الفصل الخامس

رواية من طرف واحد الجزء الخامس 5 بقلم أروى رواية من طرف واحد الحلقة الخامسة

نزلت من العربية مع الشباب وبصيت على الشارع كويس مكنتش حاسة بحاجة في الاول بس بعدين حسيت بصداع شديد في راسي مسكت دماغي من كتر الصداع وقعدت على الرصيف والدنيا شبه اسودت في عيني غمضت عيني وانا ماسكة دماغي بس حسيت اني افتكرت طشاش لما كنت بجري بس مش فاكرة كنت بجري ليه وبصيت قدامي لقيت نور عالي ضرب في عيني ضميت وشي بين ايدي وانا بفتكر جه مالِك وقعد قصادي وهو بيهديني فلت ايدي من وشي ومسكت ايديه وانا وبقول -انا افتكرت حاجة

بصلي بهدوء وقال -افتكرتي ايه؟ قولت ليهم على اللي حصل قرب احمد ليا بلطف وقال -متضغطيش نفسك…….. كويس انك افتكرتي حاجة معنى كدة ان ذاكرتك بتحاول تستجيب سكت شوية وهما فضلو جمبي بيهدوني قال مالِك وانا لسا ماسكه ايدو -يلا علشان نمشي لاحظت بكدة وشيلت ايدي بسرعة وقومت نفضت هدومي ورجعت قعدت جمبية في الكرسي الاول والباقي كان ورا اتحرك مالِك لحد ما وصلنا العمارة اللي ساكنين فيها

نزلت وانا لسا اللي افتكرتة مأثر فيا وصورة النور وهو ضارب في عينيا كأن ذكرة مسكت في دماغي فوقت من سرحاني على صوت كريم وهو بيصقف في وشي وبيقول -هيييييييي سمعاني رفعت عيني فيه وابتسمت -اةة طلعت مع كريم لفوق معاه واحنا طالعين بيقولي -سرحانة في شكل الحادث صح؟ بصيت ليه بأهتمام -اةة…… كان شكله مرعب -مش عايزك تفكري في الموضوع دة كدة هيتحفظ اكتر في الذاكرة بصيتله اكتر -علشان متتعبيش نفسك يعني ابتسمت ليه وقولت -ماشي

قولت كدة ومشي وانا وقفت قدام الشقة بس قطعني صوت احمد -امسكي -اي دة -مفتاح الشقة…. هتدخلي ازاي؟ -اة….. شكرا قولت كدة واخدت منهُ المفتاح ودخلت وقفلت الباب دخلت على اوضتي ورميت نفسي على السرير وحاولت انسى الموضوع قومت و غسلت وشي واتوضيت وصليت وروحت نمت صحيت تاني يوم بدري وعملت فطار ليا وللشباب وروحت خبط الباب وفتح عز وهو بيتاوب -الانسة اللي لقيناها اتعصبت منو وقولت بهدوء -بطلو تنادوني بالأسم دة قولت كدة واديتلو الصنية

ضحك على عصبيتي وهو بيقول -طيب تحبي اقولك ايه؟ -اي حاجة بس بطل الاسم دة -ماشي هنفكر ليكي في اسم بعد كدة اخد باله من الصنية وهو بياخدها مني وقالي بأتمنان -مش عارف اقولك ايه بصراحة مكنتش قادر اعمل فطار شكرا ابتسمت على كلامة وقولت -العفو……. بس انت اللي كل يوم بتعمل فطار -لا طبعا….. مقسمينها انا وكريم انا اسبوع وهو اسبوع -طيب والاتنين تانيين

-دي شقة احمد فشبه مشغلنا عنده وغير كدة هو اصلا ساعات بينزل الشغل من غير فطار علشان بينزل الفجر قولت بأستغراب -و مالِك -مالِك دة لو القيامة هتقوم مش بيدخل رجليه المطبخ دة عايز اللي يشربو ضحكت على كلامة……….. بس سمعت صوته من جوة -بتكلم مين كل دة يا زفت رد عز بهزار -على الاقل احترمني قدام البنت اللي لقيناها كشرت في وشه وانا وبقول -انا قولت ايه -خلاص.. خلاص مش هقولك كدة تاني قال كدة ولفيت ظهري بس رجعت لفيت تاني وانا وبقول

