رواية من نسل فرعون (الأسيرة 2) للكاتبة/ندى محسن ♕Noody♕ الفصل التاسع 9 - بقلم الكاتبة ندى محسن

♡من نسل فرعون♡ الأسيرة 2

الحلقة 9
للكاتبة/ندى محسن♕Noody♕

سفيان بحده: ايه هو انتي شايفاني عيل تروحي تجيبيلي مرتضى
نهلة: انت عارف اني مقصدش كدا بس خايفه تتهور
سفيان: من امتى انا عملت حاجة غلط يا نهلة واتهورت قتلت حد ملوش ذنب هااا من امتى
نهلة: سفيان حبيبي اسمعني انا اللي قولته مجرد توقع عشان كانت كلمته مش اكتر
سفيان: ااه كانت كلمته وتوقع تمام ايه بقى وبعدين هاا وبعدين هسكت مثلآ مش لازم اتأكد هاا
نهلة:واخد السلاح معاك ليه يا سفيان
سفيان سحبها من دراعها بعنف: عشان انا سيبته زمان دلوقتي لو هو السبب هقتله يا نهلة فاهمه هقتله
نهلة بدموع: بلاش يا سفيان انا مش عايزة اخسرك بلاش توسخ ايدك ف اي حد بالله عليك
سفيان بصصلها: متخافيش مش مرات فرعون اللي تعمل كدا يا نهلة
نهلة: انا زمان عنيت بس اتخطيت كل حاجة انك تتأذي دي الحاجه اللي مش ممكن اتخطاها مهما يحصل يا سفيان وهتبقى نهايتي
سفيان: نهلة اللي عمل كدا اللي كان هيدمر بنت مرتضى اللي هي مرات ابنك واللي كان عايز نهلة اللي هي بنتي هيتعاقب ومش بأيد حد غير فرعون
نهلة: طب متروحش لوحدك بالله عليك
سفيان: حاضر يا ستي مش هروح لوحدي هاخد ابنك اياد ايه رايك
نهلة هزت راسها بإيجاب
سفيان بيستفزها: واهو لو حصلي حاجه يعالجني
نهلة كشرت وقعدت تضربه وهو مسك ايدها وضحك وهي دفنت راسها ف صدره: طب انا مخصماك بقاا مخصمااك
سفيان قعد وقعدها على رجله: واهون عليكي
نهلة هزت راسها بنفي وهو ابتسم وباسها مره بعد مره
مرتضى برا: مش عارف في ايه بالظبط سفيان ناوي على ايه ويا ترى شاكر ليه علاقة بالموضوع
چوليا من غير متبصله: هتروح وانت منمتش
مرتضى: خايفه عليا اووي يختي
چوليا: لا بس انا لسه شابه مش عايزه ابقى ارمله
مرتضى عض شفته بغيظ: لا تشكري
چوليا: اممم شكرا
مرتضى: چوليا لحد امتى هتبقي كدا
چوليا: انا تعبت منك المفروض انا اللي اسألك كدا شوف انا مش هقارنك بسفيان بس ايه رأيك ف ادهم تربيتك انا وانت عارفين انه مكنش مهتم بأسماء بس من ساعه مبقت على اسمه بطل السهر والقرف اللي انت لسه مبطلتوش انا تعبت حقيقي انت عارف اني بتقتل لما ابقى عامله نفسي نايمه وانت داخل تتسحب بليل فكرك اني ضعيفه ولا غبيه انك توهمني انك ف شغل وانا واثقه انك مع الزفته اللي اسمها مرڤت
مرتضى اتصدم: انتي عرفتيها منين
چوليا ضحكت بحزن وبتريقه: مش قولتلك انك غبي
مرتضى لوى دراعها: عرفتيها منين
چوليا: كنت عماله اقول هيتعدل هيتعدل لكن لا انا كنت غلطانه
مرتضى لوى دراعها اكتر لورى: عرفتيها منين سؤالي واضح
چوليا: سيب ايدي انت اتجننت هتمد ايدك عليا سيب ايدي
مرتضى مسك وشها بعنف: اه همد ايدي عليكي متنسيش انا ابقى ايه هاا وحافظي على جوازك عشان ف وسط شركاتك هتبقى وحشه اووي انك مطلقة للمرة التانيه
چوليا بصتله بصدمه واتناست المها: ا... ي.. ه....
