تحميل رواية «موطني عيناك» PDF

الكاتبة بمبش

‏"لسنا صالحين بما يكفي ، لكننا نخاف الله .

طلعنه للبيت

فهد يباوع على حلكي يريدني احجي دا يكلي تدللي

عباله سامحته

والله الا امرمر كلبه

بسيطه يا فهد

رجعنه للبيت وخطيه حايرين بيه

اجه راد ينام يمي عالجربايه

اذا تنام هنا اني دروح انام يم نور

اوك روحي

كمت بالكوه من فراشي

وين

مرديتله

تعالي رجعي هسه اني اتحول

كام جاب فراش من الكنتور فرشله واتمدد

عفته ونمت

صح اني الغلط كله مني

لان كالي اروح لغيرج

انقهرت كتله روح

وما قصر راح

بس يتعدى يشك بشرفي

والله ليش لان ما قبلت يتقرب مني

هوا  اساسا من، البدايه جنت رافضته،

وكالي الا اخذج واكسر خشمج

كونو بمكاني

شخص اعرف بي على علاقة ويه بنت عمو

واتزوجني جبر

لان شافني يتيمه وبلا حيله ما عندي غير حل

نمت واني افكر لحد ثاني يوم كعدت ب١١تقريبا

فهد/تحضري ايڤان جايه تريد تشوفج مدري شعجب كلبها حن

ما رديتله

كمت بالكوه طبيت للحمام جسمي متكسر سبحت وطلعت لافه الدوشمه على جسمي

تعمدت ديشوف جسمي شصاير بي

جان كاعد يدخن

باوعلي وكصني كص اتحسر وجر نفس طويل

جاي اطلعتلي ملابس

فهد.. خوما يأذوج

مها... ياهو بيهن

فهد... يعني تردين تقهريني وما تعرفين اشون

مها...انت منو ابالك

فهد... يوجعنج

مرديتله زعلانه منه

رجعت طبيت للحمام لبستهم، لبست لبس ميخلي اثار جسمي تبين لا تشوفهن ايڤان

اجيت اخلي مكياج واترتب

بس ألم بطني متت

فهد /لا تخلين شي على وجهج

باوعتله بطارف عيني

مها... تريد اطلع كدامهم وهيج الزراك

عالاقل اخفف لونو شويه

سكت ما حجه شي

خليت مكياج

اجه يمي

وكفت دا اخلي عطر

لا تتعطرين

ما رديتله اجيت دخلي

فهد/صك سنونه لا تخلينننن عطرر

ما اريد احاجيج وانتي بهيج حاله

يعنني من اصير زينه ترجع تكرر غلطك وتضربني

بطلي نكد يلا امشي كدامي

مها/اصبر ثانيه

شلت علبت العطر وخليت

مو كتلج لا تخلينننن شال العطر وضربه بالكاع تفلش

ضليت بنفس البرود مع انو صار بداخلي  بركان 🌋

هم اله وجه يسوي هيج

مها /احمد ربك كسرته وره ما تعطرت احجي ومطككه عيوني عليه

فهد /هههههه يمه خفت.دمشي بابا امشي خل ننزل ناكل تجويعه علما يصير الغدا

لتحجي وياي

اصبري

اجه شال سبري مثبت مال شعر  وبحركه سريعه بخ على ملابسي

صيحت فهددددددددد

عيونه

احس طلعت النار لخشمي من العصبيه صارت ريحتي سبري

هاي حتى انوب من اكلج على شي تسمعين كلام شوفيي خليتلج عطر اشتمي ملابسج صارت ريحتهم عاديه

عصبني بس سويت نفسي هادئة

ريلاكس ريلاكس هدي نفسج وعلمي منو مها هههه

سويت نفسي مدايره بال 

اخذت ملابس طبيت للحمام بدلت

وطلعت

اجيت درش عطر  جان كاعد عالجربايه يقلب بالفون

فهد... اذا خليتي هالمره صدك اغثج

مها... على اساس اني ما شبعانه منك مغثه

فهد.. صك على سنونه وكاا /مهااااا جاي افقد اعصابي

راح تنكتلين

مها.. ها يعني مقرر تعيدها

فهد.. اعقلي يا بنت حجه وطكك عيونه

قلدت عليه كتله

مها... يمه خفت دمشي بابا امشي ننزل ناكل 

فهد.... شو صايره تقلدين عليهه وشنوو دمشيي

مها... حجيت باستفزاز... هااا عفواا

بخيت عطر وطلعت من يمه نترت شعري ورجعته لورا  بأيدي

سمعته صاح... هاي الحركه بعد لا تسوينها

اجيت عليه كتله ماشي من عيوني

ونترت شعري وخرته لورا ومشيت

صوته صيح

فهدد..... خرببببب والله لوما مريضهه اخخخ منج من الصبح مغثه من الصبححح

كلت بكلبي يا صبح احنه نكعد ب١١ونصيح صبح

كاعدين نرتب الزلطه جا فهد

وكف اباب المطبخ يدخن ويدحك عليه

نضراته تتوعدلي بكتله خلص جكارته وراح للاستقبال

ترا لا عبالكم اخلي يضربني مره ثانيه مستحيل اسود عيشته غير

شويه واجو طبو للاستقبال كعدو وارتاحو وشربو مي وبدينه ننقل الغدا

اجت ايڤان يمنه احنه جنه

نحضر انقل وعمتي وساره كاعدات يفرغن الاكل نفرغ غدا

ايڤان/ما تحتاجون شي اعاونكم

اجت  سلمت

وكالتلي

ايفان.... مبروك الزواج

مها...  الله يباركلج

ايڤان همستلي

ولج غير عندج حظ

ليش

فهد

شبي

غير يموت لو رجلي احبسه ما اخلي احد يشوفه

مها... جان استحيتي على نفسج

لحكتيني على رجلي

ترا راح اجفص ابطنج فسدي حلكج

ايفان... شبيج اشاقيج

مها.. بعد لا تشاقيني هيج شقه

وخرت عنها وبديت اعاونهم

كملنه صبينه الغدا وطلعو يغسلون

لاكاني حسام ديغسل

جنت شايله التمن وعمتي بالمطبخ جاي تفرغ، الزلطه

حسام.. ها مهاوي اشونج اخبارج

انجبرت اجاوب خاف ما ارد عليه ويذبله كلمه كدام عمتي

مها...  والله الحمدلله

حسام شبيج شو حلكج وخشمج واصبعج ليش هيج

زرك

مها.. وكعت

حسام... اهااا وكعتي

كتله اي

عفته ومشيت باوعت فهد كبالي

اجيت دطب اودي الصحن اجه فهد جرني من ايدي صاك على سنونه

امشيي كدامي فوك وديربالج تنزلين

اخخخ فهد ايدي

طلع ح سام من الحمام

شافه هيج يحاجيني

اجه على فهد

وخرر عنها ايدها

كال هيج حسام وفهد كمز عليه صياح ودا يضربه

فهد /انت شعليكككك هااااشعليك وضربه بوكس

تلازمو. دا يتضاربون واجو الكل عالصوت حاجزوهم وهما اثنينهم صايرين نار

فهد... وخررروو خل بس. الزمك الا اشكك كوا.....

حسام/عبالكم احنه اغبياء ما نفتهممممم

ضاربينها

والاثنين يحجون بصياح

عمي... اهدو بويه اهدو

حسام /ما تبقى يمكم هاي يتميه واستغليتوها

فهد/سد حلكككك عا..... كو.....

مرتيي وبكيفي وتدخل احط رجلي بحلكك هسه صايرلي رجاللللل خنثه

حسام /واليضرب مره هم يتسمه رجال

هنا محد كدر يلزم فهد وخر الكل ووكع فوكه شبعه كتل بالكوه جروه من فوك حسام

جروه ايده وشفته ترجف

من الغيره عرفت من يغار هيج يصير

حسام توه ديحجي كتله

مها꧁حسام رجاءا لا تدخل بحياتي ويضربني يموتني اني وزوجي متفاهمين ما اريد تخربون بيتي

ايڤان ꧁شبيجج على رجلي ترا اجي انتف شعرج شو طلع لسانج كح.....

فهد كال لأيڤان... والله لوما عيب لكتلج كتله اربيج خوش تربيه

باوعت لفهد وكتله خل يروحون ما اريدهم بعد لا يطبون البيت واذا بيوم طبو البيت اني اطلع

ايڤان /ولج حقيره لخاطر رجال تطرديني

مها /ضفره لفهد يسوه راسج انتي ورجلج يلا ديييي

ايڤان / اي اي طالعين احنه بعد منريد نجي

راحو

كتلهم تغدو الف عافيه اني معد اشتهي اكل عفتهم وطلعت لغرفة نور جانت رايحه لبيت عمي

طبيت للغرفه قفلت الباب والتفيت بالغطه وارجع لزمتني رجفه جسمي برد

اجه فهد دك الباب

مها... منو

فهد.. اني افتحي الباب

مها... ما اريد روح

فهد... فتحي الباب يا عيني

مها... ما اجي

فهد... اذا عاندتي راح تعرفين شسوي

مها... شتسوي

فهد... اكسر الباب

مها... ما اجي  اكسره اكتلني اضربني موتني الله ياخذني

كلت هيج وبجيت

فهد.. بويه فتحي الباب

فتحت الباب

فهد.. تعالي

اخذني لغرفتنه

مها... شكو شتريد

اباوع الكاع بلول(كزاز)

مها.. ثواني بس المه حجيت بتعب وعيوني تجري دموع لا اراديا

فهد... دعوفي هسه وتعالي

فهد.. لا تدوسينه

مها لا بعيده

تمدد عالتخت وكالي لتبجين بابا تعالي

مها... ما اجي

فهد...تعالي وبعدين وراها ارجعي ازعلي

اجيت

يمه تمددت باوعلي وكال

فهد.. لتبجين ماكو احد يستاهل

مها... حتى اختي ابتعدت عنها

فهد... هالشي لصالحج

مها... ليش

فهد... هيه مو خوش ادميه

ترتاحين من مشاكلها هيه دتجي لمصلحتها اكو شغلات ما اريد احجيلج اياها واقهرج

مها.. احجي شكو

ما قبل يحجي من بعد مدري شكد اتوسل بي اقتنع يحجيلي

فهد... بابا اني اعرفج واثق بيج واعرفج صح سافره بس كلبج طيب والبكلبج على لسانج ترا درستج درس واني دارس علم نفس انتي شويه شايله فطاره وفهاوه

مها... اني

فهد... اي والله انتي

مها... ليش

فهد... شمدريني غير انتي ترا للعلم اني حبيتج مع العلم يعجبني السمر وكحات يصيرن

مها... اهاااا يعجبنك

فهد... جانننن هسه اشوفهن كلهن مو بحلاتج

شوفي بابا بالاول كلت هاي مو خوش وخفيفه لحد ما عرفتج

فهد... اني مردت اكلج بس ما اريد شي بيناتنه يتغبى وانتي هم لحيتي

مها... اي كمل

لهنا وينتهي الباررت قراءة ممتعه حبايبي لا تنسو التصويت وربي تعبت ورتبتها لعيونكم لان شوقتني تعليقاتكم عمري انتو

الكاتبه بمبش

أنت القصة التي لا أريد ان يكون لها نهاية.

𝒚𝒐𝒖 𝒂𝒓𝒆 𝒕𝒉𝒆 𝒔𝒕𝒐𝒓𝒚 𝒕𝒉𝒂𝒕 𝒊 𝒏𝒆𝒗𝒆𝒓 𝒘𝒂𝒏𝒕 𝒕𝒐 𝒆𝒏𝒅

.....

اي كمل

فهد.. ايڥان مو خوش ادميه ومتريدلج الخير

مو اريد اكرهج بأاختج لا

بس ايڤان متريدلج الخير

صدكي واعتقدي لو انطيها مجال

تطعن بيج

وانتي كلبج فطير

مها... احجيلي شسوت واعتقد عرفت

فهد....  مدام عرفتي هاذهوا سدي الموضوع

مها.. تحجيلي لو لا فهد ترا. دتحرك كلبي

فهد.. افااا عليج مهوشتي ومهاويتي وعيوني

مها.. كمل

فهد.. جنت كاعد

بالحديقه وهيا عند عيالها لمن ضلت عد عمتها

مها.. هاي ايمت

فهد.. وره زواجنه

مها... اي كمل

فهد.... جنت كاعد خابرني رقم الو

ايڤان... الوو فهد

فهد.. هلا ايڤان

فهد الله يوفقك البيت ديحترك وعيالي ما بالبيت وحسام طلع راح احترك الحكني سمعتها صرخت وانسد الخط

مها... باوعتله بتركيز وحيره

اي كمل

فهد.. شخطت السياره ورحت

وصلت الباب مفتوح طبيت اركض باب الاستقبال هم مفتوح

من خوفي عليها لا تحترك طبيت ركض

مها.... يعني تخاف عليها

فهد.... تغارين

مها... لا

فهد.. لعد ليش عفتي موضوع الحرك وكلشي وسألتيني تخاف عليها

مها.... اي كمل

فهد..... ههههه شوف اشون تغلس

اي طبيت للهول شفتها كاعده عالقنفات(كرويتات_تخم)

لابسه دشادشه ما احجيلج اشونها

مها.. ايي

كالتالي هلا فهد شجابك

كتلها هاي شبيج.

