مرارة الحب الفصل التاسع عشر 19 - بقلم بنين الزبيدي

گالوا علية النرجسي الـ ما ينحب
گالوا الشايف حالة خرزة كهرب
وگالوا اذا عطشان لو شاف الماي
ما يصعد لچفينة أبد ما يشرب
گالوا غرورك حايط
وگلت البيت لوما الحايط
چان ألف واحد طب !
☆☆☆☆☆☆☆☆

بنين..رفعت نضري عليه شفته يباوع عليه فتحت الجهاز مسحت الرساله حتى قبل ما اقراها وسديت التلفون باوعت على شاهين جان يسولف ويا كرايبه الي من الانبار المهم ضلو خطار 3ايام ناس رايحه وناس جايه وجوارين بهاي ال3ايام اني وشاهين اخوان بلغرفه من صديته اول مره بعد متقرب الحمدالله بس الصبح من اكعد اشوفه حاضني قوي حتى سوالفنه قليله بس مناكر كرايبهم اهل الانبار راحو اليوم جمعه كعدت الصبح على صوت جهاز يدك فتحت عيوني شفت تلفون شاهين جان حاضني كوه وخرت ايده من خصري كمت داشوف منو يدك باوعت جان حرفh عقجت حاجبي جريت الجهاز فتحت خط خليته على اذني جان صوت بنيه

هبه..حبيبي اليوم جمعه شنو متجيني البارحه نتضرتك لحد ساعه 3وماكو ترا اشتاقيتلك

بنين..فتحت عيوني على وسعهن حسيت احد ورايه نداريت شفته هوا واكف بضهري سحب التلفون مني وطلع كعدت على الچربايه صح ماكو اي علاقه بينه بس هوا زوجي عبالي بطل نزلت دموعي دخل هوا رفعت راسي عليه صارت عيني بعينه

شاهين..3ايام اشوفها كدامي بلبسها الي امي تجبرها تلبسه واحترك بفرد غرفه ومااكدر اتقرب الها اشوفها تنام بليل احـضنها واشم عطرها اعض ركبتها بخفه لحد ما انام اليوم جمعه كعدت شفتها بيدها تلفوني وناطيتني ضهرها سحبت منها التلفون وطلعت باوعت هبه خير هبه

هبه..عفيه شاهين مشتاقتلك والله مناوي تجي

شاهين..لا مااجي ولتلحين سديت التلفون وهسه هاي لمصيبه الجوه شراح يقنعها دخلت شفتها كاعده ودموعها على خدها بنين

بنين..مجاوبته اخذت ملابسي دخلت سبحت وبدلت وطلعت مشط شعري لبسي كله صار دشاديش صح مااعرف امشي بيهن البس جواهن برمودات المهم حضرتله لحمام وملابس وهوا يباوع عليه وين اروح وين اجي خليت شال على راسي وطلعت نزلت جوا شفت بس طيبه وخاله ام عامر صبحت عليهن وساعدت طيبه سوينه ريوك وطيبه تحشش

طيبه..يابويه يا شاهين يا عمي جان يوميه هيج وكت اول واحد كاعد وهسه اجه الملازم بنين خلاه نايم الهيج وكت

بنين..ادنيت همست بأذنها لا حبيبي كاعد جانت حبيته هبه تخابره هيه فتحت عيونها على وسعهن

طيبه..لتشاقين يولي من الصبح

بنين..ترا مداشاقه الصبح خابرته وطلع يحجي وياها عادي

طيبه..رزلها اكيد باعي شاهين ماطول ازوجج حرم عليه نسوان والله

بنين..طيبه لتحلفين تكوله حبيبي مناوي تجيني اليوم كبر حتى كبر

طيبه..هااا بدت الغيرهه ابو الشباببب

بنين..لا خلي يروح الله ومحمد وعلي ويا هيج هيج لا اني داحبه ولا هوا ديحبني

طيبه..تتراهنين شاهين يحبج من اول يوم دعمج بي

بنين..لا اتراهن ولا هم يحزنون طيبه سدي السالفه وخلي نسوي ريوك وكفت اسوي طماطه وخيار وحضرت الزيتون حضنتني طيبه من ورا

طيبه..حبيبي لتضوجين عمري انتي مرته الاولى بحياته هسه انتي صدكي والله بلقران العضيم اكيد رزلها من خابرت صدكي عمي واعرفه

بنين..الله كريم حضرنه السفره وكلها كعدو صبحنه عليهم اني وطيبه وكعدو بقه بس هوا خاله ام عامر حجت ويايه

