رواية من نسل فرعون (الأسيرة 2) للكاتبة/ندى محسن ♕Noody♕ الفصل العاشر 10 - بقلم الكاتبة ندى محسن

♡من نسل فرعون♡ الأسيرة2

الحلقة 10
للكاتبة/ندى محسن♕Noody♕

الأسعاف وصلت ومحدش سأل مين اللي طلبها محدش كان فايق واياد مش عايز يسيب نهلة
سفيان سحبها ف حضنه وهي بتلقائيه اتنفست بعمق كأنها مكنتش عارفه تتنفس وبصتله بدموع
سفيان بتوهان:مقولتيش ولا كلمه بس صمتك ودموعك قتلاني والله العظيم انا عارف اني غلطت بس لحقت نفسي البني ادم ضعيف لو كان مين بيجي علينا وقت عقلنا بيخونا
نهلة بتترعش:اول مرة احس..اني وحيده
اياد سحبها منه وكلبش فيها وهي ف حضنه:انت ملكش دعوة بيها وانتي مش لوحدك انا معاكي انا معاكي يا ماما مش هتبقي ابدآ وحيدة ها تعالي
سابها وقعت في الأرض وهو قلبه وقع وقومها وسفيان اتعصب:هي مش عارفه تقف ليه
داني چوليا معاه بس ابتدى يغيب عن الوعي والكل واقف مصدوم ومحدش مصدق كل اللي حصل دا محدش قادر يستوعب اسماء جسمها متلج وبتترعش بصت لأدهم لقت عينه متعلقة بسفيان وبمرتضى اللي كانو تايهيين
اسماء حضنته:هو..كله هيبقى كويس اوعدك...
في المستشفى نهلة دخلوها عمليات وسفيان تايه مش فاهم ليه طب هي حالتها صعبه كدا وداني غاب كتير مع الدكتور الكل هيتجنن وميعرفوش اللي مراقبهم وعمال يضحك بيضحك من قلبه على سفيان اللي حلم يشوفه مذلول
شاكر:كان نفسي اخدها واوهمك بموتها بس عارف انك مش غبي وهتشوفها وهتقلب الدنيا بس يا سفيان مش هسيبهالك بردو
:اه هبعت الممرضين يخرجوها
اياد:طب يا دكتور قولنا مالها
مشي وسفيان اتجنن:منا مش هسيبها جوا
دخل والصدمه ان لقى الأوضه فاضيه اياد دخل ونهلة ارسلان وادهم ونينا بس مفيش اثر لنهلة ملهاش اثر ومفيش غير بابا مقفول مبيفتحش سفيان زعق وراح سحب مدير المستشفى:انا سفيان ارسلان فين مراتي مراتي جت هنا ف الأسعاف ومش لقيها قسمآ بالله لو حصلها حاجه ههدها فوق دماغكوا تعالي الباب داا بتاع ايه وبيودي على فين
مدير المستشفى:دا باب خلفي للحالات الطارقه ودا بيتفتح من برا بس
سفيان بزعيق:طب يلاا افتحوا اتصرف
راحو لقوه مقفول من برا بالمفتاح وسفيان حس انه تايه واياد بصله بضيق واستحقار وساب المستشفى ومشي على القصر بيحاول يشوف حل يتصرف
چوليا مسكت ف الممرضه:هو الدكتور بيعمل ايه دا كله عنده ابني ماله!!!هو كويس
الممرضه:متخافيش هو فاق
چوليا بدموع:طب دا كله جوا بيعمل ايه
مرتضى:طب عايزين نشوفه
الممرضه؛الدكتور هيخرج ويفهمكو كل حاجة متقلقوش
مرتضى هز راسه بإيجاب
الدكتور خرج
چوليا:دكتور طمني عليه انا عايزة اشوفه
الدكتور:ممكن تشوفيه حضرتك بباه.؟
چوليا دخلت لداني اللي مغمض عينه ورافع راسه لفوق وهو قاعد على السرير
مرتضى:ي...يعني ايه.....
الدكتور:اتمنى تفهم الموضوع...
