رواية موطني عيناك الفصل الرابع 4 - بقلم بمبش

نحتاج إلى إفراغ كامل للذاكرة كي نستطيع الاستمرار في الحياة .. فبعض الذكريات التي لا تموت...تميت 🖤🍂

جنت كلش تعبانه ومطايقه احد تمددت واحس شي ياكل بكلبي كلبي صار مثل النار

حسيت البيت صار هدوء طلعت لكيت ايڥان كاعده يم امي وطايره فرح باوعتلها بنضره كلش جنت مكسوره وبنفس الوقت حقد بكلبي تجاها

متوقعتها منج ولج تعرفيني شكد احبه
حبيته قبل متحبي انتي واخذته منج لان. متستاهلي. واصلا هوا يحبني

جنت حاقده مو لأن اخذته مني طززز بي رخيص ومن وحده للثانيه
اختي انتي مو عدوه لا وانوب امي وياج صافه والاثنين ساكتات عفتها ومشيت رحت لغرفتي ولا كأن شي صاير سديت باب الغرفه وانهاريت بالبجي لحد ما غفيت سمعت دكت الباب صوت امي تكلي خوما بيج شي باوع للساعه ١٠بليل
جنت مطايقه احد

تعالي حتى تتعشين

ما اشتهي تعشو انتو

يلا بنتي كومي

ههههه صار هواي مسامعتها منها جنت مقهوره لان امي صارت ضدي امي يا ناس انطت اختي لحبيبي

حاولت انام مكدرت معرف شنو الدفعني اتصرف هيج رفعت فوني وبحثت عن حساب فهد

جنت طالع سفره وسمعت عمي توفه
طبعا اعرفكم عني فهد عمري ٢٩سنه
بشرتي حنطيه يعني اسمر
شكلي ما اكللكم حلو تكولون ينغر لا شكلي راضي عليه والحمدلله

دكتور علم نفس ووضيفتي احسها ابد مراهمتلي هههه شكلي شكل مجرم عصابات

رجعت للمحافضه ورحنه تلكيناهم جابو عمي من المستشفى ووديناه غلسناه واخذناه للبيت حتى نطلع ندفن

طبينه رفعنه التابوت
وطلعت بنيه اجت ركضت للتابوت عرفت بنته
حقكم هسه، تكولون، ميعرف بنت عمه بس ما جنه نختلط بس اعرف، عدهم ايڤان والباقي ما شايفهم

شفتها وكع شالها رفعته على راسها، جانت فاقده تبجي المهم طبت وشافت ابوها جانت بيضه وعيونها كبار عسلي بس وجها جان احمر من البجي والعيون حمر وتبجي منتبهت عليها كلش زين ملتهي اخذتها من دنطلع للدفن كطعت كلبي ببجيها بس معندي حل اسوي لان جاي تمر بشي صعب لمن رجعنه وخلت راسها على كتفي ونامت حسيت جلدي قشعر وحسيت بشي غريب غفت حسيت انفاسها على رقبتي هالشي زعجني كلش لان حسيت بقربها يمي

جنت دائما اروحلهم ما اشوفها امها تكول منعزله وللعلم سافرات جنت ابالي محجبات من شفتهن بالفاتحه

معرف قربت اهلي عليهم لان نسوان وما اريد اعوفهن وحدهن وامي خابصتني جيبهم يمنه وجيبهم

لحد ما تحولو يمنه جنت ضايج من ايڤان بنيه خفيفه واكره هيج نوع شي اكيد اختها نفسها

عزمناهم يمنه جانت تبين مكسوره حقها ابوها المات مو قليل
اباوع لعيونها كبار عسليات
وحلكها اويلي حلكها جنه كرزايه 🍒
وشعرها جان اسود طويل
بيضه بس حسيتها فاهيه

بليل خابرتني امها كالتلي باجر يجون بيت اهل صديقة ايڤان يخطبوها اريد انتو تكونون بهالشي

رحنه وصارت القسمة والولد يبين حباب
بس امه ملسونه

مراحت من بالي هالبنيه وكلت الا اعرف شبيها بما انه اعرف بالاشخاص هذا شغلي

حسيتها بخطوبة اختها ما ادري شبيها وحجتلكم مها بعد مشاعري مكدرت اسيطر عليها وحضنتها