ايڤان .... شكو

فهد.. مو كلتي احترك البيت مدري شنو

ايڤان..ههههه اشاقيك

فهدد.. هذا شقه

عفتها وردت اطلع

جرتني من الدشداشه

دفعتها رجعت جرتني من جيب الدشداشه

كالتلي....

مها...  اييي

فه... انداريت عليها كتلها على سواد وجهج تضحكين

عفتها وطلعت

مها... كمل شكالتلك

فهد...  معليج خل نسد الموضوع..

مها... احجي فهد

فهد... كالتلي حسام طلع على وحده منسق وياها ما يجي للصبح وعيالي طلعو عالمنتزه ما يرجعون لل١٢فرصتك فهودددد

مها.. بجيت من كال هيج.. وكتله

معناها بيوم الجيت جيب الدشاشه مشكوك كتله جره صديقي طلعت هيه

فهد... اششش بابا لتبجين

ابتعدي عنها خلي بس سلام

كل فتره خابريها وسلام بس

لان هاي اختج ومو مستحبه اثنين يبقون متخاصمين

دفنت راسي بصدره وبجيتت

خله ايده على راسي يمسح براسي ويحجي

فهد.. احبج وما اريد انزل دمعتج بيوم عاهدت نفسي بعد ما اضربج....  وما اقهرج

وهسه بجيتج وتالي ويه دموعج..

مها.. فهد

فهد... عيونه

مها... خجلانه منك

فهد.. على شنو

مها.. عالسوته ايڤان

فهد.... اشششش بابا شنو هالحجي كافي تبجين لخاطري مو دتحركين كلبي طماطايتي

مها.... ابتسمت دائما يغير مزاجي بسوالفه

فهد... انتي مثل الطماطه تخجلين خدودج تصير حمر

تتعصبين وجهج يصير احمر

تبجين وجهج يصير احمر

مها.... تحبني

فهد.... اي وداعتج طماطايتي

مها... ونبأ

فهد... وتالي يا خر..... هاي ثاني مره تكليلي نبأ متكليلي شبيها

مها... جنت تحبها لو تتسلى وياها

فهد.. هاي شبيج

مها.. ترا سمعتها

فهد.. شسمعتي

حجيتله كلشي

فهد... حلمانه اني سلام بس بيناتنه اني وياها

مها.. لا محلمانه سمعت

فهد... يجوز جانت تسمعج يعني تخليج تسمعيها يجوز اني عاجبها ومرادتج تجين يمي

مها.... فهد دا احجي جد حتى سمعته كح

اني وفهد واحد صفن عالثاني

فهد/اخخخ منها هاي الك... الب..... ماكو غير كرم

خرب بحضي واني اكول ليش لازك عدهم ومرته هنانا

مها... اشون يسوي هيج

فهد.. ولج حب ساره وما علما اخذها بس هاي سوالف نبأ

رجال شكبره شكده انضحك عليه

مها... اشون كبل عرفته كرم

فهد... مره كالي نبأ حلوه

بوكتها رزلته كتله هاي عرضك وتلاغينه بوكتها بس ما عبالي واصله لهالحد

مها....يعني متحبها

فهد... خرببب هاي شبيج شحجينه ليش تضوجيني

مها..... دفنت راسي بصدره، وغمضت حجه وياي هواي لدرجه نساني همي واول مره هيج نسولف

من خليت راسي بصدره حضني  ونمت غفيت بس ممرتاحه بحضنه احس ما اعرف بيا دقيقه حيرجع يضربني

كعدت العصر متكسره تكسير عضامي كلها تأذيني

وخرت عن فهد

وكمت اعدل شعري بالمرايا خشمي يأذيني

نزلت جوه  البيت سكته كلهم نايمين

رحت غسلت جان جاي المي

شطفت الحوش ورشيت الحديقه

حولت المي عالتانكيات

حتى يمتلن

صعدت فوك فهد بعده نايم اخذت تلفوني ورجعت

سويتلي جاي وصبيتلي

وطلعت بالحديقه كعدت بالمرجوحه

عيوني انتو والله العظيم ربي يشهد عليه ممختلفه وياكم بحرف

اعتبرتكم اصدقاء كلكم واتشكركم على تفاعلكم الحلو

بس والله مريت بضرف كلش صعب وعسى ربي لا يضوكه لأحد

من العصر للمغرب اني اكتبلكم

بس بليل صار وياي ضرف

هسه تكولون تتحجج وما تريد تنزل

بس والله العظيم حتى كلش تعبانه

كتبتلكم هالبارت حتى لتزعلون مني وما يكون خاطركم الا طيب باجر انزل انشاءالله

الكاتبة (بمبش)

قراءة ممتعه

إن لم تدق الفرصة، فلنبني الباب!

If opportunity doesn't knock, build a door.

كاعده واندك الباب

كلت منووو

اني

فتحت الباب هلا نور

نور... هلوات

مها... اشتاقيتلج

نور... عمري اني هم والله

نور... الخاتون معمره الجاي بدوني

مها.. هههه

نور... شو وحدج

مها... كلهم نايمين

نور... وي دصبيلي جاي

مها.. مو تدللين يلت اجيب الجاي واجي

صبيتلها جاي ورحت يمها كعدنه

نور... تعرفين منو وصلنيي

مها... منوو

نور.. حموشي

مها... يا حموشي

نور.. شبيج حماده

مها... وعليش تدلعينو

نور.... راح اكلج شي بس مو تسولفين

لأن محاجيه لأحد ابد انتي اول وحده راح استسر بيج

مها.... تحبينو مووو 🤔

نور... اي وهوا هم يحبني اون عرفتي 🤭

مها... ههههه اول مره اشوفج تخجلين

ضربتني على كتفي وكالت

نور.... عابت شكالولج عليه ما استحي

مها.... لا اعرف بدون ميكولون

نور... اهوووو بطلت ما احجي

مها... هههه اشاقيج يمعوده احجي

نور... اشون عرفتي

مها... قصدج اشون عرفت تحبينه

نور... اي

مها.... مبينه من لهفتج وعيونج

نور... هههه عمرييي

مها... اي احجيلي احب قصص الحب حجيت هيج وابتسمت بخيبة أمل تذكرت اول حب اليه

نور.... شوفي

مها... اي

نور.... اجت جنات اخته كالتالي حماده يريدج ومعرف شنو

مها... اي

نور... اني جنت معجبه بي تعرفين منتسب وشخصيه تموتتتت كلت لجنات اي

مها... كملي

نور.. 👇

جنات... شنووايي

نور...يعني معرف انصدمت مقعوله حماده يحبني

جنات... اي ليش لا

نور... اني صراحه من زمان جنت معجبه بي بس تعرفين عيب البنيه تبادر وبعدين ياخذ عني نضره غلط

جنات.... هوا شافج بالعيد وكال حلو وحبابه وكال لامي خطبيها بس تتذكرين لمن اخطر خالو بالمستشفى ولهسه حالته تعبانه وانسدت السالفه بس كل مره يسألني عليج وقبل كم يوم كالي تدبرين كعده وياها وتكليلها رايدج بالحلال شتكولين

لان خالو صار مرضه شي روتيني وصار بيته المستشفى عمري

نور... حجيت واني هايمه بافكاري معقوله يجي يوم واتزوجه

جنات... شبيج معتي شكله

نور... كليله هيه من قبل معجبه ومستحيه منك

جنات.. اوك جنتنه

نور ضحكت وسكتت

وراها بفتره راسلته عالواتس

سلمت عليه وسولفت وياه

مها.... خرب حضج هسه هذا اشرت على راسها بي عقل

نور.... شسوي جنت مخبله بس خوش صارتلي جرت اذن

مها.... كملي

نور.... اعترفتله بحبي وكال اني هم نيتي وياج حلال وهالسنه انشاءالله اكمل كلشي وبس اجي اخطبج

جان ميراسلني الا اراسله ولا يخابر الا اخابره

مها... اي شافج مبادره والرجال ميعجبه هيج يريد هوا يبادر ويريد البنيه تكون صعبه حتى من تحبه يحس هوا سوه فد انجاز

نور... صبري كام من اراسله يتأخر بالرد اخابره يكلي يم اصدقاءي

بقه هيج شهر اعاتبه يكلي ما تعذرين وكبل يكلي ما عندج ثقه ومدري شنو ويزعل واراضي

مره ضل اسبوع الا اني راضيته، ما جا راسلني

تحملت كلشي حبيته راسلته الصبح حجينه جان كلش عادي

العصر هم تراسلنه كالي بليل نحجي

بليل انتضرته ماكو دزيتله هلو ساد نت خابرته يمكن خمس مكالمات ما رد لثاني يوم الصبح

ردلي

حماده... هلوات

نور... انتضرتك البارحه تعرفني ما تكدر بلياك

حماده... البارحه نمت

نور... عادي حبيبي

حماده... شدتسوين

نور... كاعده وساكته توني خلصت شغل جيت لكيتك رادلي وجيت

حماده... اي

نور... تريكت

حماده.... لا طالع اتريك لفات واروح عالشغل من، ارجع، اراسلج

وبقينه هيج يوميه بليل ماكو ثاني يوم يكلي نمت هاي بالعشره اليجي بيهن عالبيت والعشره اللي بالدوام كل يوم اتصل عليه احجي وياه شويه ويروح

لحد ما طكيت كتله

فهد..... كلتي لمنو

نور.... حماده مقبل يوصلني الا طكيت كتله صوج اليجي عليكم بعد ما اجي وجا وصلني هههههههه

فهد..... ها ايمت كعدتي

مها..... من زمان

فهد.... صبيلي جاي

مها.... برد هسه احمي

فهد... خوش علما اغسل

هوا مشه واني فطست ضحك على نور اشون، فرت السالفه

نور... اضحكي ولج رعصني

مها... اول شي شك، بيك

بس من ضحكتي روحتي شكوكه

مها.... اي كملي

نور.... دكومي احمي جاي لرجلج بعدين اكملج

مها.... ديلا رايحه

نور... جيبي تلفونج اقلب بي لحد متجين تلفوني طفه هناك

مها... انطيتها تلفوني وكتلها ما تشحني

نور... هناك كلهم محد يقبل ينطي شاحنته اشحن

مها.... وحماده ما ينطيج شاحنته مو الحب

نور.... يمعوده شاحنته تختلف عن شاحنتي

مها..... ههههه شكد فكرر

خليتها تقلب بتلفوني ورحت حميت الجاي لفهد واخذت القوري والاستكانات ورحت للحديقه

كاعدين وتلفوني بأيد فهد يقلبون

فهد.... هاي طلعتي من ذوله اليحبون يكصون صور واني عبالي مثل الولد ما يعجبج

مر اسبوع جان طبيعي ورجع روتين القديم

فهد يوميه يتأخر بالتعليله اني ما انتضره ب٩انام واكعد من الصبح نتشاوف بس اوقات الأكل

وفهد ما عاد موضوعنه ابد خله بيناتنه حدود

بس نور حسيتها ضايجه لو بيها شي ومصار بيدي مجال اسألها اجه رمضان وملتهين

اليوم اول يوم رمضان

كاعدين اني ونور اني اعجن جريش الكبه ونور تسوي الحشيه وساره تغسل اماعين

كالو اجه حماده اشوف نور وجها شحب

مها.. شبيج

نور اشرتلي بمعني اشش ساره

كالو راح حماده نور راحت للاستقبال ورجعت تبتسم

كملنه الفطور وفطرنه ومر اسبوع رمضان كله هيج بس روتين تغير فهد يتسحر ويه اصدقاءو جنت اشك بي بس كامو يوميه يفتحون بث واتطمنت عليه

وبالنهار بالشغل ويفطر ويطلع

جنه صايمين يوم ١٤فهد طلع عالباب وطب شايل صحن جكليت

فهد... هاي ابن ام احمد قصده جيرانه

عمتي... مناسبه لو شنو

فهد... اي ابنهم اللي قبل شهر ونص هيج تقريبا حضرنه عرسو جايه طفل بالطريق

عمتي... ماشاءالله الله يتممها على خير ويجي بصحه وسلامه

خطيه كرم حسيناه ضاج صارله، اربع سنين ما يجي اطفال شكد راحو وركضو دكاتره وتعزوم وماكو.

