رواية من نسل فرعون (الأسيرة 2) للكاتبة/ندى محسن ♕Noody♕ الفصل العشرون 20 - بقلم الكاتبة ندى محسن

الحلقة 20 والأخيرة
للكاتبة/ندى محسن♕نووووودي♕
#من_نسل_فرعون (الأسيرة2)

سفيان: يبني انا بكلمك في ايه
مرتضى: مفيش يا سفيان الواد دا هيجنني بس اعمل ايه مهو الغلط ف البدايه غلطي انا...
سفيان: في ايه فهمني
مرتضى: اتصلت بيه امبارح رد قال مش راجع ومش فاهم تهوره دا ايه بقاا انا فعلآ تعبت منه هو قاعد ف الشاليه وقال ايه مش عايز يرجع عايز يقعد مع نفسه وامه مضايقه وقلقانه
سفيان اتنهد: اهدى بس والأمور هتبقى تمام... انا عايز اتكلم معاك شويه وبخصوص داني انا يمكن بالغت ف ردت فعلي بس كان غصب عني متحملتش الفكرة
مرتضى: مش فاهم حاجة
سفيان حكاله كل حاجه من اول مدخل ولاحظ داني اللي ورا الستارة لحد مطرده وردت فعله
مرتضى باصصله بوجه خالي من التعابير
سفيان: مرتضى...
مرتضى:........
سفيان: انا عارف اني اتسرعت بس
مرتضى اتنهد: سفيان ملوش لازمه الكلام دلوقتي انت مفكرتش غير ف كرامتك وكرامة نينا وانها بنتك بس داني لا انت محطتوش ف حساباتك ولو شويه
سفيان: مرتضى حط نفسك مكاني
مرتضى: انا كنت مكانك انا كان عندي بنت بردو وانت انت عملت ايه وقتها قولتلي استنى وسيبهم رغم الإهانه اللي بنتي كانت بتتعرضلها من ادهم الا انك بردو هديتني وانا مشيت وراك اياد ابنك اللي روحت تخطبله انت طول عمرك بتقول انك مبتفرقش لا يا سفيان انت بتفرق وبتفرق اوووي كمان بين داني واياد بين الولاد والبنات انت اناني حتى لو كنت صح فردت فعلك وتصرفك كان غلط وابعد ما يكون عن الصح فاهم انا حقيقي عاجز عن الرد عليك يا سفيان عاجز فعلآ انت اناني انا هروح دلوقتي لأبني عشان واثق ان قلبه مكسور لو مكنش من رفضك ليه فهو من صدمته من تصرفك وانك تطرده من البيت اللي يعتبر كان شبه عايش فيه وقضى فيه معظم وقته البيت اللي دايمآ كان مفتوحلو لحد امبارح لحد منت قفلته ف وشه عنئذنك يا صاحبي
مشي وسفيان قعد بضيق هو معاه حق ف كل كلمه بس الحاجه اللي ميقدرش يتغاضى عنه نينا حتى لو كان غلطان حتى لو هو اناني...

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد بيخبط على ياسر
ميرا فتحت واتفاجأت بيه ولاحظت البجامه وشعرها المفردو وهو مبتسم وعينه بتفحصها راحت قفلت ف وشه وقلبها بيتنفض
اياد وهو بيكتم ضحكته:طب ايه هفضل واقف برا....
ميرا:بابا مش هنا ولا ماما وانا لوحدي
اياد:امم طب افتحي
ميرا:نععععم
اياد ضحك:بهزر انتي مبتصدقي
ميرا جه ف دماغها فكره راحت لبست الأسدال وفتحت:اتفضل
اياد بصلها اووي:هاا
ميرا:ادخل مش جاي تقعد معايا
اياد سكت
ميرا بترقب:مش عايز!
اياد:هنزل وابقى اجي ف وقت تاني تكون مامتك على الأقل موجوده
ميرا:يبني متدخل
اياد سند على الباب:للأسف مينفعش لأني بحبك فحتى لو بهزر مش هعمل كدا عارفه ليه عشان بخاف عليكي اكتر من نفسي
ميرا:هتخاف عليا منك
اياد بأستسلام:صح هخاف عليكي حتى من نفسي اقفلي ومتفتحيش لحد وتبصي من العين السريه قبل متفتحي سلام
ميرا ابتسمت بثقه:سلام
اياد لف شاف ياسر ووراه هدى وميرا مبتسمه لأن عارفه ان ياسر سمع اياد واتمنت العلاقه بينهم تتصلح
اياد:ازيك يا عمي انا كنت جاي لحضرتك....
ياسر بصله ودخل
هدى:اتفضل يبني
اياد غمز لميرا ودخل:ليا نصيب بقاا ولا ايه يا عمي
ياسر مردش بس شاورله يقعد
اياد قعد:انا جيت اسلم على حضرتكو كدا واستأذن حضرتك اني اخد ميرا
ياسر:تاخد مين!!!
