رواية موطني عيناك الفصل الثالث 3 - بقلم بمبش

تى متكدر تسولف

كعدت يمها   مسكت ايدها وابجي يمه شسويت اني  يمه شسويت والله ممسويه شي غمضت عيونها وجرت ايدها

رجعونه للبيت وجان البيت مليان نسوان

شويه وطلعو تابوت ابويه

ركضت عالتابوت وابجي رجعوه خل اشوفو رجعوه متت ملخت روحي يعني ترضوها ما تخلونه نشوفه اخر شوفه طب واحد من الشباب رجعوه خل تشوفه

فهد

رجعوه بويه رجعوه

منن اسمه ابن عمي بس سامعه بي ولا شايفته جان كلش ضخم وبس سمعت صوته راسي عالتابوت

طببوني جوه واجت ايفان هم قتحو التابوت شلت القطن من خشمه كتلهم يختنك لا تخلوهن شيلوهن وايدي على وجهه جان وجهه بارد

بابا اكعد هذا مو مكانك
بابا امي مريضه تريدك امي متكدر تسولف تريدك

بابا امي متريدني واختي معاديتني ما ليه غير اكعد خليت راسي على صدره واشهك وابجي وحاضتنه الله يخليك لتعوفني البيت فاهي ما اله اي طعم اكعد وابجي واتذكر ايفان محجت شي بس دموعها تجري

اجه فهد ديبلغنه نطلع ديجون يشيلون ابويه اي ابويه ديشيلوه يعني هاي اخر طلعه اله من البيت ميرجع

اريد اجي وياكم الله يخليك

فهد وين تجين بابا ميصير كلها زلم

اشهك واحجي حتلو حتلو من من بعيددد

الله يخليك

امشي يلا لفي شالج زين وهسه اجي اخذج

لفيت شالي وكاعد انتضر ايفان وكعت وشالوها مدري وين

طب فهد يلا عمو البسي

لبست شالي

وطلعني من الباب الثاني ورحنه وراهم جان صاعد بحوض الوره واني ابجي واكله عموه خليني انزل للدفن مقبل وكمت ابجي ضليت ابجي لحد ما تعبت وكمت بس اون دفنو بابا ومن بعيد اشوف بس الزلم محاوطه كبره رجعنه والطريق كله اون حلكي راح تشرحط صيحت هواي بالبيت وملخت شعري شفته طبعا جنت ممهتمه لشي مليت راسي على كتف فهد ولميت نفسي لحد ما وصلت السياره ونزلت

كلمن تشوفني تكول هاي بنته الصغيره الله يساعد كلبهم لحد اخر يوم خلصت الفاتحه وهنا بيتنه فرغ

فراغ ابوي جبير

امي على حالتها حلكها متكدر تسولف بسبب الجلطه جهة وجها كلها انعوجت

وايڤان يوميه بليل تكضيها بالحديقه بس اروح يمها تطردني

وحسام يوميه ب١٠يكلي دنام مر على وفات ابوي اربعين يوم ونحنا بيت بس نسوان بالبيت  امي كدرت تسولف بس ممتقبلتني حجيت لحسام يكلي انطيها صبر فتره وحاجيها

طلعت جانت امي تخابر بالتلفون وتكول احنه نعيش وحدنه وما علينه كلشي انتو بس ابقو بعيدين

ايفان /منو هذا يمه

فهد

هذا الحلو اويليي شيريد

سدي حلكج

شيريد
يكول دا تجون ابيت جدي ما تبقون وحدكم بالبيت بدون رجال بعدين العالم شتكول وهم الدنيا تخوف وانتو بعيدين

كتله هسه تفطنت

كال ربي يشهد فلا ادري بيهم ذوله الكوا.... حيشاج

جنت بسفر ووصيتهم ورحت وجيت ومحد جايكم زفيتهم خوش زفه

وشفتي بعينج شحجيت وياه طبعا بعد فتره كلش طويله يعني اني بديت امتحن ثالث وقوت علاقتنه بعمامي

صارو يجونه وهاي

وجان فهد السبب بكل هالشي جان الاعرفه  مسافر 

بس هوا خله عمامي يرجعون يختلطون وامي يدت تختلط بيهم لان ابويه عمت عيني عليه ومات ومحد يمنعها ومع انو هيه الخربت ابويه ويه اهله وبعدته عنهم

اجت ايفان كالتلي باجر معزومين ابيت جدي
كتلها اوك

بليل خابرني حسام مع انو كل يوم اني اخابره

هلا عمري

بيج المهلي
جايج بموضوع

اي كول

خلي كلشي ينتهي بيناتنه وكلمن يروح بطريقه

سكتت ومعرفت شنو احجي انصدمت صراحه

سبب

ماكو اي سبب اني اريد اعوفج اهلي ميردوج

ليش ناقصني شي كول ناقصني شي

لا والله مناقصج شي واني مجرد جان اعجاب بشكلج مو اكثر وجنت مقتنع بي حب بس اكتشفت جان مجرد اعجاب