خاله ام عامر..يمه شوفي زوجج وينه تاخر

بنين..هزيت راسي صعدت شفته بيده تلفونه ويصفح بي الريوك جاهز وكلهم دينتضروك محجه شي كام طلع وطلعت ورا نزلنه كعد صبيتله جاي وكعدت بصفه كلهم دياكلون واني اكلت بس زيتون وطيبه جبرتني اكله اخذت وحده اكلت وبعد مالي نفس بس ضليت كاعده عيب اكوم اول وحده باوعت على شاهين شفته يباوع عليه بنضرات مادري شسميها درت وجهي على طيبه غمزتلي وابتسمت من جوا الميز دست على رجلها هيه فزت وصاحت

طيبه..ااااخخ

خاله ام عامر..اسم الله يمه شبيج

طيبه..لا لا بيبي مابيه شي باوعت على بنين بتسمت ابتسامه خفيفه

بنين..خلصو ريوك والتمو كلهم بلمضيف مال عمو سلمان والنسوان بقت بلبيت كاعدين بلصاله اجتي طيبه كرصتي بأيدي

طيبه..خبيثه هاي ليش هيج سويتي

بنين..حتى متغمزين بعد يله خلي نغسل اماعين

طيبه..شفتي شاهين بعد روحي شكد راح يحبج بل مستقبل

بنين..تدرين طيبه كمت اخاف من واحد هيج يكولي جانت ندى تقنع بيه احب مرتضى ومن حبيته هيج صار بحالي كمت اخاف ماعندي ثقه بأحد صارت

طييه..بس شاهين رجلج هسه بنو حبيبي حسني علاقتكم سويه سولفو ضحكو اي شي والله وشويه شويه يجي الحب

بنين..الله كريم خلصنه غسل اماعين وبقه الغده على ام طيبه ومرت عمها رحنه كعدنه بلصاله بيبي ام عامر توزع بلهدايه اجتي يمي نطتني مالتي شكرا خاله بس مال شنو هاي الهديه

خاله ام عامر..يمه هاي عاده صارلها هوايه من جنت جنه بهذا البيت جانت عمتي تلم الهدايه وتنطيها النه يعني للجناين وقبل متروح للانبار وتستقر وصتني هل وصيه تضل هل عادات كلهن امي

بنين..ها هم شكرا

خاله ام عامر..الف عافيه امي

بنين..الضهر رجعو تغدو وكلهم دخلو الغرفهم يرتاحون شكد حلو نظام عدهم صعدت ورا شاهين لين خاله ام عامر كالت دخلت للغرفه شفته نايم على بطنه وجان لابس بس بجامه عضلات جسمها مبينه يخوفن باوعت عليه واذكرت ست لحسن الي تريده يروحلها اليوم عفته ورحت نمت بلجهه الثاني نمت على ضهري وضليت صافنه بلسكف وافكر يروحلها اليوم لو لا حجيت بدون مانتبه بصوت مسموع شويه اوي شعليه اني ان راحلها لو لا تالي متالي هيه حبيبته بس بت الخايس شلون اسوي هيج شغلات بلحرام ماحس اله خله ايده على خصري وسحبني عليه صار فوكايه خترعت باوعت عليه صارت عيني بعينه جان شعره نازل على عيونه وشواربه صايره على شفته شكرات بلون شعره حجه وهوا يباوع بعيوني

شاهين..ماروحلها لتخافين

بنين..على شنو ماخاف شعليه اني داحجي ومحسيت غير خله شفايفه على شفايفي غمضت عيوني جمدت مداكدر كل ميتقرب مني تجي صوره مرتضى خليت ايدي على صدره ودفعته وخر مني

شاهين..ليش اصديني

بنين..مااكدر والله

شاهين..والى متى ست بنين

بنين..مجاوبته ضليت ساكته هوا ضاج كام اخذ ملابس ودخل سبح وبدل وطلع مادري وين طبكت رجلي الصدري وضليت ابجي راحلها هسه مجاي اكدر كلشي اسوي احس نفسي مربطه بمرتضى كمت توضيت وصليت وبجيت احس جسمي كله قشعر ربي ساعدني مالي غيرك يارب ضليت احجي ويا رب العالمين فرغت همومي ودموعي على خدي كمت شلت السجادات وطلعت للشرفه باوعت سيارته ماهيه والله راحلها يعني هيه صعبه الخيانه صح لو هيج بس صداقه هم تأذي شحال لو زوجي وهيج يصير ضليت اليوم كله بلغرفه منزلت كاعده تقريبا ساعه 10:30ندك الباب كمت فتحت الباب شفتها خاله ام عامر تفضلي خاله