تفطرنه وكملنه عجيببب فهد ما طلع تعلل

فهد... يلا جاي خل نتعلل هاي شكد صار ما متعلل وياكم وويه مريتي

مرة اللخ عجيببب هههههه

تعللنه وسوالف وشقه وفهد كل شويه يشاقيني

تعجبت بي

فهد

فهد... الصبح سألت ساره على كرم كتلها وين جحشكم كالت منو

كتلها جحشج كالت نايم

الكل طكتها بضحكه

كرم اندار على ساره، كاللها

كرم... اولي منو جحش

ساره.. والله ما ادري اني شيقصد

كرم... يقصد اني جحش

ساره.... لا هوا جان يسأل عليك

كرم.. اي كالج وين الجحش

ساره.... اوووو والله ما عبالي ههههه

كرم... اي اضحكي شكد فطيره

ساره ضحكت وكلنه طكيناها ضحكه

كرم... هاااا فهد خوش شوفو كبل فتره مها جانت تشر هدوم. فهد

كتلها هاي هدوم فهد كالت اي كتلها لازم بايل كالت لا بس وصخات وغستلهن كتلها ههههه يعني مرات يبول شو يا اخي مرتك خربت ضحك

كلها كامت تضحك

فهد باوعلي... ها مهااا

مها... واني شمدريني

فهد.... والله خويه ينرادلنه نسوان دحك هاي فطيرة اللخ

كرم... اي والله وكون ناخذ وكحات

فهد.. ايباه واموب اهم شي سمر

ساره... ها كرم هيج صارت

كرم... اجيبها تعاونج بالبيت

ساره.. ما اريدها تعاوني بالبيت

كرم... خوش بعد احسن حتى اجيبها من ذنه المايعات كلشي ما تعرف تسوي

ساره مدري شهمست لكرم

كرم... حبيبي اشاقيج

ساره.... ههههههه

نور..... اي يحضي يخوي شو مسيطره

كرم... اي والله بعد اخيج

كلنه ضحكنه وكضيناها ضحك حسيت فهد ضاج لان ما كتله ما تتزوج وما غرت

ضجت بس ما بينتله.

تعللنه لل١١ونص

وفهد كال

فهد... يلا بويه تصبحون على خير

يلا بابا امشي مغفل ترا

مها... روح معليك مني اتعلل واجي

فهد... يلا كدامي

مها.... اوك جايه

رحت وياه دا افرشله بصف التخت

فهد... لا تفرشين يمج انام

مها... لا فهد

فهد... لا تعاندين عندي موضوع وياج.

مها.... فهد لا

فهد... هسه ليش تضوجيني ترا ما اسوي شي بدون رضاتج

دنحجي بس بموضوع ونتفاهم بي

ماشي

لهنا وينتهي البارت انشاءالله تكونون استمتعتو

الكاتبة بمبش

مها... ماشي

كعد عالجربايه وكال

فهد... تعالي كعدي هنا

كعدت

فهد... بابا سمعيني من الأول للأخير وانتي قرري

مها... شنو

فهد... شحجينه

مها... تمام

فهد.. مها اني احبج تعرفين كلش زين وواضحه اني من شفتج بالعبايه السوده بفاتحة ابوج الله يرحمه

مها.. الله يرحمه

فهد... من ذيج اللحضه ما طلعتي من بالي حبيتج وتعلقت بيج

صح جبرتج عليه واعرف انجبرتي مجان عندج غير حل بس مردتج تصيرين لغيري

ومردتج ترحين يم اختج لأن اعرفها شنو من بشر

جنت اكول ما احبها ومو خوش ومدري شنو جنت ما اعرفج زين يعني مو قصدي انتي مو خوش لا بالعكس

شفتج بخطوبة مدري حنة اختج وشفت لبسج تخبلت

ترا قبلج جنت نسوان وملاهي

وتركت داعت عيون امي

بس اخر مره انجبرت لحضه شيطان وبعد ما تتكرر اني تبت ورجعت غلطت وبعد هالغلط ما اعيده

مها احبج فهميني يعني من اغار عليج حيل ميبقى بيه من انقهر عليج حيل ميبقى بيه من تزعلين حيل ميبقى بيه انتي حيلي

بابا اني عمري عبر ال٣٠راح ينتهي عمري واني لا مخلف ولا شايف حياتي وياج وما اريد ارجع للحرام تبت والله يحب التوابين

مها يا اما زواجنه يصير كامل حالنه حال باقي هاي الناس المتزوجه وعايشه حياتها

يا اتزوج

مخليتي بيدي قرار

تذكرت اخر مره شسوه بيه خفت منو

مها... وحبك وين

فهد... ابقى احبج قابل راح اعوفج اني

مها... شلون تقبلها

فهد... وانتي اشون هيج تسوين بيه حضن ما تخليني احضنج كلما اجي للغرفه نايمه اكعد الصبح ماكو

مها.... عادي تطلكني وتتزوج

فهد... لا ما اطلكج

فكرت معندي مكان اروحله

مها... اذا هيج مصر تتزوج الله معاك تزوج ميهمني أمرك عسا ما نارك تاكل حطبك

فهد... يعني حبي كله مو بعينها واهلي ميردون يجرحونها يوميه ابني وابني جهال خلف جهال

اخر مره صديقي يكلي روح تعالج خاف عندك عقم وكلها هيج تكلي

رجال وما اتحمل هيج حجي واني مبيه شي والف الحمدلله

فهد.... صار مو من عيوني

مها...الله يسلم عينك

نمت وخليته يربي شبيه ليش هيج كبريائي يعلى على قراراتي

فرش فراشه وحده ونام

كعدت ثاني يوم نور بالبيت تنضف عاونتها كمنا نشتغل ونسولف

اي نور ما كملتي

نور.. اخر شي طكيت ما تحملت كتله

نور.. حماده ليش هيج دتسوي

حماده.. شجاي اسوي

نور.... هاملني

حماده شغل

نور... لا مو شغل

حماده... لعد شنو

نور... لكيت غيري

حماده.. شبيج

نور... معرف هيج احس

حماده... ضلي هيج شكي وبلا ثقه يلا باي

سد نت بوجهي بقيت اسبوع يلا قبل يرضه مستحيل يمر يوم ما اراسله او اخابره

مها.. الرجال مو هيج تعاملينه شكد تكدرين خلي هوا يبادر

زين ولمن جا قبل فتره وجهج شحب وخفتي

جنه نتشاقه وكال هسه اجي اكول لاهلج احب بنتكم

مها 😮

اي فخفت من جا طلع ناصب عليه

مها... عمري ربي يديمكم

نور... مها تدرين يبقى زعلان اسبوع مرات قبل لا جا جان زعلان بوكتها جنت توني مرضيته لمن كتيلي صارلج اسبوع ضايجه

مها... اييي

نور...وهاي علاقتنه صح هاملني ويقهرني بتصرفاته بس شسوي

مها... من يزعل منج مرت اللخ كليلي وراح اكلج شتسوين

نور... ولج ام طكه ونص هم تعرفين بالحب

مها.... لا بس صار فتره اتابع رضوى الشربيني مدري شرييني

نور..... هههههه خرب ببليسج

كملنه وكعدنه نباوع فلم

نور... متكعدين رجلج عالدوام

مها.... هوا يكعد

نور.... هاي كل عقلج

مها.... اليوم معنده شغل شبيج جمعه

نور... مها بيكم شي انتي وفهد

كلت خل اشكيلها وافضفص لان روحي طاكه وشويه افرغ اللي بكلبي بلكي ارتاح

مها.. اي والله هاي من تزوجنه لهسه مخليته

نور.. شنو مخليتي

مها.... نور بس بالأسم متزوجين اني قاسيه وياه وهوا قاسي وياي واثنينه نكابر

نور... 😮😮😮هاي صدك تحجين

مها... اي والله

نور.... من ايمت هيج

مها.... حجيتلها كلشي

بس مكتلها تقرب مني مره بوحشيه لان شاك بشرفي

مها....وكتله روح اتزوج

نور... وتالي وياج متغارين اكو وحده تكول لرجلها روح اتزوج

نور... استغفرالله ربي

مها... شتريديني اتوسل بي

نور... مها مو حتخسري والله العظيم وبعدين شبيها بادري شويه

. مها... ما يسويها شبيج ديخوفني رجلي واعرفه

نور... دحكي مهاا انطيج طريقه

مها... اي

اجت عمتي وسكتنه

عمتي... هاي شنو الترتيب شنو الوردات معطرات البيت بعطرهن من الصبح

ابتسمنه

واجت عمتي كعدت كالت

عمتي.. تابعتن الفلم

نور... اي ليش

عمتي... دشوف حلقتي هسه تنعاد

نور... يمه اليسمعج يكول ماكو تلفزيونات بالبيت بس هذا

مها.. 😂😂😂

عمتي. 😂😂😂

نور... 😂😂😂

عمتي... ههههههه اروح اصلي واقره قرأن احسن من الحلقه

نور.... يبووو ذكرتيني ما صليت

مها... شتصلين الساعه ١٠

نور... صلاة الضحا

. مها... فرض

نور... لا بس أجر

مها.. اها اي انتضرج تجين

باوعتلي وكالت

نور.. مها ليش ما تصلين حتى الله يوفقج تعرفين الصلاة هوية المسلم

يعني متصلين معندج هوية الأسلام

وأول شي يسألوج عليه بكبرج الصلاة صلي ترتاحين ترتاح نفسيتج لا تضيعين عمرج ما اللج غير ربج شوفي هسه انتي مجاي تصلين اذا، صليتي ودعيتي ربج راح يتقبلج ويتقبل توبتج رغم صارلي هواي سافره شوفي شكد رحيم بعبادو

مها... كمت وكفت انطيتها ايدي

مها... كومي علميني

نور... صدوكككك

مها... اي والله صدك

علمتني الوضوء وعلمتني الصلاة وصلينه سويه

خلصنه صلاة

نور... نسيت اكلج شوفي اثناء السجود من تكولين ٣مرات سبحان ربي الأعلى وبحمده ثلاث مرات ادعي الشي التردي

لأن راح تكونين قريبه كل القرب من رب العالمين

مها... يعني بصلاتي اتقرب من رب العالمين

. نور... اي والله بس بقالج شي تكملي

مها.... شنو

نور... حجاب

مها... عادي شي وره شي

نور... اي عادي

ضحكنه وسولفنه

جنه صايمين كاعدين بالحديقه العصر كلنه

اجه فهد

كعد يمنه وكال يمه اجيتكم بموضوع مدام كلكم كاعدين اني ومها اتفقنه عليه

حسيت كلبي انعصرر

فهد... اني مها حاجيتها وتقبل اتزوج

عمي.. مها بنيتي صحيح تقبلين

فهد... اي بويه هيه البارحه كالت اقبل مو مها

مها... اي عمو

عمتي.. احجي اذا فهد جابرج

مها... لا برضاتي

ساره... فهد هاي صدك تحجي

فهد.... اسكتي لا اقنع كرم يتزوج وياي

ساره.... لا كرومي ما يبدلني بالدنيا كلها

فهد... ليش منو كال مبدل مها اني

عمتي... ابني شنو هالقرار

فهد... يمه مرتي وقابله والشرع حلل اربعه

عمتي... بنيتي اكيد مقتنعه

ضحكت حتى اقهره

مها.... ههههه شبيكم ممصدكين عادي اقبل وراضيه

فهد... يمه اخطبيلي فرح

مها... بنت خالك

فهد... اي

عمتي... ايمت متكولون نروح

فهد... باجر

مها... اريد اجي وياكم 😊

فهد عافنه وطلع ضاج مدري شبي خابر عمتي كاللها افطر يم صديقي

صار الفطور وتفطرو بس معرف مصارلي نفس اكل كضيتها افكر ليش فرح بالذات لان حلوة اكيد

ومر اليوم عادي وثاني يوم ترتبت وكملت اني وعمتي وعمي وكرم راح نروح فهد مقبل يجي

كال انتو روحو

شي ناغز بكلبي

دنروح نسيت الجنطه

رجعت دجيبها نور لاكتني

نور... مها غيري رأيج حتخسري يحبج

مها... لا خلي

نور... حتندمين ترا متحسين بحبج الا تخسري

مها... اهووو نور عوفيني مقتنعه

اخذت الجنطه وطلعت وكملت الخطوبه وانطوها

وسألوني راضيه كتلهم اي

رجعنه للبيت فهد طالع

خابر عمتي كاللها باجر دعزم بيت خالي كولي شتريدين مسواك وصته عمتي

ضجت عليش يعزمهم

رجع بليل

طب جنت انتضره

مها... مبروك خطوبتك

فهد... الله يباركلج شفتيها حلوه تره

مها... مدري شعاجبك بيها

فهد... ههههه

مها... شكو عازمهم علمود تريد تشوفها

فهد.. اي اريد اشوفها ادعيلي كون اطلعج من كلبي واحبها ولو معرف جاي يميل كلبي الها ولجمالها

مها.... امداك انت وياها

فهد... هاي عليمن

عفته وطلعت للحديقه انتضره. ينام وافوت للغرفه

ضليت لل١رحت لكيته كاعد وحتى ملازم تلفونه

عفته ونمت

وثاني يوم كلبي معصور احس شي خانكني

حضرنه للعزيمه وكملنه واندك الجرس

صوت فهد صيح كرممم افتح الباب

طبو وطبت بنيتين وياهم غير يموتن عيونهم زرك وبشرتهن بيضه والحواجب شكره

وحده رشيقه جسمها جنه جسم لعابه والثانيه جسمها عادي

حرت اذا الرشيقه خطيبته الا اموت

سلمنه واجت الرشيقه سلمت ما طارف خشمها

وكالتلي

فرح..اشونج

مها.. الحمدلله

فرح... ما عرفتيني

مها... لا

فرح.. خطيبة فهودي

مها.. هلا بيج حبيبتي

هاي شحلاتها راح يحبها اكيد على هيج جسم وجمال

هيا اسمها يفتح النفس

طببناهم للأستقبال سلمت على فهد 🤝

همست لنور

مها.... شو هاي تدور لمسات عليش تمسك ايده اكله اشونك وافضها

نور... لعد علما يتزوجها اشون

كرصتها عاطت يااا مهااا

مها... بسيطه الزركه

نور... هههههه بلكي تحسين من تردين يخرب الخطوبه كليلي ومعليج..

