدكتوره/الاجنه كل منهم في كيس ومشيمه لوحده.. اي ان احدهم سيكون ضحيه للأثنين الباقيين.. لذلك يجب علينا تفادي ذلك..
لوجين زاد خوفها وسكتت وهي تمسح بيدها على بطنها بخوف (الله يحميكم)..

وقفت لوجين/شكراً دكتوره..
الدكتوره ببتسامه/لم تسأليني عن انواع الاجنه؟
لوجين بدون اهتمام/لا يهم
الدكتوره/حسناً..اهتمي بنفسك بقي شهرين ونصف على موعد العمليه.. استخدمي الفيتامينات والحديد و لا تنسي ان تزوريني كل اسبوع ..
لوجين طلعت وحزن هالعالم يعتريها... ليه ماتفرح مثل كل وحده حامل لأول مره!! ليه كلما بغت تفرح تضيق..
كل يوم تحس بثقل مع تقدم المراحل وكبر البطن وهالشي يزيد من احباطها.. لو بتشتكي لأحد كان ضاق الكون من ضيقها.. لكنها تكبت كل شي.. وتكتفي بدمعات تنثرها على وسادتها كل ليله قبل تنام....
شافتها وئام ولحقتها/لوجين!!
لوجين كانت سرحانه ومو بالعالم/... ..
وئام/لوجييين
لوجين انتبهت لها وردت بصوت مبحوح/هلا وئام
وئام/صوتك مو عاجبني.. قالت لك الدكتوره فيك شي؟
لوجين اسطنعت الابتسامه وعيونها تلمع/لا.. بالعكس طمنتني.. تقول مارسي حياتك بشكل طبيعي
وئام/الحمدلله
لوجين/وئام خلينا نطلع للحديقه العامه نتمشى شوي ضاق صدري من هالمكان
وئام/مثلما تبين.. يلا..
،
،
،
،
،
،
بيت ماجد.. ،
هدى وهي تصب الشاهي وتمد الكاسه/تفضل ماجد
ماجد اخذها/زاد فضلك..
هدى/ماقلت لي متى ناوي تسافر للسعوديه
ماجد/بعد يومين ان شاء الله.. وين لوجين..
هدى وهي تنزل كاستها/رايحه لموعدها وطلعت بعده تتمشى مع صاحبتها "وئام"
ماجد/ليش ماتروحين انتي معها للعياده؟
هدى بابتسامه/هههه انت ناسي انها خلاص بتصير أم.. بطل تعاملها وكأنها طفله صغيره
ماجد وهو يتذكرها وهي صغيره ويلعبها وتجلس بحضنه وتضحك من قلب، لمعت عينه/ما عاد صرنا نجلس مع بعض.. اشتقت اشوف ضحكتها الصادقه ،احس تحولت ضحكاتها لابتسامات مجامله..
هدى/صدقت.. من بعدما عرفت ان اللي ببطنها توأم ما ودي انها تداوم لين تولد
ماجد/لو حابه ترجعون للسعوديه علشان تولد هناك ماعندي مانع
هدى/قلت للوجين نسافر بس رفضت بشده انها تولد بالسعوديه، تبي تولد هنا علشان ياخذوا أولادها الجنسيه الكنديه.
ماجد فهم قصد بنته/حلو انها فكرت بالاولاد.. معناته هي متقبله وجودهم
هدى/اكيد الحمدلله..
،
،
،
،
،
،
،
في الحديقه العامه..
كان جالس على كرسي طويل وبحضنه"ألين" بنت الكادي وجنبه الكادي.. ومندمج معها بالسوالف.. ونسي العالم معها.. طول عمره مع الكادي اخته بالرضاعه وصديقته بنفس الوقت.
الكادي بعد تردد/ماقلت لي وش اخبارك؟
مشعل وهي يلهي نفسه بـ ألين/قلتلك اخوك دخل الجيش وساره جالها ولد وابوي بيتزوج.. وزينه جالها عريس ..هذي هي اخباري
الكادي/بس زوجتك ماجبت طاريها!!
مشعل بلامبالاه/انفصلنا وانتهينا
الكادي تفاجأت/معقووله مشعل!! ماصدق
مشعل بضيق/وليش ماتصدقين يعني.. عادي
الكادي/شلون عادي وانت كنت تقولي انك تعشقها ..
مشعل رفع حاجب ونزل الثاني وهو يكتم غيضه/كننت ..لكن اللحين لا
الكادي/مستحيل اصدق يا مشعل.. وش صاير بينكم ياخي، تكلم
مشعل وهو يبتسم لألين بحضنه ويلاعبها/كاادي خلاص قفلي هالسيره لا تضيقين صدري بها
الكادي سكتت/بعدين لي معك تصرف ثاني.. ماراح اخليك لين اعرف كل شي
مشعل ابتسم/محققه من يوم عرفتك
الكادي/ماعلي منك..
