رواية من نسل فرعون (الأسيرة 2) للكاتبة/ندى محسن ♕Noody♕ الفصل الثاني عشر 12 - بقلم الكاتبة ندى محسن

♡من نسل فرعون♡ الأسيرة2

الحلقة 12
للكاتبة/ندى محسن ♕Noody♕

اياد ركب العربيه مع شاكر وميرا جمبه وهو كل تركيزه عليها
ميرا: نعم
اياد: ايه هو انا كلمتك
ميرا بصت قدامها
اياد: اخرتها ايه يعني مش فاهم
ميرا: انت عايز ايه بالظبط هاا
اياد: عايز ايه بالظبط....
ميرا: ايوا يعني ايه اللي جايبك معايا اصلا 
اياد: اسيبك وانزل يعني
كل دا ف همس بينهم وشاكر سايق
اياد تيليفونه رن
سفيان: الو انت فين
اياد: رايح عند ابو عمر
سفيان: عايزك فمتأخرش
اياد: حاضر مش هتأخر
قفل وبص لميرا وميرا باصه قدامها
اياد: قبلتي العريس
ميرا: بتسأل ليه وانت مالك
اياد: ردي عدل
ميرا: هقبله
اياد: اممم تقبليه ابقي قابليني يا ميرا
ميرا: هتعمل ايه يعني
اياد قرب همسلها: انا عملت خلاص عريس الغفله بتاعك دا سافر وابقي قابليني لو نزل مصر تاني
ميرا: دا ازاي
اياد: خاف على نفسه وعلى اهله
ميرا: من مين!
اياد: مني
ميرا: اياد انت اتجننت انت هددته
اياد: اه هددته ومتجبيش اللوم عليا عشان لو كان بيحبك مكنش هيهمه انا ولا غيري فاهمه
شاكر وقف بالعربيه ف مكان مهجور
اياد: ايه دا!! دا مش الطريق اصلا
شاكر: اه انزلو بس وهتفهمه
ميرا مسكت ف دراع اياد: متنزلش... مش مطمنه....
اياد: ايه اللي مش مطمنك وبعدين  مش صاحب ابوكي ولا ايه وبعدين بردو انتي معاكي راجل
ميرا: بلاش تعند يا اياد لو سمحت
نادر: ايه دا يا باشا دا ايه اللي جابه معاها
شاكر ضحك: منا هخلص من ابوه كلها كام دقيقه اروحلو وايدي فاضيه قولت اما اجبله راس ابنه هدية
نادر: دا انت دماغك نااار
اياد نزل: لو سمحت انت جبتنا هنا ليه وايه المكان دا
نادر راح طلع ميرا اللي كانت هتموت من الخوف
اياد سحب ميرا منه وبصله بحده وتحذير يقربلها
شاكر ضحك: الله متبقاش حمقي اووي كدا
نادر شاور لأتنين يجو وجم يمسكو اياد ضربهم وميرا ماسكه ف دراعه وهي وراه: احنا لازم نروح دول حراميه هيقتلونا ويسرقو اعضائنا
اياد حس فعلآ بخوفها وهي بتترعش حط ايده على ايدها: اهدي انتو عايزين ايه
شاكر: وسيادتك معاك ايه تقدر تدهولنا
اياد: فلوس وابعدو خلينا نمشي
شاكر ضحك بصوته كله: اقولك طلبي امممم رقبت سفيان ايه رأيك انا اه عايز الأموره اقضي وقت حلو معاها بس كفايه رقبت سفيان
اياد لكمه بدون مقدمات:ابويا اللي هيقرب منه انا هنسفه فااهم الواضح انها مش صدفه ابدآ ومين عارف مش يمكن انت اللي ابويا مزود الحراس علينا عشانه بس مظنش شكلك ميديش اكتر من حارس عندنا
سكت وبص لنادر وافتكره:انت.....
نادر ضحك:بالظبط
اياد:طب يا شطرين ابعدو خلينا نمشي بدل مفتح عليكو ابواب جهنم
شاكر ضحك:خفنا بصراحه
شاور للحراس يمسكوه وهو بيضرب اي حد يقرب وبيحمي ميرا لحد مجت لحظت غدر راح نادر ضربه على دماغه بالسلاح واياد اتنطر بألم وهو ماسك راسه
ميرا صرخت:ايااااد..
اياد غمض عينه بألم وميرا مسكت فيه بدموع وخوف وهو مسك ايدها وبصلهم بغل وهو بيكتم المه
