رواية من نسل فرعون (الأسيرة 2) للكاتبة/ندى محسن ♕Noody♕ الفصل السادس عشر 16 - بقلم الكاتبة ندى محسن

الحلقة طويلة اهي محدش يقول قصيرة بقاا وخلاص اخر حلقة هتبقى الحلقة 20 يوم متطول عايزة تفاعل وعايزة رأيكم الكل يعلق برأيه مش ملصقات بس عشان حقيقي بتحمسوني 🌸💕
معرفتش الحلقة اللي فاتت ارد على التعليقات بس بأذن الله هرد على الحلقة دي 🌸

الحلقة 16
للكاتبة /ندى محسن♕Noody♕
#من_نسل_فرعون الأسيرة 2

مهاب اتصدم من وجود اسماء اللي مكنش على باله وهي صوتت وجه المسدس عليها وقبل ميضرب ادهم كان رافع ايده وانقض عليه بالضرب بعنف واسماء مصدومه وخايفه عليه
ادهم: اطلعي على فوق واقفلي عليكي الأوضه انتي ووعد يلاااا
مهاب ماسك السلاح وادهم ماسكه بيحاول يوقعه من ايده
ادهم: انت مين ومين اللي باعتك وعايز ايه
مهاب بيتألم من ايده اللي كان ادهم عمال يلويها بس بردو ماسك ف السلاح
ادهم ضربه بالبوكس ف وشه كذا مرة: انطق يله انت
مهاب بيحاول يبعد بالسلاح
ادهم ضربه بعنف ف بطنه: انت ازاي تتجرأ تدخل هنا ازااي تتجرأ تدخل لقصر ارسلان
مهاب: مش... هسيبها
ادهم بص لأسماء ولكمه: مين دي
مهاب بينزف وبيحاول يضربه بس النور قطع واسماء اتخضت وادهم ماسك لسه ف مهاب وهنا دخلو ناس ادهم معرفش يتعرف عليهم بعدوه وخدو مهاب وخرجو واسماء بتعيط ف ادهم راح يطمنها وحضانها: بس بس انا هنا بس
اسماء حضنته جامد: انت كويس
ادهم: اهو انا زي الفل يا حبيبتي وتاني مرة يا اسماء لما اقولك اطلعي تسمعي الكلام افرضي كان قدر يبعد بالسلاح... بس يا ترى كان قصده مين وجاي ليه...
عمر نزل: هو في ايه
ادهم: كان في حرامي يا سيدي
عمر: يا نهار اسود وهو فين
ادهم بجديه مزيفه: لا النور قطع قال لما ارتاح ساعتين وانزل اكمل
عمر: لا ظريف اكيد هو نزل السكينه انا هروح ارفعها
اسماء: انا خوفت اووي يا ادهم لو كان قدر يبعد دا كان ناوي يأذي
الكهربه رجعت وعمر دخل بسرعه: ادهم الحق الحراس كلها غرقانه ف دمها
نينا بتكلم نينا: بس يا ستي هو بابا بيحبك اووي ودايمآ بيخاف عليكي وانا بردو بحبك هو بصي كلنا بنحبك
النور رجع ونهلة ابتسمت
نينا: هنزل بقاا اشوف في ايه
نهلة هزت راسها بنفي: لا خليكي معايا
نينا ابتسمت لأول مرة نهلة تحب وجودها معاها حست انها انانيه لما شكرت ربنا على اللي حصل وان نهلة فقدت الذاكرة وبقت بالهدوأ والطيبه اللي كانت بتخبيهم بأحتراف
نهلة: هو عمر ليه اتجوزني
نينا: عمر كان بيحبك اووي مع انك رفضتيه وكنتي بترفضيه بس هو مستسلمش ابدآ وكان يفضل يحاول ويحاول معاكي
نهلة ابتسمت: تعرفي
نينا: ايه
نهلة: نظرة عينه معايا انا حاجه ومع الكل حاجه معايا انا عينه بتلمع بتحسيه بيحبني اووي بس انا مش عارفه ليه اني حاسه انه بيظلم نفسه مع وجوده معايا بس بيضايق لما بقوله كدا
نينا: طبعا لازم يضايق انتي كنتي ومازلتي حلمه وحب عمر ليكي فريد قبل متتجوزو كان بيحافظ عليكي حتى من نفسه وبعد متجوزتو بيعاملك دايمآ بأحترام وتقدير عشان بيحبك بجد يا نهلة فأوعي تزعليه
نهلة ابتسمت وحضانتها: انتي طيبه وجميله
نينا ابتسمت بذهول بس حضنتها وف سرها: انا لو صورتك وانتي بتشتميني وبتهزقيني من غير سبب ولو صورتك دلوقتي محدش هيصدق انك نفس الشخص يا رب تفضلي كدا دايمآ...ولا حتى لو رجعتي انا عارفه جواكي بتحبيني فيارب تبقي بخير دايمآ....