مرتضى: اظن سمعتيني
سابها وقرب يبوسها زأته وبعدت
مرتضى: نعم ايه تاني
چوليا بدموع: طلقني... طلقني يا مرتضى
مرتضى بصلهابصدمه هو مكنش متوقع دا كان متوقع انه هيخوفها انها تسيبه بس دا خلاها تطلب الطلاق!!
چوليا بتمسح ف دموعها:عندي سؤال ليك
مرتضى بصلها
چوليا:انت شايف انك جيت على نفسك اتجوزت واحده مطلقة صعب تتعامل على الأساس دا قدام ولادك اللي ميعرفوش حاجه صح
مرتضى:انتي شيفاني كدا انتي عارفه اني من النوعية دي يا چوليا ولا بالتخلف دا وهيفرق معايا مطلقة ولا لا انتي جايه تسألي بعد عشرين سنه يا چوليا
چوليا:لأن من عشرين سنه محسستنيش الأحساس دا..طلقني يا مرتضى
مرتضى:انتي اسكتي انتي واعيه بتقولي ايه
چوليا:اه واعية انا قرفت انت عارف اكتر حاجه بتوجع الخيانه كفاية خيانه بقاا انا قرفت منك وكل شويه اعرفلك حكايه شكل واقول نزوة نزوة بس ايه مرڤت كمان نزوه مرڤت اللي بقيت معاها دايمآ وحساك بعيد اووي عني
مرتضى:ملكيش دعوة بمرڤت
چوليا:دي رقاصه وانت ايه مبقاش عندك عقل يا مرتضى خلاااص بقيت كلب ليها كلب للرقصات
مرتضى ضربها بالألم وفقد السيطرة على شعوره:دي مرااااتي فهمة دي تبقى مرااتي
هنا سفيان اللي كان لسه هيتدخل سكت وهو على باب اوضتهم
چوليا حاطه ايدها على وشها بصدمه:ا..ايه.....انت....قولت..ايه
مرتضى انتبه للي قاله وغمض عينه بضيق ولسه هيقرب بعدت هي خطوة هي مش مصدقه انه مد ايده عليها وايه الي قاله متجوز!!!
سفيان نفسه كان مصدوم من صاحب عمره اللي عمره مخبى عنه حاجه
مرتضى شدها:انتي حذاري تبعدي فاهمه ايااكي اقرب فتبعدي
چوليا ضربته بالألم وهو اتعصب ولسه هيرفع ايده كان سفيان مسكها وزأه بعنف كان هيقع
مرتضى:سفيان لو سمحت
سفيان:انت خليت فيها لو سمحت صوتكو عيلي والباب مفتوح وكنت جاي اقولكوا ان العيال هيسمعوا وكويس اني جيت وسمعت اللي قولته
چوليا بدموع وانفعال:خليه يطلقني يا سفيان ارجوك لو سمحت طلقني منه انا مش هستمر معاه مش طيقاه خلااص
سفيان:اهدي بس انتي واللي عيزاه هيحصل روحي اقعدي مع نهلة وانت تعالى معايا
سحبه لتحت للمكتب
مرتضى:يعني ايه اللي عيزاه هيحصل هاا
سفيان لكمه جامد لدرجه انه اختل توازنه ووقف بصله بعصبيه وسفيان بصله بتحدي
مرتضى:انت اتجننت
سفيان ضربه تاني
مرتضى زأه:سفياان
سفيان:انت فاكر نفسك بتعمل ايه تتجوز رقاصه
مرتضى:كنت سكراان يا اخي
سفيان:كنت سكران وبعدين هاا ولما فوقت
مرتضى:كانت ممضياني على اسيمه جواز بمأخر 50 مليون جنيه
سفيان بصله:وبعدين
مرتضى:وبعدين ايه بس كدا اللي حيلتي كلهم 50 مليون ايه هدفعلها ازاي وچوليا قرفاني ومن السهل مرڤت ترفع قضيه اني اهملتها وتطلب الطلاق مع كامل حقوقها
سفيان بعصبيه:شوفت اخرت الزفت اللي انت فيه والقرف والمشي البطال دا ايه هااا شوفت
مرتضى:شوفت يا سيدي وربنا شوفت وبعدين بقاا هي عايزة تطلق
سفيان بعصبيه:انت تمد ايدك عليها بتاع ايه هي عندها حق ف كل كلمه قالتها هااا
مرتضى:اعمل ايه طيب انا
سفيان:هي مراتك عرفت منين
مرتضى:مش عارف....يبن ال يبقى داني
سفيان:وداني يعرف
مرتضى:ااه يعرف يخويا دا جن
سفيان:جن ف عينك انت متخيل انه هيتعلم ايه منك يا مرتضى حراام عليك يا اخي هات عنوان الزفته اللي اسمها مرڤت
مرتضى:هتعمل ايه يا سفيان
سفيان:هصحح غلط سيادتك واتمنى تكون اخر مرة
مرتضى اتنهد بضيق:توبة