مرتضى:افهم ايه...يعني ايه مش هيمشي تاني
الدكتور:كل شيئ جايز بس هو اتعرض لصدمه قويه
مرتضى بدموع لمعت ف عينه:والحل دا لسه شاب لسه قدامه الحياه
الدكتور:للأسف ابنك لازم يتعالج نفسيآ قبل جسديآ
چوليا:حبيبي حبيبي حاسس بأيه
داني:ايه
چوليا باست ايده وحضنته:حقك عليا انا السبب انت ليك حق تبعد عني حقك عليا يا حبيبي يا قلب امك
اسماء دموعها منسابه وهي سامعه كلام الدكتور بصدمه
داني:طنط نهلة!!!
چوليا:دخلوها العمليات وانا جيتلك هنا
داني:عمليات!!!!ليه عمليات
چوليا:معرفش سفيان والعيال معاها
داني غمض عينه بضيق وفي نفسه:عمي سفياان ازاي طب انا لو اتخيلتها من الدنيا كلها......مش هتخيلها منه حبه ليها كان كدب....هو ايه عذره هو حتى متكلمش ليييه ليييه هو لييه هو اللي كان دايما معايا هو كان اخر امل ليا اني اكون بني ادم.....ربنا يسامحك ربنا يسامحك
مرتضى:هنروح
چوليا:ابني....هيجي معايا
مرتضى:على فين
چوليا:هسافر...هروح لكارمن هاخد اسماء وداني
مرتضى:اسماء هتروح مع جوزها وداني....داني مش هينفع يسافر
چوليا:ليه لا
مرتضى بص لداني وقلبه وجعه
داني ضحك:عادي عادي متلمش نفسك وبلاش حزن ابيض واسود دا
مرتضى بدموع ف عينه وعصبيه:بلاااش استفزاز بس كفايه
چوليا:هو في ايه
داني ضحك:اتشليت
چوليا:اخرس ايه اللي بتقوله دا
مرتضى سكت وخرج لما حس ان دموعه خلاص هتنزل
چوليا بصت لأسماء:ايه....هو بيقول وابوكي بيقول ايه...
اسماء بدموع:داني مش هيمشي يا ماما.......

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد قاعد على نار هو ايه جابه هنا قاطع شروده دخول نهلة كانت ف حاله اول مرة اياد يشوفها كدا عنيها حمرا طرحتها متبهدله وتايهه كدا دايما كانت مهتميه بنفسها وضحكتها منورة وشها
نهلة بصوت مهزوز:انت...هنا
اياد جري خدها ف حضنه:ليه مشيتي وازاي مشيتي كنتي فين كنتي هتموتيني وادهم هيتجنن
نهلة بصاله وهو حس انها هتسأل على سفيان قعدها واتصل على ادهم قاله وطبعآ سفيان كان هناك هو ونينا ونهلة
سفيان:مش عايز..حد دلوقتي نهلة ونينا وادهم مرتضى وچوليا يجوا على القصر فاهمين اللي حصل دا لازم يتصلح
ادهم سحب نينا وراح عند مرتضى
نهلة ارسلان:بابا...
سفيان اتنهد وبصلها
نهلة والدموع في عنيها:انت بجد خنتها بجد عملت علاقه مع الرقاصه دي...
