رواية من نسل فرعون (الأسيرة 2) للكاتبة/ندى محسن ♕Noody♕ الفصل الرابع عشر 14 - بقلم الكاتبة ندى محسن

♡من نسل فرعون♡ الأسيرة 2

الحلقة 14
للكاتبة/ندى محسن♕Noody♕

عمر باصص بصدمه والأبتسامه اترسمت على وشه وسفيان اتنفض واقف: نهلة...
نهلة ارسلان بتفتح وتغمض بسبب الضوء
چوليا بسرعه جريت راحت على الدكتور تناديه والدكتور نفسه اتصدم ومكنش مصدش

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مهاب دخل على نينا الأوضه وهي كانت حاطه السماعات بتسمع اناشيد دينيه ومغمضه ومهاب قفل الباب: سمرا بس عسل وربنا
قرب بحذر وهو مبتسم اووي وقعد على السرير وهنا حست بيه وفتحت وهنا اتنطرت بصدمه وهو باصصلها وبص للبجامه الورديه اللي محلياها ووقف قدامها
نينا بخفوت: انت مين وازاي دخلت هنا
مهاب بص لشعرها الكيرلي وهي حطت ايدها على شعرها بتدور على حاجه تداريه بيها وهو شدها
نينا بخوف وهي عارفه ان مفيش حد هنا وبتحاول تتعامل مع الموقف: انت مين وجيت هنا ازاي ابعد والا انا بابا جاي دلوقتي ف السكه وهيقتلك
مهاب ضحك: مبتعرفيش تكذبي ابوكي يا حلوة ف المستشفى عند اختك نهلة مع امك واخواتك
نينا اتصدمت انه عارف
مهاب:داني كان عنده حق يا نينا سمراا بس عسل وقمر كان المفروض انعم بالنعيم دا من زمان ازاي مشوفتكيش
نينا زأته وضربته بالألم بدموع
مهاب اتعصب وراح لوى دراعها وكتم بؤها وهي بتحاول تصوت بس صوتها مش طالع وهو همس بفحيح كالأفعى:انا مش هسيبك النهاردا مش هسيبك الا وانتي ملكي ومش بس كدا انتي هتوافقي تتجوزيني عشان تبقي معايا وانعم بالعز دا عاجبك يعني صاحب داني يتشرد وهو ممعهوش حق اللي بيشربو حتى
نينا مش مصدقه انه صاحبه وبتضربه لحد ما افتكرت لما كان سفيان بيعلم نهلة وهي كانت بتحاول تتدرب من وراهم وبتفشل فمكنتش عايزة نهلة تعرف وهنا هي هديت بين ايد مهاب اللي ابتسم  واسترخي
مهاب:مكنتش اتخيل انك هتعقلي بسرعه كدا
قاطعته نينا بعض ايده وهي دايسه على رجله جامد وهو صرخ غصب عنه وهي بتضرب كوعها ف بطنه كذا مرة بعنف
رانيا بصت بصدمه
داني جه يخرج بس رانيا سحبته
رانيا:داني في ايه
داني:هو مش اخوكي اللي صرخ دا
رانيا ف سرها:الغبي اللي اسمه مهاب دا بيخرب اي حاجه
داني بعدها وجري على الحمام بس لا دا الصوت جاي من فوق
نينا بعدت عنه بسرعه وبتمسح شفتها بعد مخلت ايده تنزف وخدت زهريه حدفته بيها فجت ف دماغه وهو بينزف ونخ على ركبته بألم
نينا بدموع:انت لو فكرت تقرب انا مستعده اموتك انا هموتك اخرج
هنا الباب اتفتح وداني بصدمه:مهاب مالك....انت ايه اللي جابك هنا
نينا بصت لداني بأستحقار مش عارفه تصدق بس داني يعرفه وداني جه هنا بيسال عليه
داني تقريبا اخيرا فهم من هيئه نينا اللي كانت منهاره وهو مصدوم
مهاب وقف وبص لنينا بغل:وربنا لخليكي تبكي دم على اللي عملتيه دا وبردو هتبقي بتاعتي
هنا داني هجم عليه بالضرب وخنقه وهو خابطه ف الحيطه وهمسله:لولا انك اخوها كنت قتلتك انزل خدها ومشوفت وشك وهي لو جت ف تفكيرك قسمآ بالله هموتك فاهم
زاه لبرا وقرب من نينا
نينا بصتله بعنف ودموع:اطلع برا مش عايزة اشوف وشك انا هقول لبابا انت باي حق تجيبه هنا انت كنت عايز ايه بالظبط ليه فكرت تأذيني بالطريقه دي انا عملتلك ايده يخليك تكرهني لدرجه تجيب صحبك هنا وتعرفه كل حاجه وتخليه يقربلي انت مستحيل تكون بني ادم انا بكرهك يا داني اطلع براا
