تحميل رواية «من نظرة عين» PDF

بسم الملك الجبار

الابطال كريم يبلغ من العمر ٢٨ عام مطلق بدون اطفال

كريم طوله ١٦٨ سم وزنه ٦٠ كيلو جسمه متناسق لون بشرته قمحي الكل بيحبه و يحترمه عاش حياه تعيسه مع طليقته غيرت حياته من شاب اجتماعي يحب الحياه ومقبل عليها إلي شاب انطوائي يجلس اغلبية الوقت بمفرده وهو يفكر في حياته التي انتهت قبل ان تبدأ وكريم يعمل في الارض حيث يمتلك ٥ افدنه ورثهم عن المرحوم ابوه ولم يبقا له غير امه سميحه فهي نور عينيه

ياسمين فتاه شديدة الجمال والخجل تبلغ من العمر ١٩ عام نفس طول كريم ووزنها ٧٠ كيلو بيضاء البشره وياسمين وحيدة بابها وامها وهي الدلوعه اللي في البيت طلباتها اوامر ومن عادة ياسمين ان تذهب كل يوم الي غاده صديقتها والتي تبعد عن منزل ياسمين بمسافه ليست قليله وتاخذ غاده ويذهبو إلي موقف السيارت حتي يستطيعوا الذهاب إلي المدينه حيت الجامعه التي يدرسون بها

سميحه .. انت صحيت يا كريم

كريم .. صباح الخير يا ماما

سميحه .. صباح النور يا حبيبي انا كنت عايزه اتكلم معاك

كريم .. بالله عليكي يا امه لو هتتكلمي في موضوع الجواز بلاش احسن انا خلاص خدة نصيبي من الدنيا والحمد لله علي كده

سميحه .. يا ابني انا لو عشتلك النهارده مش هعيشلك بكره

كريم .. بيمسك ايد امه وبيبوسها ابوس ايدك بلاش الكلام ده يا ماما ربنا يحفظك ليا ويبارك في عمرك يارب

سميحه .. ربنا ما يحرمني منك يا نور عينى بس انت مش اول واحد يتجوز ويطلق ودي مش نهاية الدنيا

كريم .. كلامك صحيح يا ست الكل بس الحمد لله علي كده انا خدت نصيبي وراضي بي الي ربنا قسمهولي

سميحه .. طول عمرك دماغك ناشفه زي المرحوم ابوك

كريم .. انا بسمع انكم كنتم بتحبه بعض اوي

سميحه .. الله يرحمه عينيه عمرها ما شافت غيرى عشت معاه اجمل ايام حياتي يا كريم وربنا كرمني بيك انت عشان كده سميتك كريم عشان انت كنت كرم ربنا ليا

كريم .. ربنا ما يحرمني منك يا ست الكل

سميحه .. ولا منك يا حبيبي المهم قولت ايه

كريم .. قولت لا إله إلا الله الي عايزه ربنا هيكون

سميحه .. محمد رسول الله ربنا يعمل اللي فيه الخير ليك

كريم .. يارب بعد اذنك يا امي عندي شغل كتير في الارض

سميحه .. ربنا يفتحلك ابوب الرزق

عزه .. ياسمين يلا الفطار جاهز عشان ما تنزليش من غير فطار زي كل مره

ياسمين .. حاضر يا ماما انا جايه اهو بس هرن علي غاده عشان تجهز

عزه .. عماد يلا الفطار جاهز ولا هتعمل زي بنتك

عماد .. بيقوم وبيمسك ايد عزه وبيبوسها وانا اقدر يا حبيبتي

عزه .. ياراجل انت مش بتكبر

عماد .. واكبر ليه في حد يبقا معاه برنسيسه زيك ويكبر

عزه .. طب يلا عشان ياسمين صحيت عشان نفطر

عماد .. ماشي يا حبيبتي وبيقرب منها وبيبوسها في خدها يلا روحي وانا جاي وراكي

عزه .. بتبتسم ماشي يا عمري

ياسمين .. بترن علي غاده

غاده .. صباح الورد يا قمر

ياسمين .. صباح الفل يا جميل ايه جهزتي ولا لسا

غاده .. اهو هقوم البس

ياسمين .. بسرعه عشان مش كل مره لازم ادخلك الشارع نفسي مره الاقيكي من بره

غاده .. والله بقا كده انتي هتزليني يا بت

ياسمين .. وانا اقدر برده بس عشان ما نتاخرش

غاده .. ما تقلقيش مش هنتاخر

ياسمين .. ماشي يا اخرت صبري

غاده .. وانا اطول ابق اخرت صبرك يا قمر انت

ياسمين .. مالك يا بت علي الصبح مش كفايه كم المعاكسات اللي بنشوفها واحنا رايحين ورجعين من الجامعه

غاده .. ما بصراحه معاهم حق انتي بسم الله ما شاء الله عليكي يا يسو ملكة جمال ده امه دعياله والله لو انا ولد وما كنت سبتك

ياسمين .. ماشي خلينا نضيع الوقت في كلام فاضي يلا سلام يا بت

غاده .. سلام يا قلب البت

ياسمين .. صباح الفل يا ست الكل و بتحضنها من وراه وبتبوسها في خدها

عزه .. صباح الورد علي حبيبة قلبي وروحي وحياتي يا شمس حياتي

عماد .. ايه ده ياربي انا لما بشوفكم سوا بحس اني ملك الدنيا كلها وبيحضنهم

ياسمين .. تسلملي يا اجمل بابا في الدنيا

عزه .. يلا كفايه دلع وافطري

ياسمين .. ما انت عارف يا قمر انا مش بحب افطر دلوقت

عزه .. وانا قولت هتفطري

عماد .. يلا افطري يا بت مش عايزك تزعلي القمر بتاعي

ياسمين .. يعني كلكم عليا حاضر هفطر وامري لله

عزه .. ايوه كده شطوره يا قلب امك

ياسمين .. اهو اكلت يا ماما همشي بقا

عزه .. فين الي كلتيه انتي بتضحكي عليا

ياسمين .. انا كده تمام يا ماما وبتقوم وبتبوسها وبتبوس باباها يلا سلام

عزه .. سلام يا قلبي

عماد .. بيقوم يقعد جنب عزه وحشني يا عمري

عزه .. اتلم يا راجل اللي يشوفك يقول لسا عريس ده انت معاك بنت علي وش جواز

عماد .. انا كل يوم بيعدي عليا معاكي كاني فعلآ عريس جديد ومعايا اجمل عروسه وبياكلها بايده

عزه .. بتاكله هي كمان وهي حاطه راسها علي كتفه

عماد .. ربنا ما يحرمني منك يا اختي ومراتي وحبيبتي وكل حاجه ليا

كريم .. طالع من البيت عشان يروح الارض وكان اول مره يروح الارض متاخر كده وطالع مستعجل

.. وعلي اول الشارع فيه مسجد مش بيخلي الي طالع من الشارع يشوف الي داخل غير لما يبقو في وش بعض..

ياسمين .. مستعجله وبتدخل الشارع

كريم .. بيتفأجئ بيها قدامه وعينه جات في عينها

ياسمين .. وقفت وعينها جات في عينه لي لحظات

كريم .. اسف ما خدتش بالي

ياسمين .. ما فيش حاجه تستاهل الاسف

كريم .. بعد اذنك

ياسمين .. اتفضل

كريم .. مشي كام خطوه ووقف بيبص عليها

ياسمين .. مشيت خطوتين وبتلف تبص عليه

وعينها بتيجي في عينه النظره دي غيرت حيات كريم وياسمين

الفصل الثاني من هنا

لقراءه باقي الفصول من هنا

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

كريم .. بيمشي بعد ما عينيه جات في عين ياسمين للمره التانيه وهو حاسس احساس غريب اول مره يحس بيه كانه انسان تاني مش كريم اللي ما فيش بنت لفتت نظره لحد دلوقت حتي جوازه كان جواز تقليدي

ياسمين .. وقفت مكانها وجواها احساس جميل اول مره تحسه وكانها اتجمدت في الارض من اول ما عينها جات في عين كريم وهي لسا ما تعرفهوش ورغم انها كل يوم كانت بتيجي لغاده عمرها ما شفته وكان قلبها بيدق بسرعه

غاده .. ياسمين يا بنتي ياسمين مالك

ياسمين .. اه في ايه

غاده .. مالك متسمره كده هو كريم قالك حاجه

ياسمين .. مين كريم

غاده .. اللي كنتي هتخبطي فيه من شويه انا شوفتك وبسرعه لبسة وجيت

ياسمين .. ليه هو وحش اووي كده

غاده .. بالعكس ده قمه في الادب والاخلاق والرجوله بس انا عارفاكي ممكن تتعصبي عليه

ياسمين .. لا مفيش حاجه بالعكس ده انسان محترم زي ما انتي قولتي بس انا اول مره اشوفه هو كان مسافر.

غاده .. هنتكلم واحنا واقفين كده هنتاخر تعالي نمشي وهقولك كل حاجه في الطريق

ياسمين .. حاضر يلا بينا

غاده .. بصي يا ست البنات كريم ده كان متزوج وطلق وما كنش مسافر بس بيطلع بدري علي الارض عشان كده انتي عمرك ما شوفتيه وعلي فكره ساكن في الشارع اللى جنبنا

ياسمين .. ده انتي عارفه كل حاجه عنه

غاده .. بصراحه مره كنت ماشيه وواحد عكسني مسكه واخده علي ابوه ورماه قدامه وقله لو ابنك فكر يعاكس بنت تاني في البلد هيكون اخر يوم في عمره ومن وقتها سالت امي وهي قالتلي كل حاجه عنه

ياسمين .. ابتسمت طب يجي يشوف الاشكال اللي بنشوفها عند الموقف

غاده .. والله فكرت اقوله بس ما ليش كلام معاه خالص

ياسمين .. مجنونه

غاده .. طب هقوله

ياسمين .. طاب ابقي قوليله عشان اقتلك

غاده .. وهون عليكي يا قمر

ياسمين .. اه منك يلا العربيه هتطلع

غاده .. استنا يا سطا

و يركبوا وبيروحوا الجامعه وياسمين ما فيش في دماغها وقلبها غير كريم وهل هتشوفه تاني ولا خلاص كده كانت بتحاول تقاوم الشعور اللي جواها اول مره تحس بكده حاسه اني فيه حاجه بتشدها لكريم وكانها مسلوبة الاراده لكن رغم كده كانت بتحاول تمنع نفسها من التفكير فيه

اما كريم طول النهار مش علي بعضه حاسس انه عايز يشوفها تاني حاسس انه مشدود ليها ومش عارف ليه كأن نظرتها سهم واخترق قلبه من نظره وحده حس انه جوه قلبه حب يكفي العالم كله وكل ما يحاول يبطل تفكير فيها بيرجع تاني وكانه شخص تاني فعلآ وهو سرحان جه سامر صديقه

سامر .. السلام عليكم كريم يا كريم بيه

كريم .. ايوه خير

سامر .. خير ايه يا صاحبي مالك كده قاعد سرحان في دنيا تانيه هو فيه حاجه حصلت معاك

كريم .. لا بس سرحت شويه

سامر .. شويه ده انت كانك سفرت وجيت

كريم .. انت جاي ليه بدري

سامر .. بدري ايه يا كريم باشا الساعه ١ م وده معادنا عشان ننزل قنا نجيب مغذي للارض

كريم .. الساعه وحده ازاي وبيقول لنفسه ازاي الوقت عدى بسرعه كده يلا بينا عشان ما نتاخرش

سامر .. يلا يا ابو عمو هنروح الموقف و نركب من هناك

كريم .. ماشي يلا بينا

وبيروحوا الموقف الي في قريتهم وبيركبه علي قنا الي بينها وبين قريتهم نص ساعه وبيوصله الموقف في قنا وبينزلوا

