رواية من نسل فرعون (الأسيرة 2) للكاتبة/ندى محسن ♕Noody♕ الفصل التاسع عشر 19 - بقلم الكاتبة ندى محسن

الحلقة 19
للكاتبة/ندى محسن(نووووودي)
#من_نسل_فرعون (الأسيرة2)

سفيان صحي ونزل على صوت ياسر وعمر
عمر: يا بابا اهدى بس
ياسر: انت ملكش دعوة بحاجه انا عايز اتكلم مع سفيان
سفيان: ياسر دا ايه اللي حصل مالك!!
ياسر: ابنك خليه يبعد عن ميرا
سفيان: يا ياسر هو بيحبها جوزهاله وبعدين  انا هخاف بردو على ميرا بس هي بتحبه ولو عايزنا نيجي نطلبها رسمي معنديش اي مشكله
ياسر بعصبيه غصب عنه: ابنك معملش كدا من الأول ليه فرج علينا الناس امبارح دا بني ادم متخلف هو واللي كان معاه
سفيان: ايه اهدى بس كدا وفهمني ايه اللي حصل
ياسر: الجوازه دي مش هتحصل ولو سمحت انا مش عايز اخسرك بس خلي اياد يبعد عن ميرا
مشي
عمر: انا اسف يا عمي انا مش عارف ليه كدا!!! انا هروح اشوفه
سفيان بص لفوق لأوضه اياد: شكل وقعتك سودا وقعتك سودااااا
طلع ورزع الباب
اياد فتح عينه وغمضها بتعب: منمتش من امبارح افطرو انتو
سفيان: افطرو انت كنت فين امبارح
اياد بصله بتركيز وانفجر ف الضحك
سفيان بيكتم ضحكته وهو جدي: كنت فين امبارح يا زفت ايااد انت اتجننت انت اتجننت بجد بقاا
اياد: اااه هو قالك
سفيان: قول هببت ايه بدل والله هفقد اعصابي معاك
اياد بصله وابتسم وبدا يحكي وهو بعد غير متوقع ردت سفيان
Flash back
اياد: طب انا عايزه
نسمه: هو نايم
اياد: خليني اكبس عليه معلش
نسمه: طب هو في حاجه ضروريه
اياد: اه حياه او موت
نسمة: طيب ادخل هو ف الأوضه دي
اياد ابتسم ودخله رزع الباب: عممييييييي
مصطفى اتنفض: بيتك على بيت عمك انت يله ايه اللي جابك هنا
اياد: هتيجي معايا ايواا انت اللي تنفع معاهم مقدم كدا بسم الله ما شاء الله عليك قمر القمرااات يلاا بقاا  هتخطبلي
مصطفى: انت من امتى بتشرب!!!
اياد: ايه. هههههههه لا حلوة دي البس ويلاا بينا هستناك برا والا والله انا مش متخيل ممكن اعمل ايه
مصطفى خد سلاحه ووجهه عليه:براااا
اياد برق:يا نهاار انت هتعمل ايه
مصطفى:انا عندي مأموريه ومش فايق براا احسنلك براااا
اياد خرج ونسمة ميته من الضحك على شكلهم وعلى جوزها اللي مع عيال سفيان بيبقى طفل
اروى:هو في ايه
نسمة:اياد كان هنا لا وايه ابوكي طرده كان هيضربه بالنار
اروى ضحكت
اياد بينادى:يا عميي صهيب يا عميييييي
صهيب نزله:هو انت ابوك رميك عليا ولا سايبك ولا انت شارب حاجه ولا ايه انت عايز ايه يله انت
اياد ضحك:والله انا نفسي معرف في ايه وايه اللي حصل انا لازم اروحلها والله ابوها سمعني وانا بكلمها وميرا هتنام معيطه يرضيك
صهيب بغيظ:اه يرضيني يبن فرعون يرضيني اااه انا عايز انام فأنت اتكل امشي من هنا بدل مأطلبلك البوليس
