رواية مولانا العاشق الفصل السادس 6 - بقلم زهراء العراقيه

بيرتا :-

تلعثمت بحركتي ولفيت حول نفسي وسط الغرفة اووووي وين اروح اوه لالا
باوعت للبردات شفت ضوة الحديقة ضارب عليهن وهنه قماشهن خفيف ..
اهنا لاحظت صالح حرك مقود.الباب
جف بعروقي الدم
...
صالح
فتحت الباب واتنحيت موسع الطريق للشيخ أمجد وجماعتة.
الشيخ امجد دخل "يا الله تبارك الرحمن

اهنا شاف المكتب لكن عينه ضلت منتصبة على ذيج البنية كانت حلوة حيل وبسمتة البريئة مطيتها جمالية خاصة
بنتي عائشة رحمها الله
هم بالدخول للداخل اكثر وبعده الشيوخ الي كلهم تلامذتة واني من ظمنهم ..
رحبت بيهم مرة اخرى ..
" اتفضل شيخنا اهنا
واشرت للشيخ يتوسط هو الجلسة حيث يجلس على الكرسي الي خلف مكتبي..

الراوية
مكتبة خشبي ؛ من امام مغلق وامامه كراسي للجلوس. و من خلف بيه فتحه بالوسط ومن الجوانب مجرات صغيرات وكرسي صالح الوثير امامه..

الشيخ أمجد" ابني اتفضل اني ارتاح من اشوفك اهناك

ارتاحت بيرتا من رفض الشيخ يكعد اهنا لكن صالح رجع الح وقلبها صار يدق حست اصابها خفقان مبرح وعلى اشويه يوكف

"لا شيخي اتفضل انت ما اكدر اجلس بيه وانت موجود

بيرتا بسرها " الله ياخذك يا ابو كفشه ابو لحية مصوفه ابو خشم انعل يومك اشكد اتخبوول
وين اتريد اكعدة اهنا

" ارتاح من اشوفك بهذا المكان وهذا مكانك ابني انت خليفتي..

ابتسم صالح لمعلمة بمتنان ومن كعدوا كلهم
الا راح صالح وهم بالجلوس امام مكتبة..
جلس على الكرسي و الحسناء بيرتا متقرفصة جواه بثوبها الفضي المخطط بأسود والي بيه من الخصر حزام ابو الليرات الذهبية الخرخاشه
والاكمام المفتوحه وبيه بأطرافه هم ليرات تخرخش فهي شمسويه لافه الاكمام ولازمتهن لا يطلعن صوت عليها

الشيخ " ابني انت تعرف االيوم أثبتت رؤيا الهلال وباجر بعون الله ومشيئته نحن صائمين
صالح كان لازم بطرف ايدة قلمة ويباوع للشيخ ويصغي اله
" فأريد منك.انت بنفسك تشرف على جمعية مكافحة الجوع الخيريه لهذه السنة
ابتسم صالح بموافقة منه على ثقه الشيخ فيه .وراد يرد. بالقبول لكنه سكت على انصدم على ارتبك لدرجه ايدة رجفت وسقط منه القلم الي كان يلعب فيه بأطراف اناملة من شاف هذي البنت متقرفصه مثل الشرنقه تحت مكتبة جوة رجليه...

اخذ يبلع لعابه بغصة من صعوبة الموقف حس سمعتة هسه على المحك من شافها امامه
كان الشيخ امجد يتكلم والبقيه يجاوبوه ويتناقشون الا صالح سكت من اول ما شافها
غمض اعيونه وحاول يجمع رباط جأشه مثل ما يكولون حتى يصحح الموقف ويعدي على خير..
ياريته ما نهرها وما غيرت ملابسها ولو مراح تفرق اهواي !
باوع صالح للشيخ شافه هم رجع يباوع للصورة الي خطفت انظارة اول ما دخل صورة حفيدته عائشه...

استغل الفرصه وكال بحجة هو مايريد يذكر الشيخ بالي مضى ويفتح اجروحة لحد الان ملتهبة

فكال " شيخي شنو رأيكم نكمل حديثنا بغرفة الضيوف....
كمل عبارته وهو مبتسم وصاك أسنانه واضح جدا أبتسامته مضطربة...

الشيخ " لا ابني اهنا اريح
الشيخ الاخر غير الموضوع من سأل صالح عن احد الاعمال في الوقف السني..

باوعلها صالح شافها اتباوع اله بنظرة حقد وابسرعه دارت وجه عنه..