مشعل/ههههه علميني بس شسويتي بالانجليزي ان شاء الله افلحتي.. ؟
،
،
،
ع الطرف الثاني بنفس المكان تتمشى لوجين ومعها وئام، و يسولفون..
وئام بفضول/اللحين ماقلتي لي الدكتوره وش قالت لك بالضبط؟
لوجين بابتسامه/يا فضوليه قلت لك كل شي تماام
وئام بشك/ما ادري ليه احسك مخبيه عني شي..
لوجين/ههههه تعالي بسألك انتي من مسلطك علي اليوم؟! ليش ماترجعين بيتك، تلاقين زوجك ينتظرك وبنتك تبيك
وئام/حبيبتي البنت اليوم من اختصاص ابوها.. انا اليوم free يعني حررره اقضي وقتي معك...
لوجين/ههههههه.. ابي اجلس واريح شوي
وئام مسكتها بيدها/اقوول بس امشي امشي يا السلحفاه مع هالكرش هههه
لوجين مدت بوزها/وئاااام لا تحبطيني..
وئام/ههههههه
لوجين تبي تغير هالموضوع/وئام اسمعي مني هالخبر انا نجحت باختبار السواقه و بكراا بطلع رخصة قياده. وبفتك من المواصلات
وئام/مبروووووك.. حظظك انا زوجي منعني يقول انا اشتغل لك سايق
لوجين ابتسمت لها و صدت عنها وهي تتمنى لو معها مشعل ويمنعها تسوق "..مدت نظرها تبي تنسى.. ولفت نظرها الكرسي اللي قدامها على طرف الممشى من يمين. ..هالشخص تعرفه ومستحييل تنسى تفاصيله..ليه جاي هنا ومتى جاء وليش؟،و جالس مع مين؟.. شافته وهو يشيل بيده بنوته صغيره ويلاعبها ويضحك مع أمها، مستحيل يكون "مشعل"
لا شعورياً اتجهت له!!
وئام لحقتها/لوجيين وقفي وين رايحه انتي؟!!
لوجين ما ردت عليها ،كل تفكيرها فيه وبس.. وصلت له و وقفت قباله تبي تتأكد/مشعل.. ؟!!
،
مشعل من جهته رفع راسه وطاحت عينه بعينها وهو مو مصدق انه بيشوفها هنا... وما كان مخطط لهالشي بسبب حلفه لعمر!! ..ضلت عينه بعينها تحكي "قصص من الغربه" ووقف العالم دقيقه..!!
الكادي استغربت وقوف هالبنت/هييي لو سمحتي!!
لوجين ناظرت الكادي باحتقار ورجعت تناظر مشعل وعينها تلمع وكأنها تسأله من هالبنت،خنقتها العبره وماقدرت تتكلم/..
مشعل وعينه على بطنها شوي وشويات بعيونها مو مصدق انه يشوفها قدامه/انتي؟!!
لوجين تركته ومشت مستعجله وهي تدعي ربها انه يشفي قلبها منه وبكت حيييل وهي تشوف مشعل مع غيرها!!
وئام لحقتها/لوجيييين..!!
،
الكادي تذكرت الاسم وتساءلت/مشعل تعرفها؟
مشعل ما رد عليها ،نزل البنوته وقام يلحقهاـ..
الكادي ضلت مكانها وهي مستغربه/مششعلل. لا تتأخر علي
،
لوجين كانت مسرعه تبي تهرب منه.. اكيد جاي يبي يذبحها.. كانت تتذكر كلام عزيز لها(مشعل راح يكون قاتلك)..
وئام وهي مستغربه/لوجيين من هذاا،وليش تتهربين منه؟!
لوجين وهي تلفت تدور لها سياره وقلبها يدق بسرعه/وئام امشي بسرعه بعدين اقول لك
وقف زياد سيارته قدامهم وهو يتبسم/اكيد محتاجين توصيله؟
لوجين سوت نفسها ما شافته وهمست لوئام اللي واقفه جنبها/وئام احقريه ووقفي لنا تاكسي
وئام مو فاهمه شي/طيب
،
زياد نزل من سيارته واتجه لها/وش فيك لوجين؟باين كنتي تركضين
لوجين كررهت زياد بهاللحظات والتفتت وراها تتمنى ان مشعل ما يكون لاحقها لين هنا..
مشعل وقف وهو يشوفها مع زياد،ناظرها بنظرات احتقار ناريه وتمنى بهاللحظات انه مات وما شاف زياد مع لوجين..
زياد شاف مشعل واقف هناك وراهم و عقد حواجبه/هذا وش خلاه يلاحقك لين هنا هالفاشل
مشعل ماسمعه لانه بعيد شوي، تركهم وهو يتوعد بداخله انه ينتقم/..
زياد اتجه للوجين/لوجين لا يكون زعلك بس هالحقير
لوجين عيونها تلمع بدون ماتحس لفت على زياد و رفعت يدها وسطرته كف ما كان يتوقعه منها/من انت علشان تشتم مشعل؟.. من؟..تدري من هو الفاشل؟ "انت".. وانت الحقير بعد..