سفيان:انتي صدقتي
نهلة هزت راسها بنفي:مش قادره مش قادره اصدق بس مش لاقيه سبب ليك ولا عذر حاسه اني تايهه انت مستحيل كنت تعمل كدا بالله عليك فهمني ليه وايه اللي وداك عندها
سفيان:روحي يا نهلة لخواتك انا هروح اشوفها واعرف كانت فين دي لعبه زباله
نهلة بإنفعال واول مره تعلي صوتها عليه وبدموع:مش همشي انا هتجنن انت لازم تفهمني بقاا انا طول عمري معاك طول عمري معاك انت وبس نسيت حتى ان ليا ام كنت ليا كل حاجة بس دلوقتي فجأه كدا انت خيبت ظني
سفيان سابها ومشي وهو بيفتكر
Flash back
مرڤت حضنته:انا اهو ف حضنك يا حبيبي يا قلبي
سفيان بعدها:الورق
مرڤت ضحكت:ماشي دا انت مبتثقش ف حد يا فرعون
سفيان بسخريه:معلش بقاا انجزي وهاتيها
مرڤت راحت جابت الورقه وهو لعن مرتضى على غبائه انه يخليه يتعامل مع واحده زي مرڤت دي
مرڤت حاوطته وباسته وهو سرحان واتفاجأ بيها بتقربه منها وبتبعد كأنه هو اللي بيقرب ونظرتها كلها مكر
سفيان مسك ايدها:انا متجوز
مرڤت:وايه يعني منا كمان متجوزه
سفيان لام نفسه انه فكر بس ف مرڤت وانها اثرت عليه للحظات وانه خان نهلة بمجرد مسابها تقرب منه وراح زأها
مرڤت:سفيان
سفيان:اقولك انتي تعتبري متجوزه بس انتي مش هتبقي زي مراتي زي قلب فرعون
مرڤت ضحكت:الله تصدق مصدقتش لما سمعت قصه حبكو بس واضح سحرها عليك عشان كدا ضعفت قدامه
سفيان:انتي لو جبتي سيرتها على لسانك هدفنك وتاني مرة اياكي ثم اياكي تقربي من حد تبعي والا قسمآ بالله هنسفك من على وش الأرض
خرج وبص للورقه استغرب اووي انها اتنازلت بسهوله وهي رفضت تتنازل مهما حاول معاها مرتضى وكان هيدفعلها فلوس كمان يعني هي كانت مستنياه هو لما يجي!!!!
back
سفيان وصل قدام القصر:دلوقتي فهمت اللعبه بس يا نهلة المفروض تبقي واثقه فيا حتى لو دا صعب انتي لازم تتكلمي معايا تعاتبيني وانا هنتقم من اللي كان السبب اشد انتقام اللي لعبها لعبها بقذاره لعبها بقاذره فعلاً...
دخل واياد كان حاضن نهلة
نهلة ابتسمت بوجع:حبيبي خلاص انا كويسه
اياد:مش هسيبك بردو لا مش هسيبك مش هتروحي مني لا لا
نهلة:اياد انا اللي جيت حبيبي مش همشي
اياد:انا عارف انك بتتوجعي بس..
نهلة ابتسمت:حبيبي اهدى كفايه خوفك عليا دا
سفيان سحبها:كنتي فين
اياد وقف قدامه ونهلة وراه:ملكش دعوة بيها ملكش دعوة
سفيان بعصبيه:اياااد ابعد
اياد:لا مش هبعد كفايه اللي وصلتها ليه انت ازاي كدا ازاااي قدرت تكدب ف مشاعرك للدرجه دي معاها
سفيان:انت اتجننت انت فاكر اني همثل اني بحبها لا فوق نهلة تعالي
نهلة:اياد انا عايزة اتكلم معاه لوحدنا حبيبي متقلقش
سفيان ابتسم وهي دخلت المكتب وقفل وراهم
نهلة بصتله وبتمنع دموعها
سفيان حس بوجعها وخدها ف حضنه بحنان
نهلة اتنهدت وبعدت عنه:انا رجعت عشان....عشان....فرح نهلة...عمر بيحبها وهيتجنن عليها ونهلة هتخسر فعلاً لو عمر سابها
سفيان بشك:كنتي فين
نهلة:يا ريت ننسى كل حاجة لحد منهلة تتجوز
سفيان:كنتي فيييين كلااااامي مش هعيده تاني
نهلة بصت لتحت بقلق من عصبيته
سفيان اتنهد وقعد وقعدها على رجله وهي بتزأه بس مسكها:اهدي
نهلة بدموع بتضربه:انا بكرهك ازاااي انت ازاااي عملت فياا كدا وكسرتني بالطريقه دي انت يا سفيان انا مش مصدقه انا مش مصدقه
سفيان بعصبيه:كنتي فيين انطقي
نهلة سكتت واكدت افكاره
سفيان بهدوأ ما قبل العاصفة:كنتي مع شاكر
نهلة بصتله اووي بصدمه
سفيان:كنتي معاه!!!
