رواية مولانا العاشق الفصل الخامس والثلاثون 35 - بقلم زهراء العراقيه

الراوية
هناك بعض الأماكن .. تمر بها فـ تشم رائحة ماضيك ؛ وكأنها تعيد الزمن إليك .. بـ طقوسه , ساعاته , ذكرياته .. مع أناس قاسموك يوما كل شيء ... حتى أنفاسك ، ثم رحلوا

كاعد بغرفة وهج القديمة ويقرأ بيها ما تيسر من القرأن حتى تنزل الملائكة ترتل وياه و ينحفظ هذا المكان ببركة الرحمن .

اما بيرتا عزمت على الشغل الحر وهي اتصير صاحبة الشغل وطبعا ما تملك رأس مال غير شي واحد فقط .. اللي رادت اتجار بيه بالسابق

لبست الفستان الاخضر  وراحت من البيت ...

اتعجبت نياز من  اختها رجعت متاخرة

"وين

"  بالشغل ولا سألين شنو هو

" لج وين جنتي كاشخه وطالعة  وراجعة هيج وقت ؟

" مالج دخل

كالتها ودخلت لغرفتها عايفه اختها بالصالة .قلقة على تصرفتها ..
.
نزعت الثوب بغضب وكالت  وهي اتباوع لجسمها بالمراية

"مدام ماعندي شي غيرك  اعذرني راح انزلك للشغل .. هذا الي فالحة بية .اني !!!!

بعد ايام ....
صالح رجعت حياته الطبيعية قبل لقائة مع وهج او بيرتا .. لكن بقى حبها ب قلبها يعاني منة طول الليالي يعني زادت كفى عذابة وراحت . لكن هالمرة اغلب وقته مع الايتام او الاطفال الي بالمركز الرعاية كان كأب الهم همة حيل يحبوه وعبالهم هو يعطف عليهم حيل لهذا قريب عليهم مايدرون بكعدته يمهم ينسى همة ويستمد منهم العطف والحنان ويعوض حرمانه وياهم ....

جان كاعد بغرفتة واندكت الباب حيل  .  كام ابسرعة فتحها وشاف ابن اخوه كدامه

"كرم ها حبيبي اشلونك ..

"الحمدلله خالي اجيت اروايك شغلة

"شنو القضية اخل سلم مثل الخلك

" اعذرني خالي عقلي راح يوكف والله

دخل كرم وراح خالة سد غرفة وهج ورجع كعد امام ابن اخوة

" ها حبيبي  قلقتني اهلك بيهم شي

باوع كرم لخالة وكال اذا هذا هيج شكله هادئ وقلق لعد من مرتاح اشلون ؟

"لا كلهم بخير

"اتكلم ابني  بيك انت شي صاير وياك شي

"خالي من الاخير هاك الموبايل وشوف بنفسك
اخذ التلفون وكال

'شنو بي ابني .
اخذ التلفون كرم وفتحه لعمة ودخل على صفحات الانستكرام..
"شوف بنفسك انت
..
رجفت ايدة وهو يشوف مقطع فيديو متوقف على صورة وهج ...

فتحه وكلبة من داخل ينبض عشگ هالمخلوقة وكله خوف من الي راح يشوفه
نزل التلفون وكان الغضب واضح عليه حيل

من شاف مرته تعلن عن عدسات لماركة معينة وشاف الها هك علانات ثانية وانوب كرم اخذه منا ودخل على الفيس شوفة جلسة تصوير الاعلانات بملابس  ابد ما تعجب صالح وجان الجمهور عليه  متوافد بالتعليقات الي يكول
"فديت ربها
والي يتحرش بجسمها عيني عينك بكلام بذيئ وهذا  شي وارد بالصفحات العراقية لكل مودل تنزل  ! والي حز بنفسه كلش اكو شخص نزل على اهلها وولي امرها وكال هذا  مكرن . غلق التلفون بقهر وحط.ايده الي يزينها خاتم بلون عيونه على وجهة متحاشي النظر ل ابن اخو
وهو يحس بالعار . من شاف استعراض مرتة
وراح وماي  وجه ذهب كال بتجحرش

"روح ابني  انت ..
بعدها غمض اعيونة والعرك بدا يضخ من كصتة زائد ارتعاشة بدنة وضحت عليه

كرم بقلق وتندم الان شوف عمة المقاطع والصور

"عمي انت زين !؟؟
ما رد صالح وبس فتح اول ازرار الدشداشة
الي لابسها، حتى يتنفس
راح جاب ماي لعمة 
شربة صالح وايدة ترجف بعدها كام لغرفتة وقفلها علية .
كعد على الارض واحساسة بالضياع ازداد لا يكدر يطلك لأن  بعده عندة امل ترجعلة وهج بيوم ولا يكدر يتقبل الي صار وكأن جسد وهج متعمد يعذبة و يفاقم مواجعة كل ما هدت
وهذا اصعب شي مدري يعتبرة ذل اله مدري خيانة  ،كال
من ضيع الأمانة ورضي بالخيانة فقد تبرأ من الديانة.
اهنا رن عليه غيث اااوووف اكيد شاف وهج  مارد ،اخته هم رنت واخوه وكل الاهل .. 
وهو ما يجاوب . صالح الشيخ صالح من نسل طيب ومتحفظ ومن ام شيعية بنت اصول واب ونعم من أصلة  يزوج بنت  تشهر بنفسها لا هذا اهواي علية . الا الشرف يا وهج ...
ماكدر يروح ثاني يوم صارت عراقيل . وغيث الا يروح وياه ما عافه وحده .... وراحوا الها
اما نياز جانت تترقب جية صالح لان تدري ما
يقبل على هذا الحال
كانت كاعدة بالصالة تثرم بتيتة ودخل نزار شايل بيدة بطل حطة على الميز وثنى رجليه وكعد امامه

" نيوزة حبي

"نعم !؟

"سامحيني

وحط ايدة على اثر الضرب بوجها

وخرت ايدة وكالت
"اهه مو اني حيوان واسامحك

"والله احبج

"نزار انت مريض انت مدمن واني اتمنى اللحظه الي اخلص بيها منك

" انت السبب انتي

"اني !!!!
واشرت على نفسها

"دوم احسج تستصغريني احس بالنقص واني وياج .

"انت السبب . انت الي ازوجتني بالغلط وما كلت اللي جنت مدمن سابق ....وفوكاها رجعت اله ....... عوفني اسوي شي ناكلة وكمل شربك برة يم ربعك ..

عافته وراحت للمطبخ اتفرغ الدموع الي بعيونها ..

اهنا رجعت بيرتا من الشغل تعبانه
اجتها نياز
" هلا ب الي ضاغطتني الثانية خاف نزار ما مكفي انت زودتيها ..لج اذا جان عندي امل اترجعين لصالح هسه طار ..

جانت شايلى السجين وتحجي ..

"يووه  بعد احسن

" اكلج مو بعيدة على ساعة يجي يطلك لج اني اريد اخلص من عذاب  هذا، اريد اطلعكم منا وانت رحتي اشتهرتي اوووف

" عيشة نزار افضل من ما أعيش  اني اهناك اوك .. حروح اغير اذا جاهز العشا صبيلي وياج .. .

"لج انت بلا احساس عندج نزار ابو البنات والسكر والعربدة عيشته حلوة
اهنا ماتدري نياز جان بعده بالبيت بغرفته وطلع الها من سمعها تحجي بصوت عالي منقهر ..
وتوه مخلص بطل حطه وظل يضرب بيها بقوة

وبيرتا اتصيح اتريد اتوخره . جان كبرئيل برة ..

بيرتا " يا ناس الحوكنا
واتعيط ..

اهنا وصلوا صالح وغيث للشقة وسمعوا صوت الصياح ...

وكفوا كدامه حايرين .  هو جان جاي يريد يشوف حل وية بيرتا وينفصل عنها !!!!!!!!

اهنا غيث اخذته الغيرة وكبل صار يدفر بالباب من سمع استنجاد نسوان . 

دخل وكع بالكاع وصالح واكف بكل وقار محافظ على هدوئة من الخارج لكن من الداخل براكين واثور وهو يسمع صوت وهج تستنجد . دخل للصالة ورة غيث من سمع صوت بوكسات وشاف صايره عركه بين غيث ونزار ..
وبيرتا ونياز متحاضنات ببعض .
ما باوع لوجه وهج ابسرعه صرف نظرة وكعد على الاريكه ويسبح بينما غيث يسب بنزار اخر شي ضربة جلاق خلاه يشرد.من الشقة مالتة !!!
عدل شعراته غيث وباوع لخالة وكال

"وياك فد ركعتين . ادري انت دومك هيج !؟

" السلام يا ابني

بغضب وهو يلبس بجاكيته

"اها يعني اعوفه يكتل مرته

"لا تتهجم عليه ببيته واطرده !؟؟

"لعد شنو اسوي اكعد.اسبح مثلا

جاوب بهدوء رزن
" يا ابني ابعدة عن مرته لكن لا اضربة كدامها .. ! ولا كدام طفلة واشر على الطفل الي يمشي  بالحجلة ويبجي

" استغفر الله طلعني من طوري اني كلشي ولا اشوف واحد يطلع عضلاتة على مرته

جاوب صالح
وهو يباوع  بحده ونظره جدا مهيبة وتخوف بنفس الوقت لبيرتا

"" اعطِ لمن يكرهك وردة ؛فقاعدة العين بالعين تجعل العالم اعمى!!.حاول تصلح لا تهدم وكام
متوجه للخوات الي لهسه متحاضنات كجن انف نياز ينزف

"كومي يا بنتي . 
كومها واتجاهل بيرتا وانطاها كلنس تمسح الدم رادت ترفع راسه لفوك حتى يتوقف النزيف
"لا يا بنتي يرجع الدم ياذيج بس حطي المناديل
ظلت واكفه بيرتا مثل الصنم واشوف هدوء و حنان صالح مع نياز وعرفت ليش هاي اتحبة ومصرة اترجعها الة ..

جابت كلنس وكالت بغلاضة

"اني امسحه الها .
وانحنت على اختها ...

تركها هو وراح للطفل الي يبجي بصوت .. تركت اختها وراحت تركض هي سبقته وشالتة وكالت

"لا تخرع الطفل ..

"هوش هوش حوووبي هوووش
الطفل ازدادت صرخاته اهنا ضاج غيث من تصرفه وطلع من الشقة برة .

اخذ صالح الطفل منها سحبة وكال

" انطينياه وروحي لاختج !
راحت وهي مغتاضة لان الطفل ابتدى يسكت
عنده ..

ابتسم  صالح للطفل وداعبة خلاه يبادله الابتسامة ....

دخلت نياز لغرفتها وانطرحت على فراشها متمنية لو ميته ولا تنحط بهيج موقف ...

بعدها غيث ضل ينتظر صالح بالسيارة وصالح ينيم بالطفل. اهنا رجع كبرئيل
كال بصوت مسموع ممصدك نظرة

"عمووو صالح يمنا
وراح حضنه حيل
اشرلة صالح يبتعد لا يصحي الطفل الي بحجرة وكال متسأل
"وين جنت الوقت متأخر

حك راسه وجاوب وهو مبتسم

"ههههه جنت برة

"ادري بره يا ابني تترك خواتك وانت الرجل اهنا واني مأمن عليهن عبالي يعتمد عليك .

حس بخجل كبرئيل من كلام صالح
"اخر مرة

" تعال وين نخلي الطفل

"ها يم نياز

انطى الطفل  لكبرئيل يخليه بغرفة امه .
وهو ضل كاعد .. بمكانة . اما بيرتا نامت بسابع نومة من التعب !!!
طلع صالح للبلكونه وادية وره ضهره يفكر بالي راح يصير ...

طلعت نياز ووكفت وراه همست
'اسفة

التفت عليها لو  هي  محللة علية وحرام يلمسها جان اخذها بحضنه كأبنة ظالة . هذي البنت يعزها اهواي ويعطف عليها وما ينسى وصية وهج عليها قبل لا تروح روحها ..!!

"تعالي يابنتي

صحيح  الفرق العمري بينهم يمكن يطلع 14.
عام   لكن حب صالح للناس وكرم عطفة يفوق كل شي
وكفت يمة وكالت.

" هذا حالنا من اتيتمنا لليوم   . من دلال ابونا الى عذاب الغرب اكلونا ..

سالها بعطف
"ماعدكم عم خال عمه خالة اي احد !

" لا . ماعدنا غير عمة مهاجرة قبل لا انولد يمكن وكلشي مانعرف عنها حتى مرات من يسألوني الناس اكول ماعدنا انساها .

" يا بنتي ما عليج غير بالصبر ..

بجت وكالت صبرت اهواي اني تعبت وحمل اخواتي يزيد وابني الي مصيره مجهول ما اعرف شنو راح يكون .. ظلتت تمسح بدموعها..
جان غيث واكف يم سيارتة ويباوع الهم . كأنة يشوفها تبجي وصالح واكف يمها مدري شنو يكول

"يا بنتي .اني وياكم مراح اعوفكم

"اه لا اني ادري انت ليش اجيت ..اترجاك صالح لا تتخلى عن بيرتا احلفك بربك لا تطلكها

سكت ومارد هو بالفعل جاي ينهي كلشي 

تآلمت جوراحه على شكوة نياز اله
جاوبها محتاط حذر بالكلام
" يا بنتي لا بيرتا تنفعني ولا أني انفعها ..
أني بيوم الي قررت ازوجها اقترنت روحي وية روحها ،
حك مقدمة راسه بأنملة وكال متأسف

" اما هسة  افكارنا صارت مختلفة عن بعض وهذا مو الخلاف لكن اكو حواجز أنبنت بينا ما اعتقد راح اكدر اعبرها حتى اوصل الها ولا تكدر  .
"يعني هاي هي راح ......

غصت بالكلمة نياز وانرسمت على وجها خيبة الامل . الحبل الوحيد الي انمد الهم هاي هي راح ينكطع .

كأن عرف اللي يدور ببالها

" لكن بالوقت الحالي راح أجل الموضوع الى أن احل مشكلتكم

باوعلته شاكرة
وكمل هو

" اعتقد ما اكدر احلة اذا الصفة الوحيدة الي اتمكني من التدخل الغيها هسة 

" اكون الك شاكرة . لكن ما اعتقد مشكلتي الها حل

" اشد انواع اليأس هو من نحسب ان مشكلنا ما تنتهي 

" دوم الدنيا جاية علية اني تعبت واختنكت من وضعي

جانت تحجي واتباوع للخارج وتتلمس بأيدها اثار الضرب على وجها
حس صالح بمدى المعاناة الي تعانيها هذي البنت
. وهي بحاجة الى دعم معنوي أكثر من المادي .
كال برقة  وهو يباوع لسيارة غيث كأنا لمح نظرات غيث عليهم .
"الدهر يومان : فيوم لك ويوم عليك ، فإذا كان لك فلا تبطر ، وإذا كان عليك فلا تحزن ، فبكليهما ستختبر .
انتي مثال للبنية القوية ،اني ما اشوف بنية محطمة اني اشوف ام اجاهد لأجل طفلها . أخت اتحاول تحمي اختها من اذى ذاتها . اخت جبيرة تحرص على مستقبل اخوها و زوجة صابرة على عبث زوجها
نظرتلة  بود شاكرة لطفة 

كبرئيل " راح اضل اهنا ؟
التفتوا وراهم على مصدر الصوت
اتقدم الولد من صالح بنظرات متوسلة

" تبات ينما مووو؟

الح الولد.و نياز هم عليه احرجوه هو ما يكدر يلبي طلبهم لأسباب عدة لكن بالاخير وكالعادة ما يعرف يرد احد حتى لو جان على حساب راحته ..
صحت وهج  ثاني يوم الصبح. ثنت اديها ومطتهم متثأبة . طقطقت  رقبتها..

"عااا
كامت ابسرعة من على الفراش وهي اشوف صالح يم اخوها مطروح لكن ما منزل راسة على المخده جان منتكأ على عرش السرير وكبرئيل نايم على ايدة وحاضنة بأثنين اديه مشبث لا يتركه وهو نايم . جان يداعب شعرات اخوها و يدل على انه صاحي ...

ضلت تتأمل بيه بصمت جان نحيف لكن جسمة خشن وطويل ظلت مركزة بيرتا على كثافة شعر  ايده وهو يحركها على شعر اخوها
. حسدتة على ظلام سواد شعرة
" يا اني ليش مركزة بيه هذا مو نوعي المفضل .

اني مودل الي شهرتي بعدين هذا صدك ليش نايم وياي بنفس الغرفة ؟؟؟؟؟؟
كامت حطت اديها على خواصرها وكالت بغضب
" انتا هيييي
التفتت عليها ويا محلى صباحة بشوفة هذا الوجه

سكتت بيرتا بلعت ريكها متسأله بينها وبين نفسها هو اعيونة خضر ؟ لو فسفوريات ؟ لو زمرديات شنو درجتهم !؟؟؟ جانت اظنهم مثل لون اوراق الزيتون لكن اضاهر ما يتميزن

"لهلدجة راق الج لون عيوني

ظلت صافنة كأنها مضروبة راشدي هذا شنو يكول ؟؟؟

رمشت بنظرها وكالت
"نعم حظرتك اتصنف اكيد .

اشرت علية بغضب

"شسوي بغرفتي

جاوبها بهدوء هامس
" انيم اخوج واعتقد راح يصحى

"اااوف
طلعت وسدت الباب حيل صحت اخوها .

ما لكت نياز كاعده كالعاده ومسوية ريوك . كعدت بالصالة حايرة ؛هذا ليش اجه ياربي بس لا يريد يرجعني ؛ على جثتي أرجع وياه ههههع يحلم يلمس اضفر مني .  ممم بس واضح عليه يحبني . اي اي اني انحب حلوة وصغيرة ودلوعه بعد شنو يريد هذا ما شايف بنات بغداد مو مثلنا اوي عشتوا اني مستحيل ارضى عليه !!!

طلع صالح برفقة كبرئيل
وكفت بيرتا كدام صالح وكالت
"كيكوا روح جيب ريوك

"اكو بالثلاجة

"روح سوي اي شي اريد احجي مع مع وية هذا واشرت عليه

انزعج صالح لأي درجة هذي مو مهذبة وهي تستعر تذكر اسمة

ما اتحرك كبرئيل وثار غضب اخته

"روح عموا عندي كم كلمة مع اختك

راح ابسرعة لغرفتة

بدأ يحك بذقنة منتظرها تبدي بالكلام ...

" اشبيك اتباوع الي هيج . اوي  شوف من الاخير ماكو داعي تجي ولا اشوفني اني ما ارجع وياك مهما ابتذلت جهد . ارجوك طلكني .

ضل ساكت ويباوع اله ببرود 

هزت راسها بوجه لان صافن ما يرد

"هيي شنو اشبيك دا اكولك طلكني اوف حتى ممتعوده على الكلمة هو اني يمتى ازوجت كلشي ما اذكر بس يلا عاد .

طلعت نياز من غرفتها واخترعت من شافت بيرتا وية صالح خافت لا تزعج الرجال واتعك بالكلام

"صباح الخير شيخنا

مطت بحلكها وردت

'شيخكم !!

" يا صباح الخيرات
' اكول نياز كولي لشيخكم لا يجي ما ارجع وياه هي كوة
.
نياز ابتسمت مقتصده تزعج اختها وكالت

" هو جاي يطلك  ما يريد يرجعج !!!!
بلعت الفشلة بيرتا وسكتت وباوعت لصالح الي ساكت من الصبح كانة يضحك عليها وما يكول غرض زيارتة  .        
...
ظل يومين صالح ما راح اما غيث رجع لبغداد . جان يريد يلتقي مع نزار ويشوفلة صرفة وياه لكن نزار كالعادة فص ملح وذاب يغيب من يمد ايده على مرتة . انوب خاف صالح على غيث لا نزار يتحلف بيه ويأذيه فظل اهناك ساعة يسأل ويدور عنه  وساعة يروح للبنات ويطلع وية  كبرئيل  .
اما بيرتا ابد ما شافته من اخر لقاء بينهم بالصالة . بس تنتظر شغلة اخته تخلص حتى يطلكها صالح   ومن يجي تخفي نفسها ...

رجعت  للبيت و وياها تذاكر لحفل عرض ازياء وياها بعض العروض و صور . 
وكفت كدام العمارة دا اتريد اتحضر المفاتيح .. وجان يفوت من يمها بلال وية مرة شايلة طفل نايم على متنها ...تلألأت اعيونها عليهم ... وبلال نظراته اتحاشتها ما يكدر يرفعها عليها لا ينفضح أمرة وقرر ما يسلم عليها تحاشي للمشاكل لأن اكيد يبين عليه شي لو حجى وياها ..
اتعداها وكلبة يخفك عليها .....
"بلال  شنو ما عرفتني .. 
وكفته هي خلته يغمض اعيونه بآلم

التفتوا عليها وهي اجتهم

"اشلونك بلال ....
اخر مرة شافها بيها جانت وحده ثانية ويعرفها فاقدة الذاكرة وهم تحاشاها

زوجتة نطقت
"يلا هلا وهج اشلونج
عفصت حلكها بيرتا
"اسميييي بيييييرتاااا بييييييرتااااا

"اهااا بس بالمرة السابقة كلتي وهج ؟

"ومدامج شايفتني من قبل ليش اتعديتوني
بدون سلام واحنه معرفة قديمه ...

باوعت لبلال بتأنيب وكأنها تأنبه هووو

" بصراحة ما عرفتج ..جنتي محجبة ..
وبعدين هي مرة وحده شفتج بيها
"اهااا
بلال "اشلونج بيرتا

" تمامووووو
ابتسم بوجهه واخذ مرته وراح ...
تذكر بيرتا من التقت بيه وصار بينهم حب ..
والده يصير اقارب نزار واسلم من جان شاب وتزوج مسلمة  فتعرفت عليه من جان يشتغل مع نزار ببغداد  وحبته وبنت عليه امال ...لكن والدته رفضتها وهو ما كدر يعارض .. وبعدها  من اشتغل بكوفي  تركها هو ..اساسا هو صحيح حبها لكن يدري بيها ما توالمة بطباعها ...
من اتخلى عنها كلش صارت ما تهتم وراحت للنادي الليل واشتغلت اللي اشتغلته ....
طردت افكار الماضي وراحت للشقة

راحت للحمام .. بينما نياز عزمت صالح على الغدة واصرت عليه . 
راحت بيرتا غصبا عنها كعدت  كدام صالح لانها ميتة جوع لو تعرف شنو اله داعي تصرفات اختها بس اتريدهم يلتقون اووف ..
حسته يباوع الها و  وترها ظلت اتكلب بالتمن وساندة راسه على ايدها

وهو ساكت ويباوع للاكل الي كدامه حقيقتا هو ما يكدر ياكل ولا شي منا ...

اجه كبرئيل الهم واعوينه صاعدة لفوك وهو عود متأثر بكلام صالح اله من كال انت رجل و لازم تحمي خواتك وصاعدة عنده الغيره شمر بعض الصورة على بيرتا
وكال
" هاي شنو هاااا فضحتيني كل اصدقائي يعرفوج
بعد ما اطلع العب وياهم

ارتبكت بيرتا وخجلت من شمر صورها هيج جانت هالمرة بملابس سهرة وفساتين جريئة ..
انحنت تلم بيهم وكالت
" انت شسويت ..

صالح ظل يباوع اله وهي اتلم بالصور اتقربت من يم اقدامه وهي منحنية اتريد تاخذ احد الصورة وكعت يم رجلة ..لمحت نظرة مشمئزة منها .اخذتها ابسرعها وكامت

نياز " هاي شنو بيرتا !!!!!!

" ما الج علاقة بيه .. 

دخلن الخوات للغرفة وصالح عزم اليوم ينهي كل شي 
يتبع