الكاتبه بمبش..
ـ چا يَمتى يَعُۅف ݪہ حࢪ࣪ن دَࢪبي .
حسيت ماكو طعم للدنيا ضليت ابجي لحد ما نمت
كعدت باوعت الساعه ب٨حيل شكد نايمه
اجيت كبال المرايا باوعت صينيه البان واجبان ووياهن مربه بونها اسود
اشتهيت اضوك المربه
سمعت امي تكول لتاكليها
التفتت امي واكفه يم الجربايه
يمه شنو رجعتي
اجيت اركض حضنتها وابجي
اني ما اعوفج منو كال اعوفج
لعد بابا وين
التفتت بابا جاي بذب المربه بسطل الوصخ
ركضت حضنته
كال يلا بنيتي احنه رايحين
اجيت امشي وياهم مشو وخلوني
طلعو وانسد باب غرفتي
كمت اصيح وادك بالباب. وابجي فتحولييي اجي وياكم
حسيت ايدي نكرصت قوي صرخت فازه من نومي
اباوع عمتي والبنات واكفات يمي ويبجن
باوعت لعمتي وبجيت
اجو لهنا وراحو وما اخذوني
كمت اجيت للميز هنا جانو جايبيلي صينية الاكل
هنا جان بابا
هنا حضنت امي
كالولي نبقى يمج ما نعوفج احنه وياج
نزلت بالارض وصرخت
راحوو وخلوني
حسيت ايد خشنة لزمت زندي
فهد /كومي لفراشج
أشر لعمتي والبنات يطلعون
تعالي هنا تمددي
رفعني
تمددت عالجربايه
اجه كال سويلي مكان
كعد عالجربايه ورجليه بالارض
باعيلي شووو
مخليه ايدي على عيني وابجي
جر ايدي
شووو بالله ليش هاي العيون الحلوه تبجي
راح تعمين وعود محد يتزوجج واني ابتلي بيج
ما رديتله بجيت بصوت عالي
اجه دنك صار بمستواي باس راسي وباس خدي
خدودج مالحات ههههه هاي ليش من البجي خدودج راح تذبل
سكتت من الخجل
مهاوي
من كال مهاوي وصوته بي بحه
باوعتله
هممم
حلمتي بأهلج
هزيت راسي
احجيلي حلمج شو تعدلي
تعدلت كعدت جنت متمدد لان
حضنت رجليه وخليه راسي عليهن
بديت احجيله ودموعي تنزل
وصلت لحد لمن راحو
شفايفي كامت ترجف وايديه ترجف
مسح راسي وكال
تدرين اهلج هسه وياج
الشخص اللي يموت صح جسده يفارقنه من الحياة لكن روحه ويانه
تدرين انتي خامشه وجهج وباعليه شلون. طاك دمي
الحمدلله طاف جرح سطحي يروح بمرور الوقت
تدرين من تبجين تعذبينهم
وشعرج النتفتي ووجهج الخليتي يطك دم
راح يجون يردون يشربون مي
بس حيلكون ميهم بي دم وشعر
باوعتله بصدمه
اي روحي ابحثي عنها وشوفي
اهلج هسه يشوفوج وينقهرون تريدين تقهرينهم
لا
لعد كومي اكلي يلا
كمت كال
امشي ننزل جوه تغيرين جو
نزلنه
شفت ساره جنتهم
اجت باستني
ساره... البقيه بحياتج
مها... حياتج الباقيه
فهد.. سوو عشه يلا حتى ناكل اني كاتلني الجوع من عشه البارحه
عمتي... ليش وليدي
فهد... معرف ما صارلي نفس
سوو العشه وكملو كعدنه نتعشه وعمتي تسويلي لفات والاكل كله هيه تكلي اكلي واكلي
عمه والله شبعت
ابو فهد.... ميخالف اكل صحي يغذي جسمج اكلي بعدين عمتج تضوج
فهد... اكلي حتى اهلج هم ياكلون ويرتاحون بمكانهم
معرف بس حجيه حفزني اكلت وياهم
بدو يلمون
مها.. اجيت اشيل وياهن
هيام.. عوفي من ايدج عمري احنه نلم ارتاحي
اريد اعاونكم
سلامتج تعالي وانسيني اغسل الاماعين
شلت ويوها ورحنه
وكفت وياها
ساره ودتلهم الجاي بس ما صبتلي
اجه فهد للمطبخ
فهد....صارلي ساعه اصيح نفاضه جاي لو من اروح لغرفتي افعل جملة
اخدم نفسك بنفسك
هههههه هاي القوري صبلك انت ومها
صب جاي وانطاني كعد عالميز يشرب جاي ويقلب بتلفونه
اباوعله مدنك عالفون رموشه كلش حلوه
ولحيته وشواربه وانوب لابس تراكسود(تراك) اسود
وعضلاته بارزه
فهد.. شو صافنه تحبين تتصورين وياي
باوعتله بطارف عيني وكتله شحلاتك قلدت عليه يعني
احلا منج دشوفج خشمك غير ساد الواجهه
انت لا خشمك شكبره وتشوف الناس تشبهك
