رواية مولانا العاشق الفصل الثامن والثلاثون 38 - بقلم زهراء العراقيه

الراوية

لا أحد ينام بسرعة.!فالأغلب تستدرجهم الأفكار
يتذكرون ؛فجأة يبتسمون،بعدهايفكرون والبكاء يصاحب النوم..!
جانت مخليه اديها على وجها وكاعدة يم  باب غرفتها على الارض ..متدري اشلون زحفت لغرفتها اصلا اختلطت دموعها ببعض وانغسل وجهة بنارها  جانت تعزف بصوت بكائها نغمات حزينة وصوت أنينه الناي ؛؛؛ ماتعرف شنو احساسها بهاي اللحظه ماعدها فكر بس جانت عدها رغبة ملحة تبجي .....اما هو جان يسمع صوت أنينها وجان يوصلة مثل صوت حبات المطر من ترتطم على قطعة حديد  لكن جان الغضب مسيطر اخر سيطرة على اعصاب صالح   هو يتحمل كلشي منها ويستقبلة بصبر الا اللعب بمشاعرة .

؛؛؛؛
بعد اذان الفجر ....
جان بالمكتب كاعد بين كتبة الاثرية  محني الراس و ساند كوعة على الميز وراسة بين اكفوفة ... الشعور  بتأنيب الضمير بتدل ياكل بفكرة ،، راسة يريد ينفجر من السهر والسهد والحزن الي شايلة ضاعف تعب كل الي انذكر
لا هذا طبعة ولا هذا أسلوبة ؛ التسرع والتصرف عند الغضب كل هذي مو صفاتة لصالح ... و التعامل مع اصغار العقل بهذا الشكل ابد مو هذا طبعة
'' ااااه يا وهج بالماضي انجرفت وياج  للعشگ اما بالحاضر للجنون  اشلون اصرف يا وهجي ((عودي لي  فالقلب تلفت نبضاتة بما فعل السفهاء من بعدك !!!))

طلع من المكتب .. اتوجه لغرفتها متمني يشوفها نايمة لكن اكيد الدموع لهسة رفيقتها ، فتح الباب بهدوء ومد راسة يتفحص حالها .
هو ما يحمل عذاب شخص بسببة
ركز اكثر شافها نايمة على السرير ومتغطية كلشي ما واضح منها ..كسرت گلبة حالتها هاجت عواطفة دخل وسد الباب ...
فجاءة كمزت بيرتا من السرير

صاحت بصوت ضعيف
"اشعندك سديت الباب

"وهج !!!!
ظل صافن على رجفة جسمها

" روح برة روح
وظلت  تبجي

هو اتقرب اشوية وهي طفرت من السرير وكعت من الجهه الثانية على الكاع واتباوع اله من بين ادموعها محذرته لا يتقرب

" لا تتقرب ..........

واتراجعت لورة  ماكدر صالح يتحمل اكثر وهو يشوف وهج الي كان بالنسبة الها خيمة امان هسة صار هو مصدر خوفها .. طلع وعافها  .. طلع من البيت  كلة !!!!!!

العصر .. جانت لهسة غاطة بنوم عميق لأن  الليل كلة سهرانة معوضة نفسها وما راحت للدوام اصلا منو يوصلها ؟؟

كل إنسان  عنده طريقة للهروب من الواقع وصالح يروح يفتر  لو يكعد باي مسجد وما يطلع يضل يقرأ ويرتل القرأن او يتفقد خلق الله من خلال لفتة وفرتة ،اما بيرتا النوم هو خير مهرب ..!!
كعدت اتمط بأديها . حكت شعرها بأطراف اناملها .
" ااه ليش شفتي تحركني
اتلمستها .. وراحت للمغسلة .  شافت بيها جرح خفيف واذكرت الي صار وياها

ضحكت ضحكة خفيفة
"هههههه ههههههه
ولا بالروايات والقصص 
اول قبلة الي اخذها بعنف ههههااااي

اشرت بايده  تضحك على روحها بالمراية

"تهي بهي يلا عاد حصلنا بوسة مو راشدي
هو الي سويتة بيه اشوية اني خليتة يسجد كدامي اااووف كل ما اذكر اكره نفسي ااوف اشلون صار هيج ااووف

