الفصل الثاني

-علشان عندي كانسر
اتجمدت من مكاني لما سمعت كدة
قولت وانا بجمع كلامي
-انت….. انتي بتقولي ايه؟
قالت بهدوء
-اللي سمعتي
عرفت من شهرين وحاولت بكل الطرق ابعد عن مروان بس معرفتش، لحد ما اخدت الخطوة
قولت بعدم استعاب
-اتعالجي
كل حاجة ليها علاج
قالت وهي بدمع
-فكرك محاولتش يعني
روحت وحاولت بس كلهم قالولي اني في حالة متأخرة واني محتاجة عملية والعملية دي نسبة فشلها 75 ٪
بس اهلي برده مش مقتنعين وعايزين يسافروني أمريكا
-وليه مقولتيش؟
-مش عايزة حد يتعب معايا
-…
-….
بعد وقت وانا بحاول استوعب اللي سمعته
-ليلى…..
ممكن متقوليش لمروان اي حاجة
-ازا…
-لو سمحتي
مروان لو عرف هيفضل قاعد جمبي وانا مش عايزاه يوقف حياته على امل كداب
مسكت ايدها برجاء
-لو سمحتي يا ليلى
اعتبري اخر طلب ليا
مسحت دموعي وهزيت راسي
-امتى مسافرة
-الفجر
قالت كدة وحضنتها ومشيت
…
بعد وقت
فضلت ماشية وانا بفكر في كلام الاء
رجعت البيت وقبل ما افتح شقتي فتح مروان باب شقته كأنه كان مستنيني
-ليلى
-نعم
-شوفتيها
-اة
-طيب وايه قالت ليكي؟
كنت هدمع بس مسكت نفسي وانا بقوله
-مفيش زي ما قالت ليك
سكت وبصلي بهدوء بس انا مكنتش عايزه اوقف معاه
-بعد اذنك
كنت همشي بس وقفني لما نداني تاني
-ليلى
انتي عينيكي لي محمرة
-مفيش….. مكنتش نايمة امبارح بس
سلام عشان تعبانة
قولت كدة وقفلت الباب في وشه
دخلت اوضتي ورميت نفسي على السرير وموقفتش بكي
صحيت تاني يوم على صوت ندى
-ليلععععع
قومي بقى
قالت كدة وهي بتشد البطنية
شديت البطنية منها بعصبيه
-اي اللي جابك
انتي بقيتي مقيمة في بيتنا ولا ايه؟
-الحق عليا بوّد صلة الراحم
كملت كلامها ورمت نفسها عليا
-وبعدين انا جاية اشوف بنت خالتشيي اللي داخلة على سنة اكتئاب
-اوعي يا ندى بقى
اي شغل العيال الصغيرة ده…. عايزة انام
-مفيش نوم يلا بقى
-عايزة ايه؟
– انهاردة الجمعة ايه هتفضلي نايمة بس
-لا بس انا تعبانة
-اي رأيك نخرج ولا نقضي اليوم نسمع افلام
-ولا ده ولا ده
-بطلي رخامة بقى انتي عارفة ان بطبيعة شغلي مفيش اجازات كتيرة ليا
يلا بقى يا ليلو
عايزة اقضي وقت معاكي
قولت بزهق
-اوووف طيب…. طيب
-يلا مستنياكي
قالت كدة وطلعت برة وانا قومت
غسلت وشي واتوضيت وصليت
-انا مش قادرة اطلع
-طيب نقضي اليوم في البيت
-هي فين ماما
-مامتك راحت عند ماما علشان بيخازنو اكل رمضان انتي عارفة بقى
-وقالت اني ابقى معاكي هنا
ابتسمت وسمعت صوت تلفوني رسالة من مروان
انه يقابلني
-عايزة فيلم ايه يا ليلى
-اي حاجة هطلع ارمي الزبالة وجاية
-بصتلي بأستغراب وبتسمت بخبث
-الزبالة بردو
اخدت الزبالة وطلعت برة ولقيته واقف
-بعتلي رسالة
-اة
-الاء عملتلي بلوك
-اممم
-ايه هو اللي اممم
-ايوة اقولك ايه؟
انت عرفت خلاص ان هي بعدت
-يا لولا دة انتي اللي بطلعيني من مشاكلي من وانا وصغير برأيك اعمل ايه
قولت لصبية مكتومة
-مروان انا اقدر اعملك اي حاجة غير اني اقولك تعمل ايه في الموقف دة….. دي مشاعرك انت مش انا يعني اتبع قلبك وشوف انت تعمل ايه؟
مقدرش اقولك تعمل حاجة وبعدين ترجع تلومني
مش هقدر اساعدك في الموقف دة انا اسفة….
