رواية من نسل فرعون (الأسيرة 2) للكاتبة/ندى محسن ♕Noody♕ الفصل الرابع 4 - بقلم الكاتبة ندى محسن

"من نسل فرعون"

الحلقة 4
للكاتبة/ندى محسن♕Noody♕
#من_نسل_فرعون

ادهم باصصلها بصدمه
اسماء بعدت بسرعه بفزع من تصرفها
ادهم بعدم استيعاب: دا ايه اللي حصل دا؟!
اسماء بعدت: والهي لو قربت هصوت ومش هسكوت وهنادي لعمو سفيان انا بحذرك
ادهم: تصوتي؟!! اسماء انتي اتجننتي
اسماء: انا هتطلق منك وملكش دعوة بيا انت فاكر علشان بحبك اني خلاص هتذللك وتبيع وتشتري فيا لا يا ادهم انت غلطان وانا مش هعديها والهي العظيم مهعديها
ادهم: دا ايه دا ان شاءالله ناويه تتمردي
اسماء: اه هتمرد وملكش دعوه بيا فاهم انا لأخر مره بقولهالك اهو
ادهم بصلها وسكت بدهشه من تصرفها حطت ايده على وشه مش مصدق ان اسماء الهاديه الرقيقه تتحول كدا وكمان تضربه بالألم وهي المفروض بتعشقه!...

#من_نسل_فرعون(الأسيرة 2) للكاتبة/ندى محسن♕Noody♕
متابعة هنا لصفحتي بتنزل عليها الحلقة بدري 👈#Nada_Mohsen

نهلة نايمه في حضن سفيان:انا بجد مش مصدقه
سفيان:ولا انا يا حبيبتي والله
نهلة:ادهم كان مبسوط
سفيان:مش قولتلك تثقي فيا
نهلة:انت بتهزر انا طبعآ واثقه فيك يا سفيان
سفيان ابتسم:طب بقولك بقاا انا زهقان ومش قادر ايه رأيه نصيف
نهلة ابتسمت وقعدت بسرعه حطت ايدها على قلبه وضحكت:بجد
سفيان ضحك اووي:اه بالظبط كدا هنروح احلا جزيره اتولد فيها حبنا واحلا ايام حياتنا هههههه فاكره اول مروحنا ياااه يا نهلة
نهلة ضحكت:اول مشوفت البيت واول مشوفت الهدوم واول معلمتني ضرب النار
سفيان ابتسم بعشق:انا بحبك وكل مادا بحبك اكتر
نهلة ابتسمت بحب:انا بعشقك يا سفيان بجد انا محبتش حد بالطريقه دي ولا هحب
سفيان:على اساس اني هسمح انك تحبي اصلآ
نهلة ضحكت

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نينا بتكلم كارمن بدموع بتحاول تبين صوتها طبيعي
كارمن:معلش مكنش في طياره ملحقتش اجي بس حبيبتي اكيد هاجي اشوفك في اقرب وقت انتي فيكي ايه يا روحي مضايقك
نينا:مش متضايقه يا كوكي بس انتي وحشتيني
كارمن:لا فيكي يا نينا فيكي ايه قوليلي يا حبيبتي
نينا انهارت في العياط:انا مخنوقه اووي يا كوكي انا مخنوقه
كارمن:ليه يا حبيبتي بس
نينا:عمر....
كارمن:ماله حبيبتي انتي حكتيلي
نينا:عمر ياسر هو نفسه اللي خطب نهلة يا عمتو
كارمن اتصدمت
نينا:انا محتجاكي معايا انا بحاول اتحكم في مشاعري بس دا الوحيد اللي كان صديق ليا ومعايا الوحيد اللي مكنش بيجرحني
كارمن اتنهدت:نينا...
نينا:انا عارفه انه غلط بس والهي انا مبقتش اشوفه حتى وببقى قصداها
كارمن:يا حبيبتي انا عارفه انك عاقله بس اسوء حاجه لما تعيشي على حب كداب بيوأد حياتك يا نينا حبيبتي انا اكتر واحده دريانه بدا انا اكتر واحده حاسه بيكي اتعرضت لنفس الموقف بس وقتها انا دفنت حياتي كلها ومحبتش بالله عليكي يا نينا خليكي قويه متبقيش ضعيفه زيي انا مكنش عندي اللي يكلمني بس انا معاكي علشان تخرجي من دا نينا متسمحيش لتجربه تهدك ولا تخليكي تنهاري انتي لسه صغيره علاقتك بعمر دي هتتمحي علشان هو مش من نصيبك
نينا انهارت في العياط:المشكله اني كنت بحبه كنت بستنى اشوفه تخيلي اني بس كنت بروح الجامعه علشان المحه عارفه ان الكل مش بيحبني وبيحبو نهلة بس انا حسيت انه متقبلني زي منا معايا وبيساعدني مع انه مش قدي حبيت نظرته اللي هو لو انا في نفس المكان اللي هو فيه انا بحس بالأمان لما جه مع اهله تلقائيآ فكرت انه هيتقدملي بس فجأة كدا حسيت اني كنت في حلم اتحول لكابوس كان صعب وصعب اوصف لحد هو محدش هيفهمني يا عمتو ومش عايزه حد يشوفني وحشه انا بحب نهلة اكتر وانا مش خاينه ودا نصيب بس الذكريات بتبقى وحشه...
كارمن غمضت عينها بوجع:الوحش واللي بيخلينا نوقف حياتنا كلها هي الذكريات يا نينا...الذكرياات الجميلة!!