سامر .. ايه رايك نتمشا ولا ناخد تاكسى

كريم .. لا هنتمشي انت عارف مش بحب اركب العربيات كتير

سامر .. ماشي يا كبير

غاده .. العربيه هتطلع استنى يا اسطا

السواق .. اركبي يا انسه

ياسمين .. بتبص مفيش غير مكان واحد بس في العربيه وجنب شاب لا خلاص يا عم ده مكان واحد واحنا اتنين

السواق .. قام ونزل يا اركبو انتو الاتنين في المكان ده وكلها نص ساعه

غاده .. خلاص يا اسطا قولنا مش هنركب

السواق .. بنات مالهاش اهل يلموها

غاده .. احترام نفسك

السواق .. بيقرب منها ولو ما احترمتش نفسي هتعملي ايه

كريم .. ايه الزعيق اللي هناك

سامر .. شكله سواق بيتخانق مع حد من الركاب

كريم .. تعالى نشوف

سامر .. مش وقته يا كريم

كريم .. تعالى بس ودخل وسط الناس لحد ما وصل السواق وعده من جنب ياسمين وما شفهاش خير يا اسطى صوتك عالي ليه

السواق .. بنات قليلة ادب ما لقيتش حد يلمها

كريم .. من غير قلة ادب انا بقول فيه ايه

غاده .. كانت جنب كريم ده بني ادم مش محترم

كريم .. بيبص غاده

غاده .. ايوه والراجل ده غلط فينا

السواق .. وانت كمان تبعهم طب وريني هتعمل ايه

ياسمين .. بتقرب خلاص يا استاذ كريم احنا هنركب عربيه تانيه

كريم .. بيبص عليها و بيتفاجئ لما بيلاقيها قدامه و بيبص للسواق اخر مره انا بقولك حصل ايه

السواق .. وبيزق كريم

كريم .. بيمسكه وبيخبطه في باب العربيه بيكسر القزاز وبينزل فيه ضرب

سامر .. خلاص يا كريم هيموت في ايدك

كريم .. وهو بيضرب السواق خد البنات بعيد يا سامر

سامر .. حاضر يلا يا بنات وبياخدهم وبيبعد عن الخناقه

ياسمين .. احنا هنسيب كريم

سامر .. ما تقلقوش انا هروح لي كريم المهم مهما حصل ما تتحركوش من هنا

غاده .. حاضر بس الحق كريم

ياسمين .. يارتنا مشينا علي طول انا خايفه يحصل حاجه لكريم

غاده .. هنعمل ايه الي حصل حصل يا ياسمين

ياسمين .. انا هرن علي بابا

غاده .. لا ان شاء الله كل حاجه هتخلص علي خير

ياسمين .. ان شاء الله

سامر .. قرب من كريم وبعد الناس كلها عن كريم ما حدش يدخل

كريم .. هتتجراء تاني وتغلط في اي بنت او ست

السواق .. بص حواليه مالقيش عربيات في الموقف وعرف ان ما حدش هيوقف معاه لا بس سيبني

كريم .. غور في داهيه واقسم بالله لو الحكايه دي اتكرارت مع اي بنت من البلد هولع فيك

السواق .. مش هتتكرر

سامر .. خلاص يا كريم يلا بينا

كريم .. سابه

السواق .. بعد كريم ما مشي الكل ينزل مش هطلع

كريم .. قرب من غاده انا هشوفلكم تاكسي يوديكم لحد البيت

غاده .. مفيش داعي احنا هنتصرف

كريم .. ثانيه و بيبص علي تاكس لقي اللي في عربية السواق كلهم نزلوا رن علي واحد صاحبه معاه عربيه ميكروباص اكبر من عربية السواق اللي ضربه يعني هتشيل الكل ويكون فيها اماكن فاضيه وحكاله الي حصل وطلب منه يجي عشان ياخد الناس وفعلآ كان قريب من الموقف وجه علي طول

سامر .. يلا اتفضلوا اركبه هنا

السواق .. واقف وبيبص عليه وعنيه بطق شرار وبيتصل بسواقين الموقف عشان يجو

غاده .. الف شكر يا كريم

كريم .. الشكر لله انتى زي اختي الصغير وسلميلي علي باباكي وكان مش قادر يبص علي ياسمين وقلبه بيدق بسرعه

ياسمين .. كانت ملاحظه انه بيتجاهلها لكن قلبها كان بيدق بسرعه كانه هيخرج من صدرها كانت بتسرق النظرات ليه وهي ساكته وسرحانه خالص

كريم .. يلا يا صاحبي وصلهم لحد الموقف والحساب واصل

ربيع .. ماشي يا ابو العمده وهرجعلك علي طول

كريم .. مفيش داعي احنا هنجيب طلباتنا وهنروح علي طول

ربيع .. نزل من العربيه واخد كريم علي جنب خد المسدس ده خليه معاك

كريم .. ما تقلقش معايا المسدس ومرخص

ربيع .. تمام لو حصل حاجه رن عليا هتلاقيني قدامك

كريم .. تسلم يا ابو الرجاله يلا عشان الناس ما تتاخرش

ربيع .. اخد الناس ووصل الموقف الي في القريه

..الناس بطلع فلوس عشان تحاسبه ..

ربيع .. الحساب كله وصل يلا حمد الله بسلامه

غاده .. الحمد لله كل حاجه خلصت علي خير

ياسمين .. انا قلقانه كريم لسا في قنا

غاده .. انا هفضل في البلكونه لحد ما يجي وهرن عليكي اطمنك

ياسمين .. يا ريت يا غاده

غاده .. ما تقلقيش بس انا حاسه ان فيه حاجه جواكي مش عايزه تقوليها

ياسمين .. ارتبكت حاجة ايه مفيش حاجه

غاده .. ماشي يا برنسيسه في الاخر مالكيش غيري هتيجي وتحكيلي

السواق جمع السواقين وكل واحد سحب ماسوره او عصايه ومستنين كريم وسامر وطبعآ السواقين ما يعرفوش مين دول عشان ما كانوش موجودين

كريم .. كويس الموقف مليان عربيات مش بعاده يعني والناس دي كلها واقفه ليه

سامر .. هنشوف

السواق .. هما دول وبيجري ناحيت كريم

الفصل الثالث من هنا

لقراءه باقي الفصول من هنا

بسم الله ولا حول ولا قوه إلا بالله العلي العظيم

السواق اول ما شاف كريم بصوت عالي هو ده وجري ناحيت كريم

السواقين اول ما شافوا كريم جريوا وراء السواق ومسكوه وبصوت واحد احنا اسفين يا عمده

السواق وقف مزهول انتو بتعمله ايه هو ده الي ضربني وجاب عربيه من بره الموقف وركب الناس فيها

عم محمد وده كان كبير السواقين .. ده يبقا كريم العمده من بيت العمده يا غبي وعمره ما بيغلط واكيد انت اللي غلطان واحنا غلطانين اللي صدقناك

السواق .. يا عم محمد

محمد .. اخرس ولا كلمه احنا كلنا اسفين يا ابو العمده

كريم .. مفيش اسف ولا حاجه يا عم محمد بس الي عمله السواق ده ما ينفعش وخصوصآ هنا

محمد .. هو عمل ايه بالظبط

كريم .. بص علي السواق ساكت ليه قول عملت ايه

السواق .. بص في الارض انا فعلآ اللي غلطان يا عمده

كريم .. لا لازم تحكي اللي حصل يلا انا سامعك اهو

السواق .. بداء يحكي كل حاجه زي ما حصلت

محمد .. انت اكيد اتجننت والي عمله فيك العمده قليل علي قلة ادبك اقسم بالله لو كنت موجود كنت مشيتك من الموقف كله يلا خد عربيتك وطلع من الموقف

كريم .. لا يا عم محمد ما تقطعش رزقه هو عرف غلطه بس لهجته غريبه عننا هو مش من هنا

محمد .. من هنا بس متربى بره عشان كده ما عرفش يميز بين الصح والغلط عندنا هنا البنت او الست ليها مكانتها ما ينفعش اي حد مهما كان يوقف يغلط في بت او يبصلها بصه وحشه البنت هنا ملكه لو غلطت في ابوها او اخوها او جوزها ترد عليهم فهمت

السواق .. فهمت يا عم محمد وانا اسف يا عمده دي غلطه ومش هتتكرر ده وعد

كريم .. ماشي وبلاش عمده دي اسمي كريم انت اسمك ايه

السواق .. هاني

كريم .. ماشي يا عم هاني حصل خير ويلا حمل عربيتك عشان هنركب معاك

هاني .. ده شرف ليا يا عمده اتفضلوا

عزه .. مالك يا ياسمين من اول مارجعتي وانتي مش علي بعضك حصل حاجه

ياسمين .. بصراحه يا ماما حصل معانا حكايه في الموقف وبدات تحكي كل حاجه لي امها

عزه .. الحمد لله حصل خير والموضوع خلص

ياسمين .. انا خايفه علي الشاب اللي وقف معانا هو لسا في قنا وانتي عارفه السواقين بيوقفه مع بعض وممكن يعمله معاه حاجه

عزه .. ولا هيقدره يعمله حاجه معاه

ياسمين .. انتي بتتكلمي بثقه اووي يا ماما

عزه .. كريم ده من بيت العمده والناس كلها بتحبه وتحترمه ولحد وقتنا هذا مفيش حد قدر يوقف قدامه وناس بتعمله حساب اكتر من عمه العمده والسواق الي بتتكلمي عليه اكيد ما يعرفهوش

ياسمين .. معاكي حق انا اول مره اشوف السواق ده في الموقف

عزه .. يبقا خلاص مفيش داعي للقلق وانا هقول لي والدك يشكره

ياسمين .. ممكن اطلب منك طلب يا ماما

عزه .. اطلبي يا حبيبتي

ياسمين .. ممكن اروح اصور الورق اللي معايا عند المكتبه الي عند الموقف

عزه .. ابتسمت تصورى الورق برده

ياسمين .. بصراحه قلقانه عليه وكنت عايزه اطمن يا ماما بعد اذنك لو سمحتي

عزه .. ماشي يا حبيبتي بس تخلصي تصوير وتيجي علي طول وكلمي غاده تروح معاكي

ياسمين .. حاضر يا ماما وبترن علي غاده

غاده .. السلام عليكم

ياسمين .. وعليكم السلام ورحمة الله وبركاته يلا البسي عشان تصور المحاضرات

غاده .. حاضر يلا مستنياكي

ياسمين .. بتطلع وتروح لغاده

غاده .. ايه النشاط ده كله النهارده

ياسمين .. عادي

غاده .. انتي رايحه فين المكتبه من هنا

ياسمين .. لا هنصور عند المكتبه الي عند الموقف

غاده .. ليه دي بعيده خلينا في المكتبه اللي بنصور فيها علي طول وقريبه

ياسمين .. لا هنروح عند الموقف

غاده .. بتبصلها في ايه يا ياسمين وليه مصممه كده

ياسمين .. بصراحه عايزه اطمن علي كريم اكيد زمانه راجع من قنا

غاده .. ايه حكاية كريم معاكي

ياسمين .. بصراحه مش عارفه اقولك ايه بس في حاجه جوايه ناحيته مش عارفها ايه من اول ما تقبلنا الصبح هنا

غاده .. ضحكة ايه وقعت يا جميل هو بصراحه مز ويستاهل

ياسمين .. بطلي كلامك البارد ده ويلا

غاده .. حاضر يا ليلي يا مجنونة قيس

ياسمين .. وهي بتصور الورق عينيها علي الموقف وهي مستنيه وصول كريم

غاده .. خلصنا تصوير يلا بينا

ياسمين .. يلا وهي عينيها علي الموقف وبعد ما خلاص فقدت الامل وخلاص هتمشي لمحت عربيه جايه من بعيد استني يا غاده