رجعت للبيت راسلني حساب فيس بوك بنت

مرحبا
مراحب
ممكن سؤال
جواب
انت فهد صح
اي نعم
منو انتي
شاهدتها وما ردت

اجتني سفره ورجعت سافرت

كملت السفره ورجعت

بعد ما كالي منو انتي

شبيج تخبلتي هسه يكول شكد خفيفه وبعدين تراسلي شتكليله

وثاني يوم اندك باب غرفتي جانت امي

ها شتريدون مني عوفوني ايڤان عوفوني

ماما فتحيلي خل احاجيج هاي يومين مماكله خل نحجي مو تكولين اريد نتفاهم

فتحت الباب وحضنت امي وشكت وبجيت

امي خل ناكل يلا اني هم ما متريكه

وايڤان وينها
راحت على بيت عمج

سوينه اكل واكلنه

باوعت لامي يمه شبيج وياي كوليلي سامعه شي ضوجتج بشي

انتي غلطتي

بشنو غلطت

لا تغشمين

والله ما اعرف شدتحجين

انتي اشون تحجين على ابوج

باوعتلها مستغربه انيييي

اي انتي

شحجيت يمه شبيج ابوي بكبره اشون اجيب طاري

اي من جان مو بكبره تجيبين طاري وتلزكين براسه تهايم المرحوم شكد يحبج ومدللج

يمه شدتحجين انتي

شنو تكولين لحسام ابويه يتحارش بيه
ولج ما استحيتي ولج تالي عمره بنيته هيج تكول عليه واني مدللتج تكليله شغل البيت كله براسي وليل نهار اكرب

شهكت وبجيت يمه والله ابويه اكوم واكعد اكول مدللني هوا وامي والله العظيم وروحي اسألي حسام

ايفان كالتلج مووو

اصبري طلعت رقم حساب اول دكه جاوب

مجنت متوقع يجي يوم ارجع اسمع صوتج

اريد اسألك سؤال

اي اسألي

اني شجنت اكلك على ابويه

شتكولين

من ناحية عيشته

عليش

دحجي شبيك

تكولين والله معيشنه احسن عيشه رغم ما عنده بس مدللنه دلال وامي كذلك

شي كتلك كتلك بابا

شنو

شي يوم كتلك بابا استغفر الله اتحارش بيه

هاي شبيج عقلج بي شي

شي سوم كتلك هيج

لا والله

وامي شحجيلك عليها

شنو تحقيق

دجاوب الله يوفقك

جنتي داوخه راسي تضلين يوميه بليل تكولين امي رغم تعب الميكنه نرجع من المدرسه حتى غدانه مكملته

شي يوم كتلك امي ضربتني

لا جنتي تكولين اني وياها مثل الصديقات ومن كبرت لحد هسه ما ضاربتني

اوك باي

شبيج مهوش وين

كتلك باي سديته بوجهه

امي دنكت راسي وكامت تبجي

حضنتها يمه اعرف هاي سوالف ايفان

امي ساكته بس تبجي بالكوه سكتتها وقنعتها وكتلها شي وصار كالت خل تجي واني اعلمها

يمه

ها بنيتي

الله صدك جذب رجعت اسمعها منج

يمه والله ابد لا تصدكين بيوم اكسر بيج لا انتي ولا ابوي

واريد توعديني متحاجين ايڤان ولا تكليلها دريت الله يوفقج

خل تجي والله كريم

مو اعرف هاي شوراها

عوفيها خطيه متونسه بخطوبتها ما اريد نخرب فرحتها

جان استحت اخذت حسام

اصلا اني ما اريده ولا افكر بي بعد رخيص من وحده على وحده وما احبه

وانشالله كون يت.... دا ادعي عليه بالمرض وكلبي ما انطاني

خنكتني العبره سكتت

يمه هيه هالشهر وتتزوج ما نخرب فرحها عوفيها غلطت وهيه وربها تنجاز

ومرت الايام وكانت عاديه وايڤان جان الف تسائل بنضرتها وامي حتى مكالتلها تراضينه

صار خطوبتها وبدينه نحضر وامي تجيب وتشتري رحت عالصالون وياهن كلت والله لحرك كلبه حرك

اشتريت فستان احمر قصير جوه الركبه وارداناته نفس اردانات فستان سندريلا ياسمين نفش والصدر شويه دلع

كويت شعري رتبت وجهي بالاساس وكلت وكلت الام الصالون بس ترسملي الريميل والحمره

رسمتلي الريميل وخليت حمره نفس لون الفستان
وسويت خدودي وردي فاتح مكياج كلش نازك

لبست خلخال وصبغت اضافري احمر وخليت طوق صغير على شكل ورده حمره بشعري وايڤان وسواس كل شويه تغسل تعبت وتعبت ام الصالون وياها جان مكياجها ضخم وحلو

خابرني رقم جاوبت مرت عمي ام فهد ها بنيتي شضللكم

خلصنه خاله يلا جاي فهد ياخذكم

تمام

كاعدين ننتضر فهد يجي