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني: انا عايز اروح
سفيان: انت مجنون بقاا
داني: تعبان من المستشفى
سفيان ضحك: انت مش شايف انت عامل ازاي ولا ايه انت
مرتضى ضحك: اااه لو شوفت نفسك
داني بغيظ: هو انا ليه حاسس انكم شمتانين فيا انا بالذات وابنك هو اللي كان بيجري ورايا بالعربيه وكان يوم اسود لما
اياد قاطعه: اخرس انت تخرس بلسانك اللي مبيوديش حد غيري ف داهيه
چوليا: حبيبي انت حاسس بأيه
داني: عايز اخرج
مرتضى ضحك: لو هتخرج هتخرج بالمستشفى كفايه رجلك المتعلقة دي
داني بغيظ بصله: والله مش عارف انتو جايين تشمتو فيا ولا تواسوني ولا ايه وبعدين  انا عندي سؤال لطيف كدا وظريف مش اللي بيجي لعيان بيجيبله حاجه ف ايده ورد جوافه ان شاءالله قشر رمان انتو كحسسني انكم رايحين كافي شوب
اياد ضحك: الجنازة حارة والميت كلب
داني بصله: كلب وجنازه اخرج اخرج وربنا لو قومتلك
الكل ضحك وهو ضحك بغيظ منهم
اياد جه ف دماغه ميرا وهو بيسأل نفسه هو غلط فعلآ بس لا لا هي اللي غلطانه ازاي تتجوز بواحد تاني... طب وانا مالي ... مالي ازاي هي... هي تبقى ايه بالنسبه ليا ايه احساس انها بتاعتي انا مش من حقها ترتبط بحد غيري  ..... كل اللي افهمه اني عايزها جمبي معايا.... عايزها دايمآ قدامي بستمتع اووي بمضايقتها بس بتوجع لما بتعيط واتعصبت لما كانت بتبعدني عنها انا مش عارف ايه دا...
سفيان: ايااد سرحان ف ايه بقالي ساعه بكلمك
اياد: نعم اسف مخدتش بالي بابا لو سمحت ممكن تيليفونك
سفيان: ااه بس هتعمل بيه ايه
اياد: هعمل مكالمه ثواني
خد التيليفون وخرج واتصل على ميرا
ميرا: الو عمو سفيان
اياد بجديه: اه يا بنتي معلش كنت عايز منك خدمه
ميرا: انا!!... اتفضل يا عمي طبعآ انا تحت امرك
اياد: اياد وداني ف المستشفى عملو حادثه على الطريق
ميرا وقفت بسرعه: ايييه ودا امتى..... عمي هو كويس
اياد ابتسم بمكر: يهمك
ميرا: ا.... اكيد يا عمي مش ابن حضرتك
اياد: انا كلمتك يا بنتي عشان هو بيردد اسمك وبس هو انتي كنتي معاه!!لو ممكن تيجي
ميرا: اكيد يا عمي هاجي متقلقش بأذن الله هيكونو بخير
قفلت معاه وبصت للتيليفون: كأنه غريب هو مش من النوع اللي هيطلب مني اروح...وف الوقت دا وصوته غريب... بس يمكن عشان حالت داني واياد...
راحت لياسر قالتله وهو قالها تلبس وخدها معاه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم اتصل على سفيان
سفيان: الو يا ادهم
ادهم: بابا حصلت مصيبه
حكاله على اللي حصل وسفيان قلق
سفيان: معرفتش مين ولا اسمه ايه
ادهم: لا كان مقنع وكان جاي ياخد حد معين كان جاي ياخد بنت من البيت
سفيان: ياخد بنت من البيت!!
ادهم: بالظبط كدا احنا لازم نكثف الحراسه
سفيان: ادهم صهيب كان فين اوعى يكون جراله حاجه
ادهم: لا متخافش هو معايا دلوقتي بس مفيش حد من الحراسه عايشة...
