الفصل الثالث

-جاهزة توقعي على المنحة
هزيت راسي بالموافقة
-اة
-عايزاكي تكوني فكرتي كويس
-فكرت
-كنتي قولتيلي ان مامتك هتقعد لوحدها
-هتروح تقعد مع خالتي وبنتها
-تمام اتفضلي
قالت كدة ومدت ليا الورق
اتنهدت ومسكت الورق ووقعت
-امتى السفر
-الخميس بعد الجاي
هزيت راسي وقومت من مكاني وروحت البيت فتحت التلفون علشان اشوف الخميس يوم كام وشوفت ان عيد ميلاد مروان بعد اربع ايام
ضربت راسي بأيدي
-ازاي نسيت
عدت الايام وانا بفكر اعمل ايه مع مروان
جه يوم عيد ميلاده
وقفت قدام شقة مروان وانا ماسكة تورته في ايدي ومتوترة اتنهدت وخبط على الباب وفتح
ابتسمت ليه واتا بقدم في وشه التورتة
-كل سنة وأنت طيب
ابتسم بسخرية وقال
-لسا فاكرة
-وليه انسى؟، وبعدين اي المعاملة الوحشة دي
دخل بعصبية وهو بيقول
-انا اللي معاملتي وحشة
-امممم انت زعلان
بص عارفة ان الفترة اللي فاتت كنت باردة حبتين تلاتة
، بس والله كنت مشغوله فعلا
فضل ساكت وهو بيسمعني
-هتفضل زعلان كدة كتير…..
هاخد نفسي والتورتة وامشي على فكرة
قولت كدة وضربته في كتفه واخد مني العلبة
-امسك
-ايه دي
-هديتك
-مكنش ليه لزوم
-امسك بس
قولت كدة وفتحها وعجبته الساعة
عدة الوقت وكنت عايزة اقولو على موضوع سفري
اتنهدت وقولت بهدوء
-كنت عايزة اقول……
قطع كلامي صوت الباب
-معلش ثانيا يا ليلى
قال كدة وقام فتح
………..
فتحت الباب ولقيت الاء قدامي ماسكة علبة وهي بتقول
-اذيك مروان
-الاء….، اي اللي جابك
-انا عارفة انك مش طايقني بس….
-بس ايه، اي اللي جابك اصلا
ما تغوري بقى من حياتي بقى وسبيني في حالي
زي ما كنتي عايزة
-يا مروان والله انت مش فاهم حاجة اسمعني بس
………….
كنت قاعدة جوة وسمعت صوت مروان وهو بيزعق
قومت وشوفت الاء
قولت بصوت مهزوز وانا بقرب منهم
-الاء
-لو سمحتي يا ليلى قوليلو انه فاهم غلط ويسمعني
بصلي مروان وهو وساكت، كنت ببص عليه وعلى الاء وانا سامعة صوت دقات قلبي اللي سرعت اول حاجة لما اكتشفت ان الاء لسا عايشة والتانية اني مفروض اقوله انها كانت مريضة وانا كنت عارفة وسكت.
خايفة من ردت فعل مروان معايا لما يعرف معرفتش اعمل ايه غير اني افضل ساكتة وطلعت اجري من الموقف وسط نظرات مروان اللي مش فاهم حاجة وهو بينده عليا
روحت البيت ودخلت اوضتي وقفلت على نفسي وانا باخد نفسي بصعوبة من اللي هيحصل لو مروان عرف
هديت نفسي وبعد تلات ساعات لقيت مروان بيرن عليا
-الو
-قابليني على السطح
قال كدة وقفل الخط رجعت اتوترت تاني قومت غسلت وشي وطلعت، لقيته قاعد بهدوء قربت منه وبقول بهدوء
-عايز ا….
مكملتش الجمله بما لقيته مسكني من ايدي جامد وقال بعصبية
-انتي كنتي تعرفي انها كانت تعبانة
سكت وعيوني بدأت تدمع
-كنتي تعرفي يا ليلى
-اة
-وليه مقولتيش
-هي قالتلي والله….