مها... دنجبي

نور... اهلها شوفيهم فد نوب عدهم العرض واحد

اذا يكعدها بحضنه ميكولون شي

تفطرنه سويه

فهد... متاكلين شبيج صافنه مو زين ما تاكلين

دا ارد فرح كالت

فرح.. والله جاي اكل

فهد... والله دا اشوفج كلشي ما اكلتي مو زين واحد صايم غير يعوض عالفطور

فرح... مو مسويه دايت ما اكدر اكل هواي

فهد... حتلو تسمنين يلوكلج السمن

مبقالي نفس اكل عبالي يحاجيني الازرك انوب يتغزل بيها جان استحه 🙂🌋❤️‍🔥

كمت من الاكل

عمتي... ها وليدي شو ما اكلتي

مها... انتو ملتهين تسولفون واني اكل

رحت اغسل وعيوني مغوركه طلعت بوجهي لغرفة نور

اندك الباب عرفت فهد

منوو

اني

نور عبالي فهد

نور مقهوره موو

حجيت والغصه بكلبي ما ابالي هيج حيصير وشفتي ولا اهتملي

نور... بيوم الوافقتي مو كال معزوم عد صديقي

مها.. اي

نور... حماده كال عزمني بمطعم رحنه وكلشي ما اكل وضايج طاكه روحه

مها... طكاتهم

مها.. وانتي شبيج ضايجه من الصبح

نور .. اليوم احتركت بيناتنه اني وحماده

مها... ليش

لهنا وينتهي البارت انشاء الله تكونون اسمتعتو بالقراءة 😊♥

الكاتبة بمبش

اغار عليك من حضن امك

فكيف تقول اني لا احبك

نور... بعدين احجيلج امشي نزلي سوي نفسج ما مقهورة ولا دايره بال لا تخلينهن يتشمتن بيج

ما اريد اشوفهم سويه

دمشي ولج اقهريها حتى انوب لا تجي

نزلنه وضغطت على نفسي وضحكت وسولفت

بليل فهد انطانه خبر باجر مسافر دائما يطلع سفرات

فهد... كتلها اتزوج وما دارت بال

خطبت وما اهتمتلي كامت من العشه فرحت وانقهرت

فرحت كلت غارت وانقهرت لان ما اكلت شي شو نزلت ولا مهتمه كطت. روحي تعبت واني احبها من طرف واحد وهيا ما تبادر ابد كلت اطلع ويه ربعي سفره اغير جو وابتعد لان من اشوفها ما تحبني وما تتقبلني احس ناقصني شي ومرات احسها تحب حسام وما ناسيتو واكول تستاهل انت جبرتها عليك

نمت بوكتها يم نور معرف ليش ارتاح بغرفتها

وكعدنه نسولف

حجت نور بس حجت وهيه مهمومه

نور... مها حماده ما يحبني

مها... شمدريج

نور... جنه نسولف كتله تابعت فلم لابراهيم تاطلس

كال اي كتله تدري هاي للمره الثاله اعيده

كال لازم ما لكيتي غيره كتله لا اني احبه تاطلس

اهاااا تحبينه

اي والله وصوته يجنن

اهاااا صوته يجنن

اي

تصبحين على خير

وين

دنطمر

شبيك

سده بوجهي وهاي ادك عليه الا امل وما يجاوب

مها... اي يغار عليج يحضي

نور.. انتي هيج رأيج

مها... اي والله

شوفي

دزيله رساله كليله شبيك زعلان لا تخابري

اوك

دزيتله

ما رد

هسه راح يرد صبري

اي اي رد

حماده... ما زعلان

ها مها شكله

مها... كليله تغار

نور اوك

نور.. حموشي

حماده.. ها

نور.. تغار

حماده... اغار على شنو حلي عني رجاءا مشغول وما

فارغلج

مها.. شراح تكليله

نور اكله حبيبي من يصير بيدك مجال راسلني

مها... خرب عقلج

كتبي... عبالي تحبني ومن غيرتك زعلت معبالي هيج اسفه عالأزعاج اخذ راحتك بعد ما ازعجك

نور.. لا حبابه

طككت عيوني عليها

مها.. كتبي

نور.. كتبت

مها.. باعي اليوم لتفتحين نت

حتى يعرف ضجتي

وهوا يحبج بس شايف نفسه عليج ديشوفج ساحله نفسج هسه يكول اعرفها من حالها ترضه

بس انتي مراح ترضين باعي نور

نور.. اي

من يراسلج راح يتوقع راح ترضين انتي لا تراضي حتى اذا دز رساله شاهدي ولتردين

واذا خابر لتجاوبين

اي مها صح اذا بادر وبقى ورايه وراد يراضيني يعني يحبني مثل فهد صبر عليج هواي

مهاا... ها عوبه

نور.. هههه

واذا ما بادر يعني ما يحبني

مها... راح يكول هاي ليش ما مهتمه ويجي يبادر ويراسلج شاهدي ولتردين حتى يعرفج مترضين بسرعه

نور.. يعني راح يراسل

مها... طبعا راح يفقدج ويراسلج ويحركها اتصالات

نور... اوك خل اطفي نت

مها.. بس اليوم طفي نت بتجر فتحي نت

نور... اوك

وره يومين نور كالت مها راسلني

خل ارد

مها.. شدزلج

نور... دزلي هلاوو

مها.. بس هلاوو

نور.. اي

ما صار زحمه ابدال ميكلج. اسف وضوجتج لا تردين وباعي شنو حنسوي

شنو

كيك

نور اعرف اسوي اني

اي ونزينها ونسوي ترتيبات ونشريها عالحاله كتبي الكعده الزينه ويه حبيبات قلبي

صيحنه لساره وبدينه نسوي كيك

رتبنه وكملنه والكيك برد

اجينه عالتزيين

نور... بنات اني ما اعرف ازين الكيك

ساره.. واني ما ليه واهس نفسي دتلعب

مها... ديلا بلكي الله وانج حامل

جرت حسره وكالت الله يسمع منج عمري بس هاي تعودت ماكو هيج شي كل مره تلعب نفسي واعراض حمل واحلل ماكو شي

. الله كريم

انشاءالله الله كريم ربج ما ينسه عبدو

نور... اشون نزينها الفاهيه تعرفين تزينين الكيك

مها... اي اعرف

خوش

زينتها وكملتها نور... الله عليج كتبي اسم فهد

لا مو حننشرها شبيج

اوك

رتبتها وكملت وكرزات وحلويات وكتبنه ونشرتها

وسوت منشنات اليه والساره

وصورنه ايدينه هم ونشرته بس الاقارب يشاهدو عالفيس

تعللنه وسهرنه

ساره كالت... بنات اني حنام تصبحون على خير

واحنه كملنه تعليله ونمنا

كعدتني نور

مها... ولج شسالفه شتريدين

نور... مها حماده راسلني وجاي يتصل

مها... كبل فزيت باوعت الساعه ١

نور... شوفي دزلي

حماده... لمن موجوده ليش ما تردين من راسلتج

شفتها من الاشعارات بس ما طبيت كلت باجر اشاهدها

. شو اتصل

مها... شعجب اتصل بهيج وقت

نور... مو يعرفني اسهر

مها.... جاوبي كليله شتريد

نور اوك

شويه ورجع اتصل

نور.. جاي يتصل

مها... جاوبي وفتحي مايك ومن يحجي اكتمي دكلج شتحاجي

نور... اوك

جاوبت وفتحت مايك

حماده... خاتون ليش متحاوبين

كتم

ها شكله

كليله مو ما تريدني عليش تخابر

نور.. مو ما تريدني عليش تخابر

حماده.. منو كال ما اريدج

كتم

ها شكله

كليله اي

نور.. اي

حماده.. شنو اي شو تحجين ببرودة دم واني دمي محترك

كتم

ها شكله

كليله ليش تريدني كلبي ينحرك

نور... ليش تريد كلبي ينحرك

حماده.. لا حبي

كتم

شجاوب

مها احجي وياه بس لا تضلين حبي وعمري مثل ما يحاجيج حاجي ساعه هيج وكليله حنام لا تخلينه هوا يكلج دنام

اوك عمرييي امممححح باستني

حماده الوووو وينج

فتحت الكتب وسدت المايك وكامت تحجي وياه نمت وثاني يوم الصبح كعدت كالت جاي نحضر الفطور جان باقي يومين للعيد

نور... مها الضهر فهد رزلني رزاله

مها.. ليش

نور... يكلي ليش ناشره ايديجن

كتله بس كرايبي وكل مره انشر ما يحجي

هههه لان انتي ويانه

خلاني امسحه كبل

مها... ههههه نور اكلج

نور... اي كولي

مها.. اريد اتحجب

نور... جذب

مها... اي والله

كامت تكمز من الفرحه

بليل تفطرنه ولبستني الشال وعلمتني شلون الفه واحلا لون طلع عليه الاسود

ثاني يوك اجه فهد من الضهر

جنت متمدده انفتح بابا الغرفه فهد

خنست بمكاني عود نايمه ههههه

عطرو سطر الغرفه سطر مغمضه واكول انشاءالله يجي ينام يمي مشتاقتلو

طلعله ملابس وطب سبح من طلع باوعت عليه

مها.. فهد اشونك

فهد... والله الحمدلله انتي اشونج

مها... اذا تريد تنام عالتحت عادي تعال نام

فهد... لا ما اريد اغير مكاني شهر انوب اتزوج وفد مره اغير مكاني حتى اتعود عليه

صفنت وحسيت كلبي صار نار 🔥

مها... لا تعود لان لازم تعدل بيناتنه خوما

يوميه تبقى يمها اني اخاف انام وحدي

فهد... هاي من ايمت صرتي تخافين

كمت امشط شعري واحجي

مها... من رحت جفلتني بزونه وكمت اخاف

فهد... اهاااا عبالي تغارين

مها... ههههه تهي بهي منو يغار وعلى شنو اغار

فهد.... خوش

اجيت عبرت من يمه كتله خوشات ونترت شعري بيدي رجعته لوره ضهري ضرب بوجهه

عصر ايده. وصك على سنونه

فهد... شكايل اني

مها... كايل لتسوين هاي الحركه

اجه بحركه سريعه لزمني من اذني

فهد... شكلتيي بابا عيدي

مها... كلت بعد ما اسوي هاي الحركه

فهد... واذا سويتيها

مها... حجيت وعيوني مغوركه ومبرطمه ما اسويها بعد

بس عافني ووخر عني نترت شعري وركضت للحمام وقفلت. الباب

مها... ههههههه ديلا هاي الحمام وقفلته

فهد.. وخري من وره الباب راح اكسره

مها..... ما اوخر

فهد.. العنوديه ولا يفيد بيها حجي ابقي وره الباب حتى تتكسرين راح اكسره

سمعته ركضته اجه للباب صرت بزاوية الحمام

وما احس الا والباب نفتح ركعه للباب هوا ضخم

دنشوف وين تروحين مني هسه

لهنا وينتهي البارت أنشاء الله تكونون استمتعتو

😊♥

الكاتبه بمبش

ملكيت عبارة كتبتلكم هاي 😊😁😂👇

انا البندوره الحمرا مزروعه بين الخضره

مها... فهد جنت اشاقيك

اجه متعصب لزم اذني لزمه كلت انشلعت

مها.... حضنته

رخه ايده عن  اذني وما حجه كلشي حسيته انصدم

مها.... حباب اذيت اذني مو كلت بعد ما احاجيج

احضني انت هم

سيب اذني وحضني بقيت حاضنته خايفه اوخرر ويرجع خوش يكتلني 😕😩

حجيت بصوت ناصي

مها... فهدددد

فهد... حيلي

مها.... اريد اروح

فهد.... وين ترحين

مها.... انزل جوه اعاونهم بالشغل

فهد.... ابقي

بقيت يمكن بقه ربع ساعه هوا حاضني كل قوته عبالك راح اطير

فهد... مهاوي

مها.... هاا

فهد... تحبيني

مهاا... لا

شو كبل وخر عني

حضريلي الدشداشه والعكال عازميني بيت خالي

مها... ياهو منهم

فهد... ابو فرح

مها... مو دنتفطر سويه

فهد... يوميه اكابلج وافطر اكول بلكي تطعمني بيدها بلكي تحس بيه مراقبها  تعرفين من تاكيلن ابد متشربين مي نهائي ومتاكلين التمن متاكلين السمج متاكلين البرغل هواييي شغلات ملاحضج بيهن وحتى ما اكل بس ماكو صدك متحبيني

