مرارة الحب الفصل الثامن عشر 18 - بقلم بنين الزبيدي

عاذرَك..
ماحاس بيه محد
مضوگك ردودك
آخ لو تدري البگلبي
مِن يصادفني بُرودك
لحظة ما عشت اعلمودي
وعشت كل عمري اعلمودك
المُشكلة بهذا فراغك
بي مَلامح من وجودك
ليش ما خليتلك حَد؟
كل الي يخصني حدودك
المُشكلة
المشكلة بكل يوم أريدك
والگة حُبَك يستمر
ومن خسِرتك!
ومن خسرتك صغرت
بعيني خسارات العُمر
♧♧♧♧♧♧♧♧

بنين..وين وين يا بيت

مرتضى..چا اعوفه يتهنى بيج انتي الي

بنين..اني مو الاحد زين وتعال هله بيك انت مجرد رأيسي بلشغل

مرتضى..نسيتي حبج الي وموتج عليه

بنين..لا منسيت شي وراح ابدي حياة جديده وقابله بلي اختاره ربي الي وانت عندك بيت وزوجه عن اذنك

بنين..سديته بوجهه بس خفت لايسويها ويجي صدك باوعت على طيبه تباوع عليه

طيبه..ميجي اذا يجي شاهين يسوي وصل ويدزه الاهله انتي هسه حرم العقيد شاهين سلمان الدليمي

بنين..دولي من يمي

طيبه..والله ميجي ههههه اهدي اهدي ديخوفج لا اكثر

بنين..طيبه صيحي شاهين اريد احجي ويا

طيبه..بنين

بنين..والله بس احجي ويا دخلت تصيحه اجه هوا شاهين اريد احجي وياك

شاهين..احجي

بنين..وكفت كباله ركبتي نكسرت رافعه راسي عليه اني كصيره وهوا مشالله طويل وضخم وملامحه الرجوليه وصوته طاغيه باوعت بعيونه وحجيت اريد اطلب منك طلب

شاهين..تفضلي

بنين..راح ابدي حياة جديده وياك ماريد اي علاقه زوجيه تصير بينه

شاهين..الله كريم عود

بنين..شاهين

شاهين..كافي تنكين

بنين..شلون راح اعيش عمري وياك وانت اي رحمه بكلبك ماكو

شاهين..تنجبين وتكعدين وششوفين متحجين

بنين..بس اني مو جاريه عندك

شاهين..ولا اني زعطوط بكدج ولكلمه الي اكولها مره متنعاد مرتين

بنين..داحجي عافي وطلع من بيتنه باوعت للسما ربي ماعندي غيرك ساعدني على هذا الي ماعنده رحمه وانت ارحم الراحمين مسحت دموعي ودخلت للصاله ترخصت منهم وصعدت الغرفتي نمت مكعدت غير ثاني يوم عندي اجازه لين الحنه سبحت وبدلت ونزلت باوعت بيتنه مثبور وعمال وعاملات يسون بلكوشه ويرتبن كعدت على الميز مخنوكه حيل وبس اريد ابجي عفيه دموع مكافي والله بكدي بنات عايشات حياتهن اله اني من جنت بلمدرسه الحد هسه تعبانه شوكت اخلص منهن تعبي وني دموعي خوفي كلشي سؤال يتردد بداخلي شوكت حسيت ايد على متني باوعت رانيه