وكالعادة من اتحس بغلطه ادور مبررات
اشرت بالمراية وكالت
"اني ما علية كلة من وراه هو اي اي ليش يجوعني اني كلشي ولا بطني .. اووف اهم اساسيات الحياة ؛ الأكل  والملبس الكشخه
وهو يريد يحرمني منهم اوووي
اي اني تخبلت ومثلت عليه ولعبت بأعصابه
بعدها حكت كصتها ورجعت لغرفتها كعدت على سريرها
"  لعد اشكد جان يحبها واني لعبت بمشاعرة

طلعت دمعة من عينها

غمضت اعيونها و عضت شفتها السفلية بقوة حيل ولزمت راسها
" اني شسويت اااووف دائما اعك الدنيا انسان مثل هذا يحب هيج وحده لا يمكن يأذيني واني دوم اضوجة ااوف بس يجي بعد  ابد ما ازعجه ...

وكفت امام المراية "اي وعد اصرف عدل وما اغيضة ..

طلعت تدري كلش زين هو ماهو  ادور عن شي تاكلة ..
عاااا الجبن مخلص يبووووو شاكل اني هاااا خرب خرب حظي ..

اي بس من اهدي اللعب لازم يجيب الي خدامه اي اهم شي اكل واللبس وبعد ما يشوف مني الا طيب مثل ما كلت من مستلزمات الحياة الاكل واللبس
لزمت شفتها المجروحه
"واضافه الى ذلك القبل هههه طلعت هم حلوة

باوعت بيرتا لنفسها .. وانتبهت لتصرفاتها هي حاطة الطاوة على النار وزيت بيها ؟؟؟؟

"عااا هذا كلة سويتا واني سرحانه
يااا اني شدلاني بالزيت وين جان ؟؟؟؟

احم شسوي وحطت اطراف اصابعة على حلكها تفكر

" اها  اهبد على البيض والملح  قبل لا تعجج من الدخان اذا صار و حمى الزيت زياده اتصير البيضه حمرة

خلطت البيض وكالت
"عااا اني اشعرفني بكل هاي امور طبخ البيض هو كلش صعب اني شعلمني بيه !؟؟؟؟

كلت البيض وخدرت الجاي وهي تصفن على نفسها اشلون  سوت كل هذا . ما لكت خبز ابيض بالفريز

" يلا اشبيه الشعير المهم اكل ههههه والله ايام من جنت اكل منه حتى ما اسمن هسه صرت اريد وزني يزيد اشويه ...
خلصت اكل وغسلت المواعين
،،

كان كلش خجلان من نفسة و من تصرفة لهذا ما كدر يرجع للبيت ويحط عينة بعينها واكيد هسة هي مجروحه  مو بعيدة خابرت اختها وراح ترجع لأربيل صفن وانتبه اخاف اسويها وتطلع من البيت و اجرب تشرد مره ثانية هي  الهروب من عوايدها وتصرفاتها الغير موزونة من طباعها الانفعالية  .. طلع من الجامع يتغالب ويه نسمات الهوى  بمشيتة المهيبة .. دخل للبيت مستعجل
ظل صافن على المنظر جانت مطروحه على القنفة بالصالة ورجليها اطوال طالعات منها حاطتهن فوكاها واتكلب بتلفونها
شافته واكف كدامه صافن .. ابعدت التلفون وجانت اشويه خجلانه . لكن همهمت بعد ما حمحمت بالكوة طلعت  منها الكلمات
"ضافوني لكروب خاص بالمدرسات وبالكادر الي اشتغل وياه
جانت اتريده ينسى الي صار البارحه
حك لحيتة وأزداد تأنيب ضميرة اكثر من عرف هي مناوية اتروح .

"خوش تمام
كالها بهدوء وراح لغرفته ... اجه يعاقب نفسه على الي سواه هي بنية مكسورة جناح وهو بهذا التصرف استغل هذا بجرحها وماتكدر حتى اتعقابة بروحتها لان ماعده مكان  افضل من هنا
كل ظنه هي ما حست  بحجم الغلط الي سوته وبقائها اهنا مجرد هي بحاجته ...

طلع ابسرعه اخاف كعدت تبجي بعد ما شافته .. لكاها على نفس كعدتها وتبتسم على الفون

استعاد  حكمتة وراح  كعد يمها خلاها اتعدل كعدتها ..
" اشلون حالج
كالها وهو يتمعن بيها

جانت مسوية كعكه عاليه بشعرها وخصلات كصيره طالعة منها ولابسة سيت برمودة البجامه مالته والتيشيرت طويل وجانت كاعدة على القنفة واقدامها مصعدتهم ويااها ثانيتهم كدامها..
نزلت الفون وكالت وهي اتباوع اله من جوة لجوة

" زينة
كالتها بصوت قريب للهمس

نزل حواجبة ضاج
" اعتذر منج يا بنت      اعتذر سامحيني ..

