رواية من نسل فرعون (الأسيرة 2) للكاتبة/ندى محسن ♕Noody♕ الفصل الثالث 3 - بقلم الكاتبة ندى محسن

♡من نسل فرعون♡(الأسيرة 2)

الحلقة الثالثة
للكاتبة/ندى محسن ♕Noody♕
#من_نسل_فرعون ♡

چوليا باصه لمرتضى اللي الغضب باين وواضح على وشه
اسماء مسكت في چوليا وهي وراها ودافنه راسها في ضهرها هي عارفه ان لما مرتضى بيتعصب بيتحول تمامآ بالرغم من انه مرح ودايما بيهزر
مرتضى بعصبيه: متكملي وبعدين حصل ايه
چوليا: مرتضى اهدى اهدى ممكن
مرتضى بعصبيه: اهدى ايه انتي ايه شايفه اللي حصل دا واللي عملته دا صح والمفروض ابقى هادي؟؟؟؟من كل عقلك منتظرة اني ابقى هاااااادي؟
چوليا: طب سيبها ترتاح تعالى نتكلم وافهمك
مرتضى بعصبيه وانفعال: تفهميني ايه منا سمعت وفهمت كل حاجه انا كنت فاكر اني مربيها وانها محترمه وعارفه الصح من الغلط بس لا كنت غلطان ومخدوع في براءتها
اسماء كانت بتعيط وموجوعه من كلام مرتضى اللي قاصد يوجعها بيه
مرتضى: تعالي هنا
جوليا: مرتضى اهدى بقاا ملكش دعوة بيها دلوقتي
مرتضى: چوليا اخرسي انتي فاهمه
اسماء: بابا بالله عليك خلاص
مرتضى قرب سحب اسماء من شعرها: بالتفصيل هتقولي ايه اللي حصل بينك وبين ادهم يا اسماء انطقييييييييي
اسماء بدموع: بابا والله دا كل اللي حصل وقولتلكم نمشي والهي انا مغلطتش طب انا اسفه بالله عليك خلاص انا مش هكررها ومش هحب تاني صدقني
مرتضى اتنهد وساب شعرها وحضانها بضيق من ادهم ومن نفسه: اسماء انا مبحاسبكيش على حبك انا بحاسبك على اندفاعك يا اسماء انتي غلطتي انك كلمتيه حبك يا حبيبتي انتي كان لازم تفكري فيه
اسماء بدموع حضنته: انا اسفه يا بابا
چوليا اتنهدت براحه هي عارفه ان اسماء دي روح مرتضى فيها وهو اللي سماها بس خافت من تهوره
مرتضى الغضب مليه من ناحية ادهم وبيتوعدله