اياد:احم اقصد اوصلها معايا للمستشفى
ياسر بصله:لا ميرا هتروح بتاكسي
اياد:يعني يا عمي هتسيبها تركب مع حد غريب يوصلها والله اعلم ممكن يبقى كويس ولا لا حضرتك مبتسمعش عن الحوادث وبعدين انا يا عمي بحب ميرا فمش هأذيها حضرتك مش واثق فيا بس واثق ف ميرا تقدر تنزل وتركب بس انا همشي وراها بالعربية مش كخطيبتي او واحده هتجمعني بيها علاقه لا كأخت ليا
هدى:اياد هو ميقصدش
اياد:عمتي انا فاهم اللي عملته خلاه ياخد عني انطباع وحش بس كان لازم اثبت لميرا اني عايزها وبحبها واني ممكن اتجنن بس عشان باباها يوافق ودلوقتي تقريبآ مش عارف هما الأتنين مش واثقين فيا
ميرا بأندفاع:لا لا طبعآ لا انا واثقه فيك والا مكنتش فتحتلك الباب واثقه انك مش هتعمل حاجه غلط وانك بدل معترفت انك بتحبني مهما يحصل مش هتأذيني وانت قولتها انت بتخاف عليا حتى من نفسك يا اياد
ياسر:ميرا روحي البسي
اياد بص لياسر عرف ان مفيش فايده ونزل بضيق قعد ف العربيه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني فتح:انت
مرتضى:ممكن ادخل ولا هتطردني
داني بعد عن الباب ومرتضى دخل وداني قفل وباين عليه الأرهاق ووشه مليان كدمات
مرتضى بصله:وبعدين هتفضل قاعد هنا
داني:هسافر هروح لكوكي اعيش هناك انا دلوقتي اقتنعت بوجهت نظرها وليه كارمن متجوزتش...ليه قررت تنعزل عشان العالم كله....قصه حب مكملتش
مرتضى:قصدك ضيعت عمرها على قصه حب فاشله وقفت حياتها على ذكريات
داني:وإن يكن بقاا....مبقتش فارقه
مرتضى:انت اتجننت عايز تعمل كدا معندكش ليه روح المحاولة وتحاول تحاول لحد متاخد اللي انت عايزه
داني وقف وبصوت مرعوش:المفروض اقف قدام مين واتحدى مين اتحدى فرعون....اللي شايفني وحش مش بني ادم طب انا غلطت الكل بيغلط اياد ابنه نفسه عمل كدا بس على الأقل هو عمل الأسوء ومع ذلك اياد هيتجوز ميرا ليه الظلم وليه القسوه ليه..انا بحبها عايزني اقف اتفرج ولا (كمل بسخريه)ولا احضر فرحها واغني ظلموه
مرتضى وقف:سفيان بيحبك وهو اتعصب تخيل انه يلاقي روچ على شفايفك لا لا دا جنون يا داني انا كأب لو ادهم كان عمل كدا وربنا انا كنت هعمل اكتر من اللي سفيان عمله ووقتها كانت علاقتي مع سفيان هتتدمر بس سفيان اهو عاقل ف حجات انا مجنون فيها
داني:اللي قاله وجعني اللي قاله كفايه نينا ملاك بالنسبة ليا....وانا واحد غبي وحش منفعهاش ومينفعش ملاك يعيش مع شيطان.....
مرتضى شده:وبعدين هتمشي وتسيبني انا وامك وانا اللي قولت ليا ضهر وسند
داني:لو بقيت هنا هتدمر...حقيقي لو بقيت هنا هتدمر يا بابا انت ليه مش فاهم انا قلبي مكسور ااه انا راجل بس بحس وممكن اتوجع وادخل ف اكتئاب وقلبي يتكسر ليه صعب تفهم ليه.....
مرتضى:انا فاهمك انا اتعرضت للأنيل الأنسانه اللي دايمآ كانت معايا وانا كنت بشك فيها لحد مظهرت برائتها واحتقرت نفسي وحبها ف قلبي زاد فجأه....فجأه كدا كل حاجه راحت واشوفها قدامي بيتشرح ويتقطع ف جسمها وهي حامل وكل همها تحمي ابني عشان بس عشان....قولتلها خلي بالك منه....واشوفها لأخر نفس بتستنجد بيا وانا فين يمكن كنت بضحك ولا داري....ااااه من دا وجع من سنين وكل ميتذكر ينزف الجرح اااي افتكرته انتهى ربنا يرحمك يا علا ربنا يرحمك
داني الدموع لمعت ف عينه:صعب عارف بس انت كنت قوي وماما ظهرت ف الوقت المناسب بس انا مش قادر روحي بتروح لما اتخيل فكره انها هتتجوز وتبقى لحد غيري لحد غيري.......
مرتضى:بردو مش هتسافر هنتكلم مع سفيان
داني هز راسه بنفي:لا الكلام دا لو هكلم واحد غريب عايز بنته والسلام ومش عايزه يكرهني اكتر من كدا كفايه.....لما اجي اسافر هاجي اخد هدومي
سفيان:امممم تاخد هدومك منين بقاا من عنده ولا من عندي
مرتضى وداني اتفجأو وبصو لقوه واقف على الباب
سفيان:في ايه مالكو اول مرة تشوفوني هنا ولا ايه
داني بصله وبص لتحت:ات..اتفضل...
