رواية من متى و الغصـن يختـار الطيـور..!! الفصل الحادي والعشرون 21 - بقلم Nis2reen~<

‎22))من متى والغصن يختار الطيور؟!!
،

‎صار اللي صار ، و انتهينا على خير
‎عيوننآ ععآاشت ، و شآافت ، و دارت
‎مو كل شيء بَ : كيفناا لازم يصير
‎اشيااء وااجد مَ نبيهاا : و صــاارت '
،،
،
،

‎وصل لباركينج السيارات التابع للمطار ودخل يده في جيبه يبي يطلع المفتاح ومالقاه، دور مره ثانيه ومالقاه/يالله ،ضيعته!! وين بلاقيه اللحين؟!! استحاله ألاقيه بوسط زحمة هالمطار ..
‎التفت زياد وراه وتفاجأ باللي واقف بوجهه/مـ.. مششعل!!
‎مشعل ابتسم وعيونه حمراء/شفيك ارتبكت اول ما شفتني؟!
‎زياد بلع ريقه من الخوف/لا ما ارتبكت.. بس ما توقعت اشوفك
‎مشعل وهو يحاول يضبط اعصابه/معك حق،انت الظاهر كنت تظن اني مثل أي شخص عابر يمر بحياتك والسلام
‎زياد وهو يحاول يتهرب منه لأن نبرة مشعل في الحديث تخووفه/لا مو هذا القصد بسس.. انت ايش جابك لهنا
‎مشعل بهدوء مصطنع/كان عندي شغل مهم هنا بس خلاص بعدما وصلت هنا صار غير مهم وتافه بعد.
‎زياد ماعنده كلام يقوله/...
‎مشعل ناظره باحتقار/يعني ماراح تعزمني في بيتك و لا حتى فنجان قهوه!!
‎زياد بتوتر/ء ء تفضل حياك
‎مشعل/هههه توك تذكر... ع العموم أنا اصلاً لحقتك بعدما شفت المفتاح حقك طاح من جيبك وانت كنت تكلم بالجوال.
‎زياد استغرب اكثر وخاف من طاري المكالمه/!!!
‎مشعل طلع المفتاح اللي يتدلأ منه ميداليه فضيه مكتوب عليها "زياد الرايد"ومدها له/ومكتوب عليها اسمك بعد!! الظاهر عندك نسبة نرجسيه وتحب تتملك الأشياء اللي تحبها،صح؟
‎زياد بان عليه التوتر وابتسم يخفي توتره/تفضل معي يا مشعل..
‎مشعل وهو يخزه بنظرات ناريه ويقرب منه/اكيد بروح معك مشينا
‎زياد خاف اكثر/تفضل اركب معي
‎مشعل ركب معه بالسياره وهو للحين يتحكم في اعصابه/
‎زياد ركب السياره وشغلها ومشوا و السكوت يعم السياره/..
‎مشعل لاحظ ميداليه ذهبيه معلقه على المرايه الصغيره الأماميه وفيها حرف الـ "l" بالخط الروماني.. صار يغلي من غيرته الجنونيه المكبوته..
/
/
/
/
/
/

‎‏*جنون عاشقه،
‎قلب جريح
‎عقل مشتت
‎تجربة قاسيه
‎حُب من زمن البياض.
‎وجع من صدمات الحياة
‎دمعة مختبئة تحت الكبرياء
‎بسمة مغتالة وسهر طويل هذا أنا .// ≈>لوجين
،
‎هناك على متن الطياره المتوجهه إلى كندا..
‎الرحله طويله والركاب نايمين.. إلا وحده بس.. ماتقدر تنام وماتقدر ترتاح... تفكيرها باللي ظن فيها بالسوء اتعبها، كلما حاولت تتناسى يرسخ بذاكرتها اكثر.. حست باللوعه تبي تستفرغ وفزت واقفه واتجهت للحمام..
‎استفرغت وخلصت وطلعت وهي حيل تعبانه،تفاجأت ببنت قدامها ..
‎البنت لاحظت ان لوجين مو طبيعيه حاولت تبعد علشان تمر/اسفه
‎لوجين شافتها ابعدت عن طريقها ومشت بدون ترد عليها وراحت لمقعدها وجلست بإسترخاء.
‎البنت ظلت تناظر فيها لين جلست ..
،
،
‎هدى لاحظت ان لوجين مو مرتاحه ابد... والدليل كل شوي رايحه دورة المياه.. ودايماً يدها ماسكه ظهرها أو بطنها.!!
‎حطت يدها على كتف بنتها وهمست لها/لوجين حبيبتي
‎لوجين كانت مغمضه تحاول تنام وفتحت عينها بكسل وألتفتت على أمها/هلا يمه
‎هدى بحنانها واحساس الامومه/انا حاسه انك مو مرتاحه بنتي، فيه شي مضايقك؟
‎لوجين تنهدت وهي تتذكر مشعل واسطنعت الابتسامه،علشان ماتخوف أمها/لا يا أمي لا تخافي ماني متضايقه.. بس يمكن ارهاق السفر وانا حامل واحس بثقل
‎هدى استغربت/بس انتي ببداية حملك كيف تحسين بالثقل.
‎لوجينّ حبت تفضفض/حتى انا مستغربه من نفسي.. ليش احس دوم بثقل مو طبيعي وألم بأسفل بطني وطول ظهري..
‎هدى ابتسمت لها/يا عمري بنتي.. صارت حامل و تشتكي لي من الوحم وثقل الحمل بعد هههه
‎لوجين استحت/وبتصيرن جدّه عجوز بعد
‎هدى ضربتها على يدها بخفيف تمازحها/هذا اللي ما احبه
‎لوجين/هههه
‎هدى بجديه/أخاف ان السفر هو السبب.. اخاف يأثر على حملك
‎لوجين تنهدت/ياليييت.. خليني افتك من ولد مشعل
‎هدى خزتها بنظرات ناريه وهي ساكته/...
‎لوجين حست بنظرات أمها ومسكت يدها وباستها/امزح يا أمي أمززح ،
‎هدى سحبت يدها بهدوء من يد لوجين/اتمنى انك فعلا ً تمزحين.
‎سكتت لوجين وصدت للجهه الثانيه بدون تعليق على كلام أمها.. سكتت وبقلبها ألف سؤال حول الحبيب اللي بكل برود طلقها غيابي و ما سأل فيها !!تبي جواب يقنعها ليه يصدق الناس ويكذبها هي وهو يدري بطهارة عرضها ووعدها ما يصدق العواذل اللي تبي فراقها!! ...نزلت دمعتها وكان لسان حالها يقول;
‎[[ ‏كنا أنا وأنت والثالث الليل
‎ويضيع كل الليل بيني وبينك
‎حنا تعودنا على بعضنا حيل
‎هذا أنا والليل بس -أنت- وينك؟]]
/
/
/
/
/
/

