#منطقه13
#بارت٤١
مريم السعدي
مليكه-
طلع. احمد. وبقيت انتضر مرت تقريب الساعه وطب يحجي وي احد. كمت فتحت الباب
شفت اسينات
منصيه وخجلانه. باوعتلي ونصت
عفيه خاف كعدتكم شكد عيب
دتعاي تعاي عادي اصلا جننا كاعدين احمد ديقره
طبت للغرفه وباوعت لاحمد ديكعد عالميز باوعلها
فوتي ارتاحي شبيج
وطبت
سديت الباب وكعدت عالمندر
باوعتلي ونصت
شنو شسوت هاي
اني صوجي اني ثوله
ليش
كلتها وتمددت . نزعي ميطب احمد.
نزعت حجابها والجبه. وكعدت جرت نفس
كالت
حروح للديوانيه واخلص تعبت
بقيت ساكته كالت
حقيره تستغل فرصه تدري بيه اخاف من الجلب. اللي بره. حاطي ومرتين فل روحه وطب للطرمه وتشوفني شون اخاف تره ماكوهيج اخت
انتي شعدج باقيه كلتهامو مبالاه.
باوعتلي ونصت
خطيه مرت ابنهم مريضه كلش. هاي اخر ايامها وبتها الصغيرهرهي الحتي ذاك اليوم ويايه. تعلقت بيه
وانتي شعليج اذا هاي هيج تسوي. شون بله
باوعتلي وهمست
خطيه. تدرين تكسر الخاطر خاله ايديها متكدر تشيلها جتافها. تمزق. ومتكدر اشيل شي
الخدامه. الا تكوليلها تشلع الكلب اني افتهمً منها
وتعلمت
اكلها وشربها وبتها يمها مكيفه بيها ببيتها اضل.
زين رجلها وين
رجلها —كالتها وفركت وجهه
رجلها يبات بصاله بيتهم يجي الصبح. يشوفهم ويطلع
بس مترهم هيج
ادري بس
باوعالي دمعت عينها
لو اشوفيها شون تتوسل بيه ماروح وابقى
اي شتسوين كوليلها هاي القندره. تاذي
يوو سكتي باعي شسوت
امم
باعي دزت مرت ابويه. — مرت ابويه حانت الامر الناهي بيت خالهم. لان مرت االخال دوم بكربلا وخاله هم هناك المقر مالته.
المهم
فاخوتي يجون دوم يباتون هناك حتى اكو غرفتين الهم. خالهم مهليها بيتهم قصر جبير
امم
فف من تزوجت رقيه. فتره ومرت الخال كامت من تجي مرت ابويه. تتصرف كيفها متقبللها
تدرين مره. اخذت طبلات من الصاله صعدتها بسويت رقيه فوك. هيج كيفها
ومرت الخال سكتت
وبعدين بدلو بردات الصاله. ونطت. مرت الخال البردات. لناس.
تالي روحي مروه اخذيها منهم. كالت نريدها واخذتها لبيتنا وهووذاك اليوم بدلنا بردات احنا بس هاي راقيه حيل
اممم
وراها من سكعت مرت الخال تخبلت بس محجت كدام مروه. دتحجي وي. الخدامه. تنزل البردات. تغسلها مال هول عدهم. قرايه ودنحضر
جان تنزل رقيه كالت
خاله امي كالت. البردات مال هول ترهم لغرفتي وانزلج برداتي
ومرت الخال وجت
وامج شعليها وهذا بيتي وكيفي. رحلج دينطيج فلوس. روحي انتي. سوي.
انفجرت
ورقيه نترت
وانتي شون تصيحين عليه وامي خالي مخولها. بالبيت يكولها بيتج
وعلكت واني بس صافنه واجه خالهم. ومرت الخال كالتله اتي رايحه اكربلا ماارجع من اخس هذا بيتي وحدي
وهو يقنع بيها ويسكت ويهدي
تالي مروه. اجتي بالقرايه. وجهه كالبته حتى على اخوها مسلمت وكفها سلام.
شون حجه وياها حجي
اييي شكللها كلتها ابتسم
اي هو هواي هيبه والمل يعابه ويخاف منه لج بس جف ايده هالكبره وطويل
بقيت صافنه عليه من دتوصف راسن همست
تحبي
باوعتلي بفزه ونصت راسها
لا. بس
خل اكملج ووافهمي
كملي شورانا
اي فكلها عمه. ماكو مره تقبل اخد يتحكم ببيتها ابويه مخليلج قدر لتستغلي. ورقيه مدتكعد عقليها.