خاله ام عامر..فدوه العمرج يمه زاد فضلج

بنين..دخلت خاله يمي كعدت على التخم الموجود بلغرفه حيل جبيره كعدت يمها هيه خلت ايدها على ايدي وحجت

خاله ام عامر..شبيها عروستي منزلت اليوم يمنه

بنين..مابيه شي خاله شويه تعبانه

خاله ام عامر..يمه اوديج دكتور هسه اخابر شاهين يجي

بنين..لا لا خاله ماله داعي هسه شويه واصير زينه

خاله ام عامر..يمه بنين انتي مثل بنتي هسه اريدج تحجيلي

بنين..اي خاله

خاله ام عامر..شاهين شلونه وياج بهل كم يوم

بنين..سكتت اني ويا بس مناكر وهوا يسكتني لو يضربني على متني لو بأيدي واني بأحله فتره بحياتي هيه بداية زواج بلعت الغصه الي خنكتني وحجيت لا خاله زين حباب

خاله ام عامر..اكيد يمه

بنين..اي خاله صدكيني

خاله ام عامر..يمه متعرفين وين راح طلع من الضهر الحد هسه ماهوا

بنين..لا والله بس خابره صديقه الصبح اكيد يمه

خاله ام عامر..خوش راح انزل اني ايشي تحتاجي اني يمج وبنات حموينج هم

بنين..هزيت راسي شكرا خاله باستني من راسي وطلعت ضليت بحدي بلغرفه سديت الضوايات وشغلت التلفزيون فرشت بلكاع وضليت اتفرج بس اصلا مو يم الفلم اني بالي كله وينه هسه يمها اكيد محسيت على نفسي من نمت

شاهين..طلعت رحت للمركز اصدقائي هناك دخلت يم العقيد ميثم

العقيد ميثم..هلهههه بلعريسسس

شاهين..اسكت خويه وعوفني بحالي

العقيد ميثم..ها خويه شسالفه بس لا متعاركين بعدك عريس

شاهين..ميثم سالفتي اخيس من سالفتك حبيبي

العقيد ميثم..اويلي الله شاهين راح تتعب عيوني

شاهين..تزيدها هبه الساقطه وتعال اشرحلي شراح يقنع ذيج مخاينها

العقيد ميثم..هههههههههههه تذكز من خابرتني سهر وجاوبت عليها زوجتي وداعتك بخلقتي كامت متباوع شفته صافن عليها شاهين وحب بعد ادري خويه تعبتك حبيتها بس كبريائك مانعك تعترف النفسك بهل شي شاهين اني اخوك صارلي فوك ال20سنه اعرفك خويه انت وياها نار ومي باوع اني وزوجتي جانت مثل حالتكم لا اني طايقها ولا هيه خويه بحناني عليها وحرصي وماكذب عليك حتى حبي ضهرته الها شويه شويه حبيتني وحبيتها هيه مرتك اول تالي تحبك

شاهين..ههههه تحبني بسياره العرس تكلي انت ماعندك رحمه وانت استلم

ميثم..چا اني بسياره العرس تكلي اكرهك بس غصب اخذتها وغصبا ما عليها حبتني بنت الذينه خلتني ماشوف غيرها خويه ليغرك هذا الحب كله كدامك وربك سنه يله فضت سالفه عرسنه وهسه اريدك تباركلي راح يجي شاهين للدنيا

شاهين..بشرفك

ميثم..وغلاتك عندي

شاهين..خويه مبروك يتربه بعزك وبعز امه ابو الشباب

ميثم..حبيبي يوم الالك نشالله شاهين خويه اني اخوك واكثر انصحك صير حنين عليها حبها ليصير كلشي عندك بلضرب والاهانه ميفيد صدك راح تكرهك بدل متحبك يااخي صير صديقها حاول تضهر الها حبك خويه جنت تراقبها من اداوم من تضحك تسولف اكثر ما سجنت واحد لين بس باوع عليها شاهين انت عديت مرحله الحب صرت عاشق خويه

شاهين.. انعل لشته ليجي يمك خويه شلفايده احبها

ميثم..تحبك وحق كل حرف بلقران تحبك بس انت مثل موصيتك كون ويايه عازمك بمكان

شاهين..طلعت من الضهر اني وميثم ضلينه ساعات ميثم يحجي واني دايخ بمصيبتي صارت دنيا ليل باوعت على الساعه 12:30 وصلت ميثم البيتهم ورجعت للبيت فتت صعدت للغرفه فتحت الباب جانت ضلمه بس ضوه التلفزيون جان مشتغل وهيه ماهيه على الچربايه نداريت من كدام شفتها نايمه بلكاع باوعت عليها شعرها مفتوح شفتها كزر خدها حجنها شلتها من مكانها خليتها على الچربايه هيه فتحت عيونها شافتني وحجت