سفيان دخل وقعد وبصلهم:اقعدو
مرتضى:نعم انت جاي ليه دلوقتي
سفيان:وانت مالك انا جاي اتكلم مع داني
مرتضى:ليه ان شاءالله لسه في اهانات تانيه
سفيان:لتقول كلمه تهدي النفوس لتخرس خاالص اما امرك عجيب
داني:اتفضل
سفيان:انا يمكن اتصرفت امبارح بتهور بس دا كانت ردت فعل طبيعيه جدا على اللي انت عملته واللي هو مينفعش انك تفكر فيه من الأساس خصوصآ مع واحده من قريبتك انت المفروض عليها تخاف عليها وتحميها مش تتصرف تصرف طايش زي دا
داني:انا اسف بس انا فعلا بحبها ومبهزرش ومستعد من بكرا اتجوزها
سفيان اتنهد:يا داني انت مش فاهم ليه انكم غير بعض
داني:بس انا قادر اسعدها لأني بحبها ودي حاجه مش هتتغير
سفيان:النهاردا انتو معزومين على الغدا عندي هستناكو وانت يا داني هتيجي فاهم وموضوع الجواز دا انساه وتعاملك مع نينا انا مش عايزه يتخطى السلام
مرتضى:انت جيت تكحلها عمتها انت بتقول ايه انت
سفيان:اخرس انت هو هيجي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ميرا نزلت مع ياسر
اياد اتنهد:يا رب اهديه
ياسر قرب فتحلها الباب الخلفي للعربيه بتاع اياد وركبها واياد اتفاجأه
ياسر:ابقى اعرف انك عملت حاجه وهعرف
اياد ضحك:ماشي سلام يا احسن حمى
ياسر رفع حاجبه واياد مشي:يلا احسن يغير رأيه
ميرا ابتسمت:بابا طيب بس اللي انت عملته خلاه متردد
اياد:مع الوقت هيفهمني ويحبني زي بنته كدا
ميرا ابتسمت بكسوف وهو بيبصلها ف المرايا من وقت للتاني لحد موصلو ونزلو سوا واحترم ياسر واتجنب انه يتواجد معاها او انه يكلمها خارج نطاق الشغل

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ريفال قاعدة بحزن وبتفتكر اللي حصل ف اخر يوم لما نهلة عزمتهم وراحو قصر ارسلان
Flash back
سامر قعد جمب نهلة وهو بيهزر وبيضحك معاها زي مهما متعودين وسفيان بان عليه الضيق
نهلة:على فكرآ احسن حاجه عملتوها انكم اتجوزتو لايقين على بعض
فاطمه ضحكت:صح والله بس كانت حاجه مش على البال
علاء:صح والله
سامر بهزار:منا كنت ناوي اتجوز نهلة بس خلاص فرعون خدها
هنا سفيان وقف وسحب نهلة من جمبه وسحابها على المطبخ
نهلة:سفيان اهدى في ايه مالك
سفيان لزقها ف الحيطه بعنف وهي اتألمت
نهلة:براحه سفيان في ايه
سفيان مسك كتفها بعنف:انتي لو مبطلتيش اللي بتعمليه دا وخلتيه يبطل انا اللي هتدخل وهطرد الكل فاهمه يا نهلة ولا لا
نهلة:سفيان اوعى انت بتقول ايه دا بيهزر ودول اهلي
سفيان مسك ايدها ولواها وهو بيقربها بتملك:انتي ملكي انا يا نهلة مفيش كلمه تتقال انك ممكن تبقي لغيري حتى لو بهزار
نهلة اتنهدت وعرفت ازاي تتعامل معاه بس اتفاجأت بسامر ومعاه ريفال اللي تبعتهم وسمعتهم
سفيان شاف سامر ماسك ف ايد نهلة اتجنن وانقض عليه بالضرب ومحدش بقاا عارف يوقفه حتى نهلة والكل اتجمع لحد مفصلوهم والصدمه على وشهم
سفيان بعصبيه:برااا اطلع برااا انا مش عايز حد هنا
نهلة:سفيان دول اهلي
سفيان سحبها:انا هو اهلك انا هو ابوكي واخوكي وكل حاجة ليكي فاهمه
ريفال:انت بتقول ايه لا نهلة
نهلة:ريفال هو متعصب روحو دلوقتي...
مشيو ومن وقتها ومدخلوش قصر ارسلان تاني
back
ريفال:كانت ساعه شطان ضيعت سنين.....يا مين يرجعها...

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

الكل اتجمع على الغدا وداني ثابت عينه مجتش على نينا كان مكتفي بصوتها اللي بيسمعه على فترات ونينا كانت مستغربه طريقته معاها بس مضايقه من الجروح اللي ف وشه وتعامله معاها وان مفيش تعامل اصلآ الجو كان متوتر وكل واحد بيراقب انفعالات التاني لحد مداني وقف:الحمد لله استأذن انا بقاا
سفيان بص لنهلة
نهلة مسكت ايده واتكت عليها براحه
سفيان:خطوبه نينا وداني هتبقى ف نفس يوم خطوبه اياد
الكل اتصدم وداني برق وبصله:اييه!!!