اتنهد وقال بهدوء
-عادي
-يلا بعد اذنك
نام كويس باين عليك مش نايم ها
ابتسم بهدوء
-حاضر
…..
عدت الايام
كل حاجة زي ماهي
-مروااان
قوم يلا
-عايزة ايه؟
-هتفضل كدة كتير قافل على نفسك مش بترد على حد
كمان شوية ودقنك هتكبر
-سيبيني دلوقتي يا ليلى
-لا مش هسيبك ليك شهر كدة
اي رأيك ننزل انها…..
-لا
كتمت غيظي وقولت بهدوء
-يا بني ليك شهر مشوفتش الشارع……. يلا ننزل
قولت كدة وشديته من كاب تيشيرت بتاعه
-انجز خد شاور ومستنياك تحت
-مش عايز يا لي…
-هشش ولا كلمة يلا
قولت كدة وزقيته عند الحمام وطلعت جهزت
بعد وقت
-يلا يا مروان
-يخربيت زنك ثانيا
مسكته من ايديه جامد
-انجز بقى
ركبت عربيته وانا بشوفها قد ايه هي متبهدلة لأنه مركبهاش لي فترة
-لا اي الخردة دي
-بطلي تريقة يا بت واركبي
-حرام عليك الاوتفيت يتبهدل
قال بزهق
-والعمل
-تعالى نركب عربيتي
قولت كدة واديتله مفتاح
-تروحي فين؟
-اول حاجة عندي بروڤا
بعدين اكيد هطلع جعانة فا توديني مطعم
-طيب
خلصت البروڤا بس مروان مكنش شايفني خالص كأنة كان بيدور على الاء
بعد وقت….
-يلا مروان جعانة
-طيب
عدة اليوم ورجعت البيت
اتسحرت وطلعت قدام الباب وانا معايا كوبيتين شاي وبخبط برجلي باب شقة مروان
-ايه كل التخبيط ده؟
قالي كدة ومديت كوباية الشاي في وشه
-امسك
-اي ده؟
-اي رأيك نتمشى
-دلوقتي؟
-فاكر زمان كنا بنقعد في الشارع لحد الصبح
ماما اتسحرت ونامت اخدتها فرصة بصراحه
-لا مش قادر
-يلا يا مروان بلاش غلاسة
-طيب
استني هلبس جاكت وجاي
طلع واخد مني كوباية الشاي وفضلنا نتمشى
بعد وقت….
-مروان
-اممم
-اي هو اللي امم
لينا ربع ساعة بنتمشى وانت ساكت متبقاش رخم وشاركني شوية في الكلام
قال بعصبية هادية
-انا اصلا مكنتش عايز اطلع
قولت بعصبية
-ابو برودك ياخي متكلمش تاني احسن
ابتسم على كلامي
-ايوة كدة وريني ضحكتك
هز راسة
-ماشي ياعم
قولت بهدوء
-احم مروان
-خير
قولت وانا وباصة على الجاكيت وبضحك بخفة
-انا بردانة
-مش انتي اللي قولتي عايزة تطلعي في الوقت دة
بصتله بصدمه لأن افتكرته هيديني الجاكيت
كمل كلامه وهو بيقول
-ليه متقلتيش اصلا
بصتله بعدم استعاب اكتر وانا بضحك
-اي الهبل دة بتضحكي على ايه؟
ضربته في كتفه وانا بقول
-اتصدق بالله
-لا إله إلا الله
-انت انسان مستفز
-انا مستفز
-ايوة مستفز يا مروان
وغلطانة اني نزلت مع واحد زيك كنت انزل لوحدي احسن
-اي اللي غيرك كدة كل دة علشان قولتلك ليه مخففه
-لا علشان معندكش دم
اقولك بردانة تديني الجاكيت
يعني مفهومة مش بتتفرج على مسلسلات
-اةةةة قولي كدة من الاول
بس ليلى انا كمان انسان فبردان بردو
قولت ببرود
-بقى كدة
-اةة
-طيب امشي يا مروان، زمانهم دلوقتي هيصلو الفجر
قولت كدة وسيبتو وطلعت العمارة
دخلت اوضتي وضحكت لما افتكرت كلامه