غاده .. فيه ايه

ياسمين .. فيه عربيه جايه

غاده .. يارب يطلع كريم فيها عشان تطمني فعلآ الحب بهدله

ياسمين .. بتبصلها اتلمي يا غاده

غاده .. حاضر اهو سكت

هاني بيوصل بالعربيه وبينزل كريم وسامر وهاني كمان بينزل من العربيه

هاني .. انا بكرر اسفي تاني يا كريم

كريم .. خلاص يا عم هاني حصل خير وانت نورت البلد

ياسمين وغاده وقفين متنحين وهما سمعين كلام هاني وبيبصه لبعض

سامر .. انا هاخد المغذي وروح علي الارض اسيبه هناك

كريم .. وانا هجيب شوية طلبات وروح عشان زمان الحجه مستنياني في البيت يلا سلام يا صاحبي

سامر .. سلام يا ابو العمده

ياسمين .. واقفه بتبص عليه

غاده .. بتبص علي ياسمين وكريم

كريم .. بيقرب منهم وهو مش واخد باله

غاده .. ياسمين مالك كده متنحه فوقي

ياسمين .. اه مالك

غاده .. يلا بينا مش اطمنتي

ياسمين .. ماشي

كريم .. بياخد باله من ياسمين وغاده كانوت جاين ناحيته

ياسمين .. تحاول تبص بعيد لكن عينيها كانت فضحاها

كريم .. غاده

غاده .. وقفت وياسمين كمان ايوه يا كريم

كريم .. خلاص الحوار خلص و عمكم هاني بيعتذر لكم

غاده .. مش عارفه اشكرك ازاي

كريم .. مفيش شكر ولا حاجه انتي كده كده رقمي معاكي لو حصل حاجه في اي وقت معاكم كلميني انا زي اخوكي

غاده .. اكيد طبعآ

كريم .. هيمشي

ياسمين .. الف شكر يا كريم

كريم .. بصلها مفيش داعي للشكر يا

ياسمين .. ياسمين اسمي ياسمين

كريم .. عاشت الاسامي يا ست البنات

غاده .. واقفه وشايفه نظرات الحب بين الاتنين الي كل واحد فيهم بيحاول يخبي مشاعره لكن عنيهم فضحاهم

ياسمين .. انا قولت لماما على كل حاجه حصلت وهي هتقول لبابا عشان يشكرك

كريم .. لا مفيش داعي لكده اي حد مكاني كان هيعمل اللي انا عملته المهم انك مهما حصل اوعي في يوم تخافي وزي ما قولت لغاده لو في اي حاجه انا موجود

نظير ابن عم ياسمين كان معدي وشافها واقفه مع كريم

ياسمين .. الف شكر يا كريم بعد اذنك

كريم ..اتفضلوا

غاده .. الحمد لله كده اطمني خلاص صح

ياسمين .. صح كده اقدر اروح وانا مبسوطه

غاده .. انا بسمع عن الحب من اول نظره لكن اول مره اشوفه بعيني

ياسمين .. حب ايه ده

غاده .. يا بنت ده انتي وهو عنيكم كانت فضحاكم

ياسمين .. بطلي الكلام ده ويلا عشان ما نتاخرش

عزه .. كنت عايزه احكيلك علي حاجه يا عماد

عماد .. قولي يا حبيبتي

عزه .. النهارده حصل مشكله مع ياسمين وغاده وكريم العمده ادخل وحلها و بدأت تحكي له اللي حصل

عماد .. كريم طول عمره راجل زي المرحوم ابوه انا هروح له وشكره

عزه .. بس انا حاسه اني ياسمين جواها حاجه ناحيت كريم

عماد .. احنا ربينا بنتنا كويس ما تقلقيش عمرها ما هتغلط

عزه .. بتعجبني ثقتك في بنتك

عماد .. انا فعلآ بثق في ياسمين ومتاكده انها مستحيل تغلط وقبل ثقتي فيها بثق في نفسي وفيكي عشان انا عمري ما عملت حاجه غلط ولا بصيت لي بنات الناس ومتاكد ان ربنا هيكرمني في بنتي وزي ما قال سيد الخلق محمد صل الله عليه وسلام كما تدين تدان عشان كده انا مطمن

عزه .. انا بحبك اووي

عماد .. وانا كمان بحبك يا عزه وبيحضنها وهو بيبوسها من خدها

عزه .. اه يا عماد طول عمري مش برتاح غير في حضنك كنت ليا نعمه الزوج وعمرك ما حرمتني لا من حبك ولا حنانك

عماد .. انا الي ديمآ محتاجك انتي كل حاجه ليا وبيملس علي خدها بيده وهو بيبص في عنيها وبيقرب منها اكتر

وبعد ما غاده طلعت علي بيتهم وياسمين كمان

نظير مشي وراء ياسمين وقرب منها وقال ياسمين

ياسمين .. بتبص نظير خير

نظير .. ايه الي موقفك مع كريم العمده

ياسمين .. وانت مالك انت بترقبني

نظير .. اه حقي اخاف عليكي مش انا ابن عمك وخطيبك

ياسمين .. ابن عمي اه خطيبي لا

نظير .. لا خطيبك غصبن عنك ولازم تسمعي كلمي

ياسمين .. مش عايزه اشوفك قدامي تاني فاهم

نظير .. انا هقول لي عمي علي كل حاجه

ياسمين .. اوسع ما معاك اعمله

نظير .. طلع قدامها علي بيت عمه عماد وخبط علي الباب

عماده .. ده وقته

عزه .. حظك كده بقا اعملك ايه

عماد .. استني هشوف مين وزحلقه

عزه .. مجنون بس بحب جنانك

عماد .. فتح الباب نظير خير

الفصل الرابع من هنا

لقراءه باقي الفصول من هنا

بسم الله ولا حول ولا قوه إلا بالله العلي العظيم

عماد .. اهلا عامل ايه يا نظير اتفضل

نظير .. مفيش داعي يا عمي انا جاي اشتكي لحضرتك من ياسمين

عماد .. مالها ياسمين

ياسمين .. بتوصل السلام عليكم

عماد .. وعليكم السلام ورحمة الله وبركاته وادي ياسمين جت تعالوا نقعد في الصالون عشان افهم فيه ايه

نظير .. دخل وقعد

عزه .. اقعدي يا ياسمين

ياسمين .. حاضر يا ماما

عماد .. خير يا نظير

نظير .. ينفع اشوف ياسمين واقفه مع كريم العمده ولما اكلمها تقولي مالكش دعوه امال مين اللي ليه دعوه يا عمي

عماد .. ايوه ملكش دعوه ومليون مره اقولك شيل ياسمين من دماغك اما من ناحيت كريم انا عارف انها وقفت معاه كانت بتشكره عشان النهارده حصلت مشكله في الموقف في قنا وهو من غير ما يعرف ياسمين وقف معاها في حاجه تانيه عايز تقولها

نظير .. يعني ايه اشيلها من دماغي يا عمي انا مستني انها تخلص الجامعه عشان نتجوز

ياسمين .. ده مستحيل يحصل لو انت اخر راجل في العالم وقامت دخلت اوضتها

نظير .. عاجبك الي بنتك بتعمله يا عمي

عماد .. البعيد مش بيفهم انا لو مستحملك عشان بس المرحوم ابوك اخويا لكن لحد كده وكفايه من دلوقت ما لكش دعوه بياسمين فاهم واظن اخدت الرد علي طلبك منها هي نفسها

نظير .. ومن امتي البنات ليها راي في الجواز

عماد .. ده عندك انت مالهاش اما انا مش هجوز بنتي غير للشخص الي توافق عليه ولا فكرني مش عارف انك عايز تتجوزها عشان تاخد الارض والبيت والفلوس بتاعتي يا نظير

نظير .. انا من دمك مش احسن ما الخير ده كله ياخده حد غريب

عماد .. مش هتشوف حاجه مني غير حقك الشرعي غير كده لا وطول ما انا عايش مش عايز اشوف وشك فاهم

نظير .. حاضر يا عمي بس بنتك ما حدش هياخدها غيري مهما حصل

عماد .. يقوم و بيضربه بالقلم اطلع من بيتي يا كلب واوسع ما معاك اعمله

نظير .. بيحط ايده علي خده وبيطلع وهو بيقول ماشي يا عمي بس مش هسيبها

عزه .. تقرب من عماد اهدا يا حبيبي

عماد .. الكلب ده كل اللي يهمه املاكي انا كنت بتمنا من جوايا اني اجوزهاله لكن للاسف طلع كلب امه عرفت تاخده تحت جناحها بعد ما اخويا الله يرحمه طلقها

عزه .. سيبك منه ده عيل وهيفضل كده حتي لو عنده ١٠٠ سنه

عماد .. خايف علي ياسمين من بعدي يا عزه

عزه .. ربنا يديك طولت العمر يا عماد ما تقلش كده ربنا يجعل يومي قبل يومك

عماد .. ايه اللي بتقوليه ده لا حولا ولا قوه إلا بالله استغفري ربك

عزه .. استغفر الله العظيم الذي لا إله إلا هو الحي القيوم واتوب إليه

ياسمين .. اول ما حست انه مشي دخلت علي باباها انا اسفه يا بابا

عماد .. علي ايه يا حبيبتي

ياسمين .. كل ده بسببي

عماد .. لا ده كلب وكل الي يهمه الفلوس وانا مستحيل اوافق اني اجوزك لواحد زيه وموضوع كريم عزه حكت لي كل حاجه وانا هروح له مخصوص واشكره بس يا حبيبتي ما ينفعش توقفي مع حد مهما كان

ياسمين .. اسفه يا بابا ومش هتكرار

عماد .. قرب منها وباسها من راسها وحضنها مفيش داعي للاسف يا بنتي انا عارف انك مستحيل تعملي حاجه غلط

ياسمين .. بتحضن باباها ربنا يحفظك ويبارك في عمرك يارب

عزه .. يلا بطلي دلع ويلا نجهز العشاء ولا هتفضل جعانين النهارده

ياسمين .. فريره يا ست الكل وبتجري علي المطبخ

عزه .. ادخل ريح يا عماد لحد ما نجهز العشاء

عماد .. ماشي يا حبيبتي

عزه .. دخلت المطبخ علي ياسمين ايه يا ياسمين مش هتحكي لي

ياسمين .. احكي ايه يا ماما

عزه .. طب بصي في عيني كده

ياسمين .. والله ما عارفه اقول ايه يا ماما احساس غريب مش عارفه اوصفه قلبي بيدق اووي لما بشوفه ببقا مبسوطه وسعيده وبحس اني جسمي بيتنفض لما بقرب منه او بكلمه زي ما حصل النهارده كده بحاول ابطل تفكير فيه بس مش قادره مش عارفه ده ايه

عزه .. ده الحب يا حبيبتي

ياسمين .. حب

عزه .. اه انتي حبتيه يا ياسمين

ياسمين .. ازاي انا اول مره اشوفه في حياتي احبه

عزه .. انا وباباكي حبينا بعض كده من اول نظره وبعدها اتقدملي وتجوزنا علي طول

ياسمين .. خايفه اووي يا ماما اول مره احس بالاحساس ده

عزه .. ما تقلقيش يا حبيبتي لو ربنا كتبلك الجواز منه لو الدنيا كلها وقفت قدامكم هتجوزه وربنا يعملك اللي فيه الخير ليكي يا حبيبتي

نظير .. بيدخل البيت وهو متعصب

سعديه .. فيه ايه يا فقر انت هتكسر الباب

نظير .. عمي ضربني يا امه ومش عايز يجوزنى بنته

سعديه .. لا اقعد وحكي لي كل حاجه بالظبط

نظير .. قعد وحكالها كل حاجه

سعديه .. احنا مش قد كريم العمده بس برده مستحيل نسيب الارض والبيت لي اي حد

نظير .. والعمل ايه

سعديه .. عشان شوكتهم تتكسر عمك لازم يموت لو فضل عايش ممكن يجوزها وكده يبقا خسرنا كل حاجه