سفيان بص لنينا اللي مصدومه بس بان على وشها الفرحه:لو مش موافقه يا نينا فأنا
نينا بتلقائيه:لا لا
الكل ضحك حتى داني وغمزلها:طب ايه لا لا كانت ليا انا
نينا اتكسفت اووي وطلعت اوضتها
چوليا ابتسمت وحضنت نهلة:دا احلا خبر
نهلة:ولادك بقو ولادي فعلآ يا جولي
چوليا ابتسمت ومرتضى حاضنها
مرتضى:ولاد اللذينه دول كبرونا فجأه كدا
چوليا ضحكت:حبيبي انت مبتكبرش
سفيان حاوط كتف نهلة:عاجبك كدا اديني سمعت كلامك اما نشوف اخرتها
نهلة ابتسمتله بحب وحطت ايدها على ايده
سفيان ابتسم
ادهم:احم احم نحن هنا
سفيان:انت مالك متخليك ف نفسك الله اما شيئ عجيب
اياد طلع لنينا:والله وبقينا عرايس
نينا ضحكت وخدودها حمرا من الكسوف
اياد:ها دا احنا بنتكسف اهو
نينا ضحكت:اياااد
اياد ضحك وحضانها:مش قولتلك لو نصيبك هتاخديه طلع نصيبك ابن الأيه بس بقولك ايه انا مش هسمح تاخدو الأضواء ولا اقولك خدو الآضواء وانا اخد ميرا يمكن ابوها يتلهي فيكو
نينا ضحكت واياد قعد يهزر معاها
نهلة ارسلان كانت فرحانه اووي
داني قعد قدامها على الكرسي:مش هتقوليلي مبروك ولا ايه
نهلة ارسلان ابتسمت اووي:مبروووك الف مبروووك يا داني ليك انت ونينا
عمر اتنهد بضيق:يلا بقاا نطلع
نهلة بصتله:عمر!انا عايزه اقعد شويه عمر.....
عمر:يلااا قولت
داني:في ايه مالك قالت مش عايزه تطلع
عمر اتجاهل كلامه وطلعها بالأسانسير
داني:اما شيئ عجيب
نهلة بحزن:يا عمر عايزة ابقى معاهم كلهم فرحانين
عمر:مش لازم انا معاكي اهو
نهلة:لا يا عمر مش كل شويه تعمل كدا انا عايزة اشاركهم الفرحه واللمه دي ايه الحكمه اني افضل ف الأوضه يعني وانا خلاص قربت اخف خاالص
عمر وقف عند السلم:انا مش عايز كلمه ممكن!!
نهلة بصتله بضيق وهو شالها وهي اتعصبت وبتتحرك وهما طالعين الدور الأخير اللي مبيوصلوش الأسانسير
نهلة:نزلني بقاا يا عمر مش عايزه انا اوعى بقاا
عمر:بطلي حركه بطلي هتقعي
نهلة بتضربه بغيظ:نزلني بقاا انا مش هبطل
بيمسكها بس للأسف اختل التوازن بتاعه وراحت واقعه منه ونزلت الكام سلمه دول وراسها بتنزف وغمضت بألم هو اتصدم وبسرعه جري عليها لقاها غابت عن الوعي بيحركها بس مفيش رد بسرعه شالها وحطها ف الأوضه ونزل جري:اطلبو بسرعه الدكتور نهلة وقعت وبتنزف
الكل جري على الأوضه وسفيان اتصل بالدكتور يجي وبسرعه كان اياد جري على فوق وبيعالج جرحها:متجيبوش حد دا جرح سطحي
داني:ازاي وقعت
نهلة ارسلان ابتدت تفوق وشافت اياد ابتسمت:هو في ايه اللي حصل
عمر باصصلها
نهلة بصت لسفيان وابتسمت:بابا
سفيان حضانها:يا قلب بابا انتي ايه اللي حصل يا قلبي
نهلة بصاله بتوهان ودماغها بتوجعها بتفتكر يوم العمليه والكلام اللي عمر كان بيقولهولها وانها نسيتهم كلهم بتفتكر لعب سفيان معاها واهتمامه وبتفتكر يوم مخدها معاه الشركه وبيدربها ف صاله الرياضه بتاعته
سفيان محاوط وشها:حبيبتي يا قلبي مالك نروح للدكتور
نهلة:بابا انا فاكرة كل حاجه فاكره كل حاجه بابا انا فاكرة كل حاجة حصلت
عمر ابتسم من وسط اندهاشه رغم قلقه ايه ردت فعلها معاه يا ترى بتحبه فعلآ يا ترى هو هيتقبل قرارها مهما كان
الكل كان فرحان اووي وقعدو شويه حلوين مع نهلة ف الأوضه
سفيان:دلوقتي بقاا يلا سيبوها ترتاح
اياد:لو في اي حاجه يا قمر نادي
نهلة:بقيت حنين فجأه
اياد ضحك:فاتك بلاوي يا بنتي
نهلة ضحكت:منا فاكرة على فكرآ مبروك على الخطوبه
اياد:تتم بس يا رب بقاا
مشيو وعمر متكلمش طول القاعدة لحد مخرجو:حمدلله على سلامتك....