نهلة انهارت ف العياط:حرراااااام عليكوااا بقااا انا تعبت انتو عايزين مني ايه انا تعبت انا تعبت انتو عايزين مني ايه انا مش عايزة حاجه غير ولادي انت دمرتني وكسرتني وهو هو ظهر من تاني بعد مزمان خلاني اعاني انتو عايزين مني ايه
سفيان خدها ف حضنه:بس بس انا مش هرحمه بس انا هحميكي منه مش هسمح بأذيه ليكي اطمني
نهلة زأته بأنهيار:وانا مين يحميني منك يا سفيان ميين
سفيان اتصدم:انتي متخيله اني ممكن ءأذيكي يا نهلة انتي حياتي ودنيتي وكل حاجة ليا انتي سبب كل حاجة حلوة في حياتي يا نهلة انتي امي واختي ومراتي وام ولادي
نهلة بعياط:كسرتني وجرحتني ليه ليه خونتني ليه انا عارفه انك مش كدا بس بس انت هدمت كل دا
سفيان حاوط وشها:نهلة...انتي بتحبيني ولا لا بصراحه
نهلة بصتله وعياطها زاد وهو باس خدها ومسح دموعها
سفيان:بتحبيني ولا
نهلة:محبتش حد قدك كنت بحبك اكتر من نفسي
سفيان:واثقه فيا
نهلة:انا وثقت فيك وف اي حاجه تثق فيها بس انت هدمت الثقه هدمت كل حاجة يا سفيان
سفيان:انا عمري مخونتك ولا هخونك يمكن شردت و وضعفت بس انا فوقت واللي مكاني كان الشطان ضحك عليه انا مكنش ف دماغي غيرك مش حابه تسمعي ايه اللي حصل
نهلة بدموع:مش عايزة اسمعك ومش عايزة اكلمك وسيبني ف حالي جواز نهلة هيتم وانا هفضل لحد ميتم
سفيان:نهلة انتي مش مدياني فرصه متغلطيش الغلطه اللي غلطتيها زمان لما مرضتيش تسمعيني كل مره بنسمح للغضب يبعدنا حبيبتي احنا الأتنين هنخسر من امتى وانا بضايقك او بجرحك او عيني تيجي على واحده انتي عارفه كويس انتي ايه بالنسبه ليا يا ستي لو مكنتش بحبك وبعشقك كان على الأقل بينا حب عشرة مع بعض اكتر من عشرين سنه حبيبتي اسمعي وبس
حكالها اللي حصل بالتفصيل وهي شافت الصدق ف عينه وبدموع:حتى لو كان كدا انت سمحت بكدا يا سفيان روحتلها لوحدك وسمحتلها تقرب منك يا سفيان
سفيان حضانها وهو مكلبش فيا:مفيش حد مبيغلطش اه فكرت غلط بس اتراجعت ورديت كرامتك قبل كرامة اي حد نهلة بلاش تسمحي لحاجه تسود قلبك من ناحيتي بلااش انا مبررتش لحد انا كنت مصدوم الكل فجأه شايفني شيطان حتى عيالي طب افرضي غلطت و وانا خاين فعلاً مفيش ليه ف الحكم رحمه علمتهم يبقوا جد واه زرعت فيهم القسوة في الأنتقام بس للدرجه دي معندهومش ثقه فيا يا نهلة وداني داني اللي وقف ف وشي وجرحني بكلامه انا مقولتش لحد غيرك انا روحت بس محصلش حاجة بجد
نهلة مسكت ايده بدموع:احلف بحياتي وبحيات عيالك
سفيان:وحياتك وحيات عيالي وحيات ربنا انا مخونتكيش ومتعودتش عليكي تشكي فيا نهلة انا مفيش حد غيرك ف حياتي من اول متولدت وهتبقى اخر حد ف حياتي لحد مموت انا بس بحبك انتي
نهلة انهارت ف العياط وهو حضانها وابتسم هو عارف انها هتسامحه وعارف قلبها الابيض بس هو متمناش انه يبرر حاجة زي كدا وانها تشوفه خاين فعلآ
اياد خبط
سفيان بعد وباس خدها ومسح دموعها:حقك عليا يا قلب فرعون حقك عليا
اياد خبط جاامد وسفيان فتح:في ايه واحد مع مراته عايز ايه انت
اياد:مرتضى جه والباقي جم
سفيان:ومالك شكلك متغير ليه كدا ولونك مخطوف
اياد:د...داني...تعبان
سفيان مستناش يسمع وخرج ونهلة مسكت اياد وراحو وراه
سفيان:ايه دا؟
چوليا مش بصاله وعنيها حمرا من كتر العياط
سفيان بعصبيه:حد يرد فهموني ايه دا ماله!!.