شاكر سحب ميرا:خدوه جوا يلا ويتربط وانتي يا جميله تعالي
ميرا بتحاول تسحب ايدها منه وعايزه تروح ناحيه اياد اللي ملامحها اتحولت من خوف لقلق عليه هو وهما ضربوه كذا مرة بيستغلو ضعفه وهو بينزف وواقع ف الأرض وبدون مقدمات كان رامي الرمل ف عينهم ورا بعض وسحب ميرا وجري بيها مش عارفين هما فين ومش عارف ايه المكان دا وهو بيقاوم المه
ميرا ماسكه ف ايده وبتجري معاه لحد ملقو نفسهم قدام بيت مهجور لفو ف المكان المفروض كانت حديقه بس دبلت ودخلها ف اوضه صغيره استغربوها بس الواضح انها كانت لأدوات تنظيف
اياد همسلها:هشش اهدي...بصي اياكي تطلعي من هنا مهما حصل الا الا لو انا طلعتك
ميرا مسكت فيه:لا مش هتسيبني وتروح دول دول مجرمين وانت بتنزف
قلعت حجابها وربطت راسها وهو باصصلها:مش هسمح تتأذي متخافيش
ميرا:انا حاليآ مش خايفه غير عليك فمتفكرش اني هسيبك لو لحظه
اياد كان فعلآ قلقان عليها باصصلها ومش متخيل ان ممكن تتأذي وبسبب ايه بسببه انه مش قادر يحميها طلع التيليفون واتصل بصهيب خاف على سفيان الناس دي عايزة تقتله وبس
صهيب:غريبه انك بتتصل
اياد:انا وميرا مع شاكر
صهيب اتنطر:ايييه ازااي وازاي الحراسه مش معاك
اياد:المهم انك تتبع مكانا انا هسيب التيليفون مفتوح وبسرعه تبقو هنا مضمنش ممكن يحصل لميرا ايه...مش عايز بابا يعرف لو جه هنا مش عارف ممكن يحصل ايه
صهيب بسرعه كلم مصطفى وقاله يتتبع المكالمه اللي على تليفونه
ميرا شافت فار وغصب عنها راحت مصوته وسمعو صوت رجلين جايين بأتجاههم
اياد بصلها بغيظ وسحبها وجريو بسرعه من هناك ومعاه التيليفون وصهيب هيتجنن وبسرعه خد الحراس وعربيته ومشي
ميرا:انا اسفه اياد بجد انا
اياد:هششش اسكتي وامشي
نادر وقف قدامهم ووجه السلاح على اياد واياد بحركه سريعه خده منه ووجه السلاح عليه
اياد:ابعد
نادر:بقاا اياد هيقتل
اياد حط ميرا وراه:ابعد والا
الحارسين وشاكر وصلو عندهم
اياد بلع ريقه بصعوبه هو مش ممكن يقتل هو متمناش يتحط ف الموقف دا
شاكر بصله بغل وهيطلع سلاحه بس اياد ضربه ف ايده
اياد بعصبيه:ابعدوووو والا انا هقتلكم فعلاً
نادر بعد والحراس بعدو وشاكر واقف مكانه
شاكر:ابوك خد مني كل حاجة وابوها خد مني عمر بحاله ومستني اني هسيبكم
اياد:انت كدااب ابويا مش ممكن يأذي حد عدل
شاكر:ابوك خد نهلة اللي هي تبقى بنت عمي ابوك خد خطيبتي وحبيبتي انت عارف هما اتجوزو ازاي
اياد:بنت عمك!!!!! هما كانو بيحبو بعض
شاكر فهم انه ماشي صح وكمل:اممم بيحبو بعض ابوك غاصبها على العيش معاه امك كانت معايا لما خرجت من المستشفى وانا اللي روحتها على القصر
اياد:انت كذاااب كذااب امي اختارت بابا وهو اتجوزها
شاكر:ههههه مسألتش نفسك ازاي عرفها ابوك غني وامك ولا كانت بتشتغل ولا اي حاجه وليه ابوك منعزل عن اهلها هاا كل دا انا بس اللي عارف اجابته
ميرا:متسمعهوش يا اياد