بنين..فتحت عيوني شفته هوا باوعت بعيونه وحجيت جنت يمها مو

شاهين..اذا يمها لو لا انتي راح يغثج شي

بنين..اي انت زوجي

شاهين..زوجج؟زين زوجج اله حقوق يمج اخذها لا

بنين..نزلت دموعي شاهين والله مااكدر وداعت امي والله مااكدر ضليت ابجي حسيت عليه حضني ضليت ابجي بحضنه

شاهين..هاهيه لتبجين هوا اني شمحصل منج غير البجي والتنعوص وطول السان

بنين..مجاوبته ضليت ساكته دخل يسبح اني ضليت صافنه الى متى اضل مربطه هيج يارب ساعدني يارب فدوه طلع نشف شعره ونام نطاني ضهره ضليت اليل كله كاعده المهم مرة الايام واليوم السبعه مالتي خاله اخذتني للصالون اني وطيبه ومناك التقينه برانيه دخلت لبست فستاني ماروني يصير من فوك مخصر على الجسم ومن جوا كلوش حيل حلو ردانه صلوخ لين مااكو احد بس بنات مكياجي صار ماروني ولبست الحذاء كاعده على الكرسي اجتي خاله ام عامر لبستني كلاده بيها اسمي واسم شاهين وسوار ومحبس وتراجي بستها من خدها شكرا خاله

خاله ام عامر..ماكو بنيه تشكر امها حبيبتي انتي مبروك

بنين..لبست البرنص مالتي وانتضرنه استاذ شاهين يجي نص ساعه واجه طلعنه اني وطيبه ورانيه صعدنه ورا وخاله ام عامر صعدت كدام الطريق كله تهوس وفرحانه وخرت البرنص عن وجهي ختنكت اريد هوى رفعت راسي شفته يباوع عليه نزلت راسي وضليت احجي ويا طيبه

طيبه..ايييه ايييه ملازم بنين الضلع مبروك

بنين..هله بيج ملازم طيبه يوم الالج

طيبه..ههههههههه ثانكيو

بنين..هههه ثول وصلنه للبيت قبل ماانزل حجه

شاهين..نزلي الغشوه على راسج وتمشين عدل للبيت

بنين..مجاوبته بس نزلت البرنص على وجهي دخلنه للبيت بلصاله خاله اخذته مني جان البيت هوسه كلهم جايين وكرايبهم وصوت الجهال براسي يدك كعدت وبدت الحفله دك تلفوني مرتين باوعت شاهين ترخصت منهم وصعدت فتحت الباب شفته كالب الغرفه كلاب مادري على شنو يدور

شاهين..فاتت غــضب الله للغرفه ضليت صافن عليها وينننن الباججج مالتي

بنين..رحت فتحت باب الكنتور مالتي ونطيته اله خاله كالت ضمي زين

شاهين..وانتي هيج صعدتي ست بنين

بنين..مجان اكو احد محسيت غير لازمني من حنجي قوي

شاهين..لااا اكوووو تصعدين هيج وايدج وزندج وصدرج كله طالع شعندييي

بنين..شاهين دتأذيني دفعني من دفعني راسي نضرب بميز تواليت عافني وطلع واني روحي شاغت راسي باوعت دم ينزل منه ضليت بمكاني ابجي اني شسويت بحياتي حتى هيج تعاقب شسويت

طيبه..نزل شاهين عصبي وكبل طلع صعدت لبنين شفتها كاعده يم الميز وتبجي رحت يمها بنين رفعت راسها كصتها تصب دم ضربت على صدري اسم الله الرحمن ابويه هاي شاهين مو سوده بوجهي كمت نزلت ركض اخذت شاش ومعقم جروح وللاصق جروح وصعدت كعد كبالها والنبي اله اكله الجدو جد يحبج وميقبل عليه هيج يسوي بيج بعدج عروس ويضربج ليش هيج

بنين..طيبه اريد اروح الاهلي حبابه

طيبه..والنبي نروح هسه تجي خاله ام عباس ونروح وياها اني وياج

بنين..عقمتلي الجرح وخلت عليه لاصق جروح ومسحت دموعي وعدلت وجهي لين جوا العالم نزلت اني وياها كاعدين واني صافنه خطيه خاله ام عامر اكثر من مرا سئلتني على راسي كتلها تعورت من داطلع غراض هيه شكلها مقتنعت اجتي امي وخالاتي وبناتهن وعماتي حضنت امي وبجيت بحضنها عبالك صارلي سنه مشايفتها كعدت يمي والازمتها من ايدها قوي