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

سفيان رفع وش اياد اللي كان بيشبهه كتير وبيبتسم:حقك عليا
اياد قعد جنب سفيان على السرير:حضرتك معملتش حاجة...
سفيان:انا غلطت في حقك وحقك عليا يمكن كان لازم اعرف كان لازم اعرف انك بتحبها وانك بتخاف عليها
اياد:اكيد انا مش بكره اختي..يا بابا
سفيان:اللي حصل كان صعب عليا يا اياد انت لازم تفهم انها كانت ممكن تضيع من ايدينا وحتى مكنوش هيستنو للمعاد لا كانو هيأذوها
اياد:انا نفسي بكره نفسي لما افتكر ازاي ضحك عليا وشربت انا نفسي فما بالك انت انا عارف انك مش هتسامحني وعارف انك بتحاول تكلمني عادي بس كمان عارف انه صعب وانا محترم حضرتك جدا بابا انا بس بيصعب عليا لما بحس انك بتحب الكل وانا الوحيد اللي بتكرهني او بحس اني غريب معاك في وسط داني وادهم بس بتجاهل دا علشان كدا كان صعب ابقى في الشركه
سفيان بصله وسامعه عايزه يخرج اللي جواه
اياد:انا عارف انك مش وحش والله والدليل على كدا الكل بيحبك وعارف ان ادهم يتحب هو مخه مفوت بس بردو مغلطش في حقك...عارف اني...انا محتاج دكتور نفسي بس صعب والله صعب عليا.....
سفيان اتعصب من نفسه ومن كلامه اللي كان طول الوقت بيجرح في ابنه بيه ومش عامل لمشاعره حساب وبإنفعال:دكتور نفسي ايه لا طبعا مفيش حاجه كدا انت مجنون دكتور نفسي ايه وانت مالك فيك ايه طب انا متضايق وبخرج غلبي عليك انت بقاا وانت عارف اني مبكرهكش انا بحبك انت ابني من صلبي يا اياد
اياد بصله بأمل اتولد جواه نفسه يسمعها منه
سفيان:انا بحبك يا اياد اكتر مما تتخيل وبحبك اكتر واحد في اخواتك كمان اكتر من نهلة انت فرحتي الأولى صحيح انتو توأم بس انت اول حد شوفتك يا اياد اول فرحه ليا انا اه زعلت منك عايزك تبقى راجل بس انت فكرت اني بكرهك تفتكر انا لو بكرهك كنت هاجي اكلمك؟
اياد:لا....انا حاسس اني طفل بتحاول تراضيه
سفيان ضحك وحضنه:اه يا سيدي طفل انت فاكر ايه هتكبر على ابوك دا انت مهما كبرت مش هتكبر عليا وهتفضل ابني طفلي
اياد ضحك:اااه محدش يكبر على فرعون طبعآ
سفيان:مفيش فرعون هنا يا اياد انا بابا ودي احسن كلمه ممكن تتقالي لسه بردو مش ناوي تسامح باباك
اياد بدهشه:اسامح لا طبعاً انا مسامح حضرتك انا عمري مزعلت من حضرتك اصلآ يا بابا انا مبحبش حد قدك
نهلة من برا:اهو خلاه يقلب عليا ادخله دلوقتي
ادهم ضحك:يا ماما هتبوظي الدنيا اهدي بس يا حبيبتي فين القلبان بس القلبان دا انتي اللي هتعمليه
نهلة بصتله بغيظ
اياد باس راسه وايده وغصب عنه دموعه نزلت
سفيان باس راسه وابتسمله وهو موجوع انه وصله للحاله دي
اياد ابتسم بسعادة:ربنا يخليك ليا يا احسن اب في العالم
سفيان مسح دموعه:عايزك تبقى راجل من صلبي يا اياد عايزك تنسى اللي فات وميأثرش عليك زي ممأثر على نهلة فاهم
اياد هز راسه بإيجاب
سفيان قام فتح الباب وهنا نهلة كانت هتتقلب مسكها وادهم اتقلب على الأرض
نهلة بصتله بصدمه وباصه لأدهم اللي مات من الضحك
ادهم بيضحك :مش تخبط طيب
سفيان بعدم استيعاب:افهم كنتو بتعملو ايه؟
ادهم وقف وقبل ميجري لبرا:مراتك كانت بتتجسس عليكوا وانا مليش دعوة سلااام
سفيان:انتي يا نهلة دا من امتى دا وافرضي حد من العيال شافك وافرض ليه مهو شافك الحيوان دا
اياد كان كاتم ضحكته
نهلة مكشرة وبصاله بغضب:معلش بس انا كنت هموت واعرف هتقوله ايه وبعدين دا ابني انت بتبعدني عن المواضيع ليه
سفيان ضحك وحضنها:دا ايه التكشيرة دي خلاص يا ست الكل انا اسف تعالي اما اصالحك بقاا
قرب يبوسها بعدت بكسوف:سفياان..اياد
اياد ضحك:شقي اووي يا حاج انت
سفيان رفع حاجبه:ملكش دعوة ثم انت ايه اللي موقفك....اه صح دي اوضتك
اياد:شكلك انت اللي هتخودها النهاردا
سفيان:لا خليهالك تعالي يا حبيبتي اما احكيلك اللي حصل معايا في الشغل النهاردا
اياد بمناغشه:شغل بردو
سفيان مسك الڤازا بغيظ وحدفه بيها واياد مسكها وهو ميت ضحك ونهلة ضحكت وفرحانه انه بيضحك كدا ومع سفيان مكنتش عارفه ان دا كله هيتغير بس بشوية حنيه من ابوه وانه يحس انه معاه وفي ضهره
سفيان نام على السرير:اااه النهاردا كان يوم مهلك ايه دا
نهلة نامت في حضنه:الحمد لله انه عدى على خير وبعدين انت على طول بتكسفني كدا يا سفياني حتى قدام الولاد
سفيان ضحك:اعمل ايه طيب مهي خدودك اللي بسرعه بتقلب احمر
نهلة دفنت راسها فيه:طيب انت رخم
سفيان ضحك:حبيبتي انا بعشق كسوفك وبعشق لما تستخبي فيا كدا بحس اني امانك
نهلة:بتحس!!!انت فعلآ اماني يا سفيان