شاكر:ابوك غاصب نهلة على العيشه معاه هو اغتضبها ورماها وامر بقتلها كمان بس نهلة كان حظها حلو ووقعت مع چوليا اللي سفرتها وابوك زور شهادت وفاه وقتها انا وهي كنا مخطوبين كنا بنحب بعض اوووي وهي كانت بتعشقني بس رجعت البيت وجدي كان عايز يجوزنا بس ابوك جه وضرب ابويا بالنار ونهلة خافت على عيلتها اللي بتتدمر دي واختها ريفال اللي ابوك حاول يعتدي عليها بردو ولما عرف ان نهلة حامل فيك خاف لتاخد منه املاكه اتجوزها من غير متعرف غصب عنها بردو ومهددها بيكو دايما تقدر تقولي لما نهلة شافت انه بيخونها فعلآ وافقت ترجعه ليه لو واحده بتحبه كانت هتتجنن الغيره كانت هتتحكم فيها انا كنت بتمنلها الرضى ترضى ولحد دلوقتي انا بعشقها (الدموع نزلت من عينه بوجع وطبعا دا كله تمثيل)انا عمري منسيتها بعدها ابويا اصر اني اتجوز هدى امك وبالفعل جوزهاني بس عشان حالتي وانا اتعلقت بيها بس كنت بعشق نهلة لحد مياسر جارها ظهر ولبسني قضيه قتل ابوها مع انه هو اللي دخل عليها بيه وهو مقتول بين ايديه بس هي باعتني ودخلت السجن عمري كله ضاع ف السجن انا مش معايا دليل غير اسيمه جوازي انا وهدى او...طلاقي
اداهم الورقه:انا كنت مهدد دايما مكنتش غني ولا عندي اي حاجة والدنيا دايما بتيجي على الضعيف اما بقاا علاقه نهلة انت تقدر تسأل سفيان اسئله مباشره بس تكون نهلة موجوده وتشوف ردت فعلهم وانتي يا ميرا نفس الكلام هتعرفو انهم فعلآ اسوأ مما تتخيلو ومش كتير عليهم القتل
كان شايف صهيب جه وجري اختفى مع نادر واياد كان مصدوم ايه دا يعني كل حاجة قلهالو وقصه الحب كدب يعني ايه لا لا هو مش هيسمع ليه هو اكيد بيألف...لا انا هسأل بابا هو اكيد هو اكيد مش بيكذب عليا
ميرا كانت مصدومه وماسكه الورقه
اياد رمى السلاح وصهيب بيدور على شاكر بس شاكر كان عارف كل حته ف المكان دا وقدر يستخبى
اياد حاوط وش ميرا بصمت وهي اترمت ف حضنه بدموع وهو حضانها جامد هو محتاج اووي لدا بصلها وبص لشعرها وعدل البندانه اللي بتلبسها تحت الطرحه عشان يداري بيها شعرها
ميرا:لازم تروح لدكتور انت بتنزف
صهيب:يلا هنطلع على المستشفى يلاا
راحو على المستشفى واياد عالجوله الجرح واتخيط وربطوله راسه
اياد بدون مقدمات:بابا اغتصب ماما!......
صهيب اتسمر مكانه وبصله بصدمه:انت مين قالك كدا ايه الهبل دا؟؟
اياد:واتجوزها لما حملت فيا
صهيب:اياد ايه اللي بتقوله دا انت اتجننت
اياد:جاوبني الأحسن انك تكون صريح معايا
صهيب حس ان عدم اجابته هتخليه يفهم غلط اكيد دا بسبب شاكر اللي بخ سمه ف اياد صح
اياد:كانت مخطوبه لشاكر ابن عمها وهو وقتها اعتدى عليها؟
صهيب بيهز راسه بنفي
-لا يا اياد هو معتداش عليها سفيان لو عمل ايه موصلش للمرحلة دي هو معتداش عليها
اياد:هي اتغصبت على العيش معاه...
صهيب:اه بس دا كان زمان دلوقتي لا دلوقتي هي عايشة معاه بكامل ارادتها
اياد وقف:امم دلوقتي خلاص عمرها ضاع صح....انا لازم اشوفه
صهيب:متبقاش غبي لازم تسمعه
اياد:ايه عذره هااا لا انا مش هحط اعذار لمجرد انه ابويا بس لو امي بتعاني معاه انا مش هخليها يوم واحد على زمته

