مرارة الحب الفصل السابع عشر 17 - بقلم بنين الزبيدي

‏احسهن مايصيرلّي
‏ الهوى هذا التشمه الناس
‏ فيروز و سوالف ياس ، المواعيد ، الورد الأحمر
‏الضحكة الـ من گلب وعيون
صباح الخير چذابة
يمكن چان‏ صوچ أهلي
‏ولا گالولي روحك طير
‏وعشت كل عمري بالغابة .
♢♢♢♢♢♢♢♢♢

بنين..نداريت شفت عباس اخويه واكف كلبي صار بأيدي وضليت امتمت اول مره هيج يصير بيه بس طيبه نقذتني

طيبه..مو شنو خطيه النقيب مرتضى طلب منها تسوي البنته جنسيه فا كتب الاسم بلورقه فا بنين خلت الاسق عليها بس نفتح بلجداحه دسوي حتركت الورقه

بنين..مقتنع هز راسه وطلع وعلي نكشفت

طيبه..انتي ثوله اكو وحده هيج تحجي بعدين بنين لازم تنسي لين انتي هسه زوجة عمي والله شاهين ميستحق تفكرين بغيره هوا زوجج وعلوا تزوجين صدك صدك هاا لاسبوع اجلي علاقتكم الزوجيه الحد متحبي وهوا يحبج

بنين..مستحيل يجي يوم ويحبني واحبه

طيبه..اي طبعا مستحيل اذا انتي ويا من تصيرون بمكان واحد تبدي المناكره عكس من انتي ويا جوا سكف واحد هم ضحكه سالفه شقه اكيد تبدي علاقه حب بينكم اما هسه لو تطلع نخله براس جاسم المخضرجي متحبو بعض وانتي دافنه نفسج بحب واحد صار عنده بنيه واسس عائله

بنين..حسيت اني وحده غبيه افكر بواحد ازوج واسس عائله ولثاني اني ويا مشاكل ومكافش من الروس شسوي مادري طلعنه نتعشى الطريق كله افكر بحجي شاهين جان يمشي ورايه الطريق كله افكر تعشينه وخلصنه احنه رجعنه للبيت وهما رجعو لبيتهم وصلت داصعد امي صاحتني رحت يمها الغرفتها كعدت

ام عباس..بنين يمه باعي اني الله نطاني بنيه وحده وهيه انتي اعتبرج صديقتي واختي اخر شي بنتي حبيبتي اني وياج نسوان ثنين بلبيت وحق رب العالمين اني اريدج تستقرين بحياتج يا امي اني وابوج والله مدايمين الج واخوانج باجر عكبه يزوجون وكلمن يهتم بروحه ومرته واطفاله وانتي محد الج باجر عكبه اذا كبرتي ولدج وبناتج يشيلوج صدكيني امي هيه اجيال تسلم اجيال بكدج اني عندي عباس وحبلت بمحمد يايمه بعدين شاهين رجال شهم وابن اصول ومبين يحبج ويصونج يمه هوا هم كبر هم يريدله كم طفل يشيلو بكبرته يا بنيتي يمه الماضي ميرجع بعد كلمن اسس حياة جديده فكري زين واني وياج بكل قرار تاخذي ابويه

بنين..هزيت راسي حسيت امي تعرف بسالفه مرتضى من كالت الماضي ميرجع وكلمن اسس حياة جديده بستها من خدها وصعدت الغرفتي افكر يومين اني افكر من كثر التفكير خشمي يطك دم مرات يعني راح اعيش حياتي ويا شخص لو احبه ويحبني لو اكتله ويكتلني وحده من الثنين صليت صلاة ستخاره ونزلت كتلها لامي موافقه سبوع الجاي لعرس

شاهين..اني الج يا بنين اله اربيج من جديد بوجهي تحجي وتجادل الزعطوطه لو مزوج بنتي بكدها تحجي وتشمر تحملت عليها جنت كاعد وصافن بحياتي الجحيم الي راح تجي وياها هيه هيج هيج جانت وصارت جحيم اجتي طيبه تركض