‎في مدينة جده وبالتحديد منزل ابو زياد... ،
‎الجو كان متكهرب في مجلس الرجال.. زياد صب فنجان قهوه ومده لـ مشعل/تفضل
‎مشعل اخذ الفنجان وهو يخز زياد وملاحظ توتره وساكت/..
‎زياد للحين خااايف/مرحبا بك تو مانورت جده
‎مشعل شرب شوي من فنجانه ونزله وتصنع الابتسامه/جده منوره بأهاليها
‎زياد وهو مرتبك/ترى الليله بتنام هنا وبكره واجب ضيافتك
‎مشعل سكت شوي وقام/مشكور يا زياد، لكن انا ماجيت اتضيف عند احد ..كنت جاي وبالصدفه شفتك قدامي
‎زياد قام معه/يا رجل اقعد ماراح تطلع في هالليل
‎مشعل للحين قلبه يغلي وهو للحين يكبت.. مستغررب شلوون سكت عن زياد للحين..!!..
‎طلع للحوش برا وهو يحاول يهدي نفسه وما يضربه/..
‎زياد استغرب ولحقه/مشعل شفيك سكتت؟!!
‎مشعل وقف فجأه وألتفت و حط عيونه بعيون زياد وبنظرات ناريه، يبي يحاسب زياد ومايبي الفضيحه.. بس دام ان زياد داس ع شرفه بيدوس عليه بنص بيته/زياد ممكن اسألك سؤال
‎زياد هنا خاف بس توقع يسأله عن اماكن في جده/أسأل!
‎مشعل وهو يجمع اصابعه في قبضة يده/ليش تلاحق وحده متزوجه؟!!
‎زياد حاول يعقد حواجبه وينفي ويعصب/وش قصدك انا ما...
‎مشعل ماتحمل زياد ومسكه من ياقة ثوبه بكل قوه/ماتعلمني وش بينك وبين لوجين يا خسيس
‎زياد حس انه بينخنق لكنه بيغيض مشعل وبيقهره دام انه عرف بالقصه/بيننا الحب العفيف
‎مشعل ضربه وصرخ بوجهه/كذاااب حب قذر وهي اقذر منك وانتوا الثنين زباله
‎زياد وهو يحاول ما يتألم من الضرب/احترم نفسك
‎مشعل رماه ع الأرض بقوه و تف بوجهه/هذي ماهي سوات الرجال ويدي عيب انها انمدت عليك يا شبيه الرجال.. حتى ماقدرت تدافع عن نفسك يالرّمه.
‎زياد انكسرت يده من الطيحه وضل يتألم بسكات/..
‎مشعل بقهر انتبه لمقص الزرع الكبير اللي على طرف حوض الزراعه القريب منهم واخذه واتجه له وحطه عند رقبته/ما يكفيني فيك غير ذبحتك.. لكن مب اللحين... حسابي معك للحين ماخلص يا الرخمه..
‎زياد كان مييت من الخوف والسكين برقبته، لكن مُصر يقتل مشاعر مشعل تجاه لوجين/لوجين ماتبيك،اتركهاا تعيش بكيفها دامها هربت منك ماتطيقك ليش انت تلاحقها
‎مشعل فلتت اعصابه وضربه/من قال أني ابيها!! انا مثلي مثل اي رجال حُر عنده كرامه يبي ينظف شرفه وبس..والا قصة اني ابيها لا يا روح امك، عافها الخاطر
‎زياد يبي يعصبه زياده/لوجين سافرت واتحداك تلاقيها.. تركت السعوديه بكبرها بسببك انت يالهمجي، لوجين مستواها أعلى من انها تتزوج قروي فلاح مثلك
‎مشعل اعطاه رفسه بكل قوته وناظره بتهديد/اوعدك انك تشوفني مره ثانيه .بس وقتها راح اذبحك بعدما اصفي حسابات ثانيه...
‎طلع من عنده ونيران العالم تتقد بصدره، وكل اللي يشوفه بعيونه "مقتل لوجين" وبس.. قلبه حيل مجروح منها ..وهو صاير مثل الجريح اللي يكابر وجرحه ينزف ..!!

‎،عند الباب..
‎ابو زياد وقف سيارته وشاف مشعل طالع من البيت ومبين على ملامحه رسوم الغضب..
‎مشعل ما انتبه له ومشى...
‎بو زياد دخل مستعجل واتجه للداخل وشاف ولده طايح بالحوش يتألم/زياااد من هاللي سوا فيك كذا
‎زياد وقف وحاول يتسصنع اللامبالاه/لا يهمك
‎بو زياد/انت بتقولي من والا شلون
‎زياد وهو يمسك ذراعه المكسوره/هذا مشعل طليق لوجين
‎بو زياد عقد حواجبه وطلع جواله يبي يتصل بالشرطه/وطليق لوجين علباله ان الدنيا فوضى مثلما قاعد يصير في قريته!!
‎زياد جلس على حلفة حوض الزراعه وهو يحس بألم قوي بذراعه/...
‎بو زياد/ماتعرف بأي فندق نازل؟!
‎زياد/اللي اعرفه انه بيرجع للجنوب بكره اذا مو الليله بالطياره.
‎بو زياد/انا اعرف كيف اتصرف مع هالاشكال..
/
/
/
/
/
/
‎صباح يوم جديد ..،
‎نازله من فوق مستعجله وتنادي/روبييين انا طااالعه ما راح استنااكِ
‎روبين جات تنزل مستعجله/لحظظااااا..
‎.. وتعثرت وطاحت من أول السلم لين وصلت تحت... وضلت مكانها..!!
‎لمياء وقفت وهي ماتدري شلون تتصرف كانت متفاجأه وبعد دقيقه اتجهت لها/روبي فيك شي؟
‎روبين فزت واقفه بسرعه مبتسمه ولا كأنها طاحت/شرايك في الحركه
‎لمياء ضربتها على كتفها/حسبي عليك خوفتيني
‎هههههههههههههه
‎روبين وهي تعدل نقابها/هههههههه الحمدلله جات سليمه
‎لمياء ابتسمت/بسم الله عليك..
‎روبين وهي تناظر الساعه/خلينا نروح المطار بسرعه نستقبل لوجييي
‎طلعوا مستعجلات...
،
،
،
،
،
،
‎مطار تورنتو بييرسون الدولى*
‎لهم ساعتين واقفات البنات..اشكالهم وهم واقفات مثل الجمارك يناظرون اللي داخلين من بوابات القادمون!
‎روبين جلست في اقرب كرسي انتظار بملل/مافي احد؟!!
‎لمياء جلست معها وهي مفتشله/وش هالغباءحتى مانعرف على اي خطوط جايين واي رحله
‎روبين لفت عليها معصبه/هالغباء عندك انتي ليه ما سألتي
‎لمياء/لا والله. وليش ما ذكرتيني انتي
‎روبين/لا تحطين اللوم علي، اخوك مكلمك انتي بالغبيه ماكلمني أنا
‎لمياء بتذمر/يالله وش نسوي
‎روبين/تكلمي عن نفسك... انا بروح الجامعه عندي محاضره
‎لمياء/يعني ماتقدرين تسحبين عليها اليوم
‎روبين وهي تقوم من كرسيها/لا والله!!... هالدكتور ما ينمزح معه، تأخرت عن محاضرته خمس دقايق وكلفني ببحث يجيب المرض.. عاد اذا غبت وش بيسوي فيني
‎لمياء قامت معها/اجل اخذيني معك ماراح اقعد هنا لحالي.
/
/
/
/
/
‎**مطار جده..
‎يمشي وهو متوتر وشايل بصدره قلب ينبض جريح...بيده تذكرته و يتألم من يده الثانيه لأنه ما تركها تطيب...
‎عند بوابة الخروج للطائره تفاجأ بالطابور قدامه واستغرب!!
‎وقف مشعل ينتظر دوره وكان حيل مررهق/..
‎موظف المطار وجانبه شرطي/لو سمحت وقف
‎مشعل وهو عاقد حواجبه/نعم؟
‎الشرطي/الهويه لو سمحت
‎مشعل طلع هويته ومدها عليه/تفضل
‎الشرطي ناظر بالهويه وناظر بوجه مشعل/اخ مشعل ممكن تتفضل معنا
‎مشعل بهدوء واثق/ليش؟
‎الشرطي مسكه بذراعه اليسار/فيه بلاغ ضدك.. تعال معنا مركز الشرطه وتعرف كل شي هناك
‎مشعل تألم من يده اللي فيها تمزق بس مابيّن/طيب اترك يدي انا رايح معكم مافي داعي للمسك
‎الشرطي لاحظ في وجه مشعل واسلوب كلامه الهيبه والثقه واستغرب كيف هذا مطلوب/طيب تفضل معنا
‎مشعل مشى معهم ويده اليمين ماسكه ذراعه اليسار /..
‎الشرطي/اخ مشعل يدك فيها شي،محتاج مستشفى؟
‎مشعل مستحيل يبين شي/لا مافي شي..
/
/