اياد:مش متحرك مش كفايه صاحبك كان هيضربني بالنار
صهيب:سفيان ولا نهاارك اسود انت روحت لمصطفى
اياد ضحك؛زكي يا صوبا
صهيب:صوبا ف عينك بله انت انا هنام على نفسي وبكرا ابوك هيكون عايزني معاه
اياد:هع هع هع هع بكرا اجازه يا صوبا
صهيب زأه:اركب لما اشوف اخرتها معاك اركب اصلي خلفتك ونسيتك ابو دي معرفه هتخليني اقطع علقتي بأبوك وبصاحبه ومش بعيد بمراتي
اياد ضحك:اتلكك بقاا
وصلو واياد طلع خبط فتحت ميرا اللي اتسمرا اول مشافته
اياد:اللهم صل على النبي
ميرا رزعت الباب ف وشه
صهيب ضحك بأستفزاز:بتموت فيك
اياد خبط تاني كذا مرة:ميراا اسمعيني طيب ميرااا
ياسر فتح لما حس ان الناس صحيت من صوته
اياد:عمي اسمعني بس لو سمحت
ياسر مسكه بعنف ودخله وصهيب وراه بالبچامه
اياد: يا عمي انا عايز اتجوز ينتك ميرا
ياسر:مرفووووض انت خلاص مبقاش عندك عقل...
اياد:انا خلاص مش قادر ابعد عنها
ياسر:من غير مطرود اطلع براا يلاا براا
اياد خبط على اوضه ميرا:يا ميراا
ميرا فتحت وهي مصدومه وبتبصله بدهشة:اياد انت اتجننت!!
اياد:انتي موافقه تتجوزيني صح انتي موافقه
ميرا بصت لياسر
ياسر:على اوضتك يا ميرا ومش عايز اشوفك هنا فاهمه
ميرا بصت لياسر ولأياد ودخلت وقفلت
اياد:يا عمي انا هقدر اخلي بالي منها
صهيب عينه غصب عنه بتغمض
اياد:يا عمي قول حاجه
صهيب:جوزهاله يا يا ياسر
ياسر بصرااخ:برااا انتو الأتنين معنديش بنات للجواز واللي بيجي يطلب حد يبقى في اوصول مش جاي الفجر بالبچامه ميرا مش هتتجوز اياد الا على جثتي
زأهم وقفل الباب واياد خبط بس مرضيش يفتح
ياسر:انا هشوفلي حل مع ابوك
اياد نزل مع صهيب:في حد يخرج بالبچامه انت كمان
صهيب:ال يعني الواد سابلي فرصه انا غلطان اول مرة اتعرض للموقف دا اذا كان انا نفسي لما جيت اخطب خدت معايا سفيان انت واخدني كيس جوافه وتروح تخبط على اوضتها عايز ابوها يوافق دا يبقى اهبل انه ادى بنته لواحد تافهه يبني المفروض تبقى عاقل راح فين عاقلك انت يا اياد
اياد:كل اللي انا فاهمه اني عايز اتجوزها ويولع العالم باللي فيه
صهيب:سبحان الله كنا بنقول على ادهم مجنون بس لا في اجن
back
سفيان:مش لاقي كلمه ارد بيها عليك يا متخلف انت متخلف ايه انت اهبليت واتغابيت يا نهارك اسود انت لغيت عقلك خالص
اياد ضحك:شكلي كنت مهيس اووي انا مش متخيل اللي عملته امبارح وصاحبك منظره كان عامل ازاي لما نطيتله على السرير يا نهاار
سفيان بيمنع ضحكه بالعافيه
اياد:ولا لما جري ورايا بالسلاح مش عارف نايم المسدس ف حضنه دا ولا ايه
سفيان ضحك بغلب:طب بذمتك لو انت مكان ياسر هتجوز لواحد مجنون بنتك
اياد:اه عشان اخلص من جنانه وبعدين ميرا اجن متعرفش انت اول مرة شوفت فيها ميرا عملت فيا ايه
سفيان:انت بقاا ناوي على ايه