طيبه..شاهيننن شاهينن بلعباس قبلت قبلت تزوجون هذا الاسبوع

شاهين..منيه

طيبه..بنينن قبلت تزوجون هذا الاسبوع

شاهين..اي خوش حضرو من هسه وخابريها كليله باجر عقد المحكمه

طيبه..كلها انت عمو هيه مرتك بلشرع

شاهين..طيبه بنين ادبسز والسانها متبري منها وبس تجي هنا اربيها من جديد ع الحجي والتشمر التسوي من تحجي خابريها انتي اذا اخابرها اني اروحلها البيتهم اكطع الحزام عليها

طيبه..داحجي عافني وراح يمه بنين فتحت عليها جبها شاهين اويلي الله خابرتها كتلها العقد مال محكمه باجر محجت عادي ثاني يوم رحنه للدائره يوم احد جان وبنين وشاهين راحو يعقدون

بنين..ثاني يوم كعدت البست العسكري مالتي لين دوام وبدايه اسبوع نزلت صبحت عليهم واكلت شويه وطلعت شفت شاهين ينتضرني برا رحت صعدت ويا بدون منحجي شي حتى محد صبح على الثاني وصلنه للمحكمه اني ويا قدمنه هوياتنه حتى منتضرنه كبل صاحنه القاضي دخلنه اله وتم عقد المحكمه مالتنه طلعنه وصلنه للدائره دخلنه وجانو مسوين النه مفاجئه وكيك وچگليت وهلاهل جان العميد عامر كاعد ويبتسم محجه على احد ولا رزل طيبه لين هلهلت باركو النه العميد عامر باسني من راسي

العميد عامر..انتي بنتي الثانيه الله شاهد شاهين دير بالك عليها ترا هاي بنين العزيزه

بنين..ابتسمت بس مو من كل كلبي اجه مرتضى بارك النه وعصر ايدي قوي وجانت علامات العصبيه باينه عليه المهم رجع كل واحد الشغله كعدت على الكرسي مالتي كبال الميز وباوعت على الحلقه جانت ثخينه حيل وتلمع ياترا الجاي شنو زين موزين حياتي ويا شاهين شلون راح تصير واني بعدني عايشه بحب شخص ثاني شخص خلاني اكرهه الحب من الاذيه الي شفتها منه طعناته بكلبي بعدهن حب صديقتي ازوجها جابلي بطاقه العرس هاني عيشني بوهم صرت اخاف اخذ خطوه ليكدام خاف انخذل مره ثانيه فزيت من صفنتي على فتحت الباب رفعت راسي شفته مرتضى جان خال ايده بجيبوبه ويباوع عليه

مرتضى..عقدتي محكمه ست بنين

بنين..الله يبارك بيك

مرتضى..اني مجاي اباركلج صرتي هسه شخص تابع الشاهين

بنين..اي صح انت هم صرت شخص تابع الندى

مرتضى..جيتج كلتج بنين احبج وهسه وبعد احبج ورايدج فسخي واخذج وحق علي

بنين..واني بطلت ماريدك صرت مزوجه شخص ثاني خلص هاهيه قصتنه نتهت من حبيت ندى وزوجتها مو سميت بنتك عشق حتى تشرح عشقك وتعبك الندى هاهيه ماكو شي ينحجي بعد عن اذنك عفته وطلعت رحت الغرفه شاهين مادري ليش سويت هيج بس لازم احجي ويا دكيت الباب ودخلت ماهوا سئلت صفا عليه كالت خابرو جماعه وطلع مادري وين رحت للعميد عامر دكيت،الباب ودخلت

العميد عامر..هله بملازم بنين

بنين..سيدي العقيد شاهين طلع واني عندي هاي ملفات لازم تتوقع

العميد عامر..بويه شاهين طلع للانبار

بنين..عقجت حاجبي وترددت اسئل ضليت ساكته وقعلي الملفات وطلعت رحت كبل لطيبه لمتكبها جانت يمها رانيه وصابرين وصفا دخلت يمهن ولكل صارن يصفكن اشش اشش عيب فضحتونه

طيبه..تعالي يحلوه

بنين..طيبه عليج العباس اريد اسئلج سؤال بس لتاخذي بغير نضره شاهين شعنده راح الانبار

