الفصل السادس

رواية من طرف واحد الجزء السادس 6 بقلم أروى رواية من طرف واحد الحلقة السادسة -الحقني يا مالِك -اي في يا زينا -انا شكلي كدة الله واعلم توهت -توهتي؟ ….. انتي نزلتي من البيت؟ -اةة زفرت بضيق وكتمت عصبيتي وانا شايف التجار قدامي بيتحركو ومفروض امشي وراهم -انتي فينك دلوقتي؟ -يعني لو اعرف كنت رنيت عليك يا ذكي مسحت ايدي على وشي بعصبية منها -اسألي اي حد قدامك على اسم الشارع -حاضر….. ثانيا

قالت كدة وسمعتها وهي بتكلم شخص وعرفت منو اسم الشارع واتحركت ليها رجعت وحطيت السماعة تاني وكلمت كريم -كريم انا همشي هشوف زينا -مالها زينا؟ -بعدين هقولك -خلي بالك على نفسك لحد ما ارجعلك -متقلقش عليا يا معلم قال كدة وقفلت معاه وركبت تاكسي وروحت ليها لحد ما وصلت المكان اللي وصفتو ليا قولت بعصبية مقدرتش اخبيها لما شوفتها -انتي ايه اللي نزلك لوحدك بلعت ريقها وقالت بأرتباك -نزلت اجيب حاجة

-ليه مخلتيش عز ينزل يجيبها….. هو في الشقة -م…. مكنتش اعرف ان عز قاعد والله……….. نفخت بعصبية وكملت كلامي -وانتي ازاي عرفتي تنزلي لوحدك اصلا….. مين اللي دالك على المكان دة –نزلت وفضيلت امشي بس مخدتش بالي من الطريق… كنت فاكرة نفسي هعرف ارجع…………. ممكن توطي صوتك لو سمحت الناس بدأت تبص علينا قالت كدة ومسكت الكياس اللي كانت في ايدها ومشيت وهي مشيت ورايا لحد ما وصلنا للعمارة قولت بسخرية

-تحبي اوصلك لحد باب الشقة كمان علشان متهويش ……. بصيتلو بعصبية من كلامه لأن بيقلل مني -على فكرة انت اللي قولت ليا انو لو عوزت اي حاجة اتصل بيك………. اتنهدت بعصبية وقولت -انا غلطانة اني رنيت عليك قولت كدة وشديت من ايدو الكياس بعصبية ومشيت وانا ببرطم بصوت عالي علشان يسمع -إنسان مستفز -سمعتك على فكرة وقفت ولفيت ليه وكنت ماسكة نفسي علشان ممسكش حاجة احدفها فيه وقولت وانا ببتسم بسماجه -كنت عايزاك تسمع اصلا

قولت كدة ولفيت وكملت طريقي طلعت على شقتي ودخلت عملت الاكل وقعدت شوية لحد ما يوصلو بس افتكرت ان عز قاعد في الشقة روحت عندو وخبطت -زينا! -امسك قولت كدة واديتلو الاكل -ليه مكشرة كدة….. حد زعلك؟ هزيت رايي بالنفي -لا… -طيب ادخلي قولت بهدوء -لا مينفعش….. انت لوحدك ابتسم على كلامي -طيب ثانيا خليكي هنا قال كدة ودخل حط الاكل ورجعلي -تحبي نقعد على السلم -ماشي قولت كدة وروحنا قعدنا على السلم قال عز بهدوء -مالك بردو؟ -قولت مليش

بصلي بعدم اصديق اتنهدت بهدوء وقولت -انا مش عايزة اقعد هنا؟ -تحبي نغير مكان لو عايزة اخدك نتمشى ابتسمت بهدوء -لا مش قصدي…… انا….. عايزة امشي عايزة افتكر اي حاجة عني……. وحش اوي احساس انك تكون مش عارف نفسك -اهدي بس ليه بتقولي كدة دلوقتي؟ -لما كنت تايها انهاردة حسيت لأول مرة اني عاجزة ومش عارفة حاجة عني ولا حتى ارجع ازاي قولت كدة ومسحت دموعي اللي نزلو -توهتي؟ ….. امتى