داني خد طرحتها اللي كانت على الكنبه وحطها على شهرها بصمت
نينا زأته:انت متقربش مني اطلع برا اطلع براا البيت كله
هنا تيليفون داني رن وهو فتح وحط التيليفون على ودنه
اسماء:داني انت فين....
داني بخفوت:ف القصر
اسماء:انا ولدت....كلهم عند نهلة اتصلو بأدهم هي فاقت هات نينا وتعالوا عليا ادهم مشي تعالو خدوني
داني: انتي لسه والده ازااي
اسماء: ملكش دعوة بقاا دي نهلة نهلة مينفعش اسيبها اصلآ
داني:حاضر يا اسماء سلام
قفل وبص لنينا اللي بتبعد عنه بخوف وهو باصصلها
داني:لازم تفهمي اني مليش علاقه بيه
نينا:انت قليل الأدب انت اسوأ مما توقعت
داني:مش هرد عليكي البسي وانزلي هستناكي واحنا ماشيين هرد عليكي تمام!!
نينا:فاكرني همشي معاك عرفت انهم جايين عايز تاخدني برا البيت انت فاكر انك هتضحك عليا اطلع برااا انا مش غبيه
داني حاوطه وبيبصلها:اااه لا شكلك مش غبيه فعلآ مش غبيه ابدآ يا نينا انا اللي بعت مهاب فعلآ وانا اللي قولتله يقربلك تمام بس تفتكري ليه انا جيت كنت هكشف نفسي ليه قدامك
نينا بتحاول تبعده وهي بين ايده وهو ساند ايده على الحيط وبتعيط:ابعد عني ابعد انا غلطانه لما رجعت وثقت فيك
داني هيتجنن منها ومن تفكيرها وطلع فستان من دولابها وقرب لبسهولها فوق البجامه وهي بتضربه:انت مجنون
داني:خلي بالك انا لحد دلوقتي عاقل
لف طرحتها وسحبها معاه وخرج من البيت ركبها العربيه ومشي
نينا:انت رايح فين يا داني نزلني هصوت
داني:صوتي يا نينا
وقف ف مكان فاضي على النيل ونزل سحبها ونزلو سلالم بقو قدام النيل وهي اتفجات اووي من ردت فعله وبصتله بدموع:ايه دا
داني:هنلعب اللعبه خدي طوبه واسالي اي سؤال وهجاوبك عليه بصراحه وانا نفس الكلام دورك
نينا:دي سخافه وانا مش عايزه فأحسنلك تبعد عني حالا
داني خد الطوبه حطها ف ايدها:يلااا والا وقسما بربي واللهي العظيم مش هتتوقعي ردت فعلي مش بعيد هرميكي من هنا
نينا بصتله بضيق ورمت الطوبه بعنف:انت ليه عملت كدا ليه خليت صاحبك يجي ويقربلي ليه بتكرهني كدا وايه السبب
داني خد طوبه ورماها:دا مش صحبي دا اخو رانيا جه معاها طلب يروح الحمام وسابنا وانا اتفاجات بصراخه وجريت على الأوضه ووقتها شوفته واكيد لو انا جبته مكنتش هخليكي تشوفيني مش مستغني عن عمري ومكنتش ضربته وكنت هموته
نينا بصاله اووي بدموع
داني مدلها الطوب:دورك
نينا حدفتها:انت ليه بتجرحني دايمآ وبتكرهني
داني حدف طوبه:انا عمري مكان قصدي اجرحك ابدآ عمري يا نينا وانا مبكرهكيش انا بحبك جدآ
نينا بصتله اوي وعنيها بتلمع
داني حاوط وشها:انا بحبك بحب ملامحك بحب لونك البرونزي بموت ف ادبك وبعشق تدينك بحس انك نجمه كدا لا قمر انتي حقيقي قمر انتي من اول متولدتي وانتي هتفضلي دايمآ اختي اختي يا نينا
نينا فاقت من شرودها على كلمه اختي وبصتله:اختك.....
داني:ايوا اختي انا مش هسيب حقك وهخلي رانيا تعرف بالموضوع كمان والبني ادم دا مش هتشوفيه تاني ابدآ يا نينا رانيا عاقله وهتفهم وممكن تقول لمامتها كمان
نينا بعدت وشها بوجع
داني:نينا نهلة فاقت واسماء ولدت ولازم نروح وانسي اللي حصل النهاردا
نينا هزت راسها وهو خدها ومشي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