نظير .. معاكي حق بس ازاي اقدر اقتله وفي نفس الوقت ما تكشفش

سعديه .. محروس الي قاعد في الجبل الي خلناه ولع في بيت عمك قبل كده

نظير .. ايوه بس ده عايز فلوس كتير

سعديه .. خد دهبي كله وبيعه المهم الجوازه دي لازم تتم يا نظير

نظير .. حاضر يا امه بالليل هطلع له الجبل

سعديه .. هقوم اجهز الاكل زمانك جعان

نظير .. انا هموت من الجوع

سميحه .. اتاخرت ليه يا كريم

كريم .. معلش يا حجه علي ما رحت وجبت المغذي والمبيد

سميحه .. طب يلا الاكل جاهز

كريم .. تسلم ايدك يا ست الكل

سميحه .. الف هنا مش هتفرح قلبي يا كريم

كريم .. بصراحه النهارده شوفت بنت واول مره احس اني قلبي دق لحد

سميحه .. ومين دي

كريم .. اسمها ياسمين زميلة غاده الي ساكنه في الشارع اللى جنبنا

سميحه .. خلاص انا هروح اقعد مع ام غاده وسال غاده عن ياسمين

كريم .. مش عارف اقولك ايه بس خايف

سميحه .. ما تخافش يا ابني لو من نصيبك هتاخدها مهما حصل

كريم .. ربنا يعمل اللي فيه الخير

سميحه .. ربنا يسعدك يا حبيبي انا هروح دلوقت اقعد مع ام غاده

كريم .. ليه الاستعجال ده

سميحه .. انا ما صدقت يا ابني عايزه افرح بيك وشوف عيالك

كريم .. قام وباس علي ايد امه

محروس .. مين الي طالع الجبل

نظير .. انا نظير يا ريس محروس

محروس .. تعالى يا نظير

نظير .. السلام عليكم

محروس .. وعليكم السلام خير يا نظير ليك كتير ما طلعتش الجبل

نظير .. في واحد عايزه يموت

محروس .. يموت بس فلوسك جاهزه

نظير .. الي عايزه هتاخده بس المهم تخلص من غير دوشه

محروس .. انت عارف اني شغلي نظيف ما تقلقش هيموت وهتتقيد ضد مجهول

نظير .. اتفقنا

محروس .. ومين المرحوم

نظير .. عمي عماد

محروس .. مش ده اللي حرقت بيته من كام شهر

نظير .. هو

محروس .. وليه بتكره الكره ده كله

نظير .. انت الي ليك هي الفلوس يا ريس محروس دول ٢٠ الف

محروس .. دول قليلين اووي

نظير .. هديك ٣٠ الف بعد ما تخلص

محروس .. اذا كان كده ماشي اعتبره مات

نظير .. يلا اسيبك ومجرد ما اسمع خبر موته هتلاقيني عندك بالفلوس

محروس .. اتفقنا

سميحه .. بتخبط علي بيت غاده

ام غاده .. بتفتح ام كريم اتفضلي يا ام العمده

سميحه .. يزيد فضلك يارب

ام غاده .. تشربي ايه

سميحه .. مفيش داعي يا ام غاده انا كنت عايزه غاده في كلمتين

ام غاده .. ثواني اندها وبتدخل علي غاده بتكون بتكلم ياسمين يا غاده كلمي ام كريم عايزاكي

غاده .. حاضر يا ماما انا جايه علي طول وراكي

ياسمين .. فيه حاجه

غاده .. ام كريم هنا وعايزاني

ياسمين .. عادي يعني يمكن كريم قالها الي حصل وجايه تطمن عليكي

غاده .. هشوف ورجع اكلمك يلا سلام

ياسمين .. سلام

غاده .. عامله ايه يا طنط

سميحه .. الحمد لله يا بنتي تعالي جنبي عايزكي في كلمتين

غاده .. حاضر يا طنط

ام غاده .. هعمل كوبيتين شاي عشان انتي وحشاني يا ام كريم وعايزين نقعد سوا شويه

سميحه .. ماشي يا ام غاده

غاده .. منوره يا طنط

سميحه .. تسلمي يا بنتي هدخل في الموضوع علي طول ياسمين صاحبتك

غاده .. مالها يا طنط

سميحه .. عايز اعرف كل حاجه عنها

غاده .. بتقول في نفسها معقول بسرعه كده

سميحه .. ايه سكتي ليه

غاده .. لا ولا حاجه ياسمين وبدات تقول كل حاجه عن ياسمين

سميحه .. تسلمي يا بنتي فعلآ الطيور علي اشكالها تقع وانتي ما تتخيريش عنها

غاده .. تسلمي يا طنط وربنا يسعدهم

ام غاده .. اتفضلي الشاي

سميحه .. يزيد فضلك يلا ادخلي اوضتك يا غاده وانا هقعد مع امك شويه

غاده .. بعد اذنك يا طنط دخلت اوضتها ورنة علي ياسمين

ياسمين .. ايه كانت عايزكي في ايه

غاده .. شكله هيحصل يا جميل

ياسمين .. ايه الي هيحصل

غاده .. ام كريم كانت بتسال عنك

ياسمين .. عني انا

غاده .. اه وشكلنا هنبركلك قريب

ياسمين .. تبركيلي علي ايه

غاده .. عليا انا يا قمر كريم بعت امه عشان تسال عنك يبقا ايه

ياسمين .. معقول

غاده .. كريم ما لوش في اللف والدوران مبروك يا حبيبتي

ياسمين .. ما تسبقيش الاحداث

غاده .. كلها كام يوم وهتلاقي كلامي صح

ياسمين .. ماشي يا لمضه سلام دلوقت ونتقابل الاحد عشان بكره الجمعه والسبت اجازه

غاده .. سلام

ياسمين .. قامت ترقص من الفرح وهي سعيده ومبسوطه

ويعدي الجمعه والسبت اخر النهار عماد بيطلع من البيت ومحروس بيكون مراقبه ومستني عماد يكون في حته ما فهاش ناس عشان يقتله وأخيرا عماد دخل في طريق وسط الارض و مفيش حد و محروس نشن عليه وبيدوس علي الزناد

الفصل الخامس من هنا

لقراءه باقي الفصول من هنا

محروس .. وقف وراء شجره وبص علي عماد وهو بينشل عليه وبيقول هو ده المكان المناسب مفيش صريخ ابن يومين هنا

كريم .. قاعد في الارض بيروي الزارع وبيبص بيشوف محروس سامر شايف اللي واقف عند الشجره هناك

سامر .. ايوه ده ماسك بندقيه وشكله قاصد حد

كريم .. ايوه قاصد اللي معدي علي الطريق هناك بس المشكله اني شايف انه شخص بس مش شايف ملامحه وطلع المسدس

سامر .. هتعمل ايه

كريم .. مستحيل حد يتاخد غدر قدامي وضرب نار علي محروس

محروس .. الطلقه جت في ايده وايده جت علي الزناد طلعت الطلقه وجت قدام عماد

عماد .. مين ضرب نار

كريم .. اوقف مكانك وإلا هقتلك

محروس .. طلع يجري

عماد .. اخد باله من اللي بيجري وطلع يجري عليه لحد ما اختفاء محروس

كريم .. قرب من عماد وبص عليه عم عماد

عماد .. كريم

كريم .. الحمد لله انك بخير انت فيه مشاكل بينك وبين حد

عماد .. لا ومش عارف ده مين وليه ضرب نار عليا يمكن ماكنش يقصدني انا

كريم .. لا انا شايفه وهو بينشل عليك ولحس الحظ ان الليله قمر ١٤ لولا كده ما كنتش شفته

عماد .. الحمد لله انا أصلا كنت رايح لك البيت

كريم .. خير يا عمى

عماد .. عشان اشكرك بنتي قالتلي كل حاجه

كريم .. كلنا من قريه وحده وكلنا اهل و مفيش بينا شكر

عماد .. تسلم يارب طول عمرك ابن اصول من يومين وقفت مع بنتي وجبتلها حقها والنهارده انقذت حياتي

كريم .. كله ترتيب من عند ربنا عز وجل

عماد .. بتعمل ايه هنا

سامر .. بنروي الارض تعالى اتفضل ارتاح شويه

عماد .. مش عايز اعطلكم

كريم .. كده كده احنا قاعدين اتفضل في الخص

عماد .. دخل الخص وقعد

كريم .. شال براد الشاي من جنب النار وصب شاي اتفضل يا عم عماد

عماد .. تسلم ايدك يا كريم ليا سنين ما قعدش القعده دي من اول ما سبت الارض لي ابن اخويا يزرعها

كريم .. القعده دي بنسبالي بالدنيا وما فيها انا الارض بنسبالي كل حياتي

عماد .. بيفكر وبيقول في نفسه لو انا موت دلوقت نظير كان هيحط ايده علي كل حاجه ومش بعيد يكون هو اللي حاول يقتلني

كريم .. سرحت في ايه يا عمى

عماد .. في الدنيا يا ابني ربنا عز وجل جعلك سبب في انقاذ حياتي بس انا لازم اعرف مين اللي حاول يعمل كده وليه

كريم .. ان شاء الله كل حاجه تتكشف و الصبح تعالى نروح المركز نعمل شكاوه

عماد .. اكيد ان شاء الله يلا استاذن انا

كريم .. انا جاي معاك

عماد .. مفيش داعي

كريم .. لا سامر استناني

سامر .. ماشي هروح اشوف المياه وصلت لي فين

كريم .. اتفضل يا عمي

عماد .. تسلم يا ابني ايه ما قربناش نفرح بيك

كريم .. لسا النصيب ما جاش

عماد .. نصيحه مني ما توقفش حياتك عشان تجربه فشلت لسا الحياه قدامك

كريم .. نفس كلام الحاجه بالزبط

عماد .. ده كلام العقل يا ابني المرحوم ابوك كان من اعز اصدقائي ممكن بعد وفاته انا قصرت معاك بس ربنا يعلم انك زي ابني

كريم .. ربنا يخليك يا عمى ويبارك في عمرك

عماد .. ويحفظك يارب اهو وصلنا تعالي نشرب شاي مع بعض ولا اقولك تعالي نتعشاء

كريم .. الله يخليك انا اكلت مع سامر في الارض ولسا شاربين شاي

عزه .. قاعده مع ياسمين وتسمع صوت عماد تقوم تفتح الباب واقفين ليه بره كده تعالى اتفضلوا

كريم .. ربنا يخليكي انا هرجع الارض عشان الماكينه شغاله

عماد .. ينفع توصل لحد هنا وتمشي

كريم .. الايام جايه كتير استناك الصبح

عماد .. خلاص يبقا نتغداء مع بعض بكره

كريم .. خلاص ماشي يلا السلام عليكم

الكل .. وعليكم السلام ورحمة الله وبركاته

عماد .. دخل

عزه .. كنت فيه وكريم ليه جاي معاك لحد هنا ومشوار ايه الي الصبح

عماد .. قعد مش عارف يقول ايه

ياسمين .. مالك يا بابا حصل ايه

عماد .. بدا يحكي كل الي حصل

عزه .. بخوف ومين عمل كده

عماد .. ما عرفناش نمسكه وبكره هروح اعمل محضر

ياسمين .. بتحضن ابوها وبتبكي

عماد .. اهدي يا بنتي الحمد لله انا بخير

ياسمين .. انا مش هقدر اعيش من غيرك يا بابا

عزه .. الحمد لله ما حصلش حاجه و ابوكي بخير واكيد جعان جهزي الاكل عشان ناكل

ياسمين .. بتوقف وتمسح دموعها حاضر

بتجهز ياسمين العشاء وبياكله وبيشربه الشاي وبتدخل ياسمين اوضتها عشان تنام وعزه وعماد بيدخله اوضتهم وبمجرد دخولهم

عزه .. بتحضن عماد وكانها طفله صغيره وبتبكي

عماد .. بيطبطب عليها اهدي يا حبيبتي الحمد لله قدر الله وما شاء فعل

عزه .. بتحضنه اووي انا مش هقدر اعيش من غيرك يا عماد انا ماليش غيرك في الدنيا انت ابويا واخويا وحبيبي وكل حاجه ليا

عماد .. بيحضنها وبيبوسها من خدها وبيشيلها وبينومها علي السرير وبيمسك ايدها وبيبوسها وبيلعب بشعرها وهو بيقرب شفايفه من خدها وبيمر الوقت

