رواية مولانا العاشق الفصل السادس والثلاثون 36 - بقلم زهراء العراقيه

الراوية

القلوب الطيبة كـ "الذهب"لا تصدأ أبداً حتى لو أنهكها التعب مجرّد مسحها بِـ "كلمة جميلة"
يُظهر بريقها مرة أخرى..!

سمع اصوات عاركهن ..  وانرعب من جملة بيرتا الاخيرة
" اني مستعدة اسوي اي شي حتى احقق حلمي واسافر ...
جانت اتكولها بصياح  خوف صالح عليها هذي مستعدة اتروح برجليها للهاوية ... تذكر مرة سمع وهج تحجيلة عنها بالسابق جانت اتكول اله ما حبيتها لبيرتا من كلام نياز عنها كل ما اذكر اني جنت هي اضوج من جسمي .. ما تنلام وهج . لكن لحظه  يمكن اترجع اله وهج . اذا دار الها ضهره يمكن اضيعها بيرتا مثل ما سوت و رادت تبيع نفسها  ...عدها حق نياز من اترجتة ما يتركها ..
طلعت نياز غضبانة ما لكت صالح بالبيت جان طالع .
...
الساعة ب 10 جان موعد طلعة بيرتا من البيت
اول ما فتحت الباب شافتة بوجها ..

" اه يوما ..
حطت ايدها على گلبها
كان جامد الملامح ويباوع اله بستصغار. 
على مكياجها ولبسها وطريقة مظغها للعلچ..

"ممكن نتکلم ؟

" ليش ؟؟  ماعندي كلام وياك احنه على اتفاقنا ...

"تمام يا وهج على اتفاقنا لكن اريدج بموضوع ثاني

" شنو

"راح اتخليني على الباب !؟؟

"اوف ادخل وراح اصيح الك نياز اني معندي وقت اروح لشغلي

"اني جاي بخصوص هذا الموضوع

"اهاا
رفعت حاجبها ودخلته ودخلت خلفه . كعد هو على القنفة بالصالة وهي واكفة فوق راسه لافة ادية على صدره
" يلا اسمعك لا يكون ما عاجبك شغلي .

جانت ما طايقه الكلام وياه لكن شنو اسوي مضطرة اخاف يعند وما يطلك اذا كلش اجافيه

"اكعدي
"كوتلك عندي عمل
اووف
كعدت كدامه وكالت
"يلا
" عندي الج صفقة عمل . اكدرين خلال سنة كاملة أتامنين نفسج واسافرين مثل ما تردين .

" اووه لالا انت اشوفلي عمل وشنو هو

؟؟؟

؛
راح صالح وهي ظلت غركانه بحيرتها !
رجعت ما طلعت دخلت لغرفتها وبدلت ومسحت المكياج . وصافنة على العرض  الي أجاها هو مغري بشكل  ماديا . لكن الثمن مزعج .اوووه شنو اسوي طول الليل اتفكر واتفكر.. باوعت لأخوها النايم وكالت . هذا كيكوا حيل يحبه وكيكوا مايحب احد الا ما احساسه يكله هذا طيب . ونياز اتموت عليه بمعنى هو خوش انسان لكن اني ليش خايفه منا اوف اشبيج بيرتا جبنتي مو يكولون جان رجلج انت بكل احوالج وكحه اكيد متعبتا ومتحملج يعني الرجال لا متعصب ولا شي اووف بعدين ابصراحه انت طالعه روحج بالشغل ويه الشركات واعيونهم زايغه على شنو المرمطه هو واضح عليه ما يريدج تشتغلين مودل وهيج سوه واني هم ما حابتها خل اروح وياه افضل الي ... بين تعاي برووتا انت عندج استعداد اضحين بأي شي في سببيل تحقيق الطمووح
يوووه

تذكرت وهج  من راحت وية مدير النادي الليلي اللي جانت تغني بيه .. وتذكرت اشلون عيون الزباين جانت عليها وهي تعاند تطلع تبيات  .. بس من عرض عليها مدير النادي يصنع الها فديوكليب  وافقت وطلعت وياه هي وزميلتها الركاصة ... وبذيج الليلة جان شارب واخذهن لشقته ... وفجاءة اقتحموهم زلم خشنه بسطوا الرجال وسرقووه وطلعت الركاصة متفقة وياهم باكووا مفاتيحه وراحوا للخزنه اللي بالمكتب مالته بالنادي باكوه اراد المحل هاي التفاصيل ماتدري عنها بيرتا ...لأن بوقتها جانت بالحمام ولبست ثوب (كاولية تركص للرجال بيه)
وطلعت على صوت الزلم
شردت من شافت الرجال سايح بدمه عبالها ميت وشردت هاجه بالشوارع ...
ب

جت وكابرت بيرتا وما صارحت نفسها انها ماتكدر تنحرف مرة ثانية  هي بيومها حست نفسها ارتاحت من ما صار شي وشردت والرجال ساح بدمة ... بس هسة قررت ما تتنازل ولا تبيع نفسها مرة لخ لهذا ابو لحية حتى لو كان زوجها ..