الكل حوالين نهلة وهي بصاله بعدم فهم وكانها بتتعرف عليه
عمر دموعه اندفعت غصب عنه بفرح وبقى يبوس ف دماغها وايدها
الدكتور بعدم تصديق:هي فاقت بس...هي قعدت كتير ف الغيبوبه وحالتها هتاخد وقت لو رجعت زي الأول
سفيان:لو!!
الدكتور:دا طبيبي حضرتك دي مساله وقت
اياد ماسك ف ايدها وحس بتوترها :انا اياد اخوكي يا قلب اخوكي انتي كنت هتجنن عليكي كنت حقيقي هتجنن
نهلة بصت لنهلة امها اللي عنيها مليانه دموع ولهفه فقربت باست جبينها:انا امك يا نن عيني انا امك
الكل اتكلم وكان بيعرفلها نفسه وبعدو لسفيان اللي قرب قعد جمبها على الكرسي وهي قاعده على السرير مبتتكلمش
سفيان مسك ايدها حطها على قلبه:انتي بقاا قلب ابوكي يا نهلة....قلبي انا يا جنتي
نهلة ارسلان ابتسمت وعايزة تتكلم بس سفيان قاطعها:لا متتكلميش انتي بس ترتاحي هاا ترتاحي وبس
نهلة ارسلان بصت لعمر اللي كانت الدموع ف عينه
عمر قرب بخفوت:انتي رخمه...
نهلة ارسلان بصتله اووي
عمر مسك ايدها وايده كانت بتترعش:انتي سيبتيني الوقت دا كله لوحدي عارفه سيبتيني اتعذب ليه قولتي هتبقي بخير بس ليه طولتي عليا كدا ليه الكل كان بيقول انك خلاص روحتي مني هاا ليه انتي مراتي وحبيبتي وحياتي اول حب واول شغف اول غرام يا غرامي
نهلة ارسلان باصه ف عينه وهزت راسها بنفي على دموعه
عمر مسح دموعه وقرب باس خدها
اسماء دخلت وداني شايل وعد بنتها ووراها نينا
اسماء ابتسمت وكان وشها مرهق
اظهم:انتي ايه اللي جابك
قربو على اسماء حضنوها وسفيان شال وعد وابتسم:يوم ولادتها هي اللي جبتلنا السعد سمتوها ايه
ادهم:وعد
سفيان:احلا وعد حبيبت....جدو!!...دا المفروض اني جدو!!
كلهم ضحكو
داني:ياااه كبرت اووي يا بوص
مرتضى دخل بلهفة:هو ايه اللي حصل مين دي ونهلة فاقت
قرب من نهلة ارسلان بلهفة وباس خدها:حمدلله على سلمتك يللي قطعتي قلبنا
نهلة ارسلان مبتسمه
مرتضى بأستغراب:مين الكتكوته دي يا خلاثي بنت مين دي
الكل بص لبعضه وضحك
مرتضى ضحك:انتو بتضحكو على ايه
سفيان مدله وعد:حفيدتك يكش تفهم انك بقيت جد
چوليا كانت بتعيط بصمت وابتسامه وقربت شالت وعد اللي مرتضى مخدهاش من دهشته وقعدت تبوس فيها بلطف
سفيان همس لمرتضى:صلح الدنيا احسن متندم بعدين يا مرتضى وتكتشف انك ضيعت عمرك
مرتضى بنفس الهمس بتاع سفيان:في حجات لما بتتكسر مبتتصلحش
سفيان بضحك:ارمي الحاجه وهات غيرها يا عم احنا مالنا مراتك بتحبك ومدقتش يوم سعيد من يوم مبعدت دي جوليا يا مرتضى چوليا حبيبتك
مرتضى بصله وسكت
ادهم قعد اسماء وكانو فرحانين اووي ونينا قربت بلهفه على نهلة وباستها
نهلة:دي اختك يا حبيبتي
نهلة ارسلان ابتسمت
مرتضى قرب من چوليا وهي فهمت انه عايز وعد فمدتهاله وخدها وجت تمشي سحبها ف حضنه:وحشتيني.....
چوليا بصتله
مرتضى باس خدها:وحشتيني يا حبيبتي يا قلبي يا حياتي يا مراتي
چوليا الدموع لمعت ف عنيها
مرتضى باس عينها:حقك عليا انا كنت وحش بس والله انا ناوي هبدا حياتي من تاني انا من يوم مسيبتك انا متكلمتش مع اي واحده ولا عملت اي حد غلط لا شربت ولا سهرت خلااص يا چوليا المره دي توبه بجد
چوليا بدموع:جرحتني كتير بس وحشتني وافتقدتك اكتر...
مرتضى ادى وعد لسفيان وحضن چوليا وهو شايلها والكل بيسقف ويصفر ونهلة ارسلان مش فاهمه حاجه
سفيان:بس بس احنا ف مستشفى
داني:حيث كدا بقاا نطلب اكل وبعدين انا فرحي قرب فياست نهلة لازم تقومي بقاا عشان ميبقاش زي خطوبتي
اياد:كانت نكديه عشان اختيارك مش عشان نهلة
داني بصله بضيق
اياد تجاهل دا:يا ريت تفتح بقاا  يا ريييييت
الكل قاعد ومبسوط

