رواية من طرف واحد الفصل الأول 1 - بقلم أروى

مش هتجوزها يا امي لو عملتي ايه؟”
-فين مروان يا طنط لسا مصحاش
-في الاوضة يا حبيتي
قالت كدة وروحت لمروان الاوضة وفضلت اخبط على الاوضة بس هو مردش فتحت الباب وضربتة جامد على وشه
-مرواااان
صحي وهو مفزوع ومتعصب من الضربة
-في حد يصحي حد كده
قال كدة وحطيت ايدي في جنبي وانا بقول
-انت نسيت المدرسة ولا ايه الساعة 7 ونص
اتعدل وفضل يفرك في عينه
-طيب
-البس
-حاضر
-بسرعة
قولت كدة وهو شدني من ايدي وطلعني بره
روحنا المدرسة اللي كنت فيها في الصف الاول الاعدادي ومروان في الصف الثالث
قولت وانا قدام باب المدرسة المقفول
-اول يوم هنتهزأ والسبب حضرتك
كام مرة اقولك اصحى بدري
-هششش…. بطلي زن
صداع صداع صداع……. كفاية
قال كدة وانا كشرت وهو مشي ولف من المدرسة من ورا روحت وراه ولقيته قلع الشنطة ورماها جوة
قولت بعدم فهم
-انت هتعمل ايه؟
-هنط من فوق السور
-نعممممم!
استحالة اعمل كدة
-مقولتش ليكي تعملي كدة
براحتك….. روحي خبطي على الباب و اتهزأي دة لو رضيو يدخلوكي اصلاً
قالي كده واتنهدت بعصبية
-طيب شبكلي
قولت كدة وشبكلي ايده و طلعت السور
-ده عالي اوي يا مروان
طلع مروان ورايا ونط ودخل جوة المدرسة وهو بيمد ايده ليا علشان انط ويشلني
بصيت بخوف من طول السور
وهو بص ليا بهدوء
-انزلي يا ليلى متخافيش
قالي كده ونطيت وهو مسكني ونزلني براحه
دخلنا جوة مبنى المدرسة واحنا بنتسحب لحد ما وصلت لدور اللي فصلي فيه
-ادخلي على فصلك متحتكيش بحد متعرفهوش ومتكلميش ولاد ولو حد ضايقك عرفيني
قالي كدة وفضلت اهز في راسي
-حاضر….. حاضر….. حاضر
ينفع ادخل
قولت كدة وهو شاورلي بأني انصرف من قدامه
دخلت جوة الفصل وعدة اليوم عادي
جه تاني يوم وكالعادة كنا متأخرين بس مرديتش اعمل اللي عملناه امبارح ودخلنا جه وقت البريك وروحت لمروان اللي كان قاعد مع صحابه عكسي اللي كنت انطوائية ومش بعرف اكون اصدقاء
قعدت في ركن بعيد شوية لوحدي وهو شافني وجه
-سرحانة في ايه؟
قالي كده وشد الورقة اللي كنت بقرأ فيها
-معرض مسرحي لمسرحية روميو وجوليت
انتي….. ومسرح….. تمثيل
ليه بتقرأي الورقه
اتنهدت بهدوء وانا بقول
-بفكر اشترك في المسرحية
قولت كدة وفضل يضحك على اللي قولتلو بسخرية
-انتي تشتركي
انتي مبتعرفيش تقولي كلمتين قدام شخص علشان تمثلي قدام المدرسة كلها
ضيقت عيني بضيق من كلامه وكشرت
-معلش يا لولا بس انتي عرفاني مبعرفش اكدب واقول الصراحه شوفيلك هوايه تانية
-بس انا بعرف امثل وحاسه نفسي اني ممكن اكون شاطره
وقف من جمبي وهو بيديني الورقة