-متعملش اكل بقى انا هعمل رد عليا بهدوء وقال -متتعبيش نفسك احنا بنجيب دليڤري غمضت عيني وهزيت راسي بنفي -مفيش الكلام دة ورايح انا اللي هعمل الاكل ابتسم بخفة وقال -ماشي ياا رفعت حواجبي بتحذير وانا وبقول -هاااا -ماشي يا انسة هقولك كدة مؤقتا لحد ما نلاقي ليكي اسم -ماشي على الاقل دة ارحم لفيت ظهري بس هو وقفني بصيتله وقولت -نعم -شكرا………… انا مجربتش قبل كدة يكون ليا اخت بنت ابتسم وكمل كلامه -هعتبرك اختي ورايح

بصيتله بتفكير وقولت -اممممم موافقة قولت كدة ومديت ايدي بالسلام رد السلام هو كمان بصعوبة بسبب الصنية -هتواضع وهبقى اختك هااا -امشي يا بت قال كدة بس سمعت صوت مالِك للمرة التانية وهو بيزعق -ما يلا يا عز عايز افطر شاورلي بحركة معينة وقالي -سلام يا اختيييي ضحكت عليه وعلى هبله وعملت نفس الحركة -سلاام يا خويا قال كدة ولفيت ظهري وقفل الباب -كل دة وبتكلم…………… اي دة؟ -البنت اللي لقيناها… قصدي اختي عملت لينا فطار -اختك؟

-اةةة خلاص بقت اختي……… انا اول مرة شوفتها قولت هي لايقة عليا كأخت -طيب يا خويا حط الفطار خليني انزل قعدت معاهم على السفرة و هو وكريم مبطلوش كلام عنها وعز ماسك في كلمه اخته زي لبانة زفرت بضيق منهم -كفاية كلام افطرو بهدوء قولت كدة وسكتو وانا كملت فطار وقومت لبست وطلعت لقيت عز وكريم لسا بيكلمو عنها قولت بهدوء -خليك انهاردة يا كريم هاخد عز النزلة دي بصلي عز بضيق -واشمعنا انا ما تخدو هو وتسيبني

-ياريت يا عز تفتكر انك في مهمة وجيين ندور على تجار اثار ومتصدقش الكدبة انك شغال في شركة بجد وتنزل بمزاجك اتنهد عز بضيق أكتر وقال -اشمعنا كريم هيقعد -هيقعد علشان يحمي البنت…… احنا مبقناش لوحدينا دلوقتي في معانا بنت مش هتقدر تحمي نفسيها لو لقدر الله اتكشفنا فلازم حد يحميها ودة وضع مؤقت مشي عز من قدامي وهو بيبرطم -من امتى الحنية دي نزلت عليك -لأنة للاسف دة الواقع قولت كدة وهو راح يلبس قربت من كريم وطلعت الفيزا بتاعتي

-تنزل تجبلها تلفون وتسجل فيه ارقامنا سحب مني الفيزا وهو بيقول بلامبلاه -ماشي ورجع مسك تلفونة تاني و بيلعب ببجي قولتله بتحذير -كريم -نعم -هتجيب تلفون بس…… هتسحب فلوس كدة او كدة هعرف بصلي كريم بهدوء مصتنع وهو بيقول -عيب عليك لما تقولي كدة……… لو مخلصتش الفيزا وخليتها زيرو مبقاش كيمو -ياكشي تعملها يا كريم قولت كدة وانا بقرب منو بس قاطعني صوت عز وهو بيقول -انا خلصت -يلا قولت كدة ونزلت _عند ندى