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

رانيا بتكسر اي حاجه قدامها:ازاي بنت قدرت عليك
مهاب:انا مبقتش محتاج فلوسك بعد اللي عملته فيا دا مش هسيبها يا رانيا
رانيا:انا مش ممكن اخليها تاخد داني مني
عدى يومين ونهلة ارسلان بقى ممكن تطلع من المستشفى وراحو على قصر ارسلان بعد تصميم سفيان وعدم رضا عمر بس مقدرش يرفض طلب سفيان هو عارف انها وحشاه وانه كان هيتجنن عليها
رانيا قربت حضانتها:يا حبيبتي حمدلله على سلامتك يا نونو كنتي هتموتينا من القلق عليكي ينفع كدا
نهلة ابتسمت بتحفظ وهي مش مرتحالها
داني:دي بقاا خطيبتي يا نهلة رانيا وقريب هتبقى مراتي
نينا بصتله وطلعت على فوق واياد لاحظ دا وراح وراها
اياد:نينا
نينا لفت:نعم حبيبي عايز حاجة
اياد:كنت عايز اتكلم معاكي وبصراحه....
نينا:اكيد
اياد:تعالي نقعد
قعدو وهو قعدها على السرير وجاب كرسي قعد قدامها:انا اخوكي الكبير وعارفه انا بحبك ازاي يعني انا اللي مربيكي
نينا:عمرك مكنت محتاج لمقدمات عشان تتكلم يا اياد
اياد:ايه مشاعرك تجاه داني يا  نينا
نينا بصتله اووي بتفاجا
اياد:بصراحه ومتخافيش ولا تقلقي انا حاسس من ساعه مداني خطب وانتي ف عالم تاني
نينا:بصراحه...والله معرف بس رانيا مش مناسبه ليه هو يستاهل الأحسن
اياد:حد زيك مثلآ
نينا بصتله وسكتت وهي بتفتكر الأوقات اللي قضتها مع داني ولعبتهم اللي ممكن البعض يشوفها سخافه بس كل لحظه بتبقى معاه بتبقى مميزه
اياد حاوط كتفها:حبيبتي داني مينفعكيش لو كان عندك اي مشاعر تجاهه الأحسن انك تتجاهليها وتسيطري عليها عشان حقيقي هتوصلي لطريق هتندمي عليه وصعب جدا تخلي قلبك يتعلق بيه وهو ف عالم تاني الحب من طرف واحد بيوجع اووي يا نينا بجد بيوجع
نينا كانت ساكنه وهزت راسها
اياد باس جبينها:عارف انك عاقله وهتتخطي المرحله دي بس لازم تبقي قويه اكتر
نينا هزت راسها بإيجاب واول مخرج راحت معيطه وهو واقف ورا الباب وسامعها بس محبش يتدخل عايزها تبقى قويه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ساميه راحت لسفيان اللي كان بيتكلم ف التيليفون واتأكدت ان مفيش حد شايفهم وراحت حضنته من ضهره وهو لف وبصلها اووي وهي تاهت ف عينه الزرقا وخصله الشعر اللي نزلت على جبينه
ساميه رفعت شعره:طول عمرك جذاب وزي القمر يا سفيان حتى لو بقيت جد
سفيان مسك ايدها:انتي بتعملي ايه!!!
ساميه سحبت ايدها وقربت منه:عايزة اقرب منك يا سفيان من زمان كنت حلم بعديين اووي عليا حبي وحياتي اتجوزت بس مكملتش مع اللي اتجوزته عشان بقارنه دايما بيك مش زيك مش ف جمالك ولا لياقتك ولا لباقتك انت حاجه بجد مفيش زيها
سفيان بعدها:انا متجوز وبحب مراتي واظن انك عارف وانتي عندك بنت يا ريت تهتمي بيها
ساميه:بنت بنت بنت انا مكنتش عيزاها اصلآ
سفيان بصلها بأستحقار:مستحيل تكوني ام
ساميه حطت ايدها حوالين رقبته:مش عايزة اكون غير حبيبتك مش طالبه تتجوزني حتى
سفيان بعدها وزأها بس المره دي بعنف وهو مش عايز يلمسها وبيمسح حوالين رقبته مكان محطت ايدها بقرف وهي بصتله اووي بغيظ
سفيان:انا مش طيقك وبقرف من اللي زيك فعلآ وانا عندي ملاك
ساميه بسخريه:والملاك دي بقاا بعيده عنك ليه على حسب علمي هي حتى مبقتش تتكلم معاك
سفيان بسخريه:مش هتفاجأ عرفتي نين ولا ازاي بس بنتك مسئله فترة كابوس ويوم ميفوق منه داني بأيدي انا هطردها واظن انك عارفة وقتها استحاله تقدرو تعيشو هنا فهتهاجرو والا...اااه بتخليني الجأ لطرق مش حاببها
ابتسم بسخريه ودخل وهي هتتجنن منه ومن بروده معاها:وربنا لهحرق قلبك وهتيجي تترجاني عشان اقبلك اصلآ بس...بس هعمل ايه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم نيم اسماء ف السرير
اسماء ابتسمت وهي ماسمه ايد وعد اللي نايمه جمبها
ادهم نام جمب اسماء وحضانها وهي خدته ف حضنها: مش من دلوقتي هتهمليني بقاا زيي زيها
اسماء ضحكت:منت ف حضني اهو
ادهم: عايز افضل ف حضنك دايمآ يا سمسمتي
اسماء غمضت عينها وهي دافنه وشها ف شعره
ادهم: بحبك يا اسماء انا مش متخيل حياتي من غيرك بجد ازااي كنت هسمح تضيعي مني ازاي كنت هطلقك ولا يوم متخطفتي مني لما كنت هتجنن عليكي وانا بدعي تكوني بخير حبيبتي بجد انا مش متخيل تبعدي عني
اسماء: عمري مهبعد عنك يا ادم انت كنت حلمي ودلوقتي حلمي اني افضل معاك
ادهم ابتسم ووعد عيطت فبعدت اسماء وشالتها وادهم ضحك بغيظ: ابتديييناااااا