سفيان غمض عينه بضيق: استغفر الله العظيم.. خلي صهيب يكلم مصطفى ويشوف هيعمل ايه يمكن يوصله
ادهم: حاضر اياد وداني عاملين ايه
سفيان: كويسين متشغلش بالك وكويس اني سيبتك معاهم ادهم اوعى تتحرك من عندك لحد ماجي خلي بالك على اخواتك ومراتك
ادهم: متقلقش يا بابا انا مش هسيبهم سلام
قفل والكل باصص لسفيان وفهمو اللي حصل ونهلة كانت خايفه ومتوترة جداً: انا مش فاهمه ليه المصايب مبتخلصش لما بتيجي بتيجي ورا بعضها انا مش عارفه ليه كدا ومين دا كمان اللي ظهر مين العدو الجديد
داني باصصلهم بشرود وغموض
مرتضى: ربنا يستر ف اللي جاي خطوة اقتحام القصر قتل الحراس والجرأه دي دا حد مصمم انه ياخد حاجه  ...
سفيان: على جثتي من النهاردا محدش هيمشي من غير حراسه حتى انت يا مرتضى فاهم
اياد: ا... طيب انا هروح ارتاح ف اوضتي ماما حبيبتي ممكن تيجي معايا
نهلة: اكيد يا حبيبي تعالى
اياد ابتسم وهي راحت معاه:انا عايز اطلب منك طلب
نهلة: حبيبي قول
اياد: انا اتصلت على ميرا عشان تيجي عشان انا ضيقتها وحقيقي مكنتش اقصد او مكنتش اقصد اووي يعني لما تيجي عايزك تجيبيها وتيجي يمكن لما تشوفني كدا تسامحني
نهلة بصتله بغموض وبعدين  ابتسمت
اياد ضحك: يا خوفي من الأبتسامه دي
نهلة: هفرح بيك يعني ولا ايه!!
اياد ضحك: ايه... اتجوزها مثلا
نهلة: ليه لا يا اياد ادب واخلاق وجمال وروح حلوة ليه لا يا حبيبي
اياد: والله مش لاقي الأجابه او مش عارف في ايه وايه اللي بيحصل معايا... بس كل اللي اعرفه اني عايزها جمبي
نهلة: بتحبها يا اياد!
اياد بصلها اووي بأستغراب وابتسم وضحك: تصدقي هي دي الحاجه اللي كانت نقصاني ايوا يبقى هو دا اللي انا حاسس بيه ازااي مخدتش بالي ازاي بسأل نفسي ايه الشعور دا ومتلغبط مع ان الأجابه سهلة حب...
نهلة ابتسمت بسعادة: واثق يعني
اياد: ااه اووي كمان يلا يا ست الكل اول متيجي دخليها ويا سلام لو تقوليلها ف غيبوبه وانا هتكفل
نهلة كشرت: اخس عليك يا اياد بعد الشر عنك يا حبيبي
اياد: يا ماما عادي مهو تمثيل عشان تنسى زعلها مني وتصفى ومتقلقيش
نهلة: حاضر يا اياد لما اشوف حب سيادتك الجنوني دا بقااا
اياد ابتسم وباس ايدها: تسلميلي يا ست الكل
نهلة خرجت واياد نام ف السرير براحه واتألم من دراعه المكسوى وشويه الباب خبط وهو غمض واتفتح الباب وسمع نهلة بتتكلم: الدكتور بيقول حالته وحشه يا ميرا ادعيله يا حبيبتي
ميرا كانت ساكته وهو حس بيها بتقعد جمبه
نهلة: بعد اذنك يا حبيبتي اجبلك حاجه تشربيها وجايه على طول
مشيت نهلة واياد مستنيها تتكلم عايز يشوف هتقول ايه ممكن تقوله ايه واتفاجأ بألم على وشه وفتح بصدمه
ميرا وقفت: انت فاكرني غبيه بقاا
اياد قعد بصدمه
ميرا: حالتك خطيرة يا عمي سفيان
اياد حاطت ايده السليمه على وشه والصدمه محتلة ملامحه
ميرا: مكنتش اعرف انك غبي والله انا اه تقبلت الموضوع بس اتفاجأت لما عمي سفيان مستغرب هو احنا عرفنا ازاي!! لا وكمان حالتك خطيرة ونايم بتبربش على السرير لا لا وكمان حالته خطيرة ومفيش ولا محلول ولا جهاز ضغط حتى يعني انت لو بتدرس طب جموس مش هتبقى بالغباء دا ولا الخبطه مأثرة على دماغك
اياد باصصلها بصدمه وهي بتتكلم ورا بعض مبتاخدش نفسها وف الأخر طلعت وهو مذهول من اللي حصل وان اللي خطتله فشل
نهلة: ميرا!
