#منطقه13
#للكاتبه مريم_السعدي
#بارت٤٢
اسينات- وصلت. لمليكه. ضحكت من طبيت. كالت
مليكه- حتى بعد متنهزمين من صباح الله
اي شسوي غير اخويه اجه عليه لو ادري فلا رايحه
اكعدي كعدي شون اخوه صدقه لربهم جايبه كتبج
اي جبت كلشي
وتالي شون حتضلين. هيج
بس يجي حمزه. اخلي يرجعني ويرجع ويايه.
ومن ينزل حمزه
من ينزل الي الله
الله يسهل دكومي اقري كومي
اسينات- كعدت بالزاويه. اقره وهي خطيه تلملم وتباوعلي حارت بيه سوت جاي جابتلي الي وطلعت لاحمد دكت الباب واجاها
اخذه يبتسم
فدوه لاختي
ضليت اقره خطيه هو بره يبيع ويقره مطب للغده
وحمزه مرتين خابرني يتطمن واني. اعصب
اول متجي نرجع ماروح بعد
سهله ميخالف كلبي بس اقري هاي الهوسه. كلها حتى متطلعين معدل وتكعدين بالبيت لج حتموت من وره دراستج. تكولك هاي حتطب كليه
اوك حمزه ماشي
اسونه كلبي اني املي بيج ترفعين راس اخوج
انشاء الله
يله بامان الله اخاف يطفى فوني تره ماعدي شحن ليضل بالج
خوش
شبيج
ضجت حمزه والله ضجت
ياعمر حمزه والعباس ابو فاضل بس انزل اطلعج متفق وي احمد نروح نزور. النجف ونبات بكربلا مو كتيلي عاجبج تزورين
اي والله
تدلل شمعه روحي ولا تزعلين
ماشي الله لايحرمني منك
حبيبتي انتي. روحي اقري. فدوه رفعيلي راسي
اوك
بامان الله خليتج
وانت هم بباي
سديته ابتسم باوعت لمليكه صافنه عليه تبتسم
وج هذا شكد يحبج.
اني هم والله روحي بي الله لايشوفني بي مكروه
شعجب بي خير من ولد عمي
حمزززه !! حمزه من غير عالم. من وكت بابا. روحي من الدنيا. تدرين. شكد تعب لخاطري
الله يهدي عليج. كملي كملي راح تسولف
مليكه- اليشوف مصايب العالم تهون علي مصيبته
التهيت بقهرها. يتيمه امر من حالي ومرت ابوها واختها موريها الويل.
كمت اهتم بيها ولووماعرف احجي حجي يبردها بس يعني اداريها بالاكل كمت اركب
واحمد خطيه مكيف
عكب باجر امتحاناتهم ثنينهم مينامون يضلون يدوون بليل. وبالنهار الضهر احمد يدك الباب انطي مندر ومخده ينام على المبرده بالمحل وره ميعزله
واحنا بالغرفه
الغرفه بدت تبين ملامح الانثويه بيها من ترتيب ونضافه
اللي معجبني احمد مكام يروح لنور وبس يتصفن من اطب انطي الاكل الكاه صافن يتحسر
يومين مرت واحنا اني واسينات ابد مطلعنا. قبل الامتحانات بيوم احمد تلفونه عالشحن بالغرفه يمي جانت تقريب الوحده الضهر
باوعت نور
دكيت الباب اجاني
طيته الفون فك عينه وضل يتلفت وسدها حتى مشافني
خليت اذني عالباب واسينات تضحك اشرتلها اش
واسمعه
يرجف ويحجي
الو
وجر نفس
اا لا الحمد لله مسيطر انشاء الله
باوعتله من الزرف يمسح براسه ويفتر ويفرك بوجهه
اخويه عاشك هالارمله
كال
ممحتاجه شي
منو ديتسوكلج
اني رايح للسوك اجيبلج ويايه شتردين
ماكو ممحتاجه هو اروح وارجع اقره سكت اباوعله غمض عينه وسكت
همس
نور ليش هيج دتسوين
هز راسه موافق هو ومغمض
بشر ميغلط مو معصوم اني
يحجي بتوسل نصه راسه همس
اني راح اطلع من المحل
رايح. اني مع السلامه خليج ساكته احسن هيج
وسده ذب التلفون وفرك وجهه يروح ويجي تخوصر وتقدم للباب علينا
انهزمت لهيت روحي عود دارتب الهدوم
دك الباب
باوعت اسينات لابسه
فتحتها
كال
شمحتاجه رايح سوك
عددتله كم شغله كال
خوش ماشي باوع لاسينات
اسونه محتاجه شي
لالا سلامتك
يله ماتاخر حقفل الباب اخاف تتذكرين شي خابريني من اسونه
اوك
طلع وراح
شوي وحسيت دكه يم الفتحه على بيت نور السادها بتعلاكه
وخرت التعلاكه شفتها واكفه وتفرك بايدها
كالت
ههللو مليكه شونج
هها هلو انتي شونج
وشافت اسينات صفنت وباوعتلي
همست
منو البنيه
بنت عمي خطار
هاا هله بيج اسينات تبسمت ورجعت لكتابها
كالت
احمد هنا
توه طلع يتسوك
بقت تباوع لارجاءً الغرفه وباوعتلي
همست
ممحتاجه شي
لالا سلامتج
هزت راسها ونصت رجعت طبت واني رجعت التعلاكه سديت الفتحه
اسينات باوعتلي
هاي الانتيم مال احمد
شنو هه انتيم شنو
يعني دكه الكلب
اسكتي ليسمعج معوده تره ممعبرته
لالا واضح ممعبرته لج ميته هاي
والله مادري بعد شو يصفنون
ايامنا انكضت وبدت امتحاناتهم.
بيومها احمد الصبح طب سبح متوتر حيل واسينات كلسا تبجي وتروني وياهم
لبست صدريتها والقميص لو مدري شصار بيه احمد يباوع بعيوني. يقراني احس
نصيت خجلانه ماريد ينقهر
اخذها وياه للمدرسه مركز الامتحاني مالتها قريب على مركزه
كعدت انتضرهم وارتب واركب حسيت عدي مسووليه. وحابه هالشي وبصفنتي اتذكر سوالفه مانسيته وروح اهلي بكل صلاه وكل دعاء هو ويايه.
احمد- توني اطلع من المحل داروح لاامتحاني وطلعت نور عدها مراقبه باوعتلي وباوعت لاسينات
كلت اذا صاحت عليه اروح مصاحت مااوصل ولا حتى اسلم
داوكف تكسي صاحت
احمد
التفتت باوعتلي وعبست وجهه اشرتلي تعال
ورحت
صباح الخير
هلو شونك مسيطر
كالتها وجهه مليان قلق
اي ادعيلي
والله العضيم كومه دعيتلك
باوعتلها ونصيت تنهدت ليش هلكد اهمج
سكتت باوعت بعينها تباوعلي وتباوع لاسينات كالت صف سادس لو ثالث
لاسادس ويايه بت عمي
امم الله يستر عليها جرت نفس همست
هاي اسينات الحجيتلي عنها
اي هي
خطيه مبين على وجهه اليتم
باوعت لاسينات منصيه تراجع مو يمها الشارع كله
البركه باخوتها
كالت
الامتحان الجاي عربي
رفعت راسي ونصيت
اني موجوده هنا ومها يمي بايته
هزيت راسي لالا ميحتاج
احمد لتسوي هيج كافي
ست نور كفيتي ووفيتي
اني تعلمت عليك ايد ويايه فدوه شنو تريد تروح
باوعتلها وكلبي دك سريع ومن شفت عينها غرغرت تخبلت راسن كلت
هاهي التردي يصير
ابتسمت براحه الله يحفضك لشبابك. يارب
تسلمين يله رايح خاف اتاخر
اقره الفاتحه قبل لتحل ولتستعجل خلي الصف كله يطلع وانت ضل راجع زين
انشاء الله
من ترجع ارتاح والعصر مرلي علمود تقرون واذا تريد البنيه هم وياك
خوش يله فيماالا
الله ومحمد والاولياء الصالحين بكل خطوه وياك
ابتسمت ارتاحيت حيل ارتاحيت
يله اسونه يله
وامتحننت
واحسن جواب جاوبت
طلعت رحت لاسينات جانت تنتضر بس شافتني ابتسمت
ها بشري
تخبل الاسئله
اسينات-وخابر حمزه
الو
ها كلبي بشري
كلش زينه حمزه
يعني ميه ميه
والله ماعدي ولاغلطه. بعد همه وذممهم
احمد يمج وين تلفونه
مادري احمد تلفونك
يو مغلق
شونه
يكول حمزه مجاوب
كليله ايي كلش زين
احمد- فتحت الجهاز
راسن دكت ابتسمت واسينات تضحك
هيج وجهي مفضوح
الو
ههه كلش زين الحمد لله
اوك ماشي اي اي اجي مشكوره
سديته وباوعت لاسينات
اليوم نروح ناخذ محاضره يم ست نور تنطينا مرشحات نحل اساله شتكولين
اي ياريت شفايتلي
ديله. امشي نعسان خرب حضي مافتح اليوم
وصلنا
وثنينا نمنا
جانت عيون الشارع علينا من نطب للكرفان
احمد- سياره اخوها لنور بباب بيتها شلت هم باوعلي بطرف عينه ونزلت مها منها. طبت للبيت باوعتلي صفنت على اسينات من دتطب للكرفان
بدلت وتمددت
اسينات- مليكه جانت نايمه والاكل على نار هاديه يمكن تبسي تمددت غفيت راسن
محسيت الا وي وذان الضهر
تغدينا سوه هالمره جنت حيل مرتاحه لارقيه. تسم بيه ولا كلبي واجعني على ام ضل من اشوفها
العالم الله بحالها هسه
للعصر رحت وي احمد للمحاضره
جانت اكو بنيه لخ هم ويانا
وبدت تنطي المدرسه اساله ونحل
جنت اشطر وحده بيهم احمد كلسا ويغلط ويعصب
البنيه تضحك وتباوعله
ويرد يلزم روحه ويحاول
نور جانت تكوله
على كيفك هدي مو بالاستعجال
احمد- اموت من العربي
هاي شسوي براسك براسك
وضلينا نحل لل٨ بليل مها جانت عيونها على احمد وهو باله بورقته وايد نور حتى مرفع راسه
اثنت عليه هواي وهو يباوعلي كال
شكو عليج
واني اضحك
حدما شوي احسن سيطر طلعنا وهو يتشكر منها من ديطلع كاللها
ويحك راسه
ماعدج مسواك
كالت
وتباوع عليه
خاف اتعبك
لاتعبيش اني رايح رايح فد مره
اي والله وياك فد مره
مثل كل مره
اي اي
تدللي
انطيك فلوس اوكف
لمن اجي عود
ماشي
اسينات- رجعت لمليكه حجيتلها عليهم وهي تبتسم
لل١١ تقريبا اني دااقره واندك عالسندويش
مليكه نايمه
كمت اني عبالي نور
باوعت مها
شافتني فكت عينها
نترت
انتي تباتين هنا
جاوبتها اي ليش
ها لاهيج ردت احمد
احمد بالمحل عكدت حاجبي فاله شعرها والبنطرون والبدي
كالت
ها زين من يجي كوليله مها دزتلك هاي مرشحات
ماشي
باي
هلاو
سديت الفتحه واباوع عالاوراق كعدت احل وهو دك الباب كمت لبست حجابي
كال
فدوه بس سويلي درب دافوت حمام
طب اخذ راحتك
طب وره شوي ديطلع اخذ من الثلاجه فاكهه باوعلي
اسونه اكلي فاكهه شنو هاي حتخيس اكلو. شبيكم
اكلت والله ها صدك هاي مها
التفت رافع تك حاجب شبلاها نتر
دزتلك هاي مرشحات
اخذها صفن وهز ايده كلها عدي هاي طتنياها نور منين حاجتج منا
اي
هلاو اندلت الدرب هاي
ديله اقري وتقرب يم مليكه ابتسم تلمس خدها شو هاي نايمه من وكت
داخت من ونتي
تلمس شعرها وتركها طب للمحل وقفل الباب
واني تعبت
كلت انام واكعد الفجر اقره
خمس ايام مرت
واحمد امتحن عربي مجاوب يعني واني كلش زينه
وحمزه نزل توقعت حيكولي نروح لبيتنا تفاجات يكولي ابقي كملي امتحان هنا واحمد وافقه حتى مياثرون عليج هناك
موخطيه احمد دينام هنا
ادري نايم بالشارع شو بحلك المبرده
وبقيت
شهر كامل كملنا الامتحانات باخر يوم. امتحان رجعت واحس روحي مقبوضه
ومنا جوابي مو تمام فيزياء
طلعت من الامتحان احمد مكيف يموت عالفيزيا
هالفتره مها يوميه تجي لاحمد للمحل تنطي مرشحات
والعصر نروح نقره يم نور
احمد حيل رزن وي مها بس يم نور خجول ومرتبك
شتاقيت لضل ماعرف شون احس روحي تريدها
وصلت توني ودك تلفوني
باوعت فريده
كلبي وكف
رديت
الو ام ضل شونج
جاوب صوت رجولي تعبان حيل
الو هلو اسينات
هلو ابو ضل العفو عبالي ام ضل
جر نفس كال
كملتي امتحانج
اي كملته
زين اذا دزيتلج السياره عادي تجين
صفنت همس
هاذ هو براحتج. اخذي راحتج
اوكف بس دقيقه
جر نفس وتنهد كال
شوي فريده تريد تحاجيج حاولت اقنعها مقبلت كالت خابرلي عليها
اوك دز السياره
الف رحمه على اهلج
سديته وبدلت دااحجي لمليكه راسن كالت
هاي دتودع
لاعفيه
اي شنو لاعفيه مبين دتموت وتوصيج ببتها
صفنت بقيت خايفه جتي السياره ورحت وي سايقهم وصلت ونزلت كبل فت بيت ام ضل
دكيت الباب طلعلي سلام مبين كم يومً منايم ولارايح دوام لان لحيته. طالعه
همست
السلام عليكم
عليكم السلام
طبيت ضل نايمه جانت توها ال١١ الصبح
طلع سلام من الغرفه
واني كعدت يم راسها
ام ضل
رفعت راسها بتعب
همست تبتسم
جيتي اسونه
اي جيت شون مااجي تدزين عليه ومااجي
توقعت سلام ميكولج
لاخطيه كال شونج
اسينات اني هاي اخر ايامي ادعيلي اخلص بسرعه
دمعت عيني ولزمت ايدها جانت بارده ثلج
كالت
وصيتي ضل تعلمت عليج الله يخليج لتعوفيها
شون ماعوفها لا دوم اجي يمها ليضل بالج
الله يخليج مابيه احجي بت خالتي ميته على سلام وهاي قاسيه حيل جهال اخوها مسكطتهم الله يخليج لتخليها برحمتها
صفنت عليها
واعديني تديرين بالج على بنتي وصيت ببيتها. بس مره جبيره بالعمر خاف تضل برحمه اختج وتاذيها فدوه ضل ترفه متتحمل.
وبجت
حتتيتم وانتي يتيمه فدوه لتعوفيها
لتخافين بعيوني
اريد ارتاح اسينات اريد اغمض مرتاحه
والله ماعوفها وروح ابويه
خطيه صارلها شهر بس تتمرض لان عفتيها حار شسوه سلام وهي مالها واهس بشي
هزيت راسي ميخالف ليضل بالج
السوته مرت ابوج علمود بنت اختها لان بت خالتي تريده لسلام وسوت هوسه من عرفت بايته. عدنا وتدارين ضل
هاهي اخذي راحتج حبيبتي.
طلعت روحي كوه اسحل بيها ميته بجي وصلت مطبخها شفت سلام يدخن وايده على راسه رجل على رجل كاعد رفع راسه باوعلي عيونه حمر
ونصه
كال
ماشيها شتكولج كوليلها اي ريحيها
هزيت راسي موافقه
همس
تروحين
اي فدوه
متسلمين على امي
لالا فدوه ماريد اشوف رقيه
براحتج
وصلني ووصه السايق باوعلي همس
اشكرج
هزيت راسي وميلته عالشباك دموعي مكمت اسيطر عليها
طبيت لمليكه حضنتها وابجي وهي محاضنتني نترت
كافي عااد
هو كلمن بيومه هاي شتسوين هسه احنا مو يتامى همزين ابوها عدل
خطيه موتتني قهر
هاي الها الله شتسوي قوي روحج تموت تموتين وراها
هزيت راسي وامسح بدموعي
للعصر اجه حمزه.
تغدينا كلنا سوه
جان حاير بيه واحمد يكوله عوفها يم ملوكه. تعلمت عليها
وطبينا اني ومليكه
سمعناهم يحجون
لك احمد من كل عقلها تكول ازوجه وشنو يعني عمره مخاش العشرين. خلي ازوجه هوً حاب وحده
ومرتبتله الفوك ومعدلته والغرفه اخر طراز
وين ماخذه بيت ام اسينات
اي اتكول اعزله الفوك كله اله.
يابه اسينات تريد ترجع
اي خليها تنام ويايه قابل حاكلها
يابه البيت يتقسم وينباع
تكولي يووو عود لمن يجي عمك موت يحمار
مليكه- تخبلت اسينات بقت تبجي وترددبيتنا ريحه امي
صدك شبيت وطفيت
نامت اسينات واني الوب مرتاحه واني اكلت تبن وذيج هم كاعده بقصر واباوع لهاي الغبيه دمعتها على خدها
للصبح منمت
اول مكعد احمد ديصلي كتله رايدتك بموضوع
شكو خير
اريد اروح لبيت جدي اعيش
شوون
اي شنو شون البيت مال ورثه. وغصب عنها اطب واكعد بنننصه.
مليكه لفي السالفه
مالفها اختنكت. هننااا احمد اختتتنكت.
بقه صافن بوجهي همس
شبيدي عليج عدي ومكعدتج
اي عدنا بيت حدما اني اريد اروح واسينات وياييه. اذا قبلت واذا لااا. وعفته وطبيت للغرفه
اسينات كاعده صافنه عليه
شبيج انتي
صدك ترحين بيت جدي
لعد اعوفها تبربخ. بيييي لو تموت
متكدريلها
ههههه كان زمان اني حروح تجين لو لااا
اخاف منها خاف اشد ويايه
امددداج مخنثه
وين نعيش وياها
لااا نبقى فوك مو بيت اهلج كاملل نبقى فوك. واحمد وحمزه يتسىكون مو تكولي اربع غرف فوك
اي وبيهن مال قاسم وحده معزوله عن المشتمل
خلص لمي هدومج
لمتها ولميت اني كم غرض
خابرت حمزه كلتله. . كلشي محجه بس كال
اذا ابراهيم مد ايده شون واني صيحت
خلي يتجرا بس يحجي كلمه
سمعت ضحكته. كال
سيف المجرب بت عمي
طب احمد يباوعلي بعتب
يعني شون صدك تحجين
تجيي لو لاااا
لج بابا الاحد عرس ابراهيم ومجهزه البيت غير تاكلج هاي
ويطبه الف طوب خلي تفكر تكيسني لو تكيس اسينات
اسينات ابتسمت كالت
اروح وياج اني
احمد تجي لو لااا نترت
كال
لعد اعوفج
ممحتاجه احد اني والله
اني محتاجج مليكه جر نفس ويباوع للغرفه مسح راسه ورجع باوع للمحل
كال
يله كملو وكولولي اجيب سياره
ابتسم وفر ايده على وكاحتي
واني اشتغل بغضب وهمه. واسينات تبتسم وتصفن خاف تسوي شي خاف
واني اصيح
كلللشي متسوي فضيييها
اي اي والله ههه
لمينا كلشي واحمد جاب سياره صعد الغراض وعيونه على بيت نور سالته كوللها اذا تريد
همس
اخابرها عود وافهمها
وطلعنا احمد يباوعلي من المرايه الجانبيه. ويبتسم ويفر بيده
وصلنا وكلي حماس شفت سياره بالباب. سيللو بوكتها كانت فتحت الباب من جوه
واطبب الغراض
اسينات تنزل وعينها عالجوه
راح التكسي وطبيت اني بجبتي الجابها احمد فتحت الباب قوي جانت كاعده ووياها ناس مبين عليهم راقين والكيك الجاهز والاكل عالنار واللبس مالتها الكلابيه والذهب
والكاعدين هم كشخه وهوسه فوك
طبيت باوعتلي وكفت كامت تتبلعم وتباوع للعالم.
العالم صفنوًعليه
تخوصرت شونج مرت عميي
كالت هله شكو شو غراض وعليجه خيرج
ضحكت
يله اسونه امشي لبيتنا.
وصعدت وهي ورايه وين وين
ومدرت بال احمد مفات لان الناس مفرعه
صعدت واسينات ورايه
شفت ابراهيم لاول مره. وي وحده. صاكه ديخلون بالغراض ويرتبوها
اسينات همست
وين غراض امي
واني صيحت
شدتسسسسوي عيييينييي
صفن فك عينه منو انتي
منو انييييي حبيبي هذااااا بيت ابويهههه الي مثل ماللكم انزل يللللا. غراض عمي راجح ويين
بقه صافن وجهه انخرط
والبنيه همست
ابراهيم منو البنيه
صفن
مليكه مو
اييييي تاج راسك. امشي انزل ابن امك امشيييي
وكمت اشمر بغراضهم من عالدرج الفرش والمنادر والجنط والبنيه تصيح
وطلعو من البيت ابراهيم هجم عليه يريد يضربني
دفعته. بقوتي وكع درجتين
وصعدتلي مرت عمي
وتغلط واني اجاوب
جرت شعري واجر شعرها من اول درجه لاخر درجه.
ونفرتها
ارررريد رجال يخط خطوه فووووك. والله العضيم لاابيع البيت وحصه ابويه وحصه اسينات. وتصيرين. بفلس ونص عود روحي لاخوج توسلي. هااا متروحين لاخوج. لو سوالف بنتج. خلصت مي وجهج
بقت صافنه عليه ابراهيم ديريد يضرب وعاط احمد
ابرررراهيمم
باوع لمرت عمي بطرف عينه همس
الضاهر حلتلج الكعده. ام قاسم وصعد ورانا
ضلت صافنه. مشدوهه وشعرها مكفوش واني ربطتي واكعه والحبس تكطعت دكمها طبيت للغرفه لكيت اسينات ترجف
صفكت ايد بايد امداج مخنثه
متت خوف
ايي طبعا. تخافين مو جبانه
يله لج رتبي الغراض غراض اهلج بالسطح باعيهن شامرتها بت المشمور
واحمد ويانا يرجع. بالغراض وكلسا نسمع صياح جوه ابراهيم وامه وابراهيم يتوعد ويتحلف واحنا مو يمنا احمد خربان ضحك عليه تخوصر
صفن
ولج وين جانت عرامتج
جريت نفس تعلمت خويه تعلمت
رتبنا البيت وفرشنا وعدلنا بكل زاويه جانت اسينات توكف تبجي. متذكره شغله
خاكلينا غرفه لحمزه واحمد وهول نفسه وغرفه الي ولاسينات
والمطبخ صغير وصفح غرفه قاسم احمد جان يكول ننزل درج ونخلص ويرد يباوعلي خاف تنغثين من ذولي
لاارى الكلب ولا الكلب يراني
اسينات- اني هم ههه اني هم ابد ماانزل الا تخلصون الدرج عالبرده يله
لليل اجه. قاسم سمعت صوته امه تصيح وهوويرد حقهم تزعلين من الحق حقهم
تالي اخر كلمها كالها
يعني هسه همه فوك
اسينات- راسن نزلت دمعه عيني باوعت لمليكه صافنه رافعه تك حاجب احمد جان طالع يجيب الثلاجه
ورد كال
يمه. يعني همه فوك.
نترت
ايييي فوك فووك رممت وعدلت وسويت الحمام فرفوري. والبواري دم كلبي ذبيته تالي عالحاضر والله يدفعون كل فلس يله اخليهم والنبي باجر اصعد افلش كاشيه كاشيه
قاسم خنس
همس
يمه مليكه فوك
والام تخبلت انت مخببببل داكولة فوك صعدت روحها كون للسما
اسينات- مشه بطكه بسطاله اعرف مشيته بس متوقعته بيوم هلكد ترتبك وتتخربط خطواته
لزم سياج الدرج رجعت مليكه ليوره وطبت للهول
باوعلي ابتسم صعد كم درجه وجر نفس همس
وينها
بلعت ريكي
ببيتنا
جر نفس ونصه
كال بارتباك
اكدر اصعد لغرفتي
اصعد عيني انت غرفتك معزوله محد فاتلها
بلع ريك مرتبك باوع ليجوه ورفع راسه تنهد باوعلي بتوسل
ساليها تكدرين
—-
يتبع
للكاتبه مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!