اياد:هتقدملها بس المره دي انت هتيجي معايا وانا مش هتكلم خالص
سفيان بصله:مش هتتكلم
اياد:مش هتسمعلي حس نهائي
في بيت ياسر
اياد بإنفعال:ازاااي يعني لا طبعآ مش هينفع
سفيان سحبه قعده:اخرس بقاا اخرس سيبني اتفاهم معاه
اياد:حاضر بس مينفعش اللي بيقوله دا
ياسر:افتكر اني رافضك اصلآ واللي خلاني اقبل مجيت ابوك الغالي واللي خلاني اقبل انك واكل عقل ميرا وشكلها بتحبك فمتنتظرش مني اكتر من كدا يا اياد
اياد:بس يا عمي
سفيان قاطعه:يا ياسر هما بيحبو بعض فليه التأخير كدا اربع سنين خطوبه!!صعبه وبعدين احنا عندنا بنحب كتب كتاب على طول بدل مفي قبول وثقه بين الطرفين
ياسر:يمكن تفوق من اللهفة اللي هي فيها تكون اتحسبت عليها جوازه بقاا لا يا سفيان هو دا شرطي الوحيد اللي مش هتنازل عنه خطوبه اربع سنين وولا يكلمها ف تيليفون ولا يخرج معاها ولا يشوفها
اياد:ولا اذكر اسمها على لساني كمان!!
ياسر:هتتريق هتتلغي الخطوبه وابقى قابلني
سفيان بص لأياد بحده عشان يسكت:لا المفروض بقاا  يشوفها او لو رافض ودا حقك يجي يومين ف الأسبوع يقعد معاها ف وجودك
ياسر فكر:تمام مش انا هبقى موجود خلاص
اياد:تمام مش هو هيبقى موجود اجي ليه انا افرض انا عايز اقولها حاجه بيني وبينها حضرته يشارك
ياسر:هو كدا والا
سفيان:لا خلاص اتفقنا هو موافق
ياسر بص لأياد بتحذير:وبنتي ميرا عارفه حدودها ومنستش انكم ف نفس المستشفى بس ولا كأنها تعرفك انت دكتور ممكن بالصدفه يبقى في تعامل بس انا واثق فيها وعلى الله تكلمها بقاا الخطوبه مش اقل من شهر
اياد بص لسفيان
سفيان: حلو يكونو الأتنين جهزو
اياد: طب حيث كدا بقاا ممكن اشوفها ولا ايه
ياسر: ام عمر هاتي ميرا
ميرا جت مع هدى وهدى راحت مزغرطه
ياسر: بتزغرطي على ايه
اياد وقف: المفروض بقاا نقرى الفتحه
سفيان ابتسم وياسر مخنوق ومش راضي عن الجوازه بس معندوش حجه
اياد مد ايده لميرا
ميرا بصتله بحرج وتوتر وسلمت عليه
ياسر: ممنوع السلام وكمان مينفعش
اياد: يعني ابوس على طول ولا
سفيان شده: اقرى الفتحه اقرى
قرأو الفتحه وسفيان استأذن وخد اياد ومشي
اياد: ايه يا بابا هو انا ناقص ليه بدري كدا
سفيان: بوظت الدنيا هو دا اللي مش هتكلم يا بابا جك بو يا شيخ ايه دا رفعتلي ضغطي اومال لو كنت اتكلمت
اياد: يا بابا انت كنت سامع بيقول ايه يا نهاار اسود
سفيان: اديك اتكلمت وزعقت وافق هو كدا يبني اهدى شويه خليك زي مهو عايز خليك عارف ربنا وراسي كدا بلاش الجنون دا يا اياد احسنلك تكسبه ويمكن يقتنع يخلي الخطوبه سنتين حتى لكن طول منت كدا ابقى قابلني دا انت هتعنس كدا
اياد ضحك: إذا كان قبل الجواز كدا اتجننت اومال بعد الجواز ايه بقاا
سفيان: هتعقل صدقني غصب عنك هتعقل بالذات لما تخلف ويبقى عندك ولاد حياتك هتتغير كتير