هيام بس تضحك
انتي هم تكولين لنفسج حلوه
من اشوف وجهك اكول الحمدلله ربي خالقني بصورة حلوه
قصدج اني مو حلو
منيلك الحلاه
هاي عود احنه اصدقاء
اذا انت صنفتني بقه بيها اصدقاء
اشاقيج اصلا خشمج خوخايه
ابتسمت
خوخايه من هاي الكبار هههههههه
ضجت منه ليش يقلد
امشي منا انت شجابك يمنه
مو صوجج صوج اليصبلج جاي
عافنه وطلع
نور وهيام خابرو بنات عمامي يجون يباتون
اجو ماشأءالله شكثرهم
فرح ونسرين وعمار ولد عمي محمود
ونبأ وعبود وسنان ولد عمي ياسر
وعمتي ضحه عدها هيام ونور،
وكرم وفهد،
تسلسلهم فهد
وبعدين هيام،
وبعدين كرم
وبعدين نور
وساره مرت كرم تصير اخت نبأ يعني بنت عمي ياسر
اجو البنات والتهيت وياهم، لل٣احنه نتعلل نامو وبقيت وحدي اني ونبأ
نبأ كالت اطلع اشتم هوا اختنكت
واني كعدت اريد انسى ماكو اختنكت النهار كله لهيت نفسي مرت هسه شلون
طلعت لحكت نبأ للحديقه حديقتهم كلش جبيره بيتهم جبير والحديقه مرتبه وجبيره
ومحاوطينها باشجار مقلمه كلش مرتبه
سمعت صوتها تسولف
ويامن دتسولف
دا اروح يمها وسمعتها كالت
شبيك ما حجيت شي كتلك ايمت تجي تخطبني
حتبقى ساكت دائما تعاقبني بسكوتك احجي اذا متحجي اكون من حضنك واروح انام
اوك لتحجي صوجي اجيت يمك
رحت كبل للغرفه وسويت نفسي نايمه
يجوز يحبها فهد يستاهل ونبأ خوش بنيه
مرت الأيام ومر شهر
عمتي مقبلت ارجع للبيت وحدي شكد ردت ما قبلو
جان سنان عدنه
صبت نور الجاي دتودي وسمعت هيام تصيحلها لان جاي يحضرون دا يجون ناس يخطبون هيام باجر
هاج وديلهم الجاي معد اخلص
طبيت ماكو بس سنان
فهد وينه لعد
راح يشتري جكاير
هاي الجاي
رميت الصينيه
دطلع
انجرت ايدي
سنان
اي سنان لعد منو غيره
وخررر عني
مسك ايديه وسيطر عليه مكدرت اتحرك
الله يوفقك عوفني احجي وابجي
مو بحلمج شدعوه هلكد شايله ثكل باعيلي مراح اكلج
وخر تفلت بوجها لو تخبل
جر التيشرت مالتي الا انكشم اريد استر نفسي ماكو حيله بس ابجي
لزم خصري قرب ديبوسني
ادعي وابجي
ربي بجاه محمد الا شرفي اغلا شي عندي ربي نجيني منه يارب
حسيت سنان انجر وصار فوكه فهد شبعه بوكسات الا غمه عليه كلت مات
موتته ولك ماتت ماتتت
اسولف وابجي
جرني بصفحه خله اصبعه على شفتي وكال اشششش مسح دموعي ايده ترجف وعيونه
نار تطلع منهم
شافني بس اشهك وابجي
لتبجين بابا لتبجين
بده يجرجر تيشرتي يريد يغطي جسمي هنا حسيت على نفسي التيشرت مشكوك وبس بالداخليه
غطيت جسمي بيدي شلح تيشرته
لبسني اياه وحيله يرجف
طلعني من الاستقبال روحي لغرفتي هسه اجي
اني رحت لغرفتي ويه البنات لان تحولت يمهن فهد توقفت سفراته ورجع استقر بغرفته
رحت لكيت نور وهيام ملتهيات حفافه وشيره عبالك عرس مو مشايه عمري شكد فرحانه وياهن والله
نور هاي شلبسج هاي
انكب الجاي على ملابسي ولبسته خوما احتركتي
هااا لا لا
والله لو يدري فهد الا يتخبل هههههه ميقبل تحد يلبس شي منه مره عاركني علمود ملابسه
احجي وامت مت من الخوف
اأااروح اس اسبح واجي
هيام كبل اجت. يمي
شبييج
شويه خفت من الجاي
اخذت ملابس ورحت للحمام
شلحت ملابسي وفتحت الدوش احس سنان وصخني لمن لزمني
بجيت الا حسيت دموعي نشفن ليش هيج حضي ليش كملت ورحت نمت كبل
البنات جانو نايمين
ثاني يوم اجت المشايه وكلشي جان تمام وتمت الخطوبه
بليل عمتي صيحتلي
تعالي بنيتي،رايدتج بموضوع
اي يمه جنت اكللها يمه لان حنينه مثل امي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!