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

داني بينادي على اياد بس محدش بيرد
نينا سمعته خبطت
داني:ادخل
نينا دخلت:في ايه مالك
داني:فين اياد
نينا:لسه مجاش
داني:وادهم
نينا:ف المستشفى مع اسماء بيشوف حاله البيبي
داني:ابوكي!
نينا:راح لنهلة مع مامي وطنط چوليا
داني:اوووف بقاا
نينا:عايز ايه وانا هساعدك
داني:انتي لا
نينا:دا ليه قول عايز ايه بس
داني:عايز ادخل الحمام
نينا بصتله
داني ضحك:يخربيتك متفهميش غلط هو بيسندني بس ادخل عشان رجلي
نينا:طب..هساعدك..
داني:اممم دا بجد
نينا:اخرج يعني
داني:لا لا
نينا وقفته وهو ساند عليها ومش عايز يحمل عليها لحد مدخلته وهو ابتسم
داني:مكنتش متخيل ف يوم انك هتبقي سندي
نينا بصتله
داني ابتسم وحط ايده على وشها:حقيقي انتي هديه من ربنا ليا
نينا بصتله اوي وشافت الصدق ف عينه اول مره تحس كدا قلبها بينبض جامد بسرعه
داني:مش عايزك تضايقي ولا تزعلي مني لكل اللي فات لأني عارف مش هعوضك
قاطعهم الباب بيتفتح بتاع الأوضه وادهم داخل:داني
داني قفل باب الحمام بهدوأ وبص لنينا اللي برقت
ادهم:داااني فينك
داني:انا...في الحمام
ادهم:مين دخلك
داني:اياد..قبل ميمشي
ادهم:طب اطلع بقى عايزك
داني:استناني برا الأوضه بس عشان هتسند على الحاجه واطلع البس
ادهم:دا اللي هو ازاي
داني بعصبيه:ادهم لو سمحت استنى تحت
ادهم:خلاص يا عم انا ف اوضتي خلص ونادي اما امرك غريب
خرج وداني اتنهد
نينا:انا لازم اخرج دلوقتي
خرجت بسرعه واول مفتحت الباب بتاع الأوضه شافت ادهم قدامها وبصتله بصدمه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