-مش مبرر
ازاي كنتي بتشوفيني في الحالة دي وساكتة، ازاي قدرتي تعرفي ان البنت اللي بحبها تعبانة وكنتي ساكتة بكل بساطة حتى لو قالتلك……. ازاي انتي بالأنانية دي
قالي كدة ونزل تحت وسابني
مسحت دموعي وانا مش مستوعبة اللي قاله.
نزلت البيت ولقيت ندى قاعدة مع ماما، دخلت اوضتي
خبط الباب ودخلت ندى قعظت جمبي على طرف السرير
…….
-اي اخبار حبيب القلب كل سنة وهو طيب
بس لقيت ليلى اترمت في حضني وفضلت تعيط وتشهق بصوت عالي
-مالك يا ليلى
فضلت اطبطب عليها لحد ما هديتها
-الاء….. الاء رجعت
بصيت بأستغراب من اللي سمعته
-هي عايشة…….. طب كويس
كملت كلامها وهي بتعيط
-مروان عرف اني كنت اعرف بمرضها واتهمني اني مقولتش قصد واني انانية
هديتها تاني وابتديت اواسيها وقولت بهدوء
-انتي مش قولتي انك مسافرة وخلاص صفحة مروان دي، والله هو مايستاهل دمعة منك اصلا
انا مش عارفة اقولك ايه بس مقدرش اقولك غير انك لازم تنسيه لانك مش بتأذي حد غير نفسك
ومش هلوم مروان لأن من حق كل واحد ان يحب اللي عايزه، الحب مش بالعافية يا ليلى
شوفي انتي عملتي ايه معاه طول ما هي جرحته بأبشع الكلام وبرغم كدة اول ما شفها حنلها تاني وطلعك انتي اللي غلطانة ودة يدل انه عمره ما هيفكر فيكي ابدا
فبطلي تتعبي نفسك وتتعبي قلبك بالموضوع واتقبلي الوضع اللي انتي عايشة فيه.
قولت كدة ومسحت دموعها وحضنتها وانا عارفة اني قسيت بالكلام علشان اطلعها من الخيال اللي فيه
قالت بصوت مخنوق
-لما مروان لاحظ اني متغيرة معاه الفترة اللي فاتت قولت يمكن اخد بالو مني حتى وكنت لوهله عايزة اغير موضوع سفري
-اياكي تعملي كدة سافري ياليلى سافري
فكري في مستقبلك بلا حب بلا نيلة يا بنتي
قولت كدة وهي ابتسمت بوجع
-اي اخدنه من الحب يا اختشي غير وجع القلب وبس
عدة الايام مبقتش اتكلم مع مروان وهو اللي متجاهلني وكنت بشوفه في البلكونة لما بيطلع وبيكلم الاء في التلفون
عدة يومين وكنت قاعدة في البيت ولقيت الباب بيخبط
-مروان!
-فين مامتك
-مش قاعدة
قولت كدة وطلع من جيبة حاجة وادهالي
-اديلها دي لما ترجع
-اي دي
-دعوة خطبوتي
مسكت الظرف ومثلت الابتسامة وقولت بهدوء
-الف مبروك
قولت كدة وسابني ودخل بيتهم
دخلت وقفلت الباب وحطيت الظرف على الجزامة ودخلت جوة وانا بحاول مهتمش بالموضوع
دخلت اوضتي وكلمت توضيب في حاجاتي
عدة الايام وجه يوم خطوبة مروان
دخلت امي وانا كنت بجهز الشنطة علشان طيارتي الفجر
-لسا بردو على رأيك
-سبيني براحتي لو سمحتي مش عايزة احضر، وبعدين شايفاني اهو بلم في حاجاتي
-على الاقل تعالي اقعدي ساعة مروان هيزعل لو مجيتيش دة انتو متربين مع بعض
اتنهدت وانا بقول بهدوء
-لو خلصت حاجاتي بدري وعرفت اجي هاجي يا ماما
قولتلها كدة وهزت راسها وطلعت للخطوبة وانا كملت توضيب رنيت على ندى علشان تيجي تقعد معايا
خبط الباب وكنت فاكرها ندى
-مسرع ما جي…
-مروان!