-والله براحتك حاجة تخصك انتي
قال كدة ومشي
عدة اليوم وجه اليوم اللي بعديه وصحيت مروان من الفجر
-انتي لي منزلانه بدري كده
قولت بعصبية
-ده بالنسبة ليك بدري الساعة 6 الصبح
قولت كدة وهو زفر بضيق مسكت ايده وفضلت اجر فيه زي العيل الصغير لحد ما وصل للمدرسة
-انتي مودياني فين
-لأوضة المسرح
ابتسم سخرية وهو بيخبط على راسي
-لسا مشلتيش الفكرة الهبلة دي من راسك هيضحكو عليكي
سيبت ايده بعصبية وقولت بعصبية
-محدش طلب رأيك براحتك عايز تيجي تعالى مش عايز خلاص
قولت كدة وكملت طريقي للمسرح وانا متأكدة انُه هيجي ورايا علشان ميزعلنيش
وفعلاً جه ورايا وهو بيمشي بهدوء
-استني يا جوليت
ابتسمت على كلمته بس كملت طريقي لحد ما دخلت وهو دخل قعد على الكرسي
-كنت عايزة اشترك في المسرحية
-تمام خدي الورقة دي احفظيها وهنادي اسمك
قالت كدة واديتني الورقة وقعدت في ركن بعيد احفظ تحت نظرات مروان اللي كان قاعد في الصف الاول بزهق
-بتعمل ايه هنا يا مروان؟
ابتسمت وانا بقول لنوح صاحبي
-بتفرج على بنت الجيران
بص نوح عليها بأستغراب وقال
-ليلى!
هي بتعمل ايه هنا
– قال عايزة تمثل
ابتسم نوح وقعد جمبي وهو لسا بيبص عليها
قامت ليلى من مكانها بعد وقت وراحت للمُدرسة اللي اديتلها الورق و بعدين بصتلي وابتسمت
مكنتش عارف هي بتبص عليا وبتبتسم ليه
بس قاطعني سرحاني لما شوفتها طلعت المسرح
….
طلعت المسرح وانا خايفة ومتوترة وباخد نفسي هديت نفسي وبصيت لمروان وانا بطمن نفسي
وبدأت….
“الوداع… الله يعلم متى سنلتقي ثانية.
أشعر ببرودة الخوف تسري في عروقي…
تكاد تُجمّد حرارة الحياة في داخلي.
ماذا لو لم يعمل هذا الدواء؟
هل أُجبر غدًا على الزواج من باريس؟
لا… لا!
(تمسك خنجرها لحظة ثم تضعه جانبًا)
هذا هو ملجئي إن فشل كل شيء.
لكن…
ماذا لو كان الراهب قد خدعني؟
ماذا لو أراد أن يتخلص مني
حتى لا يُفتضح زواجي من روميو؟
أواه… ماذا لو استيقظت
داخل القبر المظلم
قبل أن يأتي روميو لينقذني؟
يا له من مكان مخيف…
مكان لا هواء فيه،
ولا نور…
ولا صوت سوى الصمت الثقيل.
هل أستطيع تحمّل تلك الوحدة؟
هل يحتمل قلبي هذا الرعب؟
(تتوقف لحظة، تتنفس بعمق)
لا…
إن حبي لروميو أقوى من خوفي.
سأفعلها.
من أجلك يا روميو…
أشرب هذا الكأس.
(ترفع القزازة)
قولت كدة ولقيتهم كلهم بيصقفو ليا حتى مروان اللي كان متأثر بتمثيلي
قربت مني مشرفة المسرحية وهي مبتسمة ليا
-براڤو عليكي مثلتي الدور صح
ابتسمت بفرحة من كلامها
-اقدر من دلوقتي اقولك انك خلاص انتي جوليت اللي في القصة
حطيت ايدي على بوقي من الفرحة وانا بتنطنط
-بجد!