ميرا: بقى كدا يا طنط اضحكي عليا وتقوليلي انه تعبان وهو زي القرد
نهلة: والله يا بنتي هو اللي قالي متزعليش بس قال انه عايز يصالحك
ميرا: هو قالك على اللي حصل
نهلة: لا بس قال انك مضايقه منه انا مش عارفه اني اقولك الكلام دا صح ولا لا بس اياد بيحبك يا ميرا اياد ملوش تجارب ودايمآ ف حاله وهادي وعاقل ومحترم ميعرفش يعبر عن مشاعره ميعرفش يقول حاجه حاسس بيها بس هو كل اللي عارفه انه بيحبك يا ميرا
شافت اياد ورا ميرا فأبتسمت ومشيت وميرا لفت بأستغراب شافته قدامها
ميرا حاولت تبان جامدة ورسمت البرود على وشها ودخلت لداني وهما ماجمعين هناك
اياد: اعمل فيها ايه دي مش فاهم يا رب صبرني عليها بجد

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نينا: لا انا لازم اروح اشوفه
ادهم: يا بنتي والمصحف اياد كويس وبابا طمني عليه
نينا: وداني!!
ادهم: بيقولو اصابته اكبر بس ان شاءالله  خير الواد دا مصيبه لوحده
نينا: لا وديني يا ادهم وديني
ادهم: حبيبتي كان في حرامي هنا والدنيا مقلوبه
نهلة ارسلان بصتله بخوف: وايه اللي حصل
ادهم حضنها: حبيبتي متقلقيش انا اتعاملت معاه بس بابا صمم محدش يتحرك من هنا
عمر دخل: الشرطه وصلت وعمي مصطفى راح معاهم وعمي صهيب قال مشلازم تروح الموضوع هيخلص بمعرفتهم
ادهم: مكنتش هروح اصلآ
عمر بصله وهو حاضن نهلة واتضايق اوووي وبعد ايده: ملكش دعوة  بيها
كلهم بصوله بأستغراب
ادهم: انت اهبل يبني انا اخوها
عمر: بردو ملكش دعوة بيها فاهم
ادهم: لا دا انت اتجننت بقاا
نهلة: عمر ايه اللي بتقوله دا هتغير عليا من اخويا
عمر: اه انا بغير عليكي من اي حد من اي راجل مهما كان مين
ادهم بصله اوووي وسكت وبعدين مسك ايد نينا: تعالي نشوف اسماء لحسن الواد دا شكل عقله اتلحس
خرجو ونهلة بصت لعمر: انت بالغت اووي يا عمر في ايه
عمر: مش عارف انا مش عايز حد يقرب منك غيري انا بس اللي افضل مهتم بيكي يا نهلة وانا بس اللي احضنك
نهلة بصاله ومش عارفه تفسر شعوره ولا كلامه
عمر ابتسم بحنان وبيلعب بشعرها وهي ابتسمت بتوتر من طريقته الجديدة دي.....