باوعت اله اشلون  هذا الرجال المهيب  يعتذر هيج عادي بكل تواضع يطلب السماح
ما تعرف شنو اتكول بيرتا بمثل هيج مواقف
شتكول مقبول اعتذراك وهي بالاصل غلطانه !!!

" اعرف الي صار أثر على نفسيتج بحق القديسة مريم عليها السلام اتقبلي اعتذراي يا بنت ..

من شافها ساكته عباله لهسة ما مقدرة الموقف الي خلاه هيج يصرف

" يا بنت الكرامة مثل الزجاج الشفاف اي حرارة تمر من يمها حتى وان ما كسرتها تترك اثر بخار
يخليك اتحاول اتمسحه بأي تصرف اخرق
اعرف  نفسيتج تعبانه وجائز كرهتيني اساسا اني ما اعرف يمكن تتوقعين اني وحش صعران اهم شي شهواته لكن اني بعيد كل البعد
سكت مكدر يكول ولانه يذوب بهواها ردة فعلة وياها غير
"  شوفي يا وهج
باوعت اله بطرف عينها
"بالمناسبة ما اكدر اصيح الك بأسمج، اما وهج او يابنت لأن اسمج  ثكيل على لساني

رفعت احواجبها ما عجبها كلامه واتبعت طريقة السكوت والي اتخلي المقابل حاير وياك ومايعرف شنو بداخلك ...حتى اجيب اخره

"زين يا بنت اني مستعد اكفر عن ذنبي بأي طريقة
ابتسمت مكدرت بعد بيرتا من سمعت بيها تعويض السالفه ونست وعودها لنفسها وشنو فكرت قبل لا يجي وكالت بثقل
"احم اي اي بشنو راح اتعوض نفسيتي الزفت ..هاااا اني لا نوم ولا اكل ولا اكدر اتحرك من نفسيتي التعبانه
ودنكت راسها محاولة كبت الابتسامة

" شنوو ؟؟؟؟؟  كومي وياي . 

راحت غيرت ست بيرتا تمشي بثقل عود تعبانه وضايجه
واخذها لأرقى بطعم ..

صفن صالح عليها هو من أداب طعامه ما يباوع للي ياكل لكن منظر هذي البنت مو مال متأثرة ولا زعلانة .. لأن  ابتدت اول ما كعدوا صورت الاكل وصورت نفسها وكعدت تتفيك بالحركات ناسية اكو واحد كشف لعبتها
شافته صافن عليها واعيونه الخضره كاشتفها
مضغت الاكل وكالت

"ترة .بعدها نفسيتي تعبانه حيل

ابتسم عليها جانت تارسه حلكها اكل وتحجي .
.
" شنو اتريد وهج منا احنة حاضرين

"صدوووك

كالتها ورذاذ التمن طفر من حلكها

تذكرت الاتكيت وضلت اتمسح وشربت وماي وكالت
" احم نفسيتي كووولش زفوووت اي ومحتاجه روحة للمول اتعدلها  وبس
كالتها ببساطه

بين انظاره المبتسمة عليها  وكان فعلا مستعد يسوي  أي  شي لأسعادها كل ما اذكر مشهد شمرتها  على الكاع البارحة

اخذها وراحوا افتروا لكم محل .  جان صالح مرتدي لبسة الشهير اسود باسود يعني ما مبين شيخ .  لكن كان مزعوج من كون مرتة ضاهر القليل من مفاتهنا وكونه رجل شرقي غيور ما يحبها تضهرها الا اله ،، جان بودة يخلي اديه على شعرها حتى يغطي لكن بالواقع الي وياه بيرتا ما يكدر يفرض عليها كل معتقداته وافكاره ولا إكراه  في الدين وهذا اهم شي هي من غير دين لهذا استبعد الفكرة .

رجع صالح وجان محمل دخل وهي سدت الباب
جانت طايره من الفرح رجعت  الها هاي القبلة العنيفة ايام الدلال وعز والدها الي يقصر بحق الكل الا هي يفضلها على الجميع .. نست نفسها هناك وحست كأن صالح  والدها وينفذ الها جميع رغباتها ...بنك مركزي ويمشي وياها ابد لا انطى رأيه ولا اعترض ولا أنبها على كثرة الصرف !!!!!!!!!!!!!!

