رواية من نسل فرعون (الأسيرة 2) للكاتبة/ندى محسن ♕Noody♕ الفصل الثالث عشر 13 - بقلم الكاتبة ندى محسن

♡من نسل فرعون♡ الأسيرة2

الحلقة 13
للكاتبة/ندى محسن♕Noody♕

اياد صامت مش لاقي رد مش عارف هو يمكن مصدوم بس كله بيقول كلام مختلف حس ان ابوه صادق فعلآ وامه بتحكيله دي مش واحدة مجبوره دي واحده بتحب.....
سمعو ضرب نار تحت وصهيب بسرعه نزل وسفيان نزل وقال لعمر واياد ينتبهو على نهلة وچوليا ونهلة بنته
اياد: هاجي معاك
سفيان بصله بصه هو مفهمهاش: لا
نزل وهو متضايق من اياد حس انه معندوش اي ثقه فيه.....

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

عاصم موجه السلاح على شاكر والدموع ف عينه
شاكر بصدمه:انت هتعمل ايه
عاصم بدموع:هقتلك
شاكر بعصبيه:انت اتجننت
عاصم:انا عقلت يا شاكر مش هسيبك لسفيان يعذبك لسنين هقتلك عشان اريحك
شاكر:انت شكلك خرفت
عاصم بدموع:انت ازاي بالقسوة دي ازاي وصلت للحاله اللي انت فيها دي
شاكر:هو دا انا ودي حياتي وعمري اللي ضاع ف السجن بين المجرمين
عاصم:عشان انت مجرم
شاكر:انا عايز حبيبتي عايز نهلة اللي انا ربيتها اللي حبيتها
سفيان وجه السلاح عليه:نهلة لا كانت ليك ولا عمرها هتكون ليك
شاكر:انت بتكذب على نفسك نهلة بتاعتي من اول يوم ليها لأخر يوم ليها هي بتاعتي
نهلة كانت واقفه مع اياد في البلكونه شيفاهم ومتابعه بصمت
شاكر:احب اقولكو لو هي مش ليا مش هتبقى لغيري ولو ليك يا سفيان
وبحركه سريعه كان موجه المسدس عليها وضرب  واياد خدها ف حضنه ونهلة صوتت
سفيان بص بصدمه لفوق وشاكر هيوجه السلاح عليه بس عاصم كان اسرع منه وضربه ف قلبه
شاكر حط ايده على قلبه وبص لعاصم بصدمه وهو بيقع ف الأرض
عاصم غمض عينه بقهر ودموع ووقع على الأرض قدامه تحت صدمه الكل وعاصم مسك وش شاكر بأنهيار:انا اسف.....مكنش في حل.....انا اسف......
شاكر بصله :طول...عم.ر..ك...انت....حاطتني...اخ..ر....حسباتك
عاصم منهار وهو واخده ف حضنه
عمر نزل اياد اللي بينزف
سفيان جري عليه:ايه دا
اياد:ف دراعي متقلقش
نهلة كانت حاضنه اياد ومنهاره وهو بيكتم المه
سفيان بص لعاصم:صهيب....خلي بالك منه....وحضرله لدفن ابنه دا من حقه.....
خد اياد على المستشفى وعمر طلعه لنهلة واياد بيعتذر لسفيان بس سفيان ساكت مبيتكلمش