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

رانيا عماله تدلع على داني وماسكه ف ايده وهو محروج وهي مش عامله اعتبار للي قاعدين وساميه بتتوعد لشفيان بس بردو مش عارفه تعمل ايه
داني همس لرانيا: خفي احنا مش لوحدنا اهدي يا رانيا
رانيا: وانا بعمل ايه يعني قاعده مع خطيبي وبتدلع عليه مش هيبقى جوزي ولا انا غلطانه
داني: حبيبتي منظرنا وحش اووي قدامهم وبعدين بابا وعمي سفيان قاعد
رانيا: يوووه عليك بقاا يا داني
مرتضى همس لچوليا: مش يلا على بيتنا بقاا وحشتيني
چوليا ابتسمت وهو ماسك ف ايدها وقرب ايدها من شفايفه وباسها: انا بجد مكنتش عايش الفترة اللي فاتت

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ساميه:انا همشي بقاا يلا يا رنيا
بصت لأياد:حبيبي ممكن تيجي توصلني عشان مجتص بعربيتي
سفيان بسخريه:الحارس هيوصلك هو مش خدام سياتك
ساميه بصتله بغضب وكلهم بصوله
اياد:ا...بابا ميقصدش....مفيش مشكله حضرتك اتفضلي
مشيو
چوليا:سفيان ليه تحرجتها اووي كدا
سفيان:سيبك
نهلة كانت بتكتم ضحكتها وسفيان لاحظ وابتسم وقرر يتكلم معاها
اياد وصل ساميه وجه ماشي ساميه اصرت انه يطلع يشرب حاجه وهو مش طايقها ورانيا بصت لساميه بأستغراب
رانيا:خلاص يا ماما سيبيه براحته
سامره مسكت ايده:لا هيطلع معانا مش هقبل عذر يلاا بقاا تعالى
طلعته ورانيا بصتله بضيق ودخلت اوضتها هي عارفه انه مبيطقهاش وهي بتبادلو الشعور
ساميه بأبتسامه:تصدق انك نسخه من سفيان
اياد:اه كلهم بيقولو اني شبهه اووي
ساميه حاوطت رقبته:فعلآ حتى ف جسمه بس انت لسه شاب لسه صغير بتفهم الحياه
اياد بص لأيادها وبعدها بجمود هي فاكره انها ممكن تأثر عليه
ساميه:مالك يا اياد
اياد:بعد اذن حضرتك انا ماشي
سامية شدته وراحت بيساه وهو اتصدم بس زأها بعنف خلاها اتخبطت ف الحيطه وراسها بتنزف
اياد شد على رقبتها وهو قريب منها وعيونه احمرت من الغضب:عامل احترام لداني اللي متغش فيكو بس انتي تفكري تعملي حركه من حركاتك دي زي منتي قولتي انا نسخه من سفيان عارف انه رفضك فتفكري تلعبي بيا فاكره ايه هاا انتي غلطانه انا ابدا مش صغير ومش واحده زيك تأثر عليا
بعد عنها بسخريه:مع السلامه يا...يا طنط
سابها ونزل ورانيا كانت راده الباب وفرحت اووي على اللي عمله دا
