بارت ٦١
#منطقة_13
#مريم_السعدي
اسينات- رجعت جانت ضل وحدها بالبيت وام سلام يمها
طبيت وكفت راسن تبتسم بوستني همست
توها نامت فكت صخونتها
ذبيت غراضي جيت يمها نايمه وجهه. احمر بس رايحه خدودها
ذبلانه.
باوعت كومه علاجات وتعلاكه المغذي معلكه. يمها بايدها
ام سلام راحت خطيه محودبه ضهرها. فد نوب
كمت للمطبخ اباوع متسوك كلشي ومكوم بالثلاجه كمت اعزل وارتب وانضف البيت
وكلسا اروح واجي اباوعلها. لكيت ورقه يم راسها مكتوب اوقات العلاج مالتها
التهاب امعاء جرثومه قويه صايره عدها
سويت شوربه
سديت البرده اللي عالباب مال المنيوم اللي يطبون ويطلعون منها
وكملت شغل
شوي وسمعت سياره طبت الطرمه باوعت من البرده سلام
سديتها صافنه انتضر
بس لا يجي
لا حلف ميطب
دك تلفوني
باوعت سلام
رديت ساكته
الو اسينات
نعم
انتي بالبيت
اي
ماشي شون صارت
ماكو صخونه
كاعده احاجيها
لالا نايمه
علاجها بعد شوي
ميهم اكعدها
مشكور ااني بيت ابويه اي شي تحتاجون خابري
اوك
فيماللا
سده ورحت كعدتها كيفت من شافتني. متكدر تحجي حلكها كله مفركس وكلتها كوه شوربه واخذت علاجها
ورجعت نامت
واني بلشت بدراستي
عدت سبوع
ضل تعافت
وسلام التحق
من الباب اجه دكها وودعها وطلع
اكثر من مره خابر ماارد
اكثر من مره حاول يراسل ماارد
شبعت من المذله واحساس النقص اني حاسته. صعب
عطلت ضل بعد سبوع امتحانات شفهيه
يوميه يخابرها ويسولف وياها ويضحك وهي هم كبرت تحاجي مو بدلع
اللي تعلمته هالفتره الاعتماد عالنفس جنت دوم افهمها اني مباقيه. يمج اني اروح لازم تتعلمين
تقبلت بعد كم مره تفهمت
صارت تشغل غساله بديها متخلي الخدامه تغسل هدومها وتشرها
تسبح وحدها وتمشط وتبدل وترتب هدومها وغرفتها
تعتني بنضافتها وتتفهم حتى الدراسه صارت تتعلم تدرس وحدها مثلي ومن تحتاج شي تجيني
فتره مرت وبلشت امتخانات شفهيه ومن ترجع تسطرني هيج سالت وهيج رديت واني اسال وادقق
اخر يوم بامتحاناتها. داومت جان عدي امتحان اني هم
رجعت بالعشره ماعدي شي طبيت للبيت
واتفاجا بضل تضحك وتحجي بصوت عالي
عرفت اكو احد بالبيت متوقعت ممكن. يكون ابوها
صحت
ضلل شهكت وجتني ركض
وخرت البوند من على عينها خلته على عيني
همست
يله نلعب عميان يله شدته بارتباك وخوف
صفنت على تصرفها
فجاه والشريط على عيني كفخت ريحته بخشمي
وخرته راسن شفت الباب انسدت وهي ايدها على حلكها تباوعلي بخوف
ها جاوبتي كلتها كانما محسيت شي
تحجي وعيونها عالباب
يله نبلش نقره عالتحريري
اي
مستعده
اي
بدلت وبدينا نقره
رقيه من بعد مارجعت كثرت طلعاتها وي بنات خالتها
جان السايق يوصلها
لبسها ومكياجها ماعرف ليش صار عدي شك من كثرت طلعاتها
وبيوم من الايام ضهريه وصنطه مرت خالها بكربلا كان نسيم مسافر حسيتها طلعت مكيفه تركض بقيت اباوع من الشباك تلفتت لانحاء البيت وطلعت
حمرتها وردي طوخ والشال مذبوب ذب بس طالعه حيل حلوه
صعدت يم السايق بالصدر وطلعت السياره
الغريب بالموضوع هي ابد متصعد بالصدر
ولو الرجال ب٥٥ سنه عمره بس كلنا نكعد ليوره. الا اذا مكفت
مخليت ببالي شلتها من راسي
وره ساعه ردت شغلات من ابو الاسواق طلعت شفت السايق كاعد بالباب مثل الكابينه اكو
هلو عمو شونك
هله يابه
عمو لعد وين السياره
والله اخذها ابني يوصل ست رقيه
هاا زين اريد شغلات من الاسواق
بابا سجلي وتدللين
طيته الورقه وراح
بقيت صافنه
ابنه
ابنه
ياهو ابنه
جان بعمر احمد وخليل وتذكرته
مره وصلنا
طويل وجنتله بس عوينجي للاخير حمزه الله يرحمه مره تعارك وياه
اخذت الغراض وطبيت
وكانت المفاجئه دك تلفوني رقم غريب رديت. ساكته
الو الو
الو منو انت
الو سلامن عليكم
اهلا
منو علويه اسينات بت حجي راجح
اي منو
انه حمادي ولد خالج شون حالج شون عافيتج
هلو حمادي انت شونك ابنك شونه مرتك زينين انشاء
والله
والله بخير وصار عدنا نرجس
فدوه الله يحفضها الكم
سلمج الله
يابه انه خابرت اكلج الحوش كمل واجرته صار ٣ شهور وخذيت اجار مال سنه ليكدام بس يعلم الله جنت متداين وفيت ديني فكلت اقسطهن الج كل شهر ولمن امر بغداد اجيبهن وياي شتكولين
اذا محتاجها عوفها ممحتاجه اني
لابالله غثيتيني بويه انه ماكل فلوسج والنوب صارت عدي وهسه اكدر اوفيلج كل شهر كل شهرين ادزلج لمن انزل بغداد
براحتك لعد
اذن الاحد اجيبها لج بس خويج قاسم كال تزوجت وسكنت غير حوش
اي والله
مايهم لمن اجي اخابرج دليني واجيبها لج
خوش هله بيك
وبالمهلي منين الخذاج.
والله ابن خال اخوتي
اها والنعم والنعم مهنايه وموفقه بحياتج بنت عمتي هم لاتنسينا هم تعاليلنا فد نوبه
والله على بالي اصلا ارد استقر بالديوانبه
هااا عين غطا وعين فراش صدييك جذييب
تسلم حمادي
ياله اترخص
هله بيك
سديته ابتسم ابن حلال ومتضيع عده. امانه
كم يوم مرت اتصالات وي مليكه بشكل يومي وي دراستي ودراسه ضل ام سلام من جتي من كربلا كامت تمر
تسولف عن معاناتها وي عيالها بدايه زواجها وحمواتها شسوو بيها واني اسكت
تحجي بسلام وتحمد بي مااذاها ولاعذبها ومماذي احد
واني استمع ساكته
جانت تنتضر مني اسالها شخبار الخطبه بس مسالت
تالي هي كالتها
همه طول عمرهم عماته يخوطون ويلوطون تالي ابو سلام يضحك عليهم ويلبس وسلام ميرد. يغلس يضلون ينكون حدما تبزع روحهم اووو بوكتي رادو يزوجون ابو سلام تخبلو شنو باقي عالكربلائيه
وهو لبسهم
بلشت امتحانات والاحد فعلا عصريه اندكت الباب عرفته حمادي لان خابر راد العنوان واجه
تسالمت ويا خله الضرف بيدي ونطاني سله تمر
تفضل متفضل لا عدي شغل وراي طريق
وراح
التفتت شفت رقيه توها تريد تطلع سالت رافعه تك حاجب
منو هذا الولد
مجاوبتها. طبيت همست
كله هدايه والرجال بالواجب شكو منها
باوعتله بخزره جرت عينها وصعدت بالسياره من اباوع السايق موهو ابنه
صعدت تضحك ليوره وهوًهم ضحك وطلع
طبيت لبيتي ضميت الضرف كعدت اقره
جتني ضل
اسون
ها كلبي
اريد حلات
هههه هسه نسوي انتي درسي واكلي حدما تصيرين برميل
والله عجبني
كمنا سوينا كيكه وترستها نوتيلا خليناها بالثلاجه
ساعه تسعه بليل صوت سياره وكفت تصنطت صارت سولتي بالباب
انفتحت باب البيت وطبت رقيه تمشي بهدوء وبيدها ورده التفتت عالسياره تبتسم شمت الورده واشرت باي
وطبت ركض تضحك
خفت حيل تبقى اختي ومردها للاسف نفس اسم الاب
اسبوع مر وكملت ضل امتحانات ومفروض اروح امتحاناتي بعد ممببلشه وضل تتوسل بابا يتاخر ابقي يمي
بقيت لان ماريد اروح لمروه عدي امتحانات
سبوع مر وحمادي رجع خابر كال اني ببغداد واستملت مال شغلي خل انطيج مال شهر الفات حتى يخف خال مكدر اجي شهر اللخ
تره ممحتاجه حمادي والله
لابروحً عمتي لاتخجليني خليني براحتي
براحتك
وهم اجه طاني بيدي الفلوس خطيه وراح كوه اخذ بطل لبن يضحك ويسولف بقه دقايق بالباب وراح
السايق عرفه على انه اقاربي
نايمه بليل تقريب ال٣ توني كملت دراسه وسمعت الباب تنفتح بهدوء كلش
ابو سلام خفر وحراسته ويا بس السايق بره
كمت راسن
شفت رقيه تطب للكابينه اللي بالباب تتلفت
جسمي نممل طبيت راسن واستغفر
ساعه اكثر كلسا اباوع من البرده
تالي لمحتها تسد باب البيت والطرمه ضلمه بس ضوه حمام بيتي والباب مطبوكه بقيت اباوعلها صدفه التفتت صفنت عليه بغضب عين بعين خزرتها فاتت للبيت جرت عينها
بعين وكحه ومتخاف
اعصابي تلفت اذا لكفها شيصير برجلها شيصير بخوتي
اكثر من مره تكررت الحاله مرتين شافتني اراقبها لااهي التحجي ولااني
بس تعبت اعصابي
رجلها اجه وركدت عاد ارتاحيت. كم يوم انطمر
طلعت من الحمام بعد امتحانين واكمل جنت بالفانيلا. والبنطرون. فاركه شعري دامشط مبلل
وانفرج عالتلفزيون ضل معطله وكاعده تتفرج ويايه
فلم عربي مي عز الدين تطلع بي سمينه
تاكل بالكيك وتضحك
اسون
ها ضله
هسه اصير مثل سمن هاي
ههههههه
ثاني يوم جان راس السنه مال ام ايه وابو سلام كالعاده لام خواته امتحنت ورجعت البيت مكلوب تفاجات الرباعي المرح ببيتي ديبدلون
صفنت رافعه تك حاجب طبيعتي ابد مانطي مجال
رقيه كالت
شبيج عيني شصار البنات رادو يسبحون وهناك الحمام مكسور البوري ديسوو
نترت
ضلللل
جتي ضل راسن تباوعلي بحيره
تحضري داسبحج يله
هزت راسها طبيت للغرفه مالته قفلت الباب وطلعت المفتاح بيدي بقو بالهول يتبسبسن.
عززه شكد متستحي عزه شكد عيب
ادري عيب بس مااكدر اجامل احد اعرف بي ياذيني
طبيت غرفه ضل وهمه بقو بره بالهول شوي وصارت صنطه
سبحنا اني وضل وطلعنا بدلت ورحت هناك قفلت باب بيتي والمفتاح بجيبي
طبيت كلهم سكتو. رغم سلمت. جاوبو ببرود
ورقيه مكابله خالاتها
مادري ديصير عدي لعبان نفس بليل بليل امها خزرتها تهمس
ششش لتحجين كدام احد يمه
بقيت اباوعلها عزه خاف البالي صح
شعليه اني
طب ابو سلام ونسيم بيدهم صواني اللحم ذابحين وام سلام تشلهت منطاني كلبي رغم الخدم اعرفها
كمت وياها والعمات هم كامو عاد تسحبت
كلت ابقى وره الغده اطفر على كلبهم
ضل تلعب وي احفاد العمات وعيني علبها
ديحجي ابو سلام وي ام سلام كلها
عود لمن يجي سلام فد ساعه
صفنت عرفت راح يجي مر شهرين على غيابه وخليل ٦ شهور اخابره يرد كم كلمه وينهي الاتصال
تحايل عليه قاسم وابو سلام يرجع وميقبل يكلهم خلوني مرتاح
وصلت حد اخاف اشوفه وماريد يشوفني
توني ارجع للبيت ابو سلام كال
وين عمي غداج ويانا
ابتسمت وبقيت فشلت اخجله
كمت اساعدهم حتى الرباعي المرح تساعدو بالشغل مدري شعجب
دااثرم بالشبنت للتمن باكلا ورقيه تهمس هي واصيل ورايه
ولج فد طوول فد صوت. يمه يمه
شفته ولج شفته. اريده اريده فدوه طيني رقمه اكوله تعال وصلني هههه
ميقبل هو لو ماابو تعبان ميقبل يوصل احد
معليج انتي طيني رقمه والباقي عليه
اا عود بعدين مادري ماعدي يمكن انمسح
صفنت وضهري عليها
طب سلام بسيارته
راسن طلعت من المطبخ طبيت الحمام اسمع الهوسه والضحك بره
ام سلام كالت
لك يمه دفوت اسبح
اي يمه بس منشفتي من يمج. رحمه للعباس لتخبصيني
عزه حيطب للحمام
توني اقفل الباب وطب وسد الباب الحمام اضلم عضيت شفتي
ديشغل الضوه وسمعت طكت الحزام
اوكفف
همست
جمد
شغل الضوه باوعلي فك عينه باوعتله ونصيت
نصه راسه ورفعه بهدوء ورجع نصاه نضراته تحجي
تقربت يم الباب هوسه اكو
باوعلي عيونه تعتب
لزمت اليده شون حطلع شيكولون هسه احجي وي روحي عيوني عالباب
همس بجره نفس
شونج
هزيت راسي ساكته
وفتحتها وطلعت
هوسه يم باب الحمام جانت سكتو واسراء ضحكت صوت عالي
كالت
توازت فد نوب خطيه
باوعتلها ضحكت شسوي اشتياق شهرين ودرت وجهي اصيل من كل عقلها مزنبره
هاي صدك تحجي من كل عقلها معقوله. تدري علاقتي بي بعدهاكلشي ماكو معقوله عدها بي امل
طلعت لبيتي شوي ارتاح من الرفه الصارت عدي
واتذكر نضرته
شنوًخجلان
شنوتعتب عيونك
شنو تسال شلوني
غمت بس ردت اهدا
ليش دااشتاق اله. هواني ششفت منه. حنان. والله لو تدري مليكه تذبحني
مرجعت بعد مداكدر موبيدي شوي وطبت ضل بيدها بلم جبير تمن وعلي لحم
اسون هاي اني وياج بيبي كالت
عاشت ايدها
كعدنا نتغده باوعتلي همست
ماكو بابا اجه بيت جدو
اي ادري
هسه نام بالصاله هناك
باوعتلها وبله ترددسالتها
لابس فانيله عكدت حاجبها
كالت
لا نزعها ونام على بطنه
بلعت ريكي واتخيل اصيل تتحرش بي
كملت ضل
واني الوب
تالي مكدرت
ضل روحي كعدي لبابا شاوري كوليله تعال نام بالغرفه مالتك لان اسينات بيت جدو اوكي
هزت راسها رافعه حواجبها مفتهمه طلعت لبيت الجبير بالمنور شفت اصيل طلعت من الصاله وياها امها
شافتني اباوعلها من الشبابيك درت وجهي تباوعلي عبالك بايكه رجلها
داخوط بالحلاوه واسمع رقيه وبصفها اصيل
كالت
اسينات احلفج بروح ابويه انتي وسلام شنو علاقتكم
ابتسمت باوعت لاصيل
شبيج رقيه غير رجلي
بقت تباوع بوجهي كالت
كذابه اني سمعته يحجي وي خاله
انتي الكذابه شوكت سمعتي من طلعتي بليل رفعت تك حاجب
تخربطت ملامحها لتلميحي
اصيل صفنت باوعتلها وباوعتلي
عافوني وطلعو
تاكدت اصيل متدري بعلاقتها بابن السايق
جتي ضل
يمي
صارت الحلاوه
لا بعد كتيله لبابا
اي وراح
زين
للعصر شفته طلع لابس بدله توقعت رجع التحق
رجعت لبيتي ضل تلعب وترجع يمي وترد تروح
واني
اني مدري شبيه زاعلني ضميري
مشت روحي للغرفه نازع ملابس البيت عالجربايه
شميتها وكعدت عالجربايه
صدك وابجي
صدك وانسى كل السواه
نمت بمكانه ريحته بي ورديت كمت وطلعت
هدا كل غضبي صار رماد كمت اتذكر بس نضراته النادمه بالحمام
لهفته الاذتني وانتقمت مني باول تقارب بيننا
وروحي تحن
طبيت للحمام سبحت ولبست براحتي ستريج مال بجامه وتيشرت وياه تعاليك
وطلعت الخاولي براسي ضل بالهول تكلب بالفون وتقلد حركات الرياضه الزومبا
خربت ضحك عليها داسرح شعري واراقبها من كل عقلها لان كتلها سمنانه
دااضحك وسمعت همسه وراية
السلام عليكم
فزيت التفتت باوعلي ابتسم ويباوعلي من فوك ليجوه
جانت اول مره البس لبس ضيق كدامه موعاد مشلح ضل ركضت على ابوها شالها ويبوس بيها شلت المنشفه غطيت كتفي وادور المشط وين وكع وهوويباوعلي وينصي
ضل تباوعلي بترقب وتباوعله
كالت
هو بابا يبقى اهنا
باوعتله يباوعلي ينتضر اجابه
مجاوبت نصيت بس شبيه ارجف شبي كلبي تلهف يترقب ادق تفاصيله
حتى كرمشه جفنه انتبهت عليها
طبيت لغرفه ضل شوي وجتي تفرش اسنانها تمددت تباوعلي بترقب
تمددت يمها صافنه
شنتضر بعد مو كلتي اطلع. موكلتي اروح
روحي حنت شمسويلي. ليش هلكد شتاقيتله
مكدرت انام
كمت ضل غافيه. فتحت الباب شفته بالهول متمدد مطفي الضوايات وعيونه على باب غرفه ضل و يدخن
من فتحت الباب باوع لطولي فك عينه لبست روب خفيف فوك هدومي
طلعت فتت من يمه للمطبخ
انلوت ركبته ورايه شربت مي تحججت بي التفتت شفت علبه بقلاوه وبرمه محطوطه عالميز
يمكن ابو جابها على روح اخته
عجبتني
اخذت برمه
اكلتها
سمعت خطواته الحافيه ورايه
التفتت وكف يباوع بعيني ونصه
كملت غسلت ايدي
حسيت اخذ من العلبه
تمنيت مليكه تشوفني والله تملخني
جان هاديء لدرجه الازعاج
تعبت مدري شانتضر منه
سديت البوري دافوت من يمه
لزم ساعدي
وكفت اتنفس بسرعه
همس
بس كلمتين وخلص والله
اوك
هزيت راسي منصيه
غسل ايده
وبقه لازم بيد اللخ ايدي
كمل وجرني. لغرفته
وين.
هنا شبيج باوعلي بتوسل
لا
احجي اهنا اسمعك تكتفت
وارتجيت بالشباك الورايه
تلفت وتخوصر
ضل خاف تسمع
لانايمه احجي اسمعك
غمض وتنهد جر ايدي بسرعه للغرفه
تركته مقاومت
سد الباب ويروح ويجي كدامي
بقيت مكتفه منصيه عيني
التفت ووكف تنهد ارتفع صدره
ها باوعتله
شال ايده همس وعيونه لمعت
شون ابدي وياج مداعرف
باوعتله بلعت ريك اباوع بعيونه
تقدم
هواي خربطت وياج مدري شبيه وتنهد انتي. وسكت
نصه فاك عينه رافع حواجبه
انتي مترديني بعد بس فهميني
رفعت راسي باوعتله داريد احجي هو صافن بعيني واني اباوعله ماعرف شلون
بللت شفتي بطرف لساني
وتلاشت ملامحه رخت بلعت ريك
وتقرب
همس
شنو هاي وتنفسه رجف
شنو عكدت حاجبي
تقرب عيونه ذبلت حيل عكد حاجبه
اشاره هاي
شنيه قربه ضيعلي صوتي
تنفس بلهفه وبلع ريكه ولزم وجهي بايده الاثنين بكل رقه. يخاف اعترض وانفر منه
غمضت ارتاحت تفاصيلي رخت اعصابي
همس
ليش بللتي شفتج
تقرب من وجهي كلش يباوع لشفتي ويتنفس.
ررردت احجي وبللتها
خلص لتحجين. وتنهد رجفت ايده وحده بضغطه سنونه
مغمض قوي يستشعر نفسي
شبيك سلام
فتح عينه بهالقرب
شبيه شفتيني وكعت
ددترجف
لا
ايدك دترجف
لا لا
غمض ورجع تقرب
ليش هيج صوت نفسك
اششش اشش
رفعت وجهي وصل شفتي همس
بس شوي اسكتي خليني اتعذب
وتقرب باسني
كانت مثل اللي بخيالي
رقيقه حييل حيل رقيقه مليانه حنيه
شال ايدي خلاها على ركبته ومتركني
ابتعد يتنفس بتعب
مغمض قوي
واني عيوني جرت من وحدها حسيت بجراه ايده على ركبتي
تقرب حضنني ويغمر راسه بركبتي بلهفه ونفسه. بشعري
رجف نفسي
باس ركبتي بهدوء ووكع الروب من كتافي
حسيته قسى بلزمه على كتفي
ابتعدت جمد بلع ريك مغمض قوي
سلام سللام ودكه باب المشتمل
ابتعد فرك وجهه همس
اشتعل سلام
راح للباب صاح
جيت جييت
فتح الباب نتر
شبيييك
نسيم- يولو مفتاح سيارتك سيارتي تايرها نازل
وين مولي ساعه وحده
جهاد مريض فد نوب
شبي
مادري بطنه من الضهر تتلوه
خرب يومك اوكف اجي وياك
طب اني بمكاني واكفه باوعلي ونصه اخذ تيشرته. شال السويج
وصل للباب
ورجع عليه
باسني بلهفه وابتتعد يباوعلي
وطلع وي اخو
واني كعدت
ارجف واتلمس بشفتي
مديكدر يطلع مديكدر يبتعد
شسويت بي اني اثرت بي اني دااثر بسلاام الحجاره
كلبي يدك سريع
كمت نمت يم ضل واتذكر كل شي بيه. يرجف
للصبح توني كعدت
دالبس ضل بره بالحديقه. يم الجلب
حسيت خيال احد ورايه
التفتت خليل تعبان وجهه ويتنفس بخرخشه بصوت نفسه
ركضت حضنته
خليل ياعمري انت
من كلب كلبي انهاريت حضني ويهمس
مالي غيرج تعبان اسونه
ليش ياخويه ليش كون بيه ولابيك
خابريها فدوه حموت
شبيك ياكلبي انت شبيك
يردون يزوجوها اسونه
حجاها تعبان كوه يحجي عيونه مطفيه تعب وصاير ضعيييف
صفنت عليه منصي راسه
شنو
غمض
يردون يزوجوها رفع عينه بس اسمعها تكولي ماريد والله مااجي يمها بعد
بلعت ريك اوكً
تعال ارتاح
كعد ذب تيشرته ولزم راسه
باوع كوم اسبح هسه دنيا صبح
باوعلي عيونه دم
هز راسه وكف وكفت وياه ممصدكه شفته رجعت حضنته حضنني وتنهد
طب للحمام طلعت هدوم من البيت الجبير غرفته بيها هدومه
وجبتها اله
رقيه لاكتني
تخوصرت
سلام اجه
توني اكوله راح وي رجلج همزين سكتت همست مادري
تعديتها اني خليل نساني روحي
طيته الهدوم لبس خابرتها مترد مرتين وغلقت الجهاز
باوعلي وضم وجهه همس
هاي امها
يمكن
انتضر شوي
شنتضر من يدخل عليها اني رايح لبيت عمار
فدوه الله يخليك توني اتوسل بي دك تلفوني
هي
الو
اسينات
اي اي شونج زمرد
سكتت
زمرد
شونكم
زينه انتي شونج
سكتت
همست
اسينات امي خاف تسمع بليل اخابرج ماشي
ماشي اوك
سديته باوعتله بعد وكت كوم ارتاح
اوك
اسويلك اكل
لالا بس انام
اوك تمدد صافن عالسكف همس
هي لو وسكت
جاوبته
لو تريد تتزوج مترد عليه موصح
باوعلي
موبله اسينات
اصبر لليل
اوك غمض غطيته وامسد بشعره غفه جبت كرسي وكعدت يم راسه اباوعله مكرمش عيونه وصاير اسمر طوخ
كم شيبه بشعره الجوزي مزيدته حسن
اتلمس وادعيله
طب سلام من صوت السويج عرفت
همس
خومبي شي
لالا باوعتله ونصيت راسي
شوكت اجه
قبل ساعتين
هز راسه
تنهد وباوعلي رفعت راسي هو واكف واني كاعده. تلمس شفتي بابهامه
وهز راسه متحسر
نصيت نصه على ايدي جرها
وجرني للغرفه
باوعتله سد الباب تقرب مني غمض
كال
الطريق كله اتذكر شصار بيه
نسيت راسي
لوًادري مرايح سكرت وطلعت من يمج
باوعتله ذبلت عيوني وهوو مكزكز على اسنانه
شنو البيج يختلف ليش غيرتيني
نصيت راسي
اني تسطرني مره انييي سلام تاخذ نوم من عيني
باوعتله
لج لتباوعبن هيج تخبلينييي
نصيت راسي
بلع ريك
اريدج
رفعت راسي باوعتله رجفت
اي فهميها شون متردين اني اريدج
ماعدي اطفال
سكت شوي وكال
منعرف الله شكاتب الطب تطور
واذا مصار
لتفكرين بباجر اسون
ضل فتحت الباب هد خدي وابتعدت
صفنت علينا
همست
متزاعلين
لا هه
يتبع
اريده منكم الدعاء لمرضاها بالشفاء
للكاتبه مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!