صحت نياز لكت بيرتا مطروحة يمها وتلعب بشعرها

"هاي انت عبالي نزار يلعب بشعري

"عوع هو هذا هم يترومس ابو بطل

"ههههه بالبداية اي جان حباب بس هسه انجلب ههههه

"اكولج صدك اني اقصد من جنت وهج اشلوني وية صالح

انطرحت على ضهرها نياز وكالت حالمة

" اويلي جنتوا احلى ثنائي

"ممم هم كان يضربني هم جنت اشكي منا

"لج انت اشبيج ما شفتي اشلون أنب غيث من ضرب نزار وكل الي سواه وما رضى ينضرب مو انوب يضرب مرته

"ها اي صدوك

"تعاي تعاي ليش أسالين

؛؛؛
ابتهجت نياز على الخبر
"واو عرض مغري لج وافقي غبيه  الرجال مو بحال شغلج بس يريد يساعدج

بيرتا
" ها صدوك بس مبدأي يكول ارفض الفكرة انو هو يعطف عليا

"اوش ولج سكتي ضميرج ومبدأج الطايح حظه وين جان من صرتي مثل القرقوز كل يوم اتمثلين وجه اعلاني بايخ ..... هاااا

ظلت ايام اتفكر واتفكر واتفكر ... وصالح كدامها انسان طيب  .....

اهنا رجع نزار للشقة . واتفق صالح وياها تصبر وتنطي فرصة اخيرة لخاطر ابنة بعد ما كعد وياه وفهمه هو ورة نياز واكف وهاي فرصتة الوحيده اذا فشل بيها مراح يشوف وجهة  مرة ثانية وحمدلله صالح من عرف ان نزار ناسي ضرب غيث اله  جان شارب . و اتفق ويه كبرئيل    اذا تحسن وضع اخته نياز مع رجلها ياخذه يمه اساسا دراسته هناك   بس هسة ما مطمن لنزار ... 
.

.

اهنا بعدها بيرتا ما كايلة قرارها وصالح باجر الضهر يسافر ...

نياز كاعدة على نار تعبت حيل وهي كل ساعه اتروح تسوي غسيل مخ لاختها ام راس اليابس وبعدها ما رادة على الرجال ..
بيرتا كاعدة بغرفتها الساعه 9 بالليل وكبرئيل راح مع صالح لمدينة الالعاب .

" اوف نياز ما تفهمني اشلون اعيش وية شخص ما اعرفه غريب عني كأني مزوجه زواج قبلي اووووف اووووف بس اذا ما ارضى راح اظل اهنا اوووف ...

الساعه 11  بالليل جاب صالح كبرئيل وصله للشقة ...  وراد يروح لحال سبيلة
لكن صوت مميز عنده همس اله
التفت شافها واكفه وجانت لابسة فوك ثوب نومها روب قصير ضاهره منه ساقها ومضهر مفاتنها رغم هو مستور من فوك من جانت وهج عمره ما شافها بمثل هيج هيئة

" صالح ..

ا اقصد شيخ صالح . ضاكت اعيونها وكالت
" اني موافقة
تهلل وجه صالح وبانت ابتسامة خفيفة على وجه ..
مدري ليش ارتعبت منها بيرتا ..

"اذن باجر راح نتوكل واتروحين وياي

'اي بس شنو يظمن الي ...
قبل لا تكمل

" لا اظنين العب عليج  كل شي راح يتم حسب ماهو متعارف عليه بعقد بمدة سنة مثلج مثل غيرج..
اخذت نفسها بقوة وكالت

"واني موافقه بشرط يتم اول ما نوصل بغداد ...
هز راسه الها مؤكد والتف حتى يروح وينزل
لكن شيى رغبة ملحة بداخلة خلتة يرجع يلتفت حتى يشوفها جانت على نفس وكفتها ولافة اديها على صدرها وبطرف يسارها احد خصلات شعرها الناري واتباوع اله بحيرة . من التفت عليها حست على نفسها . و دخلت ببطئ للشقة تحت أنظارة وهو الثاني ما كدر يروح الا ما انسدت الباب .....

حضرت جنتطتها وحرصت على انها ما تنسى شي ..  واخذت قرارات انها اتكون قوية واتواجه شنو  يصيبهابقوة . ثانيا ابد ما تتنازل ثالثا فقط  شغل بينها وبين صالح لا اكثر ولا أقل وهمزين هي الحت عليه بهاي النقطة ...
نزلت من الدرج وراه وهي اتباوع لاديه الي وره ضهره واتكول "اااووف خل اتراجع واشرد احسن الي اوووف اشلون راح اكعد يمة بالباص !!!

وفعلا كعدت يم  الجامة من وصلوا لهناك وهو  يمها ،
......بعد ساعتين ....

بيرتا

"ااااه يارقبتي انكسرت واني دايرة وجهي للجامة اخاف لا يصير نظري بنظرة اووف .
اخذتلي نظرة خطافية . باوعت لكيته مطلع كتاب ولا يمي اااوف واني محنطة نفسي شو خل اعدل كعدتي . 
هووف عطشت اشلون هسا اوف شربت بطل الماي كولا شجاني اني ريكي بس ناشف اووف طبعا هذا شيخ يمي اشلون ما اتوتر؛ اوف اني حطوا يمي واحد وسيم معضل انعش نظري بيه  او طفل العب بيه  حتى لو رقاصة  لكن شيخ شيخ لا هاي اهواي حتى شكلنا ما ملائم بعض ..واكيد محد راح يصدك اني اخصة جنت لابسة بنطلون  بوري وردي وقميص حليبي وفاتحه شعري وضاربه المكياج يعني كأني مودل بالفعل وهذا كأن مولا وكاعد يمي  ..

واخيراا سمعتا كال وصلنا . من نزلنا انتظرنا اشوية بعدها اجه الشاب الاسمراني هذا البطل  الي ضرب نزار اويلي عليه اشلون لابس لو سيارتة اخر موديل .مممم يمكن حالتة المادية افضل من صالح !

