بارت ٢٢
منطقه13
مريم السعدي
مليكه- جنت مذهوله بيهم شون التمو علي وشون يخافون علي ليش هلكد على شنو اساسا المنذر هوًجبيرهم
جان يمسح عن وجهه الدم ويلف بكدماته وعكروط ويا يساعده كملو وشالو طببو وانفتح باب المنطقه
وطبت اللوريات كامو يشتغلون شغلهم المعتاد.
بس بعدوء لان ابو قبضه جان واج حيل معصب
طب للبيت وهمه للضهر يشتغلون والصوت مكدرت انام من وراه
حد الفجر من ثاني يوم يله سكنو
ارتاحيت منهم ونمت طولت بنومتي .
ومرت الايام متشابهه كم مره المح الو الكامره بس ماميز وجهه من بعيد يصور من السطح من يلتمون على شغله
عزو كامو مياخذو ماموريات وياهم يدزه على غير شغله حانت نضراته. لبو قبضه بشك وارتباك
واني من خلال مراقبتي الهم
درست حاله كل واحد بيهم
غسل كمت مااغسل الا المل ينامون اخاف ريحه الشامبو تطلع
خالتي انزللها بين فتره وفتره حجينا بكلمات تنعد جانت ملهيه روحها من نسلسل لمسلسل
وهيج كضت ايامي متشابهه
فتره مرت دمام مينبح. انتبهت علي بس نايم
يصفرله ابو قبضه يكوم ويرد ينام
حجه وي ابو خبزه
هذا شناطي خاطر الله خاف مسيكت. (يشتم سيكوتين. )
لا ابو قبضه هو مداياكل ششمرله ماياكل
بقه يباوعله حاول يوكله. ماكو حاول يلعبه. يكوم شوي ويرجع لمكانه
عبس وجهه ابو قبضه صاح
نوييير
بلي استاذي
تعال اخذ هذا للبيطري مدري شبي. لتروح لذاك. اللي بمنطفةقه— روح لهذا القريب
صار
شاله خلاه بالبدي وطلعو وابو قبضه يمسد عاى راسه عاكد الحاجب
لليل رجعو وابو قبضه جان طالع رجع تقريب السبعه الصبح وراين توجه عليه لعب براسه مستغرب نومته حتى مااجه على ابو قبضه من طب شال ابو قبضه تلفونه وضل يخابر شوي وطلع نوير من بيت من البيوت
بلي استاذي
اكواك هذا شكلك علي البيطري
ابو قبضه يكول مريض جاي يتوجع نطاه ابر
ادري يعني شبلاه ماكلك
يكول بارفو ونطاه مسكن
بس انا لحقتا
ماعرف
دروح كمل نومتك
بيومها ابو قبضه منام بقيت اراقبه كعد يمه ويمسد على راسه لل٩ الصبح خابر
الوبلى دكتور شونك انا البارحا دزيتلك مكرم السامع جلب ابو سبع شامات فرخ ذيب اسود
ايي عفيه عليك دمام
اكدر اعرف شنو علاجه اي. — اي — زين ماشي فيماللا
سده وفرك وجهه وباوع للجلب
من يمي قلقت وكف تمشه وجابله مي خلاه يمه والجلب مشرب ضل كاعد كدامه ورد كام.
يروح ويجي ويباوعله والجلب يباوعله ويعوي عبالك يون
متت قهر من يمي
اخر شي طلع سلاحه من خصره وربطه بشي اسطواتي ضل يفر بي ويباوع لدمام دمام يعوي عبالك يشكي
متوقعت حركته وجه السلاح علي ودمام خله راسه عالكع مثل الفرفح يرفس دار وجهه ابو قبضه وضرب
صوت كلش خفيف مال رصاصه متوقعت ضربه من اباوع سكن دمام تخبلت شاله وخلاه بالجيس المعلك مال حاويه ولفه خلاه ببدي السياره وشغل وطلع
يابه شصار بيه
قاتل اثاري بس تمرض قتله شكد حقير حتى الحيوان مسلم منك
مااثدك روحي من كعدت ابجي عالجلب شوي ورجع طبب السياره وغسل ايديه بالبوري مال شارع واني صافنه عليه رفع راسه باوع للشباك ونصه شال من الكع محزم ركبته علكه بيده الكرويت وتمدد وايده على راسه ورجع كعد افتر بالمنطقه وغسل بمي الحب مال الو خبزه
ورجع تمدد الجو ثلج وهو يغسل بميزالحب راسه مخبل هذا
تالي طب ببيته بعد مطلع
شهر مر واني ماعدي غير شي كمت اضحك ضحكهم وانطنط بسىالفهم وافهم شيحجون وانتضر بلهفه شحيصير وعلى غفله تعلك مراكض ولعب بالمنطقه ونوبات طوبه الو قبضه بس يباوعلهم ميلعب حدما مره عكروط
تلاشه وياه كله متكدرلي تحداه
وكام ابو قبضه يمشي ببرود وثكل نزع تيشرته بقه بالفانيلا والشورت مثلهم وقبط بوتينه زين
هاي اول مره اشوفه يلعب بس يتحرك برزانه
وبلشو لعب
جان اسرع واحد بيهم واكثر واحد يناور وياخذ الطوبه وعكروط مو قاصر ابد خبله
نوير جان يزبك سريع حسيت روحي داالعب وياها واضحك واشجع فجاءه وكول ابو قبضه وصفر ابو النار شال ابو قبصه ايده وضربها بايد عكروط كال
لتتحده الاسبع منك خالي
ورفع راسه باوعلي يبتسم عدل فانيلته وشورته ورجع كعد لموقعه دخن وفاتو كلمن نازع فانيلته وهوو يتلفت ويباوعلي ويباوعلهم طبو بالبيوت وهووهم طب شوي ورجع جان يعدل بشعره ومزين لحيته الدنيا مغيمه جانت حيل طلع يباوع للفرع ويباوع ليفوك ونصه راسه معثولها من صاح عكروط
استاذي نفوت الفراش يتبلل تره مخنكه غيم
اي اي اخذه وشيل الكونيه مال تمن والطحين. صيح الولد وياكً
صار جوي شالوها وراحو وهوو فات مطرت زختها زخ
واني امددت وره الصلاه صارت ساعه ب١٢ ونص بس لان مطره الشارع فرغ
اسمع ضحكهم جوه وصوتهم العالي
لحد مغفيت همزين مطرت حتى انام واخلص من هوستهم شوي الصوت ابعد
غفيت وهاجز خوفي من ابو قبضه راح نوعا ما ثكلت نومتي. ورجعت شميت ريحه ابد قويه.
فزيت حانت ضلمه كلش حتى البلاجكتر طافي
صميت نفسي
حسيت. احد قرب قماش ناعم بهدوء من وجهي متنفست شوي وسويت روحي رخيت
ووخرها
منو هذا شيريد ابو قبضه توني شفته فات كمت ارجف ومرخيه كوه خاف ادفعه ويحبسني لو ياذيني
متت خوف
رخيت كلش
حسيت بطكه عضامه ورايه كعد بصف المندر مداشوف ابد بعدها بايد دافيه على ضهري مشيت وتقرب من ركبتي بعد شعري منها بكل هدوء ونغزه لحيته الخفيفه مشت على ركبتي من وره
النفس جان حار خفت ابدي اي شعور
من يشهك النفس يرجف ومن يزفره يرتعش
اطراف اصابعه تلمست فروه شعري بكل رقه كشت روخي مكدرت بعد انكلبت بفزه
راسن اختفه النفس
كمت من مكاني داروح للضوه ميت عثره عثرت بواير العيتر وبالصينيه وببطل المي يله شغلته ارجف رجيف
اشتغل الضوه والغرفه فارغه مجان اكو احد اني حسيت محلمانه والله حسيت
كمت اخاف لاجن طلعت راسن من الغرفه اباوع ليجوه والمح عكروط
وي خاله يهمس
البيت فايض
انت شجابك روح هسه يسويلك هوسه
ضل بالي كلت هسه الكه الممجره فايض وصدك انتي نايمه ومتدربن
صفنت اكيد هو اكيد شكد ناقص ونذل ونكس. بس خاله تقفل الباب داطب شفت اثار حذاء على الدرج مال سطح مطينه اثر المطر
بلعت ريك خاف اني دااحلم هو اكيدنزل من السطح
طبيت لغرفتي باوعت الزوليه بيها اثار
ايااااا جلب يعني هو اللي طب هاي اثاره لحد مندري
شون شسوي متت خوف خليت الصندوك مال فاكهه وره الباب واروح واجي رجع هاجز الخوف قاطات عن اول اتحسي رميتي وتكس روحي يربي احميني من هالزمره بجاه صلاه الاصليها سون ياربي ليمتى لشوكت محافضه اضل وخاله تكرلي اولتج وتاليتج لهنا
صفنت على روحي والله الموت رحمه الي رحمه يجوز هسه بهدوء باجر يتخبل يجبرني وصارت عيني على ابو قبضه ديطلع من بيت ابو خبزه
لازم اكوله هو مو كال ميبات هنا بعد ليش اجه ليش طب بحجه المطر شوي وطلع عكروط من بيتنا انتبهت عليه يتختل راسن طب بيت الهودج وطلع منه وتصادف ابو قبضه وياه
هاا واعي
ها هه ابو قبضه اي المطر خذانا
شفت شلون خو مافايض المجره
لا فكيتها هسا
زين ياله فايت انام انت هم فوت ارتاح برانا شغل
اذادضلت تمطر شلون
يتاجل على بعده
خوش
وراحو
رجعت نمت الجو مغيم صوت المطر يبث بالحياه رغم ما نسدود الشباك ومصبوغ بس الصوت عليه يكولج
هاي من رب العالمين وان كان ماكو صوت اذان ولاضوه شمس هذا تواصل من رب العالمين وياج
—
عمي اني احب احلل لكمتي
والنعم عمي والنعم شوف يابه حتى ميصير بيها حك ومحكوك اني رحال حقاني
كالها بنتر بلعت ريك من تغير وجهه وكف كباله وخله ايده على كتفي كال
عمك محمد متداين مني ٥ ملايين كال بنت اخويه ضايعه وندورها. وماعدنا
ومن ذاك الوكت لا رجعها ولا حصلت منه قمري واحد ويوميه. رجلي كضت خيوط يارايح ياراد لبيت جدك لحدما رجعت كال هذا اخوها اخذهن منه
فكيت عيني رجف صوتي
شون يعني يعني شهريه ماكو
اي لخد مايتوفى دينك وانطيك مصرف يومك بس هذا العدي. فيماللا
وعافني وراح شنو نار صارت بيه يعني شون يريد يدور اختي بيهن شييسوي بالفلوس
قبغ واسي طار رجعت للبيت عمي راجح جان توه ديفوت اباسم من شاف وجهي غيم
خيرك عمي
بلعت ريك عمي هذا الاسطه. يكول عمي محمد اهذ فلوس منه علمود يدور مليكه ومديقبل ينطي مشاهره
شنوووه ضيق عينه وعاط
هو اصلا متداين منه قبل وفاه امي راح بيها سافر لسوريا ولمن رجع وره موتته امي كله مو دورت بيها على بت اخويه وانت شعليك. ابني وينه هذا محممممد
وطب ركض للصاله عمي محمد جان نايم وكلاص الجاي مال البارحه بصفه
دفره برجله فز
شبييم شكو مخبل
والله خبال الخبلك كدرتك عالفقير انت دواك قاسم عليش مخلي دينك بركبه هالمكرودددد
صفن عني محمد باوعلي وباوعله وكف ونزل تيشرته. همس منصي هو اني وين وديتهن غير افتر من مكان لمكان ادور عالبنيه تعزت تصخمت
احمد/ حسيت كلبي اتكطع كون املخه بقيت اباوعله عمي راجح مقبلله وتعارك اني طلعت من البيت بقيت افتر بالشوارع
هلكد بجيت علكد عاتبت ماشوف روحي الا بباب بيتنا القديم كعدت عالرصيف وراسي بيدي ودموعي جرت اباوع عالرصيف يلمع نفس مجان قبل
جانت هاي مسووليتي شغلتي اجلف الرصيف وافرغ الزبل واوديها للحاويه
وره ويين انفتحت الباب مدري شكد كاعد اني هنا واتذكر ايامنا فزيت من انفتحت
رجال بالاربعين كال
كول عمي محتاج شي
لالاعمي العفو ومشيت سريع عفته
وين اروح ليلت الدنيا بعد وين اروح بقيت افتر واتفرج العالم كلمن همها شكل كلمن شايل كومه هموم على راسه والله يمشون ويحجون وي روحهم
رجعت للبيت تقريب ال١٢
بس طبيت اسينات وكفت جانت بالطرمه عيونها كلها قلق ومغوركه دموع
السلام عليكم
وطلع حمزه هم
اسينات همست- عليكم السلام تاخرت كلش وبابا كال مغثوث دعيتلك هواي
ماكو شي حبيت افتر شونك حمزه
هله ابن عمي تقرب مني خله ايده على جتفي نصيت راسي
محتاج شي احمد تره اني اشتغل واقره
هزيت راسي لا تسلم
كال
احمد دور غير شغل لينوكل حقك لينام براسك
وهذا الناوي من باجر
الله بوفقك متعشي
مااشتهي
لا تعال ويايه اسو شمسوين عشا فوك
ارتبكت اسينات وحجت
اامي سوت شوربه عدس وبيها كبه طيبه تخبل
اللللله كال حمزه عليج الله صبيلنا اني واحمد
صار صار هسه طياره
وركضت فوك
حمزه- تره اسينات هواي. مقهوره عليك اجتني كالت عمي محمد قهره وهوويتيم وميته بجي
الله يستر عليها. شكد حبابه تذكرني بمليكه وباوعتله حمزه شنو الصار احجيلي اختي شون طلعت
والله حمودي مادري. محدجان بالبيت بس سوي صارت مشاكل وهالتك كل يوم جايه ووتالي راحت
زين منو الاجه سال على خالتي. الشرطه شيردون
مادزي يسالون عليها. كم مره اجو والعالم كلولهم عن طريق صورها انها تتردد لهالبيت
نصيت راسي لزمت راسي بيدي
وسمعت فكه الباب اسينات وبيدها الصينيه همست
شبي مريض
حمزه- لا حبيبه مابي شي جيبي جيبي الصينيه. هسه من ياكل اكل امج يتعافى ايباااااخ الشوربه الزينه تدفيك ابو شهاب
اسينات- ااا هاذي انه سويتها الشوربه فد الكبه. امي
حمزه- تسلم ايديج اسو يله هاهي روحي ارتاحي
مامحتاحين شي بعد
احمد-لالا سلامتج تعبناج
لا تعبك راحه
احمد- تقربت من حمزه وعرفت باجر اخر امتحان اله ويريد نفس اخوته كليه عسكريه
ثاني يوم من الصبح طلعت المنطقه كلبتها على غير ورشه اشتغل بيها بس يعرفون جنت اشتغل عد الاسطه القديم ميقبلون
تعبت واني ادور رجلي راحت
صار ب١٢ ودك تلفوني الاسطه
الو
ها احمد محيت اليوم شنو بطلت
سكتت جريت نفس عمي دادور غير مكان
وين مراح تدور اخليهم يبطلوك يابه اني ناطي خبر لكل ورشات المنطقه محد يشغل اليشتغل عدي لان اليطلع من يمي لو بايك لو مسكط سياره محد يطلع من يمي مراضي
عمي واني مراضي
مبيها شي عمممك لعد منو ينطي دينه
عمي مالي دخل
لعد دروح دور لحد ماتمل اريد اشوف منو يشغلك
سديته منه وبقيت ادور طلعت لغير منطقه قبلوني بس المكان بعيد عن منطقه بيت جدي ولازم كراوي كيتين اصعد ونص الواد يطير بال كروه
بس باقي كم فلس بيدي وهم مهدني عمي محمد اول ماطب فد ٥ اريد جكاير ودوه
واني مااكدر اكول لا صار يصالف انه اني باقي وياه فد غرفه ومحملني منيه
سالفه شهر مر ورد بطلني ابو الشغل بله سبب من لحيت عليه كال
انت جنت تشتغل عد اسطه —
بلي
وليش بطلت
نصيت راسي
كال
روح عمي ماناقص طلايب
طلعت بله نقاش وروحي مكبوته بيه بجي نسوان بفاتحه محروك كلبي. حد شكه الزيك
تالي سوه حساب وطلعت ورجعت للبيت اربع ايام خمس ايام. واني كاعد
عمي محند ياكل بكلبي واني مغلس
مرت عمي تحجي بطال عطال واني ساكت
تملخت. قاسم حجه ويابه. كلي احاجيلك خالي وصدك حجه وياه وكله خلي يجي
لو الدنيا احتركت انكلب البيت كدامي بوجهي كامت مرت عمي تحجي
ميشتغل وي خالم وقاسم يصيح يووم سوالف زلم مالج دخل بيها
انجبببب هااك ممفتح. موسسه ايتام. ابوووك عاف عليه بتهم وضلت حدما شلعت كلبي وانهزمت سوتنا فضيحه وهو ملتهي بسوالف النسوان
وهسه جاي تريد خالك يشغله شيصير. انت واخوتك اربعتهم. مشغلكم وحاير بيكم مااقبل اذا اخذته ورحت اروح وماارجع لهنا. اني كوه متحمله.
تسحبت وقاسم ضل بوجه الاسود خطيه هو وخليل وابراهيم مكدرت بعد. منو يشغلني واني خريج متوسطه بقيت عالبغاشيش. خليني ولا كعده البيت
للعصر بدلت وطلعت لنفس الورشه القديمه احسن شي وكلشي محجه ويايه.
وكمت استلم بالشهر ميه واني٩ ساعات اشتغل روح روحي تطلع واحس خله كوره ويايه
تعبني حيل هذا الماله احد
—
مليكه- شهر لخ مر وهمه بشغلهم لمحت جرو صغير جابو لونه جوزي يروح ويجي وهم جلب بابو قبضه وهو يعلمه. نشط ووكح يضحك
فتره هم سمعت عكروط جوه يهمس دقيقه وطلع
صرت من انام اخلي الصندوك مال فاكهه وره الباب حتى اذا طب اسمعه من ينسحل
اغفه بصعوبه الى اغدي فد نوب من خوفي
شهرين وره السالفه الاخيره وكعدت من النوم شفت الباب مفتوحه واني سادتها
ردت اتخبل باوعت اكو اثار ملكيت شون انفتحت حتخبل
اله اكول لبو قبضه لازم احجي خاف يقتله هذا قاتل لا مااكدر اسكت بعد مداكدر
باوعت شفته نايم عالكرويته والجرو نايم يم رجله موً بالكع
الدنيا صبح وكلها نايمه
انزل واحجي وياه مداكدر اضل هيج اخاف منه خاف نيته شي موزين
ماكوغيره ديطب اروح واجي متحلفه. خاف اسكت واتندم بعدين صفنت بيني وبين روحي كد مابيه حيل وقوه ادير بالي على روحي لحد مايجي فرج الله
ماكو شي يبقى على حاله اي راح احاجي لبست شالي باوعت روحي بمرايتي
ونزلت على كيفي كلش خاله نايمه ومتغطايه بلحاف ثخين تلفتت بالبيت كل احد ماكو رحت للباب مقفوله شون ديطب خرب غيرتك. فتحت الباب بكل هدوء وعيوني على بيت سموره
خاف احد يطلع يشوفني
نايمين شاربين ومكبسلين شيكعدهم
وصلت للباب بطني مغصتني مخبله دااطلع اني
لالا مااكدر باوعت من زرف الباب نايم وايده عاى عيونه والجلب هم نايم
شون اصيحه بله شسوي
اروح لخاله تصيحه لا متكولي شتردين هسه متخليني. اذا اكولها على عكروط
ويجوز تكوله ويلح اكثر عليه
جريت نفس داخلي يرجف خوف صارله بالاربع شهور مشايفني ويمكن اكثر خاف يتخبل من يعرف بيه طلعت
لاازم يعرف عكروط ديفوت للبيت يسويلي جاره
تقربت من الباب
دكيتها بطرف اصبعي ٣ دكات
باوعت من الزرف وافرك بيدي الجلب راسن رفع راسه ونبح صوته يضحك مال جلاب صغار
وهوً وخر ايده من على وجهه دفره من يم رجله نزل بالكع وتكلب ابو قبضه توه يخلي ايده بين افخاذه ورجعت دكيتها بكل هدوء
راسن رفع راسه عاكد الحاجب فاك حلكه رفع راسه عالشباك ورجع باوع للباب
نزل رجله وتحمحم الجلب نبح سككته ويتلفت عالمنطقه عاكد الحاجب
لبس حذاءه وعيونه عالباب
واني افرك بيدي ماما راح يجي كلبي توه يوكف
مشه للبيت وتحمحم
احمم شوي وخر
همس للجلب
ابتعدت من الباب رفع راسه شافني فك عينه وعبس حلكه ولمه لداخل شفته مد ايده فتح الباب واني رجعت ليوره للمخزن امشي سد الباب ويمشي ورايه ويتلفت على شبابيك المنطقه
ويكمل مشيته وصل لنهايه الحديقه بوري موجود مال مبرده نصه غسل وشرب مي ونفضه مره مرتين ونشف بيشماغه وكمل مشيته للمخزن
طبيت والعب بطرف شالي وابلع ريك خايفه فاكه عيوني بارتباك
باوعلي ونصه راسه لغير صفحه محجه شي
ااني ردت احاجيك
رفع حواجبه ثنينهن ليفوك ورجع شعره ليوره وعدل وخله اليشماغ على ركبته
ااوتقدمت باوعلي ودار وجهه
اانت مو عاقد عليه
باوعلي ونصه هز راسه بله صوت
ييعني لازم تحميني من اي احد يريد ياذيني
رفع راسه بخرعه عيونه تركزت عليه ويتنفس عكد حاجبه
اننت موو كلت لعكروط ليطب عدنا ممو مانعه
هز راسه ودار وجهه صفح ييسمع وعبونه بالكع فاتحها كلها
بس هو كم مره طب وصعد لغرفتي. والله
باوعلي وخزر كل عينه
يتبع
مريم السعدي ——-
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!