رانيه..صباح الحب ياحبي

بنين..صباح النور

رانيه..صلي على محمد وصليلج ركعتين دنروح للصالون يله امي

بنين..كمت توضيت وصعدت الغرفتي صليت ودعيت الله يساعدني بدلت ملابسي ونزلت اخذنه محمد للصالون وصلنه شفت طيبه وخاله ام عامر وبنات عمها وعماتها وبنات عمومتها بحيث صالون واحد بصف الثاني كله خاله ام عامر حجزته بوستني خاله ولكل فرحان اله اني عندي عزه عبالك دخلنه للصالون توزعو البنات على الكراسي سولي مكياج بلون البدله ذهبي خلص المكياج كمت للحمام جانت البدله ذهبيه ردنها صلوخ من يم صدرها دلع لبستها واجني طيبه ورانيه ساعدني صفنت على نفسي بلمرايه ونزلت دموعي طيبه ورانيه حضنني مسحت طيبه دموعي ولبستني برنص مكتوب عليه عروسة شاهين طلعت كعدت على الكرسي عدلي الولد المكياج وصار يشتغل بشعري غمضت عيوني وضليت اردد الحمدالله لحد مخلص فتحت عيوني جان شايل شعري كاه ومنزل خصل كذله والحمره ماروني ضاربه على وجهي والمكياج حلو لبستني رانيه حذائي وكعدت على صفحه فتحت تلفوني دخلت على صفحه مرتضى صفنت بيها شويه اخر مره اشوف صورتك وهيج احبك باجر راح ابدي حياتي بلي اختارليا رب العالمين تمنيت مراسيم عرسنه اني وياك بس الحمدالله نطيته بلوك من كل البرامج حتى رقمه حضرته وسديت جهازي رفعت راسي شفت خاله ام عامر كدامي مبينه اختهم مو امهم حيل معتنيه بنفسها شعرها تصغه اشكر على اصفر والمكياج حلو عليها صاير والفستان الي لابسته بعد احله ابتسمت بوجهي ادنت يمي فتحت القران تلث مرات وطبكته بوجهي لبستني كلاده فص مال عين زركه وخلت بأيدي قران مرصع بأصفر ومرايه صفره يحبون الترتيب والوان متشابهه لازم بحيث من رحنه للسوك تعاركت ويا ابو الملابس لين ماكو ستره بلون القميص المهم باستني من راسي

خاله ام عامر..مبارك عليج يمه امانة الله انتي بنتي مو زوجة ابني بنيتي يمه تحملي شاهين طباعه شويه صعبه بنيتي هوا كلبه طيب ونشالله تعيشون بسعاده العمر كله ابويه انتي

بنين..باستني من راسي ربع ساعه خلصو طيبه ورانيه طلعنه بيدي المسكه مال ورد لون الورد بيها احمر طيبه منزله الغشوه على وجهي ماشوف شي بس البدله والكاع صعدت بسيارته صعد هوا وطيبه ورانيه ورا كعدن ومثل العقد مخلن شي مشغلنه وركصن عليه وصلنه لبيتنه ساعدني هوا انزل لين البدله نفش رفعت شويه عن وجهي ودخلت نفشخت بلچگليت والهلاهل لتسطر طيبه ورانيه شايلات البدله من ورا هوا راح دخلت للصاله اخذو مني البرنص وكعدت على الكوشه باوعت العالم وعماتي وخالاتي وبناتهن وجناينهن كلهن موجودات صافنه محسيت غير على هلاهل باوعت شفت ندى وام مرتضى واخته باوعت على ندى شكد مفرحان بنص العالم ركصت وبنتها بيد ام مرتضى اجتي بوستني وكعدت البنات يركصن وامي كاعده بصفي لزمت ايدها وهيه باستني من راسي الصاله مالتنه جبيره حيل كفت كل العالم الي جتي لحد العصريه طيبه جتي تركض

طيبه..جوي يحنوج بنانه كللللوووششش

بنين..دخلو النسوان وخاله ام عامر دخلت ولازمه شاهين باوعت عليه جان لابس قميص بيجي وبنطرون اسود صارت عيني بعينه وكف كبالي حتى مكعد سحب ايدي حناها والهلاهل مال نسوان تسطر اني كاعده وهوا واكف واني صافنه على ايدي وارفع نضري عليه جان عاصر ايدي قوي ويباوع عليه طيبه خلت ليره ذهب و لبستني مثل الورده خلتها على الحنه لزم ايدي الثانيه وحناها وهم طيبه خلتلي ورده حمره وليره خاله ام عامر خلت حنه لاصبعه الخنصر مخلاها دقيقه ومسحها وطلع باوعت لايدي رفعتها عطر ايده بيها صفنت على الحنه واردد بداخلي الحمدالله الكل حال ربي اجتي ملايه سوت جلوه مثل ميكولون خلو شي على راسي وكفن طيبه ورانيه وثنين بنات كرايب طيبه ولازمات شموع واكفات وهيه تقرا خلصت ورجعت للركص والدك اريد بس تخلص الحفله بسرعه اريد اصعد ابجي وانام

♡♡♡♡

شاهين..اخذتهن من الصالون وصلتهن للبيت مكدرت تنزل بسبب البدله ساعدتها ورحت للبيت صعدت نمت ندك الباب ادخل دخلت الحجيه كمت خير حجيه

خاله ام عامر..يمه شو نايم هم يالله تبدل دنروح تحني البنيه

شاهين..حجيه هاي مو شغلتي حنوها انتن

خاله ام عامر..نفس سالفه اخوك عامر ماقبل يزوج وشوف هسه يموت عليها وليدي صلي على نبيك وامشي