طيبه..بويه بدت الغيره والمستغيره اححوو

صفا..ها بدينه نحبه للحوبب

صابرين..نجبن ولجن عيب هسه بنين بنيتي شاهين راح يجيبلج ست مخصوص العرسج من الانبار وغمزتلها

بنين..جان يمي قلم ضربتها بس ادبسززز

طيبه..هههههههه بنو راح يعزم كرايبنه الي هناك عشيرتته

رانيه..شنو عشيرتكم

طيبه..دليم

بنين..يعني راح يعزمهم ليش شوكت سوا استاذ شاهين العرس

طيبه..شوفي خيتي حجز قاعه وعلساس العرس الثلاثاء على الربعاء

بنين..شنوووو

طييه..وعلي كلنه مقابلين بس هاي شاهين وهاي سوالفه

بنين..طيبه عمج مخبل

رانيه..انت تعقله ابو الشباب

بنين..وعلي انتي سلام فسدج حرامات جنتي خوش بنيه

رانيه..يااا هسه شسويت اني

بنين..مو صوجكم صوجي اني الاجيجن ولن عفتهن ونزلت تلكتني ندى ماخذه اجازه مال امومه من شافتني اول مره متحجي شي رجعت للغرفه مالتي خلص الدوام ورجعت للبيت خابرته شنو العرس لاربعاء بكيفه يريد كلشي دك مرتين مره ثالثه شاله

شاهين..نعم

بنين..شنو العرس الربعاء عيني

شاهين..عندج مانع لو اشتريلج

بنين..شااااااهيييينننن

شاهين..وجع نشالله ولي لج لا اجي من لانبار اكطعج تكطع ادبسز

بنين..سده بوجهي كتبتله رساله {وحق رب العباد وحق الله ومحمد واهل بيته اذا الربعاء مازوج والله شنو هيه بكيفك كلشي ترا هوا عرسي هم ممسموحلك تصرف بكيفك اكو وحده وياك شريكه بهل عرس لاغبر هذا دزيتها نمت من العصبيه مكعدت غير بليل على ايدي يم شعري عبالي امي تندسني بضهري مامااا نعسانه محسيت غير نجريت من شعري فتحت عيوني شفته شاهين من الخرعه والصدمه ضليت امتمت شششسوووي هنا محجه بس جان لازمني قوي جرني من شعري وكفني كدامه وهوا كعد على الچربه

شاهين..ليش متمشين مثل الاوادم وتحترمين نفسج

بنين..بس اني مسويت شي محسيت غير كام ودفعني للحايط شكد مأذاني بدفعته حسيت متني نخلع صار كدامي عيونه يطاير منها شرار وحمر صايره صار كدامي رفع ايده عبالي راح يضربني خليت ايدي على وجهي خفت منه سمعت صوت ضربه وخرت ايدي من وجهي شفته ضرب الحايط لزم حنجي قوي وعصره احس عضم فجي نكسر كمت ابجي واحجي وخر شاهين

شاهين..انيي مو بكدج بنتي زينن مو بكدج تغلطين واكول يله صغيره اعلمها بس كافييي باعي وحق عزة وجلاله رب العباد اذا رفعتي صوتج وحجيتي حجي اكبر من حجمج ادوسج بسطالي زينننن

بنين..نزلت دموعي وهزيت راسي اي بس وخر دتأذيني وخر مني كعدت على ركبي مكمت احس برجلي لزمت ركبتي وكمت ابجي بدون صوت وهوا كاعد على الچربايه يستغفر عافني وطلع شلون دخل اهلي وين نزلت ورا مجان اكو احد بلبيت اصلا كعدت على الدرج ابچي بصوت نفتح الباب شفت عباس اخويه دخل كمت ركض حضنته قوي وابجي هوا مصدوم حضني

عباس..شبيج بنين

بنين..عباس وين جنتو

ام عباس..اسم الله يمه شبيج

بنين..مابيه شي بس حلمت حلم موزين كذبت عليهم بيومها نمت يم امي وابويه خفت اول مره بحياتي اخاف دائما اكول اني ماخاف من احد بس خفت من شاهين بذاك اليوم حفر خوفه بكلبي كعدت ثاني يوم جان يوم ثنين بدلت وخلصت وطلعت للدوام هستوني نزلت صار شاهين كبالي كمت ارجف من الخوف دخلت للدائره بس ردت انهزم دخلت الغرفتي باشرت بشغلي تقريبا ساعه 10:30نفتح الباب ودخل هوا كمت وكفت نن نعم سيدي

شاهين..امشي كدامي

بنين..وين

شاهين..امشي وانتي ساكته

بنين..طلعت كدامه نزلت صعدني بسيارته اخذني لببتهم باوعت عليه نفتحت البوابه مال بيتهم دخل السياره صرنه بداخل لبيت مالتهم نزل دانزل اشرلي اضل دقيقتين وطلعت امه نزلت من السياره سلمت على بيبي هديه بوستها صعدت بيبي هديه كدام واني ورا الطريق كله اني صافنه حيل مخنوكه فزيت على صوته يحجي

شاهين..من تخلصن خابريني حجيه

بيبي هديه..اي يمه

بنين..نزلت بيبي هديه ونزلت وراها اخذتني تجهز شغلات العرس واني وياها صماً بكماً كلشي ماعرف هيه اجهز كلشي خلصت اخذتني يم مول كامل مال ملابس دخليات وشغلات ثانيه باوعت عليها واحس كلبي راح يطلع من الخجل لزمتها من ايدها خاله خلي نروح بعد

{اخوان راح اصيح للحجيه ام عامر بعد خاله لين داشوفها مترهم جنتها وتصيح الها بيبي}

خاله ام عامر..لاا حبيبه تعالي

بنين..اخذتني من ايدي ودخلتني لمحلات كومه ومخلت شي مشترته الي وكفنه يم محل مال سيتات نوم جرتني مني ايدي وشترتلي كامت تنوع بيهن ولولد يجيب ويخلي واني واكفه على صفحه مادري شسوي بيهن شترت هلكد خلصت طلعنه محملين علاليك كومه خابرت عليه اجه اخذ الغراض من امه وخلاهن بسياره صعدنه احنه جانت حاره حيل والسياره بارده

شاهين..باوعت عليها من نزلت تمشي بصف امي ولازمه ايدها تهي بهي فرحانين خاطبيلي ملازم طلعت من خيالها تخاف وكدام العالم مسويه نفسها قويه باوعت على شعرها عابر خصرها اشكر بلشمس راحن فوك ال4ساعات يله خابرت الحجيه رحت اخذهم باوعت عليها جان خدها احمر من الحر وهيه عيونها زرك وبيضه صايره فلم من الحر صعدت هيه والحجيه باوعت عليها بلمرايه صافنه رحنه صافنه ورجعنه صافنه

الحجيه..يمه فدوه الطولك وصلني للبيت واخذ بنانه وشوفو غرفه نوم

شاهين..وصيت حجيه باجر يجون يشدوها

بنين..باوعت عليه وصلني للبيت وراحو ردت خاله تدخل بس مقبلت لين عدها شغل بعد لين باجر ثلاثاء الحنه دخلت لبيتنه باوعت جان عباس يخابر بل حديقه اختنكت حيل اريد ابجي الدموع متطلع صرت اشر العباس اريد هوى خطيه سد الجهاز واجه يمي

عباس..اهدي اهدي بنين شبيج

بنين..اشرله ختنكت جابلي مي شربت شويه نزلت دموعي لزمت ايد عباس وحجيت ويا عباس عليك العباس اخذني الكربلاء بداعت امي حموت والله

عباس..بس فهميني شبيج بنين صارلج يومين هاي حالتج

بنين..اريد ازور ولنبي تعبانه

عباس..صعدي بدلي بين ماسبح ونروح خوش

بنين..هزيت راسي بـ اي صعدت سبحت وبدلت لبست الحجاب والعبايه ونزلت شفت عباس مخلص قبلي