كلت خل اكللها اهتمي بس ارجع واكول الاهتمام ما ينطلب

الله كريم تهون يلا حضريهن

انقهرت من كلامه يعني جاي يوضحلي يكلي اهتمي بيه

هيج اني ثوله وما ملاحضته يباوعلي وقت الأكل

اني شويه ما اهتم لهيج تفاصيل

وكل الكالهن صحيح ما احب اشرب مي عالاكل وهم ذنه الأكلات ما احبهن

انوب الحرك كلبي رايح عليهم

كمت احضر بملابسه ورتبتهن

وحسيت وجهي صار نار 🔥

راح هوا واني كمت الوب. معقوله حتهتم بي ويبدي يحبها

وبعد ميكلي احبج

نمت حتى ما تعللت انقهرت منه

المهم اجه العيد ليلة العيد نزلنه اني وعمتي ونور وساره للسوك اشترينه ملابس وهاي ساره تكول ما ليه لياقه وعمتي كالتلها روحي اخذي فحوصات. لا يروح مريضه لو شي وصدك كالتلها بليل اروح اخذ فحوصات

نور كالتلها من الصيام واني هم كتلها انشالله ما بيج شي الصيام مأثر عليج

كالت الدكتوره صديقتي اروح عليها اخذ فحوصات كامله وتحاليل دم وادرار تكرمون

واكللها بالعيد تخابرني تكلي شطلع

فهد اجه مشتري تراكسود(تراك) وماخذ دشداشه سوده وماخذ قميص اسود وبنطرون لونه حليبي وماخذ مسباح وعطور واحذيه تكرمون

واني اشتريت تراكسود (تراك) واخذت دشداشه فهد موصي عمتي كايللها اشتريلها لان ما اريدها تلبس بنطرون بالعيد علمود راح ننجمع ابيت جدو..

واشتريت فستان مرتب قصير مال طلعه قماشه كل حلو جاي على تول

شكله يجنن

وعمتي ما خلتني ارجع الا اشترتلي بدلات اني العندي من العرس لهسه ما لابستهن

واشتريت مكياج وشغلات وجنطه واحذيه تكرمون

اشترينه اني ونور نفس الشي عود دا نقهر فرح 😂😂هاي فكرة نور مو فكرتي

رجعنه تعبانين كبل نمنه

صبح العيد كلت اكعد فهد اعايدو ميصير عيد

تعرفوني ما اكدر اذا ما اخبث واتحارش

كمت  من يمه على كيفي لا يكعد مشطت شعري ورتبته ونفضت اسناني

وجيت تمددت مسكت خصله من شعري واخليها على وجهه وهوا يحك وجهه يحسب ذبانه

اخر شي كال استغفررر الله يعني واحد ما ينطمر منين اجه الذبان اليوم

ضحكت بصوت عالي

مها.. صباح الخير

فهد... صباح النور

مها... كل عام، وانت بخير ايامك سعيده انشالله عيد الجاي من العايدين

فهد... وانتي بألف خير

فهد.. جرني حضني وكال احلا عيد شهالصباح ميصير يوميه عيد

مها.... ههههه

باسني من خشمي وكال طلعب ذبانه من هاي الكبار هههههه شكد خبله

مها.... برطمت وكتله هاي لأن اعايدك تكلي خبله

فهد... هههههه خبله واموت على خبالج

مها.. 🤭🤭

فهد.. 🙂بس عنادج ما احبه

مها... 😕

فهد.... 😂😂😂

مها... 🤨🤨

فهد... ههههه يلا كومي حضريلي هدومي دسبح وننزل نعايد اهلي

مها... اوك صار

فهد.. شو صايره كلها صار شعجب شعتب

مها.... لان عيد غير

فهد... يعني من يخلص العيد. ترجعين مثل قبل

مها.. اي لعد شو طمعت تخيل ثلاث ايام راح اضحي وابذل مجهود اكعدك الصبح واحضر ملابسك

وشتكلي اكلك صاؤ

فهد... اي شي اكلج تكليلي صار

مها... لا مو اي شي

فهد.... ههههه

حضرت ملابسه طب سبح

طلع لاف الخاولي على جسمه

استحيت منه اخذت ملابسي وطبيت سبحت طلعت لكيته لابس

الدشداشه ولاف السبحه على ايده واشون حلاقته مال العيد محدد ورموشه صفنت رموشه كثاف تجنن والدشداشه طالعه توب على جسمه

فهد.... تعالي تردين تاخذين صوره وياي

مها... منو مباوع عليك

فهد.. الفاهيهههه مو شفتج تباعين وفهيتي حتى حاجيتج ما تردين

مها.... هههههه اتصور وياه هاي كل مره تكلي هيج  انت منو تدحك عليك

فهد.. فرح بوياي. من رحت فطرت عدهم الا اشويه تطعمني بيدها وما شالت عينها عني

مها... عوع لعد شكد خفيفه

فهد... لا عادي خطيبها ماكو اي خفه بالموضوع

مها.... رجاءا لتجيبلي طاريها الدنيا عيد لا تطلع الونسه من خشمي

فهد... دفضيها وكولي اغار وطكها بضحكه

مها.... هههههههاي بس لا حموت

فهد... كام اجه وكف يمي عطره يسطر سطر كال راح اخليج يجي يوم تعترفين بهالشي انتي

مها... ترا كلش لحيت انت منو يغار عليك هيه مشايفه حلوين وهيج تباوع عليك

فهد... يعني اني حلو

مها.. منيلك ازرك

فهد... هههههههه

. وكفت سشورت شعري ورفعته ولبست الشال

فهد... شجاي تسوي

مها... شتشوف

فهد... ترا ميصير الحجاب مو للكشخه لشخص يلبسه ويستمر عليه

مها... ومنو كالت راح اشلحه

فهد... حجه باستغرات. يعني بعد ما تتركي

مها... ايي اخر مره من صليت نور كالتلؤ الحجاب هم وقررت بالعيد اتحجب

كبال اجه عليه حضني واني ارتب الشال وهوا واكف وراي حاضني

فهد... عفيه حبيبي احسن قرار والله عفاج

مها... الله يعافيك

تمكيجت وهوا حاضني ميقبل يوخر

مها... فهد ترا دتمكيج وخر

فهد.. شبيج واذا شعليج بيه

مها... وخر دخلي ريميل(ايلاينر_كحل سائل فوك العين) لازم ما اتحرك

فهد... شنو هذا ريليل

مها... ريميل شبيج انعوج حلكك

فهد... شسمه

مها.. ريميلللل

فهد... ريميل

مها... اي عفيه الحباب هسه وخر دخلي

اباوعله فطس ضحك كال وين تخلي

مها... على عيوني

فهد... ههههههههه هههههههه خرببب مسك بطنه ويضحك

مها.... شبيك فهد صدك ترا والله شوف يتخله عالعين

فهد.... حبيبي ما يوم احد خلاه على عينه

مها... فهد شبيك هوا للعين

فهد.... هههه راح تخلينه

مها... اي اخلي

فهد فاطس ضحك حسيت اكو شغله بالموضوع

مها... فهدددد

فهد.... عيونه كولي

مها... نيتك مصافيه موووو

فهد.... ههههه انتي ثوله وتجفصين اني شعليه

مها.... امشي اطلع بره اطلع بره فهددددد يمهههه متجين على ابنج

فهد.... 😂يلا خلي كاعد اشوفج اني

مها... حجايته بيها أنه بس شنو مدري

بديت ارسم وهوا يباوع

كملت رسم عيوني

فهد... وين تلفوني

مها.. هيانه بيدك

لا تلفوني مال البيت

مها هيانه.... طلعت من الكنتور

جيبي خل ناخذ صور

اخذنه صور مخليت حركه ما سويتها اخر صورة قرب بيها على عيوني وكصها

باوعلي جنت الا اشويه اصير بحضنه للن جنه نكص صور كالي

فهد... تدرين

مها شنوو

فهد... عيونج احسهن بيهن شي مميز

مرات احسهن موطني

اكول الله لو اكدر ليله اكضيها هايم اباوع لعيونج

انوب خليتي الريميل مو اسمه

مها... حجيت بخجل ايي

فهد... لان عيد مراح اخليج تمسحي

لان فوك ما عيونج حلوه زادهن جمالل

مها... من الخجل معرفت شسوي

مها... كتله يلا فهد ننزل

فهد...دخلينه نبقى شويه هيج

مها.. وخرت عنه كتله يلا ما صل وكت اسمع صوت اهلي كعدو يلا

ههوا شال التلفون والمحفضه واني خليت حمره لون احمر

فهد... مسحيها

مها... حباب لا

فهد.. حبيبي مسحيها

مها... عفيه فهودييي

فهد... مسحيهااااا

مها... شسالفه شو احجي وياك حلو وفهودي وما تقبل ما امسحها

فهد.. ترا. راح اخليج بيدج تمسحيها

مها... تضربني يعني

فهد.. لا ما اضربج

مها.. خوش أمان يعني يلا شتسوي سوي

اجه تقرب عليه كال

فهد.. تبقين عد كلامج

مها... ايي

فهد.. اخخخ العناد لو تمتحنين بي تطلعين الاول

قرب عليه صار كلش قريب حسيت انفاسه طخت خدي

دا ابعده مسك ايديه

وخرت. وجهي

مسك ايديه بأيد

وايد اللخ مسك وجهي

اجه.. ديبوسني

مها... الله عليك لا وداعت رميشاتك العزيزات امسحها لا تبوس قرب اكثر كلت لا تبوسس وغمضت عيوني خايفه ومستحيه وخجلانه

وخر عني وكال مسحيها يلا

مسحتها وخليت مرطب احس طلعت وجه الخبله ونزلت جوه

اني وياه

تعايدنه اني واهلي يلي هما عمامي

وكالو يلا نروح لان غدانه. ابيت جدو قصدهم بيت اهل عمي اجداد فهد ونور

مها... يمه وهيام

والله بنيتي هيام ما يقبلون عيالها يدزونها على باجر

مها... يبووو عالاقل يدزوها تعايد اهلها

مدري والله يا بنيتي هيه عاجبها

مها... عمري الله يسعدها

طلعنه سيارتين ساره مقبلت تروح لاهلها تكول على باجر

وصلنه بيت كلش جبير وكلبي صارت دكاته الف ناس ما اعرفهم وفرح يمهم وفهد حيشوفها اكيد هسه كاشخه للعيد

لهنا وينتهي البارت انشالله تكونون استمتعتو 😊♥

اربع بارتات سويتهم ثلاثه ونشرتهم

الكاتبه بمبش

اليوم اتأخرت بالنشر بد حدللكم بارتات

.............

نزلنه واني احس ايدي ترجف حطب واني لا ام لا ابو

طبينه هوسه الحديقه بس شباب

بدو يتعايدون كلش هواي واني اعايدهم بس كلام ونور تعايدهم سلام ايد 🤝

كرصت نور..

مها... نور ياهو حماده

نور... ابو الزيتوني

اكل نور اكل بعيونه بس مبين عصبي وحاد من عيونه، عمري ربي يحفضهم، نور تستاهل

اجيت اسلم على جدهم

كال... هاي جنتكم مووو

عمتي... اي بنيتنه هاي

مرت، فهد

سلمت وطبينه للبيت احنه النسوان

جان مليان

فرح، اجت تركض عايدتنه وكالت

فرح.. عمي وفهودي وكرم وين

عمتي... برا،

فرح... اروح اعايدهم

كعدنه وسوالف وشقه مر اليوم عادي وفرح كل شويه تكمز تلكيلها حجه تطلع تشوفه

يعني صدك قهر مجنت متوقعه هيج تعبت نفسيتي اريد بس ارجع للبيت

كاعدين العصر انيي والبنات وعمتي ويه عمي بالاستقبال ونور راحت على عمتي دتقنعها وتبقى تبات علمود حماده

بقيت وحدي كاعده وهنا كل كم بنيه كاعدات وحد ويسولفون واني التهيت اقلب بالتلفون

اجه فهدكال

فهد انتو تضلون لو تجون شنو نور وينها

مها.. يم امي

فرح كمزت على فهد، ولا استحت واحنه موجودين

فرح... فهودي حباب حطلب طلب

فهد... أتدللي

فرح... عفيه اريد تودينه للكانزينو

فهد... بالعيد تصير هوسه خليها وره العيد

اني كاعده واكل بروحي اكل

فرح... تعالي ميسم كصيلنه صوره سويه اول صوره، واحنه مخطوبين

فهد... باوعلي واندار عليها كاللها ما ليه واهس هسه

فرح.. حباببب باسته 😮

فهد.... تعالي امري لله

لزكت بفهد وميسم بنت عم فهد تكصلهم صور

حسيت بنفسي صدك يتيمه اهل مو ام واب لاا يتيمة اهل يتيمة ام. واب واخت واخ

كلهن يضحكن واكفات ويسولفن وهما يكصون صور

اختنكت وحدي معندي اخت اخ ام اب احجي وياه ولا هالفشله وحدي بنص غربه

فهد...ها ترجعون

مها...اي اني ارجع

كملو صور وفهد كال يلا الحكوني

كاعده فرح كالت

فرح... مكتلكم تدرون اول شخص عايدته فهودي خابرته عايدته.

ميسم... هنياله عليج

فرح... اي والله عالاقل اني اهل واصل وفصل

تدرون بنفسي اجرب شعور اجي مسيره لبيت اهلي

خطيه مها...

فرح... اكلج مها

مها.. كولي

فرح.. من تصير مشكله لو شي بالبيت عد منو تزعلين

مها... ما تصير مشاكل

فرح.... اييي ديربالج تسوين مشاكل بعدين وين تنطين وجهج امج وابوج وميتين

حسيتها فتحت جروحي كلها

عفتهم ورحت للحمام لأن عيوني غوركن وخفت احد يشوفني

فتحت المي وبديت اغسل حتى مكياجي راح

دموعي مدا ترضه توكف اهفي بيديه

كافييي كافييي تنزليننن كافييي تعبتتت اريد اهلييي

بقيت لحد ما اندك الباب نور

اول ما نور شافتني كامت تبجي حضنتني وكالتلي اني اختج مووو

انتي اختي واغلا من الاخت هم

نور... هاي العوبه سمعتها شحجت وآلله لعلمها خل بس تجي علينه

مها... حتبقين

نور... لا امي متقبل

مها... ليش

نور... يمعوده الغثيثه دتجي تبات

مها.. منو

نور... منو غير الخفيفه فرح

مهتميت كتلها اريد ارجع للبيت

نور... يلا امشي اني هم دروح لعبان نفس لوما لخاطر حماده ما اجي اكلوني اكل كلها تكلي شهالمكر لابسين نفس الشي ماتو ماتووو

اندك باب الحمام

نور... منو

فهد... اني

نور... ها فهد

فهد يلا وينجن

نور.. يلا جايين

فهد.. مها وين شو ما الها صوت

نور... هيانها يمي

فهد.. خوما بيها شي

نور... بس خل تسلم منك ومن فرح تصير زينه

فهد... مها تسمعيني احد حاجاج

اشرت لنور بمعني ردي صوتي بي غصه خاف يسمعني

نور... دا اكلك مبيها شيي..

فهد.. فتحي الباب

نور.... فهد تروح لو اصيح واخليها تصير فضيحه هسه روححح

فهد... علي صوتج بعد مصل البيت واني اعلمج

تحضرنه ورجعنه رجعت بالسياره البيها ساره وكرم وفرح رجعت وياهم

وصلنه البيت بوجهي لغرفتي اخذت ملابس وطبيت للحمام

فتحت الدوش والمي تنزل على راسي بس النار بكلبي

الدنيا فرتني من الدلال لهيج عيشه

بقيت جوه الميه لحد ما اختنكت

طلعت من الحمام

فهد كاعد ينتضرني بالغرفه

فهد... رحنه لعمامي بس مجنت رايد اخذها اخاف تحس نفسها وحدها اعرف اهلي يلتهون عنها وبنات عمامي مو خوش اوادم

سلمت على جدي واشوف سنان اكلها بعيونه اكل

باوعت عليها بنضرة غضب كسر عينه كبل بس دمي فار

بقينه لحد العصر دمي فاير كلت ما ابقيها تبات ضجت من سنان ونضراته

رادت مني صور فرح مردت اجرح مها وهيه وحدها كاعده بس كلت خليها جرت اذن. الها حتى تبادر وتحس كافي

كالت نرجع طلعت انتضرهن متاكو واهلي صمطهم الحر بره

سألت بنت عمي

فهد... بيداء ما شفتي نور

بيداء... اي امبلا جنت بالمطبخ وسمعت نور كالت لفرح فرح حسابج بعدين وراحت بس مدري وين

ردت عليه نهراون بنت ابن عمي

عمو بالحمام عمه نور جانت تبجي شفتها وطبت للحمام

كلت الله اليعلم شصاير ومن مها ما حجت عرفتها دتبجي

رجعنه للبيت وفرح تتلزك واني اضوج من البنيه الخفيفه

لكيت نور بغرفتها

فهد... اكدر اطب

نور.. ايي

فتت شافتني نور

نور... قبل لا تضربني خل احجيلك

فهد.. ما اضربج احجي شبيها مها

حجتلي لو تخبلت اشون تحجي هيج ويه مها

نور... فهد لو شايفها اشون تبجي وكقت وره باب الحمام اسمعها تكول على دموعها كافي تنزلين تعبت اريد اهلي فهد بنيه صغيره تجيب عليها ضره والله خطيه والله وصه باليتيم

(بسم الله الرحمان الرحيم)

꧁꧂فأن اليتيم فلا تقهر ꧁꧂

نزلت للاستقبال جانت كاعده واهلي كاعدين

صيحت فرححححح

فرح... ها فهودي

فهد... كرم وصلها على اهلها وكللهم ماكو لا خطوبه ولا كلشي انفصخ خل يربون بنتهم

فرح... هاي شبيك فهد

اجيت جريتها من بلوزها صاك على سنوني

فهد... قسما بالله يا فرح اذا اتدنيتي لمها بعد وجهج اشوها شنو انتي وتعيرينها بموت اهلهاااااا هااااااا احجييييييي

انعل والديججججج

طلعوها من كبالييي

لا اهجم البيت هسه

كرمممم ما سمعتت طلعها

امي... شبيك يمه عليها

فهد... خل تحجيلج نور خل تحجيلج

فرح.. مو بهالسهوله تنهي كلشي

فهد... انه ما يصرفلي اخذ بنيه ما تعرف الخطه وما عدها كلب وتعير باليتم وهذا امر الله

امي وابوي جانو يصيحون ويحاجزون بس من سمعو هيج حجيت سكتو اساسا محد جان رايدها

مها طلعت من الحمام صوت صياح فهد مدرت بال اساسا لو يحبني مو يقهرني هيج بيها

طلعت كعدت كبال المرايا امشط وعبره خانكتني دموعي واكفه بعيني

طب فهد

اخذ المشط وبده يشمط شعري

فهد.. ابجي لتضمين بكلبج خل تنزل هاي الدموع الواكفه بعينج كال هيج دنكت راسي وكمت ابجي

دنك باس راسي وكال ما عاش اليقهرج دزيتها على اهلها ونهيت كلشي رفعت راسي

احس همي كله راح

مها... كول والله

فهد.. اي والله

يلا كومي ما نعسانه مو كعدتيني من صباح الله خير

مها.. دسشور

فهد جيبي اسشورلج

اني امشط وهوا يسشور

لحد ما اجتني النومه غفلت

كمت كتله كافي نشف شعري

راح تمدد وصاحليي كال تعالي

اجيب يمه تمددت حضني ونمت

مكعدت لل٩بليل

نزلت جوه سوينه عشه وفهد كعد تعشينه وكاعدين

اجت ساره..

ساره.. كرممم

كرم.. ها

ساره.. تعال

كرم... شكو طبي ماكو. احد

ساره... دتعال

كرم... امري لله جاي اذا طلعت شغله بايخه اموتج

طلع كرم طب عيونه مغوركه ويمتمت لسانه مكضوب

كرم... سا س ساره..

الكل اي شبيها ساره

كرمم. ساره

عمي.. ولك قندره ليش تخليني اغلط عليك دحجي مو هبطتنه

........................................................................

بارت ٢٠

........................................................................

.

.

.

.

.

.

.

.

.

الكاتبه بمبش

(bmbsh_beme)

- أنا هنا وبجانبك مهما حصل

𝒊'𝒎 𝒉𝒆𝒓𝒆 𝒃𝒚 𝒚𝒐𝒖𝒓 𝒔𝒊𝒅𝒆 𝒏𝒐 𝒎𝒂𝒕𝒕𝒆𝒓 𝒘𝒉𝒂𝒕 𝒉𝒂𝒑𝒑𝒆𝒏𝒔

اقتربت ساره مبتسمه

ساره.. عمي ولو مستحيه ومعرف اشون احجيها وكرم من الفرحه. انكضب لسانه اني حامل

من كالت هيج صوت بجي كرم صار عالي يبجي ويشهك

عمتي هلهلت والفرحه صارت شكبرها

ساره حضنت كرم وتبجي

كرم يحجي ويبجي

كرم.. صارلي أربع سنين اربع سنين اكول ربي لا تحرمني منهم يا الله اشوف كلمن اطفاله واني ما عندي ألف الحمدلله ربي والشكر

كعدنه وتعللنه الى حد ما غفلنه طلعنه كلمن راح نام واني فرشت لفهد بالكاع وتمدد واني هم تمددت عالتخت

متمدده واحسب عيدانيتي

مها... فهدد

فهد.. عيونه

مها.. خل نحسب عيدانيتي

فهد.. خوش يلا

فهد انطاني الصبح عيدانيه بس هسه حبيت اذكر هالشي

مها.. انت انطيتني ٥٠

فهد.. اي

مها.. وعمي انطاني ٢٥

فهد.. اي

مها.. وجدك انطاني ٥

فهد.. اي

مها.. وبا

كلت هيج وسكتت ناسيه ابويه جوه التراب

فوك القهر الشبعته هم، قهر والله مخنوكه خنكه بس الله يعلم بيها

مها.. فهد هذيج المره كتلي نطلع من المستشفى واوديج وضحكت عليه باجر اريد اروح اعايد اهلي

فهد... وين

مها... شبيك عبالك تخبلت قصدي عالكبور

فهد.. مو تدللين

غفيت ونمت وحتى نسيت اجمع عيدانيتي كل عيد اتحايل على بابا ينطيني عيدانيه اكثر

صار الصبح وتريكنه ولبست العبايه والشال ورحنه

الطريق كله اريد بس اصل كلش مشتاقتلهم

وصلنه

نزلت ملهوفه وصلنه لكبرهم جانو بيت عمي ويانه بس ساره وكرم ما اجو لأن يخافون على حملها خطيه

كعدت بين الكبرين واشيل الخضار اليابس من كبرهم جبت حصو حجر وحاوطت كبورهم

مهاا.. كل عام وانت بخير بابا كل عام وانتي بخير ماما كل عيد احضر ملابسكم واكويهن هذا. العيد عايدتكم بكفن ابيض

مو كافي نوم هذيج الجيه نمت يمكم ومرضيتو ترجعون رجعو بس يوم واحد نتعايد بس

بويه كل عيد تهلك برمضان لخاطر تشتري احسن اللبس واحسن الاكل وتنطيني عيدانيه اقل من ايڤان تكلي انتي صغيره هيه جبيره، تعال اكعد ما اريد العيديه اريدكم كمت ابجي حسيت بفهد كعد يمي خله راسي على كتفه وكالي كافي بابا بجي كافي مو كلنه تعذبينهم

مها... فهدد وكوللهم انت بنتكم تعبت تريدكم كللهم اختها تخلت عنها بقت وحيده

فهد حجه وصوته مخنوك.. افااا عليج بويه واني

مها... بدونك انتهي انت مصبرني على فراكهم

ولأول مره اشوفه يبجي حضني واحس جسمه يختض من البجي

بجينه كلنه لحد ما انتهينه كمنه مشيت التفتت لكبرهم كلت ابد ما انساكم يلا مع السلامه عمري انتو

وصلنه البيت ومر، اسبوع وفهد بشغله واني ملتهيه وبوكتها نور حجتلي ليش فهد فصخ الخطوبه ويه نور كاعدات نسولف

نور... مها ما كالج فهد شي

مها.. لا

نور.. مها ترا فهد يمكن راح يعزم بيت. عمي ابو فرح ويراضيهم يمكن يريد يرجعها

مها.. منو كال

نور.. راح احجيلج سوس نفسج متدرين سمعته هوا وامي يحجون ولج يكللها بس اتزوجها اسافر واخذها لان مها زودتها