طلعت من مطار برلين وانا مش عارفة اي هيحصل بصلي مروان بجمود -خايفة؟ -لا اتنهدت بهدوء -بصراحة شوية ولا انا ولا انت عارفين حاجة عن البلد دي وكمان منعرفش لغتها وغير كدة جايين ندور على ليلى ويا عالم هنلاقيها ولا لا -أنشاء الله هنلاقيها -يارب…… طيب من رأيك نبدا من فين -امممم ممكن نروح الأكاديمية الاول ونسأل يمكن لقو حاجة جديدة هزيت راسي بهدوء بالموافقة -تمام

قولت كدة ووقفنا تاكسي واديتلو العنوان اللي يمشي عليه وانزلنا الأكاديمية سألت عن اللي ماسكها وفعلا دخلت مكتبة وانا بفهمه بالانجليزي على اني قريبة ليلى اللي اختفت بقالها اسبوعين وفهمني انهم عملو بلاغ على اختفأها بس مفيش لحد دلوقتي جديد سألته عن الكاميرات بس قالي ان الكاميرات جابتها وهي راحت تجيب حاجة من السوبر ماركت بس لما رجعت الكاميرات وقفت لأن النور قطع بصيت لمروان بفقدان امل اتشكرت الراجل وطلعت

-من اولها اتقفلت في وشنا -متبقيش محبطة…… انتي فاكرة لما تيجي هتلاقيها بسهولة المانيا دي مش اوضة وصالة يعني هندور حبة حلوين لحد لما نلاقيها بصيت ليه واتنهدت براحة -كنت عارفة اني مش هندم على اختاري ليك تيجي معايا…….. عايزاك طول ما انت شايفني شجعني وابعد عني الاحباط علشان انا بحبط بسرعة قولت كدة وضحك على كلامي -ماشي يا ستي شوفلنا بقى حتى ناكل فيها علشان انا جوعت -حاضر _عند ليلى ••••

كنت قاعدة بعمل اكل وقطعني صوت الباب وهو بيخبط استغربت لأن مفروض كلهم في الشغل دلوقتي بس شجعت نفسي وروحت فتحت الباب -كريم -ازيك يااا…… ايوة صح احنا لسا منعرفش اسمك -هو انتو هتذلوني بالموضوع ده -لا والله مش قصدي بس انا فعلا مش عارف اناديكي ايه؟ -اي حاجة -تحبي اقولك اختي زي عز ضحكت بهدوء -ماشي….. اي حاجة لكن متعيرونيش بالموضوع ده -من عينيا يا اختي خبط راسة بهدوء وهو بيقول -شوفي ازاي نستيني اللي انا جاي علشانه

بصيتله بأستغراب ولقيته اداني علبة متغلفة -اي دة؟ -تلفون -اي المناسبة انك تجبلي تلفون -بصراحة انا اللي منقي بس اللي دافع حقو مش انا -أومال مين؟ -مالِك….. وقال انو لازم يكون معاكي تلفون علشان لو حصل حاجة كدة او كدة واحتاجتينا يبقى تعرفي تتواصلي معانا حطيتلك ارقامنا فيه بصيتلو بحب وصدمه -انا….. انا مش عارفة اقولكم ايه؟ اللي بتعملو دة معايا كتير بجد -متقوليش كدة احنا اعتبرناكي زي اختنا الصغيرة

-شكرا اوي وانا هبقى اتشكر استاذ مالِك بنفسي -عيب كدة متصغرناش بقى مفيش شكر بين الاخوات ضحكت على كلامه -ماشي -على فكرة حملتلك ببجي ها علشان نلعب انا وياكي game قال كدة وغمزلي في اخر كلامه -بس انا مبعرفش العبها دي -ولا يهمك هعلمك -ماشي يا كريم…….. هو صح انت ليه مرحتش الشغل انهاردة؟ حسيت بأرتباك شوية وافتكرت كلام مالِك ان البنت دي مش سهلة واني موقعش في الكلام معاها -كريييم…. يبني -ايه؟ -روحت فين -ولا حتى معاكي اهو