/
/
/
/
من ساعه ونص وصلوا تورينتو...انهوا اجراءات القدوم.. وركبوا ليموزين ومباشرتاً اتجهوا لبيتهم اللي اشتراه ماجد وقرر الاقامه فيه مع اهله.. وبالنسبه لعمله راح يسافر علشانه ويرجع ..الأهم عنده "لوجين" وحالتها النفسيه خصوصا انها حامل ..

دخل أحمد وهو نشيط ويلف البيت لف قبل يدخلون وشاف لوجين توها دخلت/لوجي ترى غرفتي اللي فووق لحالها مالي دخل
لوجين بكسل وقفت تناظر فيه ورمت شنطتها الصغيره/اااه يا حظك نايم طول الرحله جالس تراكض
هدى ببتسامه/لولو بلا حسد وروحي انتي نامي وارتاحي
احمد/ماما ابي العب براا
دخل ابو لوجين/لاااا اللحين العالم ناايمه..خذ اغراضك و روح ارتاح ورتب غرفتك ..بالليل مافي خروووج
احمد راح لغرفته يتحلطم..
لوجين اتجهت للسلم تبي تصعد تدور لها غرفه وترتاح فيها/..
ماجد/لوجين قلبي
لوجين ألتفتت عليه بكسل وهي تمسك بطرف الدرابزين السفلي/
ماجد اتجه لها ببتسامه حانيه/غرفتك هي اللي بآخر الممر.. اللي فيها بابين
لوجين استغربت/وانت ايش عرفك بالبيت يا بابا
ماجد مسك خدها وقرصها وكأنها طفله صغيره/هههه انا شريته اكيد بيكون عندي علم فيه.. واخترت لك هذيك الغرفه
لوجين ابتسمت/الله لا يحرمني منك
ماجد ببتسامه طبع بوسه على جبينها/ولا منك يا بنتي.. يلا روحي وارتاحي..
هدى شافته كيف يعامل بنته وكأنها طفله ما كبرت يوم واحد وكبر بعينها اكثر من قبل.. وقفت تناظره ببتسامه وساكته/...
ماجد التفت عليها بعدما راحت لوجين وشافها تتبسم وتناظر فيه، وابتسم لها نفس ابتسامتها/..
هدى همست من بعيد وتحرك شفايفها بدون صوت/أحببك
ماجد فهم عليها واتجه لها وهمس لها بصوت تسمعه هدى/وانا بعد
،
،