سفيان بتريقه:توبه اه منا عارف
مرتضى اداله العنوان:هو انت مشكان وراك مشوار
سفيان:كنت عايز اعرف ايه حكايه شاكر اللي اختفى ولا اتسجن كنت هسافر لعاصم بس وقت تاني بقاا
خرج ومرتضى طلع لچوليا وسمع صوت عياطها وان نهلة معاها لف ورجع
داني:ايه هي عرفت
مرتضى:مش البركه فيك انت اللي عرفتها
داني:اه انا
مرتضى:ليه يا اخي هو انا كنت ناقصك
داني:انت لازم تفوق بقاا حقيقي لازم تفوق ويمكن اكون انا سبب في فوقتك
مرتضى:ااه سبب فوقتي انت هتبقى سبب فوقتي
داني:وليه مكونش انا هاا ليه مش انت اللي ربتني وانت اللي كنت معايا ف كل خطوة عارف انا بلعن نفسي دلوقتي انا هتجوز رانيا ومع ذلك بصيت لبني ادمه طاهرة ونقيه تستاهل ملاااك ومش بس كدا انا جرحتها
مرتضى:قصدك ايه انا مش فاهم
داني بسخريه:ولا عمرك هتفهم ولا عمرك هتفهم يا مرضو
مرتضى اتنهد حس ان كل حاجة بتتهد فوق دماغه ابنه اللي انتبه انه عمره مقاله يا بابا ولا احترمه حتى هو مين بيحترمه بيشوف الفرق بين تعامل الكل معاه ومع سفيان واحترامهم ليه الهزاز مسفيان بيهزر الشغل سفيان بيشتغل بس هي التربيه والهدايه اللي كانت عند سفيان ومش عنده خرج بضيق مش عارف يروح فين هيروح فين ومراته بدل ميترمي ف حضنها ويحسسها بالأمان جرحها وهي كمان عايزة تسيبه وطلبت الطلاق وحبهم وتضحيتهم وحياتهم كلها خلاص هتنتهي كدا مش هيبقى في چوليا ومرتضى هي هتنفصل عنه!!!
كارمن:الو
مرتضى اتنهد
كارمن:مالك يا حبيبي انت اتخانقت مع چوليا فيك ايه؟!!
مرتضى:مهما عدى لسه بتفهميني يا كوكي بس انا بجد محتاجلك حاسس ان الدنيا كلها بتتقفل ف وشي وخايف اغلط خايف اووي من تصرف ولا خطوة غلط
كارمن:فين سفيان
مرتضى:سفيان عنده حمل كبير وانا بزوده فوق كتافه بدل محاول اريحه
كارمن:سفيان مهما كان حمله كبير انت عنده حاجة تانيه يا مرتضى

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen.

داني قاعد حاطت راسه بين ايديه ونينا نزلت تشرب
نينا في نفسها:ايه اللي مقعده هنا دا مش المفروض ف اوضته
نينا دخلت المطبخ بتشرب وهنا من انشغالها وتفكيرها بدل متحط الأزازة في التلاجه وقعت ف الأرض اتكسرت وف ثواني لقت اللي سحابها:ايه اللي حصل انتي كويسه...
نينا زأته:ايدك متتحطش عليا فاهم انت ملكش دعوة بيا انت بني ادم زباله معندكش دم ولا اخلاق وانا اوعدك لو مبعدتش عني انا هقول لبابا
داني:اخري انا هلم الأزاز
نينا:اخرج انت يا داني وملكش دعوة بيا هااا
داني طريقتها معاه بتضايقه
نينا:اخرج والا انا هنادي بابا بجد
داني ثبتها وهو لزقها في الحيط:انتي عارفه كويس اني مبخفش من حد واني بحترم عمو سفيان وانا بتعامل معاكي كدا مش عشان بحترم عمو سفيان وبس انا بحترمك انتي كمان اكتر من اي حد انا غلطت بس بلاش الجفاء دا منك انتي بالذات بلاش يا نينا فاهمه
نينا:ملكش دعوة بيا ابعد عني سيبني انت ليك عين تحط ايدك عليا
داني:انا معملتش حاجة كل اللي عمالته اني بوستك وايه المشكله
نينا:المشكله انك عادي كأنها حاجة عاديه بس دي حاجه مرفوضه ادبآ ودينآ فاهم لا لا انت عمرك مهتفهم عشان انت ف مستنقع زباله وانا خلاص انا مبقاش عندي ليك اي احترام فااهم
داني بلع ريقه بصعوبه وهو بيبص لشفايفها وبصلها
نينا زأته:دااني اياكي تقرب مني بعد كدا فاهم ابعد عني
اياد:في ايه وانتو بتعملو ايه هنا وايه اللي يقرب منك
نينا:اياد....