-طبعا مش هلاقي حد يمثل جوليت بالشكل دة
بصيت بطرف عيني على مروان اللي كان مراقبني
نزلت تحت ليه
-اي رأيك؟
-مش بطاله
قال نوح بغيظ من مروان
-حرام عليك ياخي البنت كان دورها حلو اوي
-شكراً يانوح
المشرفة قالتلي ان كان تمثيلي حلو اوي
قولت كدة وابتسم مروان وقال بهدوء
-طيب…. طيب.. يلا بقى
مسك ايدي وكنا لسا هنطلع بس سمعنا صوت المشرفة وهي بتقول
-الدور تاني لمروان حسن…… مروان حسن
وقفت من الصدمة وبصيت لليلى بعصبية
فلتت ايدها من ايدي وهي بتستخبى ورا نوح
قولت بعصبية
-انتي اي هببتي
بلعت ريقي من طريقته وانا بستخبى ورا نوح اكتر
-اشتركتلك بدور روميو
قولت كدة وخبيت وشي في ظهر نوح
ومروان كان عايز يمسكني بس نوح كان بيبعده عني
-هتضرب بنت يا مروان
-ابعد يا عم دي ودتني في داهية
قولت وانا بجمع كلامي
-اي فيها يعني لو مثلت
-انتي مالك ما المسرح قدامي لو كنت عايز امثل كنت مثلت
قالي كدة وانا كنت بترعش من عصبية مروان عليا
-ما تهدى ياسطا بقى شايف البنت ازاي خايفة منك
كمل كلامه وهو بيبصلي
-اهدي يا ليلى
اللي حصل حصل يا مروان
روح مثل ونبقى نشوف الموضوع

ده بعدين
قال نوح كده ومروان عض شفايفة جامد وهو باصصلي وطلع اخد الورق
طلعت وانا قاصد ان امثل وحش علشان اترفض
بدأت وانا ببص على الورق
“أنا لم أعرف معنى السعادة
إلا حين رأيت جوليت.
كنت أظن أن الحب مجرد كلام،
لكن قلبي تغيّر في لحظة واحدة.
كيف يمكن لعينين
أن تسرقا النوم من عيني؟
وكيف يمكن لصوتٍ واحد
أن يجعل العالم كله هادئًا؟”
اتنهدت بعد ما خلصت وانا متأكد اني قدمت اوحش تمثيل
قربت مني مشرفة المسرحية وهي بتقول
-تمثيلك عايز شوية تحسين بس انت لايق جدا على دور روميو شكلك وهيئتك وكمان لايق اوي على جوليت اللي معانا
قالت اخر كلامها وهي بتبتسم لليلى
-ف كدة هنعتبرك معانا في الفريق
قالت كدة واتصدمت من اللي قالته
بصيت لليلى بعصبية وغيظ مكتوم
-هتيجي كل يوم في البريك علشان البروڤا
قالت كدة وطلعت بسرعة من المسرح ودخلت على الحصة ومشيت من غير ما اشوف ليلى واجيبها معايا زي كل يوم كملت يومي ودخلت انام
تاني يوم….
صحيت لوحدي على غير العادة
قبل ما ليلى تيجي تصحيني صحيت وصليت ولبست هدوم المدرسة وطلعت قدام باب الشقة طلعت في نفس الوقت ليلى
مبصيتش عليها ومشيت بس هي جات وقفت قدامي
-مروان
-عايزة ايه؟
-انت ليه بتعاملني كده كل دة علشان اشتركتلك في المسرحية
كنت هتعصب عليها بس هديت نفسي
-لما تروحي تشتركيلي من غير ما تقوليلي يبقى حقي اعمل فيكي اكتر من كدة
قالي كده وعيني دمعت لوحدها من طريقته اللي اول مرة يتعامل معايا بيها
مسحت دموعي وبعدين بصيت على ايدي اللي بفركها بتوتر
-انا…. اشتركتلك معايا لأن مبعرفش اكلم مع حد غيرك في المدرسة ولما ببص عليك بحس شوية اني مطمنه
كملت كلامي ورفعت عيني في عنيه
-واتخيلت انك روميو بتاعي
قولت كدة وابتسمت بحزن
-انا اسفة اني مستأذنتكش
قولت كدة ولفيت ظهري علشان امشي بس هو مسك ايدي واتنهد بهدوء
-محصلش حاجة خلاص
انا اللي اسف علشان خليتك ترجعي لوحدك امبارح
-يعني انت هتكمل الدور
ابتسم بهدوء وهو بيقول
-هكمل
-يعني مش زعلان مني
مسك ايدي بحب ومشينا
-في حد يزعل من اخته يا هبله
ابتسمت على طريقته ومهتمتش لكلمة اخته
وروحنا المدرسة قبل ما ادخل الفصل ضميت ايدي وانا بضمها وقولت
-سلام يا رميو
بص على ايدي وابتسم
وضم ايده وخبطها في ايدي
-سلام يا جوليت
عدت الايام وجه وقت المسرحية اللي كانت حلوة اوي
اخر يوم في المسرحية
-مروااااان
-ايه؟
-سمعت المشرفة قالتلي ايه
هز راسه بنفي
-قالت إن تمثيلي هايل واني ممكن لما اكبر ابقى ممثلة مشهورة
ابتسم على كلامي وهو بيطبطب على راسي بخفة
-طيب يلا يا ست جوليت
-خلاص المسرحية خلصت
-اتعودت اقولك جوليت هاخد وقت لحد ما ارجع اقولك ليلى
-امممم ماشي
__________________________________________
عدت الايام والشهور والسنين…..