نينا: حبيبي متضايقش
اسماء: ايوا يا ادهم ملكش حق تضايق انت ممكن تغير عليا من داني
ادهم: يبقى بمناغشه هزار مبيبقاش بالطريقه دي يا اسماء دا انا لو اخوه مش اخوها وحضنتها مش هيتقلب كدا لو بني ادم عاقل بس دا فقد كل ذرة عقل والله
اسماء: حبيبي طيب اهدى ايه رأيك نروحلهم على المستشفى انا قلبي واجعني اووي على داني
ادهم: هو كويس يا حبيبتي هو فايق شويه كدا نكلمهم ويطمنونا هيرجعو امتى بس ءأمن مكان دلوقتي البيت انا مش ضامن ايه اللي يحصل خصوصآ اني مش عايز اسيب نهلة هنا وعمر لو سهى عنها وحصل حاجه مش هسامح نفسي
اسماء: خلاص نستنى نتصل بيهم كمان شويه
نينا: انا هاخد وعد
ادهم: خديها يختي دي قرفانه عياط
اسماء: اخس عليك يا ادهم دي عسل وجميله
ادهم ضحك: هو انا قولت وحشه مهي قمر اهي بس قرفانه عياط الواحد مبقاش عارف ينام اومال لو خلف تاني هيعمل ايه
اسماء: لو ايه يا حبيبي لا انت مع نفسك انا خلاص كدا الحمد لله انا هربيها واهتم بيها والحمد لله دا انا كنت حسى روحي هتروح وانا بولد
ادهم: هههه مع نفسي يعني اتجوز تاني يعني ولا ايه
اسماء: اه وماله لو تقدر تعملها اعملها نينا حبيبتي شكلك هتيجي تباتي معايا النهاردا عشان اخوكي هيبات على الكنبه برا
نينا ضحكت
ادهم ضحك وحضانها: وانا اقدر بردو يا قلبي
نينا: طيب انا هاخدها معايا لو فضلت ساكته هنيمها انا
ادهم: ماشي
نينا خرجت وادهم فرد جسمه على السرير بأرهاق
اسماء قعدت جمبه: مالك
ادهم: اللي حصل النهاردا تعبلي اعصابي والله واللي ماتو وملهومش ذنب دول والله اعلم كل واحد سايب ايه وراه مراته ولا بنته ولا عيلته ولا ولا
اسماء حضنته: اول مرة اشوفك بتتكلم كدا وبالنبرة دي
ادهم: يمكن عشان مش متخيل اني ابعد عنكو او اسيبكو رغم ان لو حصل كدا انا واثق ان اهلي هيتكفلوا بيكو قبل اهلك بس بردو مش عارف ليه قلقان
اسماء استرخت ف حضنه: حبيبي انت لازم تعرف اني مليش مكان غير ف حضنك واني بحبك وان مهما يحصل مش هعرف اعيش من غير وبلاش يا ادهم الكلام دا عشان بيضايقني يجد
ادهم ابتسم: حاضر يا روح ادهم

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد: بقاا انت اللي اقنعتها بالعريس
سفيان: اه
اياد بصله بغيظ: وليه بقاا ان شاء الله
سفيان: وانت مالك يبني في ايه
ميرا كاتمه ضحكتها هي ونهلة وداني باصصلهم وهما بيتخانقو ف اوضته ومش عاملين حساب لحالته ومرتضى بيضحك عليه
داني: هقولك ايه ربنا على الظالم
مرتضى داس على جرح ف راسه: ايه الأحمر دا
داني بألم وغيظ: روج انا بحب احط روچ ف دماغي
الكل ضحك
ياسر: يبني انت متضايق ليه
اياد: مش مضايق حضرتك بس احب اقولكوا حاجه ان ميرا مش هتتجوز الراجل دا واني طالب ايد ميرا بنتك وعايز اتجوزها وبكرا كمان كتب الكتاب والفرح بكراا
ياسر بصله بصدمه والكل اتصدم حتى نهلة من تهور اياد
سفيان: اياد الأمور متجيش بالطريقه دي
اياد: تيجي ازاي لما القيها اتجوزت اروح اتقدملها مثلآ
ياسر:اتجوزت ايه هي لسه شافت العريس اصلآ
اياد بصلها اووي وفهم دماغها وعض شفايفه بغيظ وف سره: بقاا كدا دا انتيكنتي قاصدة تجننيني بقاا وتعالى خطوبتي وهستناك يا بنت اللذينه وربنا لوريكي
على صوته: طب بردو انا عايز اتجوزها بكرا
داني: يبني ادم يللي معندكش دم تتجوز ايه بحالتك دي وانا هحضر فرحك ازاي ولا ناووين تعملوه عندي ف الأوضه اهو دا اللي ناقص والله
اياد: اخرس بس انت مش ناقصك يا دندون
ميرا مقدرتش تخبي ضحكها لأنها فهمت انه غار اووي من تعاملها مع داني
ياسر: يبني مش لما نتكلم ونتشاور واسألها انت مستعجل على ايه في عادات وتقاليد
اياد: احنا مش غربه واهي قدامك اسألها
ياسر بضيق: يبني اصبر
سفيان: اياد اهدى في ايه الأمور دي مبتتاخدش كدا وفي بيت نتكلم فيه
اياد: بيت وبيبسي وجتوه واجيب ابويا واخواتي وانت واخواتك ونقعد سنه نتكلم ولو سمحت يا عمي انا طالب القرب منك تقولي ف مين وانت اصلآ معندكش غيرها لزمته ايه مهو خير البر عاجله با عمي ولا اقولك يا بابا!