#من_نسل_فرعون (الأسيرة2) للكاتبة/ندى محسن(نووووودي)

داني: نينا لو عمي سفيان جه مش هيعديهالي انجزي ليه لا
نينا: قولتلك اخرج من اوضتي
داني مسكها: نينا انا مصدقت طلعتلك يا حبيبتي افهمي انا بجد بحبك
نينا: دا من امتى يا داني
داني: معرفش بس الظاهر اني كنت دايمآ بحبك وانا غبي او اصلآ معرفتش الحب غير على ايدك
نينا بصتله وبتفكر ف كلامه
داني باس خدها: بحبك
قرب من شفايفها راحت زأته بعنف
نينا: انت اتجننت يا داني ابعد عني
داني مسكها وباسها وهي اتصدمت وزأته وبصتله بعصبيه وهو اتنهد: انا....
نينا: انت لازم تخرج من هنا وانا مش عيزاك لأن الواضح شعورك ناحيتي مش شعور حب لا اللي بيحب بيحافظ على اللي بيحبه وانت معملتش حاجة   تثبت انك بتحبني
داني: انا بحبك  يا نينا وعشان كدا عايز ابقى قريب منك
نينا: مش هوافق
داني: طب اديني فرصه
الباب خبط وهي بصتله لصدمه
داني دخل ورا الستاره
نينا فتحت: بابا
داني غمض عينه بضيق: اتكشفت....
سفيان دخل وحضن نينا: قمري عامل ايه النهاردا
نينا بتوتر: انا كويسه...
سفيان: مالك في ايه
نينا: مليش
سفيان بص ف الأوضه:انا هروح اشوف اخوكي ادهم وجاي بسرعه عايز اتكلم معاكي
خرج وداني خرج
نينا:واللهي لو جيت تاني لأقوله وشوف هيعمل فيك ايه
داني خرج:العيله دي مجنونه
سفيان مربع ايده وساند ورا العمود اللي قدام اوضة نينا:وايه كمان...
داني اتصدم ومبقاش عارف يتكلم
سفيان:ورايا على المكتب
داني:بس...عمي
سفيان بص لداني بحدة:ورايا على المكتب ومن غير حرف
داني بيهمس لنفسه:اهو دا اللي كان ناقص يا نهاااري معاه....

#من_نسل_فرعون (الأسيرة2) للكاتبة/ندى محسن(نووووودي)

عمر بيوقف نهلة شويه بشويه ويقعدها
نهلة مبتسمه:انت
قاطعها عمر:متعبتش ولا هتعب فريحي نفسك وريحيني
نهلة:انا
عمر قاطعها:مبتقليش عليا
نهلة:لا انا عايزة توقفني
عمر ابتسم وبالراحه وقفها وراحت حضناه
نهلة:انا بحبك....
عمر ابتسم
نهلة:واثقة فيك ومش خايفه منك ولولا اني واثقه فيك مكنتش قبلت اني اقعد معاك انت شخص حقيقي نادر مين يستحمل اللي انت استحملته وانت قاعد بس معايا وحتى كنا لسه متجوزيني ومعشناش حياه زوجيه بس انت فجاه بقيت ترعاني ولما اتضايقت منك لما قربتلي انت معدتهاش...بس انا انا مستعده اني ابقى زوجه ليك انا مهما عملت مش هوفيك حقك
عمر بعد وهو مضايق وهو ساندها:نهلة اووعي تقولي كدا انتي مش فرض عليكي تتقبليني عشان توفيني حقك لا انا بحبك فعايش معاكي بحبك فهستحملك حتى لو طول عمري مقولتش بحبك انتي هتبقي واثقه ف حبي ليكي لأني انا زرعته جواكي زرعته جوى قلبك انتي اللي هتحسي بيه قبل منطقها قبل مقول اني بحبك وبعشقك
نهلة حضنته وكملت بكسوف:انا عارفه وانا بحبك اوووي مش فاكره حاجه صحيح بس انا انا بحبك....
عمر حس بتوترها وكسوفها وابتسم قرب باس هدها مناغشة:خلي بالك هتغر ف نفسي اوووي
نهلة ضحكت ودفنت راسها فيه
عمر اتنهد وف نفسه:مكنتش اتخيل ان فقدان الذاكره هيخليكي تحبيني بس انا نفسي ترجعلك الذاكره وتحبيني بنهلة القديمه قبل نهلة الجديده...انا هيفضل عندي امل يا نهلة انك تحبيني وهفضل معاكي لحد مذاكرتك ترجع وكل حاجة ترجع لأصلها ومش هخليكي مغصوبه عليا لا انتي يا حبيبتي هتختاريني او...ترفضيني ف الحالتين هتقبل قرارك...يا ترى يا رب هتقبل القرار فعلآ ساعدني خليها تعرف اد ايه انا بحبها واد ايه حبي ليها نقي حتى لو كان عادي بس حب طاهر ودي اهم حاجه