ياسمين .. تقوم من النوم وتجهز الفطار و تستغرب ان امها مصحيتش لدلوقت راحت علي الاوضه وخبطت علي الباب

عزه .. بتصحه علي خبط ياسمين ايوه يا ياسمين

ياسمين .. ايه النوم ده كله يا ماما

عماد .. ادينا جيين يا حبيبتي

ياسمين .. هحط الفطار علي السفره

عزه .. بتبص علي عماد وبتبتسم وبتبوسه بخده

عماد .. بيحضنها وبيبوسها

عزه .. اتلم يا راجل البنت مستنياني يلا

عماد .. حاضر وامري لله

عزه .. بتقوم وتلبس الهدوم وبتدخل الحمام تاخد دش وبتطلع تقعد علي السفره تسلم ايدك يا بنتي

ياسمين .. تسلمي يا ست الكل هو بابا مش هيفطر

عماد .. بيطلع من الاوضه افطره انتو انا هاخد دش الاول

عزه .. ماشي يا عماد افطري عشان ما تتاخريش

ياسمين .. حاضر يا ماما

عماد بيطلع وبتكون ياسمين خلصت فطار وبيطلعو سوا وبيروحوا عن بيت كريم وياسمين بتلاقي غاده مستنياها وبيطلعو كلهم علي الموقف وبيركبه سوا وبيروحه علي قنا وغاده وياسمين علي الجامعه وكريم وعماد علي المركز وسامر بيقابلهم هناك

كريم .. بيكلم العسكري احمد بيه جوه

العسكر.. ايوه يا عمده اتفضل

كريم .. بيدخل السلام عليكم

احمد .. وعليكم السلام ورحمة الله وبركاته كريم العمده بنفسه في المركز

كريم .. اخبارك يا احمد بيه

احمد .. الحمد لله يا ابو العمده اتفضلوا ارتاحوا

كريم .. ندخل في الموضوع علي طول عشان وقتك وبدأ يحكي له كل حاجه

احمد .. تمام يا ابو العمده هنتحرك مع بعض دلوقت ونشوف المكان وان شاء الله هنوصل للي عمل كده

كريم .. تمام يا احمد بيه

وتحركه كلهم علي المكان الي ضرب منه محروس النار وعماد كلم نظير عشان يجي وفعلآ بمجرد وصولهم هناك كان نظير وصل وبعد معاينة المكان ومسك احمد الفارخ بتاع البندقيه

احمد .. ده فارغ قناصه مش بندقيه عاديه

كريم .. قرب من احمد وبص علي الفارغ انا عرفت مين الي ضرب نار امبارح

نظير .. وشه اتغير ورتبك

احمد .. مين يا ابو العمد

كريم.. مفيش غير واحد بس الي معاها البندقيه دي في الناحيه كلها

احمد .. قصدك

كريم .. هو يا احمد بيه

الفصل السادس من هنا

لقراءه باقي الفصول من هنا

عماد .. مين ده يا كريم

كريم .. محروس يا عم عماد

عماد .. و محروس ده ايه اللي بينه وبيني عشان يحاول يقتلني

كريم .. ده ابن حرام واكيد في حد دفعله فلوس عشان يعمل كده

احمد .. ما تقلقش يا حاج عماد انا هجيبه و هنعرف مين الي وراه

نظير .. اتوتر ومش عارف يقول ايه وبداء يعرق مع ان الجو حلو وبيبص لعمه ما تقلقش يا عمي هنعرف كل حاجه اول ما احمد بيه يقبض عليه

عماد .. بص عليه مالك يا نظير انت تعبان العرق بينزل منك مع ان الجو حلو

نظير .. اه والله واخد دور سخونه

عماد .. الف سلامه عليك يا نظير روح ارتاح وانا لو وصلنا لحاجه هقولك

نظير .. ماشي يا عمي السلام عليكم ورحمة الله وبركاته

الكل .. وعليكم السلام ورحمة الله وبركاته

كريم .. اتفضل انت يا احمد بيه عشان تشوف شغلك وانا هحاول اوصل لمحروس

احمد .. ده قتال قتله يا عمده ومعاه رجاله سوابق في الجبل

كريم .. ما تقلقش يا احمد بيه حكاية محروس كانت عايزه تخلص من زمان

احمد .. خلاص يا عمده لو ناوي تطلع الجبل كلمني ونطلع سوا

كريم .. ان شاء الله يا احمد بيه

احمد .. السلام عليكم

الكل .. وعليكم السلام ورحمة الله وبركاته

غاده .. مالك مستعجله ليه وخلتينا سبنا المحاضره

ياسمين .. عشان بابا عازم كريم علي الغداء وماما لوحدها

غاده .. اه كريم العمده انا حاسه ان فيه حاجه بتحصل من ورايا

ياسمين .. بطلي رغي يلا وبتركب العربيه وبتنزل الموقف وغاده بتطلع علي بيتها وياسمين روحت هي كمان

عزه .. كويس انك جيتي بدري

ياسمين .. انتي بس اقعدي كده زي الهانم وانا هعمل كل حاجه

عزه .. غريبه ايه الرضى ده كله يا حبيبة امك

ياسمين .. يعني انا غلطان

عزه .. لا يا قلبي بس بسرعه عشان ما نتاخرش

ياسمين .. ما تقلقيش يا ست الكل كل حاجه هتكون جاهزه قبل ما يجو من بره

عزه .. ماشي يا حبيبي لما نشوف

ياسمين كانت بتعمل كده عشان عايزه تعمل الاكل كله هي عشان كريم ياكل من ايدها وكانت سعيده ومبسوطه وبتعمل الاكل بحب وعشان كده فعلآ الاكل طلع جميل جدآ ولذيذ وفعلآ خلصت قبل ما يجو وبعد ما خلصت الباب خبط

ياسمين .. بتفتح الباب اتفضل

عماد .. انتي جيتي

ياسمين .. ايوه يا بابا وكمان جهزة الاكل يلا اتفضلوا قبل ما يبرد

عماد .. اتفضل يا كريم وانتي يلا حطي الاكل علي السفره

ياسمين .. من عينيه يا بابا خمس دقايق بالظبط السفره هتكون جاهزه

عزه .. عامل ايه يا كريم يا ابني

كريم .. الحمد لله حضرتك عامله ايه

عزه .. الحمد لله واخبار الحجه ايه

كريم .. الحمد لله بخير وان شاء الله قريب هتيجي تزورك

عزه .. تنور في اى وقت البيت بيتها

كريم .. شكرا ليكي

ياسمين .. يلا السفره جاهزه

عماد .. اتفضل يا كريم

وبيقومه وبيقعده علي السفره وبياكل كريم وعماد سوا

كريم .. بصراحه تسلم ايديهم الاكل يجنن اول مره اكل اكل حلو كده

عزه .. كانت جايبه المياه

كريم .. تسلم ايدك يارب الاكل بجد لذيذ

عزه .. الف هنا يا كريم بس اللي عمل الاكل ياسمين وما خلتنيش اعمل حاجه

كريم .. ربنا يحفظها نفسها حلو بصراحه تسلم ايدها

عزه .. تسلم يا ابني محتاجين اي حاجه

كريم .. تسلمي يارب الحمد لله

عزه .. كمل اكلك يا كريم

كريم .. والله اول مره اكل كده بصراحه الاكل يجنن

عماد .. الشاي يلا يا عزه

ياسمين .. الشاي جاهز يا بابا

كريم .. تسلم ايدك يارب

ياسمين .. الف هنا

نظير .. دخل البيت ووشه مقلوب

سعديه .. طمني حصل ايه

نظير .. هنروح في داهيه يا امه

سعديه .. فيه ايه طمني

نظير .. عرفوا ان محروس هو الي ضرب النار علي عمي وكلها مسألة وقت ويمسكوه وكل حاجه تتكشف

سعديه .. هو كلمك

نظير .. ايوه كلمني وعايز باقي الفلوس عشان اضرب بنار في كتفه

سعديه .. وهتعمل ايه

نظير .. هديله الي هو عايزه المهم انه يختفي لو هو اتمسك يبقا احنا روحنا في داهيه

سعديه .. المهم قوله يمشي

نظير .. حاضر بالليل هاخد الفلوس واطلع وهقوله

سعديه .. ربنا يسترها يا ابني يعني مش كفايه انه ما عرفش يخلصنا من عمك كمان ممكن نروح في داهيه

كريم .. كنت عايز اكلمك في موضوع يا عمي انا عارف انه مش وقته

عماد .. اتفضل يا ابني قول سامعك

كريم .. انا كنت عايز اطلب ايد الانسه ياسمين

عماد .. وانا مش هلاقي حد احسن منك لبنتي بس اخد رايها وراي امها وان شاء الله بكره هبلغك بردي

كريم .. ان شاء الله خير يلا استاذن انا

عماد .. لسا بدري مستعجل ليه

كريم .. عشان نخلص موضوع محروس

عماد .. بس بلاش تطلع الجبل يا كريم دول ناس بايعين نفسهم

كريم .. ما تقلقش يا عمي ان شاء الله مفيش غير كل خير

عماد .. ان شاء

كريم .. يلا سلام عليكم

عماد .. وعليكم السلام ورحمة الله وبركاته

عزه .. هو كريم مشي ليه

عماد .. ما انتي عارفه مشاغله كتيره

عزه .. ربنا يحميه يارب

عماد .. ياسمين تعالي عايزك

ياسمين .. ايوه يا بابا خير

عماد .. اقعدي يا بنتي عايزك وانتي كمان يا عزه

عزه .. خير يا عماد

عماد .. كريم طلب ايد ياسمين

ياسمين .. وشها احمر و تكسفت

عزه .. ده يوم المنى كريم انسان محترم ويشرف اي بيت بس الراي الاول والاخير لياسمين

ياسمين .. الي يشوفه بابا انا موافقه عليه

عماد .. لا يا بنتي في الموضوع ده لازم انتي اللي تقولي اه او لا

ياسمين .. بصت في الارض موافقه يا بابا

عماد .. خلاص هرد عليه وقوله انك وفقتي

ياسمين .. ممكن انا الي اقوله يا بابا

عماد .. اكيد يا بنتي هو دلوقت يعتبر خطيبك واعزميه بكره هو والحجه علي العشاء

ياسمين .. حاضر يا بابا اديني رقمه

عماد .. اتفضلي يا بنتي اهو رقمه

ياسمين .. اخدت الرقم هكلمه بكره الصبح يا بابا

عماد .. زي ما تحبي وصلي استخاره وربنا يعمل لك الي فيه الخير

ياسمين .. حاضر يا بابا وبتترمي بحضنه

عماد .. بيبوسها في راسها ربنا يحفظك يارب

كريم .. سامر الرجاله جاهزين

سامر .. جاهزين

ربيع .. بيدخل عليهم السلامه عليكم

الكل .. وعليكم السلام ورحمة الله وبركاته

ربيع .. خير يا عمدة مالكم مطلعين السلاح الالي ليه

سامر .. طالعين الجبل نجيب محروس

ربيع .. من غيرى طب ينفع كده

كريم .. ما تزعلش يلا امسك البندقيه ونطلع سوا وقولك كمان خلي الرجاله نطلع احنا التلاته بس

سامر .. تمام يا كريم هنرجع لايام الشقاوه

كريم .. يلا بسم الله توكلنا علي الله

نظير .. الف سلامه يا معلم محروس

محروس .. الله يسلمك فين الفلوس

نظير .. اها الفلوس المهم تمشي من هنا كريم العمده واحمد رئيس المباحث ناوين يطلعوا الجبل