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم صحي لقاها نايمه على الكنبه عض على شفته بغيظ ودخل الحمام وطلع غير هدومه لبس بدلته وكان بيحط البرفيم
اسماء حطت ايدها على انفها بضيق وهي نايمه علشان رش كتير
ادهم:دي مش طايقه ريحتي كمان
قرب وقعد يرش فوقيها
اسماء قعدت وبصتله اووي:انت بتعمل ايه انت؟
ادهم ابتسم بأستفزاز:برش برفيم ايه همنعه علشانك
اسماء وقفت:لا متمنعهوش علشاني بس بلاش برود يا خبر انا عندي جامعه يا خبر
جريت على الحمام غسلت سنانها وتليفونها رن ادهم حب يضايقها فتح
اسلام:اسماء فينك مش ناويه تيجي النهاردا
ادهم رفع حاجبه:وانت مين انت
اسلام:اسف مش دا تليفون اسماء
ادهم:انت تبقى مين اه هو تليفونها تعرفها منين انت
اسلام:انت اللي مين وبأي حق ترد على تليفونها دي قله زوق
ادهم:نعم !!!قله ذوق تصدق اني هطلع عينك يا ابن ال......دا انا غلطان اني اتكلمت معاك بهدوء يا حيوان يا ابن ال ******
اسماء شدت التليفون منه:يخربيتك انت عملت ايه يا ادهم؟
ادهم شدها:انتي يا بت انتي مين دا وازاي يكلمك وايه قله الأدب دي
اسماء بعصبيه:لا انت اتجننت بجد بقاا دا دكتور اسلام ومحترم جدآ وانا من احب الطلاب ليه وبحترمه جدآ هيقول عليا ايه دلوقتي دا مش بعيد ينزلني في الماده
ادهم:مادة في عينك ماده ايه دي وليه يتصل بيكي عارفه انا اللي غلطان وقسما بالله منتي رايحه ريحي بقاا
اسماء:انت بتقول ايه
ادهم:زي مسمعتي وبعدين عروسه تاني يوم رايحه جامعه انتي ايه مبتفكريش
اسماء:وعريس تاني يوم رايح شغله
ادهم ضحك بسخرية واستهزاء:عريس اه لا عريس اووي
اسماء:وانا عروسه ااه لا عروسه اووي
ادهم:يا بنتي انتي عملي الأسود اطلقك انا دلوقتي ولا ارميكي من الشباك
اسماء:ابقى اعملها وشوف هعمل ايه
ادهم برق:ايه
اسماء مسكت وشه جامد وبصت في عينه بعيونها الزرقا اللي بتلمع:انت لسه متعرفنيش يا ادهم
ادهم بلع ريقه بصعوبه وهو باصص في عينها
اسماء:هتشوف انا هعمل ايه يا ادهم
ادهم قرب باس خدها وسحبها عليه عايز يبوسها
اسماء بعدت وبغرور:روح على شغلك يلا
ادهم بصلها بغل ولوى دراعها:انتي بتلعبي بيا بقاا
اسماء ضحكت بشقاوة واستفزاز:الله!!هو انت سهل يتضحك عليك يا ادهم
ادهم:لينيها يا اسماء
اسماء:بردو لا مش هتقربلي يا ادهم
ادهم زأها وخرج:بقاا تلعبي بيا انا ماشي يا اسماء وغلاوه امي مهطلق وهتشوفي
اسماء اتأكدت انه مشي لبست الأسدال ونزلت جري تلحق سفيان قبل ميمشي:عمي عمي
سفيان ابتسم:عروستنا الحلوه
اسماء باست ايده:صباح الخير
سفيان:صباح النور
اسماء:عمو خدني معاك
سفيان بإستغراب:ايه
اسماء:اه انا عايزة اشتغل معاك في الشركه بس عشان اثبت حاجه
سفيان:اممم ليه علاقه بأدهم
اسماء:بالظبط كدا
سفيان:البسي وتعالي
اسماء ابتسمت بسعاده:عمو بجد انا بموووت فيك بعشقك
جريت على فوق وهو ابتسم
نهلة ارسلان:دا اشمعنا دا انا طلع عيني لحد موافقت تاخدني
سفيان حضانها:صباح الخير
نهلة ابتسمت:صباح النور
سفيان:مش هتيجي
نهلة:لا طبعآ جايه لا طبعآ هاجي
سفيان ضحك
نهلة:بابا
سفيان:ايه
نهلة:انا مش عارفه بس انا مش حاسه ان عمر الشخص المناسب ليا انا كنت بحلم بحاجه مجنونه كدا ووقعت في واحد تقليدي وهادى جدآ
سفيان:نهلة دا محترم جدآ وانا عندي ثقه فيه
نهلة اتنهدت وبصتله
سفيان باس خدها:سيبيها على ربنا وانا هتصرف
نهلة:الجواز بعد شهر انا مش عارفه ليه وافقت على طلبهم يا بابا
سفيان:محصلش حاجه كله هيتحل يا قلبي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ميرا باصه على اياد اللي قاعد قدامها ومتجاهلها وهي اتعصبت وقامت مشيت
اياد ابتسم بسخريه:ماشي يا ميرا براحتك
مريم:اممم وبعدين
اياد:وبعدين
مريم:اياد انا اتجاهلت انك متجاهلني بس لما القيك بتهتم بميرا لا مش هسكت انا دخلت الكليه دي علشانك وبس وانت عارف دا يا اياد
اياد:انتي عايزة ايه واظن انك عارفه انتي بتتكلمي مع مين الزمي حدودك يا مريم انتي مش قدي وانا عارف كويس اووي انتي ايه فبلاش تلعبي معايا هتخسري

