رواية منطقه13 الفصل السابع عشر 17 - بقلم مريم السعدي

عدت.  فتره سلامات.  واني اباوعلهم جابو  يوم من الايام  ٣ هم مربطين ومكتفيت وطببوهم بيت نوير وبقو بالشارع يفترون الولد

ابو قبضه جان ممرتاح  يلوب  والتلفون بيده اخرتها دك واني كلي انتباه علي ومطفيه الضوه

داباوعله رد وجهه حاير والولد كلها سكتت جانو منتضرين هالاتصال. عبالك

وكف ورد
نعم
وهز راسه مرتبك
بلي اربعتهم يمي نتر بحيل صدر بس هو وجهه مرتبك ويباوع بوجوه الولد والهودج وعكروط

على غفله صاح
ابو حميددد موو يمي الشغله اني العليه جبتهم ونقذتهم دزولي سياره للقطاع ادزهم بيد الولد هاذ هوا

سكت وحك لحيته بارتباك يعظ بشفته كال
صار
صار
اي هاذ هوا
انه كتلك فض البيننا كلا خلصت مصالحنا بس صبحو ماجاي يكعد
لا انا اعقلا جاي اكلك انا اعقلا. هاذ اهو دزلي سياره خوش حجي

سده وباوع لعكروط اشرله بركبته
طلعهم وصبحو قسم بالله لا اشرب من دما  يعني الليله جان راحو ٣ شبان منا من ورا سوايتا
جاوبه عكروط
صار هسه

وطلعوهم للمخطوفين وصعدوهم بسياره مضلله بيكب وطبو لطرمه البيت اللي يطل عالفرعين

وراحو وياهم كومه ولد بحيث الشارع  نصه فرغ محد تغده اليوم حتى ابو خبزه حاير بيهم  ضليت ادور منو ناقص منهم عليمن خايفين منو ال٣ ولد

شوي وطب صبحو لازمي جماعه الهودج منا ومنا ويصيح ويدفر برجله وابو قبضه ساكت متخوصر وهو يصيح ويكول

ملك دخل بشغلللي انه عدي جماعه نفس ماانت عدك شنو انت -- ومتريس علينا تريس على ربعك انه جبير بحيدي
وابو قبضه ساكت يباوعله بغضب وبرود
وهذا متخبل

شوي وطببو الولد ال٣ من باوعتهم يا ذوله
اهل السيارات اللوريات  التجي محمله. منضفات واجبان وينامون بيت عامر اخر بيت بالفرع

اجوي مدمايين واول مطبو نزلو على ايد ابو قبضه يبوسون بيها انقهرت عليهم رغم عصابه. وكامو يحجون

ابو قبضه. باعنا.  شفتا. يكوله. للتفس اخذهم وانطيني العدك ذولي ابو قبضه يدفع بيهم دم عمره. والتفس ماصدك لمن سمع باسمك راسن خذانا وهو اخذ العالم. وين وداهم تراهم وجاها ذولي ابو قبضه لاتورط روحك اربع شبان مثل الورد وابو هم ادمي لواء ابو قبضه

ابو قبضه باوع لصبحو ببرود همس
ردو لاهلهم
وصبحو تخبل
انت ماتعرف شسووويت انت وجيت نار بينا وبين التفس
بينك وبينا حبيبي اني مالي دخل اني الولد ولدي واخذتهم انت الدخلتهم عليش تبيع وتشتري بيهم فوك ما ملفيك

شوف اكووولك. لاهي منطقتك ولاانت المتريس علينا. انا وانتا واحد. والمنذر لفانا وسوانا على يامال انت تقودنا انا هم الي جماعتي 
اذن روحلهم وخلصننني.

خااااير ولدك يردون المخطوفين للتفس تصير مو زينااااا
يصير اللي يصير انه مالعب بدم نضيف لو جانو نكاسه اردهم بس ذوله نضاف
دكوللك تصييير مووزيننننااا

صيح
همس ابو قبضه ببرود ودار وجهه مبتسم
سوي التريدا توه ديكعد وصبحو فلت ايده من الولد اللازمي بعصبيه واخذ سلاحك من خصرك وضرب واحد من الولد اللي توهم. راجعين جماعه الهودج براسه ووكع

لحًضاات صارت من شفته وكع وصارت صنطه عطت وكلها عاطت لاااااا
ابو قبضه فك عينه كلها وشال ايده عقج اصابعه كفوف ايده الاثنين مثل الليريد يمرد بيده وعيونه تخوف فاكها كلها صاح بعلو صوته

صبحيييييييي صوت رعد وتقدم عليه
واني انهزمت من الشباك صافنه
قتلو
مات

عامر هذا.
اعرفه دوم اشوفه
يعني هسه طلعت روحه
متت خوف
اني وين
اني  هنا
اني اني يمكن يوم يصير حالي مثله. ارتعش وابجي كاتمه. صوتي متت خوف. رجعت باوعت شفت ابو قبضه لازم صبحي ويركع براسه بكل قوته بالصبات يردون يجرو منه ميكدروله. كوم التمو عليه ويصيحون هده ابو قبضه راح يموت

وهوا يصيح
عوووفووو اليوم اطلع بروحااااا ولك اني مخلي هنا. لحتى مايمووت النوب يقتلوووو انا مهزمه من الامريكان النوب يقتلووو اليوم اطلع بروحك

همس صبحي ماعرف شنو وهو بيده مثل الخركه راسه كله دم
وذبه من ايده بقوه بالكع
الحقير ضحك يستفزه
وجروبواحد من البيوت

اباوع هو دج نصه على عامر ويبجي بهدوء والولد التمو ابو قبضه.  يروح ويحي لازم راسه ويصيح. ويكفر بعلو صوته لزم راسه وضرب عليه بقوه ورجع باوع لعامر لزم منحره ورجع كام صاح
دفنوووو دفنو هاذ هوا
واخذ حبوبه من جوه المخده لمحته يم الحب فرغ الشريط كله. بحلكه وشرب من مي الحب ودار على راسه كومه مي ورفع راسه ليفوك وطب جوه صاح قبل ليفوت
ماشوفا. اذا شفتا اطلع بروحااااا

محد رد عليه والشارع فرغ الهودج شاله على كتفه لعامر وميت بجي وجماعته ويا صعدت بالسطح مديت راسي قبلها خاله دتباوع تلفزيون مسلسل والتلفزيون شعلواته بغير ملكوت او يمكن متعلمه صعدت للسطح مكدرت اريد اشوف وين حيودو بقيت اباوع من الفطر مال حايط شفته طلعو من الباب اللخ رفعت راسي ضلمه الدنيا مابين ودموعي تجري شفتهم وره الفرع اكو بستان جول كامو يححفرون طولو هواي ودفنو دمام جان وياهم الجلب. كملو دفن واني اباوع عليهم

ضلمه الدنيا بس ضوه اللايت مال سياره وطبو للفرع افتريت وباوعتهم من البلكونه كعدو بالكع شوي وكام واحد من جماعه هودج. طب لبيت ابو خبزه طلع اله مدري شنيه وربطها بالكهرباء طلعت مي قوي وبدو يغسلون الشارع من دمه المطفر عالصبات

والكع والهودج مسكت شوي وطلع عكروط نطاه حبايه من جيبه اخذها وبلعها وطب ببيت اللي يطل عالفرعين محني ضهره. متت بجي اباوع الشارع كام يلمع ورجعو كلشي بمكانه حتى دمام غسلوله. وفرغ الشارع من وكت اليوم

نزلت لازمه بالحايط طبيت الغرفه طفيت الضوه. وحاولت انام. حدماغفيت واني ابجي

واحلم بطيف. برد كلبي

احمد محبوس بصندوق اخضر وانفتح الصندوك وطلع يمشي ويوكع ويرد يمشي ويوكع حدما اتزنت مشيته ووكف عدل وفوكاه مثل الكمر يمشي وياه

وفزيت فجريه كمت صليت هنا ماكو صوت اذان اني علشمس افرزن. صليت وبالسجود شكد بجيت تمنيت ارجع تمنيت اكدر اطلع

واروح اكيد اخويه يدير باله عليه
باوعت للفرع كم واحد كاعد يفترون بعدهم منايمين نزلت لخاله لان عكروط بره وحجيتلها
خاله سويلي جاره طلعيني منا اخويه طلع اني شفت رؤيه
جاوبتني صافنه كالت

مليكه تآلفي وي وضعج هاي انتي تبقبن هنا سواء انلكفتي اولا. اجه المنذر او لا انتي بقيتج هنا بعد اذا عرفو ميعوفوج واذا معرفو مراح تكدرين تطلعين
كالتها مايسه وايستني حيل صعدت. ابحي واتذكر عامر من وكع متدمي راسه بقيت بوضع خوف ورعب اني بنص قتله
يارب اني صايمه ومصليه وكلي ثقه بيك هالشي اله مخرج ونهايه يارب اني مو منهم ولا مثلهم عساها بعافيتج مرت عمي دعيت من كلبي دعوه يتيمه  محروك دمي

يعني معقول عز وجل يرضى بيه ادوس طريق الغلط واني من تكويني صلاتي وقراني واهلي لشرف نسب برد كلبي واني افكر بهالشي واكول حاشا لله بيها حكمه ربي اختبارك

هالفتره عقليتي تفتحت رغم انغلاقي بغرفتي وعدم اختلاطي بس كان كل موقف يرجعني لاهلي سبحان الخلق ذاكرتي القويه جنت باي موقف اتذكر ايه قرانيه واتذكر عبره ابو يه يحاول يوصلها لعقلنا الصغير شي وكام يتربط جنت اصفن بصغري بعدم مفهوميه هسه صارت قطع اللغز مكتمله تقريبا  عدي وصلت فكرته بكل موقف

ورجعت لموقعي ورجعت لمكاني اكمل صلاه وارجع اتذكر شي صلاه لخ وارجع اصليها ماريد اتلوث بيهم وتندثر تربايه اهلي

مرت شهور عكروط كم مره شفته وانهزمت فوك يرد عليه
علكيفج عمي علكيفج لاتوكعين

واني ماديرله بال اكمل الدرج
لا انت عمي ولا الي الشوف اكون بنت اخوك اجاوب وي روحي
اختفى ابو قبضه ورد رجع وصبحو وكت اليسافر يصعد لسموره ونوبات وي عزو مو وحده وبليل بليل ينزل عريوش مصلخ بس تيشرت. لابس صيف شتا ميهمه
حافي
ومصلخ
اسود شحاله ووصخ
مره لمحته يكمل  قواطي الشرب مالتهم وحده وره اللخ.  وهمه يباوعوله يضحكون عليه

صبحو جنت المحه بالضهريه يكعد من ابو قبضه مسافر والمحه يخابر واذا لمح الهودج يطلع من الباب المشترك يطفر يطب بيت ابو خبزه وهودج يريد ياكله بعيونه
طبيت ال١٧ جنت احسب شهر شهر حتى اعرف رمضان ورجب رشعبان واصومهن اذا نضيفه

ونوبات الاكل يخبل مثل اللحم عالتمن لو التكه والكباب مااكدر اقاوم افطر

شعري صار يخبل واصل نص ضهري وملفلف بنعومه لان المنضفات اليجيبوها كلها ريحتها طيبه.

ابو قبضه جانكلش  نببه للاخير

مره طلعت من الحمام مكمله غسل حنت وره كل مره اغسل اغسل هدومي واضل انفض بيها واشرها على شباك الحمام
رغم ماما  الله يرحمها  محذرتني هي وبيبي انه هالشي غلط موزين بس ماعدي غير مكان واخاف اصعد السطح  واتجرا اشرهن جنت اصعد بالبوكات

وكفت يم الشباك مطفيه الضوه واسرح بشعري

رفع راسه ابو قبضه ابتسم وفر بيده صار بوجهه هودج كال
ها ابو قبضه شو تضحك
هاي عمه تضحكني  ههه مجلبه بالدنيا
ليش هههه
يول كل ليله تسبح والريحه تسكر الفرع مدري تسبح بعطر واليشما يكول عطر حديثه
هودج- هههههه لعد لو شايف الداخليات اللي تشتريهن تكول مال عروس
ابو قبضه - لا واك هاي لسمورا
هودج-ها والله ماعرف وسمورا هلكد قياسها. معود هاي يرادلها طول يتفصل داخليات
ينعل — هودج هههههه.

بقيت صافنه خفت لا ينتبهون زين شون هو الشامبو ريحته قويه واني غبيه اغسل هدومي بي والتهويه مال حمام عالفرع تطل طبعا توصلهم الريحه

هو ذابتها براس خاله

جانو ديخبزون بس ريحه الخبز  تخبل نفس ريحه العروك الجانت تسويها امي وفعلا طلع عروك
احنا جنا العروك نسويها وي اللبن وجبه نعتبرها هسه لا مسوين تشريب مليان لحم ومصفطي عالعروك  وخلت خاله الصينيه. واني قبل شوي ماكله مال قبل يوم بارد. جان مقلوبه بس متحملت الريحه نزلت راسن ابتسمت خالتي
الف عافيه يمه عيشي يمعوده هاي بعد صارت حياتج
اخذت الصينيه هبره لحم وطاسه لبن مغلفه واربع خبزات عروك ودست حد التخمه واباوعلهم من ياكلون وكانما اني وياهم دااكل جانو متمعتين  بكل لكمه واني هم

كملت وداباوعلهم

واجه عزي يسمو عزو

صديق صبحي صبحو
ابو قبضه رايدك بجلمه
شرايد لك
ابو قبضه ليمتى صبحو يضل محبوس  بالقطاع اعمالنا وكفت
يريد يطلع بعد ميفوت لهنا

ابو قبضه موحجي هذا احنا ربينا سوا
وكف ابو قبضه نتر هساااا شرايددد
ابو قبضه صبحو لازم يطلع ويرد نفس كبل براحتا

وان ماطلع
يساويلكً مشاكل ابو قبضه صبحو لازم اعمال ناس كبار وانت تعرف

جر نفس ابو قبضه بغضب هز راسه كال

كله اي غلطه اخذ الويلاد واهد القطاع لبكان هو مايعرفاا

سكت عزو وباس ايده يضحك ورد كمل حجي
ابو قبضه-ماشوفااا بكت الاني بي واعي ماشوووفا
صار صار ً يالا اترخص انه
باوعت لابو قبضه يعدل بلحيته وياشرله بحاجبه روح

لل١١ بالليل اجتي سيارات حملو كل الولد بيها وراحو فرغت المنطقه بس ابو قبضه وعكروط والهودج والخمسه الوياه بالباب حراسه

غفيت من وكت اليوم وحسيت الصبحيه تقريب ال٧ كمت. صافنه شسوي تقربت يم الشباك شفته توه ينزل من فوك من يم سموره ويتلفت كعد عالقنفه ولزم راسه بحركته المعتاده خله راحه ايده بوسط راسه وفركه لبدايه جبينه ونفضه ودك عليه ثلث مرات وتمدد الجلب اجه انحشك بي

هالايام الجو بي كسره والصبحيه الجو يخبل ومغطين الفرع بجينكو واكو فتحات تهويه. يطب منها الهوا البارد مال الصبح شفته نام صعدت للسطح بسكوت. حتى عكروط مطب للبيت اليوم

صعدت بالسطح اتشمس باوعت بالبلكون.   مديت راسي عالفرع رغم ما مغلف بس بيتنا وبلكونه السطح تطل عالفرغ اذا احد بالفرع ورفع راسه يشوفني مديت راسي بالبلكون باوعتله وراسن رجعت
الجلب راسن نبح نبحه وحده وضل يحز بين سنونه لمحني حس بيه واني ختلت رديت باوعت من الفطر شفت ابو قبضه يباوع ليفوك عاكد الحاجب وايده على راس دمام
وكف ابو قبضه واني وخرت من يم الحايط احس حتى من الفطر يشوفني رجعت باوعت من الفطر شفته مشه سريع. للبيت اللي بصفنا عرفت حيصعد عرفت شك اكو احد انخرطت خوف ركض نزلت مرتين تجلب بجامتي بخشونه صبه الدرج اللي بله سياح ردت اوكع واعدل روحي ركض نزلت باوعت الغرفه مبيها شي حتى توني ماسحه شايله المندر مرجيته عالحايط وركض نزلت لخالتي وارجف

سمعت طبه عالسطح مالتنا كعدتها مثل المخبله
خاله خاله خاله فدوه احه اجه
ولج شكو منو المنذر
لالاخاله شافني ابو قبضه بالسطح وصعد
ضربت على خدها ولزمتني قوي من جتفي ودفعتي ببطن كنتورها وقفلت الباب ورجعت نامت عالجربايه
واني خنست ارتعش رعش نفس متنفست

مرت دقايق وصوت المبرده ينعر وهناك بين صوته

عممه عمه واعيه
ها ها عمه شكو اجا عمك
علساس كانت نايمه كال
هه لا بس ردت اسالج باب السطح ليش ماقافليها

ها اني قبل شوي صعدت اختنكت تدري محبوسه فتريت شوي ورحعت نزلت

اسمع وارحف بقه ساكت كال
الغرفه الفوك ياهو يصعد بيها
جاوبت راسن
اني اني مره انام هنا مره فوك حتى مصعده فاكهه

كال
بيج حيل تصعدين

كالت
هاي لمن احتصر اغير جو ااا اريد ابدل مكاني اصعد

كال

ياله نامي ارتاحي كعدتج اني
هله.
اايوم سد الباب وراك

ها مو متنطبك تعاي زقفليها

كامت خالتي من شحطه رجلها شوي وطبت هسه تفتح الكنتور هسه تفتحه ماكو مرت ربع ساعه الا فتحته
وتنهد
طلعت وضربتني على راسي ولج يثوله يغبره لو لاكفج

خخاله هو بس صعدت للسطح وو
بعددد متصخمين وتصعدين شوفي مليكه انتي كبرتي واني عافيتي على كدي تردين تسمعين كلام وتبقين هيج والا تره تصيرين بيد الولد والله

بلعت ريك هزيت راسي موافقه همست اصعدي ولي باب السطح قفلتها كوه وصلت جيت اموت
اي خاله ماشي

صعدت وطبيت للغرفه. شفته من الشباك يروح ويجي يباوع عالسطوح ويحك بلحيته والجلب وياه يروح ويرجع
رجع تمدد ونام عالكرويته وعيونه عالبلكون عاكد الحاجب حدما غفه

خرب يومك عبالك ذيب الا شوي ويلكفني

لا وعود مدك الباب على خاله حتى خاف اكو احد ميحس بي عبر من البيت اللي بصفنا عالسطح بعد حراميه وقتله شريد اكول
جانت الهبطه لليل ماخذه من حيلي كمت بس اتجطل من الخرعه السطح جزت منه فتره ولو اشتاق للشمس اللي ماتطب لغرفته غير شعاع واحد اثر كبر الفتحه المسويتها

وهو كلما يكون وحده اشوفه صافن عالسطح وعالغرفه. وعالطرمه مالتنا.
فتره مرت وانتبهت اكو ضوه يصير الصبخيه تقريب ال١٠ الصبح. وكت الكل نايم. مثل لقطات الكامره. من انتبه زين عزو يطك صور للمنطقه للبيوت للوريات اللي بالبيوت حتى لصناديق الخشب مال سلاح

بقبت صافنه
ممنوع دخول الاجهزه ام الكامره بالمنطقه. غير ابو قبضه ولا واحد عده

ضليت اراقبه. ومرت الايام. بده الجو يبرد

الغرفه ثلج وخالتي طتني هيتر دومي عالكته واخلي قوري جاي عليه احمي الاكل عليه.

وفجاءه. اجه اليوم اللي. ينكشف المستور
دااكل من الشباك واباوعلهم

هوسه بالفرع تقريب ال١٣ واحد
وطب صبحو ابو قبضه باوعله ودار وجهه اجه يمه مدري شكله وابو قبضه. بلحضه نفض راسه وضربه كله وهو ابتعد ينزف من راسه ويضحك عبالك خبل
صاح
اخذذذوهم. لكفوهم وكدامي كلبجوهم وصعدوهم للسياره. مالمكافحه

وابو قبصه صافن عليه مخنزر ممصدك.
صبحو-متصدكني مو خابر واسال
الفرع صار صنطه. بس ابو النار كال

عليمن يحجي ابو قبضه عالولد
والو قبضه بعده صافن عليه بخزره اخذ التلفون واتصل رفع راسه ليفوك واني كاعده صفح وصدك ضل بالي ميل راسه على شباك غرفتي وضيق عينه وحجه

الو حمادي الولد وصلولك رخت ملامحه وسده باوع لصبحو
كال

اذا عرفت انت وراها هالسالفا وداعت سود ايامي. لا ازوعك العافيه
ورجع اتصل ورد باوع لشباكي اني وخرت مبتعده حسيت يباوع ببطن عيني

كال بصياح وثقه
حجي الله يساعدك وكمل

الولد اليوم ميباتون ميصعدون للنيابه

غمض ودار وجهه رافع تك حاجب

حجي جاي اكولك الولدميباتون الليله بالتوقيف
زين
ماشي
خوش
لعد شيل البيننا حجي الغي كل الشغل
لاالك ولاعليك ولاالي ولاعلي هاذ هوا شوفلك غيري

سكت شوي وابتسم
لاهاذ هوا عشت ومتكصر سده وباوع لصبحو صبحو عيونه زنبرت همس بصوت بس اني سمعته

صبحو اسمك نزل. متكدر تطلع من ال—-
فك عينه صبحو
وانه شعلااي
انه كتلك نقطه عليك بقت وخلصت فلوسك

ابو قبضه تره تخسر
خسرررران وداعتك مالي ربح. غيرهم روح اعلى مبخيرك. اركبه.

والمنذر ان رجع
اي لمن يرجع عود ونصه راسه يبتسم

بقه صافن صبحو بغضب
الفهمته يمكن صبحو مبلغ عليهم او حاركهم. والو قبضه شال عن صبحو الحمايه كله. للي خابره. الحجي مثل ميكول. مالي دخل بصبحو وجماعته
صبحو ضل يحجي وي الولد بصياح وهمه تفرهدو من يمه
يرضيييكم. هالحجي شبيكم شجاكم مخانييييث

ومحد يرد علي بقه. ابو قبضه وعكروط بس. وباوعلهم صبحو
كال
مراح اعوفك
سوي التريده وزيددد العيارر نتر يبتسم ابو قبضه ودار وجهه

بقه صبحو صاير نار وابو قبضه للفجر ينتضر الولد وطبو مضربين مملهين هدومهم عليهم وصيح الو قبضه
يووولد الحكو لصحبانكم

وركضو اللي يعالج واللي يغسل بالدم واني دموعي تجري لالمهم وطلع صبحو يركض
ابو قبضه. مويزن انلزم الحك. خابر الحجي
ابو قبضه اصلا مباوعله. ويباوع للولد واحد منهم كدر يحجي كال

استاذي هو الباعنا استاذي. انه سمعت الضابط يحجي بالتلفون. ابو شيبه. ويكول وصلت البضاعه ابو صباح

صبحو خزره ونتر ابو قبضه مووويزن انللزم. خابر الحجي.

وابو قبضه همس ويباوع للولد بالكع يداووهم

مالي دخل. بيك وبجماعتك .
صبحو اركض وجر نوير. وخلي سلاح على ركبته كال

ان ما اتصلت وتلاحكت اقتله

ابو قبضه باوع ببرود عليه عكروط لزم ايد صبحو من ورا واني من شده اللتوتر نترت ايدي من بين شفتي وانضربت بالشباك صار صوت راسن ابو قبضهبس رفع راسه ورجعه على العكروط وصبحو ضلو يتضاربون ونتر سلاحه بالكع
ولزمه ابو قبضه والولد التمو

خنكه من ركبته. وشاله وهذا يرفس واني كمت بله وعي الطم على راسي حيموت حيموت
شال سلاحه من خصره وضربه بجتافه. ضربتين وشمره
بلحضه الضربه عطت وابتعدت من الشباك الطم الطم مثل المخبله. وارتعش
مات مات
ورجعت باوعت شفت خالتي. بالطرمه. جرو الولد خربان طلعو بره. ركضت للسطح واباوعلهم شحيسوون

شفتهم طلعو واحتي سياره اخذته الهودج سمعته. كال

ابو قبضه يكول ان شفته اقتتتله خلاص

والسياره طلعت بشخطه

نزلت ارتعش جتي سياره طبت للفرع الولد كلهم صعدو بيها والو قبضه يوصي وعيونه عالشباك والطرمه رافع تك حاجب

عكروط ديصعد صيح ابو قبضه

عكرووووط انزل
ابو قبضه غير وياهم مو هيج اتفقنا

لا انزل رايدك ويباوعله باتهام
نزل عمروط بكمزه وضرب على السياره صاح اطططلع.

طلعو المنطقه فرغت حتى ابو هبزه وابو. النار راح وياهم

وابو قبضه يروح منا ويجي منا ويعدل بلحيته
عكروط صافن عليه
ابو قبضه شنو السالفه شبيك

باوعله بغضب. همس وصوته وصل ليمي

صيح العمه
عمتك جوا
توها جانت هناااا بالصبه شافتني لمن ضربت صبحو

وطب عكروط اباوع لبو قبضه يباوع للشباك وينصي راسن ويعدل بلحيته مضيق عينه. طلعت خالتي للطرمه داباوعلها

ها يمه بيك ردتني

طب للطرمه وبقت الباب مفتوحه عكروط وخالتي واكفين باستغراب يباوعوله وهوو صافن عليهم باتهام وشك

كال

يوال واحد اسالكم

خالتي اباوعلها تتلفت بينه وبين العكروط والعكروط ملامحه بهتت خوف

كال
ماشر على شباك غرفتي
منو هنا بهالغرفه
راسن ردت خالتي
ها هه هاذي انه.
نتربعصبيه
عممممممه انه مو عابس اول عمههههه. منو هناااا. وباوع عكروط كال
المن ضامين. ومنهو اليراقب تحجون لو اصيح العودج وجماعته ينفضون البيت بذاك الوكت محد منكم يضل هنايا
مليكه- انخطف لوني رجعت ليوره وايدي على حلكي. ارتعش. رعش. لبست حجابي واتلفت ووين اروح
بقيت اباوع عليهم وانخي بالله

العكروط وخالتي. يحجون ويحلفون. لا يابه متوهم

لا هاذي انه
لا ماكو احد
وصرح بصوت عالي
هوووووذج
ولزم ايده عكروط همس
هونك هونك
وباوع لخالتي كال
وضحى احجي
ابو قبضه فرك وجهه وطلع سلاحه من خصره سحبه. نزلت راسن جوه وسلمت امري خالتي تتوسل والله ماكو احد والله يمه محد

اسمع صوتها مديت راسي وره الباب اشوفههم شفته مخلي السلاح براس العكروط وخالتي ساده الباب صيح
متووووقعت تخونننني ولللك. ولك اخااف عليك اكثر كل الولددددد

وعكروط مغمض ومن يفتح يباوع لخالتي يهمس
احجي وضحى
طلعت وارتعش رعش

منصيه راسي الخوف الرعب احساس مو الموت لاسي اكبر يمكن اول مره اتمنى الموت هالكثر ولا ياخذون شرفي ووجه ابويه
همست

خخاله ونزلت دموعي مسحتها. واتذكر سواياته مجرم قاتل. وزاني وفاجر ماريد ابين ضعيفه كدامه

صارت صنطه وخالتي بجت

رفعت راسي شفته عامد الحاجب مستغرب كل الاستغراب يباوعلي ويباوع لعكروط ولخاله ساكت

همس من بين سنونه بغضببب ومنصي وعيونه عليهم يباوع من جوه كصته عروك ركبته بينت ونفسه. يخوف كال بعصبيه. وصوت ناصي
منين هاي ——

يتبع

اعرف هواي تكررت احداث اعرف. هواي لحيت بعملهم بس ردت اعيشكم بينهم واوصللكم فكره الخطوره البيها مليكه شكرا لتحملكم

مربم السعدي
الحمعه ارتاح بيها وباذن الله السبت ينزل بارت

شكرا للتفهم

و