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مرتضى راح على الشركه والنار جواه شاف ادهم بيضحك مع موظفه
ادهم:لا بس حلوه التسريحه الجديده دي مخلياني مش قادر ارفع عيني من عليكي
الموظفه بدلع:بجد يا ادهم بيه حلوة
ادهم:ادهم بيه عازمك على الغدا النهاردا يا حلوة بس ايه في اوضة في فندق خمس نجوم
خدودها احمرت وهي بصاله بإبتسامه وهو غمزلها
مرتضى قرب وبدون مقدمات لكم ادهم
ادهم بألم:اااه انت ايه اللي عملته دا اتجننت
مرتضى بص للموظفه بحده وهي استأذنت ومشيت
ادهم ماسك فكه:ايه الهزار التقيل دا
مرتضى ضربه تاني:اتجننت يا زبالة دا انا هوريك الجنان الصح
ادهم مسك ايده بعدم استيعاب والم :مرضو انت بتعمل ايه!
مرتضى زأه وبعصبيه مسكه من ياقة قميص بدلته:انت زودتها اووي انت ازاي تتجرأ على انك تقرب من اسماء... اسماء كانت دايما زي اختك وصلت بيك انك تحاول تقربلها يا ادهم وصلت بيك القذارة لبنتي؟
ادهم بدهشه:انت بتقول ايه....
مرتضى:انت عارف كويس اووي انا بقول ايه
ادهم سكت
مرتضى زأه وبصراخ خلى الكل يتلم حوالين المكتب:انا شكلي كنت غلطان انت ازاي اتجرأت واطاولت عليها هاا ازاي اتجرأت دي دي زي اختك الصغيرة يا خسيس يا عديم الدم
ادهم بضيق وعصبيه:انت ليه متضايق مني هي اللي جات وقالت انها بتحبني هي اللي جات مش انا وبعدين مش مكان نتكلم فيه دا
مرتضى ضربه تاني وسفيان جه:انتو واقفين كدا ليه كله على شغله ايه الهبل دا؟
دخل واتصدم بمرتضى ماسك في ادهم وادهم مستسلم
سفيان سحب مرتضى:اهدى بس انت في ايه عمل ايه الزفت دا
ادهم مسح الدم على شفته وخد منديل كتم نزيف مناخيره
مرتضى:مهو علشان ابنك طبعا
سفيان:ابني!!دا ابنك اكتر مهو ابني افهم بس بتضربه ليه
مرتضى بعصبيه:عشان قليل الأدب مترباش
سفيان:امممم منا عارف علشان انت اللي ربيته  يا حبيبي امتى قولت انا انه شاف التربية او عدت عليه بس افهم!
مرتضى بعصبيه:سفياان متجننيش
سفيان:عمل ايه يعني
مرتضى:حاول يقرب من اسماء ومش بس كدا دا كلمها كأنها واحده من الشارع
سفيان بص لأدهم اللي ساكت بصدمه:ادهم!!!
ادهم الغل ملاه من اسماء مكنش متوقع تقول لمرتضى حاجة
سفيان:ادهم رد ايه اللي حصل
ادهم بتفكير:انا ممكن اتجوزها!!ممكن اتجوزها كأن مفيش حا..
قاطع كلامه مرتضى:اسماء اشرف من عشرة زيك ايه اتجوزها دي اسماء اشرف من كلب زيك وانت وقسمآ بالله لو قربت منها يا ادهم هنسى اللي بينا
ادهم:لو اسماء كويسه وعاقله وكل حاجة جايلي ليه؟
سفيان:ادهم اتكلم معاه بأحترام
ادهم:هو ليه يفضلها عليا وليه ضربني هو كان دايما يقول اني اغلى من ابنه بس ساعه الجد زي دلوقتي بقيت مجرد ابن صاحبه
مرتضى بصله بعصبيه وخرج
سفيان وقف قدام ادهم:ايه اللي حصل
ادهم:حضرتك سمعت وهو دا اللي حصل
سفيان:تؤتؤ مش هو دا اللي كنت تقصده انا فاهم انك عملت كدا لسبب
ادهم:اومال هو الأقرب ليا مفهمش ليه اسماء قالت انها بتحبني انا واسماء مننفعش لبعض ومش هي اللي تنفعني وكل اللي عملته اني خوفتها علشان تبعد عني بس مكنتش اتخيل انها طفله اووي كدا انها تحكي وتعمل دور الغلبانه المجني عليها قدام ابوها
سفيان:انت غلطت بس تعرف هنفذلك طلبك
ادهم:بمعنى؟
سفيان قرب همسله:مبروك عليك هجوزهالك
ادهم:هههههه بتهزر؟
سفيان بصله بحده:هتشوف يلاا على شغلك وبكرا هتروح الجمعه تمتحن فاهم
ادهم بضيق من موقف ابوه الغامض:فاهم امرك