ياسر غصب عنه ضحك
سفيان هيتجنن من ابنه
ياسر: ايه رأيك يا ميرا
ميرا: مش موافقه انا قولت لحضرتك هشوف العريس وانا مقتنعه جدآ بكلام انكل سفيان
اياد جز على سنانه: وقسما بالله لو مبطلتي استفزاز هتلاقي بوكس ف وشك
ياسر بضيق وعصبيه: اياد انت اتجننت
اياد انتبه لأبوها اللي واقف ولعن تسرعه: عمي انا اسف بجد مقصدتش بس هي استفازتني
سفيان بصله بتحذير: ممكن تسكت بقاا وسيبنا نتكلم اهدى بقاا
اياد: اهو هدين
بص لأسماء بغيظ واسماء رافعه راسها بكبرياء وهو ساكت عشان ابوها وداني مراقب وبيضحك وشويه وبيتألم

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

نهلة مسكت التيليفون وبتلعب عليه ومبتسمه
عمر: بتكلمي مين!
نهلة:ميكلمش حد
عمر:اومال
نهلة:مفيش مش بكلم حد
عمر خد منها التيليفون وهي كانت هتشده منه بس بعد ولقاها بتلعب سباق سيارات
نهلة:خسرتني
عمر اداهولها
نهلة:انت خدته ليه وبعدين انت مالك بقاا مش طبيعي ليه النهاردا مكشر كدا وحاسه اني تحت المراقبه منك
عمر:تحت المراقبة!انتي دايمآ هتبقي تحت المراقبه مني لو بتسميها كدا.....لكن لو مسمياها حاجه تانيه فدا حب اهتمام وانتي ايه لحقتي تزهقي
نهلة:انت فاهم وعارف كويس اني مقصدش كدا بص انا مش هتكلم
عمر مسك ايدها:افهم انك مخصماني
نهلة:لا يا عمر بس انت ضايقتني النهاردا يعني اكيد ادهم اضايق من طريقتك بردو
عمر:اللي حصل النهاردا وترني الدم القتل انا عمري نتعرضت لحاجه زي كدا يا نهلة
نهلة:خلاص يا عمر اهدى واسترخي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد:رفضتي لييه ان شاءالله
ميرا:واوافق ليه ان شاءالله
اياد:توافقي ليه اسالي نفسك المفروض توافقي ليه بقااا يعني واحد عايزك
ميرا:دي الفكرة بقاا اللي مرفوضه واحد عايزني واحد عايز زوجه بس واحده تخدمه ف البيت لكن انا عايزة واحد يحبني واحد يتجنن على دموعي مش هو اللي ينزل دموعي فرق كبير اووي يا اياد
اياد:انتي ليه مش قادرة تفهميني
ميرا:علشان انت نفسك مش قادر تفهمني المفروض اني افهم وانت مش مديني فرصه اصلآ
اياد:طب انا اعمل ايه قوليلي اعمل ايه وانا راضي عشان اثبت اني
ميرا بترقب:انك ايه
اياد بأستسلام:بحبك يا ميرا بحبك يا غبيه
ميرا:اثبت بقاا دا
اياد:اثبت ايه دا انا قولتها بالعافيه وبعدين ايه البرود دا اقول بحبك تقوليلي اثبت انتي ايه يا شيخه
ميرا:انا ميرا ومش سهل هقتنع ايه بتحبني وبعدين يعني
اياد:هتجوزك
ميرا:وبعدين
اياد:نخلف بقاا ونبني عيلة ايه الأسئلة دي
ميرا:وبعدين اكون ست البيت اللي اتغيرت بعد الجواز وتدور على غيري نعيش ف عذاب انا وعيال ونتطلق وانت تاخدهم تكرهم فيا واكبر واعجز وميعرفوش اني امهم واتسجن ويجي يدافعو عني
اياد غصب عنه ضحك:انتي بتتفرجي على ابيض واسود كتير وعلى شاديه بالذات لا لا والمصحف مش طبيعية لا حقيقي مش طبيعية انتي ايه دماغك دي يا خبر يا ميرا
ياسر خرج:انت واقف بتعمل ايه وانتي واقفه معاه برا ليه مش قولتي هتشتري حاجه وجايه
ميرا:اه يا بابا هو بيضايقني مش متقبل اني مش عيزاه انا مش فاهمه في ايه
اياد باصصلها بدهشة
ياسر بعصبيه:ايااد اظن مينفعش وميصحش كدا انا فوت عشان بس خاطر ابوك لكن لو فضلت كدا انا هاخد ردت فعل انت هتندم عليا
اياد:يا عمي واللهي مقصدش حاجه بس انا مش عارف اقنعها ازاي
ياسر:الجواز ايجاب وقبول وهي مش متقبلاك مفيش اي مشكله اتقبل الفكرة ويا ريت تفضل عاقل انا بتعامل معاك على انك عاقل غير كدا يا اياد هتندم على ردت فعلي
خد ميرا ومشي وسفيان واقف بيتفرج عليه
اياد لف شافه واضايق:حضرتك ساكت وكمان انت اللي جبتلها العريس ليه يعني ترشحلها دا اشمعنا دا بالذات منت عندك ابنك
سفيان:ابني اللي يختار عشان عاقل وعشان مفيش اي حاجه تدل على انك بتحبها اثبت
اياد:كل واحد يقولي اثبت اثبت اعمل ايه يعني اثبت ازاي انا يعني......