شاهين..جبتولي مصيبه حجيه تدرين بوضعي زين تورطين بنت العالم ليش

خاله ام عامر..يمه مر هوايه على الحادث يمه يله فدوه الكلبج فرح كلبي وامشي ويايه وليدي شنو ذنبها للبنيه

شاهين..نزلت الحجيه وراها سبحت وحضرت نفسي ونزلت وراها

خاله ام عامر..كلللللللووووشششش يمه مبارك عرسك يلهيبه مبارك عرسك

شاهين..بستها من راسها لزمتني من ايدي وصلنه البيتهم دخلو الهلاهل تسطر باوعت عليها جانت ملاك العالم كلها اختفت بقيت اشوفها بس الها بياضها باوعت لابستها دلع ركزت عيني على صدرها هيه خلت ايدها على صدرها سحبت ايدها الترفه وعصرتها قوي سحبت شويه حنه وحنيت ايدها وعيني بعينها حنيت ايدها الثانيه وطلعت صعدت سيارتي ورجعت للبيت جان مخبوص وكله عالم دخلت باوعت اخواني واصدقائي ولكل يهوسون ويركصون مالي واهس بكلشي باوعت على اصدقائي يهوسون كاعد وصافن عليهم فرحانين لحد ليل رجعن النسوان فاتن من الباب الثانيه

طيبه..رجعنه للبيت وبدت الحفله مال زلم صعدت للسطح اشوف كرايبنه كلهم يدبكون وبنصهم هذوله الي يدكون باوعت على شاهين جان لابس دشداشه نيلي والشماغ لافه يخبل طالع اللهم صلي على محمد وال محمد صورتهم وكله دزيته البنين ركصو جوبي واصدقاء شاهين وكرايبنه الي بلانبار وابويه وجدي وعمامي كلها تركص وشاهين بنصهم ربي ربي شاهين وبنين برد كلوبهم وخليهم واحد يحب الثاني بحق حب الامام علي للسيده فاطمه الزهراء نزلت جوا سبحت وبدلت وكبل نمت

بنين..خلصت الحفله مال نسوان صعدت فتحت شعري ونزعت البدله مسحت المكياج ودخلت سبحت من التعب مالي حيل اشيل راسي نمت بدون اكل

شاهين..فضت الحفله ولكل راح البيته طلعت على الشط شربت واتخيلها يمي رجعت للبيت لفجر نمت

بنين..كعدت الصبح نفس الهوسه عماتي وخالاتي كلهن بايتات يمنه سبحت ونزلت خوفه ورهبه بيه من هذا اليوم صليت ركعتين ودعيت اخذوني للصالون وهم مكياج والمكياج جان هادئ بس الحمره طوخ ماروني دخلت البس البدله جانو خاليها على مليكان صفنت عليها شويه واخذت نفس لبستها جانت ردنها طويله وكيبور طلعت كعدت سوالي شعري رفعه ونزل خصل من الجوانب ومن كدام لبست الحذاء وطيبه البستني الكلاده جانت سيت هيه وسوار ومحبس فضه ويلمعن لبستهن الي طيبه وكعدت شسوي ابجي؟ادك؟الطم؟تعبت منهن كلهن سويتهن حتى جربت اموت هاهيه بنين هاهيه طلعنه اني وطيبه ورانيه شفته محمد اخويه اجه باسني من راسي صعدني بلسياره وصلنه لبيتنه دخلت كعدت ونفس النسوان والهوسه مالتهن ورا تقريبا صارت دنيا عصر ساعه بـ5:30اجه شاهين واهله لابس قاط اسود وقميص ابيض شويه كام جرني من ايدي حتى ممد ايده اليه كبل عتني منها وكفت بصفه وجريت ايدي منه همست بأذنه اني مو جاريه للمره المليون اكولها الك

شاهين..تريدين تنكتلين بهل ليوم المبارك

بنين..باوعت عليه دنطلع جانو ابويه وعباي ومحمد وحسين واكفين باوعت على ابويه وخرت ايدي من ايده ورحت حضنت ابويه ابويه يبجي واني ابجي

ابو عباس..هاهيه بويه مباركه حبيبتي اريدج ترفعين راسي يم بيت اهلج الثاني حبيبتي انتي بدراستج رفعتي راسي بتربيتج هم حبيبتي شاهين اني ناطيك مو بس بنتي لا والله ناطيك حبيبتي وجنتي وطريقي للجنه ناطيك صديقه دربي وايامي حافظ عليها وليدي