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة:مكنتيش عايزة تيجي ليه بقاا
چوليا:مفيش
نهلة:مفيش ايه بس دا انا اتحايلت قد كدا عشان تيجي
چوليا:خلاص يا نهلة
نهلة:طب مش هتكلم معاكي اسماء حبيبتي في ايه انتي كمان ساكته خالص
اسماء:مفيش
نهلة:لا مش عليا انا من امتى دا
نهلة ارسلان نزلت
نهلة:مش هتروحي على الجامعه
نهلة ارسلان:لا
نهلة:دا ليه
نهلة ارسلان:بابا قالي اقعدي النهاردا هو فين بابي
نهلة:في الشركه هيجي بدري النهاردا تعالي اقعدي لما نشوف مالهم دول
نهلة ارسلان:مالهم
چوليا بعصبيه:انتي بتكبري الموضوع ليه يا نهلة انا مش رايقه بس
نهلة كشرت وسكتت
چوليا ضحكت:خلاص يا ستي حقك عليا معلش
نهلة ابتسمت:ايوا كدا اضحكي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

الكل اجتمع بليل وسفيان غصب على مرتضى يجي وشويه جم عمر وهدى وميرا وياسر وسفيان ومرتضى خدوهم على المكتب
سفيان:اتفضل
قعد سفيان بوقار وياسر وعيلته قدامه
ياسر:انت طبعاً مش عارف سبب الزياره
سفيان:لا الحقيقه مش عارف....
ياسر:عمر زميل نهلة بنت حضرتك في الكليه وهو معجب بيها جدا ويسعدنا نطلب ايدها لييه
سفيان متصدمش لأنه قاعدة زي دي هو تقريبآ حافظ اللي بيحصل فيها ومش اول مره ورفض كتير اتقدمو لنهلة
مرتضى في سره:يا رب مترفض بقاا
سفيان:اسف بس نهلة صغيرة ولسه بدري على جوازها
ياسر:ايوا انا عارف وعمر برودو لسه بيدرس وفي نفس مجالها يعني يكملو بعض
سفيان:ا...
عمر:عمي لو سمحت انا بحبها جدا ويا ريت تاخد رأيها
سفيان بصله بحده بمعنى يسكت
مرتضى في سره:الواد طفش خلاص حسبي الله ونعم الوكيل
ياسر:قولنا ايه خليها تيجي طيب يتعرفو
سفيان:لا مش هتيجي
مرتضى بيحاول يلطف الجو:قصده لازم اخوها يجي الأول
سفيان بص لمرتضى هو مكنش يقصد كدا بس سكت لمى شاف الرجاء في عيون مرتضى اللي نفسه يفرح بنهلة ونادى لأياد
اياد دخل:نعم يا عمو
ميرا شافته من هنا دورت وشها بصدمه وبهمس:يا نهاار اسود يا نهااري دا ايه اللي جابه هنا دا
اياد دخل وعينه بس على سفيان اللي باين عليه الزهق
مرتضى:عمر عايز يتجوز نهلة
اياد سلم على عمر وباباه وهنا شاف ميرا واتصدم :انتي؟؟؟
ياسر رفع حاجبه:انت تعرفها
اياد:انتي ايه اللي جابك هنا
سفيان:اياد في ايه
اياد:دي مجنونه
ميرا وقفت:مسمحلكش
اياد ضحك:لا والهي
ياسر بضيق:ميرا اقعدي
سفيان:اياد اهدى في ايه ايه اللي حصلك
اياد انتبه لنفسه ولتصرفه:احم اسف يا بابا...معلش اسف يا عمي بس افتكرت حاجه كدا وهي كانت شبه واحده مجنونه قبلتها امبارح في الشارع فغصب عني اندفعت
ميرا كانت مبرقاله بغيظ بعد مكانت اعجبت بيه اول مشافته وكانت قاصده تتشاكل معاه لأنها حست في عينه دموع حابسها بس لقته ثابت هي مشاعر ملغبطه حسيتها مرة واحده
مرتضى في نفسه:شكلنا هنجوز نهلة واياد في يوم واحد ربنا يهديك يا سفيان
نهلة ارسلان برا:مش فاهمه يعني عمر بيعمل ايه بردو جوا دا بابا لو عرف اني ساعات بكلمه هيتضايق مني اووي بس هو اللي رخم وبيفضل يكلمني
نينا اتضايقت:نهلة عيب مينفعش كدا عمر محترم ولما يطلعوا من المكتب هنفهم في ايه
اياد خرج ونهلة جريت عليه
نهلة:اياد قولي في ايه
اياد:امممم هقولك
داني:وقولي انا كمان هموت واعرف
اياد:عمر طالب ايدك عايز يتجوزك وابوكي نافخه جوا بس عاجبني اووي النفخه دي والله هيعيش معاكي الواد بيستحمل
نينا اتصدمت وحست الدنيا بتلف بيها ووقعت في الأرض داني جري مسكها واياد بسرعه جري عليها بيحاول يفوقها:نينا نينا فوقي داني بسرعه هات اي حاجه افوقها بيها هات برفيم
داني:بيرفيم ايه هي بصلة
جري جاب بصلة وقعد يحاول يفوقها والكل اتجمع وسفيان خرج بسرعه على الصوت ونينا ابتدت تفوق
داني:يخربيتك هتموتينا ناقصين عمر
سفيان حضانها:ايه اللي حصل حبيبتي مالك
نينا بصتلهم والدموع نزلت من عينها غصب عنها وجريت على فوق
اسماء راحت وراها
ادهم:هو في ايه ازاي وقعت
داني:اول ما اياد....
سكت ركز في الكلام وفي سره:اول مأياد قال ان عمر عايز نهلة...ايه دا...معقول!!!
سفيان قالهم هيفكر ويسأل نهلة وهما شافوا الوضع متوتر مشيو وميرا كان نفسها تشوف اياد بس مشفتهوش لأنه كان مع داني وادهم بيتكلموا
عمر:يا رب يوافق بقاا
ياسر:اللي في الخير يقدمه ربنا بس انا حاسس انك هتتعب في الجوازه دي
عمر ابتسم:انا عارف علشان هي تستاهل اني اتعب علشانها
هدى:انا كان نفسي اشوفها مش كان المفروض تدخل؟
عمر ضحك:انتي لو كنتي قولتي قدام ابوها كان هيطين عيشتي وهيطردنا برا
ياسر كان ساكت بشرود:سفيان ارسلان!!حاسس مش غريب عليا ابدآ
هدى:نفس اللي حسيته والله يا ياسر بس تفتكر معرفه قديمه؟!يمكن