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نينا في الجامعه
مروان قعد قدامها على السلم
نينا بصتله وجات تقوم شدها
مروان:على فين
نينا:سيب ايدي والا انا هصوت
مروان:صوتي مين هيستجري يقرب من حاجه في ايدي بس المره دي انا ناوي اتخطى كل حدودي معاكي يا قلبي
نينا بتحاول تبعد ايده بقرف ودموع:سيب ايدي
مروان:عمر مش هنا علشان ينجدك مني وانا بقاا خلاص مش سايبك يا نينا
نينا عيطت وبعصبيه:ابعد عني يا زباله
مروان ضحك بصوته كله :اشتمي كمان يلاا
نينا بتعيط بتحاول تبعد ايده
داني شافها واتصدم والناس متابعه من بعيد
مروان سحبها:مش هينفع نبقى هنا يلا بقاا معايا هنروح مكان هادي
داني سحبها وضرب مروان:انت تبقى مين علشان تمد ايدك عليها
نينا بتلقائيه استخبت وراه بدموع
مروان:سيبها وامشي من هنا احسنلك
نينا مسكت فيه:داني بالله عليك متمشيش بالله عليك دا قليل الأدب وبيضايقني خدني البيت انا عايزه ماما
داني اتعصب:مروان انت مالك بيها
مروان ضحك:خدني البيت منا كنت هاخدك برضو يا عسل وبعدين انت طلع ليك في الأسمر
داني ضربه بغل وعصبيه:تصدق انك قليل الأدب وانا بقاا هربيك
مروان ضربه في بطنه وابتدى الخناق بينهم ونينا خايفه على داني ملقتش حل طلعت الموبيل واتصلت على اياد
اياد:نينا حبيبتي
نينا بدموع:اياد انت فين
اياد:حبيبتي انا في الجامعه مالك في ايه
نينا:اياد انا في الجامعه بالله عليك تعالي اياد داني بينزف مروان بيتخانق معاه
اياد قفل وخد العربيه وطار على جمعتها
داني زأه بعنف ومروان بيفقد وعيه وصحاب مروان خدوه
:تعالى قبل ما المشكله تكبر وهتبقى مصيبه
نينا:داني انت كويس ايه اللي في وشك دا يا خبر
داني بغيظ:لا نموس قرصني بس
نينا بصتله وكانت منهاره في العياط
داني حضانها:من امتى يا نينا وهو بيضايقك؟
نينا:من اول السنه بس عمر كان بيوقفه عند حده عمر مش موجود وهو استغل الفرصه
داني في نفسه:انا دلوقتي فهمت ليه حبيتي عمر
نينا:انا اسفه يا داني انا اتصلت بأياد
داني:على اساس ان معاكي سوسن هنا
اياد جري عليهم:نينا في ايه داني انت كويس
نينا اترمت في حضنه وهي لسه بتعيط
داني:مروان الزباله دا بيضايقها ومش اول مره دا اتخطى كل حدوده
اياد:يبقى مين دا وليه مقولتليش من الأول يا نينا وليه مقولتيش لبابا انتي لو كنتي قولتي لبابا كان هيمحيه من على وش الأرض على الأقل كان هيشيله من هنا
نينا بخفوت:معنديش صحاب ومش عيزاهم يخافو يتكلموا معايا اني اكون مظلومه احسن من اني اكون ظالمه بالله عليك متقولش لبابا
اياد غمض عينه بضيق:نينا تفكيرك مش صح انا مستحيل اخليه معاكي في نفس المكان يضايقك داني خد نينا وروحو للدكتور انا هتصرف
داني:انا كويس يبني دي شويت جروح سطحيه انا هخدها على البيت ومش هتحضر باقي المحضرات خلاص
اياد:خلي بالك منها
نينا مسكت فيه:تعالى معانا بلاش تتهور يا اياد
اياد طمنها ومشي راح لمدير الجامعه وداني خد نينا ومشيو وهي ساكته
داني:كويس اني جيت الصدف دي بتبقى كويسه
نينا:وليه جيت
داني:كان عندي امتحان
نينا:ااه صح
داني:تحبي تشربي سحلب
نينا:سحلب!
داني:اه على النيل مقولكيش
نينا:اممم تمام
داني نزل وهي نزلت وقعد على العربيه وهي معاه وطلبوا سحلب
نينا:تعرف انا مش بحبه بس هنا طعمه حلو
داني:انا بعشقه لا اني مش متخيله بحبه قد ايه
نينا ضحكت:اول مره اشوف واحد بيحب السحلب كدا
داني ابتسم:علشان انا داني اختلف طبعآ
نينا بتشرب
داني:بصي انا بعمل حاجه لما بكون متضايق ومش عايز اتكلم مع حد ومش قادر احكي حاجه في قلبي وجعاني
نينا بصتله بأنتباه:ايه بقى
داني غمزلها:هقولك
قفل العربيه وبسرعه راح قدام بتاع الدره اشتري اتنين وشاورلها تيجي وراه ونزلها عند النيل
نينا:انا مبعرفش اعوم وبخاف من الميه
داني ضحك:وفكرك جايبك تعومي ويوم مهجيبك هجيبك في النيل احنا بس هنقف كدا
نينا:وبعدين
داني حط الذره على شنطتها على صخره وخد طوب
نينا مركزه مع تصرفاته الغريبه
داني:مع كل طوبه هتحدفيها هتخرجي حاجه في قلبك وترميها لأبعد مسافه وهتنزل تختفي في الميه
فتح ايده وابتسم:تحبي تبدأي ولا ابدأ انا

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم:انتي ايه اللي جابك هنا
اسماء بدلع:جايه مع انكل سفيان وملكش دعوة
ادهم عض شفته بغيظ:وربنا لوريكي وربنا لوريكي يا اسماء
راح على مكتب سفيان
سفيان كتم ضحكته
ادهم:يعني انت فاهم انا جيلك ليه بابا انت ليه مصمم تخليني اتشل ليه هو انا ابنك ولا انتو لاقيني على باب جامع انا لازم افهم مره نهلة ومره اسماء لا لا كله الا دي
سفيان:دي مراتك ويا ريت تحترم دا
ادهم:طب انا هطفشهالك وربنا لخليها تقول حقي برقبتي
مرتضى:مين دي يا ادهم
ادهم شرق وقعد يكح
مرتضى خبط على ضهره:ايه اللي حصل
ادهم ضحك وخرج وهو بيكح
الموظفه:مستر ادهم مالك
ادهم:لمار مفيش حاجة
لمار:ازاي يعني دا وشك احمر هجيبلك مايه
مشيت وهو ضحك:هتموتني قريب يا مرضو
اسماء ونهلة جم داخلين عند سفيان
ادهم سحب اسماء ونهلة دخلت :انتي رايحه فين
اسماء:داخله عند انكل سفيان
ادهم:اممم اسماء قسمآ بالله انا متماسك معاكي لو فاكره انك كدا بتضايقيني لا تبقي غلطانه اوووي
اسماء بدلع:مين قال اني بضايقك انا مش فاكره اني قولت كدا انت عايز ايه انت
ادهم بيجز على سنانه:بطلي دلعك دا وربنا هزعلك
اسماء:ملكش دعوة بيا فاهم الله شيئ غريب والله
دخلت عند سفيان وهو خبط الأرض برجله

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نينا:بس انا مش عايزة العبها
داني:تؤتؤ خلاص بقى لازم
نينا:مش عايزة
داني:خلاص هبدأ انا
نينا:تمام
داني:بس اللي هيتقال يبقى سر بينا مش عايز ابات في الشارع النهاردا
نينا ضحكت وارتاحت اكتر
داني حدف اول طوبه بعيده:انا صاحبت بنات كتير
نينا بصلته:انت قليل الأدب!!
داني ضحك:سر في قلبي
نينا:هو الكل عارف كدا يا ريت متخرجش سر تاني من النوع دا
داني بنفس الضحك:حاضر يلا بقى دورك
نينا خدت طوبه بأيد مرتجفة وحدفتها بعنف:انا بتضايق اني سمرا
داني بصلها ومعلقش خد طوبه وحدفها:انا اول بنت حبيتها في المدرسه وهي رفضتني فكراني فقير علشان كنت بسرق منها السندوتشات
نينا ضحكت اووي من قلبها وهو ضحك معاها
داني:مهي دي حقيقه كنت بحاول الفت نظارها والله
نينا ضحكت:دا جنون..
داني ضحك:قديمه دي يلا دورك
نينا خدت الطوبه وحدفتها لبعيد:انا حبيت...اللي مش ليا....
داني بصلها ومعلقش وخد الطوبه وحدفها لأبعد حد:وانا عارف هو مين
نينا بصتله بصدمه:ايه...
داني اتنهد:سمعتك بتتكلمي مع اسماء
نينا بصتله بعتاب وجلت تمشي مسكها
داني:طب مش احنا بنلعب ومسافه مهنخرج من هنا انا هنسى كل حاجة
نينا بدموع:من عيزاها
داني:لا هتكمليها والا هقول لعمي سفيان على مروان وانك مش عايزة تقوليله
نينا:انت بارد
داني مدلها الطوب:كل اللي في قلبك...