لوجين راحت لفوق واتجهت لغرفتها.. فتحت الباب بإبتسامه عريضه وهي فرحانه باختيار ابوها، ناظرت الغرفه بنظره بانوراميه، لها ثلاث اطلالات وشبابيك ضخمه تغطيها ستاير بيضاء.. مع باقي الأثاث الابيض.. واغطية السرير الزهريه.. ولفت نظرها بالجهه اليسار مكتب دراسه انيق وعملي جداً ومزود بكمبيوتر مكتبي جديد..
دارت في الغرفه وهي تأملها بضيق( هنا بنام لحالي.. بدون مشعل وعطر مشعل وصوته الدافي.. كنت اتمنى لحظة فراقك من اول يوم عرفتك ويوم جاتني لحظة فراقك كانت مووجعه وقاتله يا مشعل..مضطره اتخلص من ولدك علشان ماتقتلني ذكرياتك باقي العمر)..
دارت شوي و رمت شنطتها وفصخت جزمتها وطرحتها وجاكيتها الطويل ورمت نفسها على السرير وهي حيييل مرررهقه..
،
،
،
،
،
،
،
،
،
في مكان آخر من كندا.. *
راجعه من عند ندى الساعه10..دخلت البيت وهي تنادي/روووبي
روبين طالعه من المطبخ معها كوب عصير و ترد عليها/نعععم
لمياء اخذت منها العصير وجلست وهي تسولف بحماس/فااااتك تووتوو اليوم يجنن
روبين ناظرتها بنص عين/اقوول مو كأنك زودتيها مع توتو حقك هذا.. ليش كل شوي رايحه لهم،فشلتينا ايش بيقولوا عنك
لمياء بلا مبالاه/ما بيقولوا شي يالمعقده تعالي اوريك هذي الصور بس
روبين/مابي اشوفها.. ولا انا احب الاطفال بعد
لمياء/اجل فقدتي لذة الحياه.. ااااخخخ لو يرزقني ربي نونو
روبين خافت/من جدك ودك تتزوجين
لمياء خزتها/مين جاب طاري الزواج دحييين!!! قلت ابي نونو
روبين بغباء/مافهمت يعني تبين نونو من دون زواج؟
لمياء/غبيه طول عمرك..
روبين ببلاهه/مافهمت عليك.. بس عموما لوجين جايه وهي حامل انبسطي يا ستي
لمياء تذكرت السالفه/اي والله هذا الشي اللي مبسطني
روبين اخذت كوب العصير منها/اروح انام احسن لي وانصحك تتزوجين ما راح يخلون اولادهم عندك طول العمر
لمياء رمت عليها المخده الصغيره/انقلللعيي بسس
روبين/هههههههههههههه
،
،
،
،
،
،
،
اليوم الثاني... *
جدّه
في قسم الشرطه بالتحديد..
دخل بهدوءه وجلس على كرسي جلد اسود قبالة المحقق..
ابو زياد كان جالس ومعصب وجانبه ولده/..
المحقق اللي هو الملازم "فارس" وهو يكلم زياد/هذا هو الشخص اللي انت ادعيت عليه
زياد/ايه هذا هو..
مشعل ناظر زياد بنظرات سخريه واحتقار/..
المحقق/اخ مشعل انت متهم بضرب المواطن زياد عبدالعزيز الرايد هل هالإدعاء صحيح
مشعل بثقه/اي نعم صحيح
ابو زياد/كذا بدون خجل بعد
مشعل بصوت رجولي/انا ما سويت شي اخجل منه يابو زياد
المحقق استغرب سرعة جوابه وعدم التلاعب بالكلام/لو سمحت ابو زياد اتركني اكلمه ..مشعل انت متأكد من جوابك يعني نعتمده
مشعل ناظره بنظرات ناريه/انت سألت وأن جاوبت بوضوح.. انا ضربت زياد الرايد وماني ندمان ع اللي سويته
المحقق التفت لصاحبه مستغرب ورجع يناظر مشعل/طيب وش الاسباب اللي دعتك للإعتداء عليه
مشعل/خلافات شخصيه بيننا
المحقق/بس هو قال انه مابينكم خلافات
مشعل/وجهة نظره مالي دخل فيها...
المحقق/اشرحلي طيب
مشعل/اعذرني اشياء خاصه مراح اقولها..
المحقق قام/انا رايح شوي علشان اعطيكم فرصه تتفاوضون وانتم خذوا راحتكم وحلوها بينكم وديه افضل.
طلع المحقق..
ابو زياد التفت على مشعل معصب/مهما كان السبب مايحق لك تعتدي على زياد
مشعل/انت لو تعرف السبب كان قتلته مو بس ضربته
زياد/احترم نفسك
مشعل بسخريه/قليل الشرف والكرامه ما يحق له يتكلم مع الرجال
زياد/زودتها عاد
مشعل بهدوءه اللي يقتل زياد/يا عم عبدالعزيز اقضب هالمنفلت ،ترى لولا وجودك كان علمت ولدك مكانته.
بو زياد شك ان زياد مرتكب شي كبير وسكت/..
دخل الملازم فارس وهدأهم،/لو سمحتوا مايصير اللي قاعدين تسوونه... خلاص... يا اخ زياد لو سمحت تفضل تقدر تروح اذا منت متنازل عن حقك
زياد قام بيطلع ومر من عند مشعل وهمس/تخسي وتعقب اتنازل عن حقي.. خليك تعفن في التوقيف
مشعل همس بنفس نبرة زياد المنخفضه/انقلع انا ما اكلم واحد ماعنده كرامه يلاحق وحده متزوجه.
زياد عصب وطلع متنرفز ولحقه ابوه/..
مشعل مسك اعصابه وما بين غضبه قدر المستطاع..
الملازم/للأسف يا اخوي مشعل مضطرين نحبسك هنا لين ترسل للمحكمه
مشعل ما بين شي/مو مشكله..
الملازم فارس/تقدر تكلم الأهل و توكل محامي
مشعل بضيقه/اللحين مابي اكلم احد خلوني عندكم
فارس/لو حاب نتصل في اهلك
مشعل/مو اللحين لوو سمحت انا قادر اني اتصرف لحالي.. راح اتصل برفيقي عمر لكن بعدين
فارس/مثلما تبي.. يا عسكرري تعال اخذ الموقوف مشعل ال عاصم
العسكري/امررك
/
/
/
/
/
/
فزت من نومتها وهي مرعوبه وتتصبب عرق وتنادي/مششعل
وبعد دقيقه تأكدت انها كانت تحلم..
ضاق صدرها حييل وهي تشوف نفسها لحالها بهالغرفه الكبيره.. نزلت من سريرها وهي تشوف كم الساعه/يالله ..شلون نمت كل هالوقت!!
*راحت دورة المياه وتغسل وجهها وتتوضا..
لحظات وتسمع ضجه تحت وكل شوي يقترب صوت الضجه..وبعدها انفتح باب غرفتها وابتدا صراخ روبين ولمياء/لووووجيييييينن
لوجين ماصدقت انها شافتهم خصوصا انها ما اتصلت عليهم من فتره/بناااات
ضموا بعض وسلموا وحكوا كثير..
لمياء قرصتها/يعني لو ما كلمتني خالتي كان ما ودك تقولين لنا هاااااه
لوجين/بالعكس.. كنت بتصل فيكم بس والله في الفتره الاخيره تعبت كثيير
روبين غمزت لها/اي صحيييح مبروووكك الحمل
لمياء بحماس/اي مبرووووك
لوجين استغربت/بسم الله وانتم ايش عرفكم
روبين/زياد كلم لمياء وقال لها
لوجين ضاق صدرها من طاريه/اهاا..
لمياء لاحظت لوجين تغير لون وجهها وكأنها مو مبسوطه/لوجين فيك شي