اياد بص لداني بحده:واقف بتعمل ايه هنا انت؟
داني:مبعملش الأزازه اتكسرت خفت ليكون حصلها حاجه وجيت
اياد:اخرج برا انا هساعدها لو حصل حاجه وملكش دعوة بيها
داني بصلها وبص لأياد وخرج
اياد:ضايقك؟
نينا بصتله
اياد:حبيبتي لو ضايقك قوليلي معاش ولا كان اللي يضايقك يا نينا
نينا حضنته:ربنا يخليك ليا يا رب يا حبيبي انت سندي وضهري وانا اكيد محظوظه بيك
اياد سكت هو عارف ان حتى لو في حاجه اختو مش هتتكلم وقرر يلاحظ انفعالات وحركات داني

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مرڤت:سفيان بنفسه هنا
سفيان بصلها بحده:عايزة ايه من مرتضى
مرڤت:ادخل طيب
سفيان دخل:هو اللي جابلك الشقه دي
مرڤت:صح هو اللي جابها
سفيان قعد على اقرب كنبه
مرڤت وقفت قدامه بملابس البيت المكشوفه
سفيان:البسي حاجه وتعالي نتكلم انجزي
مرڤت قعدت جمبه:نتكلم امرك يا سفيان
سفيان:عايزة ايه من مرتضى عشان تخليه يتجوزك بدون وعي وبمأخر 50 مليون
مرڤت بتقرب منه:انت عايز ايه يا حبيبي وانا هعمله وبعدين هو اللي كان عايز يتجوزني انا بس شرطت عشان حقي ميضعش
سفيان فاهم انها بتلعب عليه بس بيفكر ازاي يخرج صاحبه وبس
مرڤت باسته وبصتله:امرك يا سفيان يا فرعون قلبي انا ملكك واللي عايزه هعمله
سفيان:هاتي الورق
مرڤت:طب وبعدين مش هيبقى ليا مكافئه
سفيان:هيسيبلك البيت بأسمك بدل ميرفع قضيه وانتي فاهمه يبقى مين وهنكسبها مهو مش هيدفع ف واحده زيك 50 مليون جنيه ولا انا غلطان
مرڤت:مش قصدي فلوس انت حضنك يكفيني
سفيان بصلها للحظه وجه ف دماغه نهلة وهي استغلت شروده وباسته وهو ساكن وجه ف باله يخرج مرتضى من الموقف دا بأي تمن وابتسم:انتي جيتي ف جمل تعالي يلا تعالي يا حلوة ف حضني

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة:مش عارفه راح فين وقلبي واجعني عليه اووي يا چوليا
چوليا:سفيان عاقل ربنا يباركلك فيه
نهلة ابتسمت :دا هو اللي عوضني عن كل حاجه في حياتها وسبب كل فرحه
چوليا:انتي تستهلي كل خير يا نهلة روحي بقاا ارتاحي
نهلة:لا يا ستي انا هفضل معاكي انا مرتاحه كدا
چوليا ضحكت:والله رخمه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة بتكلم عمر وعماله تضحك وهو فرحان انه بيضحكها
عمر: هاا بقاا يا عروسه هتشتري الفستان امتى
نهلة: بكرا
عمر: اشطا هعدي عليكي
نهلة: لا
عمر: ليه بقاا
نهلة: مفاجأة
عمر: دا من امتى دا ولا طبعك ولا اسلوبك ولا ولا
نهلة بضحك: اه منا عارفه بس شوفتها بتبقى حاجه لطيفه واول متشوفني تنبهر بقاا وتقولي نهلة فين وتحضني وتعيط واعيط و
عمر: انتي خيالك وااسع اووي يا نهلة لا بجد
نهلة ضحكت: يعني مش هتعيط
عمر: لا وبعدين لو هعيط هقولك خلي بالك انا هعيط بكرا يعني هكون محضر نفسي وبعدين دي حاجه تلقائيه وبعدين بردو مهو ممكن يكون اللي بيعيط دا بيعيط انه اتدبس خلاص لازم عشان هي جميله بقاا وبقت مراته
نهلة: تصدق انا غلطانه بقاا تصدق انا غلطانه بجد
عمر ضحك: اهدي بس خلي نفسك طويل
نهلة: خلاص نفسي شويه وهيتقطع وشوف هتعصب مين
رغم ان نهلة بتهزر بس عمر سكت وسرح في كلام الدكتورة هو عنده استعداد يخسرها يعني ممكن يكون اختبار وبعد ميتجوزها خلاص هتسيبه هي!! يا ترى ابتلائك دا يا نهلة عقاب ليا ولا لمين....