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

سفيان:هتدربي مع ادهم مع نهلة
اسماء:لاء..انا عايزه اتدرب مع حد تاني علشان شغلي ينفصل عنه
سفيان:يبقى فتحي من اكتر الناس اللي شغاله
اسماء:تمام
نهلة:بس كدا ادهم هياضايق
اسماء في نفسها:دا المطلوب هو كان فاكرني هطلب الطلاق بس الغبيه اللي تتنازل عن حبها...عن جوزها
خرجت وعدت على مكتبه:الا قولي يا مستر ادهم فين مكتب فتحي
ادهم:وانتي عايزه ايه من فتحي
اسماء:امم..عايزاه انكل سفيان قالي اروحله
ادهم قرب حااوطها وهي بعدت خبطت في الحيطه وهو حط ايده على الحيطه اللي وراها وهي في النص بين ايديه
اسماء:انت بتعمل ايه انت ابعد كدا
ادهم ابتسم:ولو مبعدتش
اسماء:انت بتعمل ايه....
ادهم باسها وهي اتصدمت وهو بعد وبصلها:اممم هاا بقاا انا فوتلك كتير بس هتروحي عند فتحي تهببي ايه
اسماء بصاله وساكته وهو قرب لمار فتحت الباب وهو زي مهو
لمار بصت لتحت:ادهم بيه....
ادهم:عايزه ايه
اسماء حاولت تبعد بس مدلهاش فرصة
لمار:ا...الورق كنت عايزة حضرتك تمضيه...
ادهم:حطيه واطلعي برا دلوقتي
لمار طلعت بغيظ
اسماء زأته:انت ايه اللي عملته دا يا ادهم انت مبتفكرش هتقول عليا ايه دلوقتي
ادهم:مراتي
اسماء:بس انت شكلك نسيت كلامك لا شكلك نسيت انت مش معترف اني مراتك انت نسيت..
بصلها ومشيت هي بسرعه
ادهم:ماشي براحتك ماشي شكلك نسيت الكارت الرابح معايا انا....

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نينا قالت كل حاجة في قلبها وقعدت تعيط وهو ابتسم وقعد جنبها مسح دموعها وهمس:انتي احلا وانقى بنوته شوفتها وانا شوفت كتير
نينا بصتله بدموع مغرقه عنيها وقعدت تعيط
داني حضانها:انتي تستهلي الأحسن منه والصح انك تنسيه انتي بتحبي مين اكتر عمر ولا نهلة
نينا:نهلة طبعآ انا بحب نهلة اكتر
داني:يبقى انتي قرارك كان صح انسي عمر
نينا:النهاردا حسيت....اني....اني محتجاله
داني:عبشان كان بيساعدك بس مش اكتر فاهمه يا نينا...من بعد النهاردا مش هتحتاجيله
نينا بصتله بدموع
داني:عاجبك كدا الدره بردت خدي بقاا كلي
نينا ابتسمت وخدتها

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

فتحي:ها فهمتي كدا
(فتحي 28 سنه بيحب شغله معروف عنه انه بتاع بنات بس جوا الشركه محترم علشان عارف شكل ارسلان..وهو اشقر عيونه عسلي فاتح)
اسماء:اه انا فهمت النظام ومره على مره هبقى احسن
فتحي ابتسم:انتي مش محتاجه انتي زكيه
اسماء ابتسمت:شكرا
لمار:انتي هنا لحق مستر ادهم سابك
فتحي:لمار!!
لمار:هو انتي اسماء اللي كان مرتضى بيه بيتخانق مع ادهم علشان قرب منك بس دلوقتي انتي هنا وروحتي على مكتبه لا وسمحتيله يقربلك
اسماء سكتت بضيق
فتحي:لمار بتقولي ايه انتي يلا على شغلك
لمار:حاضر بس دي الحقيقه انها واحده قذره
مشيت واسماء مش عارفه تاخد ردت فعل وساكته
فتحي بصلها وفي سره:الله دا بدل منتي ساكته يبقى بجد بقى بس انتي قمر لا وبنت مرتضى كمان اقرب حد لسفيان انتي جتيلي على طبق من دهب يا موزتي
اسماء:لو سمحت يا مستر فتحي انا همشي..
فتحي حط ايده على كتفها:اممم هستناكي بكرا
اسماء:عندي جامعه فهاجي بعدها
فتحي باس ايدها:هستناكي
اسماء بعدت ايدها بحرج:ان شاءالله
فتحي:سلام يا قمر
اسماء مشيت بضيق هي مبتحبش حد يتخطى حدوده في الكلام معاها