لوجين ببتسامه/لا مافيني.. بس انتظروا شوي رايحه اصلي وراجعه.. فاتتني صلاة الظهر..
روبين/اوكي.. صلي ،بننتظرك تحت عند خالتي،هدى تعالي لموش
لمياء ناظرت في لوجين ببتسامه/متغيرره يا بنت،كل هذا علشان الحمل
لوجين بابتسامه ذابله/شايفه كيف صاير وجهي
لمياء تحاول تدقق/بس والله محلوه
روبين بحماس/صادقه لموش انتي بالمره محلوه
لوجين خزتها/ايوه بلشي كذب انتي وياها.. اقوول انززلوا تحت انتي وياها خلوني اصلّي والحقكم.
روبين ولمياء طلعوا وهم يضحكون..
/
/
/
/
/
/
اليوم الثاني،،
على سفرة الفطور يشرب قهوه ويخز ولده/ماتعلمني وش صاير بينك وبين مشعل ال عاصم
ام زياد ساكته وتسمع مستغربه!!!
زياد وهو مرتبك/ولا شي.. سوء تفاهم
بو زياد استغرب/سوء تفاهم على ايش؟!! وانتم ماتعرفون بعض
زياد سكت ماقدر يرد/..
ابو زياد/لا يكون القصه تتعلق بـ لوجين زوجة مشعل
زياد توتر/هو طلقها وانتهى من حياتها وهي سافرت وتركته
ام زياد هنا تدخلت/بس البنت حامل وانت لازم تتقبل هالوضع... انسسى لوجين وطلعها من راسك... البنت قررت تكمل دراستها وماظنتي بتفكر بالزواج مرّه ثانيه قبل التخرج، طيع شوري وخليني اخطب لك
زياد قام معصب وطلع..
بو زياد تضايق حييل/هالولد زودها.. انا حاس انه مو طبيعي.
ام زياد/ياليتني ماعلقته في لوجين ولا خطبتها له من اساس كان ما انقهر..
بو زياد/المفروض هو ينسااهااا.. مايصير يراكض وراء وحده متزوجه.
ام زياد سكتت مالقت تعليق..
/
/
/
/
/
/
/
رجعت هنادي من الجامعه وفصخت نقابها وعباتها ورمت ملزمتها على جنب وهي بالها مشغوول وتفكر معقوله جابر بينفذ كلامه ويجي ياخذ اولاد اختها!
..صعدت فوق وهي تنادي/مؤووويد... ماااازززن
طلعت نسرين من غرفتهاوهي،حيل متضايقه ودمعتها على خدها...
هنادي هنا خااافت/نسرريين وين مؤيد ومازن
نسرين وهي تجلس مثقله بهمها/بغرفهم نايمين
هنادي/الحمدلله... خوفتيني ايش فيكي زعلانه؟
نسرين ببكاء مكتوم/اليوم كلمني جابر.. وقال انه بياخذ الأولاد بعد يومين
هنادي انقهرت/الحقيرر
نسرين نزلوا دموعها/هنادي قولي لي ايش اسووي الله يخليك.. مقدر اعيش من غير اولادي.انتي عارفه لو اخذوهم ايش ممكن يصيرلي يمكن اموت قهر،اصلا ماكان مصبرني غير اولادي
هنادي نزلت دمعاتها وراحت تضم اختها وتهديها/تطمني يا نسرين ماراح ياخذونهم لا تبكين
نسرين/اقولك هذول ناس ما يخافوا الله.. كيف ماتبيني اخاف
هنادي وقلبها يتقطع/راح احلها ،لا تخافين..
نسرين استغربت/كيف بتحلينها يعني
هنادي اسطنعت الابتسامه لعيون اختها/بكرا تعرفين كيف.. انتي قومي توضي،وصلي ركعتين وتعوذي من الشيطان ونامي.
نسرين قامت ببتسامه/مادري من غيرك كيف بتصرف، تصبحين على خير
هنادي تذكرت شي/وانتي كمان.. نسرين هاتي جوالك
نسرين ما جاء ببالها/حطيته عندك ع الطاوله بعدما كلمني جابر..
هنادي/يعني اخر من اتصل فيك جابر
نسرين/ايوه..
هنادي/اوكي خلاص روحي نامي انا شوي واروح انام ..
راحت نسرين وضلت هنادي جالسه وتفكر باللي راح يصير لها من بعدما تنفذ شروط جابر (الله حسيبك يا جابر)
/
/
/
/
/
/
*كندا*
على العشاء.. كل العايله مجتمعه،وياكلون بصمت..
أحمد بتذمر/كنت مفكر اننا بنسافر اجازه.. واثاريكم بتخلوني ادرس واعيش هنا
ابو احمد ببتسامه/أسفين اخ أحمد ما كان ودنا نزعلك
لوجين كاتمه الضحكه/صحاب مين انتا لسى ما طلعت من ثانيه ابتدائي ..
احمد/بالله عليكي يعني انتي مبسوطه لان صحباتك معاكي
لوجين/ميدوو بكرا تلاقي اصحاب احسن منهم
احمد/ككيف بتعود عليهم
لوجين/لا تخااف راح تتعود عليهم وتحبهم..
هدى/يلا يا ولد قوم نام بكرا اول يوم دوام وبيروح معك ابوك
احمد قام/طيب
هدى/تعاال فين رايح.. الواحد ايش بيقول بعد الاكل
احمد/الحمدلله...
هدى/هيّا اديني بوسه وروح غسل ونام
احمد باس أمه وراح ينام..
لحظات صمت....
تكلم ماجد/كلمني ابو زياد
هدى/ايش اخباره؟
لوجين ساكته وتشرب من كاسة الشاهي/..
ماجد/يقول انه صارت مشكله بين زياد ومشعل..
لوجين التفتت على ابوها بعد أسم مشعل"/...
هدى خافت/وايش صار
ماجد/مشعل ضرب زياد وتسبب في كسر يده.. لكن لآن ما نعرف السبب.
هدى/الله يكسر يد مشعل
لوجين تضايقت من دعوة امها عليه بس مالها حق تتكلم،ضلت ساكته وقلبها يغلي تبي تعرف وش صار لـمشعل..
ماجد/لا تدعين عليه.. هو حاليا بالشرطه موقوف.. زياد اشتكى عليه وهالاسبوع بيحيلونه للمحكمه.
هدى/احسسسن عساهم يسجنونه.. ليش قليل اللي سواه في بنتي.
لوجين ماقدرت تتحمل تسمع المزيد، قامت وهي متضايقه/الحمدلله..
ماجد/لوجين بنتي
لوجين/روحها
ماجد/ترى لازم تداومين بكرا وتاخذين اوراقك وتشوفين وضعك بالجامعه
لوجين/اكيد بداوم بابا اكيد.. يلا تصبحون على خير
ماجد وهدى/وانتي من اهله.
طلعت لوجين وتركتهم...
ماجد/شكلها ضاق صدرها من الخبر
هدى/ماعليك منها.. هي اللحين مو مستوعبه شي، الحمل مخلي تفكيرها مشوش وعاطفي..
ماجد/هدى انتي انسانه فاهمه لا تنسين ان مشعل مهما كان ابو ولدها.. لا تضايقينها بسيرته ولا تسبينه عندها
هدى/اي والله شكلي زودتها حبتين..
/
/
/
/
دخلت عزلتها بغرفتها الكبيره.. حست بالبرد يلسعها.. قامت وسكرت كل الشبابيك ورجعت تسترخي على سريرها. وتفكر فيه. . بعد اللي سمعته من ابوها..طلعت صورته اللي بجوالها وتناظر بملامحه، رق قلبها له.. ضاق صدرها، هي تعرف مشعل وحكمته.. عمره ما أذى احد ودايماً حكيم مستحيل تطلع منه الشينه وهالتصرف غريب منه.. واكييد فيه سبب قووي خلاه يمد يده ويأذي انسان.. ،
طلعت رقم لمياء بدون تردد واتصلت فيها وانتظرتها ترد/..