-من شوية نزلت اجيب حاجة… مكنتش اعرف انك قاعد ومعرفتش ارجع ورنيت على مالِك بس جه واتعصب عليا….. شخص بارد مستحملو ازاي الواد دة قولت كدة وفضل عز يضحك على كلامي ويهديني وقال بهدوء -على فكرة مالِك مبيبقاش كدة طول الوقت هو بس لما بنبقى في عملية مهمة بيبقى جاد اوي قولت بأستغراب -عملية؟ اخدت بالي قولت ايه وقولت بهدوء -اي….. عملية في الشغل احنا في الشركة بردو بيكون علينا عمليات خاصة…

-اةة….. بس انت عايز تفهمني ان الكائن دة بيبقى عادي زييّنا قولت كدة وضحك عز اكتر في اللحظة دي كان كريم و مالِك بيطلعو على السلم وسمعو الضحك اللي بينهم قال كريم بأستغراب -ضحكوني معاكم قال كدة وبصيت لمالِك بقرف و ابتسمت لكريم وقومت مشيت دخلت شقتي بس ناداني عز تاني علشان اروح اكل برغم اني رفضت بس اصر عليا _عند ندى عدت ايام كتيرعلى ندى في الاوقات دي كانت بتحاول تلاقي ليلى بس مكنتش بتلاقيها

صحيت من النوم وكالعادة نزلت انا ومروان ندور ونشوف لو في حاجة جديدة في الأكاديمية بس مكنش في جديد كالعادة سابني مروان علشان يروح يجيب اكل وانا كنت بتمشى في المكان بس من غير قصد خبطت في شاب طويل حاطت برفيوم حلو اوي ولابس قميص سماوي وبنطلون ابيض ونظارة -انا اسف……. خبط راسي من الغباء -ím sor….. بس لقيته قاطعني ورد عليا بهدوء -لا عادي…. ابتسمت وقولت -انت مصري؟ -اةة -الله! -نعم؟

-دلوقتي بس عرفت حد لما يشوف حد من بلده في الغربة قولت كدة وهو فضل يضحك وسرحت في ضحكته -ايه الحلاوة دي -نعم؟ قولت بأرتباك -لا ولا حاجة قولت كدة ولقيت مروان من بعيد بيشاورلي ابتسمت لشاب -بعد اذنك قولت كدة ومشيت اتجهت نحيت مروان ……………. بصيت عليها لحد ما مشيت وكنت همشي بس لقيت تلفون واقع فتحت التلفون ولقيت عليه صورتها في الخلفية -اكيد بتاعها رفعت راسي تاني علشان اشوفها بس ملقتهاش ومعرفتش افتح التلفون

اخدتو معايا لأني كنت متأخر على المستشفى وركبت العربية واتحركت بس بعد وقت لقيت التلفون بيرن رديت وقولت بهدوء -الو -الو….. اللي معاك دة….. قاطعتها بهدوء -تلفونك يا انسة انتي وقعتيّ لما خبطيني -هو انت الشخص اللي خبطك الصبح -اةة -طيب ممكن ترجعلي التلفون في اقرب وقت لو سمحت عليه حاجات مهمة -حاضر…. قبليني الساعة خمسة هكون خلصت شغل -ماشي قالت كدة و قفلت الخط وجات الساعة خمسة وروحت ليها وسلمت ليها التلفون -شكرا اوي ياا….