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة عملت الأكل والباب خبط راحت فتحت وابتسمت:صهيب!
صهيب ضحك:ازيك يا ست نهلة...
نهلة:ياااه انت كنت فينك سنتين مشفناكش
صهيب دخل وقعد:اااه كانو سنتين فظاع بس اعمل ايه مراتي وكانت عايزه تسافر وجوزك كان واقف معاها بعد مجوزنا علي و اميره
نهلة ابتسمت:ربنا يخليهوملك
صهيب:اومال فين بقى سفيان والبشوات
نهلة:كلهم برا اللي في الشغل واللي في الجامعه زمانهم جايين دلوقتي
صهيب:خلاص هخرج انا ولما يجي هجيله واهو هلحق ارتاح
نهلة:لا خليك هو خلاص زمانه جاي وبعدين انت مش غريب
صهيب:اااه يا نهلة انا كان عندي سؤال...
نهلة:ايه
صهيب:هما عرفوا اللي حصل زمان؟!
نهلة:لا انا اصريت على سفيان ان خلاص اللي فات مات ملوش لزوم
سفيان خبط وهي فتحت وابتسمت وكالعاده خادها في حضنه وهمس:وحشتيني
صهيب جه:وبالنسبه ليا بقاا
سفيان بصله وبدهشه:انت...
صهيب حضنه:وحشتني
سفيان ابتسم:تعالى
دخلو قعدو ولاحظ ان مفيش حد هنا نادى لنهلة:اومال فين الولاد
نهلة:اسماء ونهلة طلعو يرتاحوا
سفيان بحده:اسماء ونهلة جايين معايا انا
نهلة:اه اياد في الجامعه وادهم معاك ونينا مش عارفه مجتش ليه هتصل
سفيان بصلها وسكت وهي مشيت
صهيب ضحك:دا انت لسه بتغير
سفيان:باين؟
صهيب:ااووووي
سفيان:يبقى هي بتلاحظ ومع ذلك...انت ايه اللي دخلك وانا مش هنا
صهيب:والله مكنتش اعرف انا جيت على هنا قولت مفاجأه ولما عرفت انك مش هنا كنت همشي فأنت جيت
سفيان سكت بغيظ وضيق
اياد دخل:السلام عليكم بابا... عمو صهيب ايه اخبارك
صهيب:بخير بسم الله ماشاء الله دكتور زي القمر
اياد ابتسم
سفيان:شوف نهلة اتصلت على نينا ولا لا اتأخرت اووي ليه كدا
اياد:هي لسه مجتش
سكت بغيظ ومشي اتصل على داني
داني:نعم
اياد:فين نينا انت دا كله خدتها فين يا زفت انت انت قولت مش هتروح مستشفى يبقى التأخير ليه
داني:تعالى احنا قدام القصر وبعدين مش هينفع اطلع بوشي دا والا ابوك مش هيسكت ابويا وعارف اني بتاع مشاكل ابوك هيقلبها فوق دماغي
اياد قفل:حيوان ومش ناوي يتعدل

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

لمار بدلع:اه يا مستر ادهم فتحي قرب منها شكلها شمال اووي انا بقرف منها يععع
ادهم طلع بضيق ودخل اوضه المراقبه فتح الكاميرات وشاف فتحي بيكلمها وحط ايده على كتفها وقبل متمشي راح باس ايدها وهي ممنعتوش اتعصب بعد كلام لمار وخرج خد عربيته وطار على القصر

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد:اتأخرتو ليه
نينا:كنا عند الكورنيش
اياد:ودا ليه
داني:هو تحقيق يبني اهدى على نفسك كدا كانت مخنوقه وشربتها سحلب
اياد ضربه بالبوكس:انت قليل الأدب
داني ضحك وهو ماسك فكه :يخربيتك لا انت فهمت ايه مش سحلب بتاع الدسكو سحلب من عند رؤووف عند الكرنيش وربنا
اياد:طب ابقى اعرف انها اتكررت تاني يلا يا حبيبتي روحي اطلعي غيري هدومك وارتاحي
نينا:بابا معرفش صح
اياد:لا ومتقلقيش