بيومها دخلت وبعد ما طلعت من غرفتها تلبس وتنزع وهكذا ..... رصت العطور الماركة على الميز ... وعدلت الاحذية الانيقة ... 
وعلكت الملابس ... وحطت المكياج بالمجر ونامت مرتاااااحه حيييل ...

وصالح هم واخيرا كدر ينام بسلام  .

الصبح ظلت صافنه بيرتا على الصورة وما مصدكه .....اعيونها متسعه هاي هي من جانت تشتري البارحه مع صالح واكفه بالمول ..  !! منو مصورهم جانت هي طالعه اكثر من صالح ما طالع بس ضهره ... منووو ماخذها الهم .!!!!!!!

وهاي اشبيها وفاق  ليش ناشرتها للصورة بالكروب وشنو هالكلام الي فوك اوف اوف
انصعقت اكثر من شافت  التعليقات نازلين عليها بالنازل
جان المنشور يكول .. خسارة عظيمه لنا الشيخ صالح عندما تزوج من مسيحية لا تعرف عن الله شي !!!
" ولجن امهات الكمل عااااا
تقرة وتضرب بحجرها بايدها 
..
ابتسمت وفاق بخبث من الصورة جابت كومه تفاعل بمعنى كدرت تسوي شي لهاي النسرة بيرتا
طبعا الصورة شترتها شرايه من احد العاملات شافتهم وجانت رايحه اهناك تدور  عن عمل اضافي وكبل طاكه الصورة  ومساومة وفاق على افلوس !!
ابسرعه دخلت على الادمن بيرتا وطلبت  يحذفون الصورة ..  وراحت جابت الحاسبة حتى ما انطت نفسها مهلة اتفكر بعقل .  ودخلت على حساب وفاق واستلمتة بكودات التهكير .. بعد ساعه جهد ...لكت طريقة جان اصلا سهل التهكير لانها اخذت رقمها من زميلتها المدرسة اسيل ! .ابتسمت بخبث من شافت بالرسائل صور وفاق مع اهلها وجانت لابسه مال حفلة واكو صورة تشرب نركيلة !!!   جمعت الصور ونشرتهم بحساب وفاق بعد ما غيرت كلمة السر ...وابتسمت بنصر
"هههه العب مع بيرتا غير شكل خل اشوفج المسيحية شنو اتسوي مو عدكم اية اتكول العين بالعين هههههاااي عبالها اكعود ابجي طين ام الهلس ...

.... دخل صالح ابسرعة سدت الحاسبة من غير ما تطلع من الموقع ...
"صباح الخير

"صباح الخيرات كأنك نمت اهواي

" اي صح كنت بحاجة للنوم العميق

" امم زين راح اراويك مهارات بيرتا واسوي الك ريوك

"انت !!!!!!

"يس اني ههههه

وراحت هي و هو جان مشتاق كلش لنفسها بالاكل .....

كعد  يم الحاسبة مالته.وفتحها  ضل صافن .. هذا حساب منووو مفتوح هنااااا

صاااح صالح لبيرتا ...

" هذي شنو الصور الي داخله عليهم

صفنت بيرتا عليه محتارة شنو  اتكول لكنها كالت
الحقيقه وما جذبت !!!!!!!!!!

بدأ يخزرها بنظراته الي اتسعت عليها وهي صارت اتبلعم

" ا اشبيك
هزت راسها مستفهمة

"اشبية ؟؟؟ وهج تعالي احذفي الصور

بيرتا "مم مااا ماا احذفهم

كال مستعين بالصبر
"تعالي اشلون ينحذفون

هزت بأمتونها رافضه
"ما هي الي بدت

"تعالي
اهنا بدت التعليقات على وفاق اتهل بالكروب هل
"ممما ما
راحت لغرفتها
وهو يحاول يحذفهم من غير ما يباوع لعرض العالم ....