محروس .. يا مرحب بيهم يبقا جايين لموتهم

نظير .. بس

محروس .. بيقاطعه يلا قوم امشي يا نظير

نظير .. حاضر يا معلم محروس وبياخد بعضه وبينزل من الجبل

كريم .. مش ده نظير

سامر .. ايوه هو

كريم .. وجاي ليه من ناحيت الجبل

ربيع .. دقيقه همسكو ونشوف حكايته ايه

الفصل السابع من هنا

لقراءه باقي الفصول من هنا

كريم .. لا سيبك منه ده مش وقته ممكن يكون بيحاول يوصل لمحروس او ؟

سامر .. او ايه

كريم .. مش وقته يلا يا رجاله

ربيع .. يلا يا صاحبي

محروس .. يا عطوه زود الرجاله عشان احتمال الحكومه تفكر تهاجمنا

عطوه .. يبقا عايزين يموتوا

محروس .. فتح عنيك انت والرجاله

عطوه .. ما تقلقش يا كبير رقبتنا فداك

كريم .. بس من اول هنا رجالة محروس هيكونوا في اي مكان لازم نتحرك بحرص

سامر .. انت عرفت ده كله ازاي

كريم .. واحد من رجالته باعو ليا

ربيع .. طول عمرك ليك في كل خرابه عفريت

كريم .. ماشي يا رايق يلا بدل ما يمسكونا قبل ما نعمل حاجه

سامر .. يلا نفترق

كريم .. ربيع اطلع من هنا هيقابلك واحد قدام وانت يا سامر اطلع من هنا وانا من هنا ونتقابل قدام المغاره

سامر .. ماشي يا عمده

ربيع .. اتحرك لحد ما وصل المكان اللي كريم قاله عليه ولقي واحد واقف بسلاح قرب منه بالراحه وضربه بظهر البندقيه وقعه علي الارض وكتفه بحبل وربط بقه وتقدم لقدام

سامر .. عمل نفس اللي عمله ربيع

عطوه .. طالع من المغاره وبيتمشه يشوف الرجاله شاف سامر ووجه البندقيه عليه

كريم .. شاف عطوه وضربه بنار في كتفه

عطوه .. الطلقه جاته في كتفه الحكومه هجمت يا رجاله وشتغل ضرب النار والرصاص كان زي المطر

محروس .. فيه ايه يا عطوه

عطوه .. وهو ماسك كتفه وبينزف الحكومه هجمت علينا

محروس .. يقوم ويمسك بندقيته النهارده يا قاتل يا مقتول يا عطوه يلا الرجاله كلها تطلع من المغاره مش عايز عسكري ينزل من الجبل عايش فاهم يا عطوه

عطوه .. حاضر يا كبير

سامر وكريم وربيع عاملين مكالمه جماعيه سوا و بيتكلمه مع بعض عشان يعرفوا يحدده اماكن بعض عشان ما يضربوش علي بعض نار

سامر .. دول اكتر من ما كنا فاكرين

ربيع .. يعني ايه رايك يا سامر ننسحب

كريم .. الله الله من امتي في حاجه اسمها انسحاب عندنا ولا نسيته اننا كنا من قوات الصاعقه في الجيش

ربيع .. لا بس حاسس سامر كبر وبيضحك

سامر .. لا ما تقلقش عليا المهم انت يا ربيع خلي بالك من نفسك انا مش عايز اشيل حد

كريم .. هتفضل طول عمركم ناقر ونقير يلا احنا خدنا وقت كتير

سامر .. بسم الله ويضرب ويوقع ناس منهم

كريم .. كل طلقه بتطلع منه براجل من المطاريد

ربيع .. انا ضرب سته لحد دلوقت ايه هما مش بيخلصه

ياسمين .. سمعت ضرب النار وطلعت من اوضتها لقيت باباها ومامتها هم كمان طلعوا

عماد .. انتي لسا صاحيه يا ياسمين

ياسمين .. ايوه يا بابا ايه ضرب النار الكتير ده

عماد .. ده جاي من ناحيت الجبل ربنا يستر وما يطلعش اللي في دماغي

ياسمين ..الي هو ايه يا بابا

عماد .. يكون كريم طلع الجبل

ياسمين .. وهيطلع ليه الجبل

عماد .. قال قدام احمد بيه انه هيجيب محروس من الجبل

ياسمين .. بتحاول تخبي قلقها خلاص يا بابا انا هدخل انام

عماد .. ماشي يا حبيبتي نامي وان شاء الله مش هيحصل غير الخير

ياسمين .. بتدخل اوضتها وبتفضل رايحه جايه في الاوضه وتمسك التليفون وبترن علي رقم كريم وبتلاقيه انتظار وبتقلق اكتر وبتفضل ترن وبرده انتظار وما فيش رد من كريم وبتفضل رايحه جايه في الاوضه ومش قادره حتي تقعد علي السرير

احمد .. يا عسكري ضرب النار ده فين بالظبط

العسكري .. ده من الجبل يا احمد بيه

احمد .. يبقا كريم عملها وطلع الجبل بسرعه جهز القوه هنطلع الجبل

العسكري .. حاضر يا فندم

احمد .. ربنا يستر ونوصل قبل ما يحصل حاجه لي كريم ليه كده يا كريم دول قتالين قتله وبيرن علي كريم

كريم .. سامر ربيع احمد بيه بيرن هشوفه ايوه يا احمد بيه

احمد .. برده عملتها وطلعت الجبل

كريم .. ما تقلثش كلها ١٠ دقايق وكل حاجه تخلص

احمد .. عددهم كتير يا كريم انتو بس حاولوا تحمو نفسكم بس لحد ما اوصل انا هاجي من الجهه الشرقيه

كريم .. تمام يا احمد بيه سلام دلوقت

العسكري .. جاهزين يا فندم

احمد .. يلا بسم الله توكلنا علي الله ولا حولا ولا قوه إلا بالله

نظير .. ايه ضرب النار ده

سعديه .. انت مش قولت لمحروس يمشي

نظير .. ايوه بس هو قال الي هيجي هيموت

سعديه .. خلاص حط في بطنك بطيخه صيفي عمرنا ما سمعنا عن حد طلع الجبل ورجع عايش

نظير .. ياريت يا امي عشان ده لو اتمسك هنروح في داهيه

سعديه .. الجبال مقبره للي يفكر يهجم علي المطاريد

نظير .. ربنا يستر والليله دي تعدي علي خير

كريم .. ربيع ٠٠ سامر ٠٠احمد بيه هو العساكر هيجو من الجهه الشرقيه اوعه حد يضرب نار عليهم

سامر .. علي ما يجو هنكون خلاصنا

كريم .. يلا توكلنا علي الله وبيتحركه وبيضربه كل الي في طريقهم لحد ما بيوصله المغاره

سامر .. جاهزين

ربيع .. انت لسا هتقول جاهزين

كريم .. بيدخل المغاره

ربيع .. علي يمينه

سامر .. علي شماله

كريم .. ارمي سلاحك انت وهو

محروس .. عرف انه وصل للنهايه ورمه سلاحه هو وعطوه انا كنت فاكر الحكومه طلعت انت يا عمده خير جاي وقصدني ليه انا عمري ما تجرات علي بيت العمده

كريم .. اتجرات وكنت عايز تقتل عماد مين اللي دفعلك يا محروس عشان تقتل عماد

محروس .. انا مش فاهم بتتكلم عن ايه يا عمده

كريم .. الجرح الي في كتفك ده من مين

محروس .. وقعت علي سيخ حديد والحمد لله جت سليمه

كريم .. يبقا انت اختارت تموت سامر خلص عليه

سامر .. وجه البندقيه عليه

محروس .. خلاص انا هقول كل حاجه

ربيع .. احمد بيه وصل

محروس .. الحقني يا احمد بيه انا تحت امر القانون

احمد .. لا بصراحه تسلم يا ابو العمده انت عملت اللي الامن المركزي ما قدرش يعمله

كريم .. ده واجبي يا احمد بيه ما تنساش اني من بيت العمده ولازم احمي بلدي من شر الكلاب دول اتكلم يا محروس مين الي دفعلك

محروس .. ما فيش حد وانا في عرض القانون

احمد .. بعد اذنك يا عمده عايزك في كلمتين بره

كريم .. ماشي يا احمد بيه

احمد .. كلبشوه بسرعه يا عسكري هو والي معاه

العسكري .. حاضر يا فندم

كريم .. يا احمد بيه هو خلاص كان هيتكلم لولا انت جيت كنا عرفنا

احمد .. ما تقلقش هنعرف كل حاجه

كريم .. مش هيعترف معاك يا احمد بيه

احمد .. عارف يا عمده وعشان كده انت هتخطفه من السجن وتغمي عينه وهتفضل تلف بيه في المركز علي اساس انك طلعته واخده في مكان تبعك وبكده هيعترف ونسجله كل حاجه بي اذن نيابه

كريم .. خلاص ماشي

احمد .. يلا هستناك الصبح عشان نقفل المحضر وهنقول العمده عمك ورجالته الغفر يعني هما الي نفذه الهجوم عشان انت ما لكش صالحيه تعمل ده كله

كريم .. ما فيش مشكله يا احمد بيه المهم الحقيقه تظهر يلا هنمشي احنا يلا يا سامر انت وربيع

وبيمشه وبيروحه وكل واحد منهم بيروح علي بيته وياسمين لسا بترن

كريم .. مين الرقم ده هرد اشوفه مين ومصمم ليه كده يكلمني السلام عليكم

ياسمين .. وعليكم السلام اخيرآ رديت

كريم .. مش مصدق ودانه مين ياسمين

الفصل الثامن من هنا

لقراءه باقي الفصول من هنا

بسم الله ولا حول ولا قوه إلا بالله العلي العظيم

ياسمين .. ايوه انا ياسمين انت ما بتردش ليه انا برن عليك من بدري

كريم .. معلش ما كنتش اعرف انك انتي وكنت مشغول شويه

ياسمين .. عملت اللي في دماغك وطلعت الجبل

كريم .. عرفتي من فين

ياسمين .. بابا قال انك قولت انك هتجيب الراجل اللي ضرب نار علي بابا

كريم .. الله الله كمان عرفتي اني دماغي ناشفه

ياسمين .. عملت ايه

كريم .. ولا حاجه جبت الراجل وسلمته للمركز

ياسمين .. وانت عامل ايه دلوقت

كريم .. ما تقلقيش انا بخير الحمد لله

ياسمين .. الحمد لله انا كنت هتجنن عليك وخايفه يكون حصلك حاجه

كريم .. انا مش قد الكلام الجميل ده

ياسمين .. قصدي عشان احنا السبب في كل ده

كريم .. لا مش انتو الكلب ده كان لازم يتقبض عليه من زمان بس اخيرآ والحمد لله قدرنا نمسكه

ياسمين .. الحمد لله انت كنت كلمت بابا في موضوع يخصنا

كريم .. ايوه وقال انه هياخد رايك وراي مامتك ويرد عليا

ياسمين .. انا قولت ارد عليك بنفسي

كريم .. ضربات قلب كريم زادت اتفضلي انا سامعك

ياسمين .. خدت نفس جامد انا موافقه

كريم .. اخيرآ انا اسعد انسان في الدنيا ما تعرفيش انا سعيد قد ايه

ياسمين .. لا عارفه عشان انا كمان حاسه بنفس السعاده اللي انت حاسس بيها

كريم .. انا من اول مره عيني جت في عينك وانا حبيتك كنت بسمع ان فيه حاجه اسمها حب من اول نظره وكنت بقول ده في الافلام بس لكن دلوقت انا صدقت عشان من نظره من عيونك الحلوين حبيتك وبقيتي كل حاجه بتمنها في حياتي

ياسمين .. وانا كانت كل حياتي هي دراستي وبس ومن اول ما عيني جت في عينك وانا كمان حبيتك انا مش عارفه ازاي بقولك الكلام ده بس انت بقيت كل حياتي من اول ما عنيه جت في عينك

