رواية منطقه13 الفصل السادس عشر 16 - بقلم مريم السعدي

طبت للفرع سياره. حمل مليانه مخضر والولد كلهم كامو وابو قبضه واكف

هاي لبيت عزام. هاي ذبه عد ابو خبززه وهاي لبيت سموره صندوكين تعال لك عريوش  صعد هاي لامك
اجه هذا الجاهل اخذه وركض فوك ورجع نزل يتفرج
فواكه كل انواعها كلها تطبب صناديك للبيوت واكثر بيت بيت ابو خبزه لان بي التركيب بس هاي مخضر وفاكهه للكل فرغ الكيه وضرب عليها
ارجع ارجع
رجعهوها وتقدمت سياره لخ بيها سبع خرفان وتعاونو عليها يذبحون ويصلخون بيها ابو قبضه ذبح اربعه والولد البقيه هم ذبحو الجلب يلوب منا ومنا صاح بي
دمااام اكعددد
وكعد ويفر بذيله تالي شمرله وصله اخذها وانهزم جوه الكرويت ياكلها

بقيت صافنه عافو الدم يوشل من اللشش واخذو السيارات فارغه لزمتني الدهشه. اول مره اسهر لهالوكت يمكن دوم يجون ومادري بيهم والا ليش دوم عدنا فاكهه ولو مو مثل هسه. الاصناف الكدامي اشكال بس ردت انزل بس ردت اخذ منها شفت ابو قبضه نصه اخذ عنكود عنب من الصندوق اسود وكعد عالكرويت ياكله. بهددوء بارد كلش شوي وطلعله عكروط من بيت الاصفر هالببيت الوحيد بناءه كامل هو يطب بي ابو قبضه. الصبحيه من ينامون فاتوقع بيت ابو قبضه طلع من البيت وبيده جيس اسود
واجه خلاه يم ابو قبضه بقيت اباوع عليهم مسح ايد بايد ابو قبضه وفتح الجيس طلع فلوس بس تختلف عن فلوسنا وخر اللاستيكه من الصفطه ببرود ووورق ورق ورق ونطه طبكه لعكروط عكروط ابتسم باسها ونزلها بجيبه. وصاح عكروط
يووولد مشاهرتكم
وطلعو الولد يتشاقون واحد وي اللخ ويتدافعون كام ابو قبضه يصيح اسم اسم ويحسب وينطي كمت احسب وياه
واحد ثنين ثلالثه اربعه خمسه سته سبعه ثمانيه. وينطي لواحد ويرجع يحسب نفس المقدار وينطي للخ. بس هودج نطاه ١٢ كاله
هاي اربعه توصل لاهلك ليضل بالك دزيتلهم مسواك

نصه راسه هودج مبين مغلوب على امره. رغم ضخامته. ويخوف بس حسه ميطلع وبس يريد يروح لاهله وميكدر

وصل لصبحو حسب بس اربعه ونطاه ودار وجهه رافع تك حاجب

نتر صبحو
شنو هاي

نتر ابو قبضه تريددهن لو لاااا اني كايلك نقطتين عليك وانت مدتهده واحد ---- وتريد---

ابو قبضه يحجي بهدوء وميباوعله اباوع صبحو انشال واندك اخذ الفلوس شككها وشمرها بالكع وضل يدوس بعصبيه ابو قبضه ولا باوعله كمل حساب ونطه للوراه اخر شي حاسبه ابو خبزه. نطاه عشر اوراق.

صيح

هالتعب الداتعبه. واحد مثل ابو خبزه---- فشر عليه
ياخذ اكثر مني

جاوبه ببرود ابو قبضه
هذا الدتحجي عليه راعي لكمتك بطنك الجايفه يوكلها يوميه. صير ادمي نفسه. واشتغل بله لغاوي وشون شنطيك
اصلا اني كلشي ماريد منك لو اشتغل عد غير ناس هم احسن

ابو قبضه صاح
اييي يا الله هووودججج هودج فكلا الباب ولك بسع قبل لايغير رايا

وهودج فتح الباب بقه يباوع بالوجوه كلها طبكت وي ابو قبضه. صيح صبحو

مو جنه المنذر طولت سفرته. خله يجي واشوفا شيكول

ابو قبضه رجع نصه عالفلوس صاح

وينه هذا

عريوش وينه المصلخ.

هاذ وين عالدرج
تعال ولك مو داصيح عليك ودي هاي لامك.
عكروط هاي لعمه ضحاوي

ونطاه فلوس

وكف ابو قبضه وشال الجيس صاح
يووولد اي واحد يحتاج. شي لايردا غير لسانه. طبعا. اذا شي بي يستاهل

كلها كالت تتشكر

صبحو كال
اي على اساس منا المصرف هاذ تعبنا

جر نفس ابو قبضه وباوع لعكروط كال

عمرووووط شكلك جلدك حيل يحكك جاي تضوجني ترا
عكروط ضحك بخوف والولد جرو صبحو جوه شوي واباوعلهم صاحت خالتي.
ركضت عالدرج تهمس
مليكه
ها خاله
هاي شوي فاكهه
اباوع صندوك مليان مشكل اشكال واركض عليه اصعده. فوك بغرفتي كمت فوتته للحمام غسلته كله ورجعته للغرفه رغم غرفتي حاره بس البنكه بيها بس تعلمت عليها

ورجعت للشباك اكل واباوعلهم شون يشتغلون وشون يعدلون. دك تلفون ابو قبضه اشرلهم اش وسكتو كلهم رد بالو بزمجره

بلي. عدنا. لمن تسحب قضيتك عن خويلد. احنا نرده الك معزز مكرم لاتخاف ماجايسي

لاتهدددددد تره روحا بيدينا. اسحب قضيتك. عن خويلد ويردلك اخوك
وخله ايده على كتف واحد بصفه جان يباوع لابو قبضه بقلق وابو قبضه يهون عليه بنضره بارده
ابتسم ابو قبضه وغمز للي بصفه
كال
هاذ هو الباجر تسحبها واحنا بعدها نهده خويلد عدا سفرا يطلع. بره العراق الا ندزلك خويك

يحجي ويهز راسه لخويلد اللي مخلي ابو قبضه ايده على كتفه. سد الخط وباوع لخويلد
خلصت قضيتك عليمن خايف يويل

يولددد اكرمو ضيفنا ليكون ناسي

جاوبه واحد
لا ابو قبضه مدلل

زين وباوع لخويلد
حضر اوراقك وجوازك واطلع لاهلك لاتضل هنا ماراح يحل عنك هاذ

وخويلد يهز راسه موافق تقرب حضن ابو قبضه وابو قبضه ربت على كتفه. وبعده عنه

بيومها منمت بقيت بس اراقبهم صارت ساعه تقريب ٥ الفجر وهمه طلعو سفره. كعدو عليها حامض وكرزات وخيار مشيف وبطاله جوزيه مسطره ابو قبضه يباوعلهم ساكت وهمه الضحك اشتغل والغلط وبيهم يغنون انتبهت على ابو قبضه طلع من جوه مندر الكرويت شريط حبوب

طك ثنين بلع وضل كاعد منص ي راسه وكعبره ايديه الاثنين على ركبه رجله الاثنين ولازم راسه بكفوفه الاثنين شوي وخله راحه ايده على كوكه راسه فركه وضرب على راسه مرتين بقوه. ونفره بهزه راسه مغمض وتمدد الولد صارت سته ونص وكلمن طب لبيوتهم وفرغت الساحه بقه واحد فد نوب نعسان شالو شيل وطببو لمو السفره وكوموها بالحاويه الحلو بيهم جانو نضيفين
سته ونص سبعه الا ماكو احد بس ابو قبضه وموجه المبرده عليه. بس منايم بس متمدد فاتح عينه
وكف تلفت رفع راسه باوع للبيت البي البرده بيت عريوش الولد المصلخ دائما

باوع للبرده الحمره باوعتلها اني لمحت المريه الجتنا. سموره. تاشرله تعال وتضحك جان لبسها فاضح تخبلت هاي مو مرت المنذر ولو هو ممتزوجها هاي شنو هاي صعد ابو قبضه الدرج على كيفه ويتلفت خاف احد يباوعله ورجع كمل الدرج طب وانمدت ايدها جرته لداخل البيت

فكيت عيني صافنه
هاي موخوش بنيه يمكن

جنت بذاك الوكت بعمر ال١٥

مرت سنه على بقيتي هنا اكثر من مره اتواجه وي عكروط

بالذات يوم الطلعو الخاطفين. لان جنت جوه اصعد مي الي وصار وكه بوجه ويايه مجنت انزل دون حجاب بقه صافن بوجهي همس
شسمج عمي
التفتت عليه نصيت كال
انه اصير عمج ليش متنزلين جوه محد يطب
لالا ماريد
براحتج. بس ابد لتطلعين للطرمه ابد ولا تطبين للغرفه البصف غرفتج. لان ممكمل بناء ومبيها شباك خاف احد يلكفج.

لالا اني اصلا مانزل اني اصلا بس فوك انضف عالسريع واصعد وومو يوميه.

خوش حجي اكثر من مره حاولنا نطلعج بس مدترهم الحارس المخلي ابو قبضه. كلش نبه طلعتج صعبت حيل

مجاوبت بقيت ساكته.
كال
روحي يابه صعدي

صعدت فوك وسديت الباب جانت عيونه حايره بتفاصيل وجهي احس ممصدك بنت المنذر

فتره شهر. ورجع ابو قبضه. مرت والولد على غفله كلهم بليل تقريب العشره ونص طلعو فرغ الفرع تماما. بس ابو قبضه يوصي ويه
الينلزم. ينسى القطاع. لان تره راح ناذي اهله. اللي مينتبه يروح بالرجلين. واحنا صفحتنا بيضه. كلمن يدير باله على روحه وحياته. محد يدافع عنه ويطلع من مصيبته

وطلعو صعدو كلهم بفد كيه حمل مسلحين وراحو

وابو قبضه يروح ويجي بالفرع بلع حبايه وسوه نفس الحركه براحه ايده على كوكه راسه ومشاها ورجف ايده وضرب راسه. ورفع راسه ليفوك مغمض عينه كعد عالقنفه عبالك اختل توازنه وراها جر العلبه من جوه الكرويت لف جكاره وورثها ويدخن والجلب وياه.

يروح ويجي حتى عكروط راح وياهم دك تلفونه رفع راسه عالمشتمل ابو البرده باوعت عليه شفتها تباوعله وتاشرله دار وجهه وكعد بلا مبالاه. ويدخن رجعت دكت نتر ورد
مووووكتج. ابد اركدي
وسده وبقه يروح ويجي حدما دك تلفونه رد
عكروط خلصتو
غمض عينه يمتى تردون لعد

من يحجي تكول ديصيح مو يحجي هز راسه وياشر بيده

كولكممم العدد كامل

ها ماشي ديله. متانيكم خوش حجي
وسده كعد عالكرويته وارتجه على ضهرها وخله راسه علتاج مالتها صار كبالي تماما اني مشغله الضوه الاصفر مالتي وداباوع عليه من الفتحه عبرتمرايه. الفتحه مو اكبر مشخطه منها الصبغ وداتفرج صافنه عليه وهو صافن عالشباك بس عبالك غير عالم وخرت من الشباك اسرح شعري لان جنت توني سابحه ومنتضرته ينشف ورجعت باوعت شفته عكد حاجبه ووكف راسن ويباوع لشباكي بالضبط تقدم كم خطوه اني من خوفي ابتعدت من الشباك وارجع اباوع ديباوع بعده بس كلبي حسيته عجز عن النبض نشف دمي

رجعت اباوعتخوصر واكف بالضبط جوه شباكي ميل راسه مثل الذيب ورافع تك حاجب كال بصوت شوي مسموع
شنو حجيه تراقيبننه

ابتعدت راسن وركض طفيت الضوه. وارجف اخاف اقترب من الشباك مشافني لا هاي عباله خاله. لاهاي اني متوهمه الفجغرفه ضلمه صارت وضوه يجي من بلوجكتر البره رجعت باوعت وهو على وكفته تقريب النص ساعه يباوع مبتسم وفر ايده ورجع كعد شوي وطبت السياره الحمل بيها الولدووراها اللوري. وهم محمله سلاح وانفرش المشمع وبدو يشتغلون ينضفون ويمسحو بدهن ويخلو بعلب خشبيه بيها نشاره خشب ويربطو بلاصق رصاصي. لحد ماطلع الفجر كلسا افز على اصواتهم لان صوتهم عالي ويضحكون حتى صوت خالتي من خلت الصينيه عالدرج سمعته

صار عدي فضول شنو سوو اليوم نفس كل يوم الفضول ياكلني

الصندوك مال فاكهه اخلصه بفتره مو طويله لان ملتهيه بس اكل خدودي كبرت وورديه وشعري ثخن حيل وملفلف بنعومه ومرتب وجسمي مرتب كلش خالتي باخر طلعه

كالت
حروح اتسوك هدوم الج ولسموره وامر لنعمات اوديلها راتبها
خاله بس شوفي الجهال شونهم

وراحت وتوصي الباب قفلتها عليه حتى عكروط لمن اجه فتحها دكها محد رد ابو قبضه صاحه
تعال العمه رايحه للسوك وشعدها قافله الباب
ارتبك عكروط واني اباوعله من الشباك كال
لا مو الباب ماتنطبك خاف يطب تراب متعرفها موسوسه نضافه

بقيت انتضر جيه خاله. لليل طبت وفتشوها الولد شجايبه من غراض تفاجئت طببت العلاكه وتدردم

وعكروط يرد
يعني كالتلج. وين ولو

يااا اكوله تكولي انتي الخذيتيهم وان مارديتيهم ابلغ عنج لاخليج تخيسين بالقطاع

صفنت على كلامهم شوي ودك الباب مال بيتنا. ابو قبضه فزيت حسيت حيطب للبيت. حيعرف سري ويجيني وياذيني

طلعتله خاله وبده المصايح

حجيييه انتي شمسويا . غير افهم جاي تودين الراتب
اي والله جاي اودي كل نوبه تدزني واكولها شتريد منهم ووين تدزهم
معودا جاي تكول انج خذيتيهم. منها ومبلغه عليج. تكول اجت جابت بنيه. حديثه وعكب اخذتها ووراها جهالي راحو اهي عدها بيان تبني المنذر ساوالها

اكوللله مو اني ها اني عدك وين الجهال

حجيه خاف وديتيهم لغير منطقه هاي تجر براها مانريد نقطه عليج جاي تبليغ انج تبوكين جهال هسا زين اخاف اروح المركز وتطلع بلاوي اذا تعرفين وينهم داويهم ليها

يابه. ماعرف وينهم ماااعرف ذولي مهزومين من عدها لانها تجويهم

بقه ابو قبضه صافن عليها داباوعله من شباك الغرفه منصدكها دار وجهه رافع تك حاجب ورجع باوعلها

عمه من القطاع ماتطلعين بعد فد نوب
ياااا تحبسوني هي بالشهر نوبه اروح للسوك
حتى للسوك ماكو روحا بعد. اذا انلكفتي مو حمل استجواب وتحقيق بدفره تزوعين سيفي المنذر وتورطيننا يله عكروط
وضلت خاله تحجي هو طلع مهتملها وسد الباب وراه

عرفت الجهال سووها وبعد ملكوهم ومكلت لخاله انهم بالمقام مال امام الكالو حنروحله

كمت بليل بس تغيب الشمس اطفي الضوه حتى مابين من اباوع
فتره مرت وشفت بلاوي

حقهم ميخلون احد يطلع منا. لان البقه هنا صار يعرف بلاوي

سموره فهمت انها عليها قضيه نفس خاله واذا طلعت تنلزم

واني بعدني اراقب ومالي غير ونسه صرت اضحك ضحكهم واترقب حركاتهم  واتخبل من يكفرون اكعد العن بكل واحد سبع مرات
وبعدني بعادتي انسى نفسي واصبعي الابهام بين شفتي حتى شفتي العليا اخذت وضعيه صاعده ليفوك لان من اخلي بين شفتي مو بين اسناني يعني بصمه الابهام تدفع الشفه الفوك مو الفك بين الشفه مو بين الاسنان

نوبات احس على روحي اوخره ثواني وارجع اسهه واخلي

وكت نومتهم اكثر شي مستغربته. عكس العالم بالضبط
بمرور الايام

لاحضت اكثر من مره يصعد ابو قبضه بالمشتمل وينزل بعد ساعه يطب ببيت اللي بصف المشتمل ينام. هذا الحجي وكت الصبح تقريب العشره ال١١ من يكونون توهم نايمين

البيت اللي بصف المشتمل حلو تحلى البيوت هنا تقريبا. بي نخلتين بالحديقه وبصفه بيت ابو خبزه
بي تنور طين. وبي طرمه وصناديك المخضر بالطرمه وبصفه جيس فحم يونيه اشوفهم يطلعون منه يسوون نركيله بخبطات تنخبط بالشارع بطاسه ويخلون عليه فد شي مثل الطحين ويعمروها مثل ميكولون همه

ابو قبضه جان بس يدخن شي يلفه بيده ويبلع حبوب وراها ينام

بس هالمره انتبه عالشباك مالتي بعد وراها منتبه اني غلطت من شغلت الضوه وكعدت اباوع لان من باوعت انيد الضوه ومن وخرت من يم الشباك بينت الفتحه من عبر ضوه غرفتي منها صار ضل وضوه وانتبه.

بس من كال حجيه تراقبيننا. عرفته عباله خالتي كمت اخذ حذري الا اطفي الضوه. يله اباوع

الايام تمر واني. يوم عن يوم اكبر واسمن. لان هواي اكل اكلهم طيب خالتي طباخ نوبات تشغل من تسوي بيض او جاي المغرب او يعني الصبح مالتهم

اني جنت اتريك بالصينيه التعوفها خالتي عالدرج. لو بالفاكهه الصندوك اللي بغرفتي اللي كل شهر يتجدد

صلاتي مكطعتها. جنت يوميه بليل قبل مانام رغم هوسه الفرع بس اتذكر ملامح ابويه واني احاول اجبر روحي اتذكر كل تفصيل جمعنا حتى ماانساهم ولاانسى ملامحهم

احمد
احمد شنو ضنه بيه هسه. يمكن عباله متت لو صرت حراميه.

الايام تمشي خالتي اشوفها مره اومرتين باليوم كله ابد متطلع. كله عالتلفزيون ونوبات تجيها هاي الكبالهم سموره واني راسن عالدرج اتصنت

للاسف من ضمن الكلام عرفت العلاقه الزوجيه كلها. جانت تحجيلها عالمنذر من يقترب منها وطلعت لاخالتي ولاهي متزوجها المنذر

انصدمت. كله حرام بحرام زنا وفجور
يوم عن يوم تزيد تطلعي. للامور تذكرت ولد عمي بالذات قاسم من اقترب مني وكعد تعبان عرفت للاسف جان مستغلني رغم ضعفي وعدم امتلاكي للاغراءات

كرهته كلش هو وخليل للاسف ماضل ذكرى حلوه تخصهم بذاكرتي

ايام اختنك فد نوب فد نوب واني على سجادتي ادعي على مرت عمي من كلبي وابجيييي وراها اسكت وافكر بيبيتي عايشه لو ماتت

ومضت الايام. فجاءه. ضهريه وصنننطه المنطقه واني طكت روحي حيل فتحت الباب باوعت ليجوه. خاله مخليه الصينيه مال غده والبيت اضلم. بس ضوه شمس خفيف وصوت المبردات تنعر. رفعت راسي شفت باب السطح مفتوح زلجها بس مسدود الباب درج العالسطح هم ممسيج يعني اقل عثره اوكع وموت من فوك ليجوه من خنكتي جازفت الفضول ذبحني وصعدت درجه درجه خشن صبته بعدها ممخلين فوكاه كاشيه انلزكت بالحايط وماباوع ليجوه اخاف ادوخ كمت الدرج ومشيت بالبيتونه وصعدت دجه الباب بس نزلت الكيلون راسن انردت بوجهي صوتها مزعج فزيت واباوع ليجوه خاف يحسون بس صوت المبردات عالي وصلعت للسطح شفت الشمس واحس روحي جنت بسجن كعدت بالكع راسن حسيت بحراره الكع جوايه شكد ارتاحيت مديت رجلي والدشداشه انمدت ويايه غطت حتى جف رجلي الشمس كامت تصكع بيه واني مرتخيه احس اريد اشبع شمس

تالي وكفت واني منصيه مدنجه باوعت من البلكونه اكو فطر بالحايط عالمنطقه ولمحت ابو قبضه ببيت من البيوت يشيل من مي الحب ويديره على راسه لابس بس فانيلا وشورت اسود يوصل للركبه انتبهت لابس محزم بي سلاح بعدها لبس تيسرت وبنطرون معلك عالشجره مشرور نفضه ولبسه ويتلفت يباوع رافع تك حاحب والجلب بصفه تمشه شوي وافتر بالفرع حجه وي هودج شال راسه فوك البيت المطل عالفرعين اللي يطببون ويطلعون منه السيارات وتركه بقه يفتر بالفرع ويباوع عالبيوت هناك لمحته يباوع على شباكي ورحع نصه ورد طب للبيت شوي وطلع بيده جنطه صغيره شايلها وطلع عكروط من بيتنا
عزه هذا كاعد خاف من انزل يحس بقيت اباوعلهم ضل يحجي وياه. وخله ايده على كتفه وطلع من الباب وسدها وراه عكروط بقه يفتر بالسطح واني راسن نزلت بس كلي حرص ورعب من اللي سويته انترست تراب هدومي وحتى وجههي وايدي ورجلي بس احس روحي تنشطت

طبيت للحمام سبحت وطلعت لغرفتي بدلت وبقيت اصلي واسبح تمنين لو بس جايبه قصص الانبياء مال جدو والقران حان هسه حفضتهن

صفنت واخذتني صفنتي لبيتنا
جان هسه اني صف رابع. عام او. ثالث نهايته

وجان هسه حمودي هالسنه سادس

يمكن رقيه وصلت واني الاشطر منها خسرت كلشي

ترت ببالي حجايه خاله

عذريني يمه صارت طلعتج مستحيله. منا

وكلام ابو قبضه من حجه وي عكروط
يابه ناشره صورها ال---- ناشرتها على انه هي تبوك جهال وتتاجر باعضائهم والعينتين عدها سجل. بالبوك مينجت واحد مبلغ عليها بايكه من محله
صياغ
ابو ملابس
وهسه كملت الحجيه لو تكعد متتحرك منا لهنا لو تنسجن اذا مو اعدام
خاله بوكتها جانت تبحي وتكول والله موعدي هاي نعيمه النكاره

وابو قبضه امر هودج وجماعته اذا حاولت تطلع ينطوه خبر

فتره مرت

وعرفت روحي سجينه هنا حالي حال خالتي
جنت اصفن اكول
بله لو باقيه بيت عمي احسن الي لو هنا

اصفن واشوف الميزان يتعادل بالمساويء

مجان عدي اي حل غير الصبر
الشفته هنا شيب شعر راسي.
سلاح
خطف
وفلوس بالهبل

وشرب ومنكر صافنه عالشباك الفرع صنننطه فجاه صبحو طلع من البيوت يتلفت ويحرك بشاربه ويمشي وصل للمشتمل ضل يفر براسه وصعد

سموره الضاهر للكل موجوده.
موخوش بنيه وياهو اليريد يصعد لعبت نفسي حيل ودموعي نزلت خرف
يجي يوم المذبه تطلع واصير نفسها اباوع للبرده الحمره تتحرك وابجي بقهر .
يمكن لو عرف يخليني مثلها لليريد يرتاح لعبت نفسي وابتعدت عن الشباك احس روحي اكتفيت

بيومها حتى مشتهيت اكل اي شي
بس صافنه
اني شسويت
خالتي شسوت بيه
وين تجيت يمكن لو مقاومه لو بعمر هسه. حان قاومت لو جنت اعرف هيج حجي هنا جان قاومت مرت عمي جان واجهتها وصيحت ويمكن لو بعقل هسه اخذ تلفونها ابوكه واخابر عمي اكوله كلشي

صفنت على حالي وجسمي بنص المرايه المكسوره مكتنزه. صرت مدبدبه.

وشعري نازل لنص ضهري ضفيرتي هالمتنها
سنه ونص هنا
المنذر محد يذكره كام لان مرتاخين تكثر دونه واحدهم يكول لابو  قبضه
اذا رجع. هم ياخذ من رواتبنا لو تبقى ثمن اوراق
وهو ميرد يكمل توزيع

كلها  سةتت عنه اله صبحو وعزو
وهو مغلس عنهم كلش
صبحو كم مره تردد فوك على سموره. من يسافر ابو قبضه. وعزو مره صعد وياه ويتلفتون  ميردون احد يشوفهم

وكم مره شفت شغلات خلتني اركض للحمام ازوع

ببيت نوير وي ولد شفتهم ضهريه حانت ونصهم طالعبن والنص الثاني قبل ساعه داخلين للمنطقه. جانو بمهمه . نايمين. ولد ثنين وره البيت شفتهم بمنضر. قشعر جلدي وركضت للحمام واذب من راسي
تذكرت من وصلت سوره قرانيه. وسالت ابويه
يابه شنو يعني ياتون الشهوات
انكم لتاتون الرجال شهوه دون النساء
وسالته
شنو يعني
صفن بعيني والدي واحمد باوعلي خزرتي وارتبك فضولي باوعتله وباوعت لابويه همست
يعني فد شي عيب
احمد كال
من تكبرين تعرفين كملي يله وين وصلتي
باوعت لابويه يعرفني مراح اكتفي بهالشي اريد شي يقنعني
همس ابويه ويباوعلي برضا مبتسم
بابا يعني رحال يتزوج رجال وهالشي كلش عذابه. عضيم  وهذا  افعال قوم لوط
همست
شكد حرام شون يصير يغضبون رب العالمين وكملت تلاوتي للقران ووالدي ينتبه ويصحح الاغلاط

وهسه تفسرت الايه كدامي

مكدرت انسه المنضر
ابد مكدرت

ليلتين مرت وابو قبضه مو بالمنطقه خالتي تمرضت كامت تتخربط وممنوع طلعتها عكروط حار بيها تالي حابولها طبيب للبمنطقه الطبيب جماعتهم الهودج طب وي عمروط موصي ابو قبضه واني من عالدرج اسمع خاتله مشكل عدها سكر خالتي امبها فضيع عضامه على كوله. ابو خبزه

راح الطبيب بعد فتره صارت صنطه نزلت وكض باوعتلها نايمه
خاله
يمه اصعدي مابيه شي هسه هذا يفوت وهودج فايت طالع اخذي الصندوق هذا مال فاكهه واخذي الحبن بباب الثلاجه والصينيه مال الغده اصعدي بسع ووياج بطلين ثلج من المجمده
صعدت راسن وي كل الغراض سمعت صوتهم واني باخر درجه راسن طبيت وكلبي يدك سريع سمعت الهودج فاتح سماعه وي ابو قبضه

وهو يحجي
ها عمه شونج جاي اليوم بليل
لايمه صرت احسن
ها عمه كل قوي للزمان يلين وانتي بعدج بحي
يمه اذا عدك اتصال بالمنذر كله فدوه

سكت شوي وكال
عمه مااعدي اي اتصال بي كال اني ارحع من وحدي ونطاني تعليمات وتدرين حجايته متتثنى ومتتناقش
ماشي يمه ماشي
ممحتاجه شي هذا هودج يمج والولد هم بمكاني خاف اتاخر
لايوم ممحتاجه شي
هودج وينك
ها ابو قبضه وياك
وصلت بضاعه الالبان للقطاع لو لا
وصلت ابو قبضه ليكنلك فكر
زين ددز حليب لعريوش سمورا ميت مره خابرت شوكت تجي وشوكت تجي
دزيته من اول بارحه ابو قبضه
هاي شنو مرتين اتصلت اليوم
هاي سوله صارت عدها
دسد السماعه دحاجيك

سدها وطلع من البيت باوعت من الشباك شفته طلع من البيت طبيعه شباك الغرفه العايشه بيها ذابه بطن عالشارع متقدمه دباوع واكل تفاحه باوعت هودج خله ايده على خصره ويحجي بالتلفون باوعت خصره جوه تجه بجامته سلاح عدل هدومه وطلع جر من حبل بيت نرير بصف بيت ابو هبزه. تيشرته هو شره قبل يوم وطلع من الباب اللي تطلع عالفرع اللخ
اكلت من الغده لحد منتخمت. يخبل جان تمن احمر وسمج شفت ابو هبز يكصكصه اليوم ويكلي بره كدامي بطرمه واللخ بصفه يخبز وطبكو التمن بجدر جبير

وصبو المغرب قبل يوم شون اشتهيته بليل بس مكدرت انزل ولاخالتي خلت عالدرج لان مريضه. مجنت جوعانه بس عجبني اكل

وهسه كبالي وصلتين تترس ماعون مكلايه. تخبل طعمها وتمن احمر ومغلف لبن طيرته كله وغسلت الصينيه بالحمام ورجعت

سنه ونص اني اتختل وباقيه بموقعي
سنه ونص وعيت على هواي امور وتعلمتها
دخلت ال١٦ واصفن جان هسه صف رابع والاولى لو امي عايشه
صافنه. عالشباك واكل ونسيت الضوه يشتغل دباوع واصب عرك حاره الدنيا واني بس بنكه تشتغل جسمي رافض يتعلم بس نفسي تعلمت
فالكه روحي اعرك واصب عرك بس اني عادي ممحتره
دااتفرج وشفت ابو قبضه فات وكلها التمت عليه. جانت توها العصريه دتصير وواحد دز عاللخ سلمو عليه واشر لهودج كله ماوصيك

وهودج جاوب بعيني
صافنه على حركاتهم مثل النحل من تجي ملكتهم يلتمون عليها صافنه عليهم وهودج طبب. ولد ملثم ومشدود بس ببنطرونه. اكو دم
مدري شصار بيه

اشر للولد تسكت وطببو جوه واحد من البيوت ردت اتخبل وعيوني جرت

من طلع هودج ابو قبضه كال

تصفايه حساب هذا وباوع لصبحو صافن فاك عينه. عالبيت البي مخطوف
كله

صبحوو تصفايه حساب هذذذا اخررر شغل وياهم نكمله وينسونا وننساهمممم ويانا نحطك على راسنا وياهم تطلع بره القطاع ومالك حمايه

صبحو بقه مخنزر عليه مفتهمت شبي

وعافه وراح مثل شفره فلم اجنبي اتفرج وابو قبضه ديحجي وي عكروط كبال بيتنا بالضبط ورفع راسه صفن عكد حاحبه ميل ركبته يركز نفس الذيب  ومضيق عينه عكروط انتبه والتفت وياه اني رجعت ليوره خايفه  ورجعت باوعت بعدهم على نفس النضره وعكروط يحجي وياه ويجر بي مثل اليلهي ومشوًمن يم بيتنا

شون ديشوفني شباك مصبوغ بيضه قاطات بس هالدويره جالغته بالماشه شون ديشوف

لانديشوف يمكن ديباوع على شي بالبيت يمكن فطر لو شي بالحايط

ا

وكت