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني ف اوضته بيفتكر كلامه مع مرتضى وكلامه مع نينا حتى صديقة طفولته مستحقراه دماغه وقفت عن التفكير عايز حد يفضفض معاه كلم رانيا وراح يقابلها ف شقتها وقاعد مخنوق مش طايق نفسه وهي قعدت جمبه
رانيا: طب حبيبي فهمني مالك هاا فهمني مالك يا حبيبي
داني حضانها: مش طايق نفسي يا رانيا ومخنوق ومتخانق مع بابا ومش فايق كل حاجة عليا وفوق دماغي
رانيا باست جبينه: انا معاك يا حبيبي معاك وهفضل معاك حتى لو انت مش عايزني لأني بعشقك انت خلاص يا داني انت ملكتني وانا ملكتك انت خلاص ملكي حبيبي انا وبس وهتبقى جوزي انا وبس وعينك مش هتشوف غيري انا لأن انا هبقى كل حاجة ليك
داني بصلها وسكت هل فعلآ قرر انه خلاص هيتجوزها.!!!
سفيان روح البيت قابل مرتضى ومدله الورق
مرتضى: انت دفعت الفلوس
سفيان هز راسه بنفي وهو مصدوم مش مصدق انه خان نهلة فعلآ خان مراته!!!
مرتضى: اومال
سفيان: قطعهم ويا ريت تعقل وروح لچوليا صالحها
مرتضى: لا عايز افهم مش طبيعي انها هتتنازل عنهم كدا دي دماغها سم يا سفيان ازاي وافقت
سفيان بصله ومردش هو نفسه استغرب ايه اللي يخليها تتنازل لمجرد انه قضى ليله معاها دا حتى رفضها اكيد مكنتش هتتنازل عن50 مليون يا ترى ليه يمكن عارفه انها مش هتاخدهم لا لا في حاجه غريبه فعلا في الموضوع
نهلة جت بأبتسامه اترمت في حضنه وهو ساكن وهي فتحت عنيها خدت نفس طويل وبعدت مره واحده
سفيان: مالك
نهلة بصاله وهو مبصش ف عينها وطلع
مرتضى بصلها: مالك يا نهلة
نهلة: قال مسافر... ورايح مشوار.... بس هدومه فيها ريحه غريبه ريحه حريمي..!
مرتضى ابتدى يتوتر وضحك: نهلة انتي بتهزري بتفكريني بأفلام ابيض واسود متروحي تجيبي عدسه وتفحصي هدومه كمان يمكن تلاقيلك شعرة شقره ولا حاجة ولا يكون في احمر شفايف
نهلة كشرت: انا مبشكش في سفيان ولا هشك فيه انت بقى بطل رخامه
مرتضى: حاضر يا ستي روحي بقاا لجوزك
نهلة طلعت بأبتسامه: حبيبي
سفيان كان غير هدومه ونهلة اتفجأت بيها مرميه ف الأرض عكس سفيان اللي بيحب حاجته منظمه
نهلة: دا ايه دا غريبه
سفيان: مش انتي محبتيش ريحتها
نهلة بصتله بترقب ومسكت وشه وبصت ف عينه: وريحتها دي بتاعتك
سفيان: انا مش عايز تفاهه ومش ناقص نكد
نهلة بصتله اووي
سفيان سحابها في حضنه وباس ايدها: انا اسف اسف انا مقصدش
نهلة ابتسمت وهي بتلعب ف شعره: وانا مش عيزاك تتأسف يا سفيان انا مش مضايقه منك
سفيان: سامحيني وخلاص سمحيني على كل اللي فات من اول يوم شوفتك وعرفتك لحد النهاردا انا غلطت ف حقك كتير يا نهلة انا اسف
نهلة: حبيبي انا سامحتك ومسمحاك ممكن تنام وترتاح
سفيان شاور بنعم وحضانها وغمض عينه وهي شافت روچ على خده من تحت وبصت بصدمه وهو لاحظ تصلب جسمها بين ايده وبصلها وملامح الصدمه على وشها:نهلة مالك في ايه
نهلة بصتله: في روچ على خدك....