كريم .. يارتني عرفتك من زمان

ياسمين .. المهم اننا حبينا بعض مش هتفرق زمان ولا دلوقت

كريم .. معاكي حق يا حبيبتي

ياسمين .. اول مره اسمع الكلمه دي وحس بيها كل حاجه معاك مختلفه

كريم .. دى مش كلمه انا كل دقه بقلبي بتقولك بحبك يا ياسمين

ياسمين .. وانا كمان بحبك يا كريم

كريم .. ربنا يجمعنا علي خير ان شاء الله

ياسمين .. اللهم امين يارب العالمين ان شاء الله بكره هنستناك علي العشاء انت وطنط

كريم .. ان شاء الله هنيجي

ياسمين .. وانا هستناك يلا سلام دلوقت

كريم .. لا إله إلا الله

ياسمين .. سيدنا محمد رسول الله حضنت التليفون وهي في قمة السعاده

كريم .. طلع من اوضته وخبط علي الباب

سميحه .. تعالى يا كريم انا صاحيه

كريم .. السلام عليكم

سميحه .. وعليكم السلام ورحمة الله وبركاته

كريم .. سهرانه ليه

سميحه .. ماكنش جايلي نوم خير حاسه انك عايز تقولي حاجه

كريم .. انا كلمت عمي عماد وطلبت ايد ياسمين

سميحه .. خير ما عملت يا ابني وهيرده عليك امتي

كريم .. رده عليا ووفقوا وعزمينا بكره علي العشاء

سميحه .. حضنته الف مليون مبروك يا حبيبي اخيرآ

كريم .. الله يبارك فيكي يا ست الكل انا حبيت افرحك

سميحه .. ده احلا خبر سمعته في حياتي اخيرآ هطمن عليك يا حبيبي

كريم .. ربنا يديكي الصحه وطول العمر وبيبوس ايدها يلا تصبحي علي خير

سميحه .. وانت من اهل الخير يا حبيبي

كريم .. طول الليل وهو مش قادر يبطل تفكير في في ياسمين

ياسمين .. بتتقلب علي السرير وماسكه التليفون وبتبص علي رقم كريم ومش قادره تبطل تفكير فيه وقلبها بيدق بحبه وبتقوم تصلي ركعتين استخاره

وبيصبح الصبح وخبر القبض علي محروس بينتشر في البلد

نظير .. بيدخل البيت بعد ما سمع الخبر يا امه

سعديه .. مالك داخل زي القطار

نظير .. محروس اتمسك

سعديه .. يا لهوي يا نهار اسود وجاب سيرتك

نظير .. اكيد لحد دلوقت لا وإلا كنتي لقيتي الحكومه فوق راسي بس اكيد هيتكلم

سعديه .. يبقا لازم تهرب لحد ما نلاقي حل

نظير .. ماشي ودخل لم هدومه وطلع الجبل وما لقيش حد من رجالة محروس ولقي المغاره فاضيه وقعد فيها

عماد .. بيخبط علي اوضة ياسمين صحيتي يا حبيبتي

ياسمين .. ايوه يا بابا اتفضل يا بابا

عماد .. ما تروحيش الجامعه النهارده

ياسمين .. حاضر يا بابا علي فكره انا كلمت كريم امبارح وقولتله اننا هنستناه علي العشاء

عماد .. تمام يا حبيبي صليتي استخاره

ياسمين .. ايوه والحمد لله مرتاحه

عماد .. ربنا يتمملك علي خير يا بنتي

ياسمين .. تسلم يا بابا علي فكره كريم سلم محروس للمركز

عماد .. كنت متاكد انه عمل كده المهم هو بخير

ياسمين .. ايوه الحمد لله بخير

عماد .. الحمد لله يلا عشان ماما بتجهز الفطر عشان نفطر سوا

ياسمين حاضر يا بابا.

كريم .. بيرن علي احمد بيه

احمد .. صباح الخير يا ابو العمده رنيت في وقتك

كريم .. صباح الورد ايه محروس اتكلم

احمد .. بينكر ومش عايز يعترف

كريم .. والعمل ايه هنفذ الخطه الي قولت عليها امبارح

احمد .. ايوه بس هتاخده من الطريق

كريم .. ازاي

احمد .. هنعمل فيلم عليه هبعته في عربيه علي اساس انه رايح يتعرض علي النيابه وانت هتوقف العربيه وهتاخده وهنكون مجهزين كل حاجه عشان ناخد الاعتراف مسجل

كريم .. تمام وانا جاهز هتتحرك بالعربيه امتي

احمد .. ساعه بالظبط

كريم .. وهاخده عندي

احمد .. لا هتغمي عينيه ويدخل المركز تاني في اوضه منعزله وهناك انا مجهز كل حاجه

كريم .. تمام يا احمد بيه

احمد .. يا عسكري جهز عربية الترحيلات

العسكري .. حاضر يا فندم يلا

احمد .. هاتلي محروس هنا اشوفه هيعترف ولا لا

العسكري .. تمام يا فندم وبيطلع وبيجيب محروس

احمد .. ايه مش هتتكلم ولا ناوي تشيل كل حاجه لوحدك

محروس .. انا قولت اللي عندي وما عرفش اي حاجه تاني

احمد .. مين دفعلك عشان تقتل عماد

محروس .. انا معرفش مين عماد ده اصلآ

احمد .. تمام هنشوف هتفضل ساكت لي امتي

العسكري .. العربيه جاهزه يا احمد بيه

احمد .. خدوه علي النيابه

بتتحرك.عربية الترحيلات وكريم وسامر بيوقفوه و بياخده محروس و بيركبوه عربيه و بيغمو عنيه ويدخله المركز واحمد يدخلهم الاوضه و بيطلع سامر بيشيل الغطاء من علي عينيه

محروس .. في ايه يا عمده انت كده بتوقف قدام الحكومه

كريم .. ما تقلقش عليا اقلق علي نفسك يا محروس عشان انا دلوقت لو معرفتش كل اللي انا عايزه مش هتطلع من هنا غير وانت ميت

محروس .. انا تحت امرك يا عمده

كريم .. مين اللي دفعلك عشان تقتل عماد

محروس .. اللي دفعلي عشان اقتل عماد وسكت

كريم .. انا قولت برده انك مش هتتكلم وسحب المسدس وحطه في راس محروس وشد الاجزاء

محروس .. صرخ هقول اللي دفعلي هو

الفصل التاسع من هنا

لقراءه باقي الفصول من هنا

بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير

محروس .. اللي دفعلي علشان اقتل عماد نظير ابن اخوه

كريم .. معقول ونظير هيعمل كده ليه

محروس .. عشان عماد مش معاه غير بنت وهو عايز يتجوزها ويسيطر علي كل حاجه انا قولت كل اللي اعرفه ابوس ايدك سبوني

احمد .. اخيرا اعترفت يلا يا عسكري خدوه علي النيابه

محروس .. هو كل ده كان لعبه

احمد .. وانت وقعت زي المقطف يا دهول يلا يا عسكري وجهز قوه عشان نجيب نظير

العسكري .. حاضر يا فندم

كريم .. هستاذن انا يا احمد بيه ونتقابل بكره ان شاء الله

احمد .. تمام يا عمده

سامر .. هنروح فين

كريم .. نشوف الارض

سامر .. مش هتقول للحاج عماد علي اللي حصل

كريم .. كده كده انا هروح بالليل انا والحجه وبقا اقوله

سامر .. انت والحجه ليه في حاجه

كريم .. معلش والله نسيت اقولك رايحين عشان هخطب ياسمين

سامر .. بتتكلم بجد الف مبروك وبياخده بالحضن اخيرآ هنفرح بيك يا صاحبي

كريم .. الله يبارك فيك يا سامر

سامر .. ما فيش داعي انك تطول في الخطوبه وحدد معاد الفرح علي طول وخير البر عاجله

كريم .. ان شاء الله

سامر .. خلاص انت روح عشان تجهز نفسك وانا هشوف الارض

كريم .. هو انا هتزووق يلا وبلاش كتر كلام

سامر .. حاضر يا عريس

وبيروحوا الارض وبيوقفوا وسط العمال وهما شغالين وكريم وسامر بيشتغله معاهم واحمد بياخد قوه وبيطلع علي بيت نظير وبيخبط علي الباب

سعديه .. مين علي الباب

احمد .. افتحي يا حجه حكومه

سعديه .. بتحاول تخبي خوفها وبتفتح الباب خير يا حضرت الضابط فيه ايه

احمد .. ابنك فين يا حجه

سعديه .. نظير مسافر

احمد .. مسافر فين

سعديه .. مصر يا حضرت الضابط

احمد .. فين في مصر

سعديه .. الله واعلم يا باشا

احمد .. بعد اذنك هنفتش البيت

سعديه .. معاك اذن نيابه

احمد .. الاذن اهو اتفضلي

سعديه .. قراءة الاذن اتفضل يا باشا

احمد .. ما تسبوش خرم ابره يلا

العساكر .. حاضر يا فندم

احمد .. ايه لقيته نظير

العسكري .. ما لهوش اي اثر يا فندم

احمد .. نصيحه مني يا حجه خلي ابنك يسلم نفسه

سعديه .. طب قولي عمل ايه

احمد .. دفع فلوس لواحد من المطاريد عشان يقتل عمه عماد والراجل اعترف عليه

سعديه .. مستحيل ابني يعمل كده ازي تصدقه واحد قتال قتله

احمد .. انا قولتلك وعملت الي عليا السلام عليكم

سعديه .. وعليكم السلام ورحمة الله وبركاته وبتقفل الباب وبترن علي نظير

نظير .. الو

سعديه .. الحكومه بتدور عليك ولسا ماشين من البيت

نظير .. اه يا محروس الكلب والعمل ايه

سعديه .. كده كل حاجه اتقلبت ضدنا وما فيش قدمنا غير الصبر وانا هروح لعمك احاول اخليه يتنازل عن المحضر اللي عامله ونحاول نشوف حل

نظير .. اعملي اي حاجه يا امه المهم ما دخلش السجن

سعديه .. هلبس وروح دلوقت ولما ارجع هكلمك

نظير .. ماشي وبيقفل وهو بيقول في نفسه ليه يارب كده انا عملت ايه في حياتي عشان يحصلي كده

كريم ..يلا يا ماما جاهزه

سميحه .. ايوه يا حبيبي

كريم .. يلا بينا

وبيتحركه وبيوصله بيت عماد وكريم بيخبط

عزه .. بتفتح الباب اتفضلي يا سميحه وبتاخدها بالحضن

سميحه .. وحشتني يا عزه عامله ايه

عزه .. الحمد لله يا حبيبي اتفضلوا عامل ايه يا كريم يا بني

كريم .. الحمد لله وانتي عامله ايه يا طنط

عزه .. الحمد لله يا ابني

عماد .. البيت نور اتفضل يا كريم

كريم .. تشكر يا عمي

عزه .. اتفضلي معايا يا سميحه وبيدخله جوه

ياسمين .. السلام عليكم

سميحه .. وعليكم السلام ورحمة الله وبركاته تعالي في حضني يا عروسة ابني وبتحضنها

ياسمين .. بعد اذنك يا طنط هحط العشاء

سميحه .. اتفضلي يا حبيبتي

كريم .. عرفنا مين الي وراء محروس

عماد .. مين

كريم .. نظير ابن اخوك

عماد .. كنت حاسس الود ده طول عمره شمال وعايز يقتلني عشان يحط ايده علي البيت والارض