نهلة ابتسمت:الله يسلمك يا عمر
عمر بصلها:لو عايزة تبقي لواحدك انا ممكن اخرج
نهلة هزت راسها بنفي وبكسوف:على فكرآ انا فاكرة جوازنا مش ناسيه انك جوزي...
عمر حس بأحراجها قرب قعد جمبها وفك طرحتها وفرد شعرها هي كانت متوترة وقلقانه بس هو ابتسم بحنان وباس ايدها:تصبحي على خير تقدري تنامي براحه وانا على الكنبة وقت متعوزيني بس تنادي متقلقيش انا مبمشيش وانا نايم
نهلة ضحكت غصب عنها:طيب انت ممكن تنام على السرير عادي زي مبتنام على فكرآ انا نهلة اللي كنت ومازلت بتهتم بيها ليه كأنك بتتعامل مع شخص تاني
عمر:عشان دي الحقيقه...نهلة اللي كنت بهتم بيها اهتمام اب ببنته غير نهلة زملتي ف الجامعه غير نهلة القويه القاسيه غير نهلة مراتي...
نهلة:وانت بتحب نهلة مين فيهم يا عمر...
عمر:نهلة انا بحب كل شخصياتك بحبك اوووي بكل تفاصيلك بكل حاجه فيكي حتى قسوتك كل حاجه فيكي يا نهلة بس مش لدجه اني افرض نفسي عليكي مش هغصبك على انك تعيشي معايا دي حقيقه
نهلة ابتسمت بحنان:انا قولتلك بحبك وانا حساها بقلبي دلوقتي انا بحبك بقلبي وعقلي وحب العقل مش هيحط حدود للقلب ف حبه يا عمر
عمر قرب باسها لأول مرة يحس الأحساس دا وان حبه اخيرآ متبادل بعد وبصلها بيراقب ردت فعلها
نهلة ابتسمت بكسوف وخدودها احمرت
عمر بمناغشه:نهلة بتتكسف الله من امتى
نهلة دفنت راسها فيه بخجل وهو حضانها وضحك:بمووت فيكي انا يا روحي
عدت الأيام على خير واتخطبو وياسر ابتدى يحب اياد خصوصآ انه اكدله انه فعلآ راجل بيقدر يعتمد عليه بعيدآ عن حبه المجنون انما داني بقى كان عكس كدا ولا بيكلم نينا غير كل فين وفين ولو كلمها شويه يلاقي سفيان ندالها وتقفل لحد مخلاص بعد سنتين على الحال دا وسفيان اقنع ياسر ان ملوش داعي التأخير وكتير تلت اربع سنين والفرح بعد يومين
اياد قاعد مع ميرا ف بيتها وياسر قاعد:احم مبروك يا عروسه فرحنا بكرا
ميرا:الله يبارك فيك
اياد:اوعى يا عمي تعملها وتيجي معانا بعدها
ياسر:لا يخويا متقلقش كفايه عليك كدا
اياد:اه والله انا كل اللي يسمع اننا مخطوبين وممنوع التيليفونات يستغرب بس اهو هانت دا انا رجعت مراهق وبستنى يومين الأتنين والخميس عشان اجي واشوفها
ميرا ابتسمت

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني:يا بنتي ارحميني فرحنا بعد بكراا انا مش فاهم ابوكي بيعاملني كدا ليه
نينا:بابا عامل الصح انت ملكش دعوة بيا غير بعد الفرح يحقلك تمسك ايدي وقتها
داني ضحك:لهو انا هستنى بعد الفرح عشان امسك ايدك بس
نينا رفعت حاجبها:اه اومال فاكر ايه
داني حاوطها:يعني معنديش مانع امسك ايدك واخد بوسه مثلآ
نينا زأته ووقفت:بقيت قليل الأدب اووي وبابا لو جه هيطين عشتك ايه يا داني انت مكنتش كدا
داني وقف ومسك ايدها باسها برقه:حقك عليا يا ستي حقك عليا يا روح قلبي
نينا سحبت ايدها:وبعدين بقاا معاك
داني:لبعدين ولا قبلين عارفه هو بس بعد بكرا ومش هرحمك هتشوفي بقاا
نينا ضحكت على غضبه الطفولي ومشي ونهلة نزلت:نينا
نينا:نعم يا ماما..