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

عمر بيكلم نهلة في التليفون :عمالتي ايه النهاردا
نهلة:عادي
عمر:كان يومك عامل ازاي
نهلة:عادي
عمر:انتي هتنامي ولا
نهلة:عادي يا عمر يعني انت اسألتك غريبه اووي
عمر:نهلة انتي مجوبتيش ولا اجابه مفيده بحسك مش طايقه تكلميني
نهلة:عمر انا مش رايقه والله
عمر:انا هعدي عليكي وهاخدك نخرج
قفل وهي اتنهدت وقامت تلبس
صهيب:طب اتكل انا؟
سفيان:تمام وبكرا اشوفك في الشركه
صهيب:تمام
ادهم دخل بجمدود
سفيان:ادهم كويس انك جيت
صهيب:ازيك يا بطل
ادهم:كويس ازيك بابا فين اسماء
سفيان في اوضتها ليه
ادهم طلع وكله غل وهي سمعت صوته جريت على السرير ومثلت النوم دخل ورزع الباب وقلبها حست انه هيقف وغمضت بتمثل النوم شافها نايمه غمض عينه بغيظ وقعد جنبها
اسماء غمضت عنيها جامد
ادهم عرف انها بتمثل:عارف انك صاحيه قومي
اسماء:لا
ادهم:اسمااااء متعصبنيش
اسماء:ادهم انت عايز ايه
ادهم سحبها قعدها بغل:انتي ازاي تتجرأي انك تتخطي حدودك مع فتحي دا بالطريقه دي هااا ازااي
اسماء:انت بتقول ايه مستر فتحي اكبر مني وممتاز وعمي رشحهولي انت ايه مشكلتك يا ادهم
ادهم حط ايده على كتفها وقرب زي مشاف فتحي وباس ايدها وهي فهمته وبصتله اووي
ادهم بغل:والله اعلم كنتوا بتتكلمو في ايه كنت فاكر ان چولي مربياكي كويس بس طلعتي عمل مرضو الأسود وعاره
اسماء ضربته بالألم:اخرس انت مجنون اكيد انت مجنون انت ازاي تتجرأ وتقول كدا
ادهم رفع ايده يضربها وهي بسرعه انكمشت نزل ايده وسحبها بعصبيه:تقدري تقوليلي قابله العيشه معايا ليه بعد الذل دا ولا انتي مستحليه تمشي على حل شعرك منا سايبك بقاا
اسماء ساكته بوجع من كلامه
ادهم شد شعرها بغل:متتكلمي
اسماء صوتت بوجع:ادهم سيبني بقاا
ادهم بيشده اكتر وباصص في عينها بغضب
اسماء غصب عنها صوتت وهي بتضربه وشعرها بيتقطع في ايده
سفيان واياد جريو على الصوت ونهلة معاهم  وخبط الباب بعنف:ادهم افتح
اسماء بتحاول تبعده بأنهيار: سيبني بقى انت ازاي تمد ايدك عليا
ادهم ضربها بالألم وهي شفتها بتنزف
اياد فتح الباب ودخل شده بعنف فساب شعرها اللي في منه في ايده
اسماء مسكت راسها بأنهيار من تصرفه واهانته ليها
سفيان بصله بصدمه:انت ايه االي عملته دا
ادهم بعصبيه:لو سمحت انا مش عايز حد يتدخل حتى لو انت يا بابا واحد غيري كان قتلها
اياد بص لأسماء:ماما شوفيها
نهلة قربت وهي مصدومه هي عارفه ان ادهم عصبي جدآ بس مش لدرجه يمد ايده عليها حضنتها واسماء انهارت اكتر وهي بتتشحتف
اياد:فهمني ايه اللي هببته دا
ادهم:دي واحده خاينه فاهم انت يعني ايه هي متربتش واللي سمعته من موظفه عن تصرفتها ودلعها و
اسماء بعصبيه وانهيار:كذابه اللي قالت كدا وانا اشرف منك فاهم اشرف من واحد زيك ميعرفش حلال ولا حرام
ادهم قرب بغل هيضربها
سفيان بعصبيه شده وزأه لبرا:انت اتجننت ولا ايه مش هسمحلك
نينا جات:بابا عمو مرتضى تحت...هو في ايه.....

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة في بوست خاص في الجروب علشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير علشان الروايه متتظلمش واي صفحه او جروب بتتنشر عليها في الغالب بيبقى في تعديلات وشروط وحاجه متعبه ليا فأتمنى الدعم منكوا💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
سفيان ممكن يحصل معاه هو ونهلة ايه بعد مدخلت صهيب؟!عمر ونهلة علاقتهم هتنتهي؟!ادهم واسماء ممكن ايه اللي يحصل بينهم وفي وجود مرتضى؟!

يلاا عايزة تفاعل وهستنى اجابتكم على الأسئلة

#نووووودي