صعد جنبة واني بالخلف ابصراحه بس اباوع للشاب معجبة بية !!!!  اخذنا على مطعم تعشينا وجنت منطلقه مع غيث كأني اعرفه اما صالح هادئ وساكت  .. اهنا اجت بنية شابه على طاولتنا ..

"مو انت المودل بيرتا ..
باوعت اله وابتسمت

" نعم اني هي

كلتها بفخر وباوعت لصالح وكأن ما يمسع كالعادة هادئ جدا ..ويباوع لماعونة .. هههه اشحده يعترض من طلبت مني اصور وياها ..
راح صالح يغسل اديه وبقيت اني وغيث بس
طلع غيث جكارة يدخن ..
بيرتا "اووه انت ادخن
"ههه اسف اذا ضايقتج راح اطفيها
"لا لا وعلى شنو انطيني  وحده
باوعلي متعجب
" ادخنين
"ههههه لا بس اعرف انطيني  خل اجرب

رجع صالح كعد وجنا احنا منتظرين الجاي

باوعلي  مستنكر الجكارة الي بيدي . لكن هم ما اعترض ولا ادخل ابصراحه اتعمدت اسوي هيج حتى اشوفه يدخل لو لا .. طلع لا همزين معاناه فعلا زواجنا على ورق ومراح يدخل بيا طفيتها  اكره ريحتها.   ووصلنا غيث لبيت جدا جدا جبير ..

،

نزل صالح من السيارة وكان گلبة يخفگ بقوة ونار قوية اشتعلت بيه وهو راح يدخلها مرة ثانية لبيتها وهج او بيرتا اي وحده بيهم   المهم نفس  الرجل راح اتعتب باب بيته واتنورة من جديد ..  اما  هي ظلت مذهولة مامصدكه هذا العز لصالح البسيط !!!!
دخلت بيرتا وراه  هو لازم الها الباب ..

ضلت تمشي وتتلفت " اني داخله هذا البيت من قبل ؟
"اكيد
وكعتي اهناك واشر الها على الحايط
باوعت اله بغيض وراحت  وهو وراها
كعدت على واحد من مقاعد التخم وكالت
"اااااه تعباااااانه حيييل
وخلعت كعبها
" اااه شنو هاي طريق بغداد متعب ..

"روحي اخذي حمام ونامي

" اويي رجليااا وين انام

باوعتله مضيكة عينها وقاطبة حاجبها

' بغرفتج السابقة

"قصدك الي انت اتنام بيها

'لا طبعا

على يمينج ثاني غرفة
كالها وراح
لغرفتة .. 

راحت شافتها
"اووووه غرفه الي وحدي وواسعه مممممم حلو حلو
نزعت ملابسها ونامت حتى ما لبست شي على ملابسها الداخلية من التعب !!!!

اما صالح بغرفتة يرتاح وما طلع منها .. 

الفجر صحت على صوت  الأذان وسمعت
حركة . كامت طلعت شافت صالح يمشي بالصاله فركت اعيونه

"وين رايح

"اصلي

كاله وباوع اله شافه ملفلفه نفسها بالشرشف وطالعه ...

"ارجعي نامي

"اوك لا تتاخر ترة اني خوافااااااا..

وانتهت الليلة بشكل طبيعي ، ثاني يوم راحت بيرتا وية صالح لمركز رعاية اليتيمات او الفاقدات الأبوين  . وعرفت شنو شغلها اهناك . لكن الي ازعجها نظرات الناس اله اهناك وكلهم يعرفوها وهي مثل الاطرش بالزفه  وبس يتهامسن عليها .... لكن لازم تتحمل الراتب الي راح تاخذه خيالي كلش..
اتعاقدت  وية صالح  لمدة سنة تشتغل عندة مثل شغلها القديم ، وبعدها يسلمها مبلغ اضافي للراتب كنهاية خدمة حتى اسافر  ..  وجانت فرحانه ومرتاحه حيل ماتعرف شنو منتظرها ..!!!!
،،
وكفت بنص حديقة جبيرة بالبناية ما منتبها لمجموعة بنات يباوعن اله ويتهامسن

ضلت اتباوع لشجرات النخل واشلون العصافير مسوية عليهم عشوشه  المكان يثير بالنفس الأطمئنان .. انتبهت لمجموعة بنات يدفعن ببنية للأمام ويحركن بيها اتجاها،ابتسمت بيرتا للبنت الخجلانة
"ست ست هاي مشتاقة الج وتستحي اتكلج
صفنت بيرتا على البنية وكالت
"فديتوووا انت منووو ، شنو اسمج؟
باوعت الطفلة لبيرتا كأنها مجروحه من شي
وكالت وهي مبرطمة
" اني اني أمينة !!!!!
ودنكت راسها ومسحت بطرف اصبعه دمعتها من وهج ما عرفت اثر هذا الشي بنفسية الطفلة الي وعدتها وهج بالسابق  اتصير الها ام واب وصديقة!!!
راحت الطفلة وبيرتا ظلت اتباوع الها مستغربة تصرف البنية...
؛

توقع صالح بيرتا راح اتكون مثل وهج اول ما اجت لهنا تشتغل بحاجة وقت للتعود على الاطفال ...
وكف ينتظرها تطلع وهي ماكو . رن عليها ما فتحت .. نزل من السيارة ودخل للبناية وجان متوقع مراح يلكاها اكيد طالعة .

"  كأنك يا بيرتا راح ترهقيني .

استقبلته وفاق ..  وجان اللقاء بينهم حاد خصوصا بعد ما اوقفها عن العمل لمدة اسبوع ونزلها عن منصبها فجانت تعاملة برسمية وحذر  دخلته لمكتب الست نجوان وكالت اله  عدها اجتماع مع المشرفين بالخارج .. طلب منها تصيح اله وهج . بعد اشوية رجعت وكالت اله
" والله يا شيخ ما اعرف شنو اكول الك
لكن الست وهج ا ا
عرف صالح فعلا طالعة ..
" اي وينها
"الست وهج ما تقبل تجي اتكول مشغولة خل يجي بعد ساعه
جان مدنك راسه كالعاده بحضور أي امرأة  ما يرفعه ويسبح من كالت هيج وفاق
رفع راسة و رد بعدم تصديق
"نعم !!!!!!
غركت بعيونه الخضرة وفاق وكالت متخدر
نعمات تأمر بشي ثاني
" . هو مو انتهى موعد عملها

" ما اعرف

"هي وين اكدر اروح الها

"اه طبعا طبعا اتفضل ....

طلع للحديقة او الساحة الخلفية
ولمحها لكن  ظل متعجب على منهدش من وهج او بيرتا
جانت لافة شعرها بعد ما كان محلول و خالعة الاكسسوارات ...

" وسعن الدائرة بعد بعد
جانت حاطة البنات الي من جيل أمينة واصغر ومسوية دائرة. جبيرة كلش وهي وياهن

" يلااااااا واحد اثنين ثلاثة ....
صارت تصيح بصوتها العالي

" شدة ياورد
البنات يردن هم بصياح وضحك
الطفل يجن ويفرح اذا جبير شاركه اللعب ..
و

خصوصا هيج مجمعه جيش بنات

' وامينة الورد . 
جانت مبتهجة وتضحك بصوت امينة على هذا الدلال . 

بعدها فكت الشده وصارت ركضة عود مسابقة خلن التراب يعجج ..  بيرتا حطت أمينة على ضهرها وركضت بيه لاهفة وجان تنصدم من اشوف صالح كدامها
وهي كتلة تراب !!!! ماكو اي اثر للستايل وهذا الي ما تحبة بيرتا كلشي ولا يشوفها اي رجل بلا ترتيب . نزلت الطفلة وهي تضحك حيييل ..
اما بيرتا بلعت ريكها الناشف وهي اتعدل بشعراتها الطافرات سفطتهن واتقربت منه وهي اتعدل ببديها الازرق ..وهو يباوع الها بتأمل وهي تتقرب منه لمح بيها ذيج الي كانت تضحك وياه   كل صبحية لكن بلمح البصر راحت وهج عن مخيلتة من نطق جسدها بشخصية بيرتا
بضوجه
" ليش جاي ؟

" اخذج
مسحت اديها بجوانبها وردت عاقده حاجبها ومضيكة نضرها علية.

" مو كلت ما اجي وياك هسة .

ظلت افاق بس تصنت عليهم مستغربة لهجة بيرتا مع زوجها

صالح " عطلناج عن عملك ست وفاق

"ها ها لا لا ابد عن اذنكم
وراحت

" راح انتظرج بالسيارة وتعاي لا تتأخرين
،،
  لبست جاكيتها الكابوي المتناسق مع البنطرون
وطلعت كعدت يمة وحطت حزام الامان .

" ترة ميتة جوع شنو اسم افضل مطعم هنا ؟
ضهرت شبه ابتسامة من حلك صالح وساق السيارة ..
مطت شفتها وباوعت من الجامه من ما رد عليها
...

دخلت للبيت وهي ميتة جوع . ابسرعة سبحت وبدلت وطلعت تنتظر الاكل اكيد راح يحضر الها مدام ما عزمها ب مطعم
جان صالح ماهو   
بيرتا " اوف حموت من الجوع
فتحت الثلاجه دورت على شي تاكلة ما لكت شي جانت فارغة!
كعدت بالمطبخ تنتظر  ... سمعت صوت الباب .. اجت اتكوم تركض اله . لكن اتراجعت . وراحت لغرفتها كايله لنفسها من الذوق هو يصيح الي ..
لكن ما صاح فاتت ساعة وصالح ما صاح ..
طلعت اتنفض بأديها . فتحت الثلاجه لكتها مليانة  مسواك . طلعت تفاحه واكلت منها وشافت على الميز اكل مسلفن ..
"اووه لالا هذا المتعجرف ما صاحني .. فتحته واكلت الاخضر واليابس  ..
جانت تاكل بأديها وادهنت أناملها بزفرت الدجاج .  من خلصت لطعت اصابعها وكامت غسلت ... صار بوجها صالح من رادت تطلع من المطبخ ..
" اه سوري  مشفتك

وراحت من يمة
"حضري نفسج بيرتا

"لشنو

"اليوم اهلي يجون يتحمدون  لسلامتج . واني عزمت اختي هم لهذا اتمنى منج اتحضرين عشا جيد يليق بيهم

باوعتله صفح وكالت
"ناعم حبيبي اهههه انت تمزح
طولت باحرف كلمة حبيبي

عقد حاجبه وكال
" اعتقد  بالامكان اسلوبج بالكلام وياي يكون افضل 

" اي أسلوب هذا هااا اني عين طباخ معرف افتح

"ادبري أمرج

"شنوووو اعتقد اني مو خدامة اهنا ...
باوع اله بألتفاته بسيطة وكال ببرود

"  من مهمامج الي راح نذكرها بالعقد هي تدبر امور البيت

"عااا ما اتفقنا على هيج يمعود
" هذا الي عندي ...

كالها ببرود وراح عايف  بيرتا تشتم اليوم الي اجت بيه لهنا . دخلت  للمطبخ وحست نفسها راح تتقيى الي اكلته من الغصة الي بداخلها ...

صار المغرب واكيد اهلة على جية ..

"اه الشيخ ابو لحية القبيح المزعج ابو اعيون ورطني ما اريد اتفشل يم اهلها ...

جانت بغرفتها تفتر وحايرة
" اوووه خلاني بالصورة اني شعرفني بالطبخ . انوب طلع وعافني واهلة راح يجون ااااه  ااااه

فتحت الثلاجه ودنكت اشوف بلكت تكدر اتسوي شي لكن ولا شي كدرت تسويه ...
اتصلت بيه . 
وجاوب ببرود طلب منها تدبر امرها ..
"سوي الي انت فالحة بيه

سدت الخط طالعة روحها منه
"اني اعلمك
اي راح اسوي الي فالحة بيه ليش لا ..
؛
دخل صالح بعده ما وصل لغرفته وسمع  جرس الباب وراح فتحه وجانوا غيث وامه واختة
رحب بيهم ودخلهم .
ورة اشوية اجوي بيت اخوه هم دخلهم بالاستقبال 
اخت صالح همست باذن ام كرم..

"شنو المسعده ما ناوية اتراوينا وجها

" والله هذا اخوج نزل روسنا بعد ما شهرت نفسها رجعها

"جا عاشكها بعد

ندى "عموو وين وهج .

سكت صالح بعد ما جان يحجي ويه اخوه وكال
" هسة تجي . التفت على كرم وكال

" حليت الموضوع

"اي عموا اتحدى اذا الها بعد صورة على النت

"خيرا ما فعلت

سكت ابو كرم وهو يهز بايده ما عاجبة الوضع لكن ما اعترض ولا حجى هالمرة ما يريد هم اصير مشاحنات ثانية

طلعت وهج وقبل لا توصل الهم سمع صالح صوت طقطقت الكعب . وكال ب سره ابتدى عنادج يا مهرة واضاهر ترويضج صعب

كأنها  جايه لحفلة ... فستان برونزي ضيك  ردنه هم ضيمة ونقشات بسيطه على الصدر من التور وردن كذلك بيه نقشات من التور . وتراجي ذهبية على شكل حلقات مع حمرة مارونية و ريميل وضاربة فول ميك آب تلمع مثل النجمة بالسما ...
وحاله شعرها يتموج على وجها
ابتسمت بوجه صالح وكالت
"مساء الخير ..

طبعا النسوان ضاجن منها وباوعلها بحقد
وسلمن عليها. الا ندى جانت مبهورة بجمالها لكن حز بفنسها انها ضاهرة مفاتنها هيج .

كعدت يم صالح وهي بالكوة كاتمة الضحكة اما هو كان كأنه  مضروب على دماغة ضربة قوية لدرجه عينة  مايكدر يرمشها .

ما بينها مع اهلة مواضيع بس من يسألنها اجاوب اما هو التهى مع غيث واخوه ..
لكن بيرتا ما ارتاحت لنظرات كرم الها جانت مزعجه ولا كأنها مرت خالة .. لهذا السبب راحت للمطبخ  شارده من نظراته

"اااه يااااي

شافت الاكل مسلفن فرحت من طلع ما معتمد عليها وبنفس الوقت ضاجت منه عيشها بتوتر وارتباك لكن ما أنبها ضميرها من احرجته وطلعت بهاي الهيئة ولا اهتمت صبتة وجهزتة وفرشت السفرة مع ندى ....وحتى ندى غسلت المواعين...وراحوا . كعدت هي على القنفة ب الصالة الواسعة كلش وكالت

"مممم سؤال صالح

جان يريد يروح ينام ..

"نعم

"  احم . غيث متزوج ؟؟
ما جاوبها وراد يروح
" اوي ليش ما اجاوبني

صك اسنانه وكال
" لا تحجين بهاي الطريقة اولا ،ثانيا ما يخصج اتعرفين اي شي عن اهلي انت مجرد ضيفة بحياتي مو شريكة .
عافها ودخل لغرفته

وكفت وره الباب وكالت متعصبة

" ادري ترة مو مرتك اني اعرف لهذا ما حركت ساكن وابن اخوك ي...
سكتت ما كملت والتافت لغرفتها .  ابسرعة الباب انفتحت وطلع صالح ...
لزمها  من زندها
" منو ابن اخوية وشنو سوه ؟؟

" اه صالح ايدي

هز براسه يريدها اتكمل ...لان يعرف كلش زين سوالف كرم لكن مجان اصلا منتبه لبيرتا نفسها حتى ينتبه لكرم ..
جان كدامها ولازمها من زندها بقوة واعيونه نار
دفعها انصدمت على الحايط وكال

" اساسا وان كان واحد منهم عاكسج بنظراته  فهذا من صنع ايدج

جانت مضطربة الانفاس خاوية الجسم من الردمه العصبية الي ردمها  . منتچية على الحايط واديها يرجفن
ركز بنظرة على رجفتها وكمل
"من جان جسدك مكتسي بالاحتشام محد جان يجرأ يباوع الج..
"ل ل لكن ان اني مرتج وا ابن اخوك ما ما

" ما متربي هو يترك اعيونه سائحه مثل جسمج الضاهر .هذا .

واشر عليه مشمأز لانها بعدها مرتها

"من باجر اتغيرين طريقة لبسج
"لك لكن احنه ما اتفقنا ع على هيج

" انت كدام الناس مرتي لهذا حاولي اتحافظين على سمعتي ..
اتقرب عليه ومن بين اسنانه كال
"اصبري سنة وبعدها سوي شنو تردين..

" انت كل ت مراح اتعاملني ك كزوجة اني اني اشتغل عندك . مالك حق عليه ..

هي جانت ميتة خوف من الداخل واترادد رغم علمها هسة هو بقمة غضبة لأن  اول مرة اشوفه هيج معصب وكوة متحكم باعصابة ..

عقد جبينة وكال بقلة صبر

" اني ما يناسبني هيج ؛  حاولي اتفهمين الموقف الي احنه بيه
كالت مسترجعة قوتها من شافتة  رخى بكلامة

" مو مشكلتي الناس اني .. اوك اني حرة وانت ماتكدر تفرض معتقداتك عليه . غير هذا اني مو مسلمة ترة .... ومرتك على الورق وبس اووك
رفع أيده راد يضربها
وهي حطت اديه على وجها  بشكل لا ارادي شكلها وهي خايفة رجعلة  لصوابة واتراجع ..

" روحي لغرفتج

رجع صوته هادي ..
باوعتله هي بخوف

" اني مراح اظل يمك من باجر ارجع لنياز ..
راحت من كدامه وكال

"حضري نفسج نطلع من الصبح اوصلج بيدي مثل ما جبتج ..  وكفت بيرتا مصدومة. من موافقته وبسهولة هيج !!!!!!!

التفت عليه وهمست
"اوك
وسدت الباب حيل ركعته وشمرت نفسها  على السرير . خايفة ما اتريد ترجع لنزار وذلة اااوف هذا صالح راح يخبلها ليش جابها اذا هو هيج ما متمسك بيها عبالها يحبها وتكدر اتحقق ذاتها من خلال حبه الها لكنه طلع شخص مو هين وماتكدر تاخذ الي اتريدة منة بسهولة هيج ..

الصبح جان متأكد صالح مراح اتروح بيرتا . حضر الريوك الها وكعد بالصالة ينتظرها تطلع حتى يوصلها لشغلها وبالفعل طلعت بسيت البيت عبارة عن كيمونة قصيره وبيه دب ابيض بالتيشيرت . وجان شعرها مبعثر على وجهها  وتثاوب فاتت من الممر وشافها تتمشى وتثأب ..

ضايفة للبيت نكهة طفولية بتصرفاتها العفوية
كعدت ما اكلت ...
مممم مبين طيب بس عود اني زعلانه اشلون اكل ...
اكتفت بس بشرب الماي وغسلت ودخلت لغرفتها بدلت وطلعت  وكفت كدامة وكالت

" يلا كملت
باوع اله بطرف عينه طالب من الله ان يلهمة الصبر ..
جانت لابسة بنطلون  ممزق من جهة الركبة وبدي ربع ردن واللبس خاصر على جسمها بشكل ..

"راح اطلعين هيج !؟؟؟؟

"ايووواا

تنهد واخذ نفس عميق  وهو يباوع للسكف يطلب  العون من الله
'اكعدي بيرتا خل نتفاهم ...

" ايوووا على شنو

وكعدت وحطت رجل على رجل
"يا بنت ما يصير ولا يجوز الي تسويه افهمي انت بمجتمع منغلق ... ما يجوز  نخلي  الملح على الشاي
" ياي يصير مطيب  يوكع من الحلك

كالتها مستهزئة منه

هو كمل مبتسم وكال

"بالفعل انت هم توكعين  من الانظار .. اذا كرم ضايقج البارحه وهو قريبي اشلون لعد اللي بالخارج ..يا وهج ..عفوا يا بيرتا روحي غيري .  مثل ما كلت الملح ما يصلح وية الشاي . واحنه من نطلع سوة هيج اشلون راح نقنع الناس انت اتخصيني ..   العني الشيطان وكومي غيري ..
جان يحاجيها وكأنها  طفلة وهذا الي ازعجها  وما اتريده والي ضوجها اكثر انها بدت تصغي اله وتقتنع ..
"اني رايحه كدامك شيخنا ..عافته وطلعت للحديقة ولا كأن حاجهاشي

سكت صالح وورة  سكوته الف فعل ينوي يسويه  ؛ صحيح هو ما جابها كزوجة  اهنا ولا ناوي اصلا يرجعها مدامها بيرتا .. وامام الله مجرد أمراة  لا تقرب اله بصله  مجرد ينوي حمايتها من الضياع مثل ما سوة بالسابق وية وهج وسكنها بداره لمجرد حفظها هاي هم مجرد  يحميها لكن هالمرة مو من الناس من ذاتها واحلامها المزيفة  ينوي على تهديم اللي  بناه والدها واعادة الترميم من الاساس وهذا الشي مو بالامر الهين على صالح ..  ويمكن تخلص السنة وهو ما ينهي مهمتة ...

راح و وصلها لشغلها من غير ما ينطق بحرف ...نزلت من سيارتة وعلى وجهة ابتسامة نصر   
العصر  اجه اخذها وهم ما حجى وياها   نزلت من السيارة وياه

العصر بدلت وطلعت من البيت جان صالح طالع ..
افترت وطبعا هي تسأل اهل التكاسي وراحت للمولات اشترت بعض شغلات مو بحاجتها ..من ليلة الدينا قررت ترجع . جان صالح جالس الها بالحديقة .
اول ما دخلت كام اله بهيبتة المخيفة وهو ضايج
" وين جنتي
اتفحص لبسها وغمض اعيونه جزع من الي شافة
جانت لابسة تنورة سوده  كبس قصيره مع قميص احمر
ابتعدت عنه وكالت

"جنت اونس روحي ..
دخلت وهو ورهاا وكال

"بهذي الهيئة والوقت !!

"نعم صالح ترة عادي مبيه شي

"فعلا عادي .. روحي غيري ملابسج حتى تتعشين .

وسط تعجبها من رده اعتقدت راح يعصب لكنة كالعادة يغلف ملامحه الهدوء

"  ما اريد حنام
.غيرت ملابسها .. وراحت لسريرها انطرحت عليه . اهنا اخترعت من انفتحت الباب بقوة  ودخل صالح من غير ما يباوع الها .  فتح كنتورها بعصبية وطلع الملابس الي اجن بايدة وراح
صاحت
"عاااا انت شنو تسوي؟؟؟؟

طلع للحديق وجان شاعل نار من حطب النخل . وشمر ملابسها بيها
" ياااا ملابسي

رادت تاذي نفسها لزمها وكال.
"دقيقه يا بيرتا .
  ودخل لجوة وهي وراه اصيح جايب بقية ملابسها وشمرهم  ويه اصحابهم ..
ظل يباوع للنار بكل هدوء وهي اصيح ..  دمعتها طلعت عليهم ..

"انت متخلف جاهل .  حالك حال الدواعش .. الله الي عود انت اتعرفه ينتقم منك 

باوعلها ببرود وكال
" انت قريتي العقد قبل  ما اتوقعين عليه

" شنووو انت تحجي بالعقد تحرك ملابسي
والله لاشتري غيرهم يا قاسي

" لا لكن ما اعتقد بأمكانك ، الان بالعقد اتفاقية استلام  رواتب الاشهر  اجمع . استلامهم بعد السنة من العقد .
  ابتسم وراح من كدامها مخليها تلطم على خدها واتروح اتطلع العقد طلعت فاهمه غلط هذا المبلغ الكش كبير جان راتبها مو مثل ما فهمت هي .. ااااه على غبائها ... ااااه كدر يضحك عليها ... 

راحت لغرفته دخلت عليه كان كاعد يقرأ كتاب ..
"شنو شنو هذا الكلام لعد كيف ادبر اموري
"اكيد مراح اتركج بحاجه  لشي طول ما انت في بيتي ..
" انت مو طبيعي اشلون اطلب  منك بعد ما حركت ملابسي

" يا وهج الملابس مجرد مضاهر للناس وانت الناس ما يهموج . لكن يهموني لهذا  اصرفت .. بمنطق المتخلفين الرعاع ..

' اكرهك فوك ما تصور

وطلعت من غرفته تاركتة خلفها  يسد الكتاب ويجرع مر كلمتها ...

فهمت بيرتا هذا  عقابها لان خالفتة ..يلا  هو ما حرق الا ماله . لكن اشلون هاي شغلة  الراتب انوب طلعت الها صفح ...لزمت راسها دايخه من الهموم.ومن هذا المجنون  ما طلع هين
،
الصبح كعدت متعقده اشلون تطلع هسه ..!!؟؟؟
اوف يا صالح مدامك هيج اصبر عبالك راح استسلم لا عيوني راح اشلك واخليك بيدك تنطيني من افلوسك تعويض على زواجك مني من غير اذني انحسبت عليه رجل .!!!!!

فتحت كنتورها وما شافت اي شي بيها ..
طلعت من غرفتها ودخلت عليه .. كان كاعد يصلي ..
ما احترمت وكالت
"هي انت اريد ملابس جديده اليوم مراح اروح للدوام ...اوك
....
بعد ساعه اجاهه صالح من خلف الباب كال بهدوء
" يا بنت اطلعي خل نسولف.

..
كعدت كدامه بالصالة . اتريد تفهم اشوكت تطلع ..

" صحيح اني اتكفلت بجميع مصاريفج .. لكن مدام انت تحت رعايتي راح اتقبلين بعطائي مهما كان ..

" اي كمل كمل

كام وكال

"ماعندي كلام ... يلا غيري ملابسج .. ترة عندج اهواي  بكنتورج اللي بغرفتي طلعيهم واخذيهم الج ..  وعجلي لا تتاخرين !!!!!!!

جنت ثائرتها من شافت الي شافته . عااااا ملابس .مال وحده جانت تشتغل مطربة وبعد سن الستين قررت اتوب وتلبسهم .عاااااا صالح شنو جنت مسوي بيه . فتحت الكزامه شافت كم حذاء افلات بسيطات .. اخذت كم هالهدم وراحت غيرت لبست تنورة عريضه غصبا عنه مع قميص لكن ما استغنت عن الكعب ...
بعد ثلاث ايام .. اتحول صالح من ذاك الرجل الكريم الصبور الى شخص اخر عبارة عن رجل مظلم و قاسي . ترجع من الدوام تعبانه ما تلكه شي جاهز تاكلة واتظل كاتلها الجوع   .. رغم الثلاجه متروسه لكن منو يطبخ !!
قضته خبز وجبن ...اما هو يجلس بزاويته وياكل ..

بيوم  خابرته وهو برة يجيب اكل لكنه كال
" الله كريم
وماعرفت يجيب اولا لان معدتها نشفت من الجبن ؛ومن اتأخر ،ضاجت  هذا دائما يعتبرها ما موجودة.. اجته فكره اتخليه يجن ويتمناها لكنها اكيد مراح تخضع اله بس الي صار بيه بالمرة السابقة والعقاب الي حصدته منه ،خلاها اشوية اتخاف تسويها لكن لا بأس تتحمل العواقب في سبيل ازعاجه  ، شنو يظن هو قابل اشتراها بذاك العقد اللحقير 
حست نفسها جانت جدا غبيه من وقعت عليه عبالها بيه مفاتيح سجنها وتطلع من العراق اثاري بنفسها اشترت القفل الجبير ودخلت القصف وقفلته على نفسها بيدها بكل غباء !!
بس بسيطة اكيد يجي يوم ويستسلم ..  عدلت شعراتها وباوعت للبسها اه هذا التافه حرق كل ملابسها ! ما اظل عده غير جرود وهج شسوي مضطرة تلبس منهم ..لكن على مزاجها  هي . عجبة ذاك الثوب الابيض جان مرصع بشذرات ذهبية مرصوصة على قصة الصدر الي على شكل سبعة لكن ما عجبها رداناته حيل عريضات وطوال . اخذت الثوب  والمكص وكعدت ..!

رجع صالح من الجامع وبيده جيس بيه خبز و علبة زيتون .

حست بوجوده  بالبيت قررت تطلع وعلى وجه ابتسامة خبيثة حيل راحت للمطبخ مدورة عن الاكل جانت تضور جوع . ما لكته ولا شافت الاكل . لفت انتباها الخبز فتحت الجيس ..
" يا شعير يووه  و زيتون !!! هاي شنو هذا لهسه ما جاب اكل الي اووف
اني اعلمك صاحت متعمده تتمطى بالكلام الي  تعرفه كلش زين يكره ،كره الاشجار للمنشار.

"انتا يليي اسماااك صالوووح عيني انتا ناوي اجوعني

طلع من غرفته
وابتسمت هي منتصره يعني كدرت تستفزة  بكلماتها
جانت متخوصره وتهز برجلها...

اجاها صالح ظل صافن عليها من فوك لجوة
جانت مضيقة الثوب على جسمها ومن غير اكمام ! والفتحه جبيره لدرجه نص صدرها واضح لو الحمرة الي حاطتها جان شكله وضيع كلش وية  الابتسامة الخبيثة  لكن ما ينكر هي حركت شي  بداخله وكأنه بدأت  تغزوه بعشك نوع ثاني  بصلافتها للمرة الثانية !

صحته من حالة التأمل وهي منتصرة بداخله واضح عليه ضعف كدام جمالها
" اي وين اكلي

كالتها وهي رافعه ايدها بطريقه مثيره اتحك شعرها و جسمها مائل وهي مسنوده بايدها على الميز.
ابتسم بمكر هو الثاني وكال
" هذا 
وهو يتأمل جسمها ،اشر على الطاولة 
مطت بشفتها الحمرة ضايجة من كلامه وكالت بسخريه
"هذا علف الحيوان ! لا لا صدوك انت جنيت ؟

حاول يتماسك وما يخلي غضبه يحكمة
اعتصر كفه وكال من بين اسنونة

" راح اكل اني علف الحيوان وحضرة جنابج خلي الجوع ياكل معدتج !

" ش شنو تقصوود تعال

اخذ الاكل وعافها وراح للصالة كعد بزوايه يم الشباك مكانه المفضل

وكفت فوك راسه وهي تهز برجله وتتنهد

اتحاول اسوي شي يعصبة  لكن هذا جبل برود الاعصاب شنو يعصبه هاا ؟؟
راحت لغرفتها ولزمت المقص قصت جوانب الثوب وخلت بيه فتحات لحد افخاذها وراحت ادور عن اي فلس،مالكت باوعت للحلقة الي ازين ايده وابتسمت من الفكره الي اجتها . لبست اي حذاء من احذيت وهج وراحت اتعمدت تمشي من كدامه  شافته ما مهتم كالت

" اني رايحه ويمكن اتاخر

هي مستحيل تطلع بهذا الثوب العاوي  وتدري كلش زين مراح.يسمح الها وراح يخضع ويجيب الها اكل غصبا ما عليه .لهذا اتعمدت تضهر جزء من رجليها وهي مبتسمة
اما هو ما كلف نفسه ويباوع الها جاوبه بهدوء

" اطلعي ! اعتقد راح تتسولين بالشوراع طالبة دينار
جاوبته بخبث مغتاضه من بروده

" اهه لا يا حبيبي مو بيرتا الي تكدي اهه وهاي الحلقه الي مغصوبه عليها شنو دورها لعد
كالتها وهي رافعه اصبعها ادور بالحلقه عليه

ابسرعه باوعلها وگلبه يعتصرة آلم وهو يسمع اتكول حبيبي لكن بمعنى ثاني و بأسلوب ثاني و حس حتى احرفها للكلمة اتغيرت !

ما جاوب ضاجت هي ورادت اسويها صدك وتطلع
لكنه انطاهه نظره لمح بيها الفتحات واتذكر هي شنو امسويه بالثوب من فوك
راح وراها وهو يكول هذي المجنونه اتريد تطلع كاسية عارية !

بالحديقه اجاها واخيرا صوته
عباله هي اجه حتى يمنعها على مود ما اتبيع الحلقه

'ماكو طلعه
"امنعني اءا كدرت ومشت تركض تقريبا للباب منتظرة توسله بيها ..

لكنه هجم عليها مثل الصگر سحبها وسد الباب
صاحت هي

"اااه اتركني
رفعها عن الارض وحطها على متنه مثل قنينة الغاز !!!
ضلت ترافس برجليها ضاهرة جسمها اكثر جانت فاقده من عصبيتها... راسها على ضهره وخصرها على متنها والباقي امامه صاير !!!!
ابتسم هو بمكر متذكر وداعة زوجته واشلون جانت طيبة المعشر اليوم جسمها بين اديه بوحده شرسة

"كوتلك نزلني لك لا تلمسني

ضاجت حيل من ضل لازمها وضربها على تحت خصره مبتسم بمكر على حالتها. !!!!!!

يتبع