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم حاضن نينا وبيزغزها
نينا بتضحك:بردو مش هسامحك يا ادهم سيبني بقاا
داني خبط
ادهم:مين
داني:انا
ادهم:دا ايه اللي جايبه ف اوضتك دا
نينا بصتله
ادهم:خلاص يا ستي معلش
فتح:نعمم!
داني:نعم انت في كل حته هو في ايه انا ماشي كنت جاي اعتذرلها بس انا راجع البيت
ادهم:انت اتجننت ولا ايه يا داني
داني:انا كويس وشكرا لأهتمامك بس يا ريت تبطل غباء وملكش دعوة بيها
ادهم سحبه لأوضته:يعني ايه هتمشي انا مش فاهم انت اتجننت يا داني ولا ايه
داني:انا بردو اللي اتجننت كفايه بقاا يا ادهم انت زودتها
ادهم:حط نفسك مكاني وشوف ردت فعلك يا داني
داني:نينا اختي اختي اختي افهم بقاا
ادهم:طب بطل الهبل دا مفيش مرواح
شاكر مات وعاصم سافر الصعيد وحالته وحشه جدا بيتمنى لو يرجع بيه الزمن ويربيه على الحب والموده سفيان في حاجز بينه وبين نهلة ومش فاهمه ونهلة بعيده عنه بيرجع من الشغل بتبقى نايمه  ومبقوش يتكلمو اياد حبه لأبوه وثقته فيه زادو وداني خلاص هيخطب رانيا وچوليا صممت تروح البيت بس مرتضى مكنش هناك وبقت تطلع هدومه تحضنها وتعيط هو وحشها جدا لدرجه بتعجز عن وصفها وعرفت من سفيان انه رجع الشركه وبيشتغل بجد بس بردو مجلهاش لحد يوم عمليه نهلة ارسلان
عمر قاعد قدامها على السرير ف المستشفى:كلهم هيجو
نهلة:مين!!
عمر:اياد وادهم والكل
نهلة:اياد؟وادهم؟مين دول
عمر باس ايدها:دول اخواتك بيحبوكي اووي وانتي لازم تقومي بالسلامه صح ولا ايه
نهلة:هو ممكن اموت؟
عمر بصلها:لا لا مش هتموتي انتي هتفضلي معايا
نهلة:الممرضه كانت بتتكلم مع جوزها وبتهزر معاه انا مش فاكره يعني انا اتجوزتك ليه بس  ...يعني هو انت اتجوزت مش بتتحرك ليه
عمر:نهلة انا بعشقك وبعدين انتي بعد العمليه دي هتتحركي هترجعي تمشي تاني انتي كنتي بتتحركي بتمشي وتجري وشقيه وهترجعي كدا ها
نهلة:هو انا مبقتش فاكره حاجه غيرك بس انا بحبك اووي
عمر بصلها وابتسم والدموع ف عينه حس احساس غريب اول مره تعترف بحبها ليه يبقو ف الوضع دا
سفيان دخل مع نهلة مراته وحضن نهلة بنته وهي بصت لعمر
عمر: باباكي
نهلة ارسلان رمت نفسها في حضنه
سفيان: هتبقي بخير هتبقي كويسه يا قلب بابا
نهلة ارسلان: اه
نهلة قربت باستها وحضنتها: حبيبتي... هنكون هنا بعد العمليه
نهلة ارسلان بصت لعمر بصه مفهمهاش وابتسمت
عمر قرب مسك ايدها  وطبع عليها بوسه طووويله بتنهيده خوف
سفيان خد نهلة وخرجو بيحارب شعوره شعور الخوف على بنته بيقنع نفسه انها هتبقى بخير