-احمد -شكرا اوي يا احمد…. مش عارفة اقولك ايه؟ -ولا حاجة… المهم تلفون رجعلك قولت كدة و هي ابتسمت واستأذنت منها ومشيت علشان ارجع البيت _عند ليلى بعد ما خلصو اكل طلب كريم منها انو يلعب معاها game ببجي وهي وافقت قولت بهدوء -يعني لو دوست هنا هتضرب؟ -لا كدة هتموتي قالي كدة وقولت بعصبية وانا بنزل التلفون -بعد الشر عليا…… أنشاء الله الأعداء قولت اخر كلامي وانا باصة لمالِك وشافني عز وكان بيحاول يكتم الضحكة

خبطني كريم بخفة على راسي -قصدي هتخسري في اللعبة يا زينا -هااا… طيب -ركزي -اللعبة دي غلسة موت -ركزي ومش هتبقى غلسة قال كدة وحاولت اركز بس مش عارفة بسبب نظرات مالِك المستفزة ليا تجاهلتو وكملت لعب مع كريم وقولت بحماس –وقعت واحد بصلي كريم بأبتسامة -براڤو عليكي قال كدة وكملنا لعب وبعدين تعبت -كفاية لحد هنا نكمل وقت تاني -ماشي -سلام يا كيمو… سلام يا عز قولت كدة و قومت وقصدت اني اتجاهل مالِك

طلعت برة بس وقفني صوت مالِك وهو بيقول -شوية مع عز…. وشوية مع كريم مش عيب عليكي عقدت حواجبي وبصيت ليه بأستغراب -نعم؟ ربع ايديه بأستفزاز أكتر وقال -انتي مرتاحة للوضع دة؟ ……….. بتضحكي مع دة وتهزري مع دة قولت بعصبية -انت ازاي بتكلمني بالطريقة دي؟ -بقول اللي انا شايفه… واحدة مش عاملة حدود ما بينها وبين اي راجل قال كدة وحسيت اني هبكي بسبب كلامه بس مسكت نفسي وقولت وانا باصة في عينيه -انت مين؟

…. مين ادى ليك الحق انك تقول رأيك فيا ابتسم بسماجه وقال -دة مش رأي بس انتي شايفة ان في بنت محترمة تقعد مع شباب وتكلم معاهم بالطريقة دي قال كدة ومقدرتش امسك نفسي عليه وضربته بقوة برجلي على رجليه وقولت بعصبية وباخد نفسي ورفعت صباعي في وشو -اياك….. اياك تكلم معايا كدة تاني….. اياك تكلم معايا اصلا بعد كدة قولت كدة ولفيت وكنت هدخل بس سمعته بيقول ببرود -هيكون احسن بردو لفيت ظهري وقولت بهدوء -ويكون احسن ليا كمان

قولت كدة و رزعت الباب في وشو ودخلت اوضتي وفضلت ابكي طول الليل بسبب كلامه وانا بفتكره -شخص حيوان فضلت طول الليل اشتم فيه لحد ما الصبح صبح قومت زي عادتي واتوضيت وصليت ودخلت المطبخ علشان اعمل فطار بس رجعت افتكرت كلامه -انا مالي بيهم مش هعملهم فطار قولت كدة وكنت هخرج بس افتكرت عز وكريم واحمد -هما ملهمش ذنب قولت كدة وبدأت اعمل فطار وخلصتو فطرت وبعدين روحت وديت ليهم خبط على الباب بس فتحلي الباب مالِك

قولت بصوت واطي وانا موطية راسي -استغفرالله اي الاشكال على الصبح دي -سمعتك على فكرة….. انا… قال كدة وقطعته ورفعت راسي وانا بقول بعصبية -هو انا مش قولت ليك متكلمنيش يلا قال بعصبية -يلا! كان هيكمل كلامة بس اديتله الصنية ودخلت شقتي بسرعة وقفلت في وشه عدة الايام على كدة كنت بحاول اتجاهل فيها مالِك على قد ما اقدر وبطلت اقعد مع اي واحد فيهم حتى عز اللي كان بيحاول يفهم انا بعدت ليه بس كنت بصده