#من_نسل_فرعون (الأسيرة2) للكاتبة/ندى محسن(نووووودي)

داني:عمي واللهي انا بس كنت بكلمها و..
سفيان لكمه ف وشه
داني مسك فكه بألم
سفيان:انا حذرتك كام مرة تبعد عنها هااا كام مرة
داني:عمي انا
سفيان لكمه تاني بس المرة دي بعنف وغل  وداني اتصدم من عنفه وقسوته اللي اول مرة يحس بيها
داني:عمي.......
سفيان مسكه من رقبت قميصه وبصله بغل:انت شكلك اتجننت انك تقربلها انا قولت هتكلم معاك وافهمك فرق الأختلاف افهمك سبب رفضي او عدم اقتناعي بس بعد مشوفتك عرفت انك مش همك اي حاجة انت حتى مبتحبهاش بس انت واخدها لعبة وهي ساذجه عشان تمشي ورا واحد زيك انا بقاا مش هعديهالك انك تتجاوز الحدود مع بنتي خط احمر فااهم
داني:عمي انت بتقول...انا انا مقربتلهاش و..
سفيان قاطعه بلكمه اقوى وغصب عن داني اتألم وهو ماسك فكه وسفيان شده واداله المرايا:ايه اللي جاب الروچ على شفايفك يا محترم
داني غمض عينه بضيق ولعن تهوره وجنونه
سفيان لكمه بعنف وبإنفعال:انت تبعد عنها فاهم تبعد عنها نينا لا كانت ولا هتكون من نصيبك حتى لو كان فيه امل انت طفيته وهي حسبها هيبقى معايا اللي عارفه ربنا واللي ربيتها.....
داني بتلقائيه والم:لا لا هي ملهاش دعوة هي زأتني..وانا انا اللي شدتها وغصب عنها بوستها...هي ملهاش ذنب....وحتى هي دخلت اتفاجأت بيا ف الأوضه..انا اسف
سفيان اتجنن اكتر من كلامه وزأه بعنف لبرا المكتب:برااا اطلع برا والا فعلآ انا هموتك يا داني
نهلة:سفيان في ايه بتعمل ايه
ادهم:داني....بابا انت اللي ضربته كدا...هو في ايه فهمني طيب
داني بص لسفيان بصه هو معرفش يحللها او يفهمها بس بصه وجعت قلب سفيان
اياد:فهمونا بس في ايه
عمر نزل هو ونينا على الصوت اللي اتصدمت من منظر اياد والدم اللي ف وشه
سفيان شاف نينا وهنا افتكر اللي حصل ورجع لقسوته وزأه بعنف:برااا انا مش عايز اشوف وشك
اياد وقف فصل بينهم:فهمني بس في ايه ايه اللي حصل خلاك تعامله كدا
ادهم:بابا دا داني انت بتعمل ايه
سفيان بص لنينا بحده
عمر:عمي اهدى بس في ايه
سفيان زأ داني بعنف:براا
داني بص لنينا بأسف وسفيان راح قافل الباب ف وشه
نهلة جت تفتح الباب:سفيان انت اتجننت
سفيان شدها بعنف:انا اللي قفلته انتي اياكي تفتحيه لأن الباب دا مش هيتفتح تاني يا نهلة ابدا
نهلة بصتله حست ان كلامه مش على الباب لا كلامه ليه جهى تانيه:داني ونينا  ....
قاطعها سفيان بصوت عالي:داني كان متقدم لنينا والموضوع دا الكلام فيه منهي وداني ملوش علاقه بنينا
بص لنينا واكد على كلمته:عشان هو الشخص الغلط اللي بيستغل سذاجه البنات اللي بيقعو ف حبه الكلام ف الموضوع منهي داني لا كان ولا هيكون لنينا
نينا بصه لسفيان والدموع ف عنيها
اياد جه يقربلها بس اتراجع لمجرد انه حس ان وجوده معاها هيخلي سفيان يتعصب لو عرف ان نينا فعلآ بتحب داني....
ادهم:طيب ليه مدتلوش فرصه لو هو بيحبها