وقفلت الباب بهدوأ وهي بتكتم ضحكها:احسن...
اياد نزل مش طايق نفسه راح على البيت مكنش في غير سفيان اللي مستنيه وهو فاهم دماغ ساميه
اياد:بابا حضرتك لسه قاعد!
سفيان:اه يا اياد....رفضتها!
اياد بصله اووي بمعني ازاي عرف اللي حصل
سفيان ابتسم:انا ابوك يا اياد وزكي مش سهل ابدا والواضح فعلآ انك مني من نسل فرعون
اياد ابتسم:انت راجل عظيم بتمنى اكون زيك الا في حاجه واحده
سفيان:اللي هي
اياد:الدم!..مش عايز دم ف حياتي مش عايز عداوه مش عايز اجرح انا عايز اداوي ودا كان سبب اختياري مجالي
سفيان ابتسم:وانا مش عايز ف حياتك دم يا اياد بفكر امتى تبقى متجوز ومالي البيت عليا عيال
اياد ضحك:مش كفايه ادهم بس بقى عاقل والله بسم الله ما شاء الله ربنا يهديه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ياسر:تالت عريس الأسبوع دا ترفضيه اديني سبب مقنع ليه مقفله على نفسك حتى الجمعه مبقتيش تروحيها منا مش هفضل ساكت
هدى:ياسر حبيبي سيبني اتكلم معاها انا ممكن
ياسر خرج
ميرا:مش فاهمه ليه عيزيني اتجوز انا مش عايزه
هدى:انا امك واكتر حد ادرى بيكي يا ميرا انتي على امل ان اياد يطلبك!
ميرا بصتلها
هدى:اياد معملش اي خطوه تدل على كدا عشان تستنيه يا ميرا متعلقيش نفسك وخلاص اياد يا ميرا ملمحش حتى
ميرا:كان هيتجنن لما عرف ان في عريس جيلي كان باين انه مهتم اووي يا ماما كان ظاهر عليه دا ولما اتخطفت كان عايزني افضل في الأوضه لحد محد يجي وهو يطلعلهم كان خايف اووي عليا ولما ضربوه وكل همه يخبيني ورا ضهره حسيت سعتها اني مش خايفه من اي حاجه انا بس خايفه عليه ازاااي حبيته معرفش بس كل اللي انا واثقة فيه اني بحبه فعلآ......
هدى اتنهدت:حبيبتي انتي لازم تفكري اياد ملمحلكيش اللي عمله طبيعي عشان يعتبر انتي معاه وابوهم مربيهم انهم يبقو رجاله ودا امر طبيعي مكنش هيسيبك ويجري مثلآ ولا هيفضل مستخبي هو وراكي
ميرا اقتنعت بكلام هدى
هدى:ابوكي مرتاح جدا للراجل عنده تلاتين سنه ومهندس وكمان بيشتغل عند عمك ف الشركه وكويس عمك سفيان لما عرف شكر فيه مش هتخسري حاجه يا ميرا شوفيه واقعدي معاه واتعرفو ارتاحتي يا بنتي كان بها مرتحتيش احنا مش هنغصبك على حاجه
هدى خرجت وميرا غمضت عنيها بحزن:يا ترى فعلآ وهم اللي حساه دا وهم....

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

عمر بيأكل نهلة
نهلة بصوت ضعيف:تعبت!
عمر بصلها اووي اكتشف ان صوتها وحشه فعلآ ساب الطبق وقرب خدها ف حضنه وباس جيبنها:ابدآ يا قلبي متتخيليش صوتك كان وحشني قد ايه يا حبيبتي
نهلة ارسلان ابتسمت:بتحبني كدا
عمر:نهلة انا بمووووت فيكي بعشقك يا حبيبتي
نهلة ابتسمت وغمضت عينها
عمر:من هنا ورايح عايزك بس تؤمري واياكي تسألي تعبت دي انا عمري متعب من اهتمامي بيكي يا نهلة

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة:نعم يا سفيان عايزة اروح انام
سفيان:متنامي ولا دي مبقتش اوشتك انا سايبك براحتك يا نهلة وانك بعدتي عن حضني ومحبتش اضغط عليكي بس لحد امتى لو انتي صدقتيني وشاكر دا خلص من حياتنا ايه بقاا
نهلة بصتله وسكتت
سفيان:نهلة بكلمك ردي
نهلة بعصبيه:ارد اقولك ايه ارد اقول ايه وانت سايبني كل الوقت دا لوحدي
سفيان:انتي اللي اختارتي ومحبتش اضغطك
نهلة:ااه فعلآ صح انت مصدقت تبعد يا سفيان انت خلااص مبقتش تحبني انا خلاص تعبت انا كنت مضايقه من اللي حصل ومش ناسيه ان في واحده حتى لو ملمستهاش هي قربت منك وانت سبتها ومهمكش حد غير مرتضى انا اخر حساباتك خلاص مبقتش تفكر دا هيتعبني ولا هيجرحني ولا ممكن يكسرني لا لا مبقاش يهمك كل همك انك فرعون انت لازم اللي تطلبه يكون عندك عارف بقيت حاسه اني عندك مش اكتر من جاريه اسيرة ليك يا سفيان....
سفيان بصلها والدهشة على وشه بس ساكت عايزها تخرج اللي جواها لحد ما الباب خبط.....

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
نهلة ارسلان هتتحسن؟! داني هيتجوز نهلة خلاص؟! ميرا هتوافق على العريس؟! نهلة وسفيان وچوليا ومرتضى علاقتهم هترجع زي الأول؟!