رواية منطقه13 الفصل الثامن عشر 18 - بقلم مريم السعدي

عيدكم مبارك
واالتمسولي العذر. محبيت تروح الايام الفضيله ولان القصه تسطر عرفت راح تاخذ وتنطي. بفكركم

اخليكم وي الاحداث وماريد تضوجون

وسعو مخيلتكم لان القصه. اشبه. بفيلم اكشن. تعبتني. ولوما الصور والفديوات. اني هم مااصدك بس هذا بلد العجايب. كلشي شفنه بي

اخليكم وي الاحداث بين يوم ويوم بارت من٣٠٠٠٠ كلمه باذن الله. التزم ادعولي

مريم السعدي

انطويت اكثر بيبيتي انشلت كلامها غير مفهوم  بس تحارب روحها بليل بليل تاشرلي. وتون تعاي نامي يمي
رقيه تنام يمه امها. بغرفتهم قاسميلها بمثل الحد حاجز ومسويلها غرفه. مطلعين من غرفه امها وابوها
خليل وقاسم وحمزه. فوك غرفهم كلهم

قاسم جانت نضراته مال ادبسزيه بس خليل حباب يباوعلي بعطف

ثنينهم مراهقين. وعمرهم حرج. جانو يطلعون الصبح يجون بليل. هول ببيت حدي ماكو هو مطبخ. وهو هول انام بي اني وبيبي

وبدت رحله معاناتي

المدرسه بعد وفات والدي مكدرت اداوم بعد بس مخنطله بغير عالم واتصفن. راحت. عليه السنه الكانت شبه منتهيه . رزاله. خاله مروه الي وعياطها كومي لتضلين نايمه يمه موزين وافز من خيالي اساعدها.
راحت السنه عليه والسنه الوراها. رسبت. بالفصل الاول بكلهم وبطلت حسيت روحي باخر سطر بعدما كنت الاولى عالمدرسه كلها

كمت احس روحي ميته

ضعفت  حيل. ذيج الدبدوبه. راحت ملامحها . شعري الطويل الثخين المحابس. راح انهلس

. عمي بعد وفات ابويه كمت. احسه ميكدر يبقه ببغداد كاضيها ديوانيه نجف  بشغل
ومرته  تطبخ الجدر شكبره. للغده . واحس روحي ترتجف بس مااكدر اكل حلكي ملجم قليل كلش اكلي ومن بديت اكل.

يصبون الغده. وتصبلي اني ورقيه فد ماعون. جبير رقيه تطير الاكل بسع بسع واني مالحك اكل

الشغل صار كله عليه واجر بروحي. جر. وببيتي عيونها تراقبني بالم

جانت اكو مواضع تخليني اصفن وابجي. مشتاقه لروحي. القديمه
سنتين انكلبت حياتنا
اخويه وين
امي وابويه وين.

عافوني وحدي ليش. وتشوفني خاله مروه تجيني
لج ماما. هذا امر الله كافي اصحي  دراستج راحت. وعافيتج. شون تموتين روحج وراهم

ساعه اكول  لمصلحتي ساعه اتاذه من قساوتها

ساعات انزوي ببحدي بالمخزن وره البيت واباوع للسما كلما فات شهب ابيض واكول هاي روح ابويه لو. امي

رجعت للصلاه. من شفت بيبي تصلي بعينها. متت بجي. ورجعت. لله. لقراني وصوت امي وابويه. رجعت. بس. اتمنى الموت كل لحضه

طفله. يتيمه انحرمت من كل عائلتها ومن اجمل عائله والله مجنت اتمنى شي مااعرف طعم الاماني ومكتفيه بكلشي عدي واكثر شي اتلهف عليه. لمتنا عالصينيه واللمه وره الصلاه جوه الدرج بحضن امي اللي تلفلف بشعري. وتفلي بي. وابويه يقص بالقصص

نفسيتي بالاكل انسدت. للاخير كوه اكل لكمه لو تصبلي خاله مروه اني ورقيه ورقيه تطير الماعون واني صافنه بفهاوه عليها

ضعفت انسليت كمت ادوخ وخاله تعيط بي وتخلي راسي جوه المغسله تصحيني
لج يمه حتموتين
واني بس ساكته

صديقاتي صارو صف ثاني متوسط واني بعدني على شهاده السادس

وبدت تسمع خاله

رسبتي مرتين ضاع حقج كعدي بالبيت اخدمي ساعديني حللي لكمتج. اني مااكدر وحدي وانتي مالج واهس دراسه
واني اسمع وانفذ

نوبات احس روحي اني
مواني. بغير عالم وبليل بليل تون جروحي عليه. اتذكر اهلي وموقف موقف يمر عليه
صوت امي  وضحكتها الهاديه
عصبيتها عليه من اغلط وخزرتها
وكلامها وي ابويه من تريد شغله وتتوسل بي
وابويه يداهرها ويضحك

شكد حلوه جانت ايامنا

مرت كم شهر واني يوم عن يوم. يزيد سكوتي. بيبيتي طولت بالجلطه. وعوجه فكها وايدها عمي السفراته متخلص. الولد كانو يطلعون من الصبح ويرجعون بليل
واني ابد ماشوفهم رقيه. من ترجع من الدوام تنام. وره متاكل. وخاله مروه تاشرلي وره الغده
يمه مليكه المواعين. لتنسيها

اول شهور ميجون  الولد عالغده جنت اكدر اكل. كم لكمه. من اجوع. بس بعدها

صارو يجون الضهريه عالغده. وخاله مروه الاكل كله تصبه كدامهم زلم صارو ويطيرون السفره ميبقالي اكل. بس شوي. اكله. واضل جوعانه. وخاله مروه تسوي روحها متدري كمت انسلي. واني يوميه احس روحي ابتعد من هالدنيا اكثر محد يريدني محد يحبني. المن. عايشه. بس لصلاتي والادعي بيها. فتره مرت كمت اتجرا من جوعي افتح الثلاجه بليل من ينامون واسويلي لفه اكلها مثل المخابيل بسرعه ونوبات بالحمام وارحع انام انحشك ببيتي

مره مرتين ومرت عمي حست
منو اكل هالجبن
وين الطماطيه البقت
كانت بخيله لابعد حد رغم اشوف عمي ينطيها فلوس والولد هم كلهم يشتغلون بس طبع بيها البخل.
عمي محمد.
اختفى منعرف وين. سافر ومندري وين راح. وعمي راجح عجز منه رجال بالاربعين وين يروح
مرت الايام عاديه فجاءه مرت عمي عرفت اني الدااكل مو ولدها. خلت قفل عالثلاجه كامت تقفلها وتنام بيبي. حست هطيه كامت تبقيلي من شوربتها الماصخه اكلها من جوعي بس شوي شوي تعلمت معدتي عالاكل القليل
اشهور مناكله لحم واشوفهم كدامي شون ياكلو مره نسيت نفسي واني اباوع لقاسم من ياكل لان مننجمع فد سفره الولد وامهم ورقيه ياكلون واني وي ببيتي اكعد عالجودليه وناكل

صافنه عليه شون ياكل اللحمه وماعوني بيدي. مركه شوي وخبز انتبه عليه باوعلي وبلع ريك اشرلي
تاكلين
خاله. مروه  نترت
اكل يمه. دتاكل هيه وخزرتني
نصيت راسن
عمرها ممدت ايدها عليه بس اخاف منها حيل

بقت عين قاسم عليه وخليل التفت وكانه انتبهو بعد شهور امهم مقصره.

ولان عمي دوم يسافر خاله مروه تمادت بليل سمعت قاسم يحجي وي امه.
يمه حرام عليج. حالها حال رقيه
يمه تتغده مرتين. ختولي
يمه متشوفيها جلد وعضم صايره. حرام يتيمه خطيه
معليك انت بسوالف النسوان ختولي

شي بيه امن لقاسم حيل ارتاح كلبي وحسيت بيومها ماكله كومه اكل. شكد دعيتله بيومها كومه كومه اندعيت اله

وغفيت الصبح. حسيته طلع. وخاله نايمه كمت وراه واعدل بحجابي التفت من شاف اللحاف. وخرته داكوم
همس ويلبس بحذائه
ها شبيج مليكه شو كعدتي

قاسم. اريد بس اسالك
جنت احجي وارجف اخاف منه. لان دوم يرزلني قبل وفاه. اهلي بس هسه شوي ارحم كال

اسالي وعيونه على شفافي ونصه يكمل  لف القيطان
هو شنو احمد مات
جان منصي على حذاءه يربط بسرعه وجمد رفع راسه ليفوك باوعلي ورمش مرتين هز راسه بكل هدوء لا

لعد كلتها واتحرك مرتبكه لعد -- لعد ليش ميجي مطلع من السجن

لا بعد مطالع اذا طلع. اصلا مهددي. ينقتل.
يعني ماشوفه مثل اهلي كلتها ببرود وكانما صار كلشي عادي
هز راسه وتقدم تلمس خدي
ادعيله ملوكه
اي دااندعي
يله مع السلامه نامي نامي ببيتي تتلمس مكانج تدورج
التفتت شفت ببيتي تدورني بصعوبه بايدها راح وسد الباب واني رجعت لمكاني حسيت وره شوي خليل طلع سويت روحي نايمه حسيت عيونه عليه وهو يلبس الحذاء وره شوي تقرب من ناحيه الحايط اللي اني حاشكه روحي بي بطرف انفه مشه شوي من خدي وكام راسن

شنو شبي بيه ريحه كعدت. وره مطلع واشم بروحي ليش هيج سوه كمت راحت النومه انضف واحس بروحي اليوم شي متغير شي بي امل لعيشتي حتى خاله مروه من كعدت شافتني كاعده كيفت تريكو واني هم تريكت خلتني اكل بيضه كامله وصمونه كامله

شبعت زين راحت رقيه دوامها ضهري واني اساعد خاله مروه واندكت الباب خاله طلعت كالت
كملي حمس الصبيناغ
دااحمس واسمعها
هله هله بحجيه وضحى تفضلي تفضلي زارتنا البركه
التفتت واشوف مره سمينه تطلع بالاربعين من عمرها بقيت صافنه عليها وهي صافنه عليه لابسه ذهب بيدها ومحابس على عدد اصابعها

اشرتلي وعيونها دمعت
هاي مو بتها
خاله جاوبت تضحك
ايييي تعاي تعاي يمه ملوكه. هاي خالتج شبيج معرفتيها
بقيت مستغربه وموقف والدي ونفره من اهل امي يدك براسي
بابا ميحبهم
بابا منعنا منهم

اشرتلي خاله مروه. بنتره وخزره
تعاي مللوكه
ههه هاي شوي تخجل حجيه تقربت خالتي ولزمت طرف كصيبتي الرفييعه تبتسم
يمه. هاي بتها. . يعمري يبعد خالتج. يايمه جنها امها بصغرها. ييمه جعل حضج احسم من حظ امج

بقيت صافنه علبها وهي تحضن وتشبك واني جامده

ماعرف شسوي وهي تبجي وتمسح بدموعها ورنه بتوتها.  باذني
جرتني كعدتني يمها وبيبيتي. صافنه وتنود وتون. مراضيه. وتباوع لخاله مروه. وخاله مروه. تتملق. الها. بمبالغه الطفل يعرف هاي لواكه

حبيبتي. شوفي للبيت شون انتعش بطبتج طبه  خير انشاء الله  شوي هالايام. راجح شغله مزين حتى ولده سوده بوجهي عافو المدرسه اييي عافو المدارس ويعينو تدرين زدنا نفرين. فوك لحمنا. وهو خطيه ماعده امكانيه.

تحجي واني صافنه خالتي تباوعلي وتهز راسها. بالقبول وتمسد على راسي واني منصيه. ضلت تحاول تحجي ويايه
خاله محتاجه شي حبيبتي. تردين اجيبلج شي عاجبج
واني. مااجاوب طفله. بامنيات.  ميته. بامل مقتول. وصلت حد كلشي ماريد  بس. الموت

خاله مروه معافتنا كلما سالتني خالتي شي هي ترد بشي لصالحها
خاله اشو ضعفانه
متاكل سوده بلجهي. موتشوف الاكل ميكفي تكول لعمي لان يجي تعبان. ومتمد ايديها. والله البارحه رحنا. للطبيب كومه. ذبينا علمود امه الله برحمته لا يرحمنا وياخذها ولا معافيها بعد كيف الله

بقيت صافنه عليها بيبيتي نزلت دموعها

واني متت قهرر ومنكدر نحجي شي. تمنيت لو بس ببيتي متعافايه. وتكدر تامر وتنهي. لان بيتها هذا

ايست خالتي مني. وكامت تروح من اجاها تلفون وكفت وفتحت جنطتها وتقربت مني
خاله حبيبتي هاي فلوس الج مالتج. فاهمه شتريدين تكدرين تدزين اي احد يجيبلج اليعجبج

مااخذتهن نصيت راسي للكع نترت خاله كروه
اخذيهن. يمه عيب تردين ايدها خالتج هاي

على كيفج وياها ام قاسم يتيمه هاي وهاي الج هم جوه ايدج غير مالت ملوكه. خاف تحتاج شي. واني كلما اجي اداريج بس ديري بالج عاليتيمه

تهمس وتباوعلي واني اباوع وانصي اباوع الفلوس ضبه. جبيره. وخاله مروه وجهه انتعش وصلتها للباب.  وتبوس بيها  وخالتي تتوسل تدير بالها عليه

رجعت خاله مروه. وباوعتلي اشرت جيبيهن اضمن عدي طيتهيا وكمت اتوضى واصلي.

صارت بيه سوله ادعي لاحمد ماعدي غيره اخاف عليه وصلت لحد. حتى مااريد اعيش. عيشه زينه لو اتمنى تتغير حياتي للاحسن راضيه. دنيا ومكضيه. لحد يوم ١٧ بشهر الثالث مااكدر انسى هاليوم ابد

جنت نايمه بضهر ببيتي واتلمس ايدها مثل المساج يسمو هالوكت. اسويلها حتى بلكن تفك وهي تباوعلي مميله ركبتها ودموعها على خدها تقربت ردت حضنها ولمتني بقوه لان الشلل يكون اعصابه. بقوه من يلزم ومن يعصر دقايق وغفيت براحه واني ملزوكه بحضنها حسيت روحي اريد اتكلب وصوت خطوات فاتت من يمي عرفت الولد طبو لان طبتهم من يمنا يمشون وصعدو الدرج عمي راجح صارله شهر اكثر مجاي وخاله مروه مو مهم عدها.
بيوم الاخذت الفلوس ثاني يوم العصر شفت بيدها اربع بتوت. ذهب. جديده عرفت فلوس خالتي. سوتهن ذهب وابد متغيرت قست اكثر. ملانت واني مومهتمه. ابد

بس هاليوم اذاني وصحاني

ساعه.   وره صعدت الولد حسيت من رجه الدرج. احد نزل بقيت مغمضه. ضوهرالثلاجه اشتغل عرفت فتحوها كلت يجوز ديتعشون البيت ضلللمه وصننطه واني انام واكعد والربطه براسي  حسيت احد  تقرب مني وطكه عضام رجله من قرفص  ثبتتلي هالشي ايد انمدت عليه. قشعر جسمي تلمس زندي بحركه. محد لازمني بيها قبل واني زنودي عود بس عضام فزيت

وابتعدت اباوع قاسم. فتح ضوه الفون اشرلي اشش تعاي

مجنت. عدي وعي انه ممكن يغدر بيه. مجان عدي وعي بانه ممكن يستغل هالجسم الهزيل. الحتى مابي اغراء بوكت. مااعرف معنى الاغراء

كمت. وراه  اخذني لوره البيت نضراته كانت موطبيعيه وريحه بي موطيبه. سد باب المنور عالمطبخ

ها

مليكه. هاج مفتاح الثلاجه شتردين اكلي

هزيت راسي
لاه لاه مجوعانه شبعت اكلت شوربه ببيتي

بلع ريك وتقرب. مني راسن وجرني لحضنه
جمدت
توقعت مقهور عليه. لان اهلي راحومني توقعت شون احمد بحضنه النادر. اليه حضنني بس.

بحركاته حسيت بغرابه صحت محاول ينزع اي شي من ملابس بس حركاته. كانت غريبه بالنسبه لطفله تجهل معنى العلاقه. بين الذكر والانثى

دفعته وهمست
دتاذيني
ويهمس برجفه
هسه
قاسم فدوه وخر دفعته وهو كعد بالكع ونفسه. متخربط ومنصي بقيت صافنه عليه لم رجله لصدره همس منصي
روحي نامي

عفته ورجعت لفراشي لكيت ببيتي تنود وتون. تمددت بصفها وتتلمس بصعوبه. بيه. وتون اخر شي كرصتني قوي من ايدي عرفتها عصبيه
شبيج بيبي

تحرك براسها  كانما ضايجه مني. بيومها منمت للصبح. بس افكر  ليش هيج سوه.

اربع ايام مرت بسسس بس اربعه

واتخربط. من قله الاكل. جانت دنيا ليل وركضو بيه. الولد مستشفى. بسياره خالهم الجابها خليل. واسمع الدكتور  يكولهم سوء تغذيه البنيه دم مبيها.

قاسم بيومها الفجر  من ر جعنا  تعارك وي امه هو وخليل.   وامه ترد وتجاوبه  وتعارك. وياها وعاف البيت وطلع. مااعرف. وين. بس كان بلبس عسكري. لبس بالجديد

عافتني يومين خاله حدما استعاديت. قوتي. كامت تسوي اكل اكثر. ورجعت جتي خالتي. وهم نطت كومه فلوس. الها وحجتلها عالوكعه. مالتي. بحجه

حجيه دمرتني متعلمه متاكل  الا اكل ملوك يمه. هاي تمن ومرك ويانا
هذا ماحبه وهذا ميعجبني تريد كله لحم ودجاج وهذا كله يراد مصرف. واني منيلي. اشو الرجال صار شهرين بالديوانيه على باب الله يدزلي بالشهر نتاتيف بيد جيراننا

وهم شالت خالتي ونطتها بيومها جابتلي  هدوم العيد الحبير ملابس حلوات بس عريضه عليه كوني كلش ضعيفه لدرجه جسمي صار بي حدبه. من انزع قفص الصدري مبين.

لبستهن من راحت كالت
ذبيهن هاي مو على كدج. على كد رقيه تكعد انتي البسي مالات رقيه القديمات
واخذتهن رقيه.
اول مره انقهر على شي وره مراح ابويه
اول مره شي ياثر بيه

قبل العيد بيوم

نايمه. وطب خليل  توني جنت متمدده. وببيتي لزمت ايدي قوي. كال
امي نايمه ملوكه
اشرتله اي
كال
اذا تكدرين تسويلي هاي  تكه حتى تاكلين ويايه مولازم اكل  علمود الحديد

مفهمت شديكول كمت وببيتي مجلبه بثوبي شاورتها

بيبي هنا يمج يم الطباخ عايني

هدتني وتعاينني. كمت يعلمني واشتغل شويت وسمعته نزل بعدما صعد يبدل سويت الزلاطه. خليتها بالماعون
اكعدي. اكلي  ويايه
اشرتله لالا

صارت بيه خوفه منهم

اشرلي باصرار كعددي نايمه امي
منضر التكه غرتني والريحه. جوعتني. باوعت للماعون جر الكرسي كال
كعدي هنا يله واحد الج واحد الي

خليل بهالوكت عمره ١٧ بكد احمد اخويه. فرق شهور

كعدت وكمت اكل. بس محسيت على روحي فقدت كمت اكل مثل المخابيل وعيني عالكليدور الحولي. اللي بي غرفه خاله مروه خاف تجي وتشوفني

همس
نايمه امي لتخافين. وقدملي لبن شربته  كله. باوعلي يبتسم. همس
فدوه لا الله. شون عيون مكحله
ابتسمت بخوف كام وغسل وكعد عالميز كام يدخن. بقيت صافنه عليه. يعني هسه هو كبر وصار رجال بس حتي شاربه خفيف. احمد شاربه اثخن منه

لملمت المواعين وغسلتهن وعيني عليه يباوعلي ويدخن.

جنت ناعمه وضعيفه حيل.

تقربت منه
اانت حتكول لخاله
ابتسمت وطفه جكارته همس
محد يدري بس اني وياج

هزيت راسي شكرا

حتنامين
اي داباوع لبيبي. همس
تجين شوي فوك احاجيج
لالا لا جاوبت بخوف وكفت وطفه جكارته الثانيه تقدم واني ارجع ببيتي ورايه لزمني من ساعدي
وين مو حتوكعين عليها جرني وره البيت واني اجر روحي

لابيه اصيح اخاف من امه. تضربني الي تاليها ولابيه اسكت خايفه. منه شيريد شيريد

جرني للمنور نفس المكان لزم وجهي يباوع بعيني تقرب ودفعته. وكمت اضرب بصدره وهو ممهتم باسني ودفعته قوي وكمت ابصق بالكع وامسح بكفه ايدي شفتي واتخوع

باوعتله. واهدد بيدي
الا اكول لعمي راجح عليكم انت وقاسم الا اكوله بس يرجع
فك عينه كلها كال،قااسم وتقرب قاسم شعده وياج وصيح. قااسم شعده وياج

دااطلع من يمه بجيت بخوف. صار بوجهي قاسم لابس عسكري وعيونه فاكها كلها شاف خليل ورايه ديلزمني ديريد يجرني من ايدي صرخ
لك شعددك وياهااا

خليل- انت اللي شعدك وياها
ارتبك قاسم. وتقرب منه لزم زيكه. بنت  عمي واريدددها. هاي الي من اكبر  انت شعدددك وياها

مليكه- سمعته كال هيج وخليل صيح اني اريدها مالتي هاي وضربه. واشتغل المضارب واني انزويت يم ببيتي ابحي ببيتي قبضت عليه بحضنها وطلعت خاله مروه. ورقيه. وهمه مستمرين يتضاربون

وخليل يصيح. انت ماعدك شرف شمسوي بالبنيه. هاي الي مالتي من صغرها. كتله لعمي. اريدها

وقاسم يصيح اكل تبن شجنت تسوي  وياها وره البيت اليوم اخليك. تتفل سنونك

خاله مروه تدك وتلطم. والولد حمزه وابراهيم كعدو ويفاككون باخوتهم الكبار واني ارجف كوه كعدتهم الفجريه  يتفاهمون
ونتر قاسم
يمه اني اريدها وحاجي لابويه وخالي كلولي. بس يصير عمرك ١٩ نزوجك الها حتى هي هم تكبر.
خليل- انت دفكر. اخطي هالخطوه لادوس الخوه برجلي واسويها  دم

وخاله مروه صرخت ثنينكممم تنجبووون. دباعها شحالهااا لاانت ولاهو.

قاسم- محد يتدخلل محددد

داكولكممممم محد ياخذها اكلب الدنيااا. اصلا هي اختكم اني مرضعتها وي اخوتكم

مليكه- صفنت واني ارتعش واني اعرف بالدين ابويه مفهمني. انه الرضاعه لازم وي اللي بعمري نفس حليبه ارضع حتى الشبع. ولايوم اني رضعت وياهم ولان همه قليلين دين. صدكو وضلو يتصايحون وي امهم. وثنينهم عافو البيت وطلعو

جانت ساعه سبعه وربع الصبح. رقيه وابراهيم وحمزه. راحو للمدارس وخاله كعدتني بجره شعري ملختني من الكتل وتصيح عليه
تردين تخاربين بين الولد تردين توكعين ولدي بينهم. بعدج هلكدوتج. تتختلين وره البيت.
حجي. مكدرت افسره ولاعرفه غلط وونه بيبي وصياح خالتي وضربها حسيت عضامي تكسره. واتوسل
والله معليه والله همه

حدما تعبت من الكتل وكعدت. صيحت وعيونها دم
شوفي لججججج تجي خالتج. والله العضيم اذا مااخذتج وياها اذبحج. اذا مجلبتي بيها وضليتي. خطيه علساس شون خجلانه. منها. شملعبه. عشتو. امشي ولي يله. بس تجي خالتج تجلبين بيها فاهمممممه

اي والله. احجي واشهك وابجي

كم يوم مرت بعذاب كلما. مر يوم الولد ميباتون بالبيت. تتخبل عليه تحرمني العشا لان همه متعشو بالبيت حملتني ذنب غلطهم. والخاتمه. صارت.

بيوم طب قاسم للبيت. الضهر ووياه خاله

اول مطب صاح

يوم اني كلت لخالي وكال لازم راضعه وياك. يله تتخاوه وياها واني ومليكه الفرق بينا ست سنين.

نترت خالتي

تنجببب

باوع خالي موكتلك

عيني ام قاسم اذا الولد رايدها شكو منها وهي. بنت عمه. ويتيمه يستر عليها اله اجر واذا على خليل اني احاجي

مروه- لاهذا ولاذاااك. ولك اخوك نفسها بيها شون الك نفس وقاسم كام كسر البيت ويعيط ويصيح. وعاف البيت وطلع. خاله باوع لخاله مروه وكال

خسرتي ولدج وتره البنيه يتيمه ومالها ضهر وقاسم اعترفلي بالغلط السواه وياها

وطلع بس طلع اندارت عليها تريد تملخني واني. اصيح كمت مااكدر اسمت. وخيل مبيه للصياح. واندكت الباب

طلعت خاله تلهث وتاشرلي اوكفيلي راحعتلج

كمت ختلت بالحمام وقفلت الباب الحقيره رقيه اتوسل بيها لتخليها تضربني تكولي من وراج اخوتي تعاركو طبج طوب

شوي ودكت  الباب كالت
اجت خالتج
وصارت طوق النجاه الي طلعت ركض شفتها بالهول واكفه وخاله مروه تعددلها.
عيني هاي مااكدر  على تربايتها وكحه مفننه. وكعت بين الاخوه. تتختل وي هذا وي ذاك مااكدر ابقيها ببيتي بعد اذا متاخذيها داوديها دار ايتام

خالتي ضلت صافنه ركضت عليها طبيت بحضنها واتوسل وارتعش فدوه خاله. فدوه لتعوفيني والله اساعدج بالبيت وامسح وانضف زين والله بس اخذيني عدج

بقيت خالتي حايره. وباوعت لخاله مروه
ام قاسم ليش متزوجيها لابنج والله لاجهزها احسن جهال حتى الذهب عليه

المن عيني. تحللم تاخذ. واحد منهممم باعي عيني حجيه تاخذيها وترحين. لابالقران بس تطلعين اذبها دار ايتام

وهوو شنو تذبيها دار ايتام
خالتي لافه ايدها عليه. وبدت تصيح
عمامهاااا وين عنها لاهو بيتج ولاابد على شنو دار ايتام مثل ما لبزرتج الها بيت الجد هذاعينييييييييي

صيحت خالتي بعلو صوتها

جاوبتها خاله مروه
عيني عمامها واحد ساكن الديوانيه والثاني سكير وابو --- يخلص فلوس ويجي لاخو واني العدي كافيني اخذيها وروحي

تخربطت بيد خالتي من الخوف

والصياح يومين مماكله شي بيبي حتى الاكل كطعته بس نايمه تخربطت هالفتره حيل وخالتي ايست بعد ساعات متواصله حتى الجوارين التمن وكلها تكولها اخذيها عدج انتي ماعدج جهال

خالتي وكفت واخذتني من طلعنا وعفنا ببيتي ودموعها تنزل وهي بغير عالم. بس ركبتها تحركها يمنه ويسره عالمخده. واني عيوني ودعت اخر ذكرى من اهلي

صرت بدون اهل غير خالتي الماعرف عنها غير انه والدي منع امي  منها ورجعت وره وفاتهم وتكت فلوس عليه اعدل بحجابي وهدومي المبهذله والتفت ليوره وخاله تجر بيه خلص الفرع
وهمست
خالهه وين حتوديني؟
هزت راسها وتباوع عالسيارات وكفت تكسي مدري شكالتله وضل يتقاول وياها  انه ببدايه المنطقه  ينزلنا صعدت خاله ليوره واني وياها اباوع عالشارع سنه الا كم شهر اني مطالعه احس روحي مستغربه حيل من كل العالم باوعت لخالتي تباوعلي بقلق

خاله وين حنروح

حوديج ببيت مريه عدها جهال واني بين يوم ويوم اجيج
خاله اخذيني يمج عفيه كلتها وارتعش خوف عالجاييني

كالت
يمه رجلي ميقبل منطقتنا  مثل السجن اليطب بيها ميطلع بعد يمه خل اخليج عدها ونضل نروح ونرد لبيت عمج لما مايرجع اخوج ويسكت مرت عمج الحيه عمج محمد وين لافي اريد اعرف
ماعرف
هاي هيه

وبقت السياره تدك بينا طريق بغداد الشوارع العريضه تغيرت صارت جول وراها صارت بساتين واني غفيت وعيون بيبي النازله الدمعه منها ضلت براسي----
يتبع