بعدها جاوب بضطراب وضل يجاوبهم او يتبادل معاهم اطراف الحديث مدري اشلون الكلام يطلع من لسانه بشكل عفوي صحيح لكنه مبين مو على طبيعته وحس ابسرعه بيه الشيخ امجد استاذة وعمة ابو زوجتة سابقا قبل لا تتوفى

الشيخ امجد" ابني ولو قاطعت ابو عبد الله
واشر على الي جالس امامه
ابو عبدالله اشار اله بالعفوا هو كبيرهم ولو
فكمل الشيخ كلامه " ولو الموضوع مو مناسب لكن اشوف حان الوقت ابني الوحده قاتله متى تنوي بناء اسرة جديده.
ضاج صالح من انفتحت هذه السيرة وتناسى بيرتا وغزى وجه الاسى والحزن غلف عليه. باوع للشيخ بترجي لا يداخل اكثر بهذا الموضوع
وابو عبدالله هم ابدى رأيه ان الشيخ امجد على حق
تعجبت بيرتا اشو هذا صار عادي وما اصرف وتركها هيج على وضعها رجليها راحن من الكعده انوب متقرفصه اتكسرت اتكسر و هو ولا على باله وحتى ماعاد يباوع لجواه...

مرت ساعه ونصف وهي تحت المكتب وهمه يداولون الحديث بمواضيع ما تفهمها ابد
لكنها تعبت حيل وزاد الطين بلة من حست نفسه تحتاج الى حمام (بيت الراحه(
لانه اكلت وشربت وجسمها اخذ يعمل نشاطاته الطبيعية...

باوعت لصالح.. ركزت شافته اكثر شي يسويه من يتحدث هو اللعب بلحيته.
سألت نفسها اشلون ضلت يمه ايام هذا؟ الحاد الطباع زين هي اتخبول معقول ما انعجب بيها مثل بيروس و بلال بس اختلطت بينهم ذابوا عليها ابتسمت من اتخيلت هذا الشيخ الي فوكاهه يجيها يطوطح مثل بيروس
خلاص بعد ما تكدر طلعت الضحكة الا اشوية لو ما تلحك نفسه وتحط اديه على حلكها
طلعت منه بالغصب شهقه خفيفه وصلت لمسامع صالح ورجعت ذكرته بوجودها
احنى نظرة عليه.
خزرها بنظرته التخوف رادت تعمله على نفسه من الخوف منه واذكرت هي بحاجه الى حمام نزلت اديه عن فمه بغضب و صدرت من اكمامها خرخشه الليرات..
اهنا كانوا يتكلمون من سمعوها الكل صمت وباوعو لصالح لأن الصوت طالع من يمة

بلع ريقه وضهرت عنده تفاحه ادم من شده توترة

كال صالح للشيخ
"اي كمل
واتجاهل نظراتهم يريد يحاول يغطي ع الامر
ورجعوا لحديثهم
بعد نصف ساعه
خلاص انتهت البنيه لازم تطلع منا بس شنو اتسوي هذا ابو لحيه اشو مجاهل نظراتها المتوسلة ويسولف
الشيخ عبدلله " اخذتنا الاحاديث ونسينا ان نبلغك بأمر الملحدين
باوعله صالح بأصغاء
الشيخ امجد كمل الحديث ودار صالح وجهة اله " الشباب بسبب قله الايمان وانعدام التربيه الصحيحه بدت تكثر عدهم فكرة الالحاد وماشاء الله اصبحت الاعداد هائلة
..
لهذا نحن أسسنا مجلس مناورة وانت من يتولى امرها
صالح "انشالله
" بعد الشهر الفضيل
"بعون الله

اهنا بيرتا باوعتله وما نظر الها كان مشغول بالحديث معهم.
بعد.متصبر خلت وقرصته حييل من رجله حتى تنتقم منه ويباوع اله ويرحمها
ما أثرت بيه أنش واحد...
عادتها هم ما بدرت منه اي ردة فعل
اغتاضت منه حيل من شافت شبه ابتسامه على وجهة وانطاهه نظره خاطفه
بالحقيقه هو ابتسم على تصرفه الطفولي لكنه مايكدر ينهي الكعده مو حلوة منه.. ويدري بيها الكعده اهنا اتعب لكن اراده تتحمل منا من ينصرفون. لكنها اغتاضت حييل. واتحدته اشلون ما حس من قرصته هالمرة قربت فمها وعضته
صالح
"ااااه
كاله بصوته الرجولي والقوي برخم خلى الكاعدين يباعون اله بخوف لا صابه شي...
غمض اعيونه متالم وكمل
" لا بأس كمل شيخنا
"ماذا اصابك ابني
" لا عمي لا تقلق..
بعده فترة قصيره أنصرفوه من بيته تاركيه يرتاح عبالهم تعبان.. ودعهم وهو متوعد لهاي الشقيه
رجع دخل للبيت بعد ما وصلهم للباب..