اتوضيت وصليت بعد ما خلصت لقيت الباب بيرن
فتحت لقيته مروان
قولت وانا بمثل البرود
-نعم
-انتي زعلتي
بصيتله ببرود ومرديتش عليه
-اي البصة دي، كل دة علشان رفضت اديكي الجاكيت
كمل كلامه وهو بيقلع الجاكيت
-خدي يا ستي مبروك عليكي الجاكيت كله
-كنت عايزاه من شوية دلوقتي مش محتجاه
مسك ايدي وحط الجاكيت
-امسكي عارف اصلا عينك عليه من ساعة ما

جبته
قولت بعصبية
-انت هتزليني امسك يا حبيبي الجاكيت بتاعك وامشي من هنا هنرش مايه
-امسكي بس اعتبري هدية. صدقة. جبر خواطر
-ليه ما انت كنت ماشي حلو
يلا امشي من هنا تصبح على خير
-غوري جوة وانتي من اهله
قفلت الباب وانا بضحك عليه وحطيت الجاكيت جوة الدولاب ورميت نفسي على السرير و بفكر في مروان وانا بحاول انسي الاء علشان يعيش حياته نمت من كتر التفكير
صحيت تاني يوم ونزلت المسرح وعملت البروڤا وكنت هلم حاجتي وماشية
-ليلى عايزاكي دقيقة لو سمحتي
-اتفضلي
-انتي بقالك كام سنة معانا
-دي السنة تالته ليا
-حلو اوي
بصيتلها بأستغراب
-هو اي اللي حلو
-انا شايفة انك موهوبة اوي و…
بصي بصراحة في اكاديمية في ايطالية بتدي منح حلوة اوي وقالو اننا نرشح كام طالب من هنا
بصيت بأستغراب اكتر
-منحة؟
مش فاهمة انا اي علاقتي بالموضوع
-ما هو انا رشحت اسمك، وبعتولي ايميل ان وافقو على طلب
اتصدمت اوي من كلام اللي سمعته
قولت وانا بجمع كلامي
-انا مش عايزة منح…..
اتنهدت وكملت كلامي
-عارفة ان زمانك دلوقتي بتقولي عليا اني مجنونة وازاي ارفض حاجة زي كدة… بس انا مش هقدر اسافر واسيب مامتي هنا لوحدها
-مقدرة اللي بتقولي بس احيانا الشخص علشان يحقق احلامه لازم يضحي.. وبعدين هي منحة سنتين وهترجعي تكملي حياتك هنا وعموما هسيبك تفكري معاكي لحد اخر الترم
ابتسمت ليها وشيلت حاجاتي ومشيت
عدت الايام كنت فيها بحاول انسيّ مروان الاء
عند مروان في البيت وانا قاعدة قدام اوضته مستنياه يخرج
-يلا يا سي روميو
طول عمري اعرف ان البنات هي اللي بتتأخر مش العكس
فتح الباب وطلع بهدوء وهو لابس قميص رصاصي وبنطلون ابيض
قال بهزار وهو بيبصلي
-اي؟
-اوا
-عمالة خبيط خبيط استني شوية يمكن لما ازود شياكتي شوية كدة الاقي بنت الحلال في الخطوبة
عضيت شفايفي بغيظ وانا بصالة وقولت بمرح
-طيب ما بص قدامك كدة يمكن تلاقي بنت الحلال دي قدامك لابسة فستان بينك
ضيق عنيه وحط ايديه على حواجبه
-هي فين؟
صرخت جامد من غيظي وهو ضحك عليا وقال
-انا مش هتجوز قصيرة زيك كدة
كشرت من طريقته وقولت
-انا غلطانة اني جيبتك معايا
-انتي اللي ذنيتي عليا
-علشان كدة غلطانه
-خلص بقى كدة هنوصل على الفجر
قولت كدة وشديته من لياقة هدومه وطلعته
بعد وقت….
-لسا كتير كدة هنوصل على فجر بجد
-ما تسكتي بقى قربنا…….
