تحميل رواية «#من يعطيني_الامان» PDF

اشوف الموبايل كله حبيات وحجي يلعب النفس وصور كلها بسيتات النوم والصور لهبة ....نجنيت كام جسمي يرجف وينتفض ماعرف شسوي رجلي ماشالتني كعدت على الجرباية اعصابي تفور لو يمي يمكن اموتها خابرت احمد كتله روح جيبها ضغطي صاعد .....مادصدك ارجع افتح الموبايل هاي كلها سيتات نومها اعرفها زين حتى اكو سيتات وهي حامل حسيت راح اطك شوكت توصل

هبة....من كلت لمحمد على اتصالي بيوم الولادة تفاجأ اعرفه زين واعرف تعابيره حافظتهن عرفت ماجان يدري اكثر من مرة يجي يريد ياخذني واتحجج بالعملية بعدين قررت ارجع فترة واكعد احجي وياه بهدوء حتى يطلك ....خابر اليوم كال جايج وندك الباب بس جان احمد مو محمد وكال ضغطه صاعد ورجعت واول مادخلت للشقة طه صعده احمد وصعد الجنط نزل ماعرف شبيه كال ام طه دير بالج على محمد لان مادري شبيه صعدت ويدوب نزلت سرى على القنفة وماحس الا واحد جرني وضربني راشدي ولوما لازمني من يدي جان ركعت بالكاع ويصيح

محمد....هاي شنو خانم عود انتي الشريفة العفيفة يطلع منج هيج

ويرجع يضرب اريد افهم السالفة شنو جان فاقد تماما واريد ادافع عن نفسي هم ماكدر هو اضخم واطول

محمد...حقج دورين طلاك مرتبة امورج ولج .....وظل يغلط ويضرب حسيت روحي تطلع وطه كام يعيط ويبجي سمعت دك بابا الظاهر قافل البوب بس صوته عالي وسمعوا اهله ومن ابني يصيح ويبجي وهذا فاقد يكوللهم عوفني لا احرك البيت هسة انزلوا مالكم شغلة..لحد ماتعب وشمرني بالكاع اني تمددت بعد حتى مابية حيل اتحرك من الضرب شكد جانت لحظات قاسية حسيت بيها بذلة شكد مايصير عصبي ابد مامد ايده علي بس يكسر بالاغراض كعد هو على صفحة وخله ايده على راسه ويصيح ليش ولج ليش واني لسة ماعرف شنو الموضوع اجى طه ابني يبجي حاولت اكعد عدل حتى احطه بحضني لان طك بجي ماعرف شكد بقينا هيج اذكر دخل احمد لان امه مخابرته يرجع وشافني وكام يحجي عليه وطلعه واخذ طه لان جان متهستر هو قفل البوب علينا اني عملية وبعدها جديدة شوية وحسيت شي جواي وبعد مادري ...

محمد ...بس طبت وشفتها اني جنت موجر ماحس نفسي لا جارها ونزلت دك عليها لحد متعبت لان اضرب واصيح واجى احمد اخوي جرني وانتبهت على طه بحظنها يبجي وهي زركة صاير من الضرب اخذني

احمد...انت تخبلت شببك شجاك

محمد...حجيتله كلشي بس ماشوفته الصور تخزي

احمد....ولك صار لها عشرة ويانة ماشفنها منها شي وانت رجلها المفروض اعرف بيها صح الموضوع يفور دمك بس موهيج خلي نفهم حتى نكدر ناخذ حقك اذا صدك الموضوع باجرعكبة اهلها يشتكون ويكولون انت ملفقة التهمة....بعدين وين اكو موبايل يبقى شحنه شهر ومايطفى...ليش ماتبطل هاي العصبية وتفكر قبل ماتتصرف

ظل يحجي وياي احمد وريم اخذت طه تسكت بيه ودك تلفوني امي

ام محمود...لك يمة وينك نسمع صوت بنتك طكت بجي وانت مقفل البوب اندك محد يفتح

محمد...رجعت على السريع بيت احمد قريب واول مافتحت الباب شفت منظر عمري مانساه ....

جانت هبة مددة بالكاع وغركانة بدمها وبنتي تصىرخ ركضت على هبة اوعي بيها ماكو جبت راسا جرجف لفيتها وبهالوكت ريم واحمد لحكوني خاف لا سوي شي ريم شالت الطفلة نزلتها لامي ورجعت اجت ويانا طبعا هذا الحجي دقايق الموقف وديناها للمستشفى راسا دخلوها طوارئ كلت الدكتور عدها نزف وحالتها خطرة ومن سالت وكلنا لها صار شهر مسوية عملية تخبلت بقت بالطوارئ وخابرت غدير تاخذ سرى واحمد كال خابر اهلها احسن خاف يصير شي من كال هيج نهاريت كعدت بالكاع ودموعي ماتوقفن اني اسويت من اجوي اهلها مايعرفون الموضوع ظل يسألون

فراس....محمد اذا طلعت انت السبب ومحمد محد يخلصك من ايدي

احمد....صلي على النبي خوية خلي تطلع بالسلامة...

بقت يومين بالعناية لان كوة سيطروا على النزف حتى بالدم تبرعت من طلعوها وشافها فراس تلازمنا بالمستشفى كال هاي مكتولة والا اشتكي عليك بس ابوه مقبل كال خلي نفتهم شنو الموضوع بس لا تجي بعد للمستشفى

رجعت واني دايخ افتح الموبايل اكلب بالرسايل والصور اكول اي اطلكها واخلص اتستاهل  واخذ جهالي اسد الموبايل ....ابقى افكر رحت لغدير حتى اشوف سرى

غدير...محمد كلبي نار على هبة اريد اروح اشوفها وجنت انتظر احد يبقى يم الجهال

محمد...مايقبلون نوصل للمستسفى

غدير...همة منو

محمد...اهلها

غدير ...ليش شنو الموضوع محمد

محمد....حجيت لها كلشي وطلعت الموبايل

غدير....انت تحجي صدك جذب لك اربع سنوات بالكلية وياي مايوم شفت عليها شي  وشكد هي حبتك وتدري نيتك الزواج وماطلعت وياك يوم ولا سمحت لك تتجاوز وياها بحجي انت غيرتفكر بهذا كله

محمد.....صح وهذا المخبلني بس بهالوكت كلشي اتوقعي

غدير...لا مو كلشي ....خاصة اذا البشر نغرفهم وماعشريهم ...باع الصور وانتبه يجوز دبلاج..

محمد...بس الصور كلها بسيتات عدها واني شايف هاي الصور

هبة ....وين شايفهن

محمد...من اسافر اطلبها منها

غدير ....موجودة يعني بموبايلك

محمد...اي بس مال البيت يعني من اطلع ابقيها خاف يصير شي تعرفين عندي موبايلين واحد للبيت واحد للشغل

غدير...خلي ندخل علي زوجي بالموضوع

محمد....لا عيب خليها بينا

غدير....لا موعيب هذا شرف ابنية وشرف بيتك

حجينا لعلي هو عنده معرفة بالموبايلات بس ماشوفناه الصور طلب مني افتح الموبايل وانتبه شنو الغريب

رجعت للبيت وصعدت لشقة هبة من الباب الخارجي ماريد احد يعرف بيه موجود اريد افكر براحة اصلا صار ٣ ايام ماعرف شي من الي حولي ظليت اكلب بالموبايل وادقق لاحظت تاربخ ارسال الصور مو نفسه تاريخ الرسايل ..طلعت موبايلي وظليت اقارن بين الصور ماشفت فرق ...بعدين ذكرت اني موصيها تمسح اي صورة تاخذها...جنتطتها بقت بالبيت ركضت اخذت موبايلها وشحنته ...اعرف رمزها فتحت الاستديو فارغ مابي صور بس صور طه وشغلات من النت ملابس وغيىرها ...كلبت كل الموبايل ماكو شي....

رحت لشقة سحر تلكتني

سحر....همزين جاي من وكت وذكرت عندك مرة

محمد...سحر ماعندي خلك لج

سحر....لا عمي صرنة كوخي هسة...عفتها ومشيت...بالليل ظلت تزن تريد تعرف شنو الموضوع ليش هيج صار واني ليش جنت اكتل هبة ...مانطيتها اي حجاية لان ادري فلاتة باجر الكل يدري متخلي احد متكله

ثاني يوم علي خابر كال دبرت ولد يطلع الارقام باسم منو ....بقيت اسبوع الوب هبة ماعرف اخبارها ...لان ميقبلون احد يوصل لهاوبنفس الوقت موصلت لشي جديد....لحد مافديوم خابر علي وكال الولد جاب اسم صاحب الارقام....رحت على السريع من انطاني الاسم لا عالباب ولا خاطر ومو متوقع....وللحكاية تكملة

الارقام طلعت باسم ابن عم سحر اني تخبلت ردت اطلع اجلب بية علي كالي على كيفك خلي نحكم عقلنا ....هو الولد اقاربنا من بعيد لان سحر بنت خالي ...علي كال اني عندي فكرة

هبة...من صحيت لكيت نفسي بالمستشفى واهلي على راسي امي دموعها ماتوكف وظليت بالمستشفى اربع ايام ماشفت محمد وهم ماسالت عليه بس بقى كلبي على جهالي ومانسى شكل طه من يبجي علي ..طلعوني لبيت اهلي كتلهم خابرولي غدير شوفو وين جهالي ...خطية جابتهم واجت كالت ماكدرت اعوفهم واجيج للمستشفى

هبة....شفتي سوة اخوج هسة كسرني ليش ماطلكني وفضها

غدير....هبة المسالة جبيرة ....ارتاحي واحجيلج ...ا

هبة ...لا هسة تحجين اريد اعرف ...لان فراس راد يشتكي عليه واني لخاطر جهالي مقبلت وردت اعرف شنو الموضوع

غدير حجتلي واني فوك ماهسة طالعة كمت ادك ولطم شلون هيج

هبة..والله مامسويتها ....لج انتي تعرفيني ...وهو خلص عمر وياي شلون يصدك

غدير....هبة اني مانطيه الحق...بس رجال وشاف هيج والنوب عصبي شتتوقعين يسوي....بس انتي لا تحجين لاهلج خلي نشوف تاليها....

هبة ....اذا ما سوة شي احجي اريد تطلع برائتي

اهلي سالوني ليش هيج سوة كتله كيد نسوان ابوي كال ارتاحي ومن تحسين صرتي زينة لنا كعدة وحساب وياه

امي حست اكو شي سالت حجيت لها راحت جابت سبحة كالت بقيها بيدج واستغفري ربج وكولي حسبي الله ونعم الوكيل وبعد كل ١٠٠ مرة كولي ربي انت وكيلي اريد حقي ...بقيت ٣ ايام مابطلت التسبيح واصلا اني نايمة بالفراش وكومتي على كد الحمام حتى صلاة ماكدر لان مو نظيفة

وبنتي حولوها على الممة ....

  محمد....اتفقت وية علي اخابر الولد لان هو عند محل مال تصليح اجهزة طبية على اساس صديقي عده جهاز ولان اقاربي نصحته بي ورحت جبته من محله بس بودي اذبحه بمكانه ... وصلنا لبيت غدير وعلي طلع رحب بيه ودخله واول مادخلة اني بعد ماصبرت سحبت مسدسي عليه ...الولد رعب وبعد كم راشدي اعترف....وللحكاية تكملة

مصيبتي صارت مصيبتين ونضربت براسي من الي اسمعه الولد دميته يلا حجى اسمه جان فؤاد

فؤاد....اني مالي علاقة بمرتك ولا يمها اقصد مرتك الاولى

محمد....شتقصد

فؤاد...هذا الرقم اشتريته لسحر بنت عمي بعد طلاكها ردت ازوجها وجانت ماوعدتني بس تخلص العدة اتقدم ونزوج وبعدها كامت تماطل وياي لحد يوم سمعت انخطبت لك .....وشوف كل الرسايل قديمة ...يابة والله اصلا مرتك الاولى ماشايفها بس سامع اهلي يحمدون بيها

محمد نهد حيلي ..علي تعذر من الولد وخلاه يغسل وترجاه محد يعرف وفهمه الشغلة جبيرة ومردودها علي اذا نعرفت لان اهلها ممكن يكتلوه وفؤاد اصلا بين من النوع الي يخاف

غدير ....شفت شلون ظلمتها مرتين.....مرة زوجت عليها وكسرتها...ومرة يوم اتهمتها بالباطل...شنو الي جنيته هسة خربت حياتك على نزوة لوحدة باعتك...وانت بعت بنية ذهب ...صاح بيها علي

علي ....غدير مو وكت هالحجي خلينا نشوف شلون نصرف

اني طلعت كبل للبيت فقدت ودخلت للشقة قفلتها وصحت لسحر من جت مامديت ايدي عليها لا سحبت المسدس وخليته براسها...هي صاحت

محمد....اش بس تعيطين افرغه براسج ....احجيلي

سحر....محمد شنو شبيك مامسوية شي

محمد....تعرفين زين سويتي قسم بالله اذا هسة ماتحجين طلقة هواي عليج....من شوكت تعرفين فؤاد

سحر...فؤاد شجابة بالموضوع...سحب اقسام خفت وحسيت صدك يكتلني هذا مخبل اعرف بيه يسويها....ماعندي شي وياه والله راد يزوجني واني ماقبلت

محمد...ماقبلتي والحبيات الي بالموبايل ياساقطة ..ترى فؤاد كلشي حجالي....كامت تبجي

سحر...والله معليه من طلكت وهو راد يخطبني كيفت حتى مابقى على يد اختك وكتله انتظر لحد ماتخلص العدة وحجيت لسحر كالت مايقبلون اهله لان ولد وانتي مطلكة وقنعتني عليك وكالت تعبي ام علي هسة تطبك ويانة حتى تخلص منج وهو حيل يسمع لها وفعلا هيج سوينا

محمد....وشجاب التلفون على هبة

سحر....انت حيل التهيت وياها وية مشاكلها ومتقبل حجاية عليها عبالك منزلة من السما

محمد...لج انتي لضفرها ماتوصلين

سحر....لعد ليش عفتها وزوجتني

محمد...غبي مادري بيج هيج دايحة...كملي لج

سحر...اني خليته حتى تشوفه وادري بيك عصبي وطلك

محمد...الصور مينلج

سحر...لكيتهن بموبايلك  الي ضامه بالكنتور

محمد....لج ماخفتي الله ....بس وحدة ساقطة مثلج شتخاف

لزمتها ملختها بالحزام وجريتها كدام اختها وهي تعيط وذبيتها بيت اخوها كتله اختك ماتشرفني والتفت على اختي

محمد...ماكولج شي بس خافي الله عندج بنات وماريد لساني يطخ لسانج ولا طبين يوم لبيتي

رجعت للبيت وحجيت لمحمود وكتله على سوته سمر كام كتلها وطردها وظلت تبوس بيديه كال لها مأمن بيج على جهالي بس بعدين امي وابوي كالو خلي تبقى على جهاله وانت ازوج عليها...

رجعت حاير شلون راح اكدر ارجع هبة صعدت للغرفة نمت على الجرباية واني افكر سويت بحالي جنت كاعد مستقر عندي مرة مامقصرة وياي بشي وصاينتني وصاينة بيتي ...هدمت حياتي لنزوة ..لاول مرة تنزل دموعي  ابد ماباجي بس ذكرت سويت لهبة من رجعتها وهي بعدها عملية ماغزر بية كل سوته ومارحمتها مانسى منظرها من غركانة بدمها

هبة ...مرت عشرين يوم لاحس ولاخبر من محمد...بس غدير تكول اكو هواي امور استجدت وابوية يريد يعرف شنو صار .....

سرى....هبة تعاي ابوي يصيحج...دخلت للصالة لكيت محمد كبالي....وللحكاية تكملة

#من يعطيني_الامان

همس ليل

البارت الخامس عشر والاخير

دخلت حتى ماسلمت  بابا خزرني ...

محمد....حقج ام طه ....اني الي سويته مو قليل

هبة ...مادام تحجي هيج يعني عرفت شي....حجى كلشي ...كلت الحمد لله والشكر ماخاب من انت وكيله  يارب ....

محمد...اني... ابوي سكته ....ابني الي صار يحسم الموقف انت ماصنت بيتك ولا زوجتك كان ممكن بعصبيتك تموتها ...اني ما أمن بعد على بنتي

محمد....عمي شتقصد

ابو فراس...ماعندك مرة عدنا بعد.... طلك لا تصير شغلة عشاير

محمد...ظليت اباوع لهبة صدك يحجون بس مانطاني مجال....طلعت وروحي تحترك بس وصلت للبيت طك خشمي دم ضغطي حيل صعد....هاي حوبتها ماقصرت وياي ...

هبة ....حمدت الله وشكرته طلعت برائتي ...بس نهدم بيتي ونكسر ظهري....بقى محمد يدز ناس وابوي قفل حلف يمين مارجع واني هم ماريد صار سنة شفت الويل....

مرت ٧ اشهر واني قررت اداوم بدائرتي صار عمر سرى ٨ اشهر ومحمد ماطلك وميقبل....اني كمت مالبس حلقة واعتبرت نفسي مطلقة .

...غدير بعدها وياي بنفس الدائرة واحنة نفس الصداقة ادري توصل اخباري لمحمد بس مااهتم ...مرة كاعدين اني وياها واجت ابنية سالت صدك هبة طلكتي اني سكتت

غدير...ليش تسالين...كالت  والله اكو ولد سالني يكول سمعت ويريد يجي يخطبها....ضحكت اني هو الي جربته يخلي لي نفس بالزواج لو يصبوه ذهب ...

محمد...ماطلكت هبة وماخليت مادزيت اخر شي عفتها براحتها بس متابع اخباره...خابرتني غدير وحجت على الولد الي يريد يخطب هبة....عقل ماظل براسي للصبح مانمت ...شكد شعور صعب

ثاني يوم رحت للدائرة

محمد.....شلونج ام طه

هبة...الحمد لله

محمد....هبة خلي نحجي ونتفاهم ...ماكو داعي للمشاكل كدام الناس

هبة ....ماعدنا حجي اذا على جهال شوكت ماتريد يجوك ....اخ يدي

جريتها من يدها واخذتها للسيارة سحب

هبة....عيب من الناس شبيك يمعود فضحتنا

محمد....امشي بسكوت لعد ..وديتها لبيتنا ...اصعدي

هبة....دخلت للشقة صار اكثر من ٩ اشهر ماواصلة رغم سويتها على ايدي بس اختنكت من دخلت....

محمد...هبة اكعدي نتفاهم...شنو هذا الي متقدم

هبة....بابا يامتقدم هو اني طلكت وبعدين مو اني الي العب وبعدني على ذمة رجال

محمد...لا والله مو انتي ولا يوم تسويها..هبة اني غلطت وحاولت شكد اصلح خطأي انطيني مجال ....لج بابا  والله من اول ايام عرفت هاي مجرد نزوة لان الاحساس وياج غير انت وبس حب حياتي ...بعدج عشت بجحيم وغلات جهالي ....قصرت وياج بس طول عمرج كلبج جبير ويتحملني .....عمري ماحسيت بالحب بس وياج وماجنت اعبر لان هو مو بالكلمات بالفعل

هبة ...وانت حيل ثبتت لي بالفعل

محمد...لو ماحبج مااظل متمسك ببج جان طلكتج وفضيتها ...هواي ذليتيني كافي الي تريديه يصير وشتطلبين يجرالج

هبة....شاطلب...اطلب ترجع احلامي وياك....ترجع تعبي....ترجع كلبي الي كسرته....ترجع جرح كرامتي....اطلب تمحي الليالي الي بجيت بيها ...صحتي الي راحت...شطلب ....اطلب ترجعلي الاحساس بالامان...ماكدر  بعد احس بالامان يجوز باجر عكبة هم تسويها

محمد...لا وعيونج ...لج بابا اني الي شفته بعد يخليني مافكر حتى اباوع نظرة لغير مرة...وانتي ماقصرتي عاقبتيني

هبة.....محمد تدري شكد صعبة كسرت المرة بمرة ثانية....شكد صعبة من حسيت اني ماعندي لاحول ولا قوة وانت تضرب بيه...شكد حسيت بذلة بيومها....ولا حساسي من اتهمتني والمفروض انت تعرفني وتعرف اخلاقي....شحجي وشسولف يا جرح اخيط وياجرح اداوي

محمد....حقج .....بس اي شي تريديه ان حاضر خلي نبدي صفحة جديدة ونكبر جهالنا بينا هبة فكري بيهم راح انطيج وقت ..

رجعت للبيت سولفت لامي ...كالت( يمة الله خالق المرة وجبدها اكبر من رجال ...طبعا ماتقصد علميا ....تدرين ليش حتى تتحمل كل مرار الحياة تتحمل تعب الجهال والرجال تتحمل جور الزمن اذا جار....بنيتي كتلج سابقا رجال مثل الطفل ...هسة ابنج اذا غلط مو تعاقبيه .وترجعين تسامحي....بنتي الله خلق المراة ملكة بيتها ومال للرجال حق عليها بس الفراش ...وانطاها مقابل كلشي تسوي اجر وثواب ...يعني من تنظفين من تغسلين هدوم اي شي تسوي بيتج لج حسنات...لان يدري بالخلقه ويدري الرجال شكد يتعب المرة....بس لازم تتحملين ...لخاطر العشرة حتى لو ماصانها ...لازم تتحملين لخاطر جهالج ...لازم تتحملين لهواي امور ...سايري وكتج...رجلج مثل مابي عيب لازم بي حسنات....مثلما تذكرين الشي الشين..اذكري الشي الزين....اذكري لحظاتكم الحلوة...اذكري وكفاته ...هسة ماخذج الجرح بس فكري لباجر...

هبة ظليت افكر بحجي امي وصح جرحني واذاني بس لازم افكرشكد جان مداريني قبلها...لازم افكر بجهالي...لازم افكر مو كل حياتي وياه جانت مو حلوة بالعكس ٩ سنوات احلا ايام حياتي لو ما الي مايخافن الله ...اني هم غلطت مادافعت عن بيتي ماتصديت لهن....راسا اعلنت الاستسلام ونسحبت ..قررت ارجع بشروطي..وبلغته وافق...الشروط نطلع من اهله بيت باسمي صح مشتمل بس اضمن لي ....اخوه انطاه حصته بالبيت واشتر...ام علي وسمر مايجون ...وربج الدنيا دوارة محمود ازوج على سمر والجديدة مراويتها الويل....اذا تكررت الغلط ؤطلكني مابيها مجال ولافصال....عصبية يحاول يبطلها ..

رجعت صار سنتين صح جر عدل وساعة يصير عصبي يطلع من البيت لحد مايهدى ...هو بقى نفس الانفة ....بس يحاول يرضيني ...سبحان الله جنت شكد اني حاول ارضيه...بس خير الامور اوسطه لازم العشرة بيها مودة ....اني مارجعت مثل قبل ...دائما عندي احساس بعدم الامان

   خلصت حكايتنا ...ادعولها الله يهدي سرها....واخذو العبرة من الموضوع لان اكو هواي مثل سحر وسمر واكو هواي مثل محمد مضروبين براسهم....