رواية موطني عيناك الفصل السادس 6 - بقلم بمبش

جانو مغطين وجها

اجيت يمها كتوفها طالعه ملابسه شي

فهد غطه فدوه لعمرك

شتسوين بي

دغطي امي بارده شبيك مدا تشوف الصاله شبردها

اجه جرني امشي مها وياي نروح ترتاحين

ما اريد خليني يم امي دنكت وخليت راسي على صدرها

روح فهد حبقى يمها لحد متكعد

عافني على صدرها متمدده وراح مدري شحجه ويه الدكتور اجو لزمني فهد جتفني وضربني الدكتور ابره

كمت اصيح

هاي شبيكم عوفوني

شويه وغفيت

فتحت باوعت اني مو بالبيت بغير غرفه

اني وين

عمتي... ارتاحي بنيتي نامي

باوعتلها تذكررت امي اي امي

توني حسيت صدك اني فقدت امي فقدت كلشي

بجيت بحركه قرفصت نفسي وابجي

مبقالي احد ابويه بعد مصار لوفاته سنه امي هم عافتني

ابجي واسولف ويه نفسي

انتو ليش عفتوني شو بقيت وحدي
تعالو اخذوني وياكم والله ما ليه غيركم

من يموت الاب تفقد الأمان ومن تموت الأم تفقد الحنان

بجيت عمه شكد صارلي نايمه

يومين

اريد اروح لكبر امي

سمعت صوت فهد كال

يلا اكلي حتى اوديج

ما اشتهي

ماكو روحه

ما اشتهي

بكيفج ماكو روحه

راح شويه وجا جايب اكل

يلا كومي تعشي
حتى باجر الصبح اوديج

كمت مسحت دموعي
جيت دا اكل دخلي اللكمه بحلكي لعبت نفسي

باوعت لعمتي

والله ما ليه نفس

ميخالف بنيتي  كامت تسويلي لفات

اكلت شويه بش قنعتهم اني ماكله

مكدرت انام الليل كله ولا كدرت ابجي انتضرت يصير الصباح دروح اشوف امي ابجي الليل كله

مقرفصه نفسي وابجي بخنيك حسيت راسي يرسد ينفجر

شك الفجر عيوني غفلن ععالنومه

لا ما انام انتضر فهد يوديني اشوف امي

بقيت لل٦جا فهد

شافني دا ابجي

جاب كرسي وجا كعد يم السديه

مسك ايدي وكال

مها ليش البجي

اهلي عافوني اريد اموت

اششش شنو هالكلام
مها شوفي احنه كلنه على هذا الطريق

اهلج راحو يم رب العالمين يلي هوا ارحم مني ومنج ومن كل البشر

لتبجين حتى اخذج

اشهك واكله ما  مااشي 

ايمت كعدتي

ما نمت

نامي العصر نروح

لا حباب اخذني الها

كعد عمتي وكاللها يلا نروح

رحنه والطريق كله احسها عايشه ورايحه دا اشوفها

وليدي خابرتو ايڤان

خابروها البنات كايمه تبجي رايده تجي بس حسام العا.... ما قبل رجلها

وصلنه، يمشي فهد وامشي وراه

رحنه لكيتهم دافنين امي يم ابويه تمددت على كبر امي وحضنته

يمه شنو مو تعرفوني اضيع بلاكم
اشون هيج تسوون

دموعي تجري

عمه كليلهم كليلهم ليش عافوني يمه بعد منو سحن عليه غيرج منو يتحسبلي بالاكل وهوا جوعان بعد ما عندي سند  بعد ما اعاندكم ولا اضوجكم ولا اقهركم

يمه ادري ادري قهرج كتلج

مو كتلج ما احبه يمه ما اريده لا تنقهرين

كتيلي لا ضميري موتني اشون اسوي هيج

يمه والله ما اريده ولا مقهوره منكم بس رجعولي

بجيت بجيت تعبت صيحت هواي حسيت صوتي راح

بعد ويامن احضر ملابس العيد غير وياج
بويه منو يتحسبلي فلس فلس حتى يلبسني احسن لبس

جايني العيد شلون عيد يمااااا شلون عيد
والله تعبت تعبتتتتتتت اريدكممممم ليش تعوفوني وحدي ليشششش صيحت تهسترت حسيت الدنيا خنكتني اجت عمتي حضنتني وتبجي وصوت فهد يبجي

كافي بنيتي تعذبينهم هيج

حجيت بصوت مبحوحح
راحووو بعد ما اشوفهم بس بالصور

رجعنا للبيت درت اؤجع لبيتنه فهد ما قبل رجعنه لبيت عمتي جان هدوء تام اخذوني بنات عمتي وحده تجيبلي مي وحده تكلي اسويلج اكل وحده تنطيني من هدومها شكد حنينات

اريد انام

نور /تعالي وياي

طببتني لغرفه كلش مرتبه هاي غرفة فهد نامي بيها هوا مينام بيها قليل يتواجد بالبيت سكتت تعبانه

من تنزلين بلغي اني بغرفته خاف لا يجي

اوك

هاي غطه وحشغلج الميكف عالتدفئة اليوم. الجو ثلج

اوك شغلته جيت تمددت خطيه اجت غطتني

طبت هيام اخت نور

جايبتلي حلويات وعصاير تريدني اكل

كتلهم بس اريد انام