الدكتور دخل:لازم تتنقل دلوقتى خلاص
عمر:دلوقتى.....
الدكتور:الأحسن منتأخرش
عمر هز راسه بإيجاب والدكتور خرج
نهلة ارسلان مسكت ايده:متمشيش...انا خايفه...مش عايزة لا
عمر حضانها:لازم عشان تتحركي وعشان تفتكري عشان ترجعي زي مكنتي
نهلة بخوف ودموع:طب لو مت العمليه ف دماغي صح
عمر باس ماغها وحضانها جامد:هتبقي بخير هنا احسن دكاترة هيعملولك العمليه كتير عملوها ونجحت
نهلة ارسلان هزت راسها بإيجاب:عارف انا نفسي ف ايه
عمر:ايه يا حياتي
نهلة:ارجع واكون فكراك ونتجوز من تاني لو كنت ناسيه جوازنا وتفضل تحبني مهما يحصل مش هتتخلى عني....يعني دايمآ اكون في بالك مش هتتجوز غيري ونجيب ولد وبنوته شبهك اوووي كدا وحلوين بزياده زيك وعنيهم عسلي زيك بردو
عمر بدموع باس ايدها وخدها وابتسم:كل دا هيحصل وهنسافر انا وانتي كمان نقضي شهر العسل
نهلة ارسلان ابتسمت:هنروح امريكا ولا باريس ولا تركيا ولا روسيا ولا النمسا
عمر:كلهم هنفضل نسافر لحد متزهقي بس تبقي بخير.
نهلة ابتسمت
الممرضه دخلت ادتها المخدر وهي بدأت تغيب عن الوعي وابتسمت لعمر اللي قلبه رافض يسيبها لحد مدخلت العمليات قلبه واجعه اووي عايز يدخلها معقوله كل كلامها ليه كانت بتودعو معقول!!!
اياد واقف مخبي وشه بيفتكر كام مره اتسببلها ف الم ولا لما اتخطفت منه هي اخته وتوأمه وصديقه ليه
اسماء بتواسي ادهم اللي ثابت ومبتسملها بس عارفه ان جواه نار
ياسر وهدى مع عمر وميرا باصه لأياد اللي بعيد عنهم  عايزه تروحله ومتردده تروح ولا لا فضلت واقفه فات ساعه والكل واقف مش فاهمين سبب التأخير هيتجننو وعمر قلبه بينبض بعنف جامد
الممرضه خرجت بسرعه بتجري وحاله هرج حصلت ودا خلى الكل على اعصابه
سفيان بخفوت:في حاجه غلط بس ممكن يكون مش عندها لا....
اياد شد الممرضه وخلاص فقد كل ذره صبر فيه:في ايه بيحصل عايز افهم ايه اللي بيحصل ايه التأخير دا وفيها ايه
الممرضه:لو سمحت هي عندها نزيف حصل نزيف ولازم بسرعه اودي الدم والا النتيجه هتبقى وحشه
دخلت بسرعه وعمر رجله مشلتهوش ونخ على ركبته
ياسر:هي ان شاءالله هتبقى بخير خليك صبور يا عمر وارضى مهما كانت النتيجه
عمر:ونعم..بالله....
ميرا قربت من اياد اللي رايح جاي مش عارف يعمل ايه مش قادر يتخيل يحصلها جاجه متخيلش انه بيحبها اووي كدا
ميرا:اياد متقلقش ان شاءالله هتبقى بخير
اسماء:حبيبي تعالى نصلي وندعيلها تعالو كلنا نصلي
كلهم مشيو على اوضه يصلو فيها وسابو عمر اللي كأنه مغيب بيدعي جواه بيصرخ من جواه بينهار بيفتكر كلامها نظره عنيها ليه كأنها كانت بتودعه!!!

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مرتضى:مين دي اللي ف العمليات
صهيب:ايوا سفيان مجاش النهاردا الشركه عشان نهلة بنته ف العمليات ايه يا مرتضى انت مش عارف
مرتضى:لا مش عارف وف العمليات ليه
صهيب:يبني دي عندها ورم ف الدماغ وحالتها بتسوأ ف اخر فتره مبقتش تتحرك ونسيت كل حاجة ربنا يقومها بالسلامه يا رب..
مرتضى ضرب المكتب بأيده بعنف ووقف:ازااي متقوليش طب هو واكيد دماغه مش فيه انت ايه بقااا انا همشي هروحله مستشفى ايه بس
صهيب:اللي تبعه انت عارف سفيان
مرتضى خد مفاتيح العربيه وبسرعه جري على المستشفى

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

عمر نفسه بيضيق وبيعرق قلبه نبضه بيزيد:اتأخرو اووي....ليه هو ايه اللي بيحصل جوا
الدكتور اخيرآ خرج والكل جري عليه واولهم عمر
عمر بعصبيه:كل داا كل داا ليه هي عامله ايه
الدكتور بص لتحت وبص لسفيان اللي بيحاول يتمالك اعصابه
اياد بزعيق:متنطق
الدكتور:انا اسف بس حصلها نزيف هي نزفت كتيير جدآ ووقفناه بصعوبه كبيره حاولنا نعوض الدم بس للأسف هي دخلت ف غيبوبه....الأمل انها تفوق منها ضعيف جدا.....خصوصا انها دخلت ف غيبوبه قبل كدا
سفيان واعصابه بتنهار:ايه انت قولت ايه....بيقول ايه دا انت مش عارف هي تبقى مين دي بنتي انا بنت سفيان ارسلان هاا دي بنتي انا يعني تعمل المستحيل انت جاي هنا بس عشانها عشان تعالجها
الدكتور بأسف:انا اسف جدا لحضرتك انا عملت اللي اقدر عليه فعلآ وزياده مفقدتش الأمل الأختيار ليكو...نفصل عنها الأجهزه بدل مهتعيش ف عذاب بين الحياة والموت
عمر:يعني ايه تفصلو عنها الأجهزه هاا يعني ايه انت بتقول ايه تفصلو عنها الأجهزه يعني تمنعو عنها الأكسچين وتسيبوها تمو...
مكملش وغمض عينه بوجع:لا لا مستحيل هي هتبقى بخير هو اختبار من ربنا يمكن صعب بس بس انا مش هيأس ربنا قادر انها تكون بخير لأخر ثانيه هفضل متمسك بيها
سفيان ساكت بتوهان حاله صمت سيطرت على الكل اللي دموعه نازله واللي ثابت صامد من الصدمه اتنقلت نهلة للعنايه والكل برا باصينلها
نهلة انهارت ف حضن چوليا:بنتي بتروح مني يا چوليا انا لسه مشبعتش منها انا كنت مهتميه بحجات تانيه لحد مهي اتجوزت ودلوقتي هي بتروح مني يا جوليا
عمر سابهم ومشي ياسر حاول يمنعه بس سابه حس انه محتاج فعلآ لدا
مرتضى دخل بعد معرف رقم اوضتها وحالتها وبيدور لحد ملمحهم كلهم واول حد عينه جت عليه كان صاحبه اللي مثبت ايده على الأزاز وبيبص على بنته اللي تحت الأجهزة متخيلش ابدا انه يتعرض للموقف دا من تاني معاها والمرة دي اصعب المره دي خلاص امل انها تفوق ضعيف لدرجه انهم عايزين يفصلو عنها الأجهزه عليها
مرتضى قرب حط ايده على كتفه وسفيان بصله بملامح مرهقه كان ثابت عشان ولاده اللي بيراقبو افعاله عايز يحسسهم انها فعلآ هتبقى كويسه حس انه لو انهار هو كلهم هينهارو وانه سبب قوتهم
كلهم باصين لسفيان ولمرتضى اللي فهم سفيان وف ثواني الدموع كانت لمعت في عينه
مرتضى بدون كلام سحب سفيان لسطح المستشفى وسفيان مشي معاه حس عايز يبهد عنهم وعن نهلة بالذات اللي مش عايز حالتها تسوأ اكتر
مرتضى وقف جمبه وسفيان ساند على الصور بتاع السطح:سفيان....
سفيان مبصلوش وبخفوت:هي دي النهاية....دايمآ بسأل ربنا سامحني على الحجات اللي عملتها ولا لا....دايمآ مشغول بالي بس هي دي هتبقى النهاية هتبقى دي عقابي تدفع تمن اخطائي وهي قلبي وروحي وبنتي وامي....دي اللي اهتميت فعلآ اخليها نسخه مني وهي كانت حابه كدا بتستعمل دايمآ البرفيم بتاعي وبتحب شغلي وطلعت مهندسه واشتغلت معايا بتحس بيا زي نهلة بتحب ضرب النار زيي وكانت مهتمه بالملاكمه الوحيده اللي بقت تلعب ف صاله الرياضه بتاعتي بعد نهلة هي كانت واخده كل حاجه مني وفرحتي خدت كل حاجه فيا بس ليه ليه تبقى هي عقابي انها تخسر كل حاجه قوتها وشغلها وحتى ذكرياتها معايا انها متبقاش فكراني وانا استحملت كفايه اوووي عليا انها معايت بخير بس فجأه تبقى حياتها معرضه للخطر ونسبه انها تفوق ضعيفه.....بيقولو يفصلو عنها الأجهزة