بص عليا وانا لابسة البجامة
-عارف انك زعلانة مني بس مش لدرجة انك متحضريش خطوبتي يا ليلى
مثلت الابتسامة وانا وبقول
-ما انا بركتلك يا بني عايز اي تاني
سكت شوية وبعدين قال
-انا اسف
عارف اني كنت متعصب زيادة، الاء فهمتني الوضع وانك متجبيليش سيرة
قاطعته ببرد وانا بقول
-مروان ملهوش لزوم كلامك دة
بالنسبة لخطوبتك انا ورايا حاجات انهاردة ومش هقدر اجي واسفة اني مش هقدر اجي
قولت كدة ولقيت ندى جات من ورا مروان ودخلت جوة
بصيت على مروان وقولت
-مبروك مرة تانية
قولت كدة وهو بصلي بسكوت وتلفونة رن ومشي قفلت الباب وانا بحاول امسك دموعي
دخلت جوة ولقيت ندى بتاكل في

اوضتي وهي بتقول
هي وبتقلدني
-الف مبروك مرة تانية
جبتي الجبروت دة كله من فين، يكونشي الكلمتين اللي قولتهم المرة اللي فاتت لسمح الله جابو نتيجة
قولت بعصبية
-اطفحي انتي وساكتة وسبيني في حالي
قولت كدة ومسكت هدومي اللي على السرير وحطيتها في الشنطة ووسط الهدوم شوفت جاكت مروان اللي كان مدهولي
ابتسمت لما افتكرته وهو بيدهوني
طبقته وسيبته على المكتب وكملت توضيب لحد ما خلصت توضيب و نمت
…
عدة الوقت ورجعت ماما من الخطوبة وسلمت عليها علشان فاضل كام ساعه
قالت ندى بهدوء
-اي فيها لو وصلتك يعني
-عادي يا ندى في اوبر تحت
قولت كدة وحضنتها
-خلي بالك على ماما
-فوفا دي في عينيا
قالت كدة وابتسمت عليه
وطلعت بصيت على شقة مروان وانا بفتكر ذكرياتي معاه
اتنهدت ونزلت تحت للأوبر وطلع للمطار
قعدت في المطار وانا وببص على باب المطار وفي خيالي ان مروان يجي وعترفلي بحبو زي ما بشوف في الافلام او حتى يجي يودعني
فصل تفكيري صوت الميكرفون علشان اركب الطيارة بصيت على الباب بصة اخيرة وانا ببتسم على خيالي اللي بيجيلي اتنهدت وقفت ولفيت ظهري بس سمعت صوته….. صوت مروان
-ليلى
لفيت وانا مش مستوعبه وحسيت انه متهيألي بس لقيته جه وهو بيقرب
وقال بعصبية
-انتي رايحة فين؟
ابتسمت بهدوء وانا بمسك شنطتي
-انت شايف ايه؟
رد بعصبية وهو بيمسك شنطة السفر
-انتي مش هتروحي في حتى
كمل وهو بيمسك ايدي
-يلا يا ليلى
فلت ايدي بهدوء منه ومسكت شنطتي
-مروان…
قطعني بعصبية
-ايه مروان؟……….
كل دة علشان زعلانة مني وماشية من غير ما تقولي ليا………………. مفكرتيش فيا
ابتسمت بحزن
-انت عندك حياتك….. وخطيبتك
-بس انتي مهمة عندي يا ليلى
على الاقل كنتي تقولي
-ومين قالك
-مش مهم….
ابتسمت عليه وقولت
-مش كل النهايات لازم تبقى سعيدة……
دة كلامك
-………..
سكت شوية وبعدين قال بهدوء
-لو سمحتي يا ليلى متمشيش
قال كدة وصوت نداء المكرفون اتعاد تاني ان الطيارة قربت تطلع
ابتسمت بهدوء وانا بصاله
-متأخر اوي الكلام دة…….. لازم امشي
ضميت ايدي وقربتها من ايدو
-سلام يا روميو
قلد حركتي وهو بيقول
-سلام يا جولييت
قال كدة ولفيت ظهري ومسحت دمعتي اللي نزلت وركبت الطيارة
اتنهدت بهدوء وانا بغمض عيني وبحاول انسى علشان اكمل الباقي من حياتي ………….
<النهاية>
<<<<<<<<<<<<<<<<<<<<<<<<<<<<<<<<<<