نهلة:البسي يا نينا هنخرج
نينا:على فين
نهلة:والله يا بنتي معرف سفيان كلم صهيب خلاه يجهز الحراس وعربيتين وهنخرج
اياد دخل:على فين
نهلة:مقليش روح اسأله
اياد راح المكتب لقى ادهم واسماء عنده
سفيان:تعالى كويس انك جيت كنت لسه هتصل بيك يلا عشان هنسافر
اسماء:النهاردا!!مش المفروض نجهز للفرح اللي بعد بكرا دا هيبقى هنا
سفيان:القصر واهو جاهز والجناح اللي هيقعد فيه اياد وميرا جاهز بردو يلا عشان نهلة وعمر اكيد جهزو
الكل نزل وعمر بيسند نهلة اللي خلاص بقت تمشي هي وانطلقوا من القصر والكل بيتسائل وسفيان مداش اجابة مفيده لحد والكل مستغرب من مرواحهم بليل
لحد ما العربيات والكل نزل بأستغراب ونهلة اتسمرت والدموع اتجمعت ف عنيها
سفيان حضانها وهمس:مكنش ينفع ميجوش مكنش ينفع اسيبك مشتاقلهم ودا الوقت المناسب يا قلب فرعون
نهلة ابتسمت بدموع:انا بحبك اووي
سفيان شاورلهم يدخلو ودخلو واول مفاطمه فتحت اتفاجأت واترمت ف حضن نهلة بدموع ام مشتاقه لبنتها وحضنتها وقعدت تبوس فيها ونهلة عرفتهم على اسماء مرات ادهم واد ايه كبرو وسراچ جه على قد مهو متضايق من سفيان الا انه مفتقدهم حضنهم وسفيان قرب حضنه وسراچ ابتسم لما حس ان سفيان ندم وسفيان ابتسم على بساطتهم وعرف ان نهلة فعلآ وارثه الطيبه منهم
ريفال جت وحضنت نهلة بلهفه ودموع:انتي وحشتيني اووي يا نهلة وحشتيني اوووي يا روحي انتي
نهلة باستها وحضنت فارس وعمها علاء وعاصم مبنش خالص وكان غرقان ف عالمه الخاص ف وجعه الوجع اللي كان بيزرع فيه من سنين ومحسش بألمه غير دلوقتي الكل كون عيله وعايش ف دفئ بس لا هو حياته بارده كان فاكر اللي عمله زمان مش هيأثر عليه بس لا هو متبش هو بس مجتلوش فرصه انه ينتقم لحد مخسر ابنه لا دا هو كان السبب ف موته.....
سامر بص لسفيان بغضب
سفيان مبصلوش واتجاهله وايده محاوطه نهلة
سامر:دا متغيرش ولا هيتغير
سفيان:صح مش معنى اني سمحت انها تيجي وانا اللي جيبتها معنى كدا ان حبي ليها اتغير لا لا بالعكس تمامآ انا غيرتي كل مادا وبتزيد وحتى لو كان السبب تافه يا يا سامر الا اني مش هعدي
فاطمه شايله وعد:ولا وبقيتي جده يا نهلة اااه يا قلبي انتي ربنا يخليهالكوا زي القمر سكرة
ادهم:طالعه لمامتها
اسماء ابتسمت بكسوف والكل فرحان بوجودهم الا سامر اللي مش متحمل اي تصرف من سفيان حتى لو كان طبيعي بس سفيان تجاهله تمامآ وعزمم واصر عليهم يجو ف الفرح وانه هيستناهم وهما رحبو جدا بالفكره
سفيان:اومال فين عاصم
سراچ:بقاله اهو داخل على تلت سنين ف انعزال لا بيكلم حد ولا بيسمح لحد يقربله عايش ف دنيا تانيه خاالص
سفيان:انا عايز اشوفه
علاء:اتفضل يبني
دخلوه وعاصم بصله وربى دقنه:سفيان!...خير
سفيان قفل الباب:جايلك
عاصم:اشمعنا
سفيان:فرح اياد ونينا ف نفس اليوم بعد بكرا
عاصم:مبروك يتربو ف عزك...
سفيان:هتيجي
عاصم ابتسم بسخريه
سفيان:هستناك عشان فاهم انت بتفكر ازاي بس متضيعش عمرك ف ندم على حاجه مش هترجع شخص قتل ونهب وعمل بلاوي ويوم مفكر ف ابوه كان بس عشان يستغله هو مش ندمان على اللي عمله لأخر نفس كان عايز ينتقم وياخد حقه منك لأخر نفس يا عاصم ابنك كان مستعد يقتلك لو وقفت قدامه ادعيله وتوب لربك واللهي مفيش احسن من التوبه اللي فعلآ هتغسلك بلاش تغرف ف الضلمه لحد متندم وتقول يا ريت اللي جرى مكان انا مكنتش اعرف ولا حد قالي كدا ودا خلاني عملت اكتر حاجه ندمت عليها اذيت احب واعز حد على قلبي بطريقه وحشه بس لما عرفت التوبه حياتي اتغيرت نهلة بنتك اياد ابنك وانا عايزك تيجي تعيش معانا ومش شفقه لا لأنك انت ف حرب بين الخير والشر بلاش تهدم حياتك بلاش.....