صحيت على صوت خبط قوي جاي من باب الشقة قومت وفتحت لقيته عز فركت عيني بعصبية وانا بقول -ايه الصداع دة؟ -ايه فيه؟ -انت اللي ايه فيه؟ …. حد يصحي حد كدة -مش قصدي كدة….. ليه اختفيتي كدة؟ محدش بقى يشوفك بتيجي تحطي الاكل وبتمشي هو حد ضايقك منينا؟ -لا -حد زعلك طيب -لا -اومال اي فيه اتنهدت بهدوء -مفيش زقني بخفة لورا وهو بيقول -طيب روحي البسي -البس ليه؟ -روحي انتي بس وهتعرفي -مش عايزة اخرج -مبحبش اعيد كلامي…. يلّا -قولت مش عا….

بس مخلنيش اكمل كلامي وقفل الباب وطلع بعد وقت… -عز انت موديني فين -هنتمشى قال كدة ولقيته دخل في محل وجاب منو ايس كريم ابتسمت ليه واخدتو منو وقعدنا على كرسي كان في قصاد البحر -مقولتيش بردو مين مضايقك اتنهدت بهدوء -قولت ليك محدش -اومال ليه محدش بقى يشوفك كدة قولت وانا بشاور على نفسي -انا! ضيق حواجبه بعدم تصديق -بص يا عز…. احنا في الاول والاخر اصحاب هز راسة بهدوء -تمام

-وانا فاقدة الذاكرة ومصيري اني هفتكر… أنشاء الله يعني هز راسة بهدوء هو بيقول -ماشي -ولما افتكر هروح عند اهلي اتنهدت بهدوء وقولت -فبلاش نعلق بعضينا احسن لأن مصيري يوم من الايام هبعد -هو انتي لما هترجعي لأهلك هتنسينا هزيت راسي بالنفي -لا مش قصدي….. اللي عايزة افهمهولك انو مش لازم نتعلق ببعض أكتر من كدة لأني مش هبقى موجودة بعدين بصيت ليه بقلق علشان ممكن يفهم كلامي غلط بس هو بصلي بأطمنان وابتسم -فهمت!

قال كدة ولاحظت ان الجو اتغير و الشمس اختفت قال عز بهدوء -يلّا علشان باين هتمط….. قبل ما يكمل كانت الدنيا بدأت تمطر وانا حبيت شكل المطر -نقعد خمس دقايق و نروح -كدة هتاخدي دور برد غمضت عيني وانا مستمعة بالمطرة وهي جاية على شعري و عيني وقولت بهدوء -خمس دقايق بس عدة الوقت وعز مسك ايدي وهو بيقول -يلّا يا زينا -طيب قولت كدة و بدأنا نمشي لحد العمارة ووصلنا بس قبل ما نطلع لقيت مالِك نزل وبصلي وبص لعز وقال بضيق

-انتو كنتو فين؟ رد عز بهدوء وقال -كنا بن…. قاطعتو وانا بقول -بعد اذنك يا عز قولت كدة وطلعت على شقتي ودخلت الاوضة ورميت نفسي على السرير وانا بخبط فيه برجلي قولت بضيق -اي الواد دة؟ بس حسيت نفسي مصدعة ونومت من التعب صحيت تاني يوم وشوفت الساعة كانت تلاتة ونصف مساء مسكت دماغي اللي كانت لسا مصدعة ودرجة الحرارة مرتفعة وحلقي وجعني -هو انا نمت كل دة قولت كدة وافتكرت كلام عز ليا لما قال كدة هتاخدي دور برد

قومت من السرير بس حسيت بدوخة خفيفة رجعت قعدت تاني وفركت عيني بخفة وقومت اتوضيت وصليت ودخلت المطبخ بالعافية فتحت التلاجة بس حسيت ان الدوخة زادت وقفلتها تاني سندت على الرخامة ومسكت راسي بس حسيت ان الرؤية مشوشة ورجلي مقدرتش تتحمل ووقعت على الارض ومحسيتش بحاجة _عند مالِك وهو بيسمع كلام عز وكريم -معقولة لسا مصحيتش كل دة -غريبة انها مجبتش الاكل انهاردة قولت وانا عامل نفسي مش مهتم -رنو عليها وبطلو كلام قال كريم بهدوء