اسماء بدموع:داني مستحيل يكون بيكدب ف حبه ليها هي مش من الشارع عشان يلعب بيها هي بنتك وعارف معنى انه طلب ايدها هو خلاص مستعد يسعدها عشان حتى لو هو متهور الا انه راجل يعتمد عليه انت وبابا يمكن كنتو لط في حجات كتير بس كل واحد فيكو بيكمل التاني وبابا دايمآ مفهمنا ان مش شرط يكون اللي قدامك كامل عشان يعوضك يمكن انه يديك الناقص فيك في تكامل
سفيان:اسماء ملكيش دعوة بالموضوع دا الموضوع انتهى داني مش هيتجوز نينا لا يعني لا ادهم خد مراتك وفهمها ان الصح انها متدخلش ف حاجه زي دي
ادهم ساكن
سفيان:انت مسمعتش
ادهم:افهمها ايه وكل كلمه قالتها هي صح اقولها ايه وانا نفسي مش فاهم عشان افهمها
سفيان اتنهد
نهلة:سفيان اهدى بس وفهمنا ليه لا وحتى لو لا ليه تمد ايدك عليه وتطرده بالطريقه دي
سفيان:انا معملتش حاجه غلط واظن الكل عارف ان اي قرار باخده بيبقى صح فاهمين يبقى محدش يناقش انا تعبان ومحتاج ارتاح ومش عايز اشوف حد ولا حتى انتي يا نهلة عايز ابقى لوحدي محدش يجي ورايا
سفيان بص لنينا بغضب وطلع حاسس بخنقه كان هيدخل ينام بس اتراجع وطلع لصاله الألعاب الرياضيه بتاعته وقعد يلعب بعنف
نهلة كانت هتدخله بس حست انها محتاجه طريقه تدخل بيها وافتكرت كلام كارمن وابتسمت اووي وشويه كدا وسفيان قالع قميصه وعمال يعرق وعروق رقبته ظاهرة لقى الباب بيتفتح وبحده وصوت قوي:مييين.!!مش قولت ايااك حد يجي هنا
بص لقى نهلة واققه لابسه شورت وبدي كات ورافعه شعرها ووشها احمر التوتر ظاهر عليها اووي
سفيان بصلها اووي:نهلة!.!..!
نهلة:ا..انت قولت هتدخل تنام وانا قولت هاجي اتدرب و.....
سفيان:مبتعرفيش تكدبي يا نهلة وبعدين ايه االي انتي عملاه دا افرضي حد شافك كدا هيقول ايه هاا
نهلة وقفت قدامه:الجناح بتاعنا في سلم بيطلع لهنا ومستحيل حد يخالف تعليماتك ويطلع هنا فمحدش شافني ولا هيشوفني ومينفعش اسيبك لوحدك....وليه العنف دا ليه يا سفيان انت مبتلعبش بالطريقه دي المؤذيه
سفيان:طب انزلي يا نهلة عشان مش عايز عصبيتي تأذيكي حقيقي انا شبه غايب عن الوعي
نهلة بصتله وبصت لتحت وقربت بتوتر حضنته:عارفه انه مهما تكون مضايق...مخنوق...انت مش هتأذيني ابدآ.....
سفيان لف ايده حواليها ودفن رايه ف رقبتها:مخنوووق مكنش سهل اني امد ايدي عليه الأصعب اني اطرده من بيتي بجد كانت حاجه صعبه اوووي يا نهلة
نهلة ساكته ومحبتش تتكلم وهي محاوطه رقبته
سفيان بصلها:انا اسف بس بجد كنت محتاج ابقى لوحدي
نهلة ابتسمت ورفعت شعره بأيدها وهي باصه ف عينه اللي بتعشق لونها:مش عايزاك تتأسف يا سفيان انا مش زعلانه منك انا فهماك انت عايزني دايما جمبك حتى لو قولت لا (بتستغل اي موقف وتقلب رومنسيه الست دي استغفر الله العظيم 😂نرجع للحلقة اهو متزعلوش)
سفيان باس جبينها:ربنا يديمك ليا وتفضلي ف حياتي
نهلة ابتسمت:ننزل بقاا
سفيان ابتسم:بس ايه الحلاوة دي فينها دي من زمان
نهلة ضحكت بكسوف:موجوده
سفيان بيقرب راحت بعدت
نهلة:وبعدين بقاا اقف مكانك يا فرعون
سفيان ضحك:على فكرآ كنت جاي اعلمك اي بقاا نيتك بقت وحشه اووي
نهلة ضحكت:انا بردو لا فرعون هو اللي طيب ونيته حلوة
سفيان سحبها وهمس:فرعون خلاص اتجنن على ايدك وانا لله وانا اليه راجعون ف عقله بقااا وهو معاكي
نهلة ضحكت