سفيان مع نهلة االي بتعيط ف حضن عمر بعد معرفت بمرضها ونهلة مراته بتعيط مع چوليا وهو قام خدها ف حضنه بهدوأ:هي هتبقى كويسه
نهلة ارسلان:اتجوزتني ليه يا عمر ليه انت غاوي هم!
عمر:انتي ايه اللي بتقوليه دا انتي خلال الأسبوع هتعملي العمليه وتبقي زي الفل يا قلبي
نهلة ارسلان كانت بتعيط لحد منامت ف حضن عمر وطلعو
سفيان:نهلة بلاش تعيطي عسان متتعبيهاش واحنا هناخدها يا عمر
عمر:عمي لو سمحت انا مش هسيبها انا مش هروح الشغل انا هفضل معاها ارجوك بلاش نقاش ف الموضوع
سفيان اضايق:نهلة جوليا انا ورايا مشوار وجاي بسرعه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم:انتي بتعملي ايه هنا
نينا بصتله:ادهم...انا ساعدته
ادهم ضربها بالألم ولوى دراعها:بتساعديه ف ايه انتي ازااي تتجرأي تدخليله مش كفايه اللي حصل قبل كدا وابوكي عداها انا بقاا مبعديش انتي بتهببي ايه هناا
نينا بدموع:ادهم انت مش فاهم
ادهم مسك شعرها:مش فاهم انك كنتي معاه ف الحمام
اسماء خرجت:ادهم ايه دا وماسكها ليه كدا
داني ساند على الحوض وسامعه بيتخانق معاها وهي بتعيط عايز يتحرك يمشي وبيضغط على نفسه
ادهم:اسمااااء على اووضتك
اسماء سحبت نينا منه:كفايه غباء بقاا سيبها
ادهم سحب شعر نينا وبعصبيه:انتي ايه نسيتي اخلاقك ومبادئك يا نينا
نينا بتبعد ايده بدموع:ابعد عننني انت مش فاهم حاجة ادهم
ادهم هيضربها بالألم وهو متعصب لقى اللي مسك ايده وزأه
داني بعصبيه:انت ايه اتجننت ازاي تمد ايدك عليها
ادهم:دا انت بتمشي كمان
داني بص لنينا
ادهم ضربه ف وشه كذا مرة
اسماء صوتت ووقفت قدامه وهو بصلها بغضب:ابعدي يا اسماااااء
اسماء:لا مش هبعد انت اتجننت يا ادهم اهدى انت بتضربهم ليه
ادهم:دي اقل حاجه
مسك داني من هدومه:انت ازاي تتجرأ تقربلها
داني:انت مجنون يا ادهم لا لا انت مجنون رسمي انا نديت على حد يساعدني يسندني ادخل الحمام زي مبتسندني لحد مجت نينا عشان مكنش في حد وبعدين لما انت دخلت خفت تفهم غلط زي مفهمت وقفلت الباب وبعدين انت ايه معندكش اي ثقه فيها
ادهم:انا معنديش ثقه فيك انت وانا بعاقبها عشان مكنش ينفع تقربلك وبعدين انت بتمشي اهو
داني:متنساش اني بتعالج كنت هكره نفسي لو مكنتش دافعت عنها في موقف زي دا لأنها زي اختي
ادهم:اااه اختك صح اختك اللي ف وقت غضب منك روحت قولت عليها
داني قاطعه:ادهم مسمحلكش بطل غباء بقاا
نينا بصت لأدهم ودخلت على اوضتها
ادهم غمض عينه بضيق
اسماء دخلت الأوضه وادهم راح وراها
داني بص لأوضه نينا بضيق:دايما انا السبب ف معانتها اووووف

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

شاكر عالج الجرح السطحي اللي ف ايده بسبب الرصاصه وراح لسفيان لوحده
سفيان وقف بالعربيه:اممم دا انت مش خايف
شاكر:وهخاف من ايه عندي ايه اخسره انا معنديش حاجه اخسرها بس انت عندك كتير اوووي يا سفيان انت عندك كل حاجة
سفيان ضحك:دي غيرة
شاكر:هه اه تقدر تقول كدا
سفيان:بس السجن غيرك والله باين على وشك
شاكر:بصراحه كنت هجيبلك راس ابنك بس بحب استمتع باللحظه
سفيان بصله
شاكر:اممم اياد وميرا كانو معايا وكانت فرصه مذهلة اني اقتله بس اااه صح عملت الأسوأ حكتله كل حاجه
سفيان بصله:ايه
شاكر:ابوه الفاضل اللي اعتدى على امه اوووه صدمه بالذات لما كانت خطيبتي وبينا اجمل قصه حب
سفيان اتصدم وضربه بغل وشاكر ضربه ودا جننه اكتر وفضل يضرب فيه وشاكر عاجز انه يصد ضرباته
سفيان بصراخ:انت اتعديت حدودك وانا غلطان اني سيبتك زمااان يا زباله انت
عاصم:سفيااان
سفيان لف واتفاجأ
شاكر ابتسم بتعب وهو بيحاول يقف وبينزف
عاصم بصله بلهفة واشتياق وجري حضنه والدموع ف عينه :انا اسف يبني سامحني
شاكر بيمثل وبدموع:الدنيا جت عليا كتير وانت عارف انا حاولت ابقى كويس والقضيه ملفقة انا كنت ف بيت هدى
سفيان بعصبيه:دا كذااب هو عرف يستعطفك بس مهما يحصل انا مش هسيبه مش هسيبه
عاصم بصله برجى:عمري ضاع وانا لوحدي مراتي ماتت ودا ابني وبعد عني بس خلاص مش هسيبه انا كنت سبب ف كل حاجة واني ربيته غلط بس هو اتغير
سفيان شد شاكر بغل:انت واحد قذر يوم متفتكر ابوك تدخله ف لعبه
تيليفونه رن ورد
چوليا:سفياان انت فين
سفيان:خير يا چوليا في ايه
چوليا بعصبيه:اياد هنا وعرف كل حاجه وكلامه غريب ونهلة منهارة وهو مش هادي خاالص يا سفيان
سفيان بص لشاكر:انا جاي جاي يا چوليا
شاكر ابتسم بشر
سفيان خد حبل من العربيه وربطه
عاصم:سفيان بالله عليك سيبه سفيان
سفيان زأه حطه في العربيه:هو اللي رجع على حياتي عشان يدمرها وانا مش هرحمه
عاصم ركب معاه:وانا مش هسيبه ومهما يحصل مش هسيبه

