رواية مولانا العاشق الفصل الثالث 3 - بقلم زهراء العراقيه

♡كل عام وانت بألف خير عساكم من عوادة♡

زهراء العراقية

لا تحكم على الخلق من خلال مضاهرهم ابدا ربما من تراه عصفورا يعيش داخله صقر جارح ذا مخالب جارحه فغالبا ما المتواضعون يسودهم الغموض لهذا ترى الفارغ يتكلم واللبيب يسمع مكتفي بأبتسامة !
صالح

صالح او الشيخ صالح البالغ من العمر الاربعون
عشت عمري بعد ما صابني وحيد بعين الناس منغلق على نفسي لكن بالحقيقة ما كنت وحيد وانما مستأنس بمناجاة ربي ... وادعيه يقدرني أن اكمل ما بقى بعمري في طاعاته ...
بهاي الليلة اتهجم على خلوتي شباب   و اتعدوا حرمة بيتي ...
الحرامي كان ملثم بوشاح اسود
ومن خلفي  اتقرب واحد و الثاني لازم توثيه

اتقربت   واني باوع  للحرامي بحذر  وما بيدي اي شي وخاصه الحرامي بيده سكين
رفع التوثيه الحرامي الي مقابيلي راد يضربني لكني  لزمتها للتوثية وصديته
كنت اباوع بعيونه واعرف بأي لحظة الثاني خلفي راح يضربني بالسكين ...لكنه يمكن متوتر ..بحركة سريعة جريت التوثية حيل و ضربت الي خلفي ... دنكت على الارض لكفت السكين .. بينما الاثنين هدوا عليه
دفعت واحد منهم الثاني هم رجع للخلف ..

لاحظت واضح عليهم مو خبرة من رجفه اديهم...
غافلتهم ودخلت للغرفه مسرع  رامي التوثية وهمه خلفي خافو لا اجيب سلاح ...

دخلوا خلفي واني كنت  واكف ومنطيهم ضهري
خافوا رادو يتراجعون لا ارميهم 
لكن ضلو واكفين متعجبين من درت وجهي عليهم ومابيدي شي ..
ابتسمت  وكلت
اتعذروني مالي بالعراك والاذية تردون تاخذون شي هذا البيت كله امامكم
ورحت لسريره انطرح كنت اريد اتناهد وياهم من شفتهم مابيهم اذية وفاشلين

الراوية

ضل واحد صافن ع الثاني هذا مخبل لو شنو؟
كان جزموا هو مجنون لو ما همه يعرفوه حق المعرفه شيخ !
واحد منهم اتقرب عليه وراد يضربه

فتح اعيونه ابسرعه والضربه صارت على جبينه
بالقوة ابعد التوثيه عنه والحرامي صاح بصاحبه الي واكف يتفرج مايدري ليش قلبه ما يطاوعه يجي يقتله
صاروا أثنينهم على الرجل ...

هاي هي همه سيطروا على الوضع هد التوثيه الشيخ من الثاني ركلة على بطنه
اتحسس بطنه بالالم والتوثيه اجت توكع على راسه اهنا هو قلب نفسه ووكعت الضربه على الفراش بعدها كام الهم
واتحول شخص ثاني تماما اخذ يركل بيهم واخذ التوثيه شمرها راد الحرامي يروح اله هو ضربه كله سقطته على الارض؟!

....
في مكان أخر.

بيرتا
تعبت واني اشتغل ...وكل يوم احصل رزالة ..
من صاحب المحل .... الافضل الي الهجرة لكن اشوكت .... ياربي اهنا اتعرض لنظرات وازعاجات ....اني حلمي اعيش بتحرر خارج هذا البلد التعبان من كل النواحي .
رحت لنياز احنه نشتغل بنفس المول لكني بالطابق الثاني ... اتعاركت وياها اشلون تقبض شهريتي .. طبعا صاحب البوتيك صديق صاحب المحل الي تشتغل بيه نياز وصارت عدها علاقة صداقه بيه ودوم يشكيلها عن عملي واصلا  كالها بوجهي بيوم لو لا اختي ما اضل اهنا ..هدأتني نياز بعبارتها مثل كل مرة لازم نذخر مال للهجرة ....  فسكتت

........
ا

لراوية

حاط كرسي وجالس امامهم وهمه موطين راسهم على خيبه املهم اثنين شباب ماكدروا لواحد مقبل على سن الاربعين؟