ومروه تخبلت انجب. شنو عقليها بنتي عاقله
كلها هاي عليه انجب والبيت انكلب. مروه تصيح وهوو. يبتسم بس وجهه احممر وعيونه دم
انتي وين جنتي
اني بالكنور اخاف من يتعاركون اخذ ضل وانهزم همه ميتعاركون كم مره بس
امم
فالخال طب كلها بعد اذا تسريلي مشكله ربتح تودي حجي وتجيب حجي ماريدج
ختمتها مروه كالتله مع الاسف مره تفرق بين الاخوه. وابنك الديصير بي. كله من ايده. شوف ربك شون حيهدم بيته
وسلام تخبل كام يصيح ويعيط وطلعه. نسيم اخوه بره والخال كلها بيتي يتعذرج بعد
وهي طلعت زعلانه
رقيه. كامت متنزل. كله فوك. ونسيم. يسافر هواي. وهاي من يسافر تبدل وتكشخ تطلع وي صديقاتها.
مرت فتره وهم رجع الخال. جابها اخته يحبها همه عدهم هواي عمات. غير خاله مروه بس والله من يجون ابد ميتدخلون بس هي
جابها وكابلتنيزامشي ويايه. كدام سلام حتى سلام اعتذر منها وباس راسها
وضلت مجلبه امشي ويايه وامشي ويايه عيب ماعيب
وحمزه يكولها يوم ويايه
هي عاطت بي
انجب انت. متعرف الاصول بيت بي غربه. عنها شكو مبقيها حديقه عاي رادلها رقابه تروح وتجي للمدرسه
نتر حمزه
مخليلها خط اني لتتدخلبن يوم
وتخبلت انت تجمع حتى تتاهل وتتزوج لو حتى تصرف على اختك
عاد سلام كال
اممم شكال سلام
جرت نفس ابتسمت كال
عمه اني محتاجها وي فريده. هواي تحبها وضل تعلقت بيها ارتاحو وياها واذا عي وادت تروح كيفها
يحجي وميباوع هو اصلا ميباوعلي يعني مودب
مممم موودب
انتي ليش هيج تحجين
لج انتي غير مفضوحه
نصت راسها
والله مفضوحه من عيونج مبينه تحبي ارتبكت ونصت
باعي هو موحب بس هواي احتركه. هيج هيبه محد يكدرله وينطي كلمن قدره. رقبه احترمته احترمها قللت ادب طيح حضها.
اني ادلل مرته خطيه كام يدز بيد ضل حتى لفات ومكتوب. بالورقه مالتها
الف شكر لجهودج
هممم
اي كمت طلعت من يمهم. واسمعها للحقيره موت ابويه تكوله لسلام
اقلها مشيلها راتب لتستغل ضعفها ويتمها حرام عليج
هو كلها اني اريد انطي بس خاف اخجلها. وخاف يعني عبالها تشتغل عدنا. حمزه صيح على امه
يمه شهالحجي ممحتاجه اختي
انت معليك انت متعرف احتياجات البنيه شنو. اني مره جتي سالتها ينطيج كالت منين كلشي ماكو
باوعت السلام من فتحه الباب فك عينه كلها وحمزه كام يكمز نتر بالقران الكريم هسه اطببها واتاكد
اي قابل تكول كدامك تخجل يايمه
لا عمه هاهي امشيلها مصرف وحقها
تخبلت ورحت راسن لمرته. كتلها كلشي هي فد حبابه تتفهم. كلش
ياعيني خطيه تقهر
والله تموتني قهر
اممم
فحجيت ملشي الها كالت مالج دخل اني احاجي سلام
زين سويتي
لعد شبيج وجهج يصير احمر من تحجين بي
مو همه اول مرحت وكمت اساعد فريده. كلتلي عفيه اذا متت انتي تزوجي سلام قبلي بي وتوسلت بيه
يااا عزه
اي والله واني كلش ضجت وكوه. سدت الموضوع. من كتلها اذا تعيديها بعد مااجي يمج سكتت بس كل فتره وكالت
والله هو حنين وحباب وميخون ابد وهاي ضل متعلقه بيج
واني اخاف اغثها وتتاذه اسوي روحي مسمعت
اوي هاي ماسات الله يساعدها
اي خطيه
زين هو يدري بهالحجي
همست
مادري يمكن نضراته احس
قاطعتها
نضرررات
لا مو هذا قصدي لج بس احس يعني يدري بس هو رزن. ومسلم امره لله. مومن
خطيه
اي والله ادعيلها بلكن تطيب
اي انشاء الله ادعيلها فريده اسمها
امم
خوش
جريت نفس وشون وي رقيه
مادريً لزمت راسها حقيره.
زين هسه بقت وحدها مثل الجلب
ابراهيم يمها ومع العلم حالهم ميقبل يطب ابراهيم للبيت
ياا ليش
مو يبوك
عززا صدك
اي والله كم مره باك وكله متطب بعد
طاح حضج مروه على هالتربيه
لا بس قاسم وخليل وحمزه غير شي
دسكتي سكتي متعرفين شي انتي
جانو صغار مليكه والله تدرين يحجون سوه اسمعهم يكولون. غلطه. وطيحت علاقتنا بابن عمنا
هزيت راسي صارت بعد من وراهم عمري ضاع
تلمست شعري تبتسم همست
قاسم حيموت قهر ذيج المره من جيت. هنا ضل . يسالني عنج.
باوعتلها بحقد ودرت وجهي احقر خلق الله قاسم
والله تغير جان صغير مليكه
خلي يولي
متسامحين
لاا
تدرين ضل يسالني على كلشي بيج
شون يعني
يعني كلي شامه جان عدها بصف اذنها سوده بعدها لو خفت
لو يسالني بعدها من تخاف عيونها تكوم تتحرك يمنه ويسره
لو كللي بعدها تمص باصبعها
بقيت اباوع لاسينات عيونها دمعت
وانتي شبيج حتبجين
اني مشايفه اخويه قبل هيج هو يحجي وي بنات عادي بس من جيتي لليوم بس ساكت خليل يحاجي يكوله روح احجي وي احمد وهوً يكوله بيا وجه
جريت نفس
ابتسمت
اسينات تدزين هالشي يكفيني
تانيب الضكير العايش بي يريحني
هووبس تانيب ضمير هوويحبج والله
امم
اسينات-
احتارت نبضات قلبي فيك عليك
احتار سمعي بشجون. عشقك لزوجتك
واحتارت عيناي من ماارى
عشق من الجنه
وحب واكتفاء حتى بصميم حالات اشكال البشاعه
تغير وجهها ولازلت تتغزل
تساقطت خصلات شعرها ولازلت. اعما عنها.
تاكل جسدها وتهالك وانت انت لم تتغير ابتسامه. وكلمه. رضا وحب ومزاح. يخرج المرض من جسدها الرث
ماانت بشر
انت ملاك قوي
انت رافه. — وجلال — وليونه
تكمنت حروفها بجمع كلمه رجل
عرفت معنا اخر للرجوله بك
مابال لؤم قلبي يطرق بشده لحضه دخولك الى البيت
لحضه سماع كلمه السلام منك
لحضه ابتسامتك لابنتك وزوجتك.
ايام كضت وره سالفه مروه.
مره دااقره بالغرفه وحمزه يشخر
طبت ضل بيدها جيس
كالت
دتقرين
اي ضله. بابا راح
اي راح وكال ودي هاي لاسونه
شنو فتحت العلاكه شفت لفات من المطعم ومقبلات مثل كل مره لان ضل تحبها
ووياها مبلغ حمر مسطره ملفوفه بلاستيك
حتى محسبتهن
ذبيت العلاكه كلها لزمت راسي وتقربت من حمزه خليت الجيس يمه ورحت لفريده
وي كتبي
طبيت تبسمت حوه عينها احمر كلش
شونه الحلو
الحمد لله الحمد لله
تاكلين شي
لالا تسلمين الشوربه تخبل بس فدوه بله امر كيس الادرار يمكن امتلى خجلت اكول لسلام
اي صار
بدلته الها وكعدت اقره. محجيت بطاري الفلوس كلسا اباوعلها نايمه غطيت راسها لان تساقط شعرها تخلي يبرد لفيته زين
ورجعت كعدت ضل دترسم يني وكلسا كالت
باعي حلو
واني اكول واو يجنن
لليل دكلي حمزه باوعتلها نايمه تلمست بشرتها فتحت عينها قطعه حمره. رجعت ليوره
همست
عيوني تغوش
بلعت ريك همس عادي ههسه تتوضح خل اششوف حمزه واجي ماتاخر زين
اوك
رحت لحمزه اول مشافني ضحك
حلو واحد يكعد من النوم علىً ريحه البركر. والفلوس شوف سبحان الله نيتي تخبل
اني ونايم والرزق يم راسي يجي
هه حمزه فدوه
شكو ياستار وجهج يبجي
حمزه خابر سلام بسرعه عيونها قطعه حمره صايره
يربي دخيلج
خابره نص ساعه وطب طاير
باوعلي كال سلام
هلو عليكم
باوعلها ابتسم
هافريده
ها حبيبي شوًجيت
هه شتاقيتلج غير
ابتسمت وطلعت باوعتلها اي شي تحتاجين خابريني
جاوب عنها
اني يمها مشكور متقصرين
وطلعت حمزه التحق وراح وحجيت عالفلوس نطاها لخاله وعاتبه.
خالي اني عايفها هنا امانه موخدامه واذا رادت تساعد مرت خالي فغير دتحس بيكم اهلها من تنطيها فلوس يصير غير حجي معناهااخذها وارجع. لامي وضيمها
لا خالي خليها فدوه مرت سلام حيل ارتاحت عليها
هاهي لعد خلينا باتفاق
هاهي اني احاجي
طلع حمزه وراها راحو لكربلا خالهم ومرته
رقيه جانت توها جايه من بره. وبيدها كومه علاليك لبسها وحجابها الي يصففن
صعدت فوك تباوعلي بطرف عينها
مهتميت الها دااقره عالمرجوحه وانتضر ضل التلفون بيدي وانقفلت الباب عليه
باوعتلها من وره الجام. تخبلت دكيت الباب اتوسل ماكو
ايست وصوت الجلب يعوي واني اخاف منه
ماعدي غير حل خابرت حمزه
وضل يغلط يخابرها ترد مترد
تالي مخابر سلام
خابرني سلام لاول مره. كال
الو سلام عليكم
الو اهلا
طبعا كلش اعتذر منج. واني من اجي اعرف تصرفي وياها
محجيت بس كلت
عفيه اريد اطب خاف الجلب يفتح قيده
كال
والله جان هسه جيت بس بالمستشفى ماكدر اعوفها . خابرت حمزه هسه يدز ابن عمج
احمد
اي اي هسه يجي عليج ياخذج
ماشي شكرا الك
عذريني والله ردت ادز احد عليج. بس حرت منو ادز وبيمن اامن واخوتج ٣ نازلين
اي
زين منو بالبيت بس هي
سكتت
الو اسينات
ننعم
منو بالبيت نتر
هي
وحدها
مادري يمكن ابراهيم
زين رحمه ولو محضور دخوله. بس حتى مينباك البيت اقلها. والله. صارت غفل وتخربطت بيت خالتها عذريني مسحيها بوجهي
زين هسه شونها
والله جوه نزف صار عدها وديوقفوًادعيلها
انشاظ الله ضل وين
ضل بيت خالتها عفتها
خوش
يله فيماللا
الله وياك
سديته وكلبي يدك سريع شوي وجتي سياره بالباب اندكت الباب وطلعت راسن
بالدشداشه والحجاب
فر بايده احمد كلي امشي الله يطيح حضها اخذي كتبج
بس هالملزمه بره كلها جوه
سكت وصعدت واخذني لبيته
ثاني يوم الصبح اجه. قاسم عليه
خابرني ورديت جانت مليكه نايمه كمت. البس واحي
ها قاسم
ها اسونه اني بالباب
اي جيت
فتحت الباب لكيت احمد نايم عالميز
تقربت منه
كعدته
احمدد
فز عيونه حمر ووجهه معقج فرك وجهه باوعلي
وين رايحه
ابتسمت شكرا جزيلا قاسم اجاني
ها ماشي
وكف فتحلي الباب وسدها ورايه
صعدت وقاسمرعيونه اندارت عالمحل
باوعلي
وين نمتي
يم مليكه
جر نفس باوعلي
شونها
زينه الحمد لله بعد علاقتنا مو كلش طوخ بس اني احجي
امم طلع وباوعلي
حروح بيت خالي
لالا وديني بيت جدي
خالي داز عليج هو ومرته
هو البارحه راح لكربلا
مو لكربلا رايحين بيت كرايب مرت خالي وراجعين الفجر وتفاجئو من لكو ابراهيم بايت وانتي ماكو وسلام حاجيلهم الصار
عززه والله ملت اغلس مو خلك مشاكل
انكلبت الدنيا هناك لازم تروحين وتفهميهم
بجيت خايفه عفبه ودبني بيت جدي
بابا امي متحلفتلج وحمزه. حلفني بالف امام. بس ارجع احببج نوم منايم. هاي جاي من المعسكر الج فد راس