سفيان مسح خده ولعن نفسه ولعن مرڤت: اه
نهلة: دا منين...
سفيان: هيكون منين يا نهلة منك او من حد من العيال نهلة ولا نينا
نهلة: انت كداب يا سفيان بس انا هعمل عبيطه واصدقك
سفيان بصلها وهي حست بدموعها هتنزل خرجت راحت لأياد
اياد: حبيبتي انتي كويسه شكلك تعبان انتي بخير
نهلة حضنته وقعدت تعيط وهو قلق
اياد: ماما في ايه انتي تعبانه اناديلك بابا اوديكي المستشفى طب حاسه بأيه
نهلة بدموع: لا متنديش حد انا مش تعبانه اقفل الباب بس وتعالى
اياد قفل الباب وقعد قدامها على السرير: ماما انا مشوفتكيش بتعيطي كدا قبل كدا طمنيني عليكي
نهلة بدموع: سفيان....
اياد: ماله بابا
نهلة: خاني...
اياد اتصدم: ماما انتي بتقولي ايه اكيد في حاجه غلط
نهلة بدموع وقهر: لا هو خاني هو كان مع واحده
اياد انفعل: لا بابا مش من النوع دا بابا بالذات لا دا مجنون بيكي وبيحبك انا مشوفتش حد بيحب كدا اصلا اكيد انتي غلطانه
نهلة: انا معرفتش اتكلم مع مين عمر مخبيت عنه حاجه مضيقاني ومليش غيره افتكرت انك ممكن تسمعني بس كنت غلطانه منا مش هنسى انك من صلبه
وقفت وهو قعدها: لا حبيبتي انا بس مش متخيل انه يعمل كدا مش راكبه يا ماما انتي تصدقي انه يخونك!!!
نهلة: مكنتش مصدقة لحد مشوفته بيخبي الكدب ف عينه لو خبى عن الدنيا كلهامش هيخبي عليا اياد
حكتله اللي حصله من اول الريحه لحد معرفته انه كداب وجت لأياد
اياد اتنهد وبيهديها: حبيبتي بس اهدي يا امي
نهلة: مكنتش ناويه اتكلم بس كنت هموت وانا مخنوقه اوووي يا اياد مخنووقه
هنا سمعوا صوت زعيق والكل طلع من الأوض نزله ونهلة مسحت دموعها
مرتضى بعصبيه وانفعال: اعملك ايه تااني اهم قطعيهم
چوليا بعصبيه وضيق: انت فاكر انها مسئله ورقتين هقطعهم لا يا مرتضى الموضوع خاص بكرامتي اني مش ماليه عين جوزي
اسماء: ماما بابا في ايه
مرتضى بعصبيه اول مره حد يشوقها: مش عاايز حد يتدخل ادهم امسك مراتك عشان انا على اخري
ادهم مسك اسماء وهو حاضنها من ضهرها وهمس: حبيبتي اهدي خليهم يحلو مشكلتهم
اسماء: عمرهم متخنقوا يا ادهم انا عايزة اعرف في ايه
داني بسخريه: صح عمرهم متخنقوا انتي نايمه ف العسل يا روح بابا
ادهم: كلمها عدل يله انت هي الحكايه مش ناقصه
چوليا: طلقني يا مرتضى طلقني مش هعيش معاك انا مش ضعيفه عشان اعيش مع واحد خاين مهما كان السبب
نهلة تلقائيآ افتكرت لما شافت سفيان مع ساميه وهي قاعده على رجله المنظر الوحيد اللي بتفتكره كأنه حصل امبارح ومش عارفه تنساه والنهاردا وهي حاسه انه بيخونها
مرتضى: چووووولييياااا انا مستحملك فخفي
چوليا:انت ولا اب عدل ولا زوج وفي انت مش راجل يا مرتضى
مرتضى بعزم ما فيه ضربها بالألم والكل اتصدم
سفيان بعصبيه: مرتضى انا مش عايز اتدخل عشان مشكلة شخصيه لكن تمد ايدك عليها هطين عيشتك
داني هيقرب نهلة مسكته: اهدى بلاش جنون
الباب خبط ونهلة راحت فتحت
: انتي مدام نهلة؟!