قبل مايكمل كلامه لقينا العربية وقفت
-مالها؟
-نبرتي فيها اهي وقفت
-قولتلك نروح بعربيتي عربيتك لسا تحت الصيانة
-استني هشوفها
قال كدة ونزل وبعدين نزلت وراه
-في امل ولا
-ولا
-ناخد تاكسي
-مشكلة مفيش حد في المنطقة دي
قالي كدة واتنهدت بعصبية
-لو هتقدري ممكن نخدها مشي
-امم ماشي
قولت كدة وتحركت
-وعربيتك
-هبقى اتصرف فيها
مشيت شوية و قلعت الهيلز وانا بتحرك
-بتعملي ايه؟
-مبقدرش استحمل الهيلز
-بدام مش بتسحملي بتلبسي ليه؟
-علشان يليق
قولت كدة ومسكت الهيلز في ايدي وكملت طريق وسيبتو
-يا بنتي مينفعش تمشي كدة استني
قالي كدة وقلع الكوتشي ادهوني
-امسكي
-وانت هتمشي حافي
-هستحمل
-لا مش..
-امسكي بت بلا لا
قالي كدة وادهوني في ايدي قعدت ولبست الكوتشي وكملنا طريق لحد ما وصلنا
-امسك هلبس الهيلز بتاعي
-ماشي
قالي كدة وشكرتو ودخلنا
قعد شوية معايا واستأذن انه هيوح يشوف العربية وهيجي ياخدني
بعد وقت…
-كل دة انا زهقت
-معلش محسيتش بالوقت
قال كدة وركبت معاه وروحت البيت
بعد السحور عديت عليه وخبطت الباب وانا ماسكة كوباية الشاي
فتحلي الباب وهو بيعدل شعره
-استني جاي
قال كدة ودخل جاب جاكت من عنده وهو بيقول
-جايب جاكت تاني احتياطي اهو
-هو انت هتفضل تذلني بالموقف دة
بعدين الجو حلو انهاردة
-على ضمانتك يعني
قولت وانا بغمزله
-عيب عليك
-ليلى
-هاا
-مش هديكي الجاكيت
اتنهدت بعصبية
-مش عايزة الزفت لو لقيتني هبوس ايدك متدنيش
-مش هتزعلي يعني
-يا الله، ما تخلص بقى
ابتسم ورجع الجاكيت وجه نزلنا تحت العمارة وقعدنا على الرصيف
كان الشارع هادي كسرت الهدوء دة وانا بقوله
-هو الانسان لو جاتله فرصة انها تغير حياته بشكل احسن بس على سبيل انه يتخلى عن حاجات يروحلها
-اي الأغاز دي يا ليلى مش فاهم حاجة
اخدت رشفة من الشاي وقولت بهدوء
-مخرجة المسرح كلمتني قالت ليا انها بعتت اسمي لمنحة في ايطاليا
-ايطاليا
هزيت راسي بالموافقة
-وانتي شايفه ايه؟
اتنهدت بهدوء
-لحد دلوقتي مش عارفة يمكن اللي عارفاه اني مش عايزة اسيب امي وامشي وابقى لوحدي حتى لو بقيت من اشهر النجوم
بصيت ليه بحب وانا بقول
-انت بقى شايف ايه؟……… عايزني اسافر
-امممم والله دة قرارك انتي مقدرش اخدة بدلا منك
زعلت اوي انه متمسكش بيا بس محولتش ابين
-طيب لو انت مكاني كنت هتعمل ايه
-لو كنت مكانك مش هسيب مصر بس هسيب الدنيا كلها دي فرصة يا بنتي
الانسان علشان يبقى حاجة كبيرة لازم يضحي
اذن الفجر ومروان طلع وبعدين طلعت وراه
عدت الايام وجه العيد
-كل سنة وانتي طيية يا ليلى
-وانت طيب يا مارو
قولت كدة وانا ببص على جيبة
-ضحكت عليها وطلعت من جيبي 100ج
امسكي يا مادية
-حبيبي يا مارو والله هي دي الصحاب
-دة اول مرتب اخدو من الشركة على فكرة
-خلاص يا مروان هتذلني ولا ايه؟
عايز حاجة بقى
-لا ادخلي
قال كدة ودخلت نمت و صحيت تاني يوم
-ليلى!
-اي يا ماما
-قومي يا بنتي انتي نايمة من امبارح
داخلين على العصر
صحيت من نوم واتوضيت وصليت
-ليلى بقولك
-نعم ياامي
-خدي الطبق دة ودي عند بيت خالتك حنان
-دة كحك؟
-انتي شايفة ايه؟
-حاضر هلبس وانزله
لبست وطلعت عند شقة خالتو حنان اللي هي ام مروان
كنت لسا هخبط على الباب بس سمعت مروان وهو بيقول بعصبية
-مش هتجوزها يا امي لو عملتي ايه؟
مكنتش فاهمة حاجة مين دي اللي مش عايز يتجوزها تنشط دماغي وكنت هخبط بس سمعت امه وهي بتقول بهدوء
-يا بني مالها ليلى بس ما أنت بقيت تشتغل وبقيت مسئول
-مش هتجوز ليلى انا يا امي كذا مرة اقولك شيلي فكرة ليلى من راسك
-مالها ليلى؟
-مالهاش يا امي ملهاش
مش بفكر فيها غير انها اختي
-اختك!