شاهين..بعيني اخليها الك حجي

بنين..حضنت عباس عباس ماريد اعوفك

عباس..مبارك عرسج بنيتي ملازمي البطل ابو الوكفات رفعي راسي حبيبتي سمعي كلام والتسوين هوسه ترا ماكو عباس يتحمل خبالج تالي ليل

بنين..اسفه اني خاف فد يوم رفعت صوتي عليك

عباس..اششش ماكو اب يزعل من بناته وانتي بناتي

بنين..بسته من ايده باسني من راسي حضنت محمد وحسين ودعتهم طلعنه يم السياره قبل ماصعد رفعت راسي باوعت على بيتنه وعلى اهلي امي ابويه اخواني بعد محد يتحمل خبالي ولا بجي ولا حتى نعزالي عنهم خلصت ايامي بيت رياض باوعت على امي تباوع عليه بكسره خاطررحت حضنته وصرنه اني وياها نبجي

ام عباس..بعد ماعندي بنين

بنين..ماما كوه اخذو امي مني واني اخذني شاهين صعدت بلسياره مجان احد يمنه هوا يسوق واني بصفه باوعت عليهم اخر مره وطلعت السيارات

شاهين..ترا مراح تروحين لوحش

بنين..انت وحش ماعندك رحمه

شاهين..لو ساكته احسلج

بنين..ضربني على ايدي طبطبه خفيفه مثل التهديد مسحت دموعي عدلت وجهي وضليت ساكته واصدقائه وكرايبه لعبو لعب لحد مو صلنه لاستوديو لتصوير اخذنه صور ورحنه للقاعه دخلو العالم قبلنه واني ويا دخوليتنه وحد قبل مندخل اخذنه صور هم مره ثانيه خلصنه تصوير و لزمني من ايدي عصرها قوي شاهين اذا تحب الله متعصر ايدي والله عضامي وحده اطك بل ثانيه من حجيت ويا خف الزمه من ايدي دخلنه على اغنيه حسام الرسام الف مبروك كعدنه على الكوشه وبدت الركص مال جماعه وكل شويه جاري ميركص طبعه ثكيل يضحك بس ميركص شالو ثنين وضلو يهوسو وهوا يضحك

رانيه..بنين حبيبتي رايده شي

بنين..مي

طيبه..صار

بنين..جابولي مي شربت شويه ريكي يابس اجه كعد يمي

شاهين..اييه اييه دخلتي العرين شاهين اليوم يبنين باوعت عليها حايره بشنو اوصفها ملاك ترافه كلشي بلدنيا ميوصفها من جمالها وترافتها السانها عام عليها كاعده بصفي عصفور وتباوع للناس مادري فراحان تعبان ضايج مرايدها كلهن انجمعن بهل يوم

بنين..حسيت على احد صار كبالي باوعت جان مرتضى وندى سلمو على شاهين واجتي ندى بوستني

ندى..مبروك حبيبتي يوم الولد الصالح نشالله

بنين..شكرا

مرتضى..مبروك

بنين..شكرا خلصو ركص صاره ركصه سلو كمنه اني ويا صارت داير مدايرنه دخان وشراره لزمني من خصري وايده الثانيه صارت بيدي وضلينه حوالي بس5دقايق نركص بنص الركصه بدلنه الحلقات والتصوير علينه شويه واجتي الكيكه جانت 8طوابق موصيها توصا كصيناها اني ويا ورجعنه للكوشه لحد ساعه 11ونص زفونه للبيت الطريق كله هوسه ومزيقه وطلقات اصدقائه لحد موصلنه لبيتهم قبل مادخل ذبحو يم رجلي طلي وفتت لبيتهم كعدت شويه بلصاله وتالي اخذتني خاله ام عامر وجانت خالتي ام رانيه هم وياها وضلن يحجن ويعلمن واني اهز راسي كامت خاله ام عامر فتحت الكنتور نطتني سيت ابيض واصرت اله البسه كدامها دخلت للحمام مسحت المكياج وسبحت ولبسته باوعت عليه فضيحه كصير الحد ركبي ومن يم الصدر دلع وضهره كله مفتوح لبست فوكا الروب وطلعت مستحيه حيل اجتي خاله ام عامر خلت كبالي طاسه بيها مي ورد ورد ابيض خلت رجلي بي ونطتني قران اقرا جانت سوره لفتح قريتها مرتين واخذت مني شويه وسمعنه صوت هوسه باستني من راسي واخذت المي وطلعت دخل هوا ضل صافن عليه رحت حضرت سجادات مال صلاة وفرشتهن