داني بتريقه:تعبت من الوقفه قولت اما اقعد
ادهم:اسكت انت اخرس وبطل بقاا
داني:ابطل ايه كل واحد يشوفني يقلبها درامه ايه شوفتو واحد مسلوخ ولا ايه مش فاهم وبتتجننو لما بضحك من امتى دا دا انتو المثل الأعلى ف الضحك والهلس
نهلة وقفت قدامه ومسكت ايده وايدها بتترعش :طب...طب ليه....
داني باس ايدها:اهدي يا ست الكل دا لما نزفت وصدمه فالمخ الأشاره عطلت حجات طبيه كدا ابنك يفهمك بقاا انا بتاع عمارات هههه او كنت بتاع عمارات
نهلة:ي..يعني ايه
داني:يعني مش عارف هقوم امتى هو بقدر ربنا بقااا
بص لنينا بيحاول يضحكهم:دعوتك دي صح
نينا بدموع هزت راسها بنفي
داني:لا لا اهدي يخربيتك بحاول اضحكك....
سكت وبص لسفيان:هتبقى وحشه اووي لو كان اللي عملته اتردلك فيها
سفيان بصله بصدمه وغضب:دااااني!!
داني:مستغرب ليه انت!؟انا بوستها وقربت منها كمان
الكل اتصدم ونينا بصاله بدموع وضيق ومن نظرتها هو ندم على اللي قاله
سفيان بعصبيه وبيحاول يتمالك اعصابه شد نينا:ايه اللي بيقوله دا
نينا بدموع بصت لنهلة وبصت لداني:محصلش..والله محصلش حاجة
داني:هي ملهاش دعوة هي معملتش حاجة
سفيان:ملكش دعوة انت اخرس فاهم
اياد سحب نينا:متمدش ايدك عليها وبعدين انت مستني ايه كما تدين تدان يا سفيان بيه
سفيان بيحاول يمسك اعصابه وبص لمرتضى اللي باصصله وميت سؤال وسؤال عايز يسألهم ووجع ظاهر ف عينه
سفيان بجمود:متنسوش اني ابوكم ومتنسوش اني ليا حق عليكم حتى لو كنت وحش ادهم خد مراتك على فوق وتعالى طلع داني لأوضه اياد نهلة خدي اختك ومش عايز المح واحده فيكوا
نهلة ارسلان بصتله اووي وسابتهم وطلعت بدموع ف عينها من طريقه سفيان معاها ونينا بصت لداني بعتاب وطلعت
چوليا:طلقني
مرتضى:انتي ايه مفيش حاجه على لسانك غير طلقني مش هطلقك اعملي اللي تعمليه مش هطلقك
سفيان:چوليا
چوليا حطت صباعها قدامه بتحذير:متدخلش انت بالذات مش محتاجه نصيحه منك فاااهم
نهلة:چوليا...
چوليا:ايه سامحتيه انا واثقه انك هتسامحيه اللي خلاكي سامحتيه زمان تسمحيه دلوقتي
نهلة بصتلها وسكتت
مرتضى:سفيان فهم چوليا وفهمنا ايه حكايه الصور دي
سفيان حكالهم كل حاجة
مرتضى قعد بضيق ووجع على انه السبب ف كل اللي حصل
چوليا بدموع وقفت قدام سفيان:انا....