جانت تاركه الباب مفتوح دخل هو عليها وكال

" انت اشلون اسوين هيج ؟؟
شنو من نفسيه عندج؟؟؟اشلون اكدرين اتنشرين عرض مرة مثلج هيج اشهريها
" ا هي الي بدت هي هم شهرتني
كالة مستهزء

" انت من اصلج مشهورة يا ست بيرتااا لو نسيتي واطلعين بنفس هيئتج من صورتج .لكن انت نشرتيها  بصورة غلط للناس

" لا اني ما اقبل احد يصورني طالعه سمينة ولبسي مو لايق اطلان مسوية حركه والتعليقات كله نازله طكة ونص على حركتي ومسوياتني كافررة  ...شنو هاي اني ما اسمح ...

" مهما بررتي تصرفج هذا غير مقبول .

" اني  الي يغلط بحقي من غير سبب ارده اله الصاع صاعين  وحيل بيها وابو زايد
باوعلها  منزعج  مضيك عيونه
"كافي كافي بديتي اتنزلين من عيني اكثر واكثر

جرحتها كلمته حيل

انتفضت وصاحت

" اني مسويت شي فاهم يكفي ملامة اني مو مثلك افهم ..

واتعاركووووا هي اترد وهو ينهرها
يريدها بس اتحس بغلطها . لكن ما كدر ،وانتهى  خلافهم بزعل قوي ، خلصت  بيرتا وغيرت ملابسها ...لكن سمعت صوت سيارة صالح تتحرك .

"عاا هذا عافني منو يوصلني؟؟؟؟

طلعت من البيت وهي تتأفف وصلت لعملها
وجانت بس اتريد اشوف وفاق لكن مع الاسف ما الها اثر بس المكان جان  مشحون بطاقة غريبه الكل يحجي عن الي صار لوفاق  وعلى انو شاب ما يخاف الله مهكر صفحتها ... ويكولون اخوها يشتغل ضابط بالجيش جاي ضاربها الان فاضحتة وهي مطلقة مرتين يعني صارت عليه x  رسمية والناس الي تكره وفاق اتكول مو متهكرة وناس ضايجه عليها وعالكة هي صايره حديث الساعه وسالفة بيرتا والمول منسية اصلا .. كعدت على احد المسطبات الي بالساحه او الحديقه الخلفية للسكن والي تفصل بين السكن والمدرسة .. مدري ليش اكو نغزة باللگلب ما مرتاحة وكل شوية تطري بمخيلتها نظرة صالح الها الاخيرة يمكن الحگ  وياه الموضوع ما يستحق ردة الفعل هاي ويمكن هي أسببت بمشكلة جبيرة للمرة حكت شفتها بتوتر من اجت ببالها لا تنقتل وفاق بسببها . هزت راسه طاردة الفكرة لان الموضوع ما يستحق كل هذا .
يا ترى بعده صالح زعلان منها ؟

"يا اني ليش مهتمة يزعل او لا شنو هذا ابو لحية بدا يأثر عليه بأفكارة .

بهذا اليوم ما اجه صالح واخذها اصلا مايدري بيها طلعت او بقت .. رجعت بسيارة زوج اسيل وصلوها وراحوا لبيتهم . هي حيل ارتاحت لأسيل وخصوصا؛؛ البنية هي الي فرضت نفسها عليها واكدت الها راح ترجع صديقه الها بيوم حتى لو ما اذكرتها .
دخلت شافته بالصالة كاعد ويكتب .. 
" هلووووو
ما رد
عوجت حلكها وراحت لغرفتها
شمرت جنطتها وكالت
"اوي حتى ما كلف نفسة وباوع بخلقتي اوف

بعد مرور يوم ...
اخذها من الشغل وراحوا للبيت طبعا هم ساكت وما يباوع الها .. وهي طلعت روحها
مانزلت من وصلوا
"اوي صالح اشبيك   . اوف عاد كافي مكان قصدي

باوع الها وهم ما نطق
" لا تباوع الي هيج انا شنو سويت

نزل من السيارة وعافها
" هيي يمعود
سدت باب  السيارة وراحت وراه وكالت
" اكولك صدوك ما اتريد تعرف انا الحلوة شو عم أكول
وكأن هو متقبل لهجتها العراقية حتى اتحول على السوري ....