-اة اختي
-كل دة بتكلم وتهزر معاها وفي الاخر تقولي اختك وانا بصبر نفسي وبقول يمكن بس بيتعرفو على بعض مع انهم حافظين بعض من هم وصغيرين وفي الاخر تقولي اختك يا مروان
-مكنتش اعرف انك بتفكري كدة؟، وكذا مرة المّحلك
سكتو شوية وبعدين كملت ام مروان وقالت
-طب وهي
-هي ايه؟
-هي شايفاك اخوها
-متقدرش تشوفني اكتر من اخوها
حسيت بخنقة من كلام مروان انا عارفة انه استحالة

يفكر فيا غير اني اخته بس كنت بكذب نفسي بس انهاردة بس حسيت ان حد فوقني اخيرا من ان مروان ميقدرش يشوفني غير اخته
مسحت دوعي اللي نزلت وانا باخد نفسي وخبطت الباب
فتحت خالتو حنان الباب
-ليلى حبيبتي اي اخبارك
قولت بهدوء وانا بداري صوتي المتقطع
-كويسة
-كل سنة وانتي طيية
-وانتي طيبة
كملت كلامي وانا بحاول امسك نفسي وبمسك دموعي
-ماما بعتالكو دة بتقول ليكم كل سنة وانتم طيبين
-وانتي طيبة يا حبيبتي سلميلي على ماما وقوليلها هبقى اجي
قولت بهدوء وانا بهز راسي
-حاضر
-تعالي ادخلي يا ليلى
قولت وانا برسم البسمة بتمثيل
-شكرا بس محتاجة اروح دلوقتي
-ماشي يا حبيبتي
قالت كدة ولفيت ومشيت وعيني بدأت تدمع
دخلت على اوضتي بسرعة وانا برمي نفسي على السرير
عدة الايام دخلت في امتحانات وبعدت عن مروان في الفترة دي
بعد ما خلصت الإمتحانات
-ليلى!
-مروان؟
رد عليا بعصبية
-انتي مختفية كل دة ليه؟
قولت بتمثيل
-عادي مشغولة
ابتسم بسخرية
-شهر ونص مشغولة؟، ليكي اسبوع خلصتي امتحانات
برن عليكي مش بتردي
قالي الكلام دة وانا كنت ساكتة
قال بعصبية اكتر
-ليه ساكتة اتكلمي
سمعت صوت تلفوني بيرن وقتها وحسيت انه طوق النجاه ليا
-معلش ثانيا
قولت كدة ورديت على التلفون وخلصت
-معلش يا مروان بس لازم اروح دلوقتي
-ليل…..
-سلام
مشيت وروحت البيت
صحيت تاني يوم اتوضيت وصليت ولبست قابلت مروان على السلم وهو رايح الشغل، عملت نفسي مش شايفاه وكمل طريقي
ابستم بسماجة وقال
-ايه يا جولييت رايحة فين بدري كدة
-نازلة اجيب حاجات
قولت كدة واتحركت بس مسك ايدي قبل ما امشي
-ليلى استني
بصيت على ايديه انا وبرد عليه
-نعم
-هو انا زعلتك في حاجة
شيلت ايدي وربعتها
-انت شايف ايه؟
-لو كنت اعرف مكنتش سألتك
سكت شوية بعدين كمل كلامه
-ياستي حتى لو حصل مني وزعلتك من غير قصد انا اسف
-متعتزرش معملتش حاجة
-اومال قالبة عليا ليه؟
-طول عمرك بتكوني مشغوله بس عمرك بتبعدي كدة
-اتعود على البعد من دلوقتي مصيري في يوم من الايام هبعد
-قصدك ايه؟
ابتسمت عليه
-ولا حاجة يلا سلام بقى امي مستنية الطلبات
سبته وركبت عربيتي واتجهت للجامعه وروحت لأوضة مخرجة المسرحية
بصت ليا
-جاهزة توقعي على المنحة……….