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

ادهم:يعني اي حد مكاني كان هيتصرف ازاي انتي كمان مضايقه
اسماء:انت مبتعرفش تتفاهم غير بمد الأيد مش حاجه حلوة دي وبعدين انت بتتعصب وخلاص من غير متسمع
ادهم:بقولك كانو سوا لوحدهم لا واستخبو مني تفهمي ايه انتي
اسماء:مهما كان مينفعش تمد ايدك يا ادهم بالذات على بنت
ادهم قعد قدامها وحط ايده على بطنها:انا اسف قولها سماح بقاا يا كابتن يا صغير
اسماء حضنته:حبيبي انا مش عيزاك تغلط كدا
ادهم :حبيبتي انا بموت فيكي
اسماء ابتسمت:قوم بقاا وروح صالحها ممكن عشان خاطري يا ادهم هاا
ادهم ابتسم:متقلقيش انا حسيت اني غلطان وهروحلها

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

اياد:مش هتبقي هنا هتيجي معايا انا هحميكي منه انا راجل وهعرف احميكي متخافيش مش هسمحله يأذيكي ولو فكر يقرب انا هقتله
نهلة ضربته بالألم وبصراخ ودموع:انت اتجننت مين دا اللي تقتله دا ابووك ويعني ايه عايشه معاه غصب وانت عايز تبعدني عنه انت شايف حياتي معاه غصب وان دا امر واقع انا رضيت بيه لا يا اياد فوووق انت جبت الكلام دا منين اتكلم
اياد كان حاطت ايده على وشه بصدمه
چوليا:نهلة اهدي اياد اللي انت بتقوله دا مش صح
اياد:شاكر هو اللي قالي وعمي صهيب اكدلي انها اتغصبت على العيشة معاك معقوله هما هيكذبو
سفيان دخل:ويا ترى مين شاكر بقاا هاا يطلع مين شاكر اللي خطف اسماء ولا اللي خطفك انت وميرا ولا اللي خطف امك من المستشفى انت.....لا انا مش لاقي كلام اقوله مش عارف ازاي انت بالغباء دا تصدق واحد زي دا ازااي عقلك وداك للنقطه دي ازااااي مش فاهم ولا قادر افهم
عمر:ميرا!!!!
اياد:ايه اللي قاله غلط انا اتأكدت من عمي صهيب
صهيب واقف ورا سفيان وقلقان من ردت فعله هو جاوب على اسئله اياد بس كل اللي اياد سألهوله فعلاً حصل الا انه اعتدى عليها
سفيان بص لصهيب بصه هو مفهمهاش بس عارف ان الموقف مش هيعدي على خير واكيد سفيان متضايق جدا منه
اياد:جاوب ايه دفاعك
سفيان بعصبيه:انا مش مطالب ابدآ ابررلك يا اياد وخلي بالك انت للمرة التانيه تبقى عايز تبعد نهلة عني انت فاكر ايه فاكر اني مجرم ولا انا وحش وغاصبها انها تعيش معايا نهلة بتحبني وانا بعشقها وعمرها لا كانت ولا هتكون لحد غيري اللي يقدر ياخدها مني الموت يا اياد فاهم
نهلة:سفيان اياد لازم يعرف كل حاجة عدت الماضي بيعيد نفسه وهو مبقاش صغير
سفيان بصلها واتنهد وهي بدأت تحكي