-رنينا بس مش بترد -متروح تشوفها يا بني افرد البنت حصلها حاجة بصو لبعض وبعدين قامو وانا قومت وراهم بهدوء خبطو الباب بس مفيش رد مسحت وشي وزفرت بضيق -متقولوش نزلت تاني ونسيت التلفون… انا مش قادر ادور على حد -صوت تلفونها جوة -ممكن تكون تعبت لما نزلتو مع بعض امبارح -ممكن….. روح يا كريم هات نسخة المفتاح اللي في اوضة احمد هز راسة بهدوء ومشي كريم وانا فضلت واقف لحد ما رجع وفتحو الباب دخلت بس مكنش في حد والبيت هادي

-راحت فين دي؟ فضلنا ندور لحد ما دخل كريم المطبخ و نادى علينا دخلت وشوفتها كانت فاقدة الوعي حطيت ايدي على راسها -سخنة بصيت لعز وقولت -باين اخدت برد…….. مكنتش تخليها تحت المطرة -هي اللي قالت انها عايزة تقعد قال كريم بصوت عالي -خلاااص لازم نفوقها دلوقتي قال كدة وشيلتها حطيتها على الكنبة قولت لكريم -روح رن على احمد خلي ياجي راح كريم وفضلت انا وعز اللي كان بيحاول يفوقها

حسيت بنفضة في قلبي لما شوفتها كدة وافتكرت الكلام اللي قولتو ليها واتنهدت بعصبية رجع كريم في اللحظة دي وقال -احمد بيقول انو بيركن تحت وهيطلع قال كدة وعدة وقت لحد ما وصل احمد قرب منها وفضل يأسعفها -سيبوها ترتاح دلوقتي قال كدة وطلعو وبعدين بصيت ليها وطلعت _بعد وقت عند ليلى

صحيت وكانت راسي لسا مصدعة فتحت عيني ولقيتني نايمة على الكنبة كنت عايزة اقوم بس مقدرتش لفت نظري الباب وكان حد عايز يفتحو من برة دخل مالِك وكان ماسك طبق وكيس في ايديه اول ما شفته اتغلبت على تعبي واتعدلت قولت ببرود -خير؟ -انتي فوقتي….. مكنش قصدي اصحيكي -اةةة معلش بقى عارفة انو كان نفسك اني اموت بس المرة الجاية ولا تزعل قولت كدة وبصيت في الارض بصلي بأستغراب -ايه الكلام دة؟ قاطعتة وقولت بعصبية -انت عايز ايه؟

…. اي اللي جابك؟ اتنهد بغيظ وقال -دي شوربة ابقى اشربيها و دة….. -مش عايزة حاجة منك خدها واطلع قولت كدة بس هو مسمعش الكلام وحطها على الترابيزة وحط جمبيها كيس قال بعصبية -دي شوربة ودة دواكي هتشربي الشوربة و هتاخدي العلاج كنت هضحك من طريقته بس مسكت نفسي وقولت ببرود -اهوّن عليا الموت ولا اخد منك انت حاجة -انتي لسانك طول على فكرة

-لساني بيطول مع الناس اللي مش محترمين اللي زيّك… وبعدين انا مش قولت اياك تكلمني تاني انت بتكلمني ليه دلوقتي؟ -انا مكنتش جاي اكلمك اصلا…كنت جاي احطلك الحاجة على الترابيزة وامشي -طيب خلاص غور بقى من وشي قولت كدة بعصبية وحسيتو هو كمان هيتعصب و مسك شعرو وكان بيشد فيه بهدوء وكأنه بيتحول لف وكان هيمشي بس رجع تاني بصلي وقال بهدوء -انا اسف بصيتلو بأستغراب -نعم؟ اتنهد بهدوء و قال -بقولك اسف…. بلاش بقى تكلمي معايا بالأسلوب دة

