رواية مولانا العاشق الفصل الخامس 5 - بقلم زهراء العراقيه

                     
صالح
شفتها انهت الحليب  اخذت الكوب ورحت للمطبخ  بعدها غيرت  وطلعت للجامع .
 واني بطريقي افكر الى متى يا صالح؟ لشوكت اضل البنية بيتك
مهما كانت ضروفها لازم اصرف بموضوعها بس كيف وهي فاقده الحياة .. ما اكدر اخبر الشرطه جائز البنت مظلومه واكون اني اول جاني عليها
جائز مصيبتها أجتماعية واني افضحها اذا اصرف اي تصرف هسه.  ان الله حلييم ستار. لكن اني هم بدى صبري ينفذ.  أمراة مشبوهه وبيتي  !!
يا الله آتني بمخرج

....
رجعت بعد صلاة العشاء  لبيتي..
اهنا رن تلفوني
" وعليكم السلام ورحمة الله وبركاته
اها ........... فعلا  يا ابني........ انا بستقبال شيخنا بأي وقت.........اتشرف بلقائكم...
سديت.الخط بعدها.
اليوم بعد العشاء يزورني العالم الجليل. امجد ومع نخبة من الشيوخ عدهم عدة امور يردون يتداولون فيها .وايضا الشيخ  أمجد يعتبرني من اولاده

الراوية

لانه كان طالب عنده وبعدها تزوج بنتة حتى لو انتهى زواجه من بنته يبقى هو قريب عليه وبين حين واخر يزوره لكن هسة زيارته غير ..مع شيوخ
؛
طلع تمر وروبة وبده ياكل ناسي تماما المرأة الي بيته.. سمع صوت باب انغلق.
اتذكرها
.
كام من مكانه مسرع الها نساهه ونسى يعد اله شي تاكله.. 

ماهي بالغرفه..
طلعت  هي من الحمام . وكانت حانية راسها وخجلة جدا منه  عافته ورجعت للغرفه  الي هو حاطها بيها وسط نظراتة المستغربة من سلوكها الحسن هالمرة..
وكف يم الباب وراسة موطيه لانها شايله الشرشف عنها
"  اكيد جوعانة اسف لان نسيت امرك..
هو عباله بعدها برة الدنيا لهذا بعده يكلمها بنبرتة الحنونة وكأنها بنتة مو وحده ما طايق وجودها
لكنها فاجئته وكالت
" لا ماريد شكرا الك.. وهم اسفه تعبتك  ..
" تعبتيني؟؟
واخيرا راح يعرف شنو قصتها حتى يساعدها  واتروح من بيتة ويرجع لخلوته الي هجمت عليه هي واطفلت عليها...

شافها ساكتة عرفها بعدها خايفة
مايدري هي خجله تطلب منه اي مساعده ..
وبدة يخجله اكثر  واكثر من يسأله  بلطف بالغ بالكلام.
حنت راسها على حجرها و بدت تلعب بالليرات الي موجودات بأكمام الثوب المفتوحه. 
وهو راح جاب الكرسي وحطه يمها وبكل أذن صاغيه ناوي يسمعها
" شنو أسمج..
"اسمي؟
" نعم ليش خفتي
" انت شيخ؟؟؟
"نعم
خافت حيل لا يطلع متشدد حيل ومثل الدواعش همه هم مثله كانوا بالبداية من دخلوا مسالمين بعدها من فرضوا سيطرتهم غزوهم وقتلوا اي واحد منتسب للدوله و سبوا اليزيديات وقتلوا رجالهم اما همه المسيح شردوهم من ديارهم وجردوهم من ثروتهم كجزية الهم واكتفوا بتهجيرهم  .

خافت من يعرف بيها مو من دينة يأذيها..
او اقل شي يطردها من غير ما يساعدها
بين ماهي افكارها اتوديه واجيبه
هو صافن عليها وع اي تعبيره بوجه تطلقها وقرة خوفه من لغة الجسد..وعرفها اتحاور نفسها

تنهد بصبر " ثقي راح أساعدك مهما كانت قصتك
اتفاجاء هو من نفسه واشلون طلع منه هذا الوعد.من غير ادراك لكن ما لام نفسه على كل حال هو ما يترك غريق من غير مايمد يد العون اله

بيرتا مكانت اتباوع لوجهة ولحد الان ما حافظه معانية كل الى تذكره واحد عنده لحيه  قبل لا تصيبها حالة الذعر و انهيارها  المؤقت لدرجه الهذيان والتخريف  ...

" اني اني خايفه لا ...
قاطعه مطمن
"لا تخافين مهما كانت حجم مشكلتك راح اساعدك.. مع منو متورطه؟؟.
استغربت من سؤاله
لكنها ما جاوبتة ولزمت معدتها بألم قوي..
" ااه
حس بيها هو
" لا تخافين توجعك من الجوع .  راح اجيب شي تاكليه وبعدها اسمع قصتك
وكف وهم بالطلعه من الغرفه
وكال " من البداية للنهايه  وانشالله وبقدرتة
الها حل..
همست هي " ياريت تستعجل حموت من الجوع
طبعا هي كالتها بينها وبين نفسها ماتدري همسها سمعة وراح مسرع
طلع وعافها وحدها بالبيت .. .. باوع لسيارته الي نادرا ما يقودها كانت جديده لقلة استخدامة الها لكن موديلها مو حديث. 
اخذها وراح مسرع لارقى مطعم قريب ع الحي اشترى اكثر من صنف  على رغم هو يكره البذخ والتبذير لكنه مايعرفه شنو تحب وشنو ما تحب لهذا اخذ اكثر من صنف
صاحب المطعم ما قبل ياخذ منه اجر الان عرفه هذا الشيخ الي يطلع بالتلفزيون وعالم الدين الشهير بنبل أخلاقه وروحه الزهيده. 
لكن الشيخ ما قبل ياخذ الطعام الا بعد ما يدفع..
؛
واخيرا رجع الها وعيها وحست بنفسها واول شي انقرفت منه هذا الثوب ذكرها بالي مضى !!! و لازم اتغيره وبسرعه..
بس شنو تلبس وهي جنطتها ضلت بيت العصابة!؟
فتحت الكنتور الي موجود بالغرفه لكتة فارغ
لانه ندى بس من تجي تضع بيه كم قطعه الها ومن اتروح تاخذهم وياه. 
طلعت بيرتا من الغرفه باحثة عن اي شي تلبسة بدل هاي الخرقه الرخيصه. 
دخلت لغرفه صالح وعرفت راح تلكه شي بيه لان الوحيده مستخدمه الغرف الباقيه مقفولات وفارغات من فتحتهن.
باوعت لخزانته
فتحت اول باب لكت بيه ثياب رجاليه
  وجلابيب وعمامة موضوعه على الرف الي داخل الخزانه.. 
سدته ما حبت تاخذ منه شي 
فتحت الثانيه لكته بيه ملابس رجاليه مدنية عاديه قمصان وبناطير لكن اغلبه الوانه غامقه
مابيه حياة فتحت الباب الثالث
شافت بيه خزنة موضوعه و اوراق واغراض

اهنا كان صالح بطريقه للبيت

سدته وفتحت الرابع واخيرا لكت ملابس  نسائيه 

دخل صالح للبيت
حط الاكل وسكبة الها وحضره..
دك بابها لان شافه مغلقه
ومن خلف الباب كال
" تعالي حضرت الك الاكل .....
"اوك
طلعت بيرتا من الغرفه ولكت الاكل المشهي أمامها.. كعدت ورادت تاكل كان الشيخ داخل بغرفته غير ملابسه.. لان لازم يستقبل الشيخ و زملائة..
اهنا هي ملئت معدتها ورجعت دخلت لغرفتها تاركه الفوضى الي خلفتها وراها
انصدم صالح بالفوضى الي على الميز لمهم ابسرعه بعد.اشويه يجي ضيوف...
رتب المكان بدقه وباوع للبيت برضى  بعد ما  كمل ..راد يروح لمكتبه.. شافها طلعت
بس ما اهتم لوجودها
وكال" بعد اشويه يزوروني ضيوف ياريت من يجون ما اطلعين ولا تبينين الهم
" اوك
قطب حاجبه ما يهوى  استخدام  الكلمات الاجنبية ولا التحدث بها ..
"  رجع للغرفه اصلا هي حيل منحرجة من وجوده في بيت مع رجل غريب  وحده
لكن هاي نتيجه تصرفاتها الرعنة
وكفت امام المراية
وباوعت لنفسها
" ام الهلس عود تردين اصيرين مطربة مشهورة تف عليج  .. تف .....ضلت اتباوع لروحها بالمرايه
وتف على نفسها واتلومها على تصرفاتها الغير الموزونة
ماتدري اكو احد واكف ع يساره يم الباب ولازم لحيته... متعجب على انه اتبصق على نفسه لو هو سمع خطأ ؟  لانه ما رفع راسة وباوع الها بس سمع حديثها مع نفسه؛
كال
"يا الله

باوعت للباب برتباك من شافته واكف وبيده بطل ماي
" جبت ماي لا اتعطشين لان مؤكد يتأخرون الضيوف بالانصراف   ..

"اها مشكورة ردات تاخذه منه وصارت عينه بعينه ابسرعه اعيونها نزلت على لبسها.
..
كانت الصايه اشويه طويلة عليها وعريضة

واتغيرت نظرته باوع اله من فوك لجوه بطريقه احرجته من كثر اما تسعت اعيونة عليها
ماتدري اتسعت غضب عليها
صاح بصوته الي صار كأنه ازير أسد
" انت اشلون ترتدين هذاااا!!!!
واشر على الصاية الي لابستها
" ليش
كالتها وصوته  خايف حيل من كثر ما روحها الرقيقة ارتعبت
" وحده مثلج.  جريمه  تلبس هذا واتنجسه
ضلت هي متحنطه من سمعت كلامة وكيف اتغير الى واحد لئيم من بده يجرحها..
بصياح
" كيف اجرائتي وسولت الك نفسك تفتحين خزانتي اصلا كيف دخلتي غرفتي.. هاااا

" ان اني مد

خزرت اعيونة خوفتها جرت ثوبها  المخطط و هربت من نظراته لغير غرفة  بدلت  ابسرعه واخذت الصاية وطلعت للصالة   ماهو عبالها بمكتبة دخلت للمكتب اهنا اندكت الباب.. 
.
هدأ من غضبه واتعوذمن الشيطان الرجيم وراح فتح الباب.  كانو الشيوخ   دخلهم ورحب بيهم.. وهو مطمن كل ظنه البنت بغرفتها. 
دخلهم للصالة الي باب المكتب يطل عليه.  وضيفهم وبدو يتكلمون وحديث جر حديث. 
اهنا بيرتا كعدت على كرسي صالح الوثير والكبير عليها غطت بيها وتنتظرهم يطلعون حتى تطلع من هذا البيت اضاهر هم أخطأ حدسها هالمرة من وثقت بيه وعبالها راح يساعدها هي لو بس تبطل تسمع حدسها الاغبر لكانت بخير
قطع حبل افكارها صوت الشيخ صالح من بده يتقرب ع المكتب.. !! وحست الدنيا انلاصت من سمعت صوت الضيوف وصالح يرحب بيهم يدخلون لمكتبه!!!!!!!

.......  
يتبع