وهسه شون عفيه قاسم لتنام ابقى هسه خاف رقيه ومرت ابويه
بابااشبيييج شوي خلي يصير عدج. قوه مدايميلج احنا. كل يوم. نطلع شايلين جفاننا ونمشي
يصيح ويحجي
صفنت وهو سكت مسحت دموعي كلبي يدك سريع ميته خوف اخاف من المشاكل والهوسه
طبيت للبيت وهو ورايه مرت خالهم جانت بالمطبخ رافعه تك حاجب. ومزنبره
سليم راجع. من المستشفى ولازم راسه وضل بحضنه تلعب بالفون
همست السلام عليكم
طلع خالهم من الغرفه ابتسم
هله يابه عليكم السلام. ومرت خالهم هم ردت سلام بقه يباوعلي
اشر للخدامه تصيح. رقيه
كلبي راح راسن حجيت
عفيه الله يخليكم ااني حروح بيت جدي الله يخليكم ماريد مشكله. عفيه ابوضل حاجي خاله
نترر بخزره
انتتتتي باقييبه يمنننا امانننه. شنوً. تسوي هيج منوووو سمحلهاااا. ومنو نطاها مجال
الله يخليك باوعت لمرت خالهم خزرتني
خاله اني واختي الله يخليج وووعادي بالطرمه ببطن البيت قابل بيتتني بالشارع بس اني خوافه من الجلب
خالهم كال
يابه احنا مو بس علمودج. اني ماريد تتصرف كيفها تصرفات اطفال
صيح سلام
ضييييحييييها هل تنزل لااصعد اسحلها من فوك وغلات امي
وكفت رجعت ارتجيت بالحايط وقاسم فات نام باوع لخاله.
انت وياها معليه اني
جاوبه
روح خالي ارتاح
بقيت وحدي
وياهم ونزلت رقيه. تسوي روحها متدري شي وتضحك
قبل الله خالي
مجاوبها
صيح سلا وذب ضل من ايده
انتي باييي حق تقفلين الباب على اختتج
ااني كالتها بشهكه اني معليه. هي بقت بالطرمه. لل١ بليل ابواهيم. قفلها يمكن ميدري بيها بره
صيح
باااعي بت عمتي كيد النسوان. اني اكررههه امردج. ومحمد واوصلها للضالين بنيه عدنا امانه فوك ممساعده مرتي. تطرديها وتحبسيها بالطرمه. شنوو. يجي توالي الليل ابن عمها ياخذها سنووو شيكوول علينا.
مترهاااااا وضحكت. هيج كولي وباوعتلي
رحتي بم خبيب الكلب بتتي الله ربج
عيني سلام هاي درب. سوته حتى يجي عليها ياخذها تلكاهم متفقين سوه.
اسينات- فكيت عيني خزرتها همست ايا حقيره
وسلام صفن باوعلي عكد حاجبه. غمض وباوع لامه. يمه هاي سويلها جاره تره البيه كافيني
والله مذابه اردد وابجي
والنبي جذب
خاله صيحت
فوتي للغرفه انتي طبيت وضلت تصيح على رقيه ورقيه تردها تالي هالها عاط عيطه وطردها فوك وهددها اذا عادتها يدزها لاهلها
كعدت قاسم نايم على بطنه ويشخر
كعدت اقره طبت ضل تعدل بشعرها
كعدت يمي
كالت
سكتي متبجين بعد
لا ماابجي
ماما تكول كوليلها لتبجي
كوليلها ميخالف ابوج يمها
اي نامو
خوش
ترسمين ويايه
اي ارسم
يله تعاي
ضلت ترسم واني اقره
ساعه اكثر واسمع صياح من الطرمه.
وراها تقرب وصوت خاله مروه كلبي رجف
تصيح ومرت خالهم ترد بادب وهي تصيح صوت عالي تالي خالهم كام يصيح ويكح
وهنا سمعت زلزله صوت سلام يعيط ويصيح.