ام عباس..داعولنه يمه وياكم

عباس..دمشي ويانه يا حجيه

ام عباس..والله يايمه يعذرني ابو السجاد تعبانه حيل

بنين..طلعنه لكربلاء طريق صار شطوله واخيرا وصلنه بينت كبه العباس بدون ماحس نزلت دموعي جانت ضهريه بعدها الشمس حاره بلراس ادك طبك عباس السياره بلكراج ونزلنه لزمني من ايدي وصرنه نمشي امشي دموعي تجري وصلنه للتفتيش فتشت ودخلت صار عباس كبالي رحنه نزور دخلت اني صرت بحضره العباس دخلت صار الشباك كبالي وكعت على ركبي ودموعي صارن يجرن مثل الشلال ضليت ابجي واحجي بدون ماحس بنفسي اريد افرغ تعبي وقهري وهضمي وكلشي مر بيه بهل سنين الراح مديت ايدي وحجيت يابوفاضل تعبت والله تعبت ساعدني اخلص من همي دخيلك عد رب العالمين ساعدني والله ممسويه شي بحياتي حتى اتعاقب عليه هيج يابوفاضل والله مأذيت احد الناس كلها اذتني واني مأذيت كمت صليت وزرت اخر مره وطلعت بلحضره كعدت اخذت نفس رتاحيت طلعت للحسين لزمت الشباك مالته وحجيت بحق علي الاكبر ارتاح من هل عذاب الي عشته بحياتي كلها يارب راح ابدي حياة جديده ويا شخص كل رحمه ماكو بكلبه دخيلك يا ابو الاكبر تساعدني على ايامي الجايه هم صليت وطلعت ضليت كاعده بلحضره طولت يله طلعت شفت عباس اخويه ينتضرني باسني من راسي واخذني للمطعم

عباس..يله يا ملازمي السبع شتاكلين

بنين..ابتسمت شتاكل انت اني اكل

عباس..خوش

بنين..وصه عباس اكل ترس الميز اكل اكلت شويه صارلي من البارحه بدون اكل عباس ياكل ويسولف ويايه خلصنه وطلعنه راد يشتريلي شغلات بس مقبلت لين شسوي بيهن عندي اخذنه حلاوه ورجعنه للبيت وصلنه لبيتنه بليل تقريبا بيها ساعه بـ8:30 بلباب بست عباس من خده شكرا عباس

عباس..على شنو بناتي

بنين..لين زورتني

عباس..نجبي لج لتشكريني انتي بنيتي حبيبي يله دخلي ارتاحي ربع ساعه وراجع

بنين..هزيت راسي دخلت بلكراج نزعت حذائي تكرمون وصحت ماماااا اني جيت وينج

ام عباس..تعالي امي بلصاله اني

بنين..دخلت اول مفتت شفت بيت العميد عامر يمنه طيبه وامها والعميد وشاهين وخاله هديه وعمو سلمان سلمت عليهم وصعدت سبحت وبدلت مشطت شعري ونزلت كعدت بصف امي

ام عباس..ليش هيج عيونج وارمه وحمر

ابو عباس..هاي تلكيها باجيه هوايه ام عباس

شاهين..باوعت عليها بلحجاب شكلها احله وجهه مدور وابيض وخدها احمر شلون عباس الافندي هيج مطلعها صعدت الغرفتها ونزلت باوعت على عيونها حمر وارمات باجيه العينتين صارت عينها بعيني ودارت وجهه مبقه شي ست بنين وتجين لبيتي واربيج من جديد

بنين..ضلو يحجون بأمور الحنه والرياجيل يحجون بمواضيع الحرب والاخبار واني كاعده وطيبه بصفي خليت راسي على متنها طيبه

طيبه..يبعد بيتها الطيبه

بنين..تعبانه اني

طيبه..كون تعبج بيه يروحي بنين كافي تسوين هيج بنفسج خلص هاهيه باجر تبدين حياة جديده حياة حلوه صدكيني وحق العباس الي رحتيله راح يجي يوم وتكومين تتنفسين شاهين انتي متعرفي بعدج

بنين..داجاوب جان يدك تلفوني باوعت قريت الاسم مرتضى باوعت على طيبه وهيه باوعت عليه

ام عباس..مجاوبين بنين

بنين..ها اي كمت طلعت للحديقه وطيبه ويايه جاوبت الو

مرتضى..كالو الاربعاء عرسج

بنين..اي عود معزومين انت وزوجتك

مرتضى..جايج البيتكم ست بنين

لكل حكايا بقايا