لمياء بالجوال/مرحبا..
لوجين/السلام عليكم لموش
لمياء/وعليكم السلام...لوجي في شي؟ايش عندك متصله هالوقت
لوجين/لا مافيني شي بس.. ابي منك رقم زياد
لمياء استغربت/رقم زيااد!!.. ليشش؟
لوجين وهي متوتره/شغله مهمه بعدين تعرفينها.
لمياء/الشغله تخص مشعل صح؟.. أمي قالت لي اللي صار
لوجين تضايقت وقاطعتها/لميااء بتعطيني الرقم والا لا
لمياء/اوووكي سجلي عندك
لوجين بدأت تسجل الرقم وخلصت/يلا باي اشوفك بكرا ان شاء الله.
/
/
/
/
/
/
/
اليوم الثاني ..
السعوديه*
في ربوع الجنوب ..
زينه واقفه ومتفاجأه من كلام أمها/وش هالكلام يممه!!
ام مشعل/قلت لك جالك عريس وابوك موافق عليه
زينه هالخبر شل تفكيرها/شلون يمه؟! طيب ليه يوافق وانا حتى ماعندي علم من اللي خاطبني؟! وكيف انخطب واخوي مشعل بهالحاله وعزيز في غيبوبه!!
ام مشعل استنكرت كلامها/وانتي شعليك في عزيز.. انتي ماعليك من احد وبتتزوجين غصب عنك
زينه باحباط/يعني سمعتي اسم عزيز وماسمعتي اسم مشعل!!
ام مشعل/حسبي عليها بنت الجازيه خربتك علينا والا من متى البنات يناقشون اهلهم
زينه عصبت بس ما رفعت صوتها/بس صاحبة الشأن واللي بتتزوج أنا،طبيعي اني بتكلم
دخل ابو مشعل وبصوته الجهوري/معاد الا هي يا زينه بتعصين كلامي هاااه
زينه نزلت راسها وهي تكلم ابوها/العفو منك يبه... لكن هذا ظلم.. لا تظلمني يبه
ابو مشعل بنبرة أمر/أنا قلت بتتزوجين يعني بتتزوجيين جهزي نفسك بعدما يرجع خطيبك خالد من بريطانيا في الصيف بتتزوجين
زينه شهقت وهي مو مصدقه/خالد اللي دوم مغترب !! ابن خالتي خديجه!! بس هذا طول عمره برا وما نعرف عنه شي.. كيف بتزوجوني له؟!!.. انا ماني موافقه عليه
ابو مشعل/موو بكيفك ،عادي شغله هناك بالسفاره والرجال ما يعيبه شي
زينه تضايقت من سيرته/يبه ماراح اتزوج وعزيز للحين غايب عن الوعي
ام مشعل انقهررت/رجعت ثاني مره تقول عزيز.. وش عليك بالصبي حقنا...
ابو مشعل بصرامه/تبينا نأجل زواجك علشان صبي!! الله يفشلك صدق
زينه انفجرت من زعلها/لا تقولون صبي.. حرام عليكم انا وياه ربينا سوا.. عشنا سواا وانا وياه نفس القبيله بعد.. ليش تحبون تصنفون الناس بمزاجكم والا علشان ابوه وجده زماان كانوا مزارعين بمزرعتكم.. ترى حتى انت مزارع وجدي بعد.. ليش تتكلمون عنه بهالطريقه وهو بين الحياة والموت..!!
ابو مشعل ضربها كفف كانت متوقعته/بسس.. لوجين ماراحت الا بعدما درستك فنون التمرد
زينه ابتسمت ودموعها تغسل وجهها/ما ادري من الظالم ومن المظلوم.. انتم والا لوجين... اللحين بس عذرتها يوم انها هجت وتركت لكم البيت..
تركتهم وراحت لغرفتها رركض وتقفلتها...
،
ابو مشعل/ليتني اقدر اوصل للوجين واقص رقبتها.. بس ااااخخ اخوي صار ضدي وتمرد مع بنته وشكاني للشرطه وخلاني اوقع عدم تعرض..
ام مشعل/مصيبه جتها هالبنت صايره ملسونه...
ابو مشعل التفت عليها/ماقلتيلي.. اتصل مشعل فيكم اليوم؟
ام مشعل/لا ما اتصل.. بديت اقلق عليه
ابو مشعل/ياخوفي انه رايح يدور لوجين ويكتشف اني طلقتها غيابي بالتوكيل اللي اخدته منه وهو بالمستشفى
،
من اسفل السلم كانت ساره نازله ويدها على بطنها اللي صار بارز حيل.. وانصدمت من اللي سمعته من ابوها... سوت نفسها ماسمعت.. ودخلت وهي تحنحن ..ولاحظت ربكتهم/السلام عليكم
الكل/وعليكم السلام
ابو مشعل خزها/من متى وانتي جايه
ساره جات وجلست/البارحه جيتكم يبه.. سالم مسافر الرياض مهمة عمل
ابو مشعل خاف لا تكون سمعته، وقام/عن اذنكم انا رايح المجلس بيجيني رجال...
ام مشعل هي الثانيه قامت/وانا رايحه اشوف لي شغله..
راحوا كلهم وضلت ساره بالصاله جالسه ومصدومه من امها وأبوها، وحززنت على حال اخوها وزوجته( حسرتي عليكم يالوجين ومشعل.. رحتوا بالرجلين!!)
،
،
،
،
،
جده.. *
مركز الشرطه..
فارس جالس ويسولف مع مشعل بعدما جاء طبيب كشف على يد مشعل ولف عليها.. لان فيها تمزق عضلي..
مشعل بابتسامته الهااديه/ماقصرت يا ملازم فارس.. رايتك بيضاء
فارس/حاضرين للطيبين يابو فيصل..
مشعل يتضايق من كلمة ابو فلان لأنها تذكره بجرحه وعجزه/مشكور
فارس/يابن الحلال اترك الرسميات ونادني فارس والا ابو عبدالله
مشعل/ههه ماطلبت شي يابو عبدالله
فارس/والله لو بيدي فكيتك واطلقت سراحك وبنفس الوقت مابي افكك، اخاف معاد اشوفك
مشعل/هههههه عساني ما اشوفك في المركز.. انت زورني في الديره بعدما اطلع ان شاء الله وابشر بسعدك
فارس/خلنا نتأهل ونتزوج ويصير خير هههه
مشعل وهو يقوم/الله يوفقك .
فارس/ووين.. ارتاح الدكتور يقولك ارتاح
مشعل/معليش برتاح في التوقيف.. مابي اشغلك ادري انك مشغول وودك انك تكرمني بس العمل أهم وانا اخوك
فارس ابتسم برضا/الله يفك اسرك اشهد انك كفو..
مشعل ببتسامه/الكفو ما يشهد له الا كفو
فارس/الله معك يا بوفيصل
مشعل/يلا سلام
فارس/يا عسكري اخذه وانتبه له تراه مصاب.
العسكري/ابشر طال عمرك
راح مشعل وجلس فارس مبهور في شخصيته.. ،
،
،
،
،
،
،
في مكتبه ..جالس ويباشر عمله...
رن جواله ورد وهو مو مستغرب الرقم دولي ومن كندا حفظه من كثر ما تدق اخته عليه/هلا
لوجين بالجوال/مساء الخير زياد
زياد وقف على حيله،مو مصددق/هلا وغلا لوجين مساء النور
لوجين تضايقت من ترحيبه المبالغ فيه/كيف صحتك ان شاء الله بخير
زياد/تمام الحمدلله انتي بشريني عنك، كيف كندا معك
لوجين تبي تقصر الكلام/كل شي تمام ..زياد بغيت اطلب منك طلب..دامك تعزني
زياد/عزيزه وغااليه بعد... آمريني بس وش بغيتي؟
لوجين ترددت/ما يامر عليك ظالم...
زياد/تكلمي قوولي وش تبين.. والله لأسويه لعيونك
لوجين حيل متردده بس ماتقدر ترتاح وهي عارفه ان مشعل محبوس وراح يتحاكم ويتبهذل بالمحاكم علشان مضاربه/تسلم يا زياد... بغيت اطلب منك تسقط الدعوى اللي رفعتها ضد مشعل انا ادري انه أذاك ويمكن عورك.. لكن سامحه هالمره.. دام لي معزه وقدر عندك
زياد هنا انصدم من الطلب/بسس!! هذا هو طلبك.. كنت اظن حاجه اكبر من كذا
لوجين/زياد اذا طلبي مزعجك خلاص انسى انك وعدتني وكأن ولا شي صار
زياد تضايق بس مابين/لااا انتي عارفه ان زياد مستحيل يقول شي ويتراجعه عنه
لوجين فررحت/يعني بتتنازل عن مشعل ؟
زياد/اكييد دام هالشي بيسعدك
لوجين/ااالف شكر لك يا زياد مستحييل انسى لك هالموقف النبيل هذا..
زياد/حاضر لك يا بنت خالتي تامرين علي آمر
لوجين تكره تماديه معها بس مضطره علشان مشعل ما يتبهذل/مشكور يا زياد.. يلا مع السلامه
زياد بضيقه/مع السلامه..
زياد وقف وهو متضايق( حتى وهي في آخر العالم وهو مطلقها، تفكر فييه؟!!..أي سحر استخدمته فيها يا مشعل).شلون وافقت اطلع مشعل ..شلووون.
/
/
/
/
/
/
/
طلعت من الجامعه و ركبت باصها وجلست وهي شارده الذهن..
عهود صديقتها جلست جانبها وهي تسولف/اليوم بالمرره حرر اففف.. الله يعيننا بس.. لا وورانا محاضره في المساء هفف ما يمديني اسحب على شي ودي اتخرج بسرعه ليتني مثلك اخذت اترام صيفيه.. هذا انتي بتتخرجبن هالسمستر
عهود لاحظت انها تتكلم لحالها وهنادي مو معاها/هناادي!!
هنادي سرحاانه/... ..
عهود نغزتها بوه في كتفها/هناااادي وين رحتي
هنادي انتبهت لها اخيراً/هلا
عهود ببتسامه/مرحبا ههه.. وين رحتي يا بنتي لي ساعه اررغي لوحدي وانتي ولا هنا!!
هنادي/بالي بالمره مشغول ،باقيلي مادتين.. في هالسمستر.. ابي اخلصهم قبل اتزوج
عهود استغربت/بتخلصينهم بدررري انتي ناسيه ان زواجك بعد كم شهر يعني يمديك تخلصين وتجهزين لزواجك وتشبعين نوووم قبل الزواج..بعدين انتي لا تشيلين هم دام عهود بنت خالك معهم..
هنادي بضيقه/بس انا يمكن اتزوج بعد اسبوع واحد فقط..
عهود/ليشش.. ومحد قالي. فارس شكله مره مستعجل.
هنادي نزلت دمعتها ومسحتها بسرعه/ما راح اتزوج فارس.. اللي راح اتزوجه واحد تاني.
عهود سكتت متفاجأه وبققت عيونها/..!!!!!
/
/
/
/
/
/
/
في زياره خاطفه له...
مشعل رفض يستقبل زياد..
زياد أصر انه يكون متواجد ..
الملازم فارس/انت متأكد انك تبي تتنازل وما توصل قضيتك للمحكمه
زياد من وراء قلبه/ايه متنازل.. ومسامح مشعل
الملازم فارس فرح طبعاً لانها انحلت في مركز الشرطه/بيض الله وجهك...اجل لحظات والشباب يجهزون الاوراق علشان توقعها... ونطلع مشعل
زياد/انا منتظر مشعل هنا ما يحتاج
فارس/دام النفوس هدأت خير ان شاء الله.. يا عسسكررري
العسكري دخل ومعه الاوراق جاهزه/سم طال عمرك.. جهزنا الاوراق حقت التنازل
الملازم فارس/حلو ..روح طلع لي الموقوف مشعل ال عاصم
العسكري/امرررك
فارس مد الاوراق على زياد/وقع هنا لإنهاء الدعوى
زياد وقع وهو مو وده، بس لعيون لوجين/...
،
و بعد لحظات ثقيييله على قلب زياد..
دخل مشعل وهو عاقد حاجبه وتجاهل زياد وسلم ع الضابط/السلام عليكم
الكل/وعليكم السلام.
الضابط بابتسامه/ابشرك يا مشعل ..زياد تنازل عن الدعوى.. ووافق ع الصلح.. لذلك انا اقول خلوكم مع بعض وتكلموا شوي على ما ارجع عندي شغله بسيطه برا..
طلع الضابط...
مشعل اتجه لزياد بنظراته الناريه/ وش عنده هالرخمه متنازل..
زياد حاول يضبط اعصابه/لو علي ما تنازلت عن حقي لو تبوس السماء
مشعل ابتسم بخبث وجلس/اجل وش جد بالقضيه
زياد وهو يرد الابتسامه/تدخلت اللي ما اقدر ارفض لها طلب وتوسطت لك.. وطلبتني اتنازل عنك
مشعل عرف من هي وما حب يتكلم.. لأن كرامته بدأت تنزف. .زوجته خانته وهربت وتاركته وبعد تكلم غيره وطلعت حامل.. كل هالاشياء سببت داخله تراكمات صعب يتحملها رجال..
زياد شاف انهيار مشعل قدامه وانبسط/اشوفك ما سألت عن اللي توسطت لك؟!!
رن جوال زياد بهاللحظات وكانت لوجين تبي تطمن انه سحب القضيه/هذا هي جبنا سيرتها واتصلت..هلا لوجين
مشعل حس سكاكين الغيره تقطعه تقطيييع.. وهو يشوف رجال غيره يكلم زوجته قداامه.. جمع قبضة يده ورص على اصابعه بقووووه يحاول يكبت غضبه ولا يتهور وهو بمركز الشرطه..
زياد وهو يحاول يغيض مشعل/اي خلاص مثلما وعدتك.. تنازلت عنه.. ادري انه كسر خاطرك بعدما تركتيه لحاله..
لوجين استغربت كلامه/زيااد هو عندك؟
زياد كان بيرد عليها بس تفاجأ بيد مشعل تسحب الجوال منه ويحط الجوال عند اذنه وسمع صوتها تنادي زياد،واتجه لغرفة دورة المياه حقت الضابط وتقفلها علشان زياد ما يسمعه/لا تحسبين انك تفضلتي علي يومنك تطلعيني من الحبس.. ولا تحسبين اني بسكت عنك... ثاري منك راح اخذه حتى لو بعد سنين يا لوجين حتى لو فيها اعدامي... يعني ما راح تضلين طول عمرك هربانه في كندا
لوجين ودموعها تنزف من نغمة صوته اللي تعشقها وبنفس الوقت من تهديده لها بالموت حاولت تفهمه/مشعل اسـ...
مشعل قاطعها/ولا كلمه يا خاينه.. خلي ابو ولدك ينفعك.. طول عمري ما شكيت فيك طول عمري ضد اهلي ومعك.. لكن توصل للشرف و انك تخونيني هنا يوقف قلبي وتموتين انتي.. فاااهمه
سكر الخط بوجهها..
زياد كان ينتظره.. خايف يطب الضابط في اي لحظه.
فعلا دخل الضابط واستغرب/وين مشعل
زياد بابتسامه مصطنعه/في دورة المياه اللحين بيطلع
فارس استغرب وجلس ينتظره..
طلع مشعل هاللحظات وهو يسطنع الهدوء واتجه لزياد/مشكور يا زياد ماقصررت..
زياد استغرررب وماقدر يرد/... .
مشعل اتجه للضابط/وانت يا ملازم فارس بعد ماقصرت.. ومشكور ع كل اللي قدمته لي.
الملازم فارس/حاضرين للطيبين ..
مشعل/واللحين اسمح لي..
الملازم فارس ببتسامه/الله معك
زياد طلع وهو مستغرب ردة فعل مشعل الهاديه بعد غضبه العارم قبل شوي!!
/
/
/
/
/
عهود بصراخ/انتي اكيد انجنيتي مافي كلام
هنادي بضيق/انتي منتي فاهمه شي خليك ساكته احسن
عهود/يعني ايش تضحين بنفسك هااه.. وش الثمن دامهم اخذوا اولادهم..
هنادي بدمعه/صحيح هم اولادهم.. لكن امهم اختي.. اللي ياما شفتها تبكي بسبب ابوهم.. ياما جرحها واذاها.. صبرت على جحوده لها.. وبكل مره يظهر للناس على انه عازب وهو متزوج منها!!.. ماراح اخليها ترجع تتعذب مره ثانيه دامني اقدر ابعد هالعذاب عنها..
عهود انقهرت/مجنووونه مجنووونه..و راح تندمين
هنادي/يمكن زواجي هذا يكون خيره على غيري. لكن انا راضيه ماني ندمانه على مساعدة اختي.
،
،
،
،

عند كورنيش شرم أبحر في شمال جده..
واقف بثوبه اللي يصفق به الهوا.. وشعرها القصير اللي يتلاعب به هوا البحر.. نززع الضماد اللي في يده اليسار وطلع كرت صغير من محفظته.وطلع بيده الثانيه ولاعه..اشتراها خصيصا لهالغرض..
تأمل الكرت الصغير اللي بيده وهو عباره عن كرت العائله اللي يجمعه بـ"لوجين" ومكتوب جانب اسمها "زوجه"..
اشعل الرلاعه وقرّبها للكرت وبدأ يحرقه..
قرر يمحي كل شي يتعلق فيها ..اللي بينه وبينها استحاله يرجع لوضع الطبيعي بعد كل اللي صار...
هالنهايه نزعت قلبه من مكانه.. وماهي غريبه هالفراق يهز كل رجال لو هو بمكانه.. لكن الحب مجنون وذكرياته جارحه بدون شعور..
جلس على جال البحر ولسان حاله يقول:

[[كنت اذكر اني كنت واقف قبالك ..
و أثرك تركت معذّب القلب و أقفيت
وانا أتأمل واتلمسّ خيالك . .
واخذتلَي سجّه هواوِي و سجّيت

قلت انت لي ؟ وقلت كلي حلالككَ
قلت انت صادق ! قلتلي وخالقَ البيتْ !
كل الدّلال اللي تشوفهَ .. دلالك ْ
اطلب .. وألبّي منوتكْ لآ تمنّيت ,

وأبطيت أفكّر و أذكّر جمالككَ
كل ماذكرت الموقف اقول ياليتْ !
واذكر كلام العِطر , الأطرافْ , شالككَ
واذكر عيونكْ بالحيآ كل ما فضِيت ,

واذكر حلاكَ , ميلتكَ , و اعتدالككَ ,
واذكر شمُوخك لا وِقفت وتعَاليتْ
واذكر نتيجةْ كلمةٍ قِلتههَا لككَ
يوم انتبهت ل,كلمتيِ ثُم لدّيت ,

يمّي بعينك جِعل عيني فداَ لككَ
واقفيت عَن عينيِ و انَا عقبُك اقفيتْ ,
غريق بَحْرك وانتَ تقصّر حبالك ,
وانا على موج الهَوا مَ استعدّيت

هالك جيِتْ وقلتلي طاب فَالكك !
ليتني هِلكت ولا وِصلتلك ولا جيت ,
خذني عن درُوب الضّما والمهالككَ
يكفيني انِي عشتَ غُربه و تشْتيتْ

أنا دِخيلكْ ما أبِي إلا وصالككَ
وصلك هُو الّي يحرق الحيّ و الميّت
ما عاد يشْبّع شوقْي الا زلالكْ ,
وما ارتوِيتْ فِي ذمّتك لو توفيّت *!
.

يتبع.. ،

اقتباس