مها.. 😮😮لا بربج صدك

نور... صدك شنو صدوككك

مها... بلا مياعه

نور... راح تخسري

مها... زين كتيلي طريقه تخلي يخرب الخطوبه خربها ميحتاج كليلي شنو تخلي ما يخطبها

نور... حيجي تعبان اليوم اصدمي جيبيله مي وكليله الله يساعدك حبيبي

مها... استحي منه

نور... لعد دخسري مها لا لا

نور. وش وش وش وش وش وش وش وش وش وش وش وش وش

مها... 😮ولج عيب

نور... خرب رجلج هذا

مها.... استحي

نور .... مها فهد يحبج واوعدج بهالطريقه مراح، تتعبين وراح، ترتاحين واذكرج

هاي عود نور حجتلها هسه تجيكم الاحداث نور شعلمتها

بديت بتطبيق الخطه هههه

اجه فهد

ركضت وديتله مي كتله الله يساعدك

فهد.... مها وينها

مها... شبيك مو هاي اني

فهد... لا متوهم

مها... هههههه

صبيتله غدا تغده ومتعجب

راح دينام طلعت لحكته عفت الاماعين انعل ابوهن خل استلحك نفسي قبل ما اخسر رجلي وتاخذه الحيه فرح

فهد... هااا

مها... ها جيت اطلعلك ملابس تسبح

فهد... ديلا بسم الله

طلعتله ملابس طب سبح علما طلع لبست شي مرتب طلع ضل صافن

وكفت يم ميز المكياج وكتله

مها... فهودي

فهد... ترا ما عندي ولا غلس

مها... لااا

فهد... طلعه ماكو تعبان

مها... اي لا شبيك

فهد.... ترا عقلي افتر اليوم مغير الاعدادات مالتج

تقربت عليه خليت ايديه وره ركبه

وباوعتله بمكر

مها.... صدوككك حبيبيي

ساكت ما حجه حقه مصدوم

مها... حبيبيييي شبيك

فهد.. عيدي شكلتي

مها... كلت حبيبي اي احبك تعرف شنو احبك

فهد... اذا طلع مقلب لو شي ترا انغث منج واغثج

مها... بسته من خده وهمستله خل نبدي بدايه جديده احبككك

فهد... يعني تعلنين الضو الاخضر

مها... شنو هذا

فهد... باسني واحم وين تقرون ما تستحون عيب رجال ومرته احنه شدخلنه بيهم

اي انتو اشونكم اخباركم

ها شبيكم تحوصون عوفو فهد ترا هسه العيد صار عيدين

مها.... جان كلش حنين وياي مجنت متوقعه هيج واني هم تقبلته وجان كلش هاءدالعفو هادء اعذروني بعدني مصدومه من حنية فهيددد والرقه العاملني بيها

يباوع لعيوني وصافن

فهد... اول مره اكدر اباوع لعيونج بهيج قرب بداخلهن وطن عميق كلش

مها. فهدددد🤭

فهد... عيونه

مها... اخجلل

فهد... هههه فديتو. اليخجل

كعدت سبحت وخليت مكياج وترتبت وهوا سبج ولبس دشداشه واشون كشخه. وترتيب

بعد مرور شهر اجاني اتصال من ايڤان

تبجي

مها... شبيج ليش تبجين

ايڤان.. مها اليوم عرسه لحكيلي بس انت تقنعي ولج مها صديقتي حسام خطب صديقتي واني الثاقه بيها واطلع واجي وياها واليوم عرسه اتزوجها عليه كلبي محروك تحجي وتبجي

مها... ايڤان عوفيني مرتاحه بحياتي كتلج ابتعدي عنج الله يوفقج كافي

سديته بوجها وبجيت دا احس بيها نفس احساسي كلبي تكطع عليها بس قويت نفسي

بعد مرور اسبوعان

سويت تحليل وطلعت حامل متتخيلون الفرحه الصارت بالبيت

يوميه ما امشط الا هوا يمشط شعري

من ناكل اطعمه ويطعمني انكد عليه بسبب الحمل

مرت ٨شهور وساره جابت توم ولد وبنت

سمتهم أمين وأمنيه

واني حللت ابطني ولد

وبعد شهر اجه وقت ولادتي واني كاتلني الخوف

ب ٢بليل صار عندي وجع واكعد فهددكعد مفزوع

فهدد.. شكووو شكووو

مها... بطنيييي حموتتتتتت

فهد.... كام يفتر بالغرفه ويصيح وينه وينه

مها.... فهدددددد شنو الوينه

. فهد.. السياره

مهااا.. يا خرهه عاااا فهددددد سياره هينه صيحححح امي يمهههههههههه

طلعو يركضون

يمه حجيب وهذا انثول

ركضو بيه كرم يسوق فهد مرتبك وامي من كدام واني بحضن فهدد

مها.. فهددددد

فهد..... عيونه عيونه

مها.... كله من وراكككككك كله من وراكككك

فهد... خله ايده على حلكي اشش ولج اخويه يسمعج

عضيته عضه حسيت ايده انشلعت بحلكي

فهدد. اخخخخخ ايديييي صارتتت جلب هاي

مها. طلكنييييي

فهد.... خربببب بس سكتي وصلنه وصلنه

مها.... يمههههه كليله يسددد حلكه كليله

فهد... اني اعلمج

من الوجع عضيته من زنده وهوا يصيح وكرم مرتبك من صياحنه

فهد.... اذا بقيتي هيج اذبج من الجام

واني رجعت عضيته من زنده من الوضج

وصلنه وجانت الولاده طبيعي

طلعوني لغير غرفه واجو فهد وعمتي

مها... ابني

فهد... هسه يجيبوه احنه هم لسه مشفناه

مها... يمه عطشانه

اجه فهد شربني مي تعدلت وارتاحيت جابو الطفل

فهد اخذه من الدكتوره بس شافه انطاه لعمتي وطلع انقهر ليش ما ادري

عمتي شافته وكامت تبجي

مها... شبي ابني احجو شبي

. انطتني اياه باوعلته عيونه خضر نفس عيون امي

كمت ابوس بي احسهن عيون امي وابجي

ماما طلعت على جده نفس عيونها لو موجوده جان شافت عيونك

♥♥♥♥

الكاتبه بمبش

( bmbsh/_beme)

يساء فهمي كثيرًا، وانا لست من محبي التبرير"

.......... ♥.......... ♥.......... ♥.......... ♥........

يا حبيب ماما انت

شويه واجه فهد

كال نطلع اليوم سويت خروجيه

وطلعنه رجعنه للبيت

عمي.. ها بويه شنو تسمونه

فهد... باوعلي وكال ها مهااا

مها.. بكيفك

فهد... ذيب

كلنه ضحكنه

فهد.. شبيكم ترا ما جاي اتشاقه

مها... وانوب نخلف طفل نسمي اسد وكلها اسماء حيوانات هههههههاي

باوعت كلها تباوعلي

همست لنور

مها.. شنووجفصت اني موو

نور.. جفصه بقصفه لفهد ههههه

فهد... عليمن

مها.. دنكت والله ممنتبها

فهد باعيلي

باوعتله طكها ضحكه هيج تخافين مني

توني دحجي

همستلي نور لا وانج جافصه انوب عود هالمره ما يرحمج تنكتلين

فهد... هجرس

مها... محلو

. فهد... اني عجبني يلا مدام ميعجبج نسمي غيره

. مها.... نسمي هجرس

فهد.. ههههه نفسه

مها... اي نسمي هجرس

النهار كله تعبني ما نام اخر شي بليل كاعده بالهول،رضعته شبع

وكام يبجي اسكته ميسكت

ماما اسكت ميسكت يربي ممتعوده عالاطفال

كمت ابجي وياه هوا يزيد واني ازيد اجه فهد شافني راح صيح لنور وساره وكرم وكعدو يضحكون عليه

الا اجت عمتي اخذته كالت روحي اتاحي اني انومه

مها... بسيطه يا فهيدد

فهد... بسيطه ام السان

بس اخذته عمتي نام واحنه تعبنه طلعنه ننام

خطيه، نور مغير الفرشات وماسحه ومنضفه الغرفه، حتى نفسي ارتاحت عالنضافه

فهد.. منو اليوم عضني وحجه عليه

مها موواني

فهد.. ومنو تكلي اثول

مها... هم مو اني

ومن تكول حيوانات

مها... مو اني

فهد.... منو اليوم حجت عليه هواي

مها.... اهوووووو بزعتني ترا،

اجه لزمني من اذني انوب اني مضوجني هجرس وتعبانه

مها... اخخخ اذني فهد كبل غوركن عيوني

فهد... باباتي اشاقيج بس لا تبجين كام ينفخ على عيوني عود دا لا ينزلن دموعي

غمضت وفتحت ونزلن

فهد... الا تغمضيننن يعني مو جاي ننفخ

مها... ههههههه خربببب فهيددد

فهد... اخرببببب من تكولين فهيد

مها... تموعت وكتله بصوت خافت ومليان مياعه

مها.. فهيدددددد

فهد... اويلي انوب تتموع ترا ميصير تدمريني هيج

مها... ههههههه

فهد... ضحكي خبيثه

مها... هسه اشوفك الخباثه

اجيت بسته غمض عيونه كتله كافي

فهد... بسيطه تصيرين زينه واني اعلمج

مها.... هههههه حبيبي انت مشيت ودزيتله بوسه بالهوه وطبيت سبحت

الفضل يرجع لتعلوم نور هههههه

طلعت لكيته نايم دحست نفسي بحضنه ونمت تعدل حضني ورجع نام

ومرت الأيام وتعودت على هجرس

وعلى طبعه واحتياجاته حاله حال باقي الاطفال

بعد مرور 8شهور

اجو اهل حماده خطبو نور وسوينالها احلا خطوبه اني وهيام وساره جانت كلش فرحانه حضرنه ورتبنه

وبعد شهر زفوها واليوم الطلعت بي نور من البيت كلنه بجينه واني بس ابجي راحت صديقتي وفهد يكلي كل متردين اوديج الها وماكو بس ابجي فهد ضل يقنعني واني ابجي الا زهك وطلع من البيت ومرت الأيام وتعودنه على فراكها بس البيت خالي بدونها هيه وهيام

هجرس يا هجرس اخخخ كلبي شحبه صار عمره سنه تعلقت بي لدرجه مرات كاعدين فهد يضربني بالشقه اسوي نفسي جاي ابجي هجرس يضرب فهد ههههه

من يشوف فهد يمشطني يلزم المشط البيد ابوه ويبزعنه يلا اكمل تمشيط مياكل الا من ايد فهد حتى مميته

انوب فهيدد صايرله كرش صغير يكعد يلعب بكرش ابوه😂😂😂

مره فد نوب الجو بارد لبسته بلوز

كام يعت بي ويبجي

فهد.... يولييي شلحي اياه مو تعرفينه على ادنه شي ضيك يضوج

مها.... فهد بارده

شو فهد اجه وكام يشلحه الملابس خله الصوبه كريب عليه وشغل المكيف عالحار.

مره كاعدين نتغده غص بالتمن العائلة كله دخلت انذار كلهم يحبوه وبشوش

مرت الايام ومره سمعت فهد مشغل اغاني بالغرفه وصوته ديلاعب هجرس طبيت وركصت ويه الدكه وهزيت خصري وفهد على صوت التلفزيون كام يركص وياي

جاي نركص وباوعت هجرس جان كاعد انقلب عالكاع وكام يشاخط

صرخت هجرسسسس

ركض فهد شاله وطلع يركض واني طلعت حتى يلا شال اركض وراه وصلت للباب كال طبي هسه اني اوديه

واني اصرخ وابجي اخاف هم اخسره، مثل مخسرت اهلي

كل شويه يخابرون فهد وفهد ميجاوب لحد ما جاوب فهد

وعمتي اسمعها تكله لاااا

هنا حيل مبقه بيه

ي ييي يي ي يمه شبي ابني

يكول زين بس

مها...بس شنو

عنده قلب قلبه تعبان واستلحكوه الف الحمدلله ربي

شهكت يمه ابني تخبلت

ردت اروح ما خلوني راحت عمتي كله من وره غيرة فهد ميطلعني بمكان

جابو حضنته وابجي فهد كال لازم ميخاف وما ينقهر او يتعصب او يضوج

وبقينه محافضين عليه ومحد لازم يطخه دللناه عمره صار سنتين وفهد يريد طفل انوب واني ما اقبل

العصر لبسته وكشخته وشاله فهد

مها...حبيبي هجرس ابقي يمي خل بابا يروح وحده اجي دا اخذه ميقبل

فهد...ها بابا تجي وياي

ههههه كام يرطن

كاعدين العصر وفهد جان ماخذ هجرس وطالعين وسنان جان موجود عيونه ملاحكتني كتلهم تعبانه وطلعت فوك مردت ابقى وهوا موجود

المغرب كعدتني عمتي كالتلي كعدي وليدي فهد خابر راح يبقى يم صديقه

نزلي نامي جوه اذا تخافين

يمه شنو فهد ليش مخابرني وليش يبات يعرف هجرس ميكدر بدوني

ما ادري يمه

حسيت كلبي ناغزني منمت بليل ب3خابرت فهد صوته مو صوت واحد نايم

فهد... ها بابا

مها... تعال ارجع اريد هجرس

فهد باجر نحجي جاي اتعلل صوت بنيه حجت يمه

مها...منو هاي

سد الخط كبل

اتصل ماكو اخر شي غلق تلفونه

دمي فار تخبلت ملخت نفسي يربي شنو هاي اقنع بنفسي هاي من اهل صديقه

لحد ما دزلي رساله ب4كاتب

بابا مكدرت ابقيج بنارج عبالج اكو يمي بنيه اني بالمستشفى صاحبي تخربط وجبناه

مها... فهد كلبي ناغزني اكو شي

فهد... حبيبي ماكو شي باجر اجيب هجرس واجي

دزيتله اوك

ونمت وكلبي ناغزني الصبح كعدتني نور

نور... ها مها اشونج

فتحت اباوعلها وجها ميتفسر

مها... هاا نور ايمت جيتي اكو شي احد محاجيج

نور.... مها حكلج شي بس سمعيني كلها متقبل ذبوها براسي الا اني اجي اكلج

ميجي فهد... كلبه مينطي

خير شكو...