نهلة: اه انا..
الراجل ابتسم وغمزلها: الظرف دا ليكي
نهلة خدته بأستغراب ودخلت بقلق ممكن يكون في ايه
اياد همسلها: كان مين
نهلة: مش عارفه واحد اداني الظرف دا بيقول ليا انا مش عارفه ليه قلبي اتقبض يمكن حاجه غريبه من زمن انا محدش بيكلمني
اياد خده وفتحه ونهلة جمبه: صور!!!
ابتدو يتفرجو ونهلة دموعها نازله بصدمه واياد مصعوق وكان هيقفلهم بس نهلة خدتهم منه وبتقلب وكانت صور سفيان مع مرڤت وهي بتبوسه وهو بيقربلها والهدوم اللي كانت لبساها وانهم ف شقه واخر صوره كان مكتوب عليها"جوزك انتي سيبتيني عشانه بس هو ميستحقش نقائك ورقتك انا بس اللي استحقها هو بيخونك مش اول مره بس دي المره اللي سمحتلي اصورهم واثبتلك انك مجرد خدامه في بيته بنت ريفيه اتجوزها وفرعون واخدك كدا مش اكتر اتمنى اكون فتحت عيونك واتمنى تكوني بخير حتى لو مكنتش معاكي يا نهلة "
الصور وقعت من ايدها وداني ملاحظ وقرب منهم:مالكو في ايه مصعوقين من اللي بيحصل ولا في حاجه!؟
نهلة كانت هتقع واياد مسكها ومش لاقي كلام يقوله وداني شاف الصور وقرأ الكلام وردت فعله خلت الكل يلتفتله حتى چوليا ومرتضى بطلو خناق وبصوله وداني عمال يضحك بصوته كله بيضحك ضحك هستيري ونهلة بصاله بصدمه
نينا بصاله بضيق ازاي بيضحك ف وضع زي دا قد ايه معندوش دم
داني بضحك:اسف...انا بجد اسف.....هههههههههه
سفيان:انت اتجننت يا داني!!!
ادهم:انت شارب حاجه ولا ايه يله انت
داني بضحك:انتو دايمآ فاكرني شارب حاجه احب اقولكوا ان انا اللي كنت فايق وكلكم شاربين
مرتضى:انت يا زفت انا مش فايقلك ومش فايق لسخافتك
اسماء:ادهم سيبني اوعى
ادهم سابها
اسماء وقفت قدام داني:مالك في ايه انت مش كويس في ايه يا داني!!
داني بصلها وبضحك:تصدقي بتفهمي
اسماء مسكت وشه:عشان بيتخنقوا طيب هما هيتصلحوا بس انت فيك ايه....
داني لفها ليهم وهو ماسك كتفها بحنان وبضحك:بتفهم اكتر منكوا اختي وامي وحبيبت قلبي دي اللي بتفهم اللي مش قادرين تفهموه وهي المشاعر
سفيان باصصله والكل باصصله ونهلة دموعها مجفتش وهي ف حضن اياد
داني بضحك:انا هقولك بضحك على ايه يا سمسمه عشان بس انتي فهمتي اني مش شارب حاجه ولا مجنون شايفه الست دي (شاور على نهلة)انا بحبها وبحترمها ولا جوزها بقااا دا انا مش بحترمه بس انا كنت يا لهوي كان ناقص شويه واعبده كان ملااااك اول راجل اول راجل لا بيخون ولا ولا كان وكنت فاكر ال ايه وفاء وحب وبتاع كنت وفجأه بوم الصدمه انه اكتر واحد خاين شايفه حالتها وكسرت قلبها دي عشان خانها
چوليها بعصبيه:داني انت زودتها اخرس خالص (بصت لسفيان)انا اسفه يا سفيان هو ايه شارب حاجه
داني ضحك اكتر:طب سيبك من اللي قولته انتي مش شايفه ان ابنك يكون شارب حاجه دي مصيبه مش حاجه هينه والله على الأقل كلامي مش هيأذيني بس الشرب هيأذيني..هي فين (بص لنينا)يا شيخه تعالي فهمي العالم دي فهميهم الحرام من الحلال ولا انا بس اللي كافر عندك
ادهم بعضبيه وغضب:داااااني اخرررررررررس انت بتتعدى حدودك ملكش دعوه بيها وابويا لو سيرته جت على لسانك هقطعهولك هو ساكت عشان انت ف مقام ابنه غير كدا انا هوريك