كريم .. الحمد لله ربنا سترها وهو هربان حاليآ بس هيفضل هربان لحد امتي مسيره يتمسك

عماد .. مش عارف اقول ايه ربنا يهديه علي نفسه

سعديه .. بتخبط

عماد .. بعد اذنك هشوف مين علي الباب

كريم .. اتفضل يا عمي

عماد .. بيفتح الباب مين سعديه

سعديه .. عامل ايه يا ابو ياسمين

عماد .. الحمد لله يا ام نظير خير

سعديه .. هنتكلم علي الباب

عماد .. ده مش وقت كلام عندي ضيف اتفضلي ادخلي لعزه ونده علي عزه

عزه .. ايوه يا عماد وطلعت لقيت سعديه في وشها سعديه خير انتي عمرك ما جيتي

عماد .. خلي ام نظير تقعد معاكم وبعد الجماعه ما يمشو هشوفها عايزه ايه

عزه .. اتفضلي

سعديه .. دخلت وتفاجئة بام كريم سلمت عليها نورتي الدنيا يا ام كريم

سميحه .. نورك يا ام نظير هو نظير فين مش المفروض يكون في المركز دلوقت

سعديه .. ده سواء تفاهم وهيخلص وحنا عيله وحده

سميحه .. واحنا بالوقت مش غرب ما احنا بقينا اهل

عزه .. هو فيه ايه يا ام كريم انا مش فاهمه حاجه

سميحه .. ما تفهميها يا ام نظير

سعديه .. لما نبقا وحدنا هقولك يا عزه

عزه .. سميحه مش غريبه دلوقت وبقيت مننا

سعديه .. مش فاهمه

سميحه .. انا هقولك يا سعديه انا هنا النهارده عشان هنقراء فاتحة كريم وياسمين

سعديه .. اتصدمت وسكتت طب هستاذن وهبقا اجي بعدين

سميحه .. ليه خليكي نتعشاء سوا

سعديه .. لا شكرا وقامت ومشيت

عزه .. في ايه يا سميحه فهميني

سميحه .. الي ورا محروس المجرم هو نظير

عزه .. نظير يعمل كده ده عماد عامله زي ابنه

سميحه .. الحمد لله ان محروس اعترف وكلها كام يوم ونظير يتمسك

ياسمين .. بتدخل الاكل جاهز يا ماما

عزه .. اتفضلي يا سميحه وبتبص لياسمين حطيتي الاكل لباباكي وكريم

ياسمين .. ايوه يا ماما

سعديه .. بتقعد وبتبص لياسمين بسم الله ما شاء الله شكل الاكل وريحته تجنن تسلم ايدك

ياسمين .. تسلمي يا طنط اتفضلي

سميحه .. بسم الله الرحمن الرحيم وبتاكل

عماد .. اتفضل يا كريم

و بيقعده و ياكله وبعد الاكل يقرأه الفاتحه وبيتفقوا علي كل حاجه

كريم .. ايه رايك يا عمي الفرح يكون خلال الشهر ده

عماد .. انا ما عنديش مشكله ومعاد الفرح حدده انت وياسمين عشان انت عارف انها في الجامعه

كريم .. تمام يا عمي

عماد .. ياسمين

ياسمين .. نعم يا بابا

عماد .. اقعدي مع كريم وتفقو علي ميعاد الفرح انا هقعد في الصاله بره شويه بعد اذنك يا كريم

كريم .. اتفضل يا عمي

ياسمين .. بتقعد

كريم .. عامله ايه يا ياسمين

ياسمين .. الحمد لله يا كريم وانت عامل ايه

كريم .. الحمد لله ايه رايك الفرح يكون الشهر ده

ياسمين .. اللي تشوفه انا موافقه عليه

سعديه .. بتوصل البيت وبترن علي نظير

نظير .. طمنيني

سعديه .. مصيبه يا نظير

نظير .. مصيبة ايه

سعديه .. النهارده خطوبة كريم علي ياسمين

نظير .. بتقولي ايه ده مستحيل يحصل

سعديه .. ما فيش بي ايدنا حاجه

نظير .. ده انا هقتلهم كلهم

سعديه .. احنا مش قد بيت العمده

نظير .. ياسمين مش هتكون لحد غير يا اما تموت

سعديه .. اهدا يا نظير وبلاش جنان

نظير .. الليله كلهم هيموته وبيقفل السكه

الفصل العاشر من هنا

لقراءه باقي الفصول من هنا

بسم الملك الجبار بسم العزيز الغفار بسم ملك السموات والارض الملك القهار

كريم .. يعني اتوكل علي الله وحدد معاد كتب الكتاب وبعده باسبوع الفرح

ياسمين .. هزت راسها بالموافقه

كريم . لا انا عايز اسمعها بوداني

ياسمين .. موافقه علي اي حاجه انت تقولها

كريم .. رينا ما يحرمني منك يارب

ياسمين .. ولا منك يا كريم

كريم .. انا اسعد انسان في الدنيا

ياسمين .. وانا كمان حاسه قلبي هيطير من السعاده انا حياتي بقت انت وبس

سميحه .. ممكن ادخل يا عرسان

ياسمين .. اتفضلي يا طنط.

سميحه .. اتفضلي دي هدية مني ليكي

ياسمين .. ايه الدهب ده كله يا طنط

سميحه .. الدهب ده امي ورثته من جدتي وانا ورثته من امي والمفروض اديه لبنتي لكن ربنا ما رزقنيش في بنت عشان كده من دلوقت انتي بنتي

ياسمين .. ربنا يحفظك ويبارك فيكي يا طنط

سميحه .. مش بحب كلمة طنط من دلوقتى تقوليلي يا ماما

ياسمين .. حاضر يا ماما

عزه .. يا بختك يا ياسمين بقا عندك اتنين امهات اهو

ياسمين .. ربنا ما يحرمني منكم

كريم .. يلا نستاذن وان شاء الله بكره هقعد مع عمي ونحدد كتب الكتاب والفرح بعده باسبوع

عماد .. بيدخل تمشي ليه لسا بدري يا كريم

كريم .. الله يحفظك الايام جايه كتير يلا السلام عليكم

الكل .. وعليكم السلام ورحمة الله وبركاته

نظير .. قفل السكه والنار مولعه في قلبه وهو بيقول مستحيل حد يلمس ياسمين غيري ياسمين دي ملكي انا وبس وكده كده انا خلاص روحت في داهيه وطول مش هتكوني ليا يبقا مش هتكوني لغيري وبيرن علي عمه عماد

عماد .. بيصحه علي رنة التليفون مين ده اللي بيرن بالوقت وبيبص في التليفون بيلاقي رقم غريب بيفتح السلام عليكم

نظير .. من دلوقت مفيش سلام ولازم تفسخ الخطوبه دي ياسمين مش هتتجوز حد غيري

عماد .. هو انت ليك عين تكلمني بعد الي حصل

نظير .. انت الي خلتني اعمل كده كل حاجه ملكك هي ملكي انا اصلا

عماد .. امك ورثتك الكره والحقد عشان كده في غشاوه علي عينك كنت مستني انك ترجع عن الطريق الغلط لكن واضح انك مش هتوقف و هتفضل مكمل عشان كده هتقضي اللى فاضل من حياتك في السجن

نظير .. قبل ما اتسجن هكون خلصت عليكم كلكم يا عمي

عماد .. غور في داهيه و اوسع ما معاك اعمله ومن دلوقت انا مش هرحمك ومن دلوقت لا انت ابن اخويا ولا اعرفك و بيقفل السكه

عزه .. بتصحى بتكلم مين يا عماد دلوقت

عماد .. الكلب الي ربيته وسلمته ارضي وتريني بربي تعبان وبالوقت كبر وجاي يبخ سمه فيا

عزه .. هو ليه عين يكلمك عايز ايه

عماد .. بيهددني انه هيقتلنا لو كملنا في خطوبة ياسمين علي اساس اني ممكن اوفق اصلآ اني اجوزهاله

عزه .. والعمل ايه يا عماد ده مجنون وانا خايفه علي ياسمين

عماد .. الي معاه ربنا ما يخافش من مخلوق

عزه .. ونعم بالله بس ربنا امرنا ناخد في الاسباب

عماد .. ما تقلقيش انا بكره هقعد مع كريم ونشوف هنعمل ايه

عزه .. ربنا يسترها

عماد .. بيحضنها خلاص اهدي يا حبيبتي وعشان تبقي مطمنه ما تخليش ياسمين تروح الجامعه بكره

عزه .. خلاص ماشي يا حبيبي

كريم .. صحي وراح علي الارض لقي سامر قاعد في الخص

سامر .. حمدالله بالسلامه يا عريس

كريم .. الله يبارك فيك يا صاحبي وعقبالك

سامر .. حبيبي تسلم المهم الفرح امتي

كريم .. لسا هحدد وان شاء الله قريب

سامر .. ايوه كده عشان نفرح

عزه .. رايح فين بدري كده يا عماد

عماد .. هرن علي كريم وقابله

عزه .. تمام ابقا طمني هتعملو ايه

عماد .. حاضر

ياسمين .. ايه ده انت طالع يا بابا

عماد .. ايوه يا حبيبتي عايزه حاجه

ياسمين .. لا هروح انا عشان ما تاخرش

عزه .. لا النهارده انا حاسه نفسي تعبانه شويه خليكي معايا

ياسمين .. مالك يا ماما حاسه بي ايه

عزه .. ما تقلقيش كده بس بدلع شويه ايه مادلعش

ياسمين .. ادلع برحتك يا قمر انت

عزه .. طاب يلا غيري وتعالي عايزكي ندردش سوا

ياسمين .. فريره وجريت علي اوضتها

عماد .. ابتسم يلا هسيبكم سوا السلام عليكم

عزه .. وعليكم السلام ورحمة الله وبركاته ربنا يحفظك يا حبيبي

عماد .. بيطلع التليفون وبيرن علي كريم

كريم .. بيرد السلام عليكم

عماد .. وعليكم السلام ورحمة الله وبركاته معلش برن عليك بدري

كريم .. لا بدري ولا حاجه انا في الارض

عماد .. خلاص انا جيلك انت في الارض الشرقيه ولا الغربيه

كريم .. الشرقيه في الخص تعالى نفطر سوا اكيد لسا ما فطرتش

عماد .. فعلا

كريم .. خلاص اديني مستنيك سلام

عماد .. سلام

كريم .. روح هتلنا فطار ليا انا وانت وعمي عماد

سامر .. حاضر يا كريم ولع النار عشان الشاي

كريم . . ماشي

عماد .. بيوصل السلام عليكم

كريم .. وعليكم السلام ورحمة الله وبركاته اتفضل يا عمي

عماد .. يزيد فضلك يا كريم

كريم .. انا حسيت من صوتك في التليفون ان فيه حاجه طمني خير

عماد .. صلي علي النبي

كريم .. عليه افضل الصلاه واتم التسليم

عماد .. نظير كلمني امبارح وبدأ يحكي له كل حاجه

كريم .. سيبك منه مش هيقدر يعمل حاجه هو بس بيعمل كده عشان يمنع جوازي من ياسمين وانا من راي اننا نتجوز خلال الايام الجايه وبمجرد ما نتجوز كده خلاص مش هيعرف يعمل حاجه

عماد .. انت شايف كده

كريم .. ايوه وكمان هات الرقم الي كلمك منه عشان نخلي احمد بيه يتبع الخط عشان نوصله

عماد .. كلامك صحيح خلاص كتب الكتاب الجمعه بعد بكره ايه رايك

كريم .. موافق هاخد ياسمين النهارده نخلص الشهاده الصحيه وجبلها الفستان.

عماد .. علي بركة الله

سامر .. السلام عليكم

الكل .. وعليكم السلام ورحمة الله وبركاته

سامر .. معلش اتاخرت عليكم

عماد .. ولا اتاخرت ولا حاجه

كريم .. يلا اتفضل يا عمي

وبعد ما ياكلوا و يشربوا الشاي كريم بيرن علي ياسمين ويطلب منها تلبس عشان هينزلوا قنا سوا ومعاهم عزه وفعلآ بيروحه وبيخلصه الشهاده الصحيه والورق وبيشتره الفستان وكريم بيعزمهم علي الغداء وبعد كده بيروحه وبيجي يوم الجمعه والبلد كلها موجوده في كتب الكتاب و الغفر والحكومه مفتحه عينيها وبعد كتب الكتاب بيقعد كريم وياسمين في الكوشه اللي بتبقا بعيد عن الرجاله عشان الاختلاط ممنوع في عاداتهم

نظير .. بيوصل كتب الكتاب وهو لابس لبس ست منقبه لحد ما بيوصل عند كريم وياسمين وبيشوفهم وهما في الكوشه وبيطلع المسدس وبيوجهه علي ياسمين وبيضغط علي الزناد

الفصل الحادي عشر من هنا

لقراءه باقي الفصول من هنا