اتلمس بلحيته ويباوع الهم بنظرة غريبه وخوفتهم حيل
ضلو كاعدين خايفين من الي منتظرهم ويحاولون عسى ولعل يفكون قيدهم!
هو على حاله كاعد وببرود اعصاب يفكر
ومتعمق بفكرة بقضية الانسان الي يتحول الى مجرم والدوافع الي تحثه يتحول من بشري الى حيواني بتفكيره يعني ذوله الي امامه شنو ناقصهم بدل ان يشتغلون اي شغله بهاي اجسامهم وصحتهم الجيده يتجهون لهذا الطريق يظنون هو سهل أم هو الرفيق الي يقنعهم. مؤكد هو لان ما يفرض سيطرته هو الا على ضعفاء النفوس
اذن الخلل الكبير بنفوسهم
الحرامي يباوع اله وخايف ابد مو سهل هذا الرجل وليش لهسه ما كشف عن وجهم !

كام من يمهم وراح لغرفته ينام

" شيخنا الله يخليك عوفنا انروح والله اخر مرة
صالح
وكفت بمكاني بس ما باوعت الهم..
اذن همه يعرفوني اني منو.. فعلا اغبياء ذوله

ابتسمت وجاوبتهم
مو اني كنت مسالم وياكم وردت انام لكن عكرتو صفوة خلوتي مراح ...... أسامحكم والعقاب عسير
كلمة الاخيرة بثت بقلوبهم الخوف

راحت لغرفتي انام ولا كانه صاير شي الصبح كعدت لكيتهم  نيام ابتسمت على حالهم  ورحت اسوي ريوك..
وجبت صينيه
وحطيتها امامهم
" يا الله
كعدوا على صوتي
" يلا اتفضلوا حتى يصير خبز وملح بينا

الراوية
ابتسم نفس الابتسامه المرعبه بنسبه الهم بس بالحقيقه شي ثاني ابد مو مرعبه قدر ما هي ابتسامة طيب و سماح.

كان جبيني مجروح وحاط على الجرح لاسقه وياكل
وهمه واحد يباوع للثاني اشورطهم واجوي لبيت هذا الشيخ المجنون كاعد ومتربع وياكل امامهم لا وبعد مسوي الهم وياه ويريدهم ياكلون وهمه مقيدين !!

اها نسيت انتم ما اتكدرون تاكلون الان مربطين
واكيد تردون الهروب والخلاص مني

ما ردو عليه من خوفهم لان باخر كلمه باوع الهم بنظره ناريه
"  زين..... لكم ما تشائون لكن قبلها اريد اسولف الكم قصة....
واحد منهم كال بسرة
هذا يحجي صدك لو يضحك على عقولنا يلا هو مبين تصرفاته مو طبيعيه بلكت صدك يعوفنا

رغم همه ما كالو اله احجي هو نزل الصمونه الي بيده واحتراما للنعمه الي امامه ابعد الصينية عنه وقربها الهم وجلس على صفحه

يذكر بقديم الزمان كان شيخ ينصح بعض الشباب أن يسلكون طريق ابائهم ويشتغلون نفس عملهم احد الشباب سمع بنصيحه الشيخ وراح سأل والدته عن عمل والده ! الام كالت اله والدك اتوفى الله يرحمه وما اجوز عليه غير الرحمه وخافت من سؤاله
لكن ابنة اصر يعرف... بعدها عرف والده كان لص

واشر عليهم من كال هاي الكلمه وهو قاطب جبينه بطريقه تخوفهم

طبعا هو صوته جدا رخيم وهادئ من يتكلم لكن بنفس الوقت اله صدى وقوة ومو شي غريب لخطيب وشيخ بليغ مثله واصل مراحل بالعلم و الالقاء ..
كمل حديثه وهو يتلمس بلحيته السودة
" والدته حاولت اقنعه الي مقبل عليه خطأ لكنه كان مقتنع بأن الي كاله الشيخ صح! ولازم ينفذه ويعمل مثل حرفه والده..
بالليل طلع الشاب ومتوكل على الله بعد صلاة العشاء
راد يقتحم بيت جاره
لكن كال هذا جاري و قال الرسول عليه افضل الصلاة والسلام
باوعلهم وقطب حاجبه وكال
"صلو عليه
" هاا عليه افضل الصلاة والسلام
" اي احستنم
طبعا لشباب ما لاحظو انهم بدوا يسمعون القصه ببالغ الاصغاء والاهتمام
" رسولنا الكريم اوصى بسابع جار
لهذا اشوف غير بيت كان دار للأيتام
اللص التقي ! اذكر كلام الشيخ من قال الرسول اوصى باليتيم واكل اموالهم حرام
وضل كل ما يتقرب من بيت يخاف الله ان يتقرب منه ؛ ألى أن وصل لأفخم بيت بالمدينه كان لتاجر معروف بالغنى الفاحش..
قال هذا المناسب ؛ دخل للبيت وشافه بيت كبير
ضحك صالح وكمل" ههههه بس مو بيتي و مو بحجمة اكيد ما علينا يا شباب. الشاب كال اكيد هذا ما مزكي لهذا خل اشوف هاي السجلات وفعلا وجد اعماله وتجارته ما مزكاة. لهذا الشاب احصى المال وراح للخزنه اخذ منه الذهب والمجهورات
لكن اذن بهذا الوقت لهذا الشاب وكف يصلي لان قال الصلاة ومن ثم الزكاة
اهنا طلع الرجل زوجته شافوه من سأله بخوف
ما جاوب وطلب منه يصلي امامه لان الامامه ما تجوز الا لصاحب البيت
بعد الصلاة سأله بغضب
وجاوبه " اني كنت احسب مقدار زكاتك
صارلك 6 سنوات ما مزكي فغضب وظنه مجنون لكن حكى اله قصته واعجب بيه و زوجه من بنته..
ابتسم الهم بمرح
" طبعا هذه مجرد قصه فاني ما عندي بنت
واشر عليهم وصاح فجاءة على صوته
"ولا عندي مال فاحش
هههههه ولا انتم حراميه اتقياء بل اغبياء
يا غبي انت وياه اكو حرامي يدخل لبيت رجل وهو ماعنده سلاح.. وبعدين من اشوكت الناس تخلي مقتنياتها الثمينه بالمطبخ... !!!

فك اسرهم واشر الهم يطلعون من بيتة وسط أستغرابهم لكن واحد منهم وكف وكشف عن وجه... لان عرف هذا الرجل فعلا عظيم حتى ما كشف عنهم وفكهم
وطلعوا شباب مراهقين ابوهم اتوفى قبل فتره لهذا همه اخلاقهم خربت هو عرفهم يكذبون مو لاان ماعدهم معيل لان كان واضح عليهم الادمان ودعهم من بيته متأسف على حالهم وما بلغ او سوى الهم شي كال لنفسه لان اصلا همه كفيلين بتعذيب نفسهم !!!!
.....

ضاجت نياز حيل من اختها ثلاث بيوم واحد هالمرة بالغت بيرتا كل مرة يتاغضى صاحب العمل لكن اليوم كال اخر فرصه الها بعدها اطردها ....
رجعن مناك متعاركات.....
طبيعة نياز عاقله جدا و مو بسهوله تضحك وتعرف كيف تتعامل مع الناس اما بيرتا عكسها تماما ابد ما تعرف تصرف ودوم تنخدع بصديقاتها
....
بعد مرور فترة

بيرتا

دخلت اتذمر لان حضره نياز راحت تتعشى بره مع حبيبها .... هي حبت صاحب محل الساعات الي تشتغل عنده ومات عليها وبينهم مشروع زواج اما اني يحظي  الي اشتغل عندة مزوج

استمريت بحياتي مضايقة ماليا اختي اتقطر علية ... ماتقبل اشتري و اتمصرف واكول يجي يوم واهج للسويد لأن السويد الهجرة الها مريحة يطلع الي راتب واعيش احلى عيشة اذا احصل لجوء ..
كنت كاعدة اتصفح بجهاز ابن مريم ... واجتني نياز كالت خل نطلع ..عندي الج مفاجأة  كيفت كلت واخيرا راح تحن عليه واتفكها بلكت نطلع نسوق  ...
طلعنا من البيت واجة خطيبها وصلنا لعمارة ...!!
دخلنا ..
نياز وين ماخذتنا
كبرئيل  " نيازي شنو راح انزور احد ؟؟
لا ترراااان طلعت من جنطتها مفتاح ....وكالت وهاي المفاجئة  فتحت باب الشقة ودخلت واخنه خلفها ...
كدرت ادفع سرقفلية ... وناخذ هذي الشقة الصغيرة ...
اي بس هاي تكلف ؟؟ احنه من وين النا
اخذتني وتركت كبرئيل واكف مع خطيبها المستقبلي .....  دخلنا لأحد الغرف ..
بيرتا حبي .. احنه ما نكدر انعيش مع العم بيروس ....ترة عينه منج

طبة مرض احنه ما ضالين يمه فترة ونسافر

اوووف وين نسافر .. هاااا نتغرب ببلد غريبة وشوفة عينج اني و حبيبي خطوبتنا قربت ترة
يعني ممعقولة بعد وكفته وياي اكوله  عوف ناس وتعال سافر...

شنو شنو اشو اتغير كلامج

ما تغير بيرتا ...حتى كبرئيل بعده صغير مو مال نغربة وناخذ عنه هيج قرار مصيري

كمت ارجف واحجي
انت انت جبتي هاي الشقة بفلوسي ....براتبي موووووو

لا مو بس من راتبج من رواتبنا اثنينا .. ولا تنسين اني الي شغلتج ترة ...لو مو اني من اول يوم تنطردين  ..

لج انت شنووو جذابة .... قبضاتي كلهن اخذتيهن حتى اجيبين هاااي

لعد غير نستقل ما نضل مذلولين ببيت واحد صديق ابونا القديم ..
اس ولا كلمة انت خدعتيني .... وبعد وبعد ما عليج براتبي ... 

مرت ايام واني ما اتحاجة وياها ...
منا من
صارت خطوبتها و اضطريت اصالحها  وفرحت الها من قلبي ....
تزوجت اختي ومكانت تكدر تأجر واتعوفنا ..كعدت هي زوجها بغرفة واني كبرئيل بغرفة ....
مكنت احب خطيبها ....
فصرت كثيرة الطلعات بس بالليل ارجع انام ما اكعد وياهم
و اتعرفت على ابنية اجت تشتغل بكوفيه قرب المول ... وعرفتني على صديقاتها ... بيوم اجني كلهن لعندي بالمحل يسولفن ورة اشوية راحن ..من وصل صاحب المحل ... كعد جنب كامرات المراقبة واني رحت اشوف الزبائن ...
اجاني
تعالي اريدج ...رحت خلفه دخلنا للمخزن ..
بيرتا منو الي جانن  يمج قبل لا اجي ...
بنات ...
ذني ما اريدهن اهنا ...
ليش
ليش ؟؟ ما اريد اكول ليش بس ما اريدهن اهناااا

ورة ايام هم اجني اثنين منهم سولفن وياي على الواكف عزمني وراحن ...

صاحب المحل مكان موجود  ....
ثاني يوم من وصلت عاط بيه وكان وجه صاير نار .
اشبيك اصيح ..احترمني انا مو عبدااا عنداااك

تعالي ....
وكفني امام كامرة المراقبة    خلاني اشوف وحده منهم من جانت  تعزمني والثانية دخلت باكت افلوس من المجر و مشت ...
واني ما شفتها ...رزلني وكال انت مطردة ...صفيت بلا عمل ايام ..  رحت لصاحبتي ام الكوفي وعاتبتها لأنها عرفتني على بنات زبالة ...
راصتني وجانت هادية وكالت ولا يهمج هو اشكد جان ينطيج اجر ؟؟
......
نياز ...
بيرتا ما تحب زوجي وهو هم ما يطيقها كان ... يكول اهواي تدلع وشايفه نفسها ...  اني كعدت عن العمل لأن حملت و صرت احس زوجي يثاقل من مصاريفنا وزادت الطين بلة بيرتا من انطردت من العمل ...
وصارلها ايام تطلع بالنهار وترجع النا بالليل اتكول ادور على شغل .... عذبتني ...
وبعد فترة قصيرة كمت اشوفها تتسوق و تشتري انواع المكياج ...
اسألها اتكول اشتغلت سكرتيرة عند طبيب ...
وضلت شهرين وهي احوالها زينه ... واني ما مرتاحه لشغلها لأن من اسالها عند اي طبيب ما اجاوب .... الي ان بيوم رجع زوجي معصب وانتظرها تجي بس دخلت اتعارك وياها طلعت تشتغل بكوفي  .. واني انهاريت لان ينطوها اهواي افلوس مو مال مجرد كرسونه ..!!!
وطلعت تطلع  واتواعد شباب 
العركه كانت كبيرة وصدمتي اكبر بيها وما عارضت من طردها زوجي من البيت د
...
بيرتا
طلعت واني محتارة وين اروح بهاي الساعة اني اووف
دموعي نزلت من تذكرت دلال بابا الي وهسة وين صفى بيا الحال  انطرد.واتهم اني ابنية شوراع ...اشلون صدكت نياز اني ممكن ان ابيع شرفي ؟؟؟ واستنزف كرامتي ..... بكيت بحرقة ...
اشوف السيارات تمشي وكلمن رايح بدربة او لبيته ينام مرتاح  بس اني وين اولي .. ؟؟؟

.....
نياز بعد ما طلعت قلبي انشغل عليها اني اشلون هيج قسيت عليها ضليت ابجي والح على زوجي يروح يطلع يرجعها ...طلع وركع الباب خلفه لأن غصبا عنه راح خوفا عليه وعلى حملي ..
ورة اشوية رجع وهي كدامه دخلت ومعصبة ما قبلت تحجي مع احد ...
ايام واحنه ما نسولف مع بعض اني زعلانه عليها وهي شو هم زعلانه ...
...
بيرتا
كنت زعلانه من نياز اشلون اظن بيه هيج واصدك الكريه زوجها ...
تصالحنا لكن صارت دوم تردد عبارات زوجها اني غير مسؤؤلة ومو ويه عمري عقلي ومن هاي الاهانات ...هاي غير ان زوجها الموقر بدأ يتحكم بيه ويراقبني ....
واكتشف امري ....اواعد رجال  تافه وشرط يكونون مزوجين ....و اسحب منهم ارصده وافلوس وبالاخير اضربهم بووري اشكد اكرهم ويستاهلون الخونه كنت اطلع منهم مصرفي ..

دا اتكلم الكم مختصر من احداثي لأنها لا شي امام الي منتظرني .....
.....
نياز اخر عركه بيني وبينها بعدنتي عنها حيل ...
ثارت علينا بيوم اتعاركت مع زوجي وطلعت من البيت وما اجت ؟؟ كل ظني ترجع كالمعتاد لكن ما اجت وثاني يوم كنت بالمستوصف من رجعت كال الي كبرئيل اجت  بيرتا اخذت ملابسها ....!!!
يوم يومين متت قلق عليها ...ماترد عليه و لا اي خبر عنها ....ومر شهر اني ما اعرف اراضيها
رحنا لأصحاب السوء الي التمت عليهن بلكت يعرفن عنها شي لكنهن كالن ما نعرف عنها شي
ااااه هددناهم وما فاد  . و زوجي مل منا ومن بيرتا   وخاصه من تعبت وحملي صار بخطر ... صار ما يتحاجى وما يقبل اطلع وضل قلبي نار على اختي الي لا ابالي
............
الراوية
نبذة عن شخصية صالح

صباح أحد الايام الخريفيه كان الجو مغبر جدا
اتعرفون اجواء العراق اشلون اتصير اذا كان الجو مغبر والعواصف مطية للسما اللون الاحمر الحجري بهيج اجواء الكل يحبذ يجلس في بيته.. بينما صالح كان يركب جام.. انتهى وراد يطلع
" الله ينطيك الصحه والعافيه والله يكثر من أمثالك يارب.
اجمل ثمرة جهد هي الدعوة الطيبة

وهاي أرضت صالح وجعلته منون للمرة!
الثلاثينيه.. وان سألتم وين زوجها.. زوجها بالبيت نايم! نعم نايم الان مقعد خسر أقدامه... طبعا اول ما سقط جريح بجرف الصخر الشباب ما قصروا اخذوه وياه كم صورة ونشروهه بالبيجات وطلبوا اله الشفاء.. وزارة مسؤؤل لحد ما طلع الجندي ماعرف شنو منصبه  !
  هم اخذ كم صورة وصرف الهم مبلغ مالي لكن مجرد بالقول امام الكامرات بالفعل ماكو؟
استحقاقه كجندي ما مستلم راتبه؟ والسبب لازم يطلع لجان راتبه  لكان زوجته راجعت وما طلع اله بسبب اهمال من قبل المختصين بهذا الامر لهذا اتشوفة نايم مطروح وبيته الرث صاير فريسه للعواصف والامطار والبرد والحر
لكن لحظه صالح الي يسكن بحي يملئه الرقي والراحه شنو يسوي ب مدينة الصدر ؟
طلع من البيت كان لابس مدني بنطرون اسود وقميص كذلك أسود  .  وبلحيته السوده وشعره الكثيف مطيه هئيه مهيبه وغامضه بنفس الوقت..  فجاء حس بوجع برجله.. كأنه احد رماه بشي!! 

دار وجهه للخلف وبعيونه الخضر ضل ينظر للولد الي رمى عليه الطوبة الجوب
اخفى الابتسامه وكال بصرامة مصطنعة

" اشلون تلعب هيج هاا ما كلت الناس تمر منا
"ع ع عمو
اهنا انحنى وشال الكرة بيده والطفل ضل يتوسل ينطيهيا والاطفال الي تترواح أعمارهم 12 و 11 و10 التموا عليه يتوسلون
خزرهم بنظرته وكال كأنه يتحداهم
" ارجعها بشرط
" شنو عمو
شنو عمو
"عمو ترة ما عدنا افلوس بس اذا عندك شغله عادي نفزعلك
ابتسم من هاي الكلمة حلوة حيل ومثيره. شي حلو من اشوف غيرة العراقيين وهي تمشي بدم الاطفال
كال بهتمام زايد
" نلعب واذا فزتوا عليه تاخذوهه. 
فرحوا الاطفال كلش يحبون سوالف الرهان واذا خسرتوا تروحون لبيوتكم بهاي العاصفه الغبراء
"شنو عمو
باوع صالح شاف الطفل حاط ايده ع خده وعود يريد يفهم
" اقصد العجه
يلا نبدي
حاطين طابوكات بمكان الشبكه....
وكف صالح بالوسط امام الكول
وهمه اسطروا وبدو يشوتون عليه واحد واحد مثل الجزائات  وهو يصد ولا هدف دخل... الشي الي مخليه مبتسم طول اللعبه هو تكاتف الاولاد ضده كلهم دمهم حامي ويردون الفوز ومن وصل السره لاخر واحد ضلوا خايفين ويدعون ويشجعون بيه باوعلهم صالح من شات الطفل الكرة عليه وصده برجله...
كلهم كاموا يصيحون والي شوت كام يبجي من ألم الخسارة.....
ما اهتموا الاطفال للكرة قدر الخسارة..  وهذا سبب خسارتهم هو لو مخلين بالهم هذا اللعبه استرجاع حق لكانوا فازوا لكن اخذوهه من باب الشجاعه وياهو الي يهدف هو بطل والكل  يريد يبين نفسه افضل
وبتالي تناسوا السبب الرئيسي (الكرة)
اشر بيده بصيغه امر
" يلا كل واحد لبيته يلاااا
باوعو اله بحقد وراحوه وهو رمى الكرة عليهم... فرحوووا حيل واخذوه وكلمن راح لبيته
ورجع هو هم لبيته وصاير قطعه من التراب الاثري ....

.
نبذة عن شخصية بيرتا
بأول ايام
تعمدت تقلق اختها حتى اتحسسها بالذنب حتى اذا رجعت ما تسترجي اتحاسبها وما اتصلت ولا طمنتها ...
لكن بعدين تناست الاهل من دخلت ببالها  فكرة مشينة .شمس صديقتها الي كاعده يمها طول هاي المدة
شمس وحيدة امها كاعدات بمشتمل بسيط وتشتغل شمس بقهوة كرزونه غير شغلها المشبوه الي متغاضية عنه  بيرتا  احلامها سيطرت عليها  .. مع الاسف ...
......
نياز
فز قلبي واني اقلي عشا ...مدري اشبيه احس دقات قلبي نغزات توجعني  مو دقات ... يا رب المسيح  الطف بنا  و طمني على بيرتا ...كون يطلع كلام نزار (زوجي) مو صحيح هو هيج يحجي لأن ما يحبها .. اااه مصيبة اذا طلع كلامه صح وصديقه شايفها بلهى ليلي ااه ياحسرتي 
.......
بيرتا
كنت امشي بوسط شارع ما اعرف نفسي وين اصلا اني بغداد مو هلكد اندلها ... لبسي اللي مدا اعرف امشي بيه مخليني استحي اتوجه للشارع الي تمشي بي سيارات  . لكن لا مفر لازم اوكف تكسي هاي اذا لكيت بهاي الساعة ...
وكفتها واني انزل بشعري على صدري لا يضهر مني شي وكفت اكثر من تكسي  .... وكفت ثالث واحد وضل صافن على هيئتي
برب السموات احلفك انت ثالث واحد اوكفه لو ما يقبل لو عباله اني مو زينة اترجاج وصلني للعنوان الي راح انطيكياه ... كال اوك
شكله انكسر خاطرة عليه ...
وكفت كدام العمارة وكتله دقايق و اخلي اخويه يجي يحاسبك ضل واكف ....رحت ودكيت الباب  حيل .. طلع نزار مفزوع ...
ضل يباوع الي من فوك لجوة  ..
طلع وسد الباب ودفعني لكدام
هاي انت   يا دايحة اعرف بيج وين تشتغلين
بس ما عبالي هيج انت صلفة تجين بهذا لبس العاهرات لهنا ....
شوفي اذا رجلج عتبت هذا المكان مرة ثانية نا اتلومين الا نفسج
هو يحجي واني اهز براسي نافية وابكي وارعش طردني وكأني عار عليهم لكني موهيج
الساني انعكد ...مكدرت ابرر لنفسي بس كتله مو صدوك ...خل ادخل حباب ..
ما قبل وكال
اختج طفلها مهدد بالاسقاط رجائا لا تجين لا اطلب الج شرطة مكافحة الدعارة ...وسد الباب بوجهي .....نزلت واني منهارة ما اعرف اشلون نزلت اصلا شفت ابو التكسي رايح
معرف وين اولي او وين اروح  ...
ضليت امشي واتختل عن الانظار وابالي اروح لبيت العم بيروس ...بس تيهت معرف اروحله مشي بس بالسيارة اعرف انطي اسم العنوان
تعبت وضعفت حواسي

شفت شجرة ... كعدت جوة ظلها ...
نمت مدري اغمى عليه المهم طبق جفني. 
" انت منو..  شسوين اهنا  ..  اصحي.. 
سمعت صوته اجاني مدري حلم مدري حقيقه  كان واحد لابس اسود بأسود ولحيته لكدام طويله مختلطه مع شاربه واعيونه مضويه بلونها الاخضر وتخوووف حيل بنص الليل كمت وضليت ابحلق بيه كانت ناقصه وكملت من طلع الي أرهابي مدري داعشي     !

كمت على حيلي لكنه هو هم من كمت مدري اشبيه هم صفن  عليه وابسرعه احنى وجه ويمكن كال استغفر الله العظيم اهنا تأكدت داعشي متعصب

                   ...  صالح  ...
كنت جاي من الميتم لكني أتأخرت حيل بسبب اصابه ثلاث اطفال بحاله تسمم.. من رجعت لبيتي كنت مرهق جدا.. كانت الانارة خافته بعض الشئ  بالشارع.لكن انارت بيتي كنت محرص اخليه واضحه حتى تخدم المارة.. 

فتحت باب بيتي لكني لفت نظري شي او حيوان ملتف حول نفسه. 
.  من ركزت واتقربت منه طلعت ابنيه...
أستأت نفسيتي من شفتها الى أين تنجرف يا عراق اولادك مهجنون ونسائك مشردات.. حاولت اصحيها نومتها اهنا خطرة عليها...  من صحت طلعت شابه في ريحان العمر لكن من هيئتها واضحه انها استغفر الله ( عبالة كاولية بت ليل)

                   ... بيرتا.....
نشف الدم بعروقي  اجت روحي تطلع
ضليت ابلع بلعابي بغصة والكون دار بية

انتفض جسمي من الخوف من كال
" شسوين اهنا الي مثلج مو هذا مكانهم

( يقصد المبيت بالشوارع على وحده مثلي امر عجيب)

الراوية

هو لو بس ينظر الها كان عرفها بحدسه الحدق هي مو طبيعية لكن نظره وحده سطحية خلته يصرف نظره عنه خوفا من الوقوع بالغلط المحتم على أي نسان  كان  من يكون مهما بلغت تقواه يبقى هو غير معصوم....

بيرتا  بداخلها بدت اتكول" لازم اقتلهم أقتلهم ماخلي واحد بيهم عايش دمروني .....طلع صوت أنتفاضته منهم على ظنها هي هو ارهابي فصار هو اول من اطلع قهر الايام بوجه

فصرخت بوجه " اقتلكم
وخر عني ارهابي حقير

رجع خطوتين للخلف ردت فعلها غير متوقعة
عافته وشردت لبيت كانت بابه مفتوحه !
دخلت وهي اتصيح " الحوكني يا ناس الحكوني اجوي يردون يقتلوني...
دخل هو خلفها لبيته!
وهي تتخبط بخطاهه لان الاناره الداخليه ما مشغله هو.  فقط يشغل اضويه الحديقه والخارج من يطلع..
وكفت بنصف صاله كبيره تطل على جميع ارجاء البيت  اتعثرت بالطاوله الي تتوسطها
وصدرها يصعد وينزل حاولت ترطب ريقها الناشف لكن حلقها كان يخلوا من اللعاب بسبب الحر والعطش.
فتح هو الاضويه يريد يشوف وتاليها ويه هذي البغي ..

سندت اديها على الطاولة وانحنت تلهث بينما هو فتح الانارة ابسرعه و رجع طفى الضوة  من شدة بهو منظرها..
انتبهت هي لوجوده ودخوله وراهه... فركضت تفتر بالبيت وتسنجد بأي إحد  دخلت للمطبخ هم ماكو احد.... وهو مشى خلفها على مهلة..
اول ما دخل كال
" يا مخلوقة انت
وقبل لا يكمل جملته أنهالت عليه بالضرب بالطاوة الي كانت معلقه على الحائط

حيل وجعتة الضربه الاولى لزم راسه متألم وهي بعدها مستمرة بالضربه عليه...
"أطلع أطلع برة اطلع يا مختل
نفذ الصبر الي بجعبته..
لزم الطاوة بقوة
اتريد اتحركها متكدر لزمتة اقوى منها..

" يكفي اطلعي بره بيتي يا مجنونه

هدت الطاوة  و حست بحلگها صاير مثل الصحراء القاحله الي بدت تتفطر رماله من كثر الجفاف
كعدت على كرسي واحنت راسها على الطاولة الي امامها كأنها طالب كسول نايم على الرحله..
حط الطاوة ع السنك وراح فتح الضوة لازم يعرف هاي اشبيها هيج هايجه... ! 

شاف وضعها ... اجه يكول شي لكنه اذكر هو ترك الباب مفتوح  مشى للباب مسرع جائز هاي متفقه مع احد او عصابه وهاي خطتهم راح طلع بره واتفحص المكان زين بعدها يرجع .اله ؛ولازم يطرده اكيد هاي متقصدته للسرقه مو صدفه مكوثها يم بيته هو بالذات وخاص هو دوم منزله مستطمع للمرتزقه..
رجع دخل للمطبخ شاف بطل ماي ابو اللترين فارغ  مرمي على الطاولة  !
والبنيه ماهي؟!
راح رجع للصالة احتار ما شافها مااله وجود؟ وين راحت هاي ضل يمشي ويفتح بأضوية البيت اتعدى غرفتة مايدري ليش استبعد وجودها بيها وبحث عنه حتى بالغرف الفارغه الغير مستخدمة  ما اله اثر  راح لغرفة الضيوف هم ماكو هي...
وين اختفت؟؟
اذكر غرفته من اذكر جنت صائبتة وراح مسرع لغرفته مجرد الفكره ان وحده رخيصة تدخل غرفتة وغرفة مرته  الطاهرة خلته يعزم يقتلها اذا لكاهها على افراشه  . شنو اتريد هذه الرخيصه ومنو راسلها اله  ؟

فتح الباب بقوة وكان متهجم الوجه لكنه ارتاح من شاف غرفته فارغه ومابيه أي أحد

كعد ع السريره راد يغير  وينام لكنه اذكر امر البنيه هو كان بالحديقه وهي من بعدها اختفت يعني مستحيل طالعه من البيت الا كانت من العالم الخفي
طلع دور عليه مرة ثانيه.  فتح غرفه المكتب مالته هي الغرفه الوحيده الي نسى امرها.  الغرفه عباره عن رفوف مرصوصه تجمع كل الكتب الي ورثها صالح من امه وابوه والي هو قاريها مع مستجدات هو مشتريها الي يشوفها يظنها معرض للكتب وجنب الحايط يتوسطه مكتب صغير لصالح يجلس يقرأ او يكتب فيه
فتح الضوة واخيرا شاف هاي غريبة الاطوار ام الثوب المخطط نايمه جنب احد الرفوف.   ! هي كانت اقرب غرفه للمطبخ ومن تعبها وعدم رشدها  اجت ونامت  ..  راد يصحيها ويطردها من بيته. 
بصوته الرخيم
" انت يا  يا يا
احتار شنو يكول كلمه اختي ابد مو مناسبة الها ولا يشرف أي احد يوصفها كأخت
" يا بنت هيي انت اصحي..
ما تحركت كأنها جسم ساكن
ما يكدر يضل مركز عليها ... كانت تلبس ثوب  مخطط بثلاث الوان  خط أسود خط ابيض وفضي .. بيه دارهم ذهبية اللون بالردان العريض ودراهم ايضا بالثوب تحدد الثوب من اسفل مع فتحات .... الشعر احمر والجسد ابيض ......

صاح بصوت اعلى ... 
انتي يا ابنية ....اصحي
...
يتبع