احبك حسام الله يوفقك لتكسرني فوك الكسر كسرين فراك ابوي وفراكك اني ما اكدر بلياك دا اشوفك هاملني ويوميه اخابرك ما اكدر انام بدون صوتك والله ما اكدر بدونك ليش هيج دتسوي ليش وعدتني بحبك وكل هذا جذب

اسف على كلشي والله واني ضميري ديأنبني بس ما اريد اكمل وياج
حس.....

توني دحجي  وفصل الخط معرف بس مبجيت حسيت شي خانكني بس مكدرت ابجي

عبره ببلعومي

نمت يعني اجذب اذا اكول نمت ضليت متمدده للصبح وجانت ايفان بالحديقه اجت ايفان ونامت واني كاعده وشك الفجر وكاعده ما اعرف اكتبلكم شنو جنت احس وما اعرف اعبر عن مشاعري جنت احس نار بكلبي

الصبح لبست ملابسي ورحت للمدرسه ما تريكت  رجعت للبيت تحضرت واجه عمي اخذنه وايڤان سوالف وضحك بس ماما معرف شنو جانت نضرتها اليه

وصلنه تلكانه فهد طبينه سوالف وضحك واني جنت بس كاعده. بنصهم وساكته ما احجي ولا اشارك صار الغده ما اكلت غير شويه احسهن يوكفن ببلعومي

فهد /شنو عدكم بلبل بالبيت

امي /لا والله
فهد أشر عليه وكال وهذا البلبل شنو خبزتها هالكداتها ضحكو وهوا ضحك وكمل اكل

رحت غسلت حسيته وراي كال
شو ما اكلتي
اكلت
لا شكلتي
اكلت اكل
ههههه
عفته ومشيت

وبقينه يمهم للعصر ووصلنه فهد الطريق كله محد حجه بس ايڤان كل شويه تسأل فهد شي وفهد يجاوبها

وصلنه البيت بليل امي كالت باجر نتحول على فلان منطقه يم عمامجن

ما اطلع اني من البيت بابا تعب بي تردون تطلعوني ما اطلع منه

محد ردلي

بليل طلعت للحمام سمعت صوت ايڤان ضحكت كالت حساممممم

اجيت اركض يمها كالت

يلا خوش اكللها انشالله

سدت الخط

شنو ليش جاي تحجون

يمعوده خابرني يكول خل تحل عني كافي وحتى كام ينكت ويحشش ولا دايرلج بال

ليش كالج

اي كال تعاوفنه

عفتها رحت للحمام وطلعت نمت

كعدت ايفان كالت يلا لمي اغراضج حنروح بيت مأثث مشترين

ما اكدر احجي شي لميت كلشي وطلعنه وفهد ويانه بكلشي

بعد عشر ايام هيج تقريبا طلعت نتيجتي راسبه شبعت بجي  وتركت المدرسه

ثاني يوم كعدت ب ١١هيج واللي هوا جان اتعس يوم بحياتي كلها

جانت امي وايفان يحضرون

سألتهم ايفان كالت شغل ما يخصج

طلعت للحديقه وجان يجون عمامي علينه

رحبت بيهم وطببتهم للاستقبال المهم العرفته جايين خطابه لأيڤان سمعت صوتهم جاي يطلعون باوعت من شباك المطبخ حسام واهله وجاي يضحكون وطبت بنفس الدقيقه ايڤان للمطبخ وبنات عمامي وياها ويباركولها وشايفه الخير ومبروك

معرف والله معرف اوصف الحسيت بي شايفين من يعوفكم شخص ويخونكم اخ وتكرهكم ام

سكتت ورحت اركض اريد اصل غرفتي احتقنت لاكيت فهد انصدمت بي

اس اس اسسفه

شكو شبيج

رحت لغرفني ولحكني فهد

طبيت جان يدفع الباب ويطب وياي واني معرف شسوي بهيج موقف ولا جاي اكدر ابجي

شبيج كوليلي شبيج

م م م مخنوكه

قفل. الباب هنا خوفني اكثر

جا خله راسي على كتفه وبده يمسح على راسي هششش لتخافين واخذي نفس عميق وزفير اشش بابا اششش ارتاحي ابجي

سكتت موقف سكتني...

ها هدأتي

ها..

هدأتي

ايي

نامي وارتاحي

تمام

تباوع شاف ماكو احد وطلع