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مرتضى:يبني اخرج بقاا اتأخرنا الله يخربيتك
داني خرج:اييه مش اوضه عروسه وهتنورها بعد شويه ااه يا احلا يوم ف عمري
چوليا ضحكت:ربنا يشفي
راحو على القصر وكانو المعازيم هناك واهل نهلة وكلهم كانو فرحانين اووي وقعدو يهيصو ونينا نزلت وسفيان سلمها لداني ووصاه عليها انه لو زعلاها مش هيتردد ف ثانيه يطلقها ويكسرله رقبته (عنييييف اووي فرعون دا 😂😂😂😂)
اياد دخل مع ميرا والكل قعد يسقف وميرا ونينا كانو مميزين جدا كل واحده ليها جاذبيتها وسحرها الخاص السمرة الجذابه واللي كانت قمر والبيضه الساحرة اللي كانت خدودها حمرا من الكسوف
شويه كدا ابتدو يرقصو واتجننو بالذات داني اللي خد المايك وقعد يغني وسفيان بيكتم ضحكته وبص لمرتضى:سكت ابنك جابلنا تلوث سمعي
مرتضى ضحك:مين صوته حلو ادك يا عم انت
نهلة ضحكت وهي ماسكه ف دراع سفيان
چوليا جت عليهم:مرتضى ابنك اتجنن خلاص
مرتضى سحبها:الله دا انتي محلوة اووي
چوليا ضربت ايده بضحك:انت فايق والله
مرتضى:عنئذنكم بقااا انا رايح اتجنن معاهم
مشي وقعد يرقص مع چوليا وداني بيحرك نينا على اغنية (مجنونة) ونينا وميرا بيضحكو على داني واياد اللي نسيو نفسهم والكل بيتفرج عليهم وقرب عمر وادهم وصحابهم وبقو يشيلوهم والكل كان فرحان
سفيان:دا مبقاش قصر ارسلان دا
صهيب ومصطفى من وراهم:دا بقاا خرااا على دمغهم
كلهم ضحكوا اووي وكان بجد اليوم المنتظر اللي نسى الكل حزن ووجع ومعانات سنين
مصطفى:اشمعنا احنا ولا عجزنا خلاص
نسمه بدلع:بقاا صوفا يعجز تؤتؤ مظنش
مصطفى ضحك:يا حلو انت تعالي بقاا
طلع وقعد يغني(كان يوم حبك اجمل صدفه )
سفيان سحب نهلة ليه:انا بقاا همسح التلوث السمعي دا
خد المايك وهو حاضن نهلة وبيرقص معاها وغنى (نشيد العاشقين)اللي اشتغلت ف فرحهم واللي بقوو يعشقوها والكل كان طاير من الفرحه وادهم بيرقص مع اسماء ووعد اللي بتضحك:بابي حااسب
ادهم عمال يرفعها ويضحك:لا بابي مش يحاسب يا عروستي انتي
وعد ضحكت:باابي
اسماء ضحكت اووي على طريقته مع بنته وكان اسعد يوم عاشوه من فترة فعلآ لحد ما الكل ودع ومشي وسفيان اصر على عاصم يبقى وهو استسلم لأصرار سفيان وفعلآ حس بالدفئ معاهم
داني:نستأذن احنا بقاا
سفيان:لو ضيقتها هكسر دماغك
عمر:ويلا بقاا احنا كمان على شقتنا
نهلة:النهاردا
عمر:اه بعد اذنكوا
مشي
اياد:طب ايه انا بقاا دوري
شال ميرا:تصبحو على خير
اسماء ضحكت اووي
ادهم:لا انا عايز فرح بقاا مليش دعوه
سفيان:فرح ايه اتوكس
ادهم شال اسماء
سفيان ضحك:الواد مصدق
ادهم ضحك.: عيب عليك يا حج سيفو البت حامل وتعبانه
سفيان:حامل!
ادهم ابتسم:نجيب عشق بقاا
اسماء:او فهد الله اعلم
نهلة فرحت اووي:مبرووك يا حبايبي
ادهم:تصبحو على خير بقاا
طلعو كلهم وسفيان شال نهلة
نهلة ضحكت:ايه انت كمان
سفيان:ايه يا عروسه منتي زيك زيهم وبعدين انتي لسه شباب وجوزك شباب ف ايه بقاا يا حلو
نهلة ضحكت:انت مفيش فايده فيك هتفضل
قاطعها سفيان:قليل الأدب!
نهلة هزت راسها بنفي وباسته:هتفضل حبيبي
سفيان ضحك:اللهم صل على النبي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد:اممم وبعدين تحبي اطلعك فوق الدولاب
ميرا:ايه!!
اياد ضحك:من ساعه مدخلنا وانتي تقومي من على الكنبه على السرير اقعد جمبك تقعدي على الكنبه اقعد جمبك قعدتيلي على الكرسي ناقص تطلعي فوق الدولاب
ميرا كشرت:اتريق يا رخم
اياد قرب وضحك:خلاص مش هتريق بس ممكن اقعد جمبك
ميرا خدت الهدوم بسرعه ودخلت الحمام وهو ضحك بغيظ:شكلي هشوف ايام زي العسل على ايدك يا يا ميرتي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نينا خرجت من الحمام لابسه بجامه بينكي بكم وطويله
داني ضحك بغيظ:وانا اللي كنت فاكر حبيبتي معندكيش هدوم صيفي ولا ايه
نينا:عندي
داني:اومال ليه كم وخانقه نفسك كدا
نينا استوعبت قصده وبصتله:ملكش دعوة ممكن
داني:ممكن اووي يا قمر
قرب وهي بعدت وهو حضانها وبحنان:انا حقيقي بشكر ربنا انه رزقني بأجمل واحسن بنوته حبيبتي انا بحبك اووي حقيقي بحبك وبمووت فيكي يا نينا
نينا ابتسمت وهي بتوه ف كلامه وبصتله
داني حط ايده على شعرها:على فكرآ شعرك حلو اووي
نينا حست بالكسوف وبصت لتحت وهو ابتسم وحضانها وشغل موسيقى هاديه وهو بيرقص معاها وهي اطمنتله اكتر مش مجرد داني المرح المرفه لا دا جانب تاني خالص بتكتشفه فيه وهو الحنيه والرومانسية

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ميرا خرجت من الحمام لقته من غير قميصه ولابس بس بنطلون البچامه دورت وشها ولعنت حظها
اياد ضحك:اشتمي اشتمي
ميرا:مش بشتم على فكرآ احم مش بشتم اهو
اياد ضحك وحاوطها
ميرا بصتله بصدمه وحطت ايدها على كتفه:اياااد!!