ام عباس..يمه سوده عليه شبي راسج

بنين..تعورت ماما عليج الله اليوم اجي وياج للبيت مشتاقه لاخواني والباب

ام عباس..احجي ويا عمتج واخذج ابويه انتي

بنين..ضليت كاعد لحد مخلصت الحفله امي حجت ويا خاله ام عامر وهيه خطيه عادي قبلت بس كالت خابر شاهين سئلي كتلها اي صعدت مسحت المكياج وسبحت وبدلت ملابسي ولبست جبه وحجاب هيج شمرته لين راح يجي حسين ياخذنه اما شاهين حتى مسئلته اروح لو لا وكفت كدام الميز تواليت باوعت راسي مشكوك وبعد يصب دم خليت لاصق مره ثانيه ونزلت ساعدت طيبه بلشغل ويانه خدامات 3واني وطيبه وبنات عمها يله خلصنه لبيت كله اجه حسين بوست خاله ام عامر وطيبه اجتي ويايه وطلعنه شفت حسين رحت ركض حضنته وهوا حضني شتاقيتلك حسين

حسين..يبعد هل روح انتي وعلي منايم هل 7 ايام مكانج خالي بلبيت لبيت محلو ماله طعم بدونج

بنين..اني منا حاصرتني البجيه بجيت بحضنه عفيه عيون عبالك نافوره مسح دموعي وباسني من راسي وحاول خطيه يضحكني وفعلا ضحكت صعدنه بلسياره وخاله ام عامر وكفت يم الجامه مالتي

خاله ام عامر..راح انتضرج بنونتي باجر تجين والله يايمه راح نشتاقلج

بنين..نشالله خاله طلعنه لبيتنه بلطريق حسين وكف يم مطعم جاب عشه وشغلات كومه وحلويات وجباسه وخلاهن بحضني وبحضن طيبه

حسين..اكلن بليل وقشبن على العالم

بنين وطيبه..ههههههههههههه

بنين..وصلنه لبيتنه دخلت يمه عبالك داخله الجنه اخذت نفس براحه ودخلت بلحديقه سمعت صوت ابويه يحجي بصوت عباله بس امي رجعت

ابو عباس..هاا ام عباس شلونها بنيتنه نشالله مرتاحه

بنين..دخلت شويه شويه كتله اي حجي مرتاحه هوا نداري عليه وابتسم رحت حضنته مشتاقتلج رياض

ابو عباس..يروح رياض انتي ابويه وعلي بيتنه خالي من رحتي

بنين..اجوي عباس ومحمد حضنوني وحجه محمد الخبيث خلاني ابجي

محمد..لم يعد يزورنه النمل يا سكر منزلنا

بنين..محمددد كافي تبجوني

عباس..شلون بناتي نشالله مرتاحه حبيبي

بنين..مرتاحه حبيبي بس مشتاقه الكم اليوم اضل يمكم ترا

عباس..كل الهله بيج هذا بيتج حبيبتي

بنين..صعدت الغرفتي باوعت عليها هيه هيه متغير بيها شي نزعت جبتي وطيبه هم كعدت على الچربايه هاي الغرفه تحملت بجي وصياحي وعياطي ومزاجيتي وانعزالي جانت كلشي بلنسبه الي كعدت يمي طيبه ليش شاهين ضربج اليوم

بنين..طيبه لذكريني

طيبه..بناني احجيلي مو اني اختج

بنين..لين صعدت بدون ماخلي شي على جسمي كتله ماكو احد دفعني على ميز التواليت

طييه..بنين شاهين يحبج

بنين..طيبه

طيبه..وحق رب العالمين يحبج صح اليحب ميأذي بس هوا يغار عليج تدرين وحق كل حرف بلقران ذاك اليوم لين بستج رزلني وميقبل ابوسج لو احضنج

بنين..اليحب ميأذي

طيبه..هاي مشكلته يحبج بس كبريائه

بنين..واني هم عندي كبرياء ترا بعدين اني اخلص من مرتضى يطلعلي شاهين

طيبه..ههه صح اني زعلانه منه لين ضربج بس والله يحبج اخذيها مني وكولي طيبه كالت

بنين..امشي ننزل

طيبه..يله

بنين..نزلنه كعدت بصف عباس وصرت بين عباس ومحمد وحسين بنصهم وهما حاضنيني احسهم شي جبير بحياتي اقو من انهم اخواني سندي حياتي لهوى الي اشتمه هما من اذكر اني هيج حجيت وياهم وهيج سويت اكرهه نفسي وادعي على مرتضى كرهته كرهه العمه والله بس مااكدر هيج بسهوