رواية منطقه13 الفصل الخامس والستون 65 - بقلم مريم السعدي

مليكة: شنو شسويت؟ احجيلي. عابس: خلص، هذا هو. اليوم خلصت كل شي. بقيت أتاني الحلم يتحقق، بقيت أتاني أصير بني آدم كامل وياج، أنحسب عالبشر وتصير عندي عائلة وأعيش. أريد أعيش مليكة، أريد وياج أكون وخلاص. مليكة: يا رب شكد فرحتني، شلون خلصت؟ احجيلي كل شي. جر نفس وتنهد. عابس: ما أشوفج لعد، اشوفج واحجي كل شي. مليكة: أوك، أفتح فيديو؟ عابس: أي، خليني أشوفج. فتحت أدور وجهه. مليكة: هم كامرتك مكسورة عابس؟ وينك يعني ما أشوفك أني.

عابس: دقيقة. وانفتحت. وشفت شكله، ميلت راسي وهو ميل راسه. ثنينا عيونه غرغرت، سكتنا ونظراتنا تسولف. همس عابس: وين عن قلبي دقاته؟ هسا يالا رجع يدق. هزيت راسي بلا صوت. همست مليكة: حتى أني. همس وعيونه تباوع ملامحي بشوق. عابس: هلكد ارتاحيت لوني أشوفج، عندي شحس. ابتسمت بتعب. بقينا نظرات بدون كلام، أتأمل كل تفصيل بوجهي. همس عابس: أحمم. مليكة: وينا مكان دخن الطيور؟ وينا؟ بينت عظمة رقبتي. مليكة: هياتها.

ابتسم وميل راسه مغمض عينه. همس عابس: آخخخ، احترقت روحي. ابتسمت ونصيت، نزلت لفافات شعري. يباوع يرفع عيونه مدمعة تلمع ويرجع يباوع لعيوني. همس عابس: ودي أفوت للصورة، ودي ألمه بديني نفس ذيج النوبة. رفع ايده تلمس الشاشة وتنهد. عابس: أنا مرتاح مليكة، حيل مرتاح. مليكة: ما تعوفني بعد؟ عابس: أبد، أنا الج حد ما أموت. رفع حواجبه يطمني. هزيت راسي أوك. بقينا ساكتين. همس عابس: تمددي، نعس جفن عينج، وأنا أعرفها من ينعس شلون يقول.

ابتسمت، تمددت ورجيت الفون. مليكة: رجع راسه، وين قاعد؟ عابس: هذا أنا، وقفت. هاي غرفة نوم أفتر بيها، مرتبة وبسيطة، وهاي هيج مثل المنور ممر للمطبخ صغير، وهذا بلكون، ومن هنا مثل الهول بي قنفتين، عايني. مليكة: الله، مرتبة. عابس: شوكت تجين عندي وتترسيلي الفراغ وأداريج بمي عيني؟ مليكة: تنطيني حبايتي؟ غمض مبتسم. عابس: أنطيها لج بيدي وأشربج المي بعد. مليكة: ههه، احجيلي. عابس: شحجي مليكة، خليني أشبع عيوني.

مليكة: احجيلي كل شي ولا تضم. غمض وهز راسه موافق. عابس: راح أحجيلج لأني ما أريد بيننا شي ينضم. مليكة: خوش. عابس: اجيت من مطار بغداد لمطار —ما وكفت هويتي وجوازي حالي حال العالم. مليكة: أي. عابس: واجيت لهنا كملت كل شي حد ما نطوني إقامة. صفنت. مليكة: ها هي؟ عابس: بلي. مليكة: ليش تأخرت لعد؟ عابس: مو ونصه، بينما كملت وفصلت كل شي وصفى سجلي. مليكة: شلون يعني فصلت؟

عابس: أنا طلعت مو وحدي وي وحدة عاقد عليها قانونًا، كأنما عائلة تطلع، تبتعد عني الشبهات —صفنت فكيت عيني. باوعلي ونصه. بلعت ريقي. مليكة: شنو قلت؟ همس وغمض. عابس: صبرج علي. مليكة: احجي، أوك. حجيتها أرجف. عابس: اجيت لهنا أنا واللواء متفق وي وحدة عراقية، ومتفقين نتزوج حتى أوصل، ومن بعدها ننفصل لحتى ما تصير عليه الشبهة إني طالع وحدي. مليكة: تزوجت! عابس!

قلتها بحرقة قلب فاكة عيني. بقى منصي عينه، عبس حلقه، فرك شعره ورجعه. رفع راسه باوعلي همس. عابس: لعد شلون أقدر أطلع؟ مليكة: عابس! ودمعت عيني. عابس صدق تحجي؟ هز راسه وباوع بعيني. عابس: بس طلقتها. النوب رفع حواجبه يهمس بثقة. مليكة: همست، يعني بستها وحضنتها؟ غمض ونصه همس. عابس: إذا قلت لج لا تصدقين مليكة؟ مليكة: يعني سويت هالشي؟ عابس: وغلاتج لا. قالها وغمض. عابس: بيننا اتفاق ومقابل مبلغ مالي شغلة تكمل.

بقيت أباوع له ما مصدقته. فرك وجهه وهمس. عابس: مليكة. هزيت راسي. مليكة: كذاب. فك عينه ويباوع ملامحي همس. عابس: أنا؟ هزيت راسي. رفع زوج حواجبه. عابس: مليكة، أنا أكذب عليج؟ مليكة: منو يقول ما تقربت منها؟ برطمت. منو؟ منو يقول؟ مم. قاطعني همس. عابس: ششش، بس هذا هو روحي. مليكة: باوع، يعني تكذب؟ بقى يباوع بوجهي بعتب. مليكة: تكذب لو لااا؟ همس عابس: براحتج، إن قلبج ما صدقني عليمن احجي. مليكة: باي باي، وبعد لا تخابر.

نصى راسه همس. عابس: صار على أمرج، ما راح أجبرج تصدقين، ولا راح أجبرج تضلين وياي، بس أنا قلت لج. الباقي ظل يمج. يحجي منصي عينه، جر الباكيت وارتجى يورث بغضب رافع تك حاجب. مليكة: احلف لي ما قايسها. حرك فكه يمين ويسار. عابس: حلفت لج وغلاتج مليكة! نتر وخزرني. مليكة: قول والله. فك عينه. عابس: وأنتي تعرفيني زين. مليكة: أعرفه؟ نصيت راسي وغطيت وجهي. مليكة: شلون أصدقك؟ عابس: لا تصدقين!

اللي ما يصدق حجي من القلب ما يفيده حلفان. أنا شارد ومسلم روحي وتكططططعت لأجل أمل أعيش وياج ولو يوم واحد، تكوليلي أحط ايدي على غيرج، ليش أنا حيواننننن؟ بقيت أباوع له عاقدة حاجبي بغضب وأتنفس سريع. همس. عابس: روحي الله وياج، وجعتي قلبي.

وسديته بوجهه. قمت أرجف، نار صرت. أنتظر وميته قهر، تالي يطلع متزوج ومرتاح. أقول أربع شهور باقي ما يخابر. نمت بس روحي مفرفحة. قعدت نص الليل ميته برد والدنيا صيف. فتت للحمام وطلعت. أحمد جان يحجي بالتلفون أسمعه. أحمد: وأنتي ما منطيتيني مجال أثبت لج نور. أنا مو صنفي أتباهى بمركز ابن عمي، بس أخوج يوادله شي يخوفه. صار أمرج لا تسدي، لا تروحين خليج وياي مو صرتي قانونًا زوجتي، دنطيني مجال أحجي وياج.

نور: أحمد، الفرق بيننا 6 سنين. أنت شدتحجي؟ أحمد: وأنا ما شايف أي فرق. شايفج نور لحياتي. أنا ما أقدر، أنا جيت عليك لأن متأكدة حتساعدني وما تستغلني. أحمد: وأنا عند حسن ظنج بس بهاي ما أقدر. محد وكف وياي غيرج بالمحل بالسيارة، بدراستي، بكل عسرة أنغصها ما عندي غيرج. ولا مرة قلتي لي وين حتوديها. نور: واثقة بيك أنا ما عندك زايدة ناقصة، ولو تطلب بعد عيوني أنطيها لك. أحمد: نور، آوووف يابه. نور رحميني. سكتت.

أحمد: لا تسكتين فدوة. نور: ما أقدر والله. أحمد: لعد عذريني حطلع وجهي الثاني. نور: شنو قصدك؟ أحمد: تتوقعي مني كل شي نور، أنتي مرتي قانونًا وكل شي أقدر أسوي. نور: أحمد مبقى كم شهر ويطلع تقاعدي وأطلع. مجهزة كل شي. أحمد: خل أشوف منو اللي يخليج تسافرين. نور: أحمد لا تسوي هيج. هاي شنو؟ أحمد: شكو شبيهج؟ نور: أحمد، صوت عالسطح. أحمد: صوت ايش نور لا تخبليني. نور: والله صوت طبات.

أحمد: باوعيني، طبي للغرفة اللي جوه الدرج وقفلي الباب عليج. نور: أوك بس. بس لا تروح. أبقى وياي عالخط. أحمد: لا تخافين جايج. نور: وين تجي بهالليل؟ أحمد: أصلًا أنا غبي عفتج أسبوعين أكبر غلط. جايج لا تخافين. نور: أحمد أحد ينزل من الدرج والله دا أسمع الدرج يتهزهز. أحمد: بالغرفة أنتي؟ نور: أي أي. أحمد: لا تتحركين جاي. طلعت بأقصى سرعتي بالسيارة. وصلت لها بعد ربع ساعة. والتلفون على أذني. نور: أحمد على كيفك.

أحمد: تخافين عليه؟ نور: ما عندي غيرك. أحمد: وما أريد غيرج. من أول مرة شفتج نسيت طعم النوم شلون تتذكرين؟ نور: شوكت؟ أحمد: من احترك كيبل بيتج وطفيته. نور: أحمد اكو أحد بالبيت والله. أحمد: هاي أنا نور، طبيت كل أحد ماكو بالطرمة. أطلعي، افتحي الباب لا تخافين. طلعت فتحت باب المطبخ، شافتني وجهها أصفر وتتنفس همست. نور: والله سمعت صوت. أحمد: دتعاي وراي. سديت الخط وصعدت للسطح، أباوع جذاحة وبطل نفط بي نص. تفاجأت، أتلتفت.

أحمد: والكم المحل واج. خرب. المحل نور المحل. كمزت وهي صيحت. نور: عوفه عوفه خليه يولي لا تحترك. أحمد: أبقي بمكانج أنتي. نور: حخابر إطفائية. أحمد: خابري خابري. صيحت وكمزت على سقف المحل وطبيت بنصه، توه ماخذ وأخذت مطفاية الحريق أطفي ويشتعل غير صفحة بسندويش راسًا يأخذ. اختنقت. أريد أفك القفالة ما أقدر. أطفي ويشتعل أكثر. طبيت لداخل الغرفة. طكيت الفتحة بكل قوتي وطلعت لمخزنها راسًا فتحتها، باب ترجف.

نور: عوفه خليه يولي خليه يولي. أحمد: ولج تعب قلبي بييي هذا. البارحة متسوك كومة.

أحجي وأفتح بصوندات الحديقة وأطفي. العالم التمت ورا وين الإطفائية اجتي. لحك المحل كله تأكل. قعدت بالقع بالشارع والعالم داير مدايري. لازم راسي أباوع للمحل. تالي طببوني للبيت غسلت وجهي ببوري الحديقة. جان مفروض أعرف هذا ما راح يقعد. طلعوا العالم وأنا أطبب بس الباقي براسه خير ربع ربع. المسواك الصبغ تأكل والسطلات اندارت بالقع. السبلت غدى قوطية. بقيت صافن من طرمة بيت نور عالمحل مثل اللي يباوع على تعب قلبه رماد.

وأسمع همستها. نور: أحمد. التفتت عليها. نور: شفتي؟ أحمد: أحمد، قوم ارتاح فدوة، قوم جوه. لزمتني من زندي. قمت وطبيت. تمددت عالقنفة مغمض لازم راسي. همست نور: ذب القميص فدوة مصخم. ذبيته بقيت بفانيلتي. همست نور: فدوة الك بس لا تقهر روحك. أحمد: شراح يلمها؟ شراح يرجعها؟ نور: ما لك دخل أنا وياك. ما عليك، لا تفكر. أحمد: تعبي هذا نور. نور: فدوة لك المحل كله ولا تنقهر. غمضت عيني وجهت السبلت عليه تهمس. نور: فدوة لا تنقهر.

غمضت، غطتني غطا خفيف. ما قدرت أغفى بس أرتب براسي شحسوي. حسيت على نغمة أيدها الهادئة. نور: أحمد. أحمد: همم. فزيت، معقولة نمت ببيتها وهي اللي دتقعدني. نور: أحمد تلفونك يدق. قمت فركت وجهي. باوعت لها وباوعت لروحي، بنطروني مصخم ورجلي صايرة فلم. باوعت أبو عمر. رديت الو. أحمد: الو. أبو عمر: الو أبو شهاب هاي شصاير لك؟ أحمد: والله أبو عمر المحل احترك والغراض كلهن انعدمت. قلتها مخنوق.

أبو عمر: يفداك المحل وغراضه ولا يهمك. باجر فجرية أجيلك أنا والولد لا تسوي شي. أحمد: لا والله ما أريد أتعبك. أبو عمر: بويا تعبيش ارتاح هسا ارتاح. أحمد: ماشي. سده مني وذبيت الفون فركت وجهي. همست نور: تفوت تسبح؟ باوعت لها، تباوعلي بقلق. وقفت لزمتني الدوخة. رديت قعدت. نور: على كيفك ارتاح. أحمد: بيش ساعة هسه؟ جريت الفون. نور: همست، بالثلاثة. أحمد: حييل خل أقوم ألملم. نور: بس فوت اسبح وتغدى وروح.

أحمد: مالي نفس بس حفوت للحمام. فتت سبحت وطلعت مخنوق خنقة موت. طلعت لقيتها تكوي بقميصي وما بي صخام. همست نور: اقعد أكل بينما يكمل القميص ناشف. أحمد: أوك. قعدت أكل لكمتين ما بيه، اختنقت. قمت أخذت القميص لبسته. باوعت لها. أحمد: لبسي وأمشي وياي. نور: وين؟ أحمد: اسمعي مني يا بويه لا تتعبيني. نور: وين غير أعرف؟ تباوعلي بحيرة. جريت نفس.

أحمد: هذا ما راح يعوفج. لبسي وشيلي شعدج شي غالي وأخذج لبيتنا مليكة هناك ارتاحي كم يوم بينما أكمل المحل وأسد الحديقة. بقت صافنة عليه. أحمد: ما أعوفج بعد نورررر، يالا فضيها. نور: أوك. ما ناقشت الحمد لله. لبست وأخذت ذهبها وقفلت البوب وتباوعلي. طلعت قدامها، مشت وراي وتباوع للبيت. قريب مدنا نوصل بيتنا همست. نور: شلون شحنقول لمليكة؟ شكد عيب. أحمد: عود نحجيلها اللي صار. بقت تباوعلي. وقفت السيارة. أحمد: انزلي يالا.

نزلت وراي وتلتفت. صعدت الدرج وطبينا. ما جان اكو أحد بالبيت. أحمد: أهذي راحتج. هزت راسها. نور: مليكة ماكو؟ أحمد: هسه على جية. طبيت بدلت هدومي وطلعت أخذت شعدي فلوس ضامهن جوه ايدي. باوعت لها. أحمد: أنا طالع، إذا اجتي مليكة سولفيلها. نور: تتأخر؟ أحمد: والله ما أدري. جريت نفس. أحمد: ما أعرف بيش حبلش. نور: عوف كل شي ارتاح. أحمد: لا خل أروح قلبي نار. طلعت ورجعت للمحل ألملم ووكف علي صافن عالمحل باوعلي ونصه قال.

علي: لفيت لفيت مثل الحية لحد ما أخذتها، ما راح تتهنى ببيت أبويه. أحمد: شوف أبو حسين، أنا أحترمك. بيت نور من أبوك أنا مالي شغلة بي، ولكن أنت زلمة وما وكفت وياها. تريدني أعوفها بيد أخوها؟ علي: أي ها هي زين مو هو هم حيعوفك، هذا واحد عصابجي حيوان. أحمد: ما يهمني، عندي رداده. أنا المهم عندي إيجار المحل يوصل لأختي. علي: معلوم أبو حسين معلوم. فيمالله والله يعوضك. أحمد: الله وياك.

راح وأنا قعدت أعزل. نظفت المكان، ياهو اللي يجي يتفرج ويروح يذب له كم حجاية وراي ويروح. عزلت الشغلات اللي ما بيها شي يمكن 10% والبقية بالزبل. للواحدة بالليل أرتب. خابرت مليكة. أحمد: ها ملوكة. مليكة: شوكت تجي حمودي؟ أحمد: هسه جاي كملت. مليكة: يالا ننتظرك. أحمد: نور يمك؟ مليكة: أي نعست وأنا مكابلتها وقاعدة. أحمد: هه، يالا جاي، تريدين مسواك؟ مليكة: لا عندي كل شي.

مليكة: جنت طايرة بنور. أدري بأحمد يموت عليها ورغم ساعدها بس هم ما يخالف يذوب الجليد بعدين. رغم قهري من عابس قويت قلبي، قلت هو اللي يخابر. بيني وبين نفسي شك بسيططط أنه لزم غيري، وأرجع أقول مستحيل عيونه صادقة. ردته هو يخابر. ردته هو يتوسل حبي ويجازي صبري. أنتظرت يومين ثلاثة ماكو. يومية أطب عالواتس آب ألكاه فاتح. والوب أقول ويا من يحكي، قوة ألزم روحي ما أحكي بس صبري خلص، قفلت الفون وذبيته. متت بجي وأتخيلها خاف صدق تزوج.

والتهيت بمصيبة حمودي وحركة محله. أحمد -رجعت للبيت، نور جانت نايمة بغرفة مليكة، ومليكة قاعدة عالـتلفزيون. سلام. هلاو، فدوة إلك المخل خويه. راح بعد. تنهدت وأدور بعيوني عليها، همست مليكة: مرتك نايمة جوه. باوعتلها ابتسمت تك خد، تنهدت: كون الله يسمع منج. إن شاء الله هي وين تلكه مثلك. هزيت راسي وفتت نمت. ما تأكل؟ مالي نفس، أريد أرتاح. كيفك. أحمد -نمت، ومن الفجر دك عليّ أبو عمر. ألووو. عيوني أبو شهاب، كل هذا نوممم؟

كوم يابا على باب الله. ههه وين أنت أسطه؟ بباب محلك، ولو حتى باب ما ضلت، كاعدين بالحديقة الله وكيلك. لا ههه، جايك جايك. طلعت وعدل للمحل، وصيت أبو اللحم توه يفتح على كيلو كباب يجيبه للمحل. وصلت المحل شفتهم كاعدين هو وأربع ولد وياه، ووياهم كية حمل مليانة مواد كلشي مخلي. والله مفضل عليّ والله. معود، إخوة أحنا، نسيت؟ بكت البنينا المحل هناك ليل نهار حدا كملنا. أي والله إخوة، والله يدري. يلا يابا يلا يا ولد.

اوقفوا خلي يجي الريوك. عمي، أهل بغداد كلشي ما يطلع منكم. لا عفا عليك، جاي ربع ساعة وجاي. ها يلا لعد. وجابوا الريوك وضربوا الولد، وراها قاموا عالشغل. ناس تبدل لوايح السندويش، وناس تربط وتشد، وناس تصبغ الصخام اللي صار من الباقي. السبلت انشال انحط غيره بمكانه. الرفوف تبدلت بأحلى منها، وترتب المحل لليل كملنا الشغل. جلبت بيهم ضلوا، وخابرت نور استاذنت يباتون بصالتها، كالت: مر عليّ، أني ومليكة نجي علمود نسوي عشا عيب.

كيفت ورحت جبتهم وجيت، بينما يغلفون الكع فتحوا المحل عالغرفة. ما أحتاجها بعد، صارت غرفة أكبر. رحت وجيت وياي البنات، مليكة باجر عطلة عدها. طبوا جوه، كالت نور: راح أفرش الهم بالصالة. خوش حجي، فدوة لعينكم، لا تكصرون ركبتي كدامهم. صوتكم مليكة لا تحجين على كيفج. أي ما أحجي. طلعت والكاهم لازمين أخوها من زيكه. أبو عمر لازمه بطرف إيده. هاي شكو؟ صفنت عليه مطيحين حضه. حجه أبو عمر: لكيناه يريد يحرك من جديد، ولكفناه.

صيح وعيط أخوها وغلط. كل السريته اتصلت بالنجدة، وجولي ورا عشر دقايق. وحجيت وفهمتهم وأخذوا، وأني لحكتهم بالسيارة. طبينا المركز والولد شهدوا وانسجن. طلعت مرتاح، طبيت للبيت، فتحت باب الصالة للولد، سبحوا بحمام المحل. وناموا هطيه. طلعت دا أجيب مي وحجيت لنور، جانت قاعدة وحدها بالمطبخ تلملم. كتلها: لزموا أخوج وانسجن. تخبلت: لا باجر تتنازل لخاطري، أني لخاطري. ما يكعد. ما بقى شي، راح أطلع وما أبقى. غمضت عيني:

خطار عندي باجر نتفاهم. تروح تتنازل أحمد؟ الله يسهل. طبيت وبقينا نسولف أني وأبو عمر للصبح. الصبح طلعت وياه ووي الولد، هو جان يترس السيارة مي وأني جوه. مليكة -تلفون أحمد ديدك جوه، قاسم وهو برا. طلعت لابسة حجابي أهِمّي أحمد ما يسمع بالمحل. سيارة حمل طابكة بالباب مفتوح بنيدها. ما أشوف إلا واحد مد راسه. وانكطع نفسي من تعرفت عيوني عليه. هودج. رفع حواجبه ثنينهن يحذر. هودج. ششش فوتي مليكة، روحي أخوج لا يحس.

صفنت عليه، يوم يوم مرة عليّ بذاكرتي. أشر لي روحي. طبيت مسطورة سطر. أني وياج. ووي أخوج. هودج هودج. جان وي أحمد. طبيت لزمت راسي أريد بس أوصل وأطب لغرفتي وأطب أحجي وياه. أكوله صاحبك وي أخويه وها هي. نفس اليوم تعاركوا نور وأحمد، ونور أخذتني وطلعت وصلتني ورد رجع فتح المحل. أحمد -تنازلت بس صارت له جرة أذن. حيرتني نور لا ترضى تجي يمنا، ولا أني اللي أكدر أعوف مليكة وحدها هناك. وعدها وضيفة أضل رايح جاي. حرت بينهم،

وكل حجاية كالت: بس خل تخلص الشهرين وأطلع بإجازة بلا راتب خمس سنين، وأنحال عالتقاعد لأن عندي كلة. وأني ألوب. انخبصت بهوسة المحل، ردت بس أوفي فلوس أبو عمر. —أسينات -خليل التحق شهرين ما نزل، مرضه. كلما نخابره وصيح: عوفوني. سلام نزل ورا شهر من التحاقه، دخل علينا وإحنا جنا نقرا. وضل تخطط بدفترها. ما أسمع إلا همس: يابه السلام عليكم. وضل صرخت: بابااا. التفتت مبتسمة: الحمد لله عالسلامة. ابتسم شايل ضل يبوس بيها ويباوع لي:

شونكم؟ هزيت راسي: زينين تلوفنك، ليش مغلق؟ شحن يخلص وما عندي شاحن. وضل استلمته سطرته وهو يفك عين ويسد عين تعبان حيل. همس: بابا أكعد من النوم ونكمل حجي، زين؟ أي. لا تصيحين فدوة. لا أسكت. أسينات -ما تتغدى؟ لا لا أنام، من أكعد عود. ذب جنطته واستلمتها، غسلت الهدوم وشريتها. أسمعه يكح بالحمام، طبيت للغرفة، شفته نايم على بطنه بطرك الشورت. كبل طلعت. سديت الباب. لليل يله كعد. توه طلع من الغرفة وطبت أمه تركض. سلام يمه، كاعد.

شكو يوم يا ستار؟ يمه الحك هاي آية انفجر عليها الطباخ، أبوك راح هسه للمستشفى. آية بنت عمتي فدوى؟ أي يمه أي. استغفر الله، إخوتها وين؟ والله يمه ما أدري، خابروا أبوك وكمز سودة عليّ، أكل ما ماكل. يبدل ويحجي بصوت عالي: ما افتهمتي شنو؟ ما تأذت لا؟ والله كولوله عيونها متأذية، والحكلنا خالي. يا حافظ يا رب يا حافظ يا رب يهمس ويلبس. طلع ركض. وأني أتصفن متت قهر عليها. لنص الليل يله طب عمي أبو سلام، سألته خاله: كلها:

عيونها راحت طفت. يحجي ويبجي عليها: بنية مثل الوردة عيونها راحت. أم سلام بعدها شكدوتها مخليها تطبخ، شمفهمها؟ توها ١٥ سنة. مو أخوه تكولين جلمود بيد نسوانهم. استغفر الله ربي وأتوب إليه. شون مصيبة هاي. يتيمة ما رحموا بيها، تكولي خالي ما أشوف بيها بعد أضل بتك. خطية طلعوها هسه. أي وقفوا النزف، وينه تلفوني؟ خابري لي قاسم سلام وحده هناك، إخوتها رجعوا المخانيث. أسينات -أسمعه خابر قاسم ولح عليه:

هسه تروح للمستشفى، وإلا أخذ هي روحك، تجي ويايه عمان نسوي عملية إلها تجميلية. وسده منه. للصبح. رجعوا وهي وياهم، وأبو سلام لازمها. خطية شكد ضعفانة وتعبانة. وخالها يبتسم يهدي بيها. طبيت وراها، رقيه بس صافنة عليه، بطنها عليانة هذا شهرها. طببوها نامت بالغرفة الجوه. وهمس أبو سلام: مو أخوه عدها إخوه يوسف مو هيج. سلام -حجي من أولهم هيج لعمتي موتوها. أم سلام -هسه وتالي؟ أبو سلام

-قاسم بابا حضر جوازك وتجي ويايه، نروح الأحد سالفة سبوع ونرجع. قاسم -صار خالي. يله روحوا ارتاحوا. سلام باوع لي همس: ضل كعدت؟ لا نايمة، هي السبت تطول يله تكعد. حضري لي ريوكي فدوة. صار. باوعت لي رقيه وجرت عينها، مالي خلگها أبد. مرت الأيام وأخذوها ورجعوها، بقت سبوعين عدنا واجوي إخوتها أخذوها. خالهم حاول حاول يبقيها، ما قبلوا أخذوها. سلام يومين ورا نزلته رجع التحق، لأن توه مترقي بعمله لازم يثبت وجوده.

هاليومين التهينا بـآية كلش. وراحت. سالفة أقل الشهر ودزوا الولد إخوه آية على خالهم. واجه أبو سلام يشب وينطفي أعصاب صاير. صيح على نسيم طلع قهره بيه، ونسيم استقبل وسكت. تالي حجه: الأدبسزيه يردون يزوجوها لواحد متزوج، ابن عم مرته لأخوها العار يكول خلي ما تشوف، والأخوة قابلين يكولي خالي مزين أحد قبل بيها، لا دراسة تكدر تدرس وتمشي وتوكع. وأني تخبلت كتلهم ما أقبل، وتعاركت وطلعت. اليوم يجي قاسم وأفهمه شسويت. أسينات

-جنت أسمت مراقبة الوضع، أخجل أتدخل. للعصر طب قاسم بيده علاكة بدلته، باوع لي وبيده جبس. جايب لج جبس وعلاكة بدلتي الوصخة. ههههه تدلل. طبيت خليتها بالغسالة. وطلعت أشوفه بيت أبو سلام. بعدني ما واصلة وكفت، لأن أبو سلام ديحجي بالصالة ويا. وسمعته: ابني أني سكتتهم وكتلهم أريدها لقاسم، والله العظيم لو واحد من ولدي ما متزوج إلا أخذها اله. وقاسم ساكت. أني لو ما عادك ابني، أو أني اللي ربيتك ما أحجي عنك. وقاسم خانس.

رجعت لبيتي صافنة، هاي أمه شحتسوي؟ وفعلاً قاسم طلع وللصبح اجتي أم قاسم. تتعارك: وأنت شعليك من ولدي؟ أني أريد أفرح بيهم. بنت أختج هاي مروة. حتى لو ما تشوف تك عين، وابني شبي شناقصه؟ أبويه شبيها قابل عمية؟ حرام عليكِ، يتيمة ارحمي بيها بنت أختج. ما أريد، وأنت ما تتدخل بولدي، أني تدخلت بزواج ولدك؟ سكت أبو سلام همس: يعني قاسم اللي دزج؟ أي هو كالي خالي يريد يورطني. زين كوليله خالك يكول وصل حق ربايه وها هي، أني أحلها.

وطلع وهي ضلت تدردم. ثاري أم آية خربت لي حياة خليل وطيحت حضه. من ورا وحده إخوتها إرهابيين، وهو يريد ياخذ له وحده عمية، للخ أنت شعليك. أم سلام ما ردت عليها وهي لغت لغت وطلعت. طلعت للدوام، جان عندي محاضرات بـ١٠ الصبح. كملت ورجعت شفت سيارة سلام عرفت جاي. طبيت لبيتنا ما موجود. عرفت بيت أهله. رحت طبيت سمعتهم بالصالة ديهمسون. دا أرجع ولمحت رقيه تتصنط، ما شافتني صافنة وفاتحة التلفون موجهة السماعة عالجوه.

صوت سلام لو سكت ما ينصي ينسمع. ديحجي: يمه لا ترضى تروح طبيب، ولا دتصير فرصة بيننا، علاقتي بيها خوان. يعني أنت ما حاولت؟ هو ديصير لي مجال؟ خليل وراه آية، ومنا ترقيتي. يمه أنت تريدها؟ والله يمه البنية شاهد الله أني وبنتي شايلتنا، وأني أريد أعيش. لك يمه د اقنعها عالطبيب. حاجيها أنتي فدوة بس لا تجرحين خاطرها. سألت الدكتورة تكول مدام شايلته ما يصير. يمه واحد شايله والثاني ضامر. سكتت وهمست: راح أحاجيها أني.

رقيه أباوع لها ضحكت، بقيت خاتلة. وحجت بالتلفون: لج طلعت متخلف ولا جاي يمها أبد. طلعت من الباب الثانية لبيتي ترجف، أعصابي رجف. نمت راسًا حتى ما تغديت، توسلت ضل بيّ نتغدى كتلها صبوا وأكلوا ما أكدر. بقيت نايمة للعصر، حسيت أحد كعد عالجرباية بهدوء ومد أيده على راسي همس: شنو مريضة؟ ما رديت، نطيته ضهري، تركني وطلع. للعصر طب قاسم للبيت، كمت من سمعت صوته يسأل عن خاله. خاله جاوبه: خير. كال: خالي شوكت تريد نروح؟

أني حاضر وحجايتك ما تتثنى. أباوع خاله ابتسم وفتح له أيده، وهو تقدم بثقل حضنه وباس راسه همس: خالي أنت اللي ربيتنا، إلك الحق حتى بنفس اللي أجره. سبع سبع وليدي، صيح سلام حتى اليوم نروح نحجي وي إخوتها وعمام البنية وخليها ببالك. ما راح تندم أبد. نصى قاسم راسه، باوعت لي ورجع نصاه. فرحت أعرف آية شكد حنينة وحبابة، ونفس الوكت أعرف قاسم كلبه وين، وأعرف كلبها مو يمه. أحسن قرار هذا. —مليكة -ما تحملت، سبوع قوة مر. دزيت رسالة:

ويا من دتحجي؟ ورا شوي دز صور. وأنتظر أحمل وتفتح. وانفتحت. صوري بالمنطقة. وي الطبور يم الشباك. وبالمصلى. بتلفون مغوشة شاشته. ابتسمت وأقلب بيها. جانت هواي كلش. حتى من مكان بعيد عالشباك. ومن نايمة بالغرفة كومة. محددة شفتي الفوك بالذات مكبرة عليها. شعري. وكف أيدي. ركبتي وأذني. تفاصيل دقيقة. خابرت. راسًا رد ساكت. ألو. بلي. ليش ما تخابر؟ ما أجبرج على شي. ما جبرتني أبقى بالمنطقة قبل. تنهد: مو أني اللي طببتج. ما خليتني أطلع.

ولو بيدي لليوم أحبسج، ولا أنحرم منج هالكثر. هههههه. تضحكين مو؟ امم. فتحي كاميرا أشوفج. ماه. براحتج. مشتاقيت؟ ما يعلم إلا ربج. لعد ليش ما دكيت؟ بيش ملتهي؟ سكت وجر نفس. أبو قبضة. هم وكح قوي همم. باردة يمك؟ حيل. حلوة المنطقة الكاعدة بيها؟ امم جبال وشاطئ ونظيفة. ما أريد أجي، لا تقنعني. براحتج. أتزوج غيرك وأكعد هنا أحسن لي. خنس. ألو. ما رد. عابس. سده بوجهي تخبلت. رجعت دكيت رد. ساكت. ضجت. ما رد. أشوفك شو.

فتح كاميرا راسًا ويباوع لي بطرف عينه ويهز برجله. ابتسمت. ابتسم ودار وجهه وضرب على فخذه وهز راسه متحسف. ما يباوع لي. شبيك تريد تقتلني؟ أنا أنا. شوكعني. تستاهل. هز راسه يباوعلي بعتب همس: تردين تتزوجين مو؟ اي. بقى يباوعلي، عيونه لمعت. أريدك إلي، كلتها وابتسمت. غمض عينه ورجع راسه مغمض: عمري ما كذبتك بس الغيرة حراقة. هز راسه وبلع ريقه: أحبك، أني ما أقدر أعيش بدونك. بلع ريقه وعيونه انترست دمع. لزم راسه ونام على المخدة:

شبيك؟ صافن بيج. ليش؟ شمس أنتي، وهيك الله دزج لي. الله الدزك إلي لأن اندعيت هواي. أنا مو مثلج نظيف. أنت أحسن واحد شفته بدنيتي. غمض واندار صفح، رجع الفون على الميز. همس: مو نايم من أسبوع. كذاب. وغلاتج، كالها وغمض. شلون تكدر؟ أنام ساعة وأفز عيني على الفون. نصيت راسي من ورايه. مليكة لو عفتيني، أنا لمن أعيش النوب؟ كالها مغمض: ما أعوفك. نعست حيل. نام. وأنتي؟ أظل أحاجيك. لا تسده. لا. غمض وتغطى زين، دا أحجي وهو يهمس: امم.

يغمض ونوبات يفتح عينه يبتسم براحة وانصدمت. وانفتحت الباب راسًا بكل قوتها. أحمد واقف صافن على الجهاز، أريد أجره وكع بالكاع ووضحت صورة عابس. بقى فاتح عينه يخزرني. وأني صافنة عليه. همس: ويا من تحجين؟ لا مليكة، مستحيل. نصيت راسي. صاح: لج وياااامن تحجيييين فاتحة فديو وي ولد. بت سلماااان. تقرب مني وصاح عابس: اوكف، اكففف أبو شهااب. أباوع قابض وكف وعيونه مخنزرة. ويصيح: اوكف كلامك وياي، أنا أنا أفهمك. ولج منو هذذذا؟

حاجيتيي إليي أحمد. مليكة مستحيل تسويها بيه، تخونين ثقتي، لج مليكة. نترت: ما خنت ثقتك، أني. وعابس يصيح: حاجيني إلي. نترت: تدري بيه أحبه وما أكدر. بعدني ما كملت كلامي. وضربني راشدي، عيونه دمعت وعيوني هم، لازمة خدي وعابس ظل يكفر: لا تضررربها، لا تمد ايدك. بالقرآن، أهد البيت على راسك عوفهااا. بلع ريقه أحمد يباوع بعيني. همس: ما أصدك. نصيت راسي. نفسه مو؟ هزيت راسي. مع الأسف والله، شسويلج بعد، بيش قصرت وياج؟