رواية منطقه13 الفصل السادس والستون 66 - بقلم مريم السعدي

مليكة: خزرة أحمد وعتابه، فسّر قلبي وصياح عابس، وحركة قلبه ليعرف شيسوي. ساعة يتوسل، ساعة يصيح، من ما يهتم له. لحد ما أحمد شال التلفون، عينه مدمعة وباوع لي. هذا الخنتي ثقتي وثقة أبوك لخاطره. حجيتها بشهقة من القلب. رجلي! صيح: أنجبببي وسدي حلللكج.

سد الخط ورجع اتصل بعابس. طلع من الغرفة والتلفون بيده. قفلت الباب عليه وحصرت راسي بين رجلي. أريده بكل غاية ووسيلة، أريده إن كان أحمد قبل أو رفض. مستحيل أتقبل غيره. ما أعوفه لأن ما عافني. أغيره بيدي وبإذن الله يتغير. ضميري أنبني حيل. حجاية أحمد صح وأنا الغلط، ما يوگع لي كل ما أغلط أنضرب.

أسمعه بره يحجي ويصيح، وراها سكت خنس، كام يحجي بهدوء، حاولت أسمع ما قدرت. جسمي نمّل، بردت حيل تغطيت وأرجف. ما أقدر أعوفه والله ما أقدر. أحمد: شتريد لك كل ساع أدگ؟ راح أكسر السيم كارت، إذا وصلت تصير مو زينة ترى. أبو قبضة: اسمعني أبو شهاب، اسمعني بعدها. التريده سوي. ما يحتاج عمي، ألف رحمة على أهلك، رجعتها. لهنا بالحفظ، شتريد فلوس تدلل، تعال للمحل وأنطيك التريده بس حلّ عنهااا. الفلوس خلهن إلك خاف تعتازهن.

طالع من حركا: خاف ما كفنك الدزيتهن قبل سبوع؟ أحمد: خنست ووقفت مزنبر، أعصابي رجفت. أنت منووو؟ أبو قبضة: أبو شهاب اهدأ واسمعني، داخل عليك وعلى جدودك. أحمد: احجي أنت منوو؟ أبو قبضة: لازم تهدأ وتسمع. أحمد: هديت، تفضلل. منين تعرفني؟ محروگ جر نفس ورد: أبو عمر تعرفه؟ صفنت فاك عيني. الهودج أبو عمر تعرفه؟ أحمد: إي صاحبي، همست وغمضت. أبو قبضة: يا خو الدلا عليك، يا هو الدزا؟

اسمعني من البداية، أنا لا رايد أذلك ولا رايد الأذية لأختك. أنا البنية بحياتي شريتها. ربيتها بعيوني ثمان سنين. ثمان سنين أخاف أعاينها بغلط وأقول يجي يوم أردها لأهلها، ما تعيش هنا مو مكانها. أحمد: رحمة الله والديك وكثر الله أمثالك، هسه شرايد؟ أبو قبضة: ما عندي والدين ولا أعرفهم خويا. أحمد: أستغفر الله ربي.

أبو قبضة: أنا داخل عليك وعلى جدودك. أنا انولدت من جديد ويشهد عليّ الخلاگك وخلقني، حلفت بمرضها ما أدخل لحلقي النوب لقمة حرام. مشيت عدل لخاطر أستحقها. أحمد: يعني أنت من كل عقلك تحجي؟ أبو قبضة: أدري جبيرة. وأدري مو ثوبي. بس أنا هم بشرر. أحمد: أنت مجرررررم، أبو قببضة. أبو قبضة: أعرف. وسكت تنهد: أعرف بس خذيت جزاتي، سنين عمري كلهن هاي المضت أنا أتعاقب. أحمد: مو مشكلتي بربك، أنطي أختي لواحد قاتل أربعااا؟

سكت ورد جاوب بصوت ناصي: يعلم التعبده، واللي أخاف أذكر اسمه لأني مو كده. يعلم أنا السويته، كلا في سبيل دفاع عن النفس والقانون حكم لي هم. أحمد: أنت كضييت حييياتك بالإجرام، شتخررربط؟ أبو قبضة: بس عمري ما أذيت أحد. وغلاة أختك. أحمد: أستغفر اللللله. بابا حل عنننها. وفهّمه لأبو عمر فلوسه توصله وليوصل لي بعد د... أبو قبضة: اصبر اصبر بس انطيني عطوة. أحمد: شرايدد بعدد؟