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء:حبيبتي انا عارفه مالك بس اهدي يا نينا
نينا بتمسح دموعها:انا غلطت مكنش ينفع احس بكدا
اسماء:يا حبيبتي انتي ابدآ مغلطيش محدش ليه سيطره على مشاعره
نينا:انا كنت غبيه انا ليه كنت فاكره انه علشان بيتعامل معايا كويس يبقى بيحبني هو كان بيعمل كدا بس علشان نهلة
داني كان برا سامع كل حاجة لما مرتضى بعته لأسماء علشان يمشو وسمع عياطها
اسماء:نينا
نينا:انا هنساه اسماء انزلي وطمنيهم وقوليلهم اني بخير وكويسه
داني استخبي واسما نزلت وهو همس لنفسه:معقوله بتحب عمر مع انها طول الوقت تبان ساذجه يعني تعرف يعني ايه حب......

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مرتضى:يا اسماء يا داني يلا
ادهم بصله
مرتضى متجاهله
اسماء نزلت:هي خلاص بقت كويسه
ادهم بصلها وهي اتوترت وحاسه ان نبض قلبها بيزيد وخدودها احمرت بطريقه ملحوظه
سفيان ابتسم بخبث ونهلة مستغرباه وبأبتسامه:مرتضى انا اتكلمت مع ادهم وادهم ليه عندك طلب
مرتضى بصله بأستغراب
ادهم متوقع ابوه هيقول ايه وغمض عينه وفي سره:لا وحيات اغلى حاجه عندك اوعى تعملها
سفيان:ادهم عايز يتجوز اسماء
اسماء بصت لسفيان ولأدهم بصدمه
مرتضى بصله بغيظ
نهلة ابتسمت:بجد بجد يا ادهم
ادهم:اسأليه بابا اقول بجد ولا عايزني اقول حاجه تانيه؟اللي تشوفه طبعآ انا مليش رأي
سفيان فهم انه بيعاتبه انه عمل عكس رغبته
مرتضى:سفيان....
سفيان:فكرو وردو بكرا
چوليا كانت مش فاهمه حاجة
مرتضى خدهم ومشي
سفيان:ادهم عايزك
ادهم:ليه مهو حضرتك سألتني على الفرح كمان وقررنا كل حاجة
سفيان:بطل لماضه ويلاا تعالى يا ادهم
ادهم راح وراه بضيق
سفيان:اقعد
ادهم:نعم يا بابا
سفيان:افهم انت ايه اللي مضايقك
ادهم:بابا انا مش بحبها ومش عايز اتجوزها ازاي حضرتك تتصرف كدا دا جواز
سفيان بصله بغموض:اممم تصدق معاك حق خلاص الغيه
ادهم:العلاقه بيني وبين مرضو اتوترت الحل انها تتلغي من عندهم اوووف بقاا انا مش عارف اعمل ايه
خرج ودخلت نهلة:سفيان شكل ادهم مش عايز...سفيان انت اللي عملت كدا
سفيان:اممم
نهلة:طب ليه دا جواز يعني مينفعش تغصب عليه في حاجه زي دي من امتى وانت بتتعامل كدا انت مديلهم حريتهم وواثق فيهم ليه فجأه تلغي رأيهم في اهم حاجه
سفيان:مش هعرف اتكلم كدا تعالي بس
وقفت قدامه وهو سحبها في حضنه:اممم كنتي بتقولي ايه بقاا يا نونتي
نهلة باصه لعينه الزرقا اللي بتلمع ونظره الحب ملياها
سفيان باس خدها:حبيبتي كانت متعصبه ليه
نهلة حطت راسها على صدره بتسمع نبض قلبه:انا لحد دلوقتي مبفهمش غموضك
سفيان حضانها:اممم هقولك بقا يا ستي انتي ايه رأيك في اسماء
نهلة:ست البنات احنا اللي مربينها
سفيان:ايه رأيك في ادهم
نهلة ضحكت:مشفش تربيه