وكبرت دخلت معهد للفنون المسرحية
كنت واقفة مع الاء صحبتي قدام الجامعة وفجأة الدنيا
سكتت لما جه مروان من كلية الحقوق اللي دخلها وكان في الصف الاخير فيها قرب منينا ونزل ركع على رجله وهو معاه خاتم و بيقول
-من اول يوم شوفتك فيها حسيت اني اخيرا لقيت نصي التاني والجامعة دي كلها تشهد على حبنا وجاي اقولك قبل حفلة تخرجي
تتجوزيني يا الاء..
قال كدة تحت نظراتي هو فعلا مكدبش سنتين كاملين وهو مرتبط بألاء بس في السنتين دول كنت بحاول اوهم نفسي انُه هيسيبها بس هو مسبهاش
بصيت عليه وعلى العلبة اللي مسكها قدام الاء اللي كانت مبسوطة نزلت عيني في الارض وبحاول مدمعش
بس فقت من سرحاني على صوت الاء وهي بتقول
-موافقة
اول ما قالت كدة قام مروان بفرحة بس انا مقدرتش استحمل وحسيت اني باخد نفسي بصعوبة وبعدت
روحت البيت وانا كاتمة كل دموعي اللي انهارت لما وصلت لأوضتي
رميت نفسي على السرير وانا مش مستوعبة اللي حصل
مسحت دموعي لما سمعت صوت حد بييخبط
قولت بصوت مخنوق
-مين؟
-انا ندى يا ليلى
-ادخلي
قولت كدة وغطيت نفسي بالبطنية
-مالك يا بنتي دخلتي بسرعة حتى مسلمتيش عليا
بصيت للسقف وانا بقولها
-مفيش
-اة بدام قولتي مفيش يبقى في
اي حصل
اتنهدت بهدوء وانا ببعد عيني
-مروان خطب الاء
اتنهدت بحزن عليها
-قولت ليكي الف مرة هو مش بيفكر فيكي ومش هيفكر هو شايفك اخته وبس
لي تظلمي نفسك مع شخص ميستهلش حبك ده
قولت بعصبية وانا بشد البطنية على راسي
-مش عايزة اتكلم دلوقتي
قولت كدة وسمعت صوت الباب وهو بيتقفل وراها
فضلت صاحية بفكر في اللي حصل ومحسيتش بالوقت
دخلت امي تاني يوم وانا صاحية
-انتي مش رايحة الكلية
-مش قادره
__________________________________________
في الكلية
دخلت وقعدت مع الاء
-هي فين ليلى
-مش عارفه مجتش أنهاردة
استرغبت بس كملت اليوم ورجعت البيت دخلت اوضتي ونمت
صحيت تاني يوم طلعت وشوفت ليلى هي وطالعة
-فينك يا بنتي من امبارح
ردت بهدوء
-كنت تعبانة شوية
قالت كدة ومشيت بسرعة من قدامي
مشيت وركبت عربيتي وعديت على الاء
-صباح الخير
-صباح العسل
قالتها وهي بتدخل
-هتخرجني فين بقى انهاردة
-شوفي المكان اللي تحبي