اياد بص حواليه وضحك:متأكده ابوكي مش هنا
ميرا ضحكت وهو شالها وهي بتحرك رجليها ف الهوا:نزلني والا انا هصوت بجد بقاا نزلني يا ايااااد
اياد نزلها على السرير وحاوطها وهي بصاله ووشها احمر وهو قريب منها وخبت وشها بسرعه بخوف اياد استغرب وبعد شويه:ميراا!!انتي كويسه
ميرا بصتله بقلق
اياد قعدها بقلق:انتي كويسه حبيبتي في ايه
ميرا:انا كويسه..
اياد:خايفه مني!!!
ميرا بصتله وبصت لتحت
اياد قعد قدامها وهز راسه بنفي:حبيبتي انا مهما حصل مش هفرض عليكي حاجه حبيبتي انا ممكن اخرج لو تحبي بلاش تضغطي نفسك
ميرا اترمت ف حضنه بسرعه:متمشيش انا بحبك بس انا متوترة وكمان مش متعوده ابات بعيد عن اهلي واول مرة ابات بعيد وعايزة اعيط
اياد ابتسم على تفكيرها وباس ايدها وحضانها بلطف وهمس بدفئ:من النهاردا انا اهلك التاني هاا اووعي تحسي بخوف وانتي معايا ولو عايزه تعيطي عيطي بس وانتي ف حضني واوعي تبعدي لأي سبب يا ميرا انا مصدقت ان اللحظه اللي تبقي فيها مراتي جت ودي حاجه كبيرة انا استنيت كتير عشان تبقي معايا ودا كفايه
ميرا:انا بحبك اووي
اياد حضانها:انا بعشقك انا خلاص متيم بيكي يا ميرتي
بعد فترة بسعاده والفرح ملى قصر ارسلان وسفيان كالعاده مجمع الكل
اياد بيهمس لميرا:شويه كدا هتنطت واقول للكل انتي حامل
داني بيهمس لنينا:بعد الغدا بقاا هصرخ واقول للكل انا هبقاا بابا اوووه
نينا ضحكت:مجنون
عمر حط ايده على بطن نهلة بسعاده:كلي كويس بقاا
نهلة ارسلان ضحكت:حاضر والله اهو
نهلة جايبه الأكل وشالت الكرسي سحبها سفيان بضيق:بتعملي ايه
نهلة:ايه بظبط الدنيا..
سفيان بعصبيه:ميت مرة قولت متعمليش كدا وانتي حاامل كام مرة
الكل سكت وبصلهم
نهلة بصتله بغيظ:عجبك كدا
ادهم:لا ثوااااني مين اللي حامل!
سفيان ضحك:نهلتي ايه مالكو
الكل بص لبعض بصدمه
نهلة اتحرجت وبصت لسفيان بضيق
سفيان حضانها وهو وراها:وفي الشهر الرابع كمان وحامل ف ولد ايه رأيكوا بقاا
الكل مبقاش مصدقه بس شويه وضحكوا
ميرا:فاجاهم بقاا
الكل قال خبر ان مراته حامل وانفجرو ف الضحك لما اتفاجأو ان الكل مخبي ومستعد يفاجأ وان سفيان اول شخص واخر حد خطر على بالهم انه يفجرو المفاجأه دي
مرتضى ضحك:تصدقي بقاا شجعوني وانا اللي سمعت كلامك واتنين كفايه وربنا اجيب توأم
الكل ضحك وسفيان قعد نهلة على رجله وبيأكلها والكل بيتكلم ويضحك ونهلة مكسوفه:سفيان بس بقاا
سفيان:يلاا عشان هنسافر
نهلة ضحكت:بجد
سفيان:اه هنروح
نهلة كملت:على قلب فرعون
سفيان غمزلها:بالظبط كدا
نهلة ضحكت:عمرك مهتتغير يا فرعوني
سفيان:انا بموت فيكي وعمر دا مهيتغير يا قلب فرعون
الكل سقف وصفرو وسفيان بصلهم بغيظ وضحك

♥النهاية♥

احب اودعكم ف من نسل فرعون واتمنى تكون عجبتكم واستنوني ف رواية جديدة بوقت ليس بقصير الصراحه وبأذن الله تعجبكم اكتر واكون عند حسن ظنكم وشكرآ لكل شخص دعمني وحقيقي تعليقاتكوا دايمآ كانت بتفرحني يلاا الى اللقاء في رواية اخرى🔥💕💕