عارف ان الكلام اللي قولتو كان غلط بصيتله بسخرية -غلط… وبس -غلط ومينفعش يتقال عارف…. علشان كدة بعتذر منك -والله مش بالساهل تقول اللي على مزاجك وبعدين ترجع وتقول اسف……. مشاعر الناس مش لعبة اتنهد بهدوء وقال -عارف…. ممكن لو سمحتي تشربيها علشان تاخدي الدوا قال اخر كلامة وهو بيشاور على الشوربة و مشي قولت وانا بشوح بأيدي بعصبية بعد ما مشي -انا لسا متصلحتش على فكرة سمع كلامها وابتسم عليها وكمل طريقة

بصيت على الشوربة ومسكتها و بدات اني اشربها وبعدين اخدت العلاج ونمت عدت الايام بنفس الطريقة ليلى بتتجاهل مالِك ورجعت تتكلم مع عز وكريم واحمد بقى مشغول اكتر وساعات مش بيرجع البيت وبقى يجيلة في دماغة مرة واحدة ندى لما شافها اول مرة …….. عند ليلى طلعت البلكونة ولقيت الغروب كان شكلو حلو روحت عملت كوباية قهوة وقعدت في البلكونة شوية بس فوقت على صوت حركة حد من البلكونة اللي جمبي -بسم الله….. خضيتني قال مالِك بهدوء -معلش

-هي دي بلكونة اوضتك؟ -اة….. بس مكنتش بطلعها اتنهدت بهدوء -طيب اي اللي غيرك؟ ….. اشمعنا طلعت دلوقتي -علشان لقيتك قاعدة -طبعا عايز ترازي فيا -هو انتي ليه عايزة تشوفيني وحش وخلاص؟ …….. مش اعتذرت منك يا بنتي اخر مرة قولت بلامبلاه -مقبلتهوش بص قدامه وقالي بهدوء -زينا! -خير؟ -ممكن نبدأ مع بعض صفحة جديدة بصيتله بهدوء وسخرية -وليه عايز تبدأ معايا صفحة جديدة….. انا بنت مش كويسة وكمان بتاعة ولاد ابعد عني احسن ليك

-انتي قلبك اسود بقى -اسود ولا ابيض مش فارقة سكت شوية بس هو قطع السكوت دة -بوصي انا مش عارف قولت ليكي الكلام دة ازاي يعني….. مش عارف كنت متعصب ولا اي اللي حصلي بس انا مكنتش اقصد اقول كلام زي كدة فأنا اسف بكرر ليكي اعتذاري تاني وكمان حسيت بأحساس بصيتله بأستغراب -احساس؟ بس كمل كلامه وهو بيقول -موافقة تفتحي صفكة جديدة بصيت ليه بتفكير -امممم….. ماشي خلاص علشان متقولش عليا تاني قلبي اسود قال كدة وابتسم على كلامي -….. -……

-هو انتي افتكرتي حاجة تاني الفترة دي -لا….. صح نسيت اسألك هو انتم بلغتو؟ قولت بارتباك -اة ليه؟ اتنهدت بهدوء وقولت -طيب ليه محدش سال عني كل دة….. يعني كل يوم قبل ما انام بسأل نفسي السؤال دة فين عيلتي؟ سكت شوية وبعدين قولت -طيب وانت؟ -انا ايه؟ -كلمني شوية عن عيلتك بدل الزهق دة….. ولا انت مبتحبش تكلم عن حياتك الشخصية -ليه بتقولي كدة؟ -مش بحسك متعاون زي كريم وعز…. يعني انت و احمد سكتم بكتم مبتحبوش تتكلمو كتير

