رواية موطني عيناك الفصل الثاني 2 - بقلم بمبش

حبايبي اسفه البارت الاول كان قصير
طبعا صار فد موضوع كلش قهرني كتبت والله العظيم تقريبا 3000كلمه ومن نشرته الواتباد حاذفلي نصها تعبي كله راح بس حكمل وما اتوقف
......

موطني عيناك

بقلمي الكاتبة..
bmbsh_beme

يلا هسه كومي تريكي ولا كأن شي صاير لتقهرين بنفسج حيجي ويراضيج وتشوفين

طلعنه جانت ماما دتقره قرأن اليوم جمعه

وبابا ديتوضأ ديروح للجامع

ايڤان /سوي الجاي اروح اغسل واجي اعاونج

امي صدقت من القرأن وكالت

بناتي من تاكلون تنحرمون الغدا ابوكم ودا لحم مثروم يم صديقو ديسوي لحم بعيجن كال اصلي واجيبه واجي

سمعنه بيها لحم بعجين ونحنا نحبه

ما جاي تصلون موو

سكتت اني وايڤان سكتت

والله بناتي ما يصير تبقون هيج اليوم يجي ابوكم واني احجي وياه دخلي يدري رجعتن تركتنها

مها.. يمه اني اريد ابدي بيها مني ومن ذاتي هسه حبقى اقطع بيها لان دتجبروني

اشش شكد حرام هيج تحجين ابدال ما تصلين اليوم جمعه

اكلنه رزاله معدله خوش غدا معدل

هههههه رزلتنه وكالت روحو رتبو غرفتكم حتى البيت شوفن اشون سويته

جيت بستها وكتلها

ماما حبيبي انوب اني كعديني انضف ليش اتعبين نفسج
اذا ما هسه ادللجن ايمت ادللجن

طبعا امي كلش حنينه وصديقتنه مو بس امنه

حتى تعرف بيه اني احب ومرتبطه ومن كتلها كالتلي يمه تعبت بتربيتج لا تنزلين راس ابوج بوكتها بستها وكتلها ابد كلشي جنت احجيلها عنه

كملنه غرفته وانتضرنه بابا اجه حضرنه الاكل واكلنه لمينه الاكل ماما وبابا نامو. لان يكعدون من الصبح لازم ينامون الضهر شي روتيني يعني واني كضيتها ادرس وعالفون

سألت ايڥان كالت ما خابر نمت واني ابجي معقوله هيج اهون عليه وثاني يوم نفس الروتين واجه يوم الاحد وجان اخر اسبوع وتبدي امتحانات النهائي

مر اسبوع وكل يوم اسال ايڥان تكلي ما خابر واكللها انطيني الفون تكلي من انطيج اياه تخابري

وطبعا مدرستي مختطله لان ساكنين بمنطقه مثل القريه بطرف المحافضه

جنت كلما اختي تكلي ما خابر اتجاهله

لحد ما يوم الخميس جان نهاية الاسبوع دك الجرس طب للصف خله ورقه عالرحله ومشه

شلتها وطلعت ذبيتها كدامه ومشيت

طلعت ويه صديقاتي للبيت

شفته شخط سيارته وطلع وصديقاتي وحده تكول للخ عوع شكد مغرور هم لو حلو

رحنه كلمن بطريقها

وحسيت سيارة جاي تتبعني خفت لحد مطبيت فرع جان فارغ هنا متت بدمي اقره ايات وخايفه كلت حنخطف وانوب هسا ديصير الخطف والضهر يربي

اجت السياره وصارت كدامي سيارة حسام

اففف متت بدمي وكفها ونزل

مشيت لزمني من ايدي

اصعدي

ما اصعد

جاي اكول اصعدي

لا تعلي صوتك تريد تفضحنه

اذا ما صعدتي من صدك اسوي فضيحه

سكتت وصعدت

ليش هيج تسوين

اني لو انت

لا انتي

زعلت على سبب تافه
واني جان عندي ضرف مكدرت اجي انت بالجذب مكتلي شكو وسألت وخفت

وصار اسبوع ما كلفت نفسك وخابرت

لو اهمك ما تسوي هيج

بالقليل خمسين اتصال وما تكلفت منهن
كلت يجوز اهلها سحبو التلفون والف حساب حسبت

سكتت معرفت شجاوبه لان التلفون جان عند ايڤان والصدمني ليش مكلتلي سكتت

تحضري بس تكملين امتحانات اجي اخطب

طبعا متصدكون الفرحه اللي اني بيها كلش كلش فرحت وطرت هم

كمت ابجي

لتبجين هاي عيونج الحلوه ما اريد بيوم تبجي

تقرب ديبوسني ضجت ودفعته
رجعني للبيت

شبيج متثقين بيه انتي شو لا صور تدزين لا كام تحجين ولا تخليني ابوسج

مو قصة ثقه اني اخاف الله وما اريد اعصي رب العالمين ولا اكسر كلام امي اصير حلالك وعود الله كريم

اوك حبي

رجعنه وصلني لطارف الفرع وطلع رحت اهلي بالهم يمي كتلهم تخربطت بالمدرسه والا. ارتاحيت يلا خلوني اطلع واني صدك وجهي جان اصفر من الخوفه

ما اكدر اكول اخذت درس اضافي بنات عمامي بمدرستي

ايفان ما حجيتلها
بليل  كالتلي حكلج شي بس مو تزعلين

كولي

صارله اسبوع يخابر واني مكتلج كلت الا يجي الجمعه حتى تصير اسبوع ضبط واخليج تنطي مجال

تراضينه اليوم

صدوك

اي

شبيج ضجتي ترا علمودج كلت تسويله جرت اذن

عالاقل كليلي مو هيج تخليني اسبوع مقهوره يوميه اكول لنفسي لو يحبني ميسوي هيج سولفتلها الصار وفرحت على فرحتي

كلت ما اكول لامي هسه خاف يصير شي وتتأجل الخطوبه خليها مفاجأة

انطيته خبر حنزل للمول بليل اني وامي واختي

كال لعد اجي اشوفج من بعيد كتله اوك كال من تطلعين من البيت رمشيلي  ومن توصلين يم بوابة. المول رمشيلي حتى اشوفج من تطبين ما اضيعج

اتفقنه ورحت وشفته بس حسيته ما فرحان كأنو بي شي

رجعت للبيت وثاني يوم اجو بيت عمي تعللو عدنه

وضحك وسوالف بس مو كلش نختلط وياها لان هما منعزلين

امتحنت وخلصت امتحانات  جانت كلش صعبه وحسام قليل يتواصل وياي اسأله يكلي اخاف عليج لا ترسبين من وراي جاي نحجي اني وحسام كالي

اكلج

اي كول

اريد رقم امج علمود التحضيرات

شبيك اشون اكللها ترا ما اكدر

لعد اختج هاي السمره

شمدريك بيها

مو حجيتيلي عنها

هههه صحيح اوك رديتله الرقم وكمنه نسولف

حبيبي اني اروح انام

اوك اخذ راحتك
اوك باي
ضجت تونه بعد حجينه راح

مرت الايام ومرت شهرين وما اجه

فد يوم جاي اغسل الاماعين

ووكع صحن انكسر

اجتي اختي تصيح

شبيج ثوله يوميه كاسره شي شكل

ما عالقصد

ادري ما عالقصد قابل عالقصد

انتبهي انوب

سكتت للأسف اني جنت انسانه شخصيتها ضعيفه

لميت الكزاز ويوم بعد يوم ايڥان صارت كلش عدائية وياي

وماما صارت تبتعد عني وكأنو مسويه فد شي

شهرين مرت ولا حسام جا خطب وحتى هملني كلت يجوز عنده ضروف وكلما اسأله يكلي ابوي مريض وحايرين بي   امي احسها مو امي ولا اختي

جان يوم جمعه ودنلف دولمه جانت بهذاك اليوم حسيت امي محتقنه مني

كامت ايفان دتجيب مي حار وسمعنه صوت شي وكع بالاستقبال

اجينه نركض شفنه بابا واكع بالارض

امي مسكته وتبجي وتصيح جسمه ثلج يمه جيبو غطه وايفان خابرت عمامي

وركضنه بي للمستشفى وعمتي جت ويا عمامي بثت بالبيت

حسيت الطريق صار كلش بعيد ونبجي هاي بابا كل مره يتخربط ونركض بي

وصلنه المستشفى وطببو بالسديه

كاعدين ننتضر الدكتور يطمنه عن حالته

طلع ركضنه عليه للأسف البقيه بحياتكم

واكفه ومصدومه حسيت شي نضرب براسي قوي

امي اي امي بجف ايدها
ضربتني على راسي وصاحت
كله منج  وتبجي وتكول ولج مات ابوج مات ابوج وانتي مكضيتها تحجين عليه وتذمين بي

ليش شسوينالج هاااا

وتضرب بيه الصدمه صدمتين اريد اكللها اني شعليه انربط لساني

وكعت امي واني بس ابجي شالوها الدكاتره واني ابجي وايفان تبجي

ياربي امي والله ما بينه حيل ياربي ما نحمل موتتهم اثنينهم يا، ربي

وابجي اجت ايفان حضنتني ونبجي اخذونه عمامي للردها يم امي صحت وصارت احسن

بس امي مجلوطه حتى متكدر تسولف