بارت ٦٢
#منطقة_13
#مريم_السعدي
اسينات- طلعت من يمه وتلفون خليل يدك جيت قريت مكتوب عمار
لزمته داكعده فتح عينه
همست
عمار صاحبك
كعد باوع لسلام بس شال ايده ورد عالتلفون
ها عمار اي بالبيت نزلت انت زين محتاجك بسالفه. ماشي اوك ساعه واجيك
وكف تسالم وي سلام. وسلام كله
شعدك يم عمار
باوعله ونصه
هيج امرله
ادري البارحه انتو سوه لحكت تشتاقله
مجاوب خليل سلام عبس حلكه كال
اجي وياك نتر خليل
شنوووو جاهلل
عاط بي
ووووجعه ببيتي سد حلكك بس
سلام حل عنني
يطبك مرض وعافه سلام وطب للغرفه
بقيت صافنه عليه على كيفك خليل
جر عينه وضرب على راسه شعره ترجرج. نتر
محد اله عدي شي لحد يلح عليه موطفل اني
ماشي ماشي اهدا
جر نفس وجرني بغرفه ضل
همس
خابريها بس كوليلها ساعه وصعدي للسطح. خليل يريد يحاجيج
صفنت عليه
خابريها فدوه
خاف تلفونها مراقب خاف صخام
لالا ماكو شي متاكد
لعد ليش متخابر انت
اني خطي مراقب خابرت من غير خطوط اسمع صوتها واسده مردت احاجيها وااذيها
اوك
خابرتها واباوعله يروح ويجي ردت راسن
ها اسينات
زمرد اكو احد يمج
لالا باعي بس كوليلي شونه هو
زين هو زين باعي يكول ساعه وصعدي للسطح يريد يحاجيج
منين شون
مالج دخل
اي اصعد اصعد باي جتي امي
سدته وباوعت لخليل غمض ومبتسم هز راسه همس
مشكور
وطلع راح بيت خاله
ساعه اقل شفته مبدل ومزين يمشي طاير. وطلع
بقيت بقلق
خاف الام تشوفهم
خاف يلكفوهم
طلع سلام
باوعلي
هذا راح
منو
خليل منو
اي راح
وين
ها مادري
باوعلي بشك همس
تكذبين عليه اسون اشر على روحه يبتسم
هزيت راسي منصيه
مادري عفته وفتت
خليل- روحي تركض ركض الها وصلت لعمار بس كتله كلي تم اعرفه ميردني
سوالي طريق وصعدت
كلبي حسيته شوي ويوكف
خايف عليها موعلى روحي لاامها تشوفها وتسويلها زفه
شداسوي بيها جدوى مابيها مااعرف كل الاعرفه ردت اتطمن. ردت ارتاح. وردت
ردت اشوفها
ردت اشوف لون مي عيونها. يبوو شكد عدي حجي. شكد. معفن بكلبي من ست شهور
صعدت اباوع لسطحهم اضلم مصعدت شنو مكدرت
صنطه حيل عبرت وبقيت الوب
وعيوني عالساعه
الباب بس يفصل بيننا بس هاي الباب
يعني اذا فتحتها ونزلت اشوفها
بقيت اباوع للباب واتخيل اباوع للكيلون ينزل على كيف
فز شكو جرح بيه
تذكرت ضربي الها ودموعها وتوسلها كلبي انعصر جيت انهزم. خاف تعتب ومايتحمل كلبي عتب
لزمت الحايط ارجع. اي جبنت جبنت. منها. لان ضلمتها.
انفتحت الباب وحسيتها صعدت الدجه مال عتبه باب السطح
التفتت روحي الها
لمحتها تباوع ليجوه وتطلع وعيونها عالداخل مال بيت
سدت الباب واني تصخرت بمكاني على فره شعرها السرح
شافتني ووكفت برطمت
ونصت
رجعت التفتت عليها
شبيه. لهفه وشوك انصب بعيوني
تعتبين. حقج
تكرهين حقج
بس والله مثلج اني ويمكن اكثر
صافنه عليه وتتنفس
واني بمكاني متر او اكثر بيننا بس احس مليان عتب وجروح مشتاقه
تقربت مني ووكفت لمعت عيونها بهالضلمه. همست
خليلي
غمضت
هلكد مشتاق للفظ اسمي اللي هي اختارته.
جيت يمها رجلي شثكلها يا الله
وصوتي راح عبالك مدري شبالع مواسه وسكتتني
بس ردت اخذها لحضني ترد روحي الطلعت قبل ست شهور
زمرده
ميلت راسها
شسويت بيج اني
زفت عيوني دمع يشرح عذابي
شسويت بيج كليلي
نصت راسها تشهك
همست
ضربتني خليل
غطت وجهه
وتقربت منها اخذتها لحضني وابوس بخدها المنكع دمع
وين ضربتج كلبي وين وين ضربتج كليلي.
بهاللهفه واشم بكل مكان بخدها جاوبت تبجي وحاضنه راسي
اشرت
اهنا اهنا وشهكت اهنا ضربتني
باوعت لايدها على كلبها
كعدت على ركبي ابوس بكلبها شهكت. بجيت وطلعت قهره حضنتها على كعدتي واشهك
خجلان ميت خجل بس مكدرت الزم روحي
وكفتني
وباست راسي وتمسح بوجهي
لتبجي خليل ادري بيك مجبور حبيبي
زمرد صدك تتزوجين
منو اليتزوج اني مرت خليل وبس اله
صفنت بعيونها خلت راسها على صدري
لتخاف امن. وارتاح ماصير لغيرك وانتضرك
تنتضريني زمرد
اي انتضر شكد يريد يبقى در بالمعتقل يجي يوم لو يطلع لو
ونصت
لو الله ياخذ امانته
اي هزيت راسي مبقه شي وتتحرر
متاكده اخويه. مووياهم لو قاتلي لومسجون
هزيت راسي والزم بوجهه حضنتها
انتضرك خليل انتضرك وابد مشايله عليك احبك وابقى لاخر يوم بعمري احبك
احبج كلتها وغمضت مرتاح
اريدك ترتاح لابد تطلع شمس روح ارجع منين مجيت واتطمن
ماشي
رجعت للحايط خفت لاتبطيها امها وتحس
ورديت رجعت عليها حضنتها شميتها بكل قوتي وهي عصرتني لحضنها ورديت رجعت عبرت اخر نضره جانت ابتسامه قويه وواثقه مني.
نزلت. صخره من صدري انزاحت. صار ست شهور ثكلها. على كلبي
عمار شافني اضحك نصه ابتسم
واني نصيت راسي لاسال لاكتله. طلعت متشكر منه. وروحي راده. لجسمي. عطرها بيه. امشي واشم بهدومي واضحك من كلبي
وصلت لبيت خالي اسونه تنتضر بالحديقة
عيونه مليانه دمع وتروح وتجي وسلام وراها
بس شافتني جتني ركض
من ضحكت وكفت صافنه ابتسمت نصيت راسي
همست
ارتاحيت
هزيت راسي مبتسم
طتني وعد اسونه
حبيبتي
استاهل اني تتوقعين
تستاهل مي العين ابو الخل
كلتلي اصبر واتحمل حدما تنكشف
باوع شون تحبك
اسينات اخ يابه اسينات لج ردت روحي
ابتسمت حضنته دفعني
بروح ابوج عوفيني
شبيك عابت
لج تروح ريحتها هههه تروحً وتضل ريحتج فايت انام اني روحي لرجلج ماالي خلك اصالحه بعدين
اسينات - ثاني يوم طلع. خليل وسلام
بيومها. سلام. ابو دز عليه. واخذه وطلع عدهم. هوسه. حتى قاسم خابرو
بيومها للثمانيه يله طبو
وكبل نام
وب١٢ بدل والتحق جانت عيونه تلحكني وين ماروح وبس تصحله فرصه سد الباب وتقرب مني يصبر روحه. بشي بسيط
ويبتعد لان ضل لازكه بيه
حدما قبل ليروح بشوي
طبيت للحمام الملمه وطب ورايه. وقفل الباب
جان لابس بدله العسكريه
سلام تاخرت
بس صبريني واروح عفيه حظ وياج ولاكعد
تقرب مني بلهفه حضنني ويردد
شيخلصه للاسبوع الاكشر
لتكول هيج ميصير
هالاسبوع احجز لاربيل ونعوف ضل يم امي
لالا ماعوفها
وين اخذها رب الحلو هوًاني من وراها توم وجيري كاضيها
يحجي ويباوع بملامحي تعب نفسه وتقرب بلهفه.
شون بيه اسينات
نتخابر
اي نتخابر اليوم بليل اخابرج
ماشي
بقه يباوع بوجهي تلمس خدي وغمض نزل نضره عينه لركبتي وباعلي
نزع كلادته همس
امانتج ردتلج
ابتسمت
شجابها عدك
من انشمرت ابتسم
من عصبتي وصرتي مخبله
باوعتله ونصيت
لزم وجهي رفعه.
حروح
اوك
من اجي نطلع اربيل
هزيت راسي
باسني منه وطلع جانت عيونه تحجي لهفه.
امنيه بكلبي من سنين حلم متحقق
وتحقق هسه
طلع شوي ودك احمد عليه
رديت
ها احمد
اني احمده متجين لعد
هههه جايه. بس الملم واجيج عدي اخبار تازززه
اني هم يله تعاي
ساعه ورحت لمليكه
بس طبيت لزمتني
اسينات اخوج قاسم فد جلب حتى مملقح
شبي ولج لتحجين عليه
لا والله احجي من وراه تفركشت السالفه. جان هسه اني مسافره اله
شنووو يعني جاب السيفي
اي الحيوان
صفنت
شمدري
ولج ابو سلام وسلام عرفو كالو هذا مخبر عدنا عصابجي مكمل محكوميته وجرجر العصابات خلص شغلهم بي وساعدو يطلع بس لااصل ولافصل
وضلو يعيرون باحمد ميصير وميصير
واحمد سكت اجاني يتوسل اذا تعزيني سدي الموضوع وخلص
هااا وانتي سديتي
لعد شسوي
هاااا مليكه
اي شسوي
شوًباوعيلي
معلينا هسه باعي تره اخوج ديلعب جقه وي ايه موبعدهم مخطوبين
صفنت عليها
شنوو
والله سمعتها تتوسل بي وتبجي وهوًيقنعها
عززه مرت ابويه وين
شمدريني بس الكهرباء طافيه جانت وصوتهم يمي حتى بجت
عززه خطيه
شعليه عشتو بس خطيه يتيمه كلت اكولج
خاف وصفنت عزه بعينك قاسم
جلب مملقح مودكولج—
مليكه- شهر مر واني اتكطع كلما اسال احمد وكلي بعد ديسالون. ادعي كون ميعرفو
واني بمكاني محبوسه ماعاد داومت العياده لان خلو مكاني غيري
صافنه عالشباك مثل كل يوم واباوع للشارع احمد قافل الباب عليه. طالع الصبح صافنه داباوع ولمحت ابو الماطور طب للفرع. ووياه سياره تكسي وكف يم بابنا
فزيت ووكفت
سياره طبكت كلت معقوله هو ونزلت منها مره لابسه عباه اشرلها عالبيت وعيونه تفتر عالفرع تقدمت المره دكت باب بيتنا
ركض بله. ترددلبست حجابي ونزلت من درج. مروه. مهمني احد ابد
طبيت ممرهم ومطبخهم صفنت عليه فازه همست
هاي شنو ششنزلها هاي الخبله
نترت
انتي خبببله
وعفتها اندكت الباب بعد وسرعت مشيتي
فتحت الباب المره بوجهي صارت اتنفس واكح. كالت
هذا بيت مليكه
اي اني
اني ام صديقتها من العياده
التفتت ورايه مروه بعيده
همست
لتخافين اني ٧٨٥٠
همست الحمد لله هاج امانه هاي وتباوع ورايه
وراسن صعدت السياره وراحت
صعدت راسن لبيتنا
وقفلت الباب طبيت الحمام افتح واكح وارجف فتحت باكيتين. تلفون ببطنه
فتحتهً انفتح كمت تكلب فارغ بس رقم
عابس بالنكليزي
كنكت ودخلت واتس اب راسن دكيت. وارجف
دك دك دك رد ساكت
عابس مليكه اني مليكه
تنهد وتنفس بكل ريته
مليكا
ها اني وياك داسمعك
مليكا شونج زينه مابيج شي
االا مابيه
اوففف اووف
شونك انت
مزين انا مزين تعبني بعدج واخوج. دك الناقصه
شلون
رفض مليكا يكلي عرفوك كلهم ماانطيك ماكدر
لاعفيه عابس شوون والله تكلب الدنيا والله اموت نفسي
مليكا ترديني بعدج متمسكا بيا
اي اي اي طبعا
تنهد
مليكا تحبيني
صفنت
شتكول انت
اريد اسمعها
موت احبك انا
هه اخ هههه كلبي كلبي وجعني مليكا
ماعوفك عابس لخاطري لتعوفني مره لخ
ماراح تندمين عكب
ابد لا
تعوفين اخوج مليكا ومانرد النوب
اوك بس اكوله
مو هسا
شنوًقصدك
اسمعيني زين اخوج ماراح يرضى وانا ماعدي الا هالحل
وياك
اها هذا الردت اسمعا انتي وياي
وياك
مراح تندمين مليكا
لالاابد
مليكا شيكولج اخوج كوله كيفك
وبعدين
بعدها حلها عدي دزيلي صوره هوياتج. وجه وكفه.
اوك
مليكا سمعي
سالفه شهر وادزلج الهودج. نعقد سيد ببيت عمتا
صفنت ليش
لحتى تجين لعندي
عابس صدك اجي يمك
ترديني احارب لاجلج وان عدج شك بارداتج واحد بالميا لاتجازفين. لان ماراح نكدر نرد لاخوج
لالا. اجي بس اكوله
بسيطا بعدين عود
اوك
هسا سمعتي
اي اوك
نعقد من جديد
خو بالعقد القديم وعساس ممطلكني
هههه كليتا
شنوه
العقد القديم
شون يعني
لمن داروح المركز خفت لايبقى شي متعلق بيج. لابيه اشككا خاف يلزكونا ولابي احركه محجوز مااكدر ولاعدي نار خليتا لحلكي وكليتا
ههههههههه
اضحكي وانا اتلوا
نعقد جديد
بلي
ومحكمه شون
هاي يمي مالج دخل
اوك
مليكا فكري بالموضوع
مفكره مفكره. ومتاكده من قراري
تنهد وهمس شوكت عاد عاينيني الجهاز ينطمر مااحد يعرف بي بس انا وياج مليكا
اوك
حتى بنت عمج
لالا مااحجي
زين ولمن يطلع اخوج اتصلي بيا فديو
لالا ماريد بعد
ليش ماشوفج لعد
لا ماريد شفت شصار بينا كلها لان سويت ذنب
تنهد همس
على امرج
عابس
بلي. كلبي
ههه
احجي
نسيت
شوكت تنسين هيج عدي واذكرج
عابس اسكت
اوك ههه هسا ردت اشوفج شي
شنو
عايني فتحي كامره علي
فتحت بس اني اشوفه
شفت كاع خضره يمشي ويهمس
جاي تشوفين
اي هاي شنو
بستاننا مليكا
عفيه يخبل
هاي هنا مغقس عايني دجاج.
الله كتاكيت
ههههه يشبهونج مليكتي والله نفس ثبيرتج من تنثبرين ونفس من تخنسين وتنعسين
هههه ياه هذا اسود
هذا ناشز بينهم المكرود
يعني تبيع بيض
والله وديت البارحه للسوك بعتا عالمحلات مو ذاك السعر بس حلو الاحساس
امم
زين بعد شنوً اكو
هاي تعاي اشوفج
هذا. هنا ماطور يزكي وهاي اشجار خير من الله. كلشي بيها
هاي جوز وهناك عنبيه باع هذا خوخ بعدا مالحك
الله كرز
اي هذا كرز انتي تحبين الكرز مليكا
اي تتذكر
ههههه اتذكر كلبي اتذكر
اكو برتقال
اكوش ليجوا
تفاح
اكوش بلي مشكل كلشي وهم ناوي ازرع. بعد لان فارغا لكاع وانا النهار كلا كاعد
مشوفتني البيت
بعدين روحي من الحمام حارا عليج
شمدريك
حسيت اطلعي منا مزين عليج الحر مليكا حبوبج جاي تبلعيهم
اي
خما تخربطتي بروح اهلج
شوي
اويل الللله شون بيج اقتلها لروحي
لاا مواني اموت وراك
سكت همس
خاطر الخلقج لاتجيبين اسم الموت عكب
لالا ماموت
موكيفجً هوا
اهو عاابس
يعمرا. يعمرا ونفس ريتا
لتتغزل ميصير
ماشي امشي طلعي ضمي الجهاز مليكا وابددد لتناقشين احمد هم مغلوب علا امرا
اوك
واحنا وياج نخطط ماشي
اوك بس خطيه اغدر بي
وياهوًالكالج غدر واخليج تخسين هالشعور وضميرج يانبج لاحبيبه لا اتطمني قبل لاتطلعين نكلا كلشي وهوًمخير عكب بس مايكدر يوفض بعد لانج مريتي بس كون تتم على خير
يارب
روحي مليكا روحي
بباي
سديته فرحانه ضميته واجه احمد من سالته حجالي سكتت وهووصافن امنته. كتله شسوي بعد تعبت
سكت
باوعلي
مليكه نور تريد تفصخ العقد
ليش
تريد تسافر
وانت
مرضت اي محاوله تقبل بيت خالتها حاليا هي
قوبت وجهي منه
اذا تحبها حارب احمد حاربها حتىً الها علمودها
صفن بوجهي وعكد حاحبه
هاي شلون
اي اجبرها كلها ماكو سفر اني احبج واريدج ورجلج غصب عنج حاربها حتى الها
سكت صافن
وكام نام
بيوم الجتي اسينات صعدت ايه وصاحتها من طبت يمنا دتحجي وياها اسينات هي لافه الربطه على ركبتها من كشفتها شافتها كلها زراكات
هاي شنو ايه
نصت راسها وتباوعلي خجلانه وتنصي
جرتها بغضب للغرفه واستجوبتها طبيت وره شوي شفتها لاي ميته بجي واسينات صافنه وايدها على راسها
نزلت ايه جوه
وباوع لاسينات
شكو
ولج ماخذها اخويه. ماااخذها
عززه شون لازم يتزوجون
ضربت على رجلها مو كتلها لل—- خليها بيتنا. يمي خالها تكولي لااا اريدها تساعدني لتتدخلين انتي
شون ماخذها متاكده
دتحجيلي هسا تكولي حبسني وبس اتفرج اشوف جسمج وهاهي وانتي مرتي وهيج يسوون المتزوجين تالي منزعها كوه وماخذها
اكولج اخاف عرضي
الويه دتكولي طلع صخاام دم
كالتها ولطمت على راسها
عزه بعينك قاسم
لازم من يجي يتزوج وروح ابويه اكلب الدنيا عليه
هزيت ايدي يبقى جلب هذا اخوج
لتحجين مليكه فدوه البيه كافيني
يتبع
مريم السعدي
نسالكم الدعاء. 😞
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!