سفيان:طيب ابنك معجب بيها
نهلة:اومال متضايق ليه
سفيان:والله انا مش عارف بس اللي واثق فيه ابنك معجب بيها وعلشان كدا بيبعدها عنه علشان مترباش زي مقولتي علشان حياته الغلط

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء:مش عارفه..
مرتضى:يعني ايه مش عارفه يعني انتي بتفكري انتي بتحبيه يا اسماء
اسماء:هو طول عمره كويس معايا يمكن حس انه غلط؟
چوليا:اسماء معاها حق هي بتحبه ويمكن هو كمان بيحبها
داني كان قاعد بيلعب في التليفون
مرتضى:متحضرنا سيدتك يا زفت انت متتكلم فهم امك
داني:ادهم كويس جوزهاله بنتك بتحبه
مرتضى:ربنا ياخدك انا لو خلفت دكر بط كان نفعني اكتر منك والله
داني ضحك:لو بقاا لو
چوليا:يا مرتضى سيبك منه خليك معايا بس
مرتضى:منا معاكي
اسماء حضنته:يا بابي بقاا متضايقش
مرتضى اتنهد:امري لله بس بردو لازم اتكلم معاه انا اكتر واحد فاهم دماغه ولازم افهم بيفكر في ايه دا
اسماء:اعمل كل اللي يريحك يا بابي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد في الجامعه لمح ميرا قاعده تحت شجره بتزاكر ابتسم بخبث:الله دي الصدف حلوة اووي
راحلها
ميرا اتصدمت:انت....
اياد:اممم اه انا
ميرا عضت شفتها بغيظ:انت ازاي تقول عليا مجنونه وايه اللي جابك عندي
اياد:امممم شكلك زي حلاتي لوحدك فقولت اما اجي اسأل فيكي لو هضايقك همشي
ميرا:لا...
اياد بمكر:يعني اقعد
ميرا:احم...اقصد مبتضيقنيش بص انسى انا همشي
اختفت من قدامه وهو ابتسم على تصرفاتها المجنونه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة ارسلان:لا
سفيان:حبيبتي انا برفض بس انا عايز اشوفك استقريتي عمر لو حارب علشان انا هوافق وهو شكله نفسه طويل
نهلة ارسلان:لا انا مش هتجوز ومش هسيبك يا بابا
سفيان:مين قال هتسيبيني دا شرط انك متبعديش عني
نهلة ارسلان حضنته بدموع:مش عايزه يا بابا بالله عليك
سفيان:انا مش هغصب عليكي ومفيش جواز يا ستي بس انا قلبي بيوجعني عليكي لما اشوفك لوحدك مس قريبه من حد
نهلة ارسلان:منا قريبه منك
سفيان ابتسم وباس جبينها:يعني مفيش امل
نهلة ارسلان سكتت وشافت في عينه امل انها توافق تدي فرصه لحد وبأستسلام:ماشي يا بابا انا موافقه اديله فرصه...فرصة واحدة بس
سفيان:دا جالك من الباب يا نهلة فيستحق حتى لو مفيش نصيب انا هحترمه
نهلة:بس شرط انه يعرف الخطف وتفاصيله
سفيان بصلها وبإنفعال:نهلة انتي ليه مصممه تعذبي نفسك انتي كويسه والحمد لله اني جيت في الوقت المناسب الحمد لله انك ذكرتي اسم الحيوان دا
نهلة:بردو يعرف ولازم يعرف اني كنت بتعالج نفسيآ و...ولازم يعرف اني مينفعش ابعد عنك
سفيان هز راسه بإيجاب:بالفرصه اللي هتديهاله هيعرف كل حاجة شكلنا هنفرح عمك مرتضى
نهلة ضحكت:دا هيموت ويجوزنا من زمان

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

عدى ايام عمر اتقرب من نهلة وهي ادتله فرصه اياد مبطلش مناغشه ف ميرا مرتضى بيضايق ف ادهم بتجاهله وادهم لقى نفسه بيتحايل عليه يسرع في الجواز علشان يكسب حبه من تاني بالنسبه لنينا هي بتشيل عمر من دماغها وبتبصله على انه جوز اختها المستقبلي واسماء معاها وفي يوم فرح ادهم
سفيان:اممم انت مش قعدت تتحايل عليه واهو وافق
ادهم:مهو مفيش حل اصلآ
سفيان:طب يلا علشان تاخدها من الكوافير
ادهم اتنهد وراح مع سفيان ونهلة
عمر شاف نهلة ارسلان قدام القاعه بحجابها الهادي السماوي وكان نفس لون الفستان
داني:شياكه شياكه
نينا ابتسمت وكانت لابسه فستان انيق وحجاب وكانت حاطه ميك اب هادي
داني:انا مش مصدق ان اسماء هتتجوز والله
نينا:ولا انا والله ربنا يسعدهم
داني:مش عارف ليه بحس اني بكلم امي لما بتكلم معاكي او بحس اني كافر قدام تدينك اللي مش على حد غير طنط نهلة
نينا:وبابا بيحاول يرضي ربنا انت شايف كدا اكيد علشان عارف انك مأثر في حق ربك ودينك
داني بصلها اووي
نينا:انا عارفه وانت عارف الطريق اللي ماشي فيه انت وادهم اتمنى تراجع نفسك يمكن ترضى عليها
ادهم ماسك ايد اسماء وباصصلها اووي قد ايه هي جميله بالفستان الأبيض اللي حلاها اكتر مهي حلوة
اسماء:انت بتبصلي كدا ليه
ادهم:لا اصلك مزه اوي النهاردا
اسماء اتحرجت وبصت قدامها
مرتضى جه باس دماغ اسماء:مبروك يا سمسمتي
اسماء ابتسمت:الله يبارك فيك يا حبيبي
ادهم:على فكرآ انا كمان عريس
مرتضى حضنه:خلاص انت اتجوزت ولازم تستقر
ادهم همسله بضحك:هو الباشا استقر ولا ايه
مرتضى لف بص لچوليا وبص لادهم بغيظ
ادهم:طب يلا على بركه الله
نهلة عماله تمسح في دموعها
سفيان:مهو انا كسفيان اموت واعرف بتعيطي ليه يا نهلة
نهلة:ادهم هيتجوز خلاص
سفيان:مهو هيتجوز وهيعيش معانا في القصر كل التغيرات انه هيبقى ليه جناح خاص ايه اللي مأثر فيكي كدا نهلة عارفه اني بكره دموعك
نهلة:خلاص اهو
سفيان حاوط كتفها وهو قاعد جنبها وقرب همسلها:فاكره جوازنا
نهلة ضحكت:هو دا يوم يتنسي يا سفيان
سفيان ضحك:ااااه صح دا انا معقبتكيش على الغنا
نهلة ضحكت:لا والهي
سفيان:اه ابقي فكريني اعاقبك بقاا
اياد شاف ميرا قاعده لوحدها قرب قعد قدامها
ميرا بصتله بأستغراب
اياد:اومال فين عمر
ميرا:عمر راح يكلم نهلة
اياد:وساب الجميل دا لوحده
ميرا:اياد لو سمحت....
اياد:ايه هو انا قولت حاجة غلط
ميرا:انت كلامك دا غلط وانت بقيت تضايقني كتير على فكرآ
اياد:اممم طب بعد اذنك يا دكتورة ميرا