مرتضى مسك ايده وشد عليها:لا مش هتبقى النهاية في امل بدل مقلبها لسه بينبض يبقى في امل يا سفيان ربنا غفور رحيم وانت اتغيرت فعلا سفيان انت لازم يبقى عندك امل لأخر نفس فاهم...
سفيان اترمى ف حضنه وانهار ف العياط كان اول مرتضى يشوفه بيعيط كدا بالقهر والألم دا ومرتضى دموعه نازله على حاله صاحبه كان مثال حي للصداقه الحقيقيه
صهيب من وراهم:ملكوش تالت انتو
مرتضى ابتسم ومسح دموعه:لا ازاي
صهيب حضن سفيان ووقفو التلاته سوا بصمت وكل واحد فيهم دماغه ف ناحيه تانيه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء ابتدت تتعب هي واقفه من الصبح مكلتش ولا شربت وادهم مخدش باله كل تفكيره كان مع نهلة اخته اللي هيموت من القلق عليها
اسماء كانت هتقع داني مسكها:اسمااء مالك في ايه
اسماء وكان باين على وشها الأرهاق:مفيش انا كويسه
ادهم راح قدامها بلهفه:حبيبتي مالك في ايه
اسماء:مفيش حاجة يا ادهم والله انا بخير دخت بس
سفيان:ادهم خد مراتك واخواتك وامك روحو ارتاحو مش صح تبقو هنا ملوش لازمه
ادهم:وانت
سفيان:مش هينفع....مش هقدر اسمع الكلام وتعالو بكرا لو عايزين
نهلة كانت ساكته تمامآ
ادهم:ماما تعالي
نهلة:اجي فين!!!انا مش هتحرك من هنا غير وبنتي معايا
عمر رجع بعد مكلم المدير وخد الأوضه اللي جمب نهلة مراته عشان يفضل قريب منها
عدى شهور ونهلة مفقتش كانوا خلاص بيفقدو الأمل الا سفيان وعمر اللي واثقين انها هتبقى بخير والدكاترة غلبو يقنعوهم انها مش هتفوق بس مكنوش متقبلين شهور وعمر متناقلش من المستشفى امه بتجيبله اكل وابوه هدوم وهو ساكن بيجي عليه الليلي بيفضل جمبها يكلمها وهي بردو مبتفوقش وهو حالته بتسوأ وربى دقنه مبقاش يحلق داني خطب رانيا بعد اصرار من سفيان انه ملوش دعوة بنهلة وملوش دعوة بأي ظروف وميوقفوش حياتهم وداني قبل وبيتعاملو طبيعي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء ف التامن وتعبانه اوووي
ادهم:شاكلك تعبان اووي النهاردا يا اسماء فيكي ايه
اسماء:حبيبي دا طبيعي من الحمل طبيعي متقلقش
ادهم:لا انتي بتنهجي كدا
اسماء بدموع:مش عارفه انا تعبانه اووي يا ادهم تعبانه......
ادهم:حبيبتي ازاااااي ازاااي متقوليش تعالي هنروح على المستشفى نتطمن
اسماء:لا لا مش هروح انا خايفه اوووي مش عايزة
ادهم:اسماء لازم نتطمن لازم افرضي كان في حاجه غلط
ادهم:يلااا هنروح على المستشفى
سحبها وراحو على المستشفى وعملو فحوصات
الدكتورة:لازم نولدها حالآ
ادهم:ازااي دي لسه ف التامن
الدكتورة:لو فضلت اكتر من كدا ممكن يحصلها تسمم حالتها متسمحش
ادهم:تسمم....لا لا ولديها
اسماء مسكت ف ايد ادهم بدموع :لا يا ادهم بقاا لا مليش دعوة يا ادهم مش عايزة اولد دلوقتي انا خايفه
الدكتورة:اتكلم معاها هحضر اوضه العمليات
اسماء:عمليات ايه انا مش عايزة اولد ومش عايزه انا اكون ام انا خايفه انا مكنتش عايزه عيال انا
ادهم حاسس انها مضغوطه بس كلامها ضايقه:حبيبتي متخافيش دي ولاده زي اي حاله ولاده متخافيش
اسماء بعصبيه:لا مش زي اي حاله انا حالتي مش زي حاله حد كل واحد ليه قدره عن التحمل وانا حاسه اني هموت انا انت مش خسران حاجه انا اللي هعاني مش انت هااا
ادهم اتنهد:اسمااء انتي من ساعه محملتي ووصلتي للتامن وكلامك  غريب اوووي انتي عارفه اني بحبك اووي وعارفه ان وجعك بيوجعني وعايزك تخلصي عشان تكوني بخير
اسماء:انت عايز تشوف بنتك وخلاص يا ادهم
ادهم بأستفزاز:اه وهي كمان مستعجله تيجي عشان تشوفني
اسماء صرخت بألم :اداااااااااهم بطل استفزاز
ادهم بقلق:اسماء في ايه حاسه بأيه....
اسماء بدموع:بولد يعني انت مش شايف ولا ايه يااا رببي
ادهم نادى للدكتورة وبسرعه نقلتها على العمليات وهو فضل معاها مرضيش يسيبها
اسماء بتصرخ:انا اللي غلطانه اني اتجوزتك يا ادهم
ادهم بيضحك بقلق وباس خدها:معلش خلاص كلها شويه وحبيبتنا هتنور حياتنا