#من_نسل_فرعون (الأسيرة2) للكاتبة/ندى محسن(نووووودي)

ريفال:لأمتى بقاا لأمتى يا سامر انا وحشتني اووي نهلة ووحشت ماما وبابا حتى فارس احنا بقالنا زمن وقولنا نروح ف العيد
سامر:لا العلاقه انتهت من زمان لما سفيان مبقاش عايز حد يقربلها لما بقى مش عايزها تتكلم معانا لما حصلت مشكله عشان غيرته مني انتي مش فاكره ولا ايه
ريفال:هو كان مجنون بيها ويمكن هو اتغير احنا كبرنا يا سامر
سامر:هي مفكرتش تيجي ليه
ريفال:لحد قريب كانت بتتكلم مع ماما...مانا قالتلها متسيبش بيتها وجوزها وتراضيه رغم ان بابا مضايق بس
سامر:لا يا ريفال انا اسف بس دا لا لا.....مش هنروح ونجرح كرامتنا ف قصر ارسلان اسف يا ريفال اسف...
ريفال:انت بقيت اب يا سامر بلاش تعاند نفسك
سامر:لا عمك عاصم حالته صعبه وقافل على نفسه وهو كان رايح يشوف سفيان تقدري تقوليلي ايه اللي حصل وصله للحاله دي حتى مش راضي يكلم ابوكي او ابويا سفيان سبب ف كل حاجة سيئه ونهلة عمرها مهتسمحو ولا انا هو مش مستني حد يسامحه اصلآ هو مبيهمهوش حد يا ريفال البني ادم دا انسي اننا يجمعنا علاقه بيه
ريفال قعدت بحزن وهو نزل راح شغله

#من_نسل_فرعون (الأسيرة2) للكاتبة/ندى محسن(نووووودي)

ادهم:مش لاقي تفسير
اياد باصص لنينا اللي سرحانه والحزن ظاهر عليها:متتكلمي في حاجه
نينا انتبهت:اه....لا انا...محتاجه ارتاح هنام....بعداذنكو...
طلعت واسماء قاعده بحزن وانزعاج
ادهم حاوط كتفها وابتسملها بحنان:سوء فهم وهيعدي
اياد بصله وابتسم
ادهم رفع حاجبه:هو ايه دا بص قدامك يا كابتن
اياد ضحك:هو اشمعنى اتجوزتو بسرعه وانا لا
ادهم باس خد اسماء وهي اتكسفت اووي ووشها احمر:عشان بموت فيها
اياد:منا بموت ف ميرا بردو بس خطوبه اربع سنين وايه هيبدأ العد بعد شهر
ادهم ضحك:عشان تتربي يا حلو
اياد:وربنا متربي بس ابوها عايزني التزم
اسماء غصب عنها ضحكت ووقفت:هطلع اشوف وعد بقاا لتكون صحيت وانا سيباها لوحدها
ادهم:خوديني معاكي
اياد غمزله:شقي انت يا واد
ادهم رماه بالزهريه واياد مسكها وهو بيضحك
اياد:عيييب دا انا اخوك الكبير
ادهم ضحك بأستفزاز:معلش بقاا بعد اذنك يا يا عانس
اياد ضحك:حسبي الله ونعم الوكيل ف اللي كان السبب
عدى اليوم وراحو كلهم الشركه ومرتضى كان باين عليه الزعل بس بيتعامل طبيعي ودا ضايق سفيان
سفيان:تقدر تقولي في ايه!!
مرتضى..........

🌸الى اللقاء في حلقة اخرى🌸

#اشوفكوا_بكرا

انتظرو غدآ الحلقة الاخيرة😱

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
داني خلاص دي نهاية علاقتو مع نينا؟!سفيان عمل الصح؟!اياد هيستنى فعلآ اربع سنين ويا ترى هيمرو بسلام!؟داني حكى لمرتضى حاجه طب وايه موقف مرتضى؟!ممكن داني يعمل ايه؟!