ميرا اضايقت من نفسها بس حست انها لازم تعمل حدود علشان معاكسته ليها زادت وهي في غنا انها تخلي حد يتكلم عليها
خلص الفرح كان في مشاعر كتير مشاعر نهلة اللي فرحانه بجواز ابنها وسفيان اللي شايف الفرحه على ادهم زي مكان متوقع ومرتضى اللي فرحان علشان جواز بنته وانه بيناسب صاحبه مبقوش صحاب وبس دول بقو نسايب
سفيان:مش هوصيك عليها خلي بالك منها
ادهم:اكيد يا بابا
نهلة ارسلان:يلا يا بطل شيل
اسماء:لا لا انا هطلع
ادهم شالها:دي تقاليد عيلتنا بقاا
اياد:هو مصدق اصلا
ادهم دخل جناحهم اللي انبهر بيه هو واسماء من تجهيزه اللي سفيان اختاره
اسماء:دا حلو اووي
ادهم:اااه
اسماء خدت بجامه ودخلت تغير
ادهم غير لبس بجامه مريحه وفرد جسمه على السرير
اسماء خرجت وهو ابتسم على شعرها اللي فردته واللي مدي لعنيها ضوء
ادهم:لا مزه بجد
اسماء قعدت على الكنبه بحرج
ادهم:انتي رايحه فين تعالي
اسماء بصتله بتوتر:ايه....ا....
ادهم جه وقعد قدامها وحاوط وشها:بصي يا قمر اسمعيني حلو
اسماء بصتله
ادهم قرب همسلها:هو انا قولتهالك قبل كدا بس شكلك غبيه اوووي
اسماء اتفاجأت من طريقته
ادهم:انتي الحلوة اللي هتبقي جوا البيت تحت امري بس يعني ملكيش دعوة بأي حاجه بعملها برا فاهمه
اسماء مش مستوعباه:ايه....ادهم!!
ادهم باس خدها:زي مسمعتي كدا
اسماء زأته:انت اتجوزتني علشان كدا علشان تذلني بالطريقه دي..
ادهم:تؤتؤ انا مبذلش حد انتي اللي هتبقي علشان انتي اللي عيزاني مش انا
اسماء وقفت:انا غلطانه اني وافقت انت مغرور يا ادهم
ادهم حاوطها:انتي بتعشقي المغرور دا
اسماء بصتله وافتكرت كلام چوليا لما كانت بتحكيلها قصت حبها هي ومرتضى وابتسمت
ادهم رفع حاجبه:شايفك فرحانه اووي؟
اسماء بعدت ايده:انا فعلآ هبقى فرحانه وانت اللي هتندم يا ادهم
ادهم ضحك:انتي واثقه يا حلوة من اللي بتقوليه؟
اسماء:اسمي اسماء وانت ملكش دعوة بيا
ادهم سحبها:انا مش ناقصك
اسماء زأته:ولا انا انت انسى انك تقربلي يا ادهم انسى
ادهم شدها وقرب يبوسها ضربته بالألم.......

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة في بوست خاص في الجروب علشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها في الغالب بيبقى في تعديلات وشروط وحاجه متعبه ليا فأتمنى الدعم منكوا 💙

رابط الجروب للي لسه منضمش ينضم ويضم ناس على قد ميقدر علشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
عمر ازاي هيكسب حب نهلة؟!ميرا واياد تفتكرو هيقربوا؟!ادهم واسماء ازاي هيتعاملو مع بعض وتفتكرو اسماء ممكن تعمل ايه؟!

#نووووودي