سفيان:ملوش لزوم تقولي حاجه ردت فعلكوا طبيعيه جدا
چوليا:دا ميمنعش ان كله من المشي الزفت بتاع مرتضى وانه السبب ف كل حاجه
مرتضى وقف وملامحه متغيره لأول مرة هو باهت شاحب من غير اشراقت وشه وضحكته الجذابه ورغم زعل چوليا حست بالقلق عليه وهو قرب حضن سفيان ودموعه نزلت:انا اسف انا واحد وحش ف كل حاجه راجل فاشل وزوج خاين واب سيئ وصديق...لا لا انا مستحقش اكون صديق حتى انا الغلط راكبني من ساسي لراسي انا اسف يا سفيان حقك عليا انا ربنا عاقبني بداني بأغلى حاجه على قلبي
سفيان:هشششش اهدى انت غلطان بس عرفت غلطك داني هيبقى كويس
مرتضى:انت ليه مقولتلهمش اني السبب وانك معملتش حاجة سكت ليه هااا سكت ليه انهم يقللو منك كدا يعني كنت عايزني اظهر بصوره احسن قدامهم انا بكره نفسي وبكره وجودي معاكو ومعاك انت بالذات....انا مش عايز افضل كدا
بعد عن سفيان ووقف قدام چوليا بدموع مسك ايدها باسها:انك تسامحيني صعب وصعب اووي كمان انا عارف بس حاولي تسامحيني انا مرضتش اطلقك عشان متخيلش حياتي من غيرك بس لو دا هيريحك هعمله
چوليا كانت بصاله وبتعيط
مرتضى باس ايدها وخدها ومشي
سفيان طلع بسرعه وراه:مرتضى استنى
مرتضى خد عربيته ومشي وهو دخل نهلة كانت حاضنه چوليا
سفيان اتنهد بضيق:چوليا اطلعي لنينا اقعدي معاها هي هتهديكي
چوليا طلعت ونينا كانت بتعيط وبصوا لبعض وانهارو ف العياط
نهلة طلعت لأوضتها مش مستوعبه ازاي عيلتها من يوم وليله اتقلب كيانها بالشكل دا
سفيان دخل خدها ف حضنه وهي كانت هتبعد بس اعترض:متبعديش دي اكتر حاجة هتقويني بس طبطبي عليا كالعاده وطمنيني
نهلة بدموع:مش قادرة اسامحك وانا بتخيلك مع واحده تانيه
سفيان غمض عينه بضيق:محصلش حاجة
نهلة:عارفه عارفه يا سفيان بس قربها منك وانها كانت ف حضنك الصور مش كدب صح
سفيان باس ايدها وخدها:انسي انسي يا نهلة بلاش تفكيرك وتخيلاتك تهدم مشاعرك
نهلة بصتله وهو ابتسم بحنان وباس ايدها

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم قاعد قدام اسماء على الأرض وهي قاعده على الكرسي:هتفضلي ساكته كدا
اسماء بصتله:و..وهقول ايه
ادهم:اي حاجة متفضليش ساكته كدا هااا متفضليش ساكته وانا شايف وجع كبير جوااكي
اسماء:وجعك نفس وجعي فليه ازود الحمل عليك وانا عارفه انك بتكره دموعي!!
ادهم مسك ايدها:لا انا مبحبكيش تعيطي بس دا هيريحك دلوقتي مش عايزك تفضلي ساكته ها اعملي ايه حاجه اتخانقي معايا حتى
اسماء بصوت مهزوز:هما ليه كدا...بابا...ليه يعمل كدا....ماما حلوة وبتحبه ومراعياه فليه يتجوز ويوم ميفضل عليها....يفضل رقاصه انت متخيل الوجع اللي هي فيه
ادهم حضانها وهي قعدت تعيط:انا مبقتش فاهم اي حاجة حقيقي مبقتش فاهم مين صح مين كويس مين وحش....
اسماء بدموع:بالله عليك متعملش زيهم متكسرنيش الكسره دي يا ادهم....
ادهم حط ايده على بؤها عشان يمنعها تتكلم:اسماء بس انا خلاص حبيتك من يوم مبقيتي مراتي انتي كل حاجة ليا انتي وبس فاهمه
اسماء دفنت راسها فيه بدموع
ادهم حاول يضحكها:غرقتي التيشرت ينفع كدا
اسماء ضحكت غصب عنها
ادهم طبطب على شعرها:ربنا يخليكي ليا

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني:مالك
اياد:انا اللي المفروض اسألك
داني:مليش يا عم
اياد:داني انت بمزاجك تقوم انت اللي ضعيف انت اللي معندكش اراده
داني ضحك:حيلك حيلك عليا اييه
اياد:انت عملت كدا ليه ليه جرحتها وعارف لولا اني شوفت نظره ندم وانك راجعت كلامك كنت قتلتك ازاي تقول كدا هااا انت مش متوقع ان بابا كان ممكن يعاتبها هي مش بعيد كان يضربها
داني:انا قرفت وزهقت من نفسي قبل اي حد يا اياد انا عايز اشوفها بالله عليك هاتها اشوفها
اياد رفع حاجبه:نععععم!!!.