شاهين..دخلت للغرفه وشفتها لابسه السيت وهيه بيضه ثلج ورجليها مبينه وصدرها اباوع عليها تفتر حضرت السجادات وكفت كبالي

بنين..شاهين اني وياك راح نبدي حياة جديده اريد نصلي سويه

شاهين..ضروري؟

بنين..اي دخل سبح حضرت ملابسه نطيتهن اله خلص سبح وطلع لبست الجادر مال صلا وكف كدامي وكفت ورا صلينه سويه خلصنه لميت السجادات وكف يباوع عليه نعم

شاهين..نعم الله ضلوعج

بنين..عفته ورحت انام صار ورايه نطيته ضهري داريد انام دارني عليه يريد يتقربلي حجيت ويا ماريد

شاهين..شنو

بنين..كمت عدلت كعدتي وهوا صافن عليه ماريد هسه يصير بيناتنه شي

شاهين..بس هذا الشي لازم يصير

بنين..واذا اني وياك ممتراهمين شلون شاهين اترجاك اجلها اقلها بس نفهم بعض حسيته ضاج

شاهين..نامي

بنين..كام من الچربايه وطلع للشرفه باوعت على الغرفه بيضه تركيه حلوه حيل وصبغ الغرفه جان ماروني وابيض لايك ويا الغرفه باوعت عليه جان منتچي على السياج ويدخن چكاير مااكدر والله مااكدر ابدي هسه اي علاقه ضليت صافنه عليه لحد منمت

شاهين..دتقربلها صدتني عفتها وطلعت للشرفه ودخنت روحي تحترك مو الچكاره نداريت داشوفها شفتها نايمه ورجليها مبينه وايدها وركبتها وصدرها تعوذت من الشيطان دخلت نزعت الچاگيت ونمت بصفها خليت
ايدي على خصرها وسحبتها عليه ضليت ابوس بركبتها واعض بيهن الى ان نمت

بنين..فزيت على دكة الباب حسيت ثكل على خصري مداكدر اتحرك باوعت شاهين خال ايده على خصري فزيت بسرعه هوا كعد باوع عليه وكام فتح الباب كمت ركض اخذت ملابس ودخلت اسبح خلصت بدلت لبست تراك سمائي وطلععت صار كبالي ضل يباوع عليه من فوك اليجوه

شاهين..خير نشالله وين تريدين

بنين..شنو يعني

شاهين..هذا الابسته تلبسي هنا بغرفتج بدلي

بنين..مابدله مابي شي مستور تقرب عليه لزكت اباب الحمام حجه وهوا راص على سنونه

شاهين..اني شكلت

بنين..هففف اخذت دراعه خليجيه وبدلت التراك جان لونها ابيض ومرصعه ذهبي وبيها حزام ذهبي حلو طلعت هسه زين

شاهين..اي حضر ملابس داسبح

بنين..دخل يسبح اننن شكد خبيث يربي شلون راح نعيش اني ويا تحت سقف واحد بس اريد افهم حضرتله ملابس وطلعن شال لونه ابيض وبي نقشات ذهبيه حلو لفيته لفه حلوه صح ماتحجب بس عيب هنا طلعت حذاء ابيض البسته طلع هوا مبدل لابس دشداشه بيضه وهوا طويل ومعضل لايكلتله وكف مشط ولف الشماغ واخذ باكيت الچكاير وتلفوناته وباوع عليه

شاهين..ناويه تضلين هنا متمشييين

بنين..صاح بيه فزيت رحت امشي ورا نزلت والهلاهل والچگليت علينه ماعرف مرتضى بصفته شنو داخل للببت هوا وندى ورانيه كلهم جايين من شفت مرتضى مديت ايدي والزمت شاهين باوع عليه باوعت عليه وابتسمت بس هوا عادي

طيبه..كللللوووووششششش مبارك عرسك يلهيبه

بنين..همس بأذني شاهين

شاهين..دخلي كعدي جوا ولطلعين بعد مفهوم

بنين..مو جاريه اني كرصني من ايدي روحي شاغت من الوجع وخرت ايده ودخلت جوا كعدت

شاهين..ادبسز متصير الها جاره اله اربيج من جديد يبنين

بنين..كاعدين اني بصفه ولكل منجمع كرايبه واهله ورانيه وندى ومرتضى اهتز تلفوني اشعار رساله باوعت عليها جانت من مرتضى

لكل حكايا بقايا💗

بارت هديه بمناسبه النجاح💗🥺