نور... مها هجرس

مها... شبي هجرس

نور... شوفي مها والله طير من طيور الجنه

مها... اسم الله ابني شلون هيج تفاولين عليه

نور... بجت وكالت من ال9الصبح توفه

صرختتت بكل صوتي

ما حسيت الا وفهد يم راسي حاضن راسي ويبجي

مها.... وينه ابني وينه اريد اشوفه

نزلني واني بس ابجي. هوا عيونه تخوف قطعه حمره من البجي

نزلنه كالي راح نجيبه لهنا لا تجين

مها.... ما عليه اريد اجي

فهدد... يمه اخذيها هسه نجي

راحو وره ساعات ما ادري شكد كالت عمتي للغرفه هاي الغرفه اللي بداخل الهول ديجيبون هجرس

رحت طبينه للغرفه شويه وطببو فهد شايله لافي بالجفن

مها كمزت اخذته من فهد يمه وليدي

كمت اهزه بيدي هجرس حبيبي اكعد اشتاقيتلك

فهد جره من ايدي وكال كافي بجي

كعد فهد خلاه بحضنه باوعلي وكال مها خسرنه وليدنه عزيز كلبنه

اجيت يم فهد كمت ابوس بي ريحته تجنن الله لا يشوف هالوجع لشخص

مها فهد ترا هسه يخنكه الجفن شيله

هجرس ماما ابوك يضربني اكعد دافعلي

خليت راسي على كتف فهد وهجرس بحضن فهد ونبجي اجو دياخذوه عاندت وبجيت وما خلوني اروح عالدفن

مرت الثلاث ايام الفاتحه واني وفهد اثينينه معاندين مناكل لحد رابع يوم وكعت اغمى عليه وكمت ازوع ووجهي اصفر وفهد تخبل كام يجبر نفسع وياكل وياي

فتحت الكنتور وطلعت ملابسه جانت الدنيا ضهر فهد بالدوام حضنتهن ونمت حلمت بي ديلعب يحضني واني ابوس بي وابجي اكله ها ماما رجعت

حسيت فهد يكعدني كعدت باوعتله ضايجه لان كعدني واني حلمانه بي جنت

نترت

مها... شتريد

فهد... شبيج نايمه وتبجين

مها... فهد كتلك شتريد مو دتشوفني مطموره عوفني ابجي عليش تكعدني

فهد.... مها ترا حالي حالج روحي طالعه لا تغثيني وامسكي لسانج

مها... شو تتهدد

..... ♥♥♥........ ♥♥♥......... ♥♥......

لهنا وينتهي البارت حبايبي

تصويتكم لتغلسون 😂😂😂😂

مها... اني هم حالي حالك مقهوره لاتغثني

فهد... شو تقلدين

مها... مجاي اقلددد

فهد.... لا تعلين صوتج

مها... يمعودد دطيررررر..

اجه لزمني من شعري كتلني كتله موتني خلص عليه واني ابجي واصيح عوفني فهد والله ضجت لان جنت حلمانه بهجرس من كتله هيج عافني وطلع..

كمت من مكاني وجهي متين مو بيدي تمددت ورجعت غمضت عسا ولعل ارجع احلم بي 💔😭

وماكو نمت وكعدت وما حلمت بي

يربي والله مشتاقتله

كمت توضيت وصليت ودعيت انقهرت فوك موت هجرس هيج يضرب ويمد ايده عليه

خلصت صلاة فتحت. القرأن بديت اقره وطب فهد ما رفعت عيني عليه خلصت قرأن هوا اتمدد عالجربايه

خلصت قرأن وطلعت من الغرفه

. فهد... وين

مها... يم امي

طلعت لكيتها كاعده يم عمي كعدت وياهم فهد وراها بشويه طلع بره بليل ما اجه وضل بالي عليه انتضرته من حسيته فتح باب الغرفه ارتاحيت تطمنت عليه نمت

فهد... ادري بيج كاعده

ما رديتله

فهد.. اسف مديت ايدي عليج بس انتي ضغطتي عليه

مها... مثل ما انت مقهور اني مقهوره اكثر بجيت وكلت حلمت بي بحضني

منطيته ضهري واحجي

خله ايده على كتفي وكال..

فهد... كافي زعل وتعالي بحضني بعد ما امد ايدي عليج

وخرت ايده من كتفي وكتله نفس كلامك اخر مره من ضربتني عوفني خل انام نمت مراضيته خلي حتى انوب ميضربني شنو اني حيوانه عنده ويضرب بيه

كعد الصبح يوميه نتريك سويه صبيتله الريوك بدون ما احجي وياه كلمه

وما تريكت راح عالشغل رجع حضرت ملابسه

فهد.. وين تراكي

بدون ما رديت طلعت الاتراك من الكنتور يسوي هيج يريد احاجي اعرف هاي الدروب

اجيت طلع التراك من الكنتور رميته عالجربايه محجيت شي

حضرتهن راح سبح وطلع جبتله الغدا للغرفه جنه قبل ننجمع هسه اني وفهد ناكل وحدنه تكئبنة

كعد ياكل اعرف اشون استفزه ما اكلت

فهد.. تعالي اكلي

مها... ما اشتهي

فهد... من احجي كلام ما اثني

مها... كتلك ما اشتهي ليش تلح

فهد... ترا لسانج راح يعم عليج يا بنت

مرديتله

فهد.... تعالييي تزقنبي انتي بلا شي اتدوخين

مها... صيحت عليه كتله انتتت ليشش تلح كتلك ما اكل كوه خوما كوه بعديننننن اني حيوانهههه عندك حتى هيججج تعاملنييي هاااااا

فهد.. صاك على سنونه وكال

صوتججج نصيي

مها.... ما انصيييي صوتي شتسوي مثلااااا تضربنييي اضرببب يلاااااا اضربنيييي

فهد.... مها فقدت اعصابي راح ابتلي بيج

مها..... خوفتنيي بابا دطيرررر

كام من مكاني ويحجي

اتجنززز من هاي الجمله تستفزينييي بيها تستفزيني شنو سطل تكليلي هيججج هاااا..

مهاا... اكلك ترا ساكته وماكله خر..... لا تخليني اطلع غداك زقنبوت تزقب واسكت

فهد.... لزمني من شعري وصاك على سنونه منوووو تزقببب هااااا

مها... اخخخ فهد شعري

فهد... عليمن جاي تتجاوزين

مها... عليككككك

وجان يلزمني كتلني بس ما اذاني بضربه

وجهي صار متيين تعودت عالكتل واستاهل تجاوزت لوما ضاربني جنت اني تنازلت وراضيته بس عم على نفسه من ضربني

البارحه جان يكلي بعد ما اضربج

اجه العصر جانت روحه بخشمه.

طب للغرفه باوعتله وجههه كله دم

شهكت وركضت عليه

مهاا... يمه اسمالله شبيك

فهد... وخري عني

مها... كمت ابجي من خوفي عليه فهد فهد شبي وجهك

كمت اتفحص ايدينه وصدره واكله وين انوب وين متأذي

فهد.... تحسر وكال بابا متكاون ما بيه شي بس النذل اجه من وراي ومدري ششايل بيده صاحني التفتت وضربني

مها.. احجي وعيوني تنزل دموع يروحييي خوما يأذيك

فهد ما يأذيني بس حضريلي ملابسي اسبح

مها... الله يكسر ايده من يوم الضربك

فهد.. ويكسر ايدي من يوم الضربتج

مها... عوفنه من هاي هسه تعال اشوف وجهك

فهد... ما بي شي وجهي طك دم من كصتي ونزل على وجهي

طب ديغسل مخليته كتله اني اغسلك حضرتله مي حار بالبانيو

غسلت وجهه وكصته وسبحته

وطلعت ضمدت كصته وعيوني بس يكلولي بخ تطك الدمعه خايفه عليه

فهد... بابا حبيبي والله ما بيه شي كافي مو تضوجيني

دنكت بمستواه لان هوا كاعد عالجربايه واني واكفه

وخليت ايديه بأيديه وكتله

مها.... فهد معذرو هالمره استفزيتك وضربتني بس اذا تضربني انوب تخسرني

مسح على راسي وكال

فهد... بس بطلي تستفزيني ما اضربج

مها... بعد ما استفزك

تعدل تمدد بفراشه شلت الاسعافات الأوليه ورفع الغطه يعني تعالي يمي

اجيت تمددت يمه حضني وباس راسي

فهد... حيلي

مها.. عمري

فهد... كافي ذبي الأسود وحفي وجهج

مها... متريدني لان ما احف وجهي

فهد لا حبيبي دا اشوفج طالعه من حقي بكلشي بس علمودج وعلمود هجرس ترا طير من طيور الجنه. هوا غوركت عيوني من اسمع طاري هيج باسني ويحجي كافيي لا تبجين

مها... ممو بيدي واشهك

فهد... حبيبي شواربج تشوك

مها... يا فهد صدوككك

فهد.. اي والله حبيبي تشوك من بستج دقيتيني

عوفيهن شهر انوب ينحلف بيهن

مها.... فهددددد

فهد... ها

مها... لا تقلددد

ابتسمنه اثنينه

مرت شهرين على وفاة هجرس وشويه رجعت الروح للبيت بس ابقه اشتاقله وكل اسبوع اخلي فهد يوديني على كبره

واني من الفاتحه الى هسه متأذيه يمكن صار عندي مضاعفات بسبب قلة الأكل اضل ادوخ ونفسيتي زفت كاعدين العصر سوينه حلاه جان يوم جمعه ونور وهيام عدنه اول ما اكلت الكيكه لعبت نفسي حسيت راح استفرغ

وما اكلت مع ةنو احب الحلاه شكيت عندي حمل لان ناسيتها من زمان

رحت للغرفه طلعت تحليل حمل لان عندي عمتي من اول ما تزوجت انطتني يمكن بيهن 30وحده كالت حتى لا تتبهدلين وتدزين عالدكان

اخذت تحليل واني خوف بداخلي لا اطلع حامل اخاف اخاف اخسره مثل مخسرت الباقي حللت وهنا جانت المفاجئة النتيجه ايجابيه اكو حمل تخبلت

كعدت يم التخت وحضنت رجليه، وخايفه

طب فهد باوعلي واجه يمي كبل

فهد... شبيج حبيبي

مها.. فهد اني

فهد شبيك اكو شي خوفج

مها... اني حامل

فهد... باوعلي وكال الل الحمدلله يا، ربي

وكام يبوس بيه كتله

مها.. وخررر عني حيموت حيموت مثل مماتو اهلي وهجرس

فهدد... اششش ما عليه شي والله

ضميت راسي برجليه وخايفه حتى مبجيت ومرت ال9شهور حملي وفهد اشون متحملني مدري

فد مره صرت بالبيت معقده وكل ضني راح يجي ويموت ميبقى وقررت من يوم الطلعت حامل لا اتعلق بي ولا احبه

لحد موعد ولاتي وولدت وجان كلشي خانكني حتى ما عيطت وبجيت

جنت كاعده وما اريد يطببوه اشوف هسه تكولون شنو من أم انتي بس خسرت بما فيه الكفايه ما اريد احبه واتعلق بي خاف هم يعوفني

كاعده بغرفة المستشفى وهيام يمي عمتي مريضه

طب فهد للغرفه شايله ويسولف وياه ويضحك رغم هوا بعده صغير ميفتهم

فهد... مهوششش شوفي وليدي شكد حلو

تمددت وغطيت وجهي بأيدي

مها... اني حنام

فهد... مها بس شوفي يشبهج الخشم والحلك حتى ابيض مثلج

مها.... فهد كتلك دنام