داني ضحك:يا عم واحد مشلول عايز يشوف بنت عمه....عمته
اياد:انت اهبل يله هيدخل عليا شغل الهبل دا وانك مشلول دي مجرد اراده منك هااا
داني:اياد هاتها هتأسفلها ومش عايزك والا وديني اروح امشي من هنا
اياد:قسمآ بربي لو ضيقتها هطلع روحك هجيبلك عاهه فعلآ
داني ضحك:انجز
اياد راح واستأذن چوليا خدها وهي مستغربه وهو دخلها لداني ووقف برا يسمع وهو هيشيط من داني
داني:انا اسف...
نينا:انت عايز ايه انا مستغربه ازاي اياد وافق اجيلك اصلا انت عايز ايه بالظبط يا داني كنت اخ ليا ولما كنت محتاجه لحد معايا كنت موجود وفجأه اتحولت معايا واتخطيت حدودك خليتني مضايقه من نفسي اني سمحت اكون معاك وفجأه اعتذرت وجيت اتكلمت عني وحش وانك قربت مني قدام اخواتي وبابا ليييه انت عايز ايه من كل دا انت ليه بتحطني ف موقف زي دا
داني مسك ايدها وهي قدامه على السرير وابتسم بوجع:كان قصدي اضايق ابوكي وبس انا اسف سامحيني اسف
نينا بصتله وراعت حالته والوجع اللي في عنيه وهزت راسها بأيجاب:انسى يا داني خلاص..سيب ايدي بقاا
داني باس ايدها واياد راح دخل فساب ايدها بسرعه:مش تخبط
اياد بيجز على سنانه:ااه مشلول ااه منا عاارف نينا حبيبتي يلاا على اوضتك ومش عايز اشوفك هنا هاا هو خلاص اتأسف وسامحيه دا صاحب عيا بردو
داني:خلي بالك انت عمال تستفزني بس خلي بالك اني مش هقوم مش هحاول ومش عايز ومش هتعالج طبيعي ولا بتنجان
نينا:هو بمزاجه
اياد:مش بالظبط بس خبرتي بتقول ان الموضوع بدل منفسي لو عنده اراده مع العلاج الطبيعي هيبقى كويس
نينا ابتسمت بتفائل
داني:مش هعمل علاج طبيعي ولا غيره ولا رايح ولا جاي وسيبوني انام بقاا ممكن
اياد:مش هتمشي اللي ف دماغك بردو مش عايز تمشي
داني:لا مش عايز واقولك مش عايزحد معايا اصلا اتكلوا بقاا
نينا:انا مش مسمحالك على اللي عمالته
داني:نعععم وليه كدا
نينا:ايوا مش مسمحالك على اللي قولته واللي عاملته انت جرحتني بقاا ولو عايزني اسامحك انت يبقى عندك اراده ومش بس كدا وتمشي
داني بغيظ:بقاا كدا
نينا:هو كدا واتصرف مع اياد بقاا
خرجت وقلبها واجعها من حاله داني ومن كل اللي بيحصل معاهم

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

سفيان:نهلة اتكلمي بقاا ساعه بتحايل ايه اللي حصل ازااي خرجتي من المستشفى وازاي خدك وايه اللي حصل ولو هو سابك بسهوله يبقى ليه خدك !!!