متخافىن الله متحسبىنًخساب لمريض متكولوننن نخاف الله بيها باحررر ايامها. ويننن اهججج وخاله مروه خنست. طبتلي للغرفه ومرت خالهم تححي بهدوء تخاف من سلام
كللتلي بتهديد
تكونين ويايه لااحركج حرررك. ادبسز تردين تهجمين بيت بتي
كمز قاسم وباوع مستغرب بعده ممرست همس
هله يوم وكام بوسها تباوعله وتحجي
ترضاها تذبها براس اختك النصيبه
سكت ودار وجهه شتردون هسه
هسه تجي ويايه والله العضيم. الم خواتي والعشيره. اخليهم يتفرجون. عليها وادز على ابن خالج الشفيه اكوله تقبلها تبات عد الغرب
بقيت صافنه ودموعي تحري مرت الخال متقبل وهي تصيح تسكتها
حاوبت حجايه وحده
الا يجي حمزه وشهكاتي شككت بلعوني اخاف حتى اروح وياها
ادور سلام بالوجوه وينه راح لمرته. محد يدافع غيره. خالهم طب من دوخه العركه
قاسم يحجي وتلصمه
طبيت للحمام وقفلت الباب خابرت حمزه راسن رد
ها حبيبي
حمزه امك جتي وحجيت كلشي احجي وابجي جان هاديء حيل هنس
وين انتي كلبي
ااني بالحمام
والباب دتدكها امك عليه
امم زين ابقي حدزلج احمد ولترجعين حدما. ارجع. اربع ايام واجيكم اذا الله راد
ووين يبات هوا هطيه هي غرفه وحده
استغفر الله هو واد عسا ما بالشارع. يبات خلي يبات روخي هسه يجيج
سده مني وايدي ترتعش والباب تدكها وتدعي انواع الحجي اشكال
بقيت بالحمام قاسم دك الباب
اسينات وينج
ها قاسم مبيه شي
طلعي محد يكيسج
طلعت وامه تردد
بدلي حضري هدومج كافي فضايح بس خزيتينا
واني احضر عدومي بمل ثكل ماباوعلها مرت خالهم سكتت مالها حق وقاسم يهدد
بالقران يوم اذا ا براهيم كاسها لو سويتيلها شي هناك احركه البيت
ليش شسفتني بعبه. مخبله. يللله لج امشييي
اي خاله هسا
ودك تلفوني احمد
الو
اسينات طلعي اني بالباب
اوك
لبست جبتي ومرت ابويه ورايه سالت العباه وتدردم
ادبسز مالها رداد من بيت لبيت غبره. امها باكت ابو جهالي مني وعافتها عار عليه كلبي خلص منج — تردين تهجمين بيت بتي
مشيت سريع وصلت الباب وصوت سلام طلع من بيته من باب الحديقه صاح
وووين
باوعتله ودرت وجهي فتحت الباب احمد بالباب وتكسي يمه
باوعله وباوعلي
مرت ابويه كالت
شفففت حتى من تحجي رقيه. تصدك. يالغشيم. ابقى ضيع باهلك. وصدك الزعط يالنقيب
مد راسه شال ايده عاكد الحاجب يسلم على احمد
وطلع عاف مرت ابويه. وطبت متريد تشوف احمد.
سلم على احمد احمد راسن كال
حمزه اتصل بيه كال اخذها يم اختي هاليومين
اي سكو منها ابن عمها وباوعلي وافع تك حاجب
مصدك حجي رقيه اولا ميهمني دك تلفوني حمزه رديت
هاعيني
نتر انتي وين
هاي والله بالباب احمد اجه عليه
زين سلام وين
هههيانه باوعتله عيني مغرغره رفع حاحب بعكده. حاحب همس
شكو
حمزه يريدك
اخذه ودار وجهه
ها حمزه
اكولك اني شعايف عدكم كيلو طماطه ياهو يجي يجعص بييي وكلسا داز على ابن عمي تره فشله من الولد يبات بالمحل بالقران
جر نفس سلام ورفع راسه للسما تخوصر
هنس
بتلقران حمزه خلك ماعدي والله وامك. متهده ولا تقدر مرض ولا اخ ولا ابن
زين ماشي خليها تروح بينما اجي الي حجي ثاني
شتريد تسوي سوي كوه لازم روحي
الله يعينك فيماللا
طاني الجهاز دااصعد همس
استروا الشفتو منا وامسحيها بوجهي كفيتي ووفيتي والف رحمه على روح امج وابوج
هزيت راسي باوعتله بس عينك على ضل وامها سلملي عليها هواي والله يشافيها
هز راسه وجهه ميت تعب
صعدت وطلع احمد
رجعت لمليكه
يتبع
مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!