-بقولك ليه مرحتش الشغل -عل…. علشان حسيت بتعب شوية -تعبان؟ -اة كنت صاحي دايخ شوية فقولت لمالِك انو يخدلي اجازة انهاردة -بس انت كويس اهو معندكش حاجة قالت كدة و مسكت راسي بتمثيل -لا… لا اهو الصداع رجع تاني اهو هروح اعملي كوباية شاي واخد الدوا اللي كتبهولي احمد وهبقى تمام عن اذنك…. -لا استنى طيب انا هعملك الشاي -مش عايزك تتعبي -لا ولا تعب ولا حاجة

قولت كدة ودخلته جوة عملت شاي وحطيت الماية على النار علشان تسخن بس حسيت ان في صداع دخل في راسي في ثانيا مسكت راسي بهدوء وحسيت بصوت شخص وانا وبقول “تعالى نشرب شاي ونقعد على الرصيف يا مروان” سندت ايدي على البوتجاز وانا مش واخدة بالي وبغمض عيني وفي صور طشاش قدامي لشخص بس ملامحة مش باينة فوقت على الماية لما فارت ونزل منها على ايدي -اةةةةة سمعني كريم ودخل المطبخ وهو بيقول -انتي كويسة شاف ايدي ومسكها وفتح عليها ماية ساقعة

هداني شوية وقعدني في الصالة -مش تاخدي بالك يا بنتي قال كدة وحط التلج على ايدي قولت وانا بتنهد بأستغراب و بعدم استعاب و وببص على ايدي -مروان؟ بصلي كريم بأستغراب -مين مروان؟ ……. انا كريم انتي فقدتي الذاكرة تاني في المطبخ ولا ايه بصيتله بهدوء وقولت -يا عم لا…… بس وانا بعمل شاي سمعت صوت -صوت مين؟ -صوتي انا… وانا بقول لشخص انه يشرب شاي معايا ونقعد على الرصيف -يعني دي ذكرة من ذكرياتك اتنهدت بهدوء -تقرييا كدة

-امممم….. طيب مش فاكرة شكله؟ -لا حسيت ان شكله مجاش في بالي -طيب كان حد من قرايبك؟ -مش عارفة….. بس على نا اعتقد انو قريب مني -طيب حاولي انك تهدي ومتتعبيش نفسك…………هروح اجيب مرهم الجروح من شقتنا قالي كدة ومشي بعد وقت لقيت مالِك دخل هو وعز قرب مالِك وهو معاه المرهم وحطه على ايدي -كريم قالي انك افتكرتي حاجة -اةة وقولتلو على اللي افتكرته بصلي بهدوء بعد ما قولت -طيب حلو -اي هو اللي حلو؟ -ذاكرتك بترجع شوية شوية -اةة الحمدلله

قعد عز جمبي وهو بيقول -بس مين مروان دة بقى؟ -مش عارفة -ابعدو عني بس شوية انتو الاتنين علشان كتمتو على نفسي قولت كدة ووقف ممالِك -انا خلصت اصلا خلي المرهم معاكي علشان هتحتاجي ابتسمت ليه ومديت ايدي اخدو قام عز هو كمان من جمبي وقال -هبقى جيلك تاني هاا -ايوة صح انا عملت الاكل خدو معاك يا عز هتلاقي في المطبخ -مكدبتش لما قولت عليكي اختي والله -طبعا علشان بأكلك يا طفس -اومال الاخ ليه ايه عند اخته؟ -الاكل طبعا -بالظبط كدة

قال كدة ودخل المطبخ علشان يجيب الاكل وقفت وبصيت لمالِك وابتسمت بهدوء -شكرا على التلفون مكنش ليه لزوم -الشكر لله…… لو احتاجتي حاجة ابقى رني عليا هزيت راسي بحب ليه -ماشي طلع عز وهو شايل الاكل -تعالي كلي معانا -لا شكرا هاكل هنا -مفيش الكلام دة كفاية ان ايدك اتحرقت بسببنا…. يلا فكرت شوية وبعدين قولت -حاضر قولت كدة وسندت المرهم على الترابيزة وطلعنا روحت واتغديت معاهم قال كريم بأعجاب -بس حلو اكلك……….. بيفكرني بأكل امي اوي