نهلة بصتله وسكتت بتردد
سفيان:يا بنت الحلال اتكلمي
نهلة:انا...صدقت ووثقت فيك.....بس
سفيان:بس ايه خايفه مني!؟
نهلة هزت راسها بنفي
سفيان اتنهد:طب حبيبتي اتكلمي انا سامعك
نهلة دفنت راسها ف صدره وهو مقعدها ف حضنه وابتدأت تفتكر
Flash back
نهلة نايمه على السرير والدكتور او المفروض انه دكتور خبط على باب وهي استغربت وقعدت ودخل شاكر اللي بصتله كتير شكله اتغير وشه فيه جروح وخياطه فوق حاجبه وهي مقدرتش تنطق
شاكر خرج سلاحه:مش صح تخرجي صوت عشان لو اي حد دخل حياته هتكون التمن صح ولا شايفه اني بهزر
نهلة الدموع بتنزل من عنيها بصمت
شاكر خرجها وهي بتقاومه بس شالها وركبها العربيه وخدها على بيت وهو طاير من الفرحه
نهلة:جبتني ليه هنا
شاكر:انتي لسه بتسألي عارفه انا كنت فين اختفيت فين انا كنت ف السجن تخيلي اخرج بعد عشرين سنه وحسن سلوك تخيلي انا اتعذبت اد ايه مش عشان مسجون لا عشان انتي مش معايا انا قتلت وسرقت وعملت كل حاجة عشان اوصلك وف الأخر شويه زباله حبسوني رموني ف السجن بس كان عندي امل واحد ارجع واخدك يا نهلة لسه حلوة زي منتي لسه كانك ف بدايه شبابك لا تصدقي احلويتي اكتر
نهلة بدموع:انت بني ادم مريض دا مش حب دا جنون
شاكر:وايه يعني على الأقل هبقى فوزت وكسرت قلب سفيان كمان اللي كسر قلبي زمان وكمان ايه خانك مصنكيش
نهلة بشك:وانت عرفت منين وازاي
شاكر اتوتر:ها...مهو انا...اه كنت براقبه لحد معرفت اصوره وبعتلك الصور.
نهلة بصتله وهو مسك ايدها
شاكر:مكنتش اتخيل ابدآ اني هلمسك او اشوفك تاني تخيلي اني شوفت نهلة بنتك هي شبهك اووي بس كنت هاخدها معرفتش اخدك زمان بس هاخدها
نهلة سحبت ايدها منه بعنف:انت بتقول ايه
شاكر:بقول اني هتجوزها وكأني معاكي ف شبابك تبقى ملكي انا وانتي هتبقي معايا برضو بس سفيان قلبه هيتكسر مش هيتحمل وهيموت
نهلة بصدمه من كلامه وبدموع:متعرفش انت بتقول ايه انت ايه اللي بتقوله دا
شاكر:لا انا عارف انا بقول ايه عارف كويس اوووي كمان
نهلة:اياك تفكر فيها فاهم اياااك انت جبان وخطفتني ومعندكش الجرأه تواجه سفيان عشان انت جبان
شاكر:دا خانك المفروض تلعني الظروف اللي حطك فيها
نهلة:سفيااان جوزي واللي بينا ميخصش حد انت جبان مبتعرفش تتشطر غير على الستات
شاكر بصلها بحده وسحبها وهمس:طب ايه رأي اني هسيبك تمشي ونهلة هاخدها وساعتها انتي هتجيلي برجلك
نهلة:سفيان مش هيرحمك لو قربت منها
شاكر بسخريه:اما نشوف الفرح اللي هتعملوه دا هيبقى فرحي انا وهي فاهمه
back
نهلة:في حد بيساعده انا مش عارفه مين بس بيعرف كل حاجة في حد معاه
سفيان شرد وهو بيشد عليها ف حضنه
نهلة:سابني امشي معنى كدا انه واثق انه هياخدها هياخد نهلة
سفيان ابتسم بتريقه:على اساس انك متجوزه سوسن يعني نهلة انتي طيبت قلبك زمان خلتيني اتجاهله وبعدنا بس دلوقتي التجاهل بقاا صعب
نهلة بصتله
عدى يومين لحد يوم فرح نهلة محدش كان فرحان اللي بيضحك كل واحد جواه الم والكل مستغرب ازاي نهلة ارسلان وافقت انها تتجوز في الظروف دي وازاي سفيان مصر بس محدش اتكلم وقالو ان الموضوع طبيعي يعني هيقولو ايه لأهل العريس رانيا جت وكانت مع ساميه ونينا واقفه مع اياد اللي عينه بتدور على حد معين مش لاقيه الكل مترقب لأي حاجه ممكن تحصل لحد مسفيان حس بحركه غريبه في الحفله..........

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
شاكر ناوي على ايه؟!مرتضى خلاص مشي كدا ولا هيرجع؟!چوليا فعلآ هتطلق منه؟!نهلة علاقتها مع سفيان ممكن ترجع طبيعية؟!داني هيتحسن وايه ممكن تكون حكايته؟!نهلة هتتجوز عمر فعلآ ولا شاكر؟!