رواية من نسل فرعون (الأسيرة 2) للكاتبة/ندى محسن ♕Noody♕ الفصل السابع عشر 17 - بقلم الكاتبة ندى محسن

♡من نسل فرعون♡ الأسيرة2

الحلقة 17
للكاتبة /ندى محسن ♕نوووودي♕
#من_نسل_فرعون

مهاب باصص لرانيا بصدمه
رانيا: احم اسماء مقنع ايه انا مش فاهمه حاجه انتي قصدك ايه
اسماء باصه لأدهم: واللهي هو دا هو دا اللي هجم على البيت ادهم هو كان لابس قناع بس لو ركزت هتلاقي انه هو انا ركزت ف عينه لما شافني واتصدم
مرتضى بص لمهاب وساميه
داني: اسماء ايه اللي بتقوليه دا ادهم خدها الواضح ان اعصبها تعبانه
ادهم سحبها لفوق
اسماء: ادهم في ايه اللي انت بتعمله دا بقولك انا واثقه يعني
ادهم: داني مبنش عليه اي ذهول او شك او او
اسماء: عشان بني ادم غبي عشان هو مش هيصدق اي حاجه عليهم هو بيحبها
ادهم ظهرت على وشه ابتسامه: مظنش يا اسماء الواد دا وراه حاجه ومش علينا الا اننا نثق فين مش عارف ليه بس هو كدا
اسماء: لا طبعآ انا مش عارفة هو معاها ليه دا كله مش ملاحظ اي حاجه من عمايلهم دي مش فاهمه بجد هو غبي دا ولا ايه

#من_نسل_فرعون (الأسيرة2) للكاتبة/ندى محسن♕نووووودي♕

رانيا بتهمس لمهاب: داني واخد باله منك الأحسن اننا نمشي من هنا وبطل تبصلها كدا بدل ما الكل يلاحظ اهدى لحد منتجوز بعد بكرا
مهاب اتنهد: عايزها دلوقتي عايز اخنقها بصي قاعدة بكل برود كأنها بتتحداني انها معاهم مش هقدر اقرب هاين عليا لو ضربتهم كلهم بالنار وخدتها
عمر بيهمس لنهلة ارسلان: نطلع بقاا انا مش مرتاح
نهلة ارسلان: طب اطلع انت انا حابه اووي اكون ف وسطهم هما بيحبوني وانا بحب قعدتهم سوا والناس دي هتمشي فهنبقى سوا
عمر اتنهد بنفاذ صبر وسكت
سامية: نستأذن احنا بقى
مرتضى: فعلآ انا كنت لسه هقول كدا
سامية بصتله اووي زالكل كتم ضحكته وهي خرجت بعصبيه ووراها رانيا ومهاب 
سامية: عاجبك الأهانه دي
رانيا بسخريه: وانا مالي هو انا اللي قولتلك تيجي ولا انا اللي روحت اخترت داني مهو كله من تخطيتك انتي عشان توقعي فرعون بس لا فرعون رفض تحاولي توقعي ابنه عشان تذليه بيه
ضحكت اووي وهي بتكمل: بس كان شكلك تحفه لما طلع اياد اسد من ضهر اسد ورفضك بردو عشان تعرفي ان الرخيص مهما يكون مفيش حد هيغليه
سامية ضربتها بالألم: اخرسي بقاا انتي متنسيش اني امك
رانيا: امي!! عمالتي ايه يدل على انك امي انتي ليكي عين تنطقيها كل اللي عملتيه انك كنتي بتباعيني لمصلحتك دلوقتي انا مفرقش عن رخصك حاجه  بس عارفه اني فعلآ بحب داني وبتمنى فعلآ  يتجوزني عارفه ليه عشان بحبه عشان الوحيد اللي كان بينتقد لبسي او طريقتي مع غيره وكان بينصحني انا بجد بعشقه ومش هأذيه اللي اولى بالأذيه انتي
سابتهم ومشيت
سامية: البت دي لازم تتربى بس تتجوز البيه الأول واحنا هنتصرف
مهاب بص لقصر ارسلان وابتسم بغل: نهايتك قربت يا حلوة

#من_نسل_فرعون (الأسيرة2) للكاتبة/ندى محسن♕نووووودي♕

سفيان بص لداني: لو طلع اسماء معاها حق انت عارف هعمل ايه
مرتضى: انت حتى مستنتش تتأكد يعني اختك هتتبلى عليهم مثلآ
داني بص لسفيان ولمرتضى وسكت
مرتضى بعصبيه: يا برووودك يا اخي
قاطعه سفيان: اهدى انا معاه للأخر لما اشوف اخرتها معاك يا داني وعايز توصل لأيه ربنا يستر
داني ابتسم: طب فرحي المفروض بعد بكرا دا بأنهي شكل والله افتكرتهم هيأجلوه بس تقريبآ حتى لو مت الفرح هيتعمل هيتعمل
نينا بصاله وساكته
داني غمزلها  وهي اتكسفت وباصه لتحت
سفيان حدفه بالتيليفون: متلم نفسك بقااا لم نفسك
داني بيضحك بوجع: اااه انتو ليه كدا
بص لنهلة ارسلان اللي كانت بتضحك
داني بيضحح بغيظ: عجبك طبعآ انتي كدا شوفتي يختي اللي حصل فيا ولسه بردو مش سايبني
نهلة ارسلان ضحكت: معلش الف سلامة عليك
داني: الله يسلمم يا حلو انت الله كل مادا وبتحلوي والله
عمر بيجز على سنانه
سفيان: انت مش لاقي حد تعاكسه ولا انت عايزني انكد عليك يعني حتى لو قومتلك قولي مكان سليم فيك اضربك فيه
داني:طب بدل منا عاملكوا ازعاج متجوزني بنتك
سفيان: داني خف عشان كدا انت بتزودها وانا مش هعديهالك والله
داني: يا عمي انا بتكلم بجد جوزني بنتك
عمر: بعد اذنكم بقاا نهلة عايزة ترتاح
داني: مورا اوعى تكون مضايق مني دي زي اختي واكتر كمان دي اختي الكبيرة
عمر ابتسم بأصطناع: امم بعد اذنكو
خدها وطلع وهي كشرت
نهلة ارسلان: كنت عايزة اقعد معاهم
عمر: وانا مش عايزة تقعدي معايا
نهلة بصتله وسكتت ولسه مكشرة
عمر: نهلة انا نزلتك بس انا مش عايزك تزوديها
نهلة: انا مش عايزة اكلمك
عمر قرب يبوسها وهي زأته
نهلة: عمر!!
عمر ابتسم وباس ايدها وقربلها وهي زأته
نهلة: لو سمحت يا عمر مضايقنيش
عمر: ايه يانهلة مش شايف اني بعمل حاجة  تضايقك في ايه ايه مشكلتك انتي مراتي والله
نهلة بصتله وسكتت بحزن وبصت لتحت
عمر اتنهد وحاوط وشها وخلاها تبصله: مالك يا حبيبتي في ايه
نهلة: انا مش  فاكرة حاجة خالص يا عمر
عمر: وايه المشكله انا معاكي خطوة خطوة لحد متفتكري
نهلة: لا.... اقصد اني مش فاكره جوازنا وكمان.. مش عارفه اتقبل دا
عمر بعدم فهم: وبعدين
نهلة: اقصد اني هفضل بعيدة عنك لحد مفتكر لحد مفتدر انك جوزي
عمر: نعمممم!
نهلة غصب عنها ضحكت: مهو انا كدا هبقى مرتاحه
عمر:اممم يعني انتي مش مقتنعه حتى لو وريتك صور جوازنا
نهلة هزت راسها
عمر:تمام مفيش اي مشكله
نهلة بصتله بأستغراب وسكتت
عمر:يبقى حضري نفسك عشان هنتجوز بعد بكرا
نهلة:ايه!!
عمر:ايه يا حبيبتي انتي مش مقتنعه بجوازنا هنتجوز تاني مع داني مهو لو عملنا فرح لوحدنا مع فرح داني هيحصل تشتت فأحنا بقاا ايه نعمل فرح لوحدنا
نهلة:انت بتتكلم بجد
عمر شالها من على الكرسي:طبعآ
نهلة حاوطت رقبته:بس دا جنون هما هيقولو ايه بقاا
عمر:هو انا مقولتلكيش اصل ذكرى جوازنا بكرا فعادي بقى لو عدناه بعد بكرا ولا ايه
نهلة:لا مش عايزة
عمر:اومال عايزة ايه
نهلة:اللي عيزاه هتعمله
عمر نيمها على السرير:عندك شك؟؟انا معنديش غيرك حاليآ حتى اهلي بتواصل معاهم بالتيليفون
نهلة:طيب خرجني بقى تعالى نروح اي حتى
عمر جه ف دماغه فكرة:حاضر يا ستي بس اكلم عمي سفيان وجايلك
نهلة: ماشي
ادهم: يا بابا بقى وافق والله هو كام يوم بس
سفيان: قولت لا ولا يعني لا مفيش مرواح يا ادهم للجزيره وخف بقاا
مرتضى بيضحك: يبني انا جربت قبلك وقلبت قرد عشان اروح
ادهم: وروحت؟
مرتضى: لا بردو
سفيان: انا قولت كلمه وخلاص بطل ذن
نهلة: يا حبيبي سيبه يروح
سفيان: نهلة قولت لاااا
مرتضى: طب يا صاحبي انا عايز اصالح حبيبتي  مينفعش انا دا انا صاحب عمرك يعني
سفيان: بردوو لااا خفو بقاا وبطلو استظراف
الباب خبط بتاع المكتب
سفيان: ادخل
عمر دخل: اه عمي سفيان كنت عايز منك خدمه
سفيان: يا سلام انت تؤمر اتفضل
عمر: كنت بستأذن حضرتك اني اخد نهلة للجزيرة هي كانت قالتلي ان في جزيرة خاصه بحضرتك قبل منتجوز
مرتضى انفجر ف الضحك: طب الراجل يقول ايه طمعانين فيه
ادهم بضحك: هو انت كمان عايز شهر عسل
عمر غصب عنه ضحك: نفسي والله
سفيان: عسل فوق دماغكو براا كلكو
عمر بأستغراب: هو في ايه!
سفيان: عمر انت تطلب اي طلب الا الجزيرة
نهلة: حبيبي بس اهدى
سفيان: اهدى ايه هو الكل النهاردا عايزها ليه مش فاهم
اياد دخل: بابا كنت عايز منك حاجه 
الكل ضحك
سفيان غصب عنه ضحك بغيظ: نعم يا اياد عايز تروح الجزيره انت كمان عايز شهر عسل
اياد ضحك: مع ميرا!!! مش لما تقبل الأول انا حاليآ ف شهر بصل يا حج
عمر: ميرا
اياد: اه يا سيدي عايز اتجوزها
عمر: دا ليه
اياد رفع حاجبه: بحبها واوعى تقولي انت كمان اثبت عشان انا مش ناقص
سفيان: ايه يا سيدي كنت عايز ايه
اياد: هاخد عربيتك
سفيان: دا ليه
اياد: مهي عربيتك اتعجنت ف الحادثة
سفيان: خد اي واحده تانية
اياد: لا انا عايز عربيتك
سفيان طلع المفاتيح: خدها
اياد: شكرآ يا برنس
سفيان بص لمرتضى
مرتضى ضحك: لا وربنا مقولتله حاجه ولا ربيته انت ليه بتحسسني اني سبب كل لفظ مش حلو ليه!!
سفيان: مش عارف بقاا هو كدا
اياد مشي وعمر بص لأدهم وهمسله: قوله انا وعدت اختك اخرجها
ادهم همسله: انا واقف هنا بقالي ساعه اتحايل عشان وعدت مراتي اخدها هناك مش اخرجها بس ويا ريته يحن
سفيان: طب لو سمحتو كدا انصرفو عشان طلبكم مرفووووض
نهلة: سفيان بس اهدى كدا فيها ايه يعني
سفيان: فيه ان مستحيل مستحيل مستحيل اي حد غيرك يدها عشان دي ليكي انتي حياتنا احنا وانا الحاجه الوحيده اللي اناني فيها حبك
سحبها قعدها على رجله وهمس بعشق: تقدري بقاا تغيري دي مظنش يا نهلتي
نهلة اتكسفت ودفنت راسها فيه: سفيان احنا مش لوحدنا
سفيان بصلهم وهما مبتسمين ورفع حاجبه: انتو ايه التطفل اللي انتو فيه دا واحد ومراته اما امركم عجيب اووي متتفضلو
خرجو ومرتضى عمال يضحك عليهم وهما مكشرين
ادهم: انت مش زعلان عشان رفض طلبك
چوليا: لا طبعآ عشان زعل زمان كتير
مرتضى ضحك وبصلها: تصدقي معاكي حق وبعدين  انا عارف انها خط احمر عند سفيان دي بقا مستحيل المستحيل ان حد يعرف مكانها حتى واقولكو حاجه زمان ابوك خد امك وانا شغال لف عليه والله كان حاصل مصيبه ودورت عليه ومكنش ليه اثر لأنه بيروح بطيارته الخاصه وبس
عمر: دا الموضوع صعب اووي بقاا ومحدش قالي ليه مكنتش طلبتها دا كلكو عايزين تروحو... تصدقو بقى عندي فضول اروحها اكتر من الأول
ادهم ضحك: الممنوع مرغوب للأسف
نهلة ف حضن سفيان: مفيش فايدة بردو مش هتتغير
سفيان ضحك وباس ايدها: لا انتي عارفه الجزيره دي بالنسبه ليا ايه دي اول مره اعتبرتيني امانك وسندك دي الحاجه الوحيدة اللي بس انا وانتي نعرف مكانها انا وانتي وبس
نهلة ابتسمت:دي احلا هدية منك يا سفيان
سفيان رفع وشها وهي ركزت ف عينه الزرقا الصافيه اللي كانت بتلمع بمنتهى العشق
سفيان باس جبينها:احلا هدية يا نهلة وجودنا سوا السنين جريت بس شعورنا متغيرش لهفتنا هي هي لهفتنا لسه موجوده زي مهي ولسه قلبي بيعشقك زي زمان لا دا بقى زياده على الحب والعشق بقى عشرة عارفه احسن حاجه ف حياتنا كانت ايه
نهلة:ايه
سفيان:ان مهما حصل بينا بنرجع عمرك مسيبتينا رغم كل المشاكل اللي كانت بتواجهنا اي قصه حب بيبقى فيها فراق بس كأنك كنتي بتقوليلي لا مهرب منك سواك
نهلة ابتسمت بعشق:مفكرتش اني اسيبك يا سفيان الفكره دي صعبه لما كنت بضايق منك ومكونش ف حضنك كنت بحس اني تايهه مقدرش ابعد لأن فكره البعد دي معناها اني مش واثقه ف حبك بس انا عندي ايمان انت حبك ليا متغيرش ومقلش بالعكس كل مادا بحسه اكتر ربنا رزقني بزوج كويس واب مثالي انت احلا حاجه ف حياتي يا سفيان
سفيان ابتسم وباسها

#من_نسل_فرعون (الأسيرة2) للكاتبة/ندى محسن♕نووووودي♕

ميرا نزلت من البيت رايحه على المستشفى واتفاجأت بالشارع مليان بالورد والناس مبتسمه وفي طيارة عماله تحدف الورد وهي ابتسمت اووي وبصت لفوق وهنا شافت منطاد مكتوب عليه "بحبك يا ميرتي بحبك يا ميرا "
ميرا برقت وفضلت متسمرة مكانها لحد مراحت المستشفى وسالت على اياد وطلعت عند مكتبه وقبل متدخل رسمت الجمود على وشها
اياد:يا مرحب
ميرا:ايه اللي انت عاملته دا انت اتجننت يا اياد انت مفكرتش ف منظري وبابا لو شاف دا
اياد:باباكي هيعرف اني بحبك وبعدين انتي اللي طلبتي دا
ميرا:انا اللي طلبت دا؟؟
اياد:اه مش قولتي اثبت اني بحبك!!!!
ميرا:اياد انت بتزودها ابعد عني عشان انا مش هنسى اللي عملته
اياد بمكر:وانا عملت ايه بقا
ميرا:انت عارف كويس
اياد وقف وحاوطها:عملت ايه انا عايز اعرف
ميرا بتزأه وهو بص ف عينها وهي بصتله
اياد مسك ايدها وباسها برقه:انا اسف
ميرا بعدت ايدها بتوتر
اياد باس خدها
ميرا حطت ايدها على شفايفه وهزت راسها بنفي
اياد باس ايدها وسند جبينه على جبينها:بحبك يا ميرا بحبك اوووي يا ميرا ومش عارف ابطل احبك انا بموت فيكي يا ميرتي
ميرا بتتنفس بصعوبه من قربه:اياد..لو بتحبني فعلآ ابعد....
اياد بعد وبصلها وهي بصاله
ميرا خرجت وهو ابتسم

#من_نسل_فرعون (الأسيرة2) للكاتبة/ندى محسن♕نووووودي♕

اسماء شايله وعد بحنان ووعد عماله تعيط:حبيبتي بس بس مالك بس يا روحي
حطت خدها على خد وعد ووقفت بسرعه بخوف:يا نهار ابيض انتي سخنه اووي ادهم يا ادهم
بتنادي بس مفيش رد لبست الحجاب بسرعه وخدتها ونزلت ملقتش حد خالص طلعت بسرعه عند نهلة وخبطت
نهلة:حبيبتي مالك
اسماء بدموع:وعد سخنه اووي ومش ساكته هي ساكته اووي ادهم مش هنا اعمل ايه يا عمتي
نهلة:راحو الشغل عشان في مشكله ف الحسابات هلبس وبسرعه نروح للدكتور
اسماء هستناكي تحت يا عمتو
عمر:في ايه
اسماء:وعد تعبانه اووي وعمتي بتلبس وهنوديها للدكتور
عمر:طيب انا هاجي معاكو
اسماء:ونهلة!!
عمر نادى نينا
نينا:نعم
عمر:خلي بالك من نهلة انا رايح معاهم عند الدكتور عشان وعد
نينا:حاضر ان شاء الله خير
اسماء اتصلت بادهم
ادهم:الو حبيبتي معلش مشيت من غير مقولك
اسماء بدموع:وعد تعبانه اووي يا ادهم انا هخودها على المستشفى انا وعمتو وعمر
ادهم وقف بخضه:مالها اسماء فيها ايه......
اسماء:سخنه اووي انا خايفه اووي يا ادهم دي بدل مكانت بتعيط سكتت خالص عمتي نزلت وانا عروح اهو انا محتجالك
ادهم:انا قريب من المستشفى روحي هتلاقيني هناك خلي بالك منها واهدي يا اسماء هتكون تمام
راحو على المستشفى ولقت ادهم هناك
اياد قربلهم:في ايه جاينلي زياره ولا ايه
ادهم:وعد تعبانه بسرعه شوف دكتور اطفال
اياد:ميرا تعالو
خدهم عند ميرا
ميرا:في ايه
اياد بخوف:وعد تعبانه وسخنه شوفيها مالها
ميرا خدتها نيمتها على السرير ووعد عيطت واسماء دموعها نازله بقلق على بنتها
ميرا:متقلقوش انا هكتبلها على حقن وادويه هتبقى كويسه بعد متاخدهم واهم حاجه بلاش تتعرض لهوا وتهتمو بيها انا هعملها كمادات دلوقتي واديتها حقنه اهو
نهلة ارتاحت وادهم خد اسماء ف حضنه:بس يا حبيبتي اهدي يا حياتي بس خلاص هي هتبقى كويسه بس يا حبيبتي
اسماء بدموع:كنت خايفه اووي يا ادهم كنت هموت لو حصلها حاجه ومكنتش عارفه اعمل ايه يا ادهم انا اسفه اني قلقتك بس والله يا ادهم كنت محتجالك
ادهم باس خدها:بس بس انا معاكي
اياد همس لميرا:مش عايزة حد معاكي انتي
ميرا:لا شكرآ
اياد:ملكيش ف الطيب نصيب يا بت انتي
ادهم:يلا هروحكو
عمر:انا معاهم متقلقش روح على شغلك
نهلة:روح يا حبيبي متقلقش
ادهم بص لأسماء وحس انها محتجاله لوجوده معاها  وابتسم:لا انا هروح على البيت
اسماء ابتسمت وشالت وعد وبتبوس فيها
اياد:يلا احنا كمان هنروح يلا يا ميرا هوصلك
ميرا اتحرجت ترفض قدمهم وهزت راسها بأيجاب رغم القلق والخوف اللي اتملكها واياد لاحظ دا وراحت معاه ف العربيه وهو راح نفس المكان الفاضي اللي راحوه قبل كدا
ميرا بصتله والخوف ملى قلبها:انت جايبني هنا ليه......انت جايبني هنا ليه يا اياد
اياد نزل وفتحلها الباب وصفر وهنا المكان دا نور وشافت ترابيظه جميله جدآ وطريقها مليان بالورد وهنا هي بصتله اووي
اياد ابتسم ومسك ايدها:هنا انتي فقدتي الثقه فيا وهنا انا هصنع ثقه جواكي من الأول وجديد انا بجد بحبك بحبك جدآ انا حقيقي بعشقك يا ميرا يوم مبيكملش من غيرك بتجنن لما تبعدي عني ولما عرفت انك ممكن تتخطبي بس لغيري انا معرفتش اتصرف بعقل يا ميرا كنت بس عايزك ليا عايزك معايا مش عايزك تبعدي ابدآ يا ميرا
ميرا بنظرة حزن ف عينها وهي بتفتكر كلامه:هتتجوز واحدة زيي
اياد بصلها بنظرة ندم:انا مكنتش اقصد انا بس حاولت اضايقك يا ميرا انا بحبك وهبقى اكتر انسان محظوظ لو قبلتي تتجوزيني وهبقى فخور اووي فخور انك مراتي الدكتورة ميرا احلا وانقى وعارفه كمان اجن انسانه
ابتسمت والدموع ف عينها
اياد باس ايها بحب:بحبك يا ميرا
ميرا ابتسمت:طب انا جعانه يلا بقاا يا اياد ناكل
اياد:طب ردي انا بحبك
ميرا:هرد بس مش دلوقتي يا اياد انا مش عايزة علاقتنا تبقى حرام ومش عايزة اعمل حاجه من ورا بابا
اياد ابتسم:وانا مش هغصب عليكي يا ميرا انا ابدآ مش هغصب عليكي ف اي حاجه
ميرا ابتسمت وقعدو ياكلو تحت ضوء القمر ويتكلوا ويضحكو

#من_نسل_فرعون (الأسيرة2) للكاتبة/ندى محسن♕نووووودي♕

نهلة:هاا بقاا يا نينا
نينا:مش عارفة يا نهلة بس عمر هيضايق
نهلة:مخنوقه وعايزة اخرج خرجيني بس وملكيش دعوة بس
نينا اتنهدت:امري لله يا نهلة....
نزلتها بالأسانسير اللي ف القصر
داني:رايحين فين
نينا:همشيها شويه
داني:هلجي معاكو
نينا بصتله وبصل لرجله
داني:في عكاز متقلقيش مش هتشليني
نهلة ضحكت
نينا:انا قصدي هتقدر تمشي!
داني:اه طبعآ يلا بقاا وهنخلي الحارس ياخدنا بالعربيه
راحو وركبو والحارس ركب نهلة وراحو على حديقه فاضيه وجميله ومليانه ورد
نينا:انت بتعرف الاماكن دي منين
داني ابتسم وحب يضايقها:كنت بشقط فيها
نينا بصتله وداني ضحك ونهلة ضحكت على مناغشتهم
داني حضن نينا ورمى العكاز وهي اتسمرت ونهلة بصتله بأندهاش
نينا:ايه اللي بتعمله..داني!!!!
داني همسلها:كنتي دايمآ سندي العكاز ملوش لازمه بدل معندي اللي اقدر اتسند عليها
نينا بصتله
داني ابتسم وهو حاضنها
نهلة ارسلان:احم احم نحن هنا يا كابتن
داني بصلها:قوليلها توافق تتجوزني
نينا وهي بتمنع دموعها:انت هتتجوز رانيا
رانيا هز راسه بنفي
نينا:فرحك خلاص فاضل يوم عليه
داني:انتي متعرفيش ممكن يحصل ايه ف اليوم دا
نينا:وانت عايز تتجوزني ليه
داني:يمكن بحبك
نينا قلبها بيتنفض بعنف من كلمته وهي بصاله
داني بصلها وابتسم وهو حاسس بنبض قلبها
نهلة:داني انت مبتحبش رانيا انت ناوي على ايه بالظبط
داني:دي بقاا مفاجأه لنينا
نينا سكتت وجابت العكاز وادتهوله:انا..مش هقدر يا داني حقيقي مش هقدر اسمع كلامك وبطل هزار بايخ
داني بصلها
نهلة:هزار انت بتهزر؟
داني بص لنينا:انا قولت اللي عندي والباقي عليكو
روحو وعمر اتضايق جدا وبعد عن نهلة عشان ميتعصبش عليها وهي افتقدت وجوده معاها جدآ وهو خلى نينا هي اللي تبات معاها وهي متضايقه ووعد ابتدت تتحسن لحد مجه فرح داني
داني بيلبس ويتجهز بأبتسامه
مرتضى:وبعدهالك
داني:قولي مبروك
چوليا قعدت بابتسامه:داني عارف الصح من الغلط
داني هز راسه بابتسامه:صح كدا بقاا

#من_نسل_فرعون (الأسيرة2) للكاتبة/ندى محسن♕نووووودي♕

نينا لبست الحجاب وكانت حلوة جدا بملامحها الهاديه
سفيان:بسم الله ما شاء الله انتي متأكده انك مش انتي العروسه
نينا ضحكت وحضنته
سفيان باس جيبنها وبص لنهلة وغمزلها:لا لا كدا العروسه نفسها تغير
نهلة ارسلان ابتسمت وهو قرب حضانها
نهلة نزلت:انا جهزت يلاا بقاا اتأخرنا كدا
سفيان بصلها وابتسم بعشق وعينه لمعت:الله هو في كدا
نهلة ابتسمت بكسوف
سفيان قرب باس خدها:شكلي هتخانق النهاردا مع حد مهو مينفعش حد يشوف القمر دا ويشيل عينه من عليه
نهلة بتهمس وهي ف حضنه بكسوف:انت بتحب دايمآ تكسفني ليه
سفيان ابتسم:دي هوايتي بقاا احب اشوف نظره الكسوف والخدود الحمرا دي والغمازات العسل دي
نهلة ضحكت:طب بس بقاا انا كدا مش هروح
سفيان:ولا انا تعالي نوزع العيال دي وانا وانت يا قمر نبقى سوا بقاا
نهلة:لا واللهي طب بطل كلام بقاا
سفيان:طب هوريكي انا بقاا
كمل:ادهم خد اخواتك وجوز اختك بعربيتي وانا هاجي بالعربيه التانيه
نهلة بصتله بصدمه وادهم ضحك وغمزله:لا انا هاخدك معايا
اياد:انت ناوي تخليه فرحك انت ولا ايه يا حج
عمر ضحك:شكله هيروح هو الجزيره
سفيان:طب اتكلو والا
اياد:لا لا يلا بينا بقااا بدل ميكسرنا
مشيو ونهلة بصتله بصدمه:والله مجنون
سفيان بيقرب:مجنون على فكرآ انتي وحشاني
نهلة بعدت وهي بتضحك:انت مجنون بجد بقاا
سفيان بيقرب وهي جريت وهي بتضحك وسفيان وراها بيمسكها يزغزها وهي بتزأه وقعدو يهزرو لحد مسحبها ف حضنه وباسها
نهلة:قليل الأدب امت اووي يا سفيان ومبتتكسفش من حد
سفيان:واتكسف ليه انتي مراتي وقلبي وروحي وانا بعشقك وعندي استعداظ اقولهالك ف اي وقت قدام اي حد وبعدين انتي بتتكلمي ليه بقولك وحشاني
ضحكت وهو سحبها ليه:اموت انا ف ضحكتك يا ابو غمازات يا حلو انت
نهلة ضحكت بصوتها كله:شكلك بقيت تقعد مع مرتضى كتير

#من_نسل_فرعون (الأسيرة2) للكاتبة/ندى محسن♕نووووودي♕

داني وصل والكل وصلو
مهاب:هاخدها الليله فاهمه مش هتخرج من الحفلة دي غير وهي معايا بقاا فاهمه ولا ايه
ساميه:ماشي براحتك اهم حاجه بس الجوازه تتم
رانيا ابتسمت وقربت من داني:حبيبي...وحشتني اوووي يا داني
داني بعدها وابتسم وخد المايك:احم احم احب اشكر كل اللي شرفونا النهاردا طبعآ الكل جاي لجوازي امممم احب اقول لرانيا اللي المفروض انها العروسه اني محضرلها مفجأه حلوة بس مش عارف يا ترى هتحبها ولا.......
مرتضى بس لچوليا:ابنك ناوي على ايه انا قلبي مش مطمن
چوليا ابتسمت:طمن قلبك يا حبيبي ابنك مش عيل
مرتضى:يا خوفي
نينا بصت لداني
داني نزل مسك ايدها طلعها جمبه واياد رفع حاجبه وبص لأدهم
ادهم:متسألنيش والله انا زيي زيك مش فاهم اي حاجه....

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-

مهاب ممكن يعمل ايه؟!داني هيعمل ايه ممكن ايه اللي يحصل وليه طلب نينا؟!ميرا واياد هيتجوزو؟!