-اممم ماشي هفكر واقولك بعد الكلية
دخلت المسرح وشوفت الاء ومروان كان قاعد في اول صف معاها اخدت السكريبت بتاعي وقعدت على جمب وانا بحفظ جه وقت البروڤا وكنت بمثل مع الاء وكالعادة تحت نظرات مروان لألاء
خلصت البروڤا وقعدت على المسرح وربعت رجلي
-يلّا يا لولو
-حاضر استنى عشر دقايق اغير وجيلك
بصلي وكمل كلامه
-مش هتيجي معانا يا ليلى
قومت من مكاني ولفيت ظهري ومشيت وانا وبقول
-لا اخرجوا انتوا انا مشغوله اوي انهاردة
روحت لمكان تغير الملابس
قالت الاء وهي بتسحب فرشة الميكأب وبتحط بلاشر
-ما تعالي معانا يا بنتي
اخدت هدومي من جمبها وانا وبقول
-لا اخرجو انتو مش قادرة قولت كدة وغيرت هدومي ومشيت روحت البيت
دخلت اوضتي وفتحت نور بس لقيتها في وشي
-ندى امتى جيتي؟
خضتيني يا بنتي في حد يقعد في الضلمة
قولت كدة ورميت الشنطة على الكرسي
-واحدة غيري مكنتش جاتلك تاني بعد المعاملة ناشفة اللي انتي وريتهالي المرة اللي فاتت بس اعمل ايه في قلبي
احمدي ربنا بقى انك عندك بنت خالة زيي
-بطلي صداع
اي اللي جابك
-اةةة يعني المعاملة بقت كدة
كل دة علشان حبيب القلب خطب الاء
انا مش عارفة هفضل اقولك لحد امتى ابعدي عنه هو مش شايفك
مسكتها من ايدها وقربتها للمراية
-بصي شوفي نفسك….
عارفة لو وقفتي انتي ومروان والاء
وسألته انت مش شايف غير مين هيقول ايه
ردت بهدوء
-عارفة
-بجد والله عارفة، وعارفة كمان انك مهما عملتي هو مش هيبقى ليكي
لي عايزة تعذبي نفسك
قالت ببرود
-كفاية عليا اني اشوفه
قولت وانا بتنهد

بعصبية
-لا انتي مش طبيعية بجد
انا مش عارفة انتي بتفكري ازاي؟
وزهقت من كتر ما قلتلك انسي
بصت وهي بتبتسم بسخريه وبتمسك قلبها وقالت
-هو انتي فاكره ان ده بمزاجي اقوله بطل حب هيبطل على طول
-على الاقل حاولي ابعدي
لو هتفضلي جمبه كدا يبقى مش هتوجعي غير دة
قولت كدة وانا بشاور على قلبها واخدت شنطتي وطلعت
-سلام يا خالتو
-ما تقعدي معانا يا ندى
-لا يا حبيبتي ورايا حاجات مهمة
قولت كدة ومشيت
مشيت ندى وقعدت على طرف السرير وكالعادة عيطت من الحقيقة اللي بتيجي تقولهالي بس انا مش عايزة اصدقها
عدة الوقت….
وقومت غيرت هدومي ونمت
عدة الشهور على نفس الحال
__________________________________________
عند مروان
قولت بعصبية
-الاء
ابتسمت لما شوفته
قربت منه بحب
-ايه يا عم محدش شايفك كده
بقالي يومين معرفش حاجة عنك
هو انا مش خطيبتك ولا انت ناسي
قولت بعصبية مكتومة
-لا فاكر بس باين انك انتي اللي ناسية
-ناسيه ايه؟ فيه اي يا مروان وليه بتكلمني كده
-كنتي واقفه مع كريم ليه
-ايه هو اللي ليه؟
ابن خالتي اي فيها يعني
-هو انا مش قولتلك متكلمهوش
-هو انت عايز تتخانق وخلاص
انا مش فاهماك
وبعدين لي مكلمهوش هو معمليش حاجة
-والله؟ معملش حاجة
مش ابن خالتك ده كان متقدم ليكي
-وانا رفضت علشان شايفاه اخويا وهو من وقتها احترم قراري ده
قالت كده ومحبيتش اكتر في الكلام وسوقت العربي وانا بعض في شفايفي
عدة اسبوع مكنتش بكلم فيهم الاء ولا بعدي على الكلية بتاعتها
ركبت العربية وروحت اشوفها بس شوفت ولاد كانو بيغلسو عليها
-الاء
-عايز ايه يا مروان؟
-اركبي
-دلوقتي افتكرت انك ليك خطيبه تسأل عنها
-اركبي يا الاء مش وقته الكلام ده
-لا يا مروان
قالت كده وكملت طريقها ولسا الولاد كانو ماشين وراها نزلت من عربيتي ورحت ليهم
-في حاجة نجم منك ليه
-هي تخصك ولا ايه
-تفرق معاك في حاجة
قولت كدة وضربته
لفت الاء وشها لما سمعت صوت دوشة وراها لقت مروان بيضرب العيال اللي ماشين وراها
جريت عليه وانا بمسكه
-مروان!
خلاص
-مش هسيبك يلا
-خلاص يا مروان
اتنهد بعصبية وبصلي
-اترزعي في العربية
بصيت على الناس اللي اتلمت وركبت العربية
دخل الغربية وساق بسرعة وهو متعصب
قولت بخوف
-مر…. مروان براحة شوية
طيب انت متعصب ليه دلوقتي
-علشان انتي معملتيش حاجة
شوفتيهم بيديقوكي وانتي متصرفتيش
-كنت عايزني اعمل ايه يعني؟
وبعدين انا مشيت على طول وكنت بمد
بصت عليا وكملت كلامها
-بس لما شوفت عربيتك اطمنت شوية وكنت عارفة انك هتعمل كدة
-طيب لما قولتلك ادخلي لما مدخلتيش
-علشان لسا زعلانة
انت ليك اسبوع مكلمتنيش ولا حتى كنت بتطمن عليا انا بعمل ايه وكل دة عشان ايه
سبب تافه
-غيرتي عليكي سبب تافه يا الاء
-دي مش غيرة
لأني من بدري قايله ليك اني شايفة كريم زي اخويا
كملت كلامي ومسكت ايديه
-ممكن بقى تطمن هو فعلا بقى شايفني اخته
-ماشي يا الاء
قال كدة وضم ايده
ابتسمت وكمل طريق
عده يومين……
في الجيم عند مروان والاء
-خلاص يا مروان فهمت… فهمت
دي المرة الرابعة تراجع على ازاي مخليش حد يأذيني
-اخر مرة
لو حد حاول يمسك ايديك هتعملي ايه؟
-ابقى هادية واركز في عيون الخصم واضربه بأيدي التانية على راقبته واجري
-شاطرة!
-عيب عليك هو انا بيمرني اي حد
قولت كدة وهو ضحك عليا وفضل ينعكش شعري زي عادته
__________________________________________
عند ليلى
كنت في السطح وبشوف النجوم منه وانا سرحانه في اللي بيحصلي
قاطعني صوت مروان من ورايا
-فينك يا بنتي بقيتي مختفيه ليه
بصيت في الارض وانا بقول
-مفيش مشغوله شوية
-لا مش موضوع مشغولة
انتي على طول بتبقي مشغوله بس عمرك ما بعدتي كدة
فضلت ساكته من اللي هو قاله
كمل كلامه بهدوء وقال
-ليه مش بتردي
وقفت وانا لسا عيني في الارض
-زي ما قولتلك انا مشغوله
بعد اذنك بقى
قولت كدة ونزلت جري ودخلت شقتنا وقفلت الباب
عدى سبع شهور على نفس الحال
ليلى بتحاول تتجنب مروان
ومروان و الاء علاقتهم بتقوى
__________________________________________
في المسرح
_طيب يا ليلى ركزي معايا
انتي دلوقتي قاعدة منهارة والاء هتدخل
الاء…. الاء
-ها
-ايه هو اللي ها
انتي مش مركزة
-معلش مكنتش واخدة بالي
-مش المرة الاولى اللي متركزيش فيها
-انا اسفه
اتنهدت وكملت البروڤا
بعد تلات ايام
-مالك الاء
قولت بهدوء
-تمام
-لا انتي مش تمام
مصيت شفايفي وانا ببص قدامي
-مروان انا….. انا مش عايزة اكمل
-يعني ايه مش عايزة تكملي؟
بلعت ريقي وانا بكمل كلامي
-مش عايزة اكمل في علاقتنا
ضحك وهو بيضربني بخفة في كتفي
-بطلي هزار يا الاء
بصيتله وانا بتقمص البرود
-انا مش بهزر
-يعني ايه مش بتهزري
مالك يا الاء فيكي ايه؟
-مليش
كل الحكاية اني مش عايزة اكمل
ابتسم بسخرية وهو بيقول
-ودة ليه بقى
-مبقتش حاسة بمشاعر ليك
مشاعري اللي كانت قبل كدة كانت اعجاب
بس حاسه ان الاعجاب دلوقتي..
مبقاش موجود
-وانتي جاية دلوقتي تقولي الكلام دة
-صدقني حاولت كتير اني ارجع تاني
بس مش عارفة حاسة اني مش عارفة اتعود
فلت الدبلة من ايدي وحطيتها في ايديه
-انا اسفه
قالت كدة ومشيت من قدامي
وانا مش مصدق اللي هي قالته
-الاء لو كل ده مقلب ف والله هيقلب بجد
لو بتهزري ارجعي
بس هي مرجعتش
فضلت واقف مكاني مش عارف اعمل ايه
رجعت البيت
وانا تايه من اللي حصل
-مروان
مالك يا بني في ايه
قول بصوت مقطع وعنيه مليانه حزن
-الاء….. الاء سبتني يا ليلى
قولت بأستغراب
-سبيتك ازاي يعني؟
-مش عارف
قالت ليا مش عايزة تكمل معايا
كمل كلامه ومسك ايدي برجاء وهو بيقول
-ممكن تكلميها ياليلى علشان خاطري
هزيت راسي بعدم استعاب
-حاضر
عدى الوقت كنت رجعت البيت وبفكر في كلام مروان اني اروح اشوف الاء مش مصدقة الموضوع الاء
الاء تسيب مروان ازاي؟
دي كانت شبه مغرمه بيه
مقدرتش اقاوم فضولي وافكاري واخدت شنطتي ومفتاح عربيتي وطلعت برغم ان الجو متأخر
خبطت الباب وانا مستنية الاء تطلع
فتحت ولما شفتني ربعت ايديها
-نعم
-طيب انفصلتي على مروان انا مالي بقى اي المعاملة دي
-عايزة اي يا ليلى
قولت بهدوء
-دة بجد
بجد اللي حصل
-لو جيتي تكلمي في الموضوع ملهوش اي لزوم
-انتي سامعه نفسك بتقولي ايه؟
دة مروان يا الاء
فاهمة مين مروان…… مروان اللي لما كنتي بتشوفي بس في الكلية كانت عنيكي بطلع قلوب ولما اتقدم ليكي كنتي هتموتي من الفرحة
كانت بتحاول تداري وشها مني وهي بتقول
-كنت بقى
-وما زلتي
هو انتي فاكرة ان الموضوع دة مصدقاه
انتي عارفه ان هو اللي جايبني هنا
علشان مش عارف ومش

فاهم هو عمل ايه؟
مسكت ايديها و بصيت في عينها
-ليه يا الاء
لقيت عينها دمعت وهي بتقول
-مش هينفع
-ايه اللي يخليه مش هينفع
قالت بأنهيار
-علشان عندي كانسر…