داني ضحك:طب اثبت بقاا على موقفك انا مجنون فأسمعوا المجنون دا هيقول ايه بقاا انتو مش عاجبكوا رانيا بس انا بالنسبه ليا عادي بابا الراجل المحترم متجوز رقاصه ف السر
الكل بص لمرتضى بصدمه
داني بنفس الضحك:لا استنو مش دا اللي بيضحك مش دا اللي عامل فيا كدا دا عادي انا اه اذبهليت بس على الأقل متوقعها اللي حصل ايه بقااا ان اللي كنت بحاول اتصلح عشان اكون زيهه ومثلي الأعلى استاذ سفيان ارسلان او فرعووون دا بقاا قضى وقت حلو اووي مع نفس الرقاصه اللي على ذمت ابويا يعني ابويا اتجوزها عشان يبقى حلال بس فرعون هو...هو..مفرقش
الكل اتصدم ونينا على قد صدمتها لاحظت الدم اللي بينزل من مناخير داني وهي مصعوقه
داني بيمسح الدم وبيضحك:تؤتؤ استنو الست دي والله استحملت كتير
چوليا بخوف ومش هممها اللي قاله:كفايه طيب اسكت متضغطش نفسك داني كفايه
داني قرب رمى الصور فوقيهم ووقف قدام سفيان اللي مش قادر ولا عارف يتكلم ومد صباعه قدامه:اسمع انا بكرهك اكتر مبكرهه لو هو وحش فأنا عارف كل حاجه الحلو فيه والوحش انما انت انت انا بكرهك انت اسوأ شخص ف العالم اسمع انت شيطان شيطاااان وهي ملاك ومتستهلهاااش فاااهم انا بكرهك بكرهك (ابتدى يتعصب والضحك اختفى)انت بالنسبه ليا اسوأ شخص ومش هاممني ردت فعلك هتضربني هتموتني ه.ه..ه اعمل ما بدالك خللااااص
چوليا كانت بتعيط:داني
داني بصلها وهز راسه بنفي:غلطانه انك مستحمله عشانا غلطانه اوووي
مرتضى حس بخوف عليه ومن النزيف اللي مش عايز يبطل مسكه:اهدى بقااا
داني زأ دراعه بعنف:متلمسنيش والا هنسى انك ابويا
قرب وقف قدام نهلة اللي منهارة في حضن اياد وركع على رجله ومسك ايدها:سامحيني و..ومتعيطيش..سامحيني
نهلة هزت راسها بنفي ومن وسط عياطها:انا مسمحاك انت بتنزف
داني ضحك:اصلي مبتعصبش فشيئ طبيعي انزف او انا مبتعصبش عشان منزفش اصلآ
نهلة حضنته:طب اهدى طيب ومتتعصبش
داني ابتسم وباس ايدها:بذمتك انتي شايفه ان واحد زيه يستحق البراءه دي كلها والحنيه دي مش بقولك لو مكنتيش متجوزه كنت اتجوزتك
نهلة ابتسمت بوجع من وسط دموعها وهو بيحاول يضحكها
اياد سحبها لما حس بيها بيختل توازنها وسفيان ملاحظ انها لما بتبعد عن سفيان بتقع ودا قلقه وبتلقائيه قرب سحبها: انتي مالك في ايه؟.
نهلة كانت هتقع واياد كلبش فيها وبعد عن سفيان: ابعد عنها
سفيان بعصبيه: مش وقت دا في ايه انتي مش واقفه ليه
داني ضحك: المفروض تقف عادي دا انا راجل ومش عارف اقف والله
چوليا مسكت وشه بحنان وهو بعد ايدها
داني: ابعدي عني ابعدي
چوليا بتعيط وهزت راسها بنفي
شاكر بيتكلم ف التيليفون وبيبتسم بخبث: عملت ايه طمني شايفهم ولا
:كله تمام وقول مبروك الصدمه شكلها جامده اووي كله بيزعق ف كله بس الواضع حد تعب ابعت بقاا الأسعاف وانا ههتم بالباقي
شاكر ضحك:اشطاا

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
ايه حكايه رانيا هل هي بجد بتحب داني؟! مرتضى وچوليا علاقتهم هتنتهي؟! نهلة هتسيب سفيان؟! داني موقفهم من الكل هيكون ايه؟! ايه حكايه الأسعاف اللي شاكر هيبعتها وايه غرضه وممكن يحصل ايه؟!