سفيان:لما تعرف تثبت انا هقولك
سابه ودخل واياد هيتجنن مش عارف يعمل ايه ولا ازاي يقنعهم انه بجد حقيقي بيحبها!!!

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم:ناويه تفضلي رايحه جايه قلقتيني وبعدين وعد مع نينا يبقى نستغل الفرصه وننام حرام دا انا بقالي يومين منمتش
اسماء:يوووه يا ادهم نام انت انا بحضر هدومي الدولاب اتبهدل كله وبسببك مش عارفه راسي من رجلي
ادهم:طيب اطفي النور بقاا والله مش قادر
اسماء بصتله وجزت على سنانها:حاااضر حااضر هطفيه
ادهم ابتسم وهو بينام وهي نطت على السرير قاام مفزوع:اتجننتي يا اسماء في ايه
اسماء:بنتك مع نينا يبقى نستغل الفرصه ويلا قوم عشان نخرج
ادهم اتنهد وبصلها:الدم دا نعمه يا اسماء وانتي اتحرمتي من النعمه دي واللهي لو قربتي من السرير انتي متعرفيش مش بعيد اتدرب بوكس فيكي
اسماء كشرت وبتشد الغطا:طب قوم بقاا قوم
ادهم شدها وخد الحجاب بتاعها ربطها وربط بؤها وبثلها:حلو كدا خليكي كدا بقى تصبحي على خير
اسماء بصاله بصدمه وبعدين استوعبت اللي عمله وعماله تتحرك بس خلاص هو نام
ادهم مبتسم وبيكتم ضحكته بالعافيه لحد منام.

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني:واللهي يا ماما هموته والعيله دي هقطع علاقتي بيها وبالذات ابويا
مرتضى ضحك
داني بصله بغيظ:وربنا لو جايين لكلب على رأي اياد كان هيبقى عندكو مشاعر ليه اكتر من كدا
اياد دخل ورزع الباب وبزعيق:يعني مش فااهم اعمل ايه
داني بيمثل العياط:وربنا همووت منكو حرام عليكي اللي بتعملوه دا انا بني ادم متعلق
چوليا غصب عنها ضحكت
داني:حتى انتي يا ست الحبايب مكنش العشم
چوليا:والله لسانك دا هو اللي بيضحكنا
داني:اديني بعمل حاجه مفيدة ف حياتي
عدى يومين ونهلة ملاحظه عمر وتصرفاته بيغير عليها جدآ بقى متملك اووي ف حبه ليها بيسيطر على كل حركه ليها كل تصرف يوم ميخرجها من الأوضة يبقى مفيش حد
نهلة ارسلان:انا مخنوقه انا عايزة اخرج انا اتخنقت من الأوضة خرجني يا عمر
عمر:عمي سفيان عنده ضيوف تحت
نهلة:دي رانيا ومامتها واخوها منت عارف وانا اختهم المفروض ابقى معاهم
عمر:مهاب غريب ليه يشوفك
نهلة:انت بتقول ايه دول ضيوف عندنا ايه المشكله
عمر:قولت لا يبقى متذنيش
نهلة بصتله وسكتت وهو اتضايق وقعد قدامها وباس ايدها
عمر:متضايقيش هنزلك خلاص
نهلة ابتسمت وحضنته :شكرآ يا موري
عمر ابتسم وشالها حطها على الكرسي ونزلها
ادهم ابتسم
نينا كانت جمب سفيان ومهاب قاعد وعينه بس عليها وداني هاين عليه يخنقه
ساميه:احنا جينا اول مرانيا قالت ان داني تعبان كدا الف سلامه
داني:الله يسلمك يا طنط ساميه
رانيا كانت ساكته وباصه لمهاب وخايفه حد يلاحظ نظراته