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

هدى:ميراا!!!
ميرا:دا صح انتي كنتي متجوزاه طب مقولتيش ليه وبابا انا مش مصدقه انكم جيتو على واحد ملوش ذنب واحد كل ذنبه انه فقير وحب
ياسر:افهم انتي جيبتي الكلام الفارغ دا منين ايه اللي بتقوليه دا
ميرا:انكل شاكر هو اللي قالي وانا مصدقتوش ووراني الورقه دي...
ياسر اتصدم
هدى قعدت بصدمه:هو رجع
ميرا:خطفني انا واياد لأنه عايز ينتقم من عمي سفيان كمان هو ظلمه
ياسر:دا هبل اللي بتقوليه دا هبل يا ميرا انا فعلآ اتجوزته بس كان غصب وهو قتل جدك واعترف قدام هدى وعشان كدا اتحبس
بدأ يحكيلها

#من_نسل_فرعون(الأسيرة 2) للكاتبة/ندى محسن
متابعة هنا لصفحتي بتنزل عليها الحلقة بدري 👈#Nada_Mohsen

شاكر ف العربيه اللي متحاصرة بالحراس وعاصم فكه
عاصم:وبعدين
شاكر:النهاردا هيكون ميت
عاصم:شاكر انت غلط دا مش وحش سفيان قلبه ابيض كفايه انه ساعدني زمان
شاكر:ساعدك وانا ضيعني
عاصم:هتكدب عليا ولا على نفسك انت اللي بدأت انت اللي كنت دايمآ الشرير ف حكايه كل شخص
شاكر:انت جاي تعاتبني بقاا
عاصم:انا عايزك تفوق قبل متندم قبلك اتحدوه واتمنو الموت انا مش هقبل اشوفك مكان حد فيهم خاطر وصالح وغسان وحتى كارم هو دمرهم لسنين لحد مماتو مش عايز اشوف ابني الوحيد بيتعذب كفايه يا شاكر
شاكر:مبقاش عندي اللي ابكى عليه وانا خلاص بايع
عاصم:وانا
شاكر:انت بقاا اللي هتخرجني من المأزق دا
عاصم:ازاي
شاكر نزل ومعاه عاصم حاطه قدامه وماسكه عشان يتفادى بيه الضرب
عاصم بعصبيه:انت اتجننت يا شاكر
شاكر:عندهم تعليمات بعدم هروبي مش هيقتلوك
عاصم:ابعد شاكر انت هتخسر كل حاجه
شاكر:مش عايز حاجه حتى انت
ضرب حارس وخد السلاح منه وبقى يضرب ف الحراس وينزل عند العربيه لحد موقع كذا واحد وعاصم مش عارف يتصرف ومش قادر يعمل حاجه وابنه خلاص حس ان دي فعلا نهايته وشاكر بيلف فجاه اتصدم وكانت اخر حاجه تخطر على باله.......

🌸الى اللقاء في حلقة اخرى🌸

#اشوفكوا_بكرا

احب اقولكوا خلاص النهاية قربت....🌸

عيزاكوا تتكلمو عن الحلقة ف بوست خاص ف الجروب عشان الناس تعرف الروايه واللي مقرأهاش يقرأها وبجد كل اللي هيعمل كدا هيبقى ساعدني كتير عشان الروايه متتظلمش واي صفحه او جروب بتتنشر عليها ف الغالب بيبقى في تعديلات وشروط وحاجه متعبه ليا فأتمنى الدعم منكو💙

رابط الجروب للي لسه منضمش ينضم ويضم ناس على قد ميقدر عشان الجروب بيكبر بيكوا دائمآ وابدا ♥👇

لينك الواتباد للرواية الجزأ الأول 👇

لينك الواتباد للرواية الجزأ التاني 👇

اسئلة الحلقة:-
اياد هيصدق كلام سفيان؟!ميرا واياد هيبقى في علاقه تربطهم؟!نينا هتسامح ادهم؟!داني موقفه من ادهم ونينا هيكون ايه؟!مرتضى هيبعد عنهم خلاص؟!ايه اللي شاكر شافه وصدمه.!