ابتسمت ليه وقولت بحب -بالهنا والشفا قولت كدة وبعدين قولت بهدوء -هو انا كنت عايزة اسألكم سؤال من ساعة ما فوقت بس بنسى قال عز وهو بياكل -اسألي -هو انتو ليه جبتوني هنا؟ …….. يعني قصدي ليه مسبتونيش في المستشفى بصو لبعض وبعدين رد مالِك بهدوء -في قانون هنا ان المريض مينفعش يقعد اكتر من يومين في المستشفى وانتي كنتي في غيبوبة فأجرنا الشقة اللي جمبنا وجبنا ليكي ممرضة بصيت بشك وانا بضيق عيني -اممم قانون

حب عز وقتها انو يغير الموضوع علشان متدخلش في تفاصيل أكتر من كده -طيب احنا دلوقتي لازم نختار ليكي اسم علشان نعرف نناديكي بيه لحد ما نعرف مين عيلتك ونرجعك ليهم هزيت راسي بهدوء بالموافقة قال كريم بتفكير -اممممم نسميكي ايه؟ ….. نسميكي ايه؟ ….. قولت بهدوء وانا وبضحك -لا اخصلو انت مش بتنقي اسم لبنت اختك…. دة هيبقى اسم مؤقت كدة رد كريم بهدوء -نسميكي…. رن…. قاطعو مالِك وهو بيقول -زينا بصيتلو بتعجب وابتسمت من الاسم -زينا!

رد عز اللي كان قاعد جمبي -عجبك هزيت راسي بفرحة -اةةةةة…. حلو…. ف ورايح لو سمعت حد بينادي عليا ويقولي البنت اللي لقيناها هزعلو رفعت صباعي بتحذير وبكمل كلامي -اسمي ورايح زينا قولت كدة ووقفت قومت -يلا بقى سلاام قولت كدة ومشيت بس قاطعني عز -زينا لفيت ليه بهدوء -نعم -لا مفيش كنت بجرب الاسم بس عضيت شفايفي بغيظ -طيب قولت كدة ومشيت ودخلت شقتي ورميت نفسي على السرير وانا بفتكر مالِك اللي سماني ابتسمت تاني من طريقته واتنهدت

-زينا!! _عدة الايام…. على نفس الحال ليلى بتحاول تتأقلم على العيشة مع الشباب وندى بدور عليها هي ومروان صحيت من النوم وصليت ولبست هدومي عملت الفطار للشباب زي كل مرة ورجعت على شقتي بعد وقت وجه معاد الغدا دخلت المطبخ وانا بدور على الاكل -اوووف….. متقوليش انك خلصت _عند مالِك اللي كان قاعد بيراقب راجلين من العصابة في الكافيه وقاعد فاتح اللاب توب وكأنه شخص طبيعي لفت نظرة راجل تالت دخل وسلم على الاتنين اللي بيراقبهم

قال مالِك وهو بيكلم في سماعة بصوت واطي لكريم اللي قاعد برة في العربية -في راجل تالت وصل قال كريم بأستغراب -اوصفلي شكلو -طويل شعرة بني وكيرلي عنيه عسلي و….. كان هيكمل بس قاطعه كريم -طيب تمام عرفتو……. خلي عينك عليهم -في واحد منهم قام -خليك قاعد يا مالِك انا هروح وراه -خلي بالك على العربية يا كريم ابتسم كريم بسخرية -بدل ما تقولي خلي بالك على نفسك يا صاحبي……. قال كدة وسمعت صوت تلفوني التاني وهو بيرن باسم زينا -الو

-الحقني يا مالِك ……