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

رانيا ف قصر ارسلان
داني:ايه اللي جابك هنا
مهاب دخل
داني:مين دا
رانيا:دا مهاب اخويا
داني:اخوكي من امتى!!!
رانيا:كان مسافر يا حبيبي
مهاب ابتسم:تشرفت
رانيا:اومال فين نينا
داني:نايمه انتي مالك بنينا
رانيا بغيظ وغل بتحاول تداريه:ااه اصلي مش شايفه حد هنا
داني:ادهم واسماء خرجو والباقي عند نهلة في المستشفى وانا كنت هروحلهم
رانيا:لا خليك اقاعد معانا شويه بقاا
داني:حاضر اتفضلوا
رانيا ف سرها:واللهي العظيم لتندمي يا نينا انا فهماكي كويس فهماكي كويس اوووي انتي بتحبيه بس مش هخليكي تتجرأي ترفعي عينك ف عينه حتى بعد كدا
مخاب همسلها:هي فين اللي كنتي عايزة تخلصي منها دي وحلوة ولا
رانيا:انت مالك بقاا حلوة ولا لا سمراا يا سيدي انت جاي تخلصني منها وبس ومش عايزه اسمعلها صوت
مهاب:انتي تؤمري
رانيا:والفلوس هتبقى ف جيبك بعد منخرج من هنا

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اسماء حاضنه بنتها وبتعيط
ادهم ابتسم:بتعيطي ليه دلوقتي طيب
اسماء:هي حلوة هي صغيرة اووي
ادهم ابتسم وباس راسها:حبيبتي انتي هي هتبقى شبهلك بالظبط
اسماء ابتسمت وسندت راسها على صدره
ادهم باس اسماء وباس بنته:هنسميها ايه بقاا
اسماء:وعد
ادهم ابتسم:وعد
اسماء:ايه رأيك
ادهم باسها:واعد
اسماء ابتسمت وسندت راسها على صدره

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

مهاب:انا عايزة اروح الحمام
داني:تعالى
رانيا:لا يا حبيبي انا هوصله وجايه
رانيا مشيت مع مهابورته اوضه نينا وابتسمت
مهاب:انتي بتكرهيها اووي كدة
رانيا:ااه دي بني ادمه مستفزه حاطه عينها على داني وفكراني غبيه لا وبتعلق على كل حاجة بعملها ها هتنفذ اللي قولتلك عليه ولا
مهاب:خلاص انزلي ومتخليهوش يطلع انا هدمرلك ثقتها فيه بس لو حلوة انا مش هتردد اقربلها
رانيا:تصدق فكره اعمل اللي انت عايزو لو عايز تموتها هيبقى احسن بردو بس بسرعه ابوها واخوتها لو جم انسى ان انا وانت نطلع من هنا فااهم
مهاب:عيب عليكي بس القصر دا جاامد اووي ليه متجوزهاش
رانيا:انت وشطارتك بقاا سلام يا حلو انا نازله لحبيبي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

عمر ماسك ف ايد نهلة ارسلان كالعاده بيكلمها وسفيان قاعد جمبها الناحيه التانيه وعمر بص لنهلة بصدم وبص للجهاز..........

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
رانيا ناويه على ايه لنهلة وايه علاقة مهاب بيها؟! نينا ردت فعلها ممكن تكون ايه؟! نهلة حصلها ايه خلى عمر اتصدم؟!