زياد انصدم من جرأتها وهي تضربه كف وتشتمه/كذا يا لوجين! بهالبساطه
لوجين بانفلات اعصاب/ايوه وابسط من كذا بعد.. اطلع من حياتي الله يخليك ي زياد.. انا مو ناقصتك
تركته وراحت تركب التاكسي اللي وقفته وئام..
زياد انقهر وركب سيارته ومشى وهو معصب/..
،
،
،
،
،
،
،
،
وصلت بيتها وهي تكتم بكيتها دخلت وهي ساكته و ماقدرت حتى تنطق السلام وهي تشوف أمها وابوها جالسين...واتجهت لغرفتها مباشره..كانت مستعجله..
هدى استغربت/يا بنت حااسبي على مشيتك انتي حامل
لوجين كرهت هالكلمه اكثر من اي وقت راح ..دخلت غرفتها وقفلتها ورمت حجابها وجاكيتها وانتثر شعرها اللي صاير طوويل.. كل شي قدامها رمته ع الأرض.. واخر شي جلست عالارض ترتاح ووسندت ظهرها عالجدار و بكت بكل جوارحها وهي تحس بالضياع..
ثواني وتحرك بطنها ،وبدون شعور ضربت بطنها بقووه وكأنها تنتقم لكنها تألمت كثييير وضمت بطنها من شدّة الألم ونامت مكانها على الأرض ودموعها مغرقه وجهها..
لحظات وأمها تنادي من وراء الباب وتطقه/لووجييين انتي بخير.. لوجين افتحي الباب
لوجين تسمعها لكن ما ردت عليها، سوت نفسها نامت،ماتبي امها او ابوها يشوفونها تنهار ..
،
،
،
،
،
،
آخر العصر يعني قبل المغرب بنص ساعه.،
يتمشى لحاله وقرر ياخذ هدايا لزوجتخ و لأخته رحاب وبناتها.. فكر "عُمر" وش ياخذ لهم وقال بنفسه يتمشى ويشوف ..
دخل محل ..وضل يتفرح بالمعروضات.. ويشوف "هذا يناسب بنات رحاب.. بس رحاب يبي لها شي غير.. وفاتن مايعرف ذوقها.. لفت انتباهه صوت بنت والتفت اتجاه الصوت وهو معجب بلبلسهم..وشبه على لمياء"وجهها مألوف ومو غريب عليه" ..

لمياء التفتت وشافت "عمر" يدخل هي شاكه انها شافته قبل كذا بس ما جاء ببالها انه هو نفسه"صاحب مشعل"..
قامت تناظر الساعه بتملل وهي تنتظر روبين تحاسب/رووبي خلصي بسرعه
روبين وهي تشيل بيدها كيس وتطلع من المحل معها/اشفيك مستعجله انتي؟
لمياء/بيأذن المغرب بعد نص ساعه وبتفوتنا الصلاه وحضرتك ما خلصتي
روبين/اي والله نسيت.. طيب باقي الاغراض متى ناخذها
لمياء وهي ملاحظه اثنين ومعهم بنت معترضين بالطريق/بكرا ..
روبين/تظنين ان خالي بيعصب اذا دري لاني ما انتظرته يوديني السوق
لمياء خافت/اظن انه بتصير مصيبه بسبب هالروحه ناظري هاللي ما ينتسمون قدامنا..
روبين تبي تتكلم ووقفوهم...
لمياء حاولت تتحاشاهم بدون تكلمهم لأنها شافت اساور يدينهم تحمل علم اسرائيل..
روبين وهي تشوف طواقي اليهود عل رؤوسهم/يهود يا لمياء
لمياء/احقريهم.. الحقيني بس
روبين/كيف؟
لمياء اتجهت للبنت اللي واقفه معهم ودفتها ومشت/تعالي روبي
واحد منهم سحب حجاب لمياء بقوه طاحت وانكشفت..
لمياء صرخت فيهم وهي تحاول تاخذ حجابها..
كان عُمر يمشي،وراهم وشاف كل شي بس ماتوقع توصل فيهم الحقاره لحجاب البنت.. جاء ركض وبعدهم عن لمياء وهو منقهر نزل لمستواها بالارض ونزل شاله وحطه عليها،شاف وجهها غرقان دموع وعيونها تحكي قهر، ورفيقتها تناديها "لمياء انتي بخير"علطول تذكرها هي نفسها صاحبة الهويه اللي سبق ولقاها هي نفسها بنت خالة لوجين/لا تخافين باخذ لك حقك..
التفت عليهم عمر و ضربهم ضرب.. وجاء واحد ثاني وساعد "عْمر" كان دوووم وراء روبين..
روبين ماصدقت وهي تشوف "مراد" يضربهم بهالقوه..وتتساءل "ليه ما قاوم سعود هذاك اليوم؟!!
،
،
،
،

يتبع*