-لا…. بس ماشي انا عندي والدتي و ابويا الله يرحمه اتوفي من وانا صغير وعندي اخت في تانية كليه السنة دي وانا بالنسبة ليها الاب و الاخ ابتسمت من كلامه -ربنا يخليها ليك قولت بخبث بطريقة غير مباشرة -كلمتني عن والدتك واختك…. يعني مجبتش سيرة خطيبتك او مراتك -لا انا مش مرتبط لسا قولت من غير قصد -الحمد لله -نعم؟ ….. ايه بتقولي؟ -لا مقولتش حاجة… -بس ليه بتسألي؟ قولت بأرتباك -سؤال حلو…… انا ليه بسأل

معرفتش ارد على السؤال بس قولت بتوتر -انتو…. يعني…. بصراحة….. اصل انا شيفاكم شلة منحوسة شوية محدش حتى خاطب قولت كدة وبضحك علشان احاول اخبي توتري بس هو رد بهدوء -مين قالك كدا؟ …. كريم خاطب بصيت ليه بصدمة -بتهزر؟ ….. ك… كريم خاطب -اة والله -مجبليش سيرة قبل كدة….. عدة الوقت ومحسيتش بيه وكنت عماله اكلم مع مالِك لحد الوقت ما تأخر -تصبح على خير بقى….. معاك شغل بكرة الصبح روح نام -وانتي من اهله

قولت كدة وهو دخل وبعدين دخلت على اوضتي و مسكت قلبي….. ليه كل شوية يدق جامد لما اجي اتكلم معاه خبط راسي من غباء الأسأله اللي قولتها ليه -اي الغباء دة شكلي مفضوح اوي… اخدت نفسي بصعوبة وبعدين قعدت على السرير وابتسمت ونمت جه تاني يوم روحت ووضيت الفطار ليهم فتحلي كريم وزقيتو بخفة -بقى اعرف من ناس انك خاطب…… مكنش العشم انك تخبي عليا -مين قالك؟ اتنهدت وقولت -دة اللي فارق معاك -لا والله… مش قصدي ابتسمت بسخرية

-طيب بقى…. هشوف هتعزمني على الفرح ولا ايه؟ قعد على الترابيزة وقال -اومال اول المعزومين كمان…. علشان خاطر الفطار الحلو دة -ماشي قولت كدة وابتسمت ……. عدت ايام كانت علاقة ليلى ومالِك بتقوى اكتر وبقت متعودة على وجودها معاهم لدرجة انها بطلت تسأل امتى هترجع تاني لأهلها وندى ومروان يأسو انهم يلاقو ليلى بس في يوم كانو الشباب نازلين واخدو معاهم ليلى للمول بعد إلحاح منها ونفس المكان بس بعيد كانت واقفة ندى ومعاها مروان _عند ندى

-انا هروح اعمل مكالمة خليكي هنا -تمام قال كدة و مشي من جمبي وانا فضلت واقفة فتحت تلفوني ورنيت على امي -ايوة يا ندى….. اي الأخبار يا بنتي كل دة مبترنيش عليا -معلش يا ماما كنت مشغولة اوي في حكاية ليلى -طيب ايه؟ …. مفيش جديد قولت بيأس وحسيت بخنقة -لا يا ماما…. انا تعبت ومش مستحملة البلد دي كل حاجة فيها مختلفة هي ازاي ليلى كانت مستحملة البعد دة قولت كدة ورجعت شعري لورا بأيدي

-معلش يا ندى يا بنتي اعملي اللي عليكي بس علشان خاطر خالتك -هي اخبارها ايه دلوقتي؟ -حالتها وحشة اوي يا ندى…. مبقتش بتاكل مع اني بحاول اهديها واقولها ان احنا قربنا نلاقيها…… -………. -………. -الو….. الو يا ندى انتي معايا يا بنتي مكنتش مع امي في اخر كلامها واتصدمت لما لقيت ليلى كانت ماشية مع شابين عيني دمعت وانا مش مستوعبة -ليلى!