" لا صدوك صدوك تعال دااحجي وياك
دخل لغرفتة عايفها خلفة وسد الباب بوجها

" اوك اوك مراح اروح منا وراح اظل الغي منا لباجر الصبووح ترة اني مو حايط اتعوفني دوم اريد احد. احجي وياه . اريد احتواء
سكتت بيرتا وكالت لنفسها
"شنو اني شنو داكول يا احتواء هذا

"انسى قصدي اما اتخليني اطلع واترفه او تكعود يمي وياريت لو اتحقق الي الاولى .اوويلي واشتري هم واالله جنت فري بيومها ماتدري اشكد اتغيرت صورتك كدامي ....هههههه ابصراحه جنت شايفتك البنك الدولي هههههه اي بس مو عبالك اني معندي كراما واخذ مناك لا عيوني هاي اجر الي بمكان ما كل يوم اصبح بجمالي الطبيعي وطلتي البهية ااه هنيالك اشوف هذا القمر .. تدري اذا ارشح ملكه جمال الكون افوز وبجدارة هم ..
بس انا ما ابي يصورني بالمايوه
صدوك صلوحي اذا ارشح اتروح وياي
اهنا انفتحت الباب .عليه ابتعدت بعد ما جانت منتكأة على الباب وضحكت من طلع

"اياك ثم اياك تحريف اسمي ..  وروحي لغرفتج

" يا ويلي عبالي ما منتبه لكل لغوتي هههههههههه تأمر صلوحتي مراح انطقها يا صلوووحتي

" ممكن طلب
ابتسمت وكالت
"أآمر

"ممكن ما تحجين وياي واعتبريني ماكو ممكن ؟؟؟

اغتاضت من اسلوبه وياها وكالت مندفعه

" اوك يا سيد صالح راح احقق رغبتك وما تسمع صوتي بعد اليوم فاااهم ابد ابد
وراحت من يمه وهي تتوعد اله فوك ما ظلت ساعه اتراضي بيه وره الباب تاليها يطلع ثاير عليها .. اي هي هاي طريقتها بالاعتذار وماتعرف لغيرها سبيل ...
وضلت طول الوكت كلساع تنسى نفسها اتريد تحجي وتذكر وتتراجع

ثاني يوم العصر  زار صالح ضيوف .. جانوا اربعة شباب من طلبة صالح . واحد.منهم ابن صديق صالح

دخلهم للمكتب وبيرتا بغرفتها تسوي ميك آب اتلهي نفسها بيه .

اما هو ملتهي مع طلبتة .

مسحت المكياج بعنف عن وجها ... من مسحت الحمرة عن حلكها ...صفنت على نفسها بالمراية
اذكرت  الي صار ب ذيج الليلة ..

" اشوكت يخلص صالح اوووف ضوجااا هسا هو على اساس يحجي وياي اووف اني وعدته ما احجي خرااب .... يلا اني اعلمك اذا ما اخليك تتوسل حتى تسمع صوتي  ...   اهنا غيرت ملابسها وطلعت من البيت . وضلت تتمشى بالشوراع . جانت لابسة صدرية كابوي تحت الركبة وبدي ابيض و مسوية شعرها ذيل حصان مبينه اصغر من عمرها  ...
صعدت كية اتودي للسوك ....
الساعه ال 8 بالليل  .
كل ظن صالح بيرتا بغرفتها ....لهذا غير ولبس وطلع بعد ما قفل الباب هو متعود يقفله عليها خوفا عليها !!!!!!!!

رجعت ست بيرتا من شافت القفل اخترعت

" يارباه خرااب يعني مو كافي عليا تيهت وظليت اهبد من رجليا وكعن انوووب الباب مقفووول  هسا وين اولي ياااي يارباه  صالح بنص الليالي الا يرجع لا وانوب عفت فوني باللبيت .. اه اه مني ما اجوز من سوالفي  ..
دكت باب جارهم الي كدامهم ((العجوز الفضولي اذا تذكروه ومرته الحشرية ))

الساعه ب 12 ونصف الا رجع صالح من الخارج ...فتح الباب .. سبح عادي مثل كل يوم وكعد يتعبد .. الى ان ينعس وينام ..
بينما بيرتا اه يا بيرتا .....

مثل كل يوم صالح بالليل يسلل رغم الخصام . يطمن عليها هي ونايمة ويخرج من غرفتها .. فتح الباب بهدوء  لا يصحيها 
ودخل بوسط سكون الليل والهدوء والظلام العاتم هالمرة ما فاتحه ضوء التبلام ؟؟ فتحه هو على مهلة حتى يشوفها !!!!!!!! والصدمة ماكو احد على السرير ... فتح الضوة راح للحمام جان فارغ .. دور عليها بالبيت البنت مختفية . وجهازها موجود ....!!!!!!!!

يتبع ..
أي شخصية حبيتوا اكثر  وهج ام بيرتا