لمحها تركض للممر راحت للحمام واخيرا ارتاحت...
طلع هو بالحديقه؛ متألم من الي صار لازم يصرف ويصرفها من البيت.. الاحساس الي ولدته بيه قبل اشويه من عضت آلمه اهواي من عضته اتحسس اسنانه تنطبق على جلده و لاعبه رطب جلدة خلف رعشة لذيذه و كره هذا الشي حيل وهو ألي آلمه؛ اكبر غلط من استقبلها. لازم الانسان يبتعد عن الزلات مو يخليه بيته تقيم...
دخل للبيت شافها
كاعده بالصاله وهالمرة مغطيه نفسه بالشرشف

" واخيرا اجيت. انت مو كلت اساعدني يلا ساعدني
كالتها بمنية اغضبته حيل
" انت اشلون تصرفين هذا التصرف الاخرق
" وانت ليش لئيم هااا
بغضته كلمتها لأن هو ابد اللئم مو من طبعه
.اشر بسبابته
" انت تتجاوزين حدودج حيل
" ااوي يعني شنو سويت اني
وده يسد اذنه ولا يسمعها تتكلم بهاي الطريقه الي بالنسبه اله وضيعه
طريقة كلام بيرتا بدلع وخنج مفرط مع الجر بأخر اي كلمة اتكولها
" شنو قصتك
كالها بقلة صبر

وصلتها بمنية وهو قبل اشويه عاط بيها هذا كأنه هم راح يذلها وبعدين هي شنو تترجى منه هذا، كلهم نفس الشي متشددين عكر

" ما اريد من خلقتك شي
وعافته وراحت عود هي تنتظره يصيح وراهه
هاي الحركه كانت اتسويه مع الكل وتنجح
لكنه ما اتنحى من مكانه وعافها تطلع.
ضميره يكله لا تخليه لكن اكو صوت اقوة بداخله يكله عوفها اتروح واتخلص منها هذي بلااااااء وسمع صوت حدسة الي مايخيب

بيرتا
وصلت يم الباب الرئيسي وهذا ما صاح خنب حرجع للشوراع.. لابو القسمة
طلعت من البيت وبديت اتمشى بثقل..لان ادري كلش زين مثل عيون هذا الرجل المحترمة مراح اصادف ولا احد يعرض علية المساعده مثله لمت نفسي لو ملصمة وما مجادلتة افضل الي ع الاقل بيته امان وضليت الوم بنفسي..وين اروح ومنو يلفيني ...طلعت حيل صعبة هاي الدنيا وماكو شي يصيرلي بسهولة .

الساعه ب 2 بدت الناس تطلع من ابيوتها كان اول يوم رمضان ضليت اتهرب عن الانظار اني و شرشفي الي متغطية بيه..
اهنا شافوني شله شباب وضلوا صافنين على منظري المريب
خليت وركضت وعفتهم قبل لا يبدون اي رده فعل..

رجعت اله
وكفت امام بيته واني داخلي صراع مابين كرامتي و حيرتي وين اروح ؟
بالاخير اتقويت ودكيت الباب محد فتح كسرته هم محد فتح..
..
صالح
عزمت من وصلت للباب اذا رجعت اطردها ....
لكنها ما اتراجعت وراحت .....
جلست جنب مكتبي .... وين راح اتروح هذي بهاي الليلة ...وبهيج وقت .... هي ماعدها لا جنطة ولا اي شي حتى اكول عدها افلوس
منظرها مريب اشلون راح تتصرف بلبسها ؟؟

خليها يا صالح اتروح لحال سبيلها .... لكن لكن
يمكن اتكون مظلومة او قابلة للهداية ؟؟؟ ليش ما سمعتها يا صالح وبعدها اتقرر تطردها او اتخليها ....على كلا ما بيدي شي بعد الي صار صار ...

ورة نصف ساعة ... طلعت مسرع ما كدرت اقاوم شعور الملامة ...البنية طلعت بوقت نحس والدنيا ما ترحم ... ضليت ادور عليها بالحي !!!!!!!!!!!!!

يتبع
كم متابع جديد معنا وكم قديم دا يقرة من جديد