سامية:اومال فين اياد
سفيان بصلها بحده وترتها
سامية:ا..اصل الكل متجمع هنا...الا هو
اياد دخل:اممم نعم...انا هنا
سامية بصتله وابتسمت وهو قعد جمب ادهم وداني ملاحظ دا وحس فجاه انه متلغبط
رانيا:المهم جروح وشك دي هتتظبط امتى مش عايزة الفرح يتأجل ومش عايزة تكون كدا ف الفرح
چوليا اتضايقت:المفروض انه يعمل ايه مثلآ
رانيا:يعمل ايه ياخد علاجه مظبوط يا انطي
نهلة ساكته وهي مش طيقاهم وسفيان حاوطها وهي قاعدة جمبه وبصتله وابتسمت وساميه هتموت من الغيظ وقامت فجأه:سفيان انا عيزاك
سفيان:اتفضلي قولي عايزة عايزة ايه
ساميه:حاجه خاصة بالولاد
سفيان:ابوه عندك اهو هو صاحب الشأن
چوليا بصت لمرتضى ومرتضى وقف راح معاها خرجو وچوليا استأذنت وراحت وراهم تسمع
مرتضى:افندم
سامية:ايه يا مرتضى حتى انت مبقتش طايقني
مرتضى:كويس انك عارفه يا ريت بقاا تبعدي عنه واحد متجوز وبيحب مراته
سامية:وانت ايه بقاا موحشتكش دا احنا الأيام اللي قضيناها سوا كانت احلا ايام
مرتضى بسخريه:لا وانتي الصدقه اقذر ايام والحمد لله ربنا هداني بعد مكنت هخسر كل حاجه وكويس ان عندي جوليا عوضي من ربنا چوليا احسن وانضف مخلوقه عرفتها
سامية:ااه المطلقة
مرتضى لوى دراعها بعنف:المطلقة اشرف من امثالك انتي عايزة تقارني نفسك بيها دي ولا ايه دا انتي متقارنيش نفسك بيها
سامية بعدت عنه بصعوبه:انت اتجننت يا مرتضى
مرتضى:انا لسه متجننتش عليكي وانا بقاا مش سفيان فمش هحترمك وهمسح بكرامتك الأرض دا  لو كان عندك كرامه اصلآ
زئها وخرج شاف چوليا اللي بصاله والدموع ف عينه وهو سحبها بصمت لبرا
چوليا بصاله وساكته
مرتضى:واللهي العظيم يا چوليا واللهي العظيم دا كان زمان ومبقاش في حاجه تربطني بيها
چوليا بدون مقدمان اترمت ف حضنه واتشعلقت ف رقبته وهو اتفاجأ بس ابتسم وحضانها جامد كأنه بيجاهد يدخلها بين ضلوعه
چوليا:متقولش حاجه كفايه اللي سمعته وميهمنيش اللي فات وجودك معايا وانك بس تتغير عشان دا كفايه انا بحبك
مرتضى ابتسم وهو حاضنها
دخلو واسماء نزلت بوعد:ادهم
ادهم:ايه يا حبيبتي
اسماء جت وهنا اتسمرت مكانها اول مشافت مهاب وافتكرت نظرة عينه اول مشافته ونظرة التوتر دلوقتي وهي بعدت بصدمه
ادهم مسكها:في ايه مالك
مهاب بص لرانيا
رانيا اتوترت وبصت لساميه
ادهم:حبيبتي مالك فيكي ايه
داني بصلها:اسماء
اسماء:دا هو دا.....المقنع.....

🌸الى اللقاء في حلقة اخرى🌸

#اشوفكوا_بكرا

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

الأسئلة:-
اياد هيعمل ايه مع ميرا ممكن ازاي يخليها تصدقه؟!
داني خلاص هيتجوز راني؟!اسماء اتعرفت على مهاب تفتكرو ممكن ايه اللي يحصل؟!