أبو قبضة: أكسب بيّ أجر والله أنا بغرب وما أقدر أرد للبلد، جان اجيتك وأگعد وياك. وأحجي بس ما عندي غير الاتصال. أحمد: بابا سالفة خلصانه. أبو قبضة: أبو شهاب، أختك سنين أداري بيها مريضة والله ما تتحمل. ولا أنا الأقدر أعيش بلا أمل منها، النوب إذا غيري حط عينه عليها والله يكف قلبي. وتخش بخطيتي تعرفها الخطية تاخذ ثلثين من الحيل. لا أنطيها لواحد ابن حرررام ما معروف أصله أحسن.

أبو قبضة: وأناااا بيدي. هلي عافوني وشردوووو. أنا بيدي صرت ابن حرررام. لو أن متربي عندي أم وأب ما صرت مجرم. لو أن شايف حنان نفس ما شفت. تلگاني من الجامع ما طالع. لا تظلم أبو شهاب لا تظلمنا. سنين سنين عندي أخاف عليها وأداريها. سنين أراقب وأخاف تعتازون شي. كله تحت عيوني. أحمد: السيارة شلون حصلتها بهيج سعررر؟ أبو قبضة: ابن عماك يا هو الرداااا لكم. جان هسه شبعان مي ورد. ما يگعد أرعن مچلچل.

أحمد: بقيت صافن عليه، أنت منو بس فهمني؟ الك إيد بكلشي؟ أبو قبضة: أنا أعرف الزين والما زين أبو شهاب، وهديت كلشي كلشييي. وسلمت روحي لأجلها بس. حتى أبدي نظيف أرجى أروح لك فدوة، أرجى خلينا نعيييش، همست. أحمد: اعذرني أنت ما تعرف بسوالف العشاير، احنا سادة أبو قبصة. أبو قبضة: أعرف. أحمد: زين تعرف. إذا انطيناها لواحد ما عنده أصل. جر نفس وذبه: تعرف إذا انطيناها لهيج واحد تتبرى منها العشيرة وقتلها حلال يصير.

أبو قبضة: بس أنت قلبك طيب على أختك، واقع ببختك أنا وياها. أحمد: لا مستحيل بابا، حيجالها باجر عگبه. منو أصلهم فصلهم؟ أبو قبضة: أنا عندي أوراق تثبت قانوناً عندي اسم. وسجلي نظيف. ماكو داعي عگب كم سنة نحجي بالأسود. أحمد: راح ينحجي بي، تصير مشاكل، الدنيا مو بس عسل. حتصير بيها أيام مرة. وناس تعيّر ناس ويطلع. السيان كله.

أبو قبضة: ما راح أزعلها بيوم، وأنا مو ذنبي أنا شنو ذنبي هلي ما رادوني. ما تگولون يخلق من ظهر الفاسد عالم والعكس؟ أحمد: أبو قبضة. إذا تحبها. وتريد راحتها عوفها اطلع من حياتها. أبو قبضة: ما تگدر تعيش دوني. أحمد: تگدر، الله منعم علينا نعمة النسيان. أبو قبضة: ليش ما گدرت أنساها أنا؟ أحمد: مو مشكلتي أبو قبضة، أنا جيتك باللسان أخذ وحدة. وأكسب بيها أجر حيت على أختي. جر نفس: ماشي بس روح شوفها رحمة لأبيك.

أحمد: أنت مالك دخل بيها. أبو قبضة: زين هذا هو بس شوفها، بس روح عليها خاف تخربطت. أختك مريضة سكري أبو شهاب. أحمد: ما بيها شي، مالك دخل، لازم تعرف غلطها. أبو قبضة: زين هذا هو بس شوفها، اسمع صوتها ما بيها شي وهذا هو. أبوس إيديك. گمت رحت للغرفة همس: لا تسد الخط بس أتأكد ما بيها شي وخلص. أحمد: ما سادة بس لا تخابر بعد. أبو قبضة: لا هذا هو. أحمد: دگيت الباب ما ترد. صحت مليكة. أبو قبضة: وهذا حر نفس يرجف.

أبو قبضة: أبو شهاب فدوة، ادفر الباب. أحمد: مليككككه، فتحي. ما ترد. أبو قبضة: أبو شهاب هاذي متخربطة نوبة سكر عندهااا. أبو شهاب اكسر الباب شگد بارد. ذبيت التلفون وگمت أدگ قوي ردت بصوت خافت: هممم. أحمد: افتحيها يللله. سكتت خنست. گمت أدفر بالباب، قاسم دگ الباب الهشب صاح: أحمد شكوو؟ أحمد: ماكو شي شوي تخربطت. أحمد: افتح لي الباب لا تخبلني. سديت الخط على أبو قبضة. وفتحت الباب لقاسم. أنا وإياه ندفر بالباب لحد ما طگ القفل.

لگيتها واگعه، ركضت شلتها وقاسم ظل بره. أحمد: أگعدي بيها ماكو صفرة. ذبيت مي بوجهها والتلفون يركع يدگ. حست تباوع لي وتسد عينها. أحمد: شو باوعي لي. مليكة: دايخة. أحمد: من خرب غيرتج، إذا عندج غيرة أخذتي حبابتج؟ مليكة: إي أخذت العصر. تمددي رفعت رجلها جواها مخاد. وشربتها مي وشكر شوي. صحصحت. والتلفون ما سكت. قاسم صاح: أحمد نوديها مستشفى؟ أحمد: لا لا ها هي صحت. قاسم: تلفونك رقم دولي هذا.

جيت طلعت سديت الباب رديت وعيوني على قاسم المستغرب. أحمد: ألو. أبو قبضة: بس گلي ما بيها شي. أحمد: لا ها هي صحت. أبو قبضة: حباية انطيها. حباية الضرورة. أحمد: ما عندها هيج حباية. أبو قبضة: أبويا اسأللها. أحمد: إييي. طبيت: حباية الضرورة وين؟ همست: ماشرة ع الميز. بقيت صافن، جبت العلاج فتحت الحباية همست نص والتلفون بإذني هم گال نص. بقيت صافن عليهم. كسرت وبطل مي طيتها. شربت همس: خل تشرب بطل كامل گلاصين مي فدوة. أحمد: ماشي.

شربي كله. شربته گالتها وبرطمت، قاسم راح وهي گعدت عدل. أحمد: منين لج هاي الحبوب؟ نصت راسها. أبو قبضة همس بإذني: أنا عطيتها لها. أحمد: شوكت هاي؟ نصت راسها مليكة. أحمد: احجي أنت شوكت شفتها؟ ما رد. أحمد: أبو قبضة احجي. أبو قبضة: أنت ما تتفاهم أحمد. راح أحاول أشيل الغيرة. أحمد: هاذي مرتي. قبل لا أردها لك. أبو قبضة: أعرف وطلقتها. سكت وتنهد: أغبى قرار أخذته. أحمد: احجي. أبو قبضة: أدزها لها للعيادة. باوعت لي مليكة ونصت.

أحمد: يدزها لج للعيادة مو. لو يكذب؟ ردت هي وإياه سوة: عابس ما يكذب. أنا ما أكذب. أحمد: غمضت ولزمت راسي، روح. خليني أنا وإياها وأنت نتواجه خلينا نوصل حل. أحمد: شتريد رحمة للأللله. شگول للعالم انطيتها لابن حررام؟ أبو قبضة: ما راح يعرف أحد. أحمد: وأنا شوون أآمن بيييك؟ أبو قبضة: يعني لمن چانت عندي بلا. أخ. ما چنت أگدر أأذيها لمن صار عندها أنت أأذيها. باوعت لمليكة بعتب. الصوت سمعته ونزلت دموعها.

أحمد: شلون فهميني شسوي وأخلص؟ مليكة همست: لو تذبحني ما أعوفه. أبو قبضة همس: باجر أدز لك هودج يحجي وياك. أحمد: بااابااا مااكو من سابع المستحيلات. سديت التلفون وكسرت الخط وأخذت الفون أباوع لها منصية وإيدها على راسها. أحمد: لوو تموتين گدامي الشي اللي ببالج ما يصير. ما ردت، طلع وسديت الباب وراه. تمددت واتذكرت. من أخذني من العيادة. طاني بيده أربع أشرطة. ويعلمني: هاي بس للضرورة. نص حباية بس. ويريدني أحمد أعوفه؟

أنا عفت روحي. من عافني. ثاني يوم الصبح. حسبت أحمد يسوي. ريوگ. طلعت ما حجيت وياه، فتت للحمام أحضر هدومي. نتر: ما تطلعين دوام بعد. صفنت عليه يسوي أكل ويحجي عيونه مو عليّ. ما رديت گعدت بالهول بدل وطلع. باوع لي ودار وجهه، قفل باب المشتمل عليّ. ابتسمت: والله صارت صدگ. لا تلفون. لا طلعة. گعدت بالشباك حضرت غده صافنة عالشارع. أكيد حيدز أحد ما يبقيني هيج. أسينات: أسبوعين مرت ورا ما سمعته.

واليوم گعدت الصبح. أحضر لفات ظل سمعت فكة القفالة. ظل صيحت: اجه بابا. التفتت عليه مبتسمة: الله يساعدك. هو: هله هله يابه. أسينات: شلونكم؟ هو: زينين. باوعت له: تتريك؟ همس: لا لا تعبان. ترى بعد وكت. أسينات: بينما أسوي أكل لظلال وأمشطها حاي هطها. هو: أمم. ظل تحط بكتبها وأنا أحجي: أخذي دفتر رسمج لا تنسي. ظل: إي همزين ذكرتيني. أسينات: الألوان لا تظلين تقطين بيها تخلص حرامات. مقطوقة ومنبله زين ظلال. ظل: إي إي. جريت نفس شفته

اجه يم البراد باوع لي همس: ما مبدلة لعد؟ أسينات: أنا ٩ ونص محاضرتي. هو: همم، شلونكم شكو ماكو؟ ارتجى بالكونتر بظهره: همست. أسينات: ماكو شي عادي كلش. هو: أأأ أمي ما اجتي يمكم لعد؟ أسينات: لا. مو راحوا بكربلا وفاة السجاد عليه السلام. هو: أمم صح تنهد. أعرف على شنو ديلمح وهالفترة كلها فكرت هواي بيها گلت أنطي فرصة لروحي أنا هم أريد أعيش مثلك. رغم خوفي من باجر. هو همس: صمون حار لو أجيب؟ أسينات: لا حار البارحة جبناه.

باوع للصمونة ولإيدي، تقرب لزم إيدي وعض من الصمونة. بلعت ريقي ودرت وجهي راساً رجفة صارت عندي ابتعدت. همس: يخبل. أسينات: أسوي لك لفة؟ هو: ما جوعان أكلنا بالطريق. حسبح وأتمدد. أسينات: أوك أحمم ما تريد شي على بالك غده؟ هو: أريد دولمة مثل مال ذيج المرة. باوعت له: هاي لازم باجر ما عندي مواد. هو: خوش تنهد، سوي أي شي. أسينات: أوك. دگ هورن خط ظلال. أسينات: ظلال يله اجه عمو. ظل: عزززه ما مشطت أسونه.

أسينات: دتعاي يا أمي شگد فاهية. اجت تركض عدلت شعرها وضفرته بسرعة. تباوع لي وتنصي. همست: أنا فاهية؟ أسينات: لا لا أنتي سريعة بس البارحة نسينا نرجع الكتب. ظل: بعد ما ننسى. أسينات: أوك. ظل: دمريني أنتي حتى ما أصير فاهية. أسينات: ماشي. ظل: بباي باست أبوها وباوعت لي أشرت باي وطلعت تركض. بقيت أباوع لها أبوها وصلها وصعدها بالخط كان من موجود لازم ينتبه على أبسط الأمور. راحت وأنا ألملم، رجع طب للبيت. گعد بالهول يتفرج. عليّ.

أسينات: أسوي لك چاي؟ هو: لا لا هسه. أسبح وأتمدد. عفته طب غسل وطلع ينشف بشعره. دگ تلفوني أحمد ابن عمي. صفنت. ساعة ٨ ونص. شلته رديت: ألو. التفتت شفته يباوع لي. أسينات: ها أحمد شلونك؟ لا والله اليوم عندي ب٩ ونص محاضرة دكتور زيد. خوماكو شي؟ شبيها مليكة؟ إي هسه ساعة وأجي عدكم امتحان أنت. باوعت لسلام ورث وعگد الحاجب وتمدد شگد روحه عالقنفة التفت رافع تگ حاجب. أسينات: ماشي نتلاگه الله وياك هله أحمد.

سديته ووقفت گدامه، المراية أمكيج. يباوع لي بحيرة ويدخن من كل نفسه. سويت روحي ما أباوع له. كملت لبس بالغرفة. أطلع. همس: مو ب٩ ونص محاضرتج؟ أسينات: أمم، باوعت له ما محتاج شي؟ هو: لا سلامتك بس بعد وكت. أسينات: ب٩ إلا ثلث بينما ما أوصل. هو همس: مو حمرتج طوخ شوي؟ أسينات: لا باوعت روحي بالمراية خففت أطرافها، باوعت له يباوع لي يرمش لازم راسه بتگ إيد. أسينات: يله مع السلامة. هو همس: الله وياج.

طلعت للجامعة أخذت محاضرتين ودگ عليّ. أحمد: رسلت بالمحاضرة، أني دز أنتظرج بره. أوك. كملت محاضرة، عندي ريست نص ساعة. ظل بالي، شبيهة مليكة؟ طلعت راسًا. شفته كاعد ويهز برجله يقلب بالجهاز. من أباوع جهاز مليكة. صباح الخير. هلو أسونة، هله عيني، كملتي؟ لا بعد وحدة فد نص ساعة. كافية إن شاء الله، تعاي عندي سالفة وياج. افتريت وكعدت بالكافتيريا وياه. طلب عصاير وكعد. تره خوفتني. باوعلي ونصّه.

همس: أسينات، أنتي ومليكة أسراركم سوه، وكلشي تعرفين عنها. أم صح. دتتخابرون؟ نصيت راسي. معناها كلشي تعرفين عنها وعن الدتمر بيه. هاج باعي. دفع الفون عالنيز، وكعدت أقلب باوعتله. أقلب بالصور أبتسم. تخبل جانت، مدبدبة وبريئة رغم بهذلتها، الطيور داير مدايرها عزفت عابس الطاكلهازالصور. شتريد هسه؟ همس: تعرفين هالصور وشايفتها؟ أعرفها بس مشايفتها. هز راسه وغمض، لزم راسه. أسينات قرب روحه،

باوع بعيني: الله يخليج عقليها، فهميها ابن خرام، هذا العشيرة تهدر دمها. خليت أيدي على عيني، منصية باوعتله. أحمد، شلون تكدر تحرمها منه؟ أي لعد أنطيها إله؟ أسينات: دا أحجي وأكوله تحبه ومتكدر، والمح سلام يفر براسه وتركزت عينه عليه يباوع عاكد الحاجب. تقدم برزانة رافع تك حاجب. همس: السلام عليكم. أحمد وكف مد أيده: هله عيني، عليكم السلام. باوع لأحمد من فوك ليجوه ومحجه، باوعلي همس: كملتي؟

لا بعد عندي محاضرة بـ 11 وتص، شعجب جيت؟ باوع لساعته وباوعلي: أي هسه 11 ونص إلا خمسة، شوكت تدخلين؟ لو، وباوع لأحمد، لو السوالف أهم؟ أحمد باوعله، رباوعلي، أنحرج همس: أعتذر لا، واله ردت منها سالفة علمود أختي وو. أباوعله يباوعلي ميباوع لأحمد، خزرته. أحمد همس: آسف إذا سببت إحراج. أسينات: ماكو إحراج، قابل أنت غريب، أني أتخابر وياها. همس: ممنون، وعيونه على سلام. كال: أترخص أني. همس سلام وعيونه عليه: غالي غالي حمودي.

بقيت أباوعله، وكفت. هاي شسويت؟ شمسوي؟ صاحبي مريتله. وكلت أمرلج، غلطان؟ نتر. لا مو غلطان، بس الولد أنحرج، نظراتك تتهم. عندج محاضرة، روحي فوتي. عفته وطبيت. أني منتظرج هنا. باوعتله وجريت عيني. طبيت نص ساعة كملت المحاضرة، بس امتحان جان عدنا يومي وطلعت. شفته كاعد ويهز برجله ويباوع بتلفونه. وصلت يمه. باوعلي ونصّه. كملتي؟ أي. يله أمشي. مشه كدامي. وأنتي وراه. ليش جيت؟ الخط يرجعني. باوعلي ودار وجهه ببرود. صعدنا السيارة وطلع.

ساكت وبارد. وأني أبرد منك. وصلنا، أنتو أم قاسم بالبيت جايبين سيد عقدوا لقاسم وآية. لأن أبو سلام متعارك وي الولد واحد منهم ضاربها لأن متشتغل بس حابسه روحها. فماخذها يمه، كلهم يعقد قاسم وتبقى عندي. وفعلًا. أم قاسم على أعصابها باوعتلي وجرت عينها. طبيت حتى مسلمت، مالي خلقها أبد. شوي وصاحت أم سلام كالت وي آية خطية. تخجل هاي. طلعت علمودها، الخالات ألتَموا. وسمعت الهوسة.

أبو سلام جايب غده ولَمّه على روح أخته وحذر هلهوله. محد يهلهل. دا أمكيجها، عيونها الحمد لله ممبينة بس كلسا تطول برمشتها وترجع تركز. باوعتلها أبتسم: طلعتي حلوة. ماريد ألبس مخلع. لا حبيبتي، هذا كوستم بيجي. زين شعري ميخالف أضفره فرنسية؟ لا ليش، يخبل بالسشوار. تنهدت باوعتلي: هو قاسم ليش رادني جيه أني ما أشوف؟ وكفتها ولزمت وجهها. باوعي هالجمال كله يولي، أخويه أزرك وأنتي عسل. أبتسمت ونصت. أني كلشي ما أعرف.

ميخالف، خالج كال تطول الخطوبة سنتين على راحتج أنتي. أوك. هزت راسها. زين عادي ما أروح لبيت أهلي أبقى هنا؟ لو يحجون عليه مثلج؟ أبتسمت على فطاريتها همست: ما عليج باليحجي كلبي غلسي. أوك. وكفت عدلت شعرها وطلعت، عبالك مصدكوا طلعت أصيل ورقية نزلت. إيع شنو هاي؟ عود ممكيجة؟ تعاي أسو تعاي مكيجيها. خالهم كال: لا لا كلش زينة، يله بابا تعاي كعدي هنا. خالو حيطبون الولد. لا حبيبتي من يكملون عود، لتخافين بابا. أوك.

خلاها جوه كتفه وهمست أصيل. حجيتي وياها أنتي؟ باوعت عليهم، رقية جاوبت وتباوعلي، لزمت بطنها. أي حجيت، تدري كلشي محضرتلها خوش عنقودي. أصيل: والله عرفت مبين ممرتاح، دباوعيها جنها عقربة صفرة. عفتهم بس داخلي الهش يرجف من الراح أسمعه، ضاغطة على روحي. لمحت قاسم بره يحجي، ولد عمته مطلعت ظل تأخرت. افتريت من ممر وره البيت. وطبيت لبيتي. شفت سلام يلبس وأمه تحاجيه. سكتوا من طبيت همست: سلام ظل تأخرت. خابر السايق كال أزدحام.

أوك. طبيت للغرفة، من وجهه المنحرج عرفت يحجون بيه. بدلت وطلعت، سلام صار بوجهي. ها نروح؟ أي. أحمد ابن عمج أجه لو لا؟ شمدريني. ها عبالي خابرج. بقيت أباوعله، جر عبنه رافع تك حاجب. تعال أنت شتقصد؟ ضيق عينه لتغيير نبرة صوتي. همس: ويايه هاي؟ أي لعد ويامن؟ شنو قصدك خابري؟ لا دا أشوف أتصالات وهاي. كلت شوفي أجه لو لا؟ شعليّه منه؟ يعني شنو شعليج؟ غير تكعدون كل متداومون سوه وكذا. سلام، شدا تلمح؟ نترت سديت الباب.

باوعلي ورافع تك حاجب. تره صوتج عالي. سديت الباب محد يسمع، أريد أعرف على أيش دتلمح؟ صوتج عالي، مخايف من أحد، إن كان سمع أو لا. صوتج عالي كدامي. بلعت ريق مغمضمة. شنو قصدك بكلامك؟ كلمة وحدة ورد غطاها. أحمد علاقتج بيه شنو؟ قبض أيده قوي كلش. همست: ابن عمي. أعرف أعرف وبعد. هذا هو. أباوعله بحيرة صدك ديتهمني. أسيناتتتتتتت، كالها وطك سن بين. أسينات، أحمد، علاقتج بيه مو طبيعية، كلما رحتلج غفلة للكلية أشوفج وياه كاعدة.

صدفة صارت، صفنت بعينه. تشك بيه سلام؟ والله أني مو هنا ومو زوجج ومابيننا شي، ليش منرجع الحب الأول؟ الحب الأول؟ همست صافنة، عيوني غرغرت راسًا ونفسي ضاق. الحب الأول شنو؟ تنكرين أحمد حبج الأول؟ تنكرين؟ بلعت ريق، منين ألك هالجي؟ غمض وصاح: تنكرين؟ بلعت ريق. جنت صغيرة وو محد يدري، أقصد هو مَيدري. عيوني تجري وهو يستحوب أفتر داير مدايري. همس: ميحتاج تكوليله، تصرفاتج تحجي وتشرح كلشي. علوية تنهد. ليش رفضتي لعد؟ نصيت راسي.

متحجين؟ رفعت راسي باوعتله: لأن ماريده، ولا أريد شفقته. بلع ريق ونصّه، ما أعرف ملامح وجهي شبيها اللي تخربطت ملامحه، بس باوعلي همس منصي. متعجبني مقابلاتكم. تره ابن عمي مو غريب. شنوووو شنووو شنوو يعني ابن عمي وابن عمي شخبصتينا؟ فزيت ابتعدت من دياشر بعصبية، صفنت عليه. جر نفس وتنفس بقوة، طبت ظل همست: أسونة. نعم ظل، تعاي. همست: كلهم جوي. باوعت لأبوها وباوعتلي مستغربة، وأبوها عيونه تباوعلي بغضب.

عاف البيت وطلع راح للبيت الجبير. همست: بابا عصبي. شوي. بدلت ورحنا للبيت الجبير. شوي وكملوا عقد، الخالات عيونهم عليه تريد تاكلني وأني بنار خوف، يعرفون؟ لو ميعرفون؟ ذاك اليوم تمنيت روحي طرشة ومَ أسمع أي شي. رقية اللي بس تتباها ببطنها وياهو اليجي يلزمها، وأم سلام اللي محجت كلمة تباوعلي وتباوعلهم شايلة هم. طلع خالهم باس آية. وطب قاسم، كامت مرتبكة تلبس الحجاب. باوعلها ونصّه.

طفلة، لا ملامح لا جسم، توها تطك. تباوع بالوجوه، جيت بصفها وخالتها وحدة منهم بصفحة اللخ تبوس بيها. لبسوها هدايا، كلهم لبسوا ذهب. وتقدم قاسم بحجاية من خاله، هز راسه منصي، تقرب من آية وطلع عليه الخلقات من جيبه وباوعلي. رقية اجتي بصفه وتباوع للبنات. صورة صورة وي خالو ههه. ابتسملها وباوع لبطنها ونصّه، باوعلي بعيونه حجي، أدري بيه مفرحان. شاورني. درت مليكة. هزيت راسي. نصّه: شكالت؟ مكالت، باركتلك.

باوعت بعينه: لك خويه دباوع العدك شحلوه. تنهد وهز راسه، تقرب من آية خجلان من الهوسة ولبسها الحلقات، سلام واكف يباوع. رجعت ليوره، أصيل تباوعله وتبتسم. أشرتله: يوم إلك سلام. ضحكوا كلهم. هو باوع استغرب، باوعتله وباوعت لأصيل، ابتسمت وجريت عيني، وحجاية مليكة لراسي تدك. أبد لتبينين ضعفج، اضحكي خبليهم. باوعلنا قاسم يضحك. ولكم هاي حتتخربط. يقصد آية من الخجل. هي خجلت ونصت: تخجل قاسم لتحرجها. سلام: لا هو الملطلط ولا هي الخجولة.

باس راسها وشاورها. وأشوفها أبتسمت ونصت. فدوة شكد بريئة. أبو سلام كلبه صار شكبره. طكوا صور وهوسة. ظل طكت وي أبوها. وأني متقربت أبد. صبوا الأكل الفلبينيات. وأني وياهم وآية هم خطية. اختفى سلام وعيوني تدوره، لا هو ولا أصيل. طبيت لأكليدور، شفته هو وأصيل وإسراء ورقية وهي تحجي وياه تتموع. باوعتله، شافني وطلعت عادي شوي واجه. همس يمي: ردتي شي؟ لا بس عفيه الله يخليك لتنطيهم مجال، تره يتشمتون، مرايدة شي منك.

ابتسم: وأنتي ليش ضايجة؟ تره بنات عمتي. صفنت عليه، فتحت عيني خازرته. عافني وراح يشيلون بالغراض والولد فاتوا. حتى سلام وقاسم طبوا ولد عمته للصالة. فتحوها عال هول، ورجال عماتهم صبوا للزلم هناك، وإحنا بالهول بالبداية. صبينا أكل وترسنا السفرة بالكاع. وأبو سلام حاير شجايب. وكف كال: الفاتحة على روح أختي فدوى، وابن أختي حمزه، وزوجة أبني فريدة. أني حاب أسمه لو اختنكت، أريد أتنفس ماكو. حسيت أحد وكف ورايه.

بقيت منصية، أم قاسم نصت راسها وخواتها داير ميدورها. صوت يم أذني صار: أروحلج فدوة لتبجين. التفتت قاسم. عيونه حمره. نصيت، جر راسي وحضنني. وأني مختنكة جنت رايدة حجة. بجيت بخنيك وارتعش: كافي أروحلج فدوة، أني منا معوزه هو. وذاك الناقص خليل. رفعت راسي ومسحت وجهي، سلام يباوعلي ويفتر بعيونه عليهم. تقرب من أمه قاسم باس راسها. كملوا الفاتحة. وبلشوا أكل، شلنا الأغراض وألتمينا بين الهول والصالة. رجال عماتهم خفيفين يضحكون.

كاعدة وبصفي آية وظل تهز برجلها. ووكفت أم قاسم اللي جانت مجمعة وي خواتها ويسولفون بسكوت والبنات هم. وكفت أم قاسم كالت: عيني أبو سلام، أنت زوجتلي 2 من ولدي وتكولي مثل ولدي ذوله صح لو لا؟ هز راسه أبو سلام يبتسم، خله أيده على كتف قاسم اللي بصفه. وأني هم مثلك، ولدك ولدي. همس سلام: والنعم منج عمه. لعد أني اليوم أريد بنت رجوى أصيل لابني سلام. أخطبها والشرع حلل أربعة. أي عيني. كلها صفنت من الزلم والنسوان، تباوعلي.

رقية جرت عينها، أصيل تبتسم، سلام صفن، والأم نصت راسها. قاسم جاوب: يمه شهالشقة الثكيل؟ سلام مومتزوج. يمه مبيها شي، مرته ميصير عدها أطفال. وكلكم تعرفون هالشي. ومبيها شي هو أخذها علمود ظل وهي مكفية وموفية، خليها هنا بيت خالك وأصيل تكعد بيت الصغير. والله يا أم سلام أنتي إذا متردين تشوفين بزرته أني أريد أشوفهم. أي. قاسم صفن باوعلي وأني مدري شبيه ضاق النفس. أريد أوكف وأروح هناك أشوفها صعبة، أنكسر. أريد أبقى، دا أتخربط.

أيد ظل صارت عليه، فزيت وأتنفس سريع. همست مبرطمة: وردة جبت الببسي على ثوبي تدمر. وكأنما مصدكت. شلتها وطلعت أركض لذاك البيت، بدلت ثوبها وأرتعش. طبيت للحمام قفلت الباب عليه. شوي واندكت الباب. محاوبت. صوت أم سلام: يمه أسينات فتحي الباب أحاجيج. عوفيها يمه أني أحاجيها. والله يمه هذا حجي مرت أبوها مالي دخل أني. طلعت راسًا. ها خاله شبيج؟ لا مضايجة عادي. باوعتله. بنات عمته واله حلله أربعة. باوعلي مضيق عينه.

وهز بيده معاجبه. طلعت أمه وأني كعدت بغرفة ظل. تلفوني دك، أحمد. الباب مفتوح، عيون سلام من الهول تحولت عليه. ألو. ألو أسينات. ها أحمد شبيك؟ فدوة تجين وي قاسم؟ هاي تخربطت فد نوب ووشفلات ما أعرفها ومدتقبل أوديها طبيبة. أي هسه أجي ويا لتخاف. أسينات الدم ترس الهول. قافلة الباب كسرتها، وقامت تصرخ: "ما أروح! هل أموت؟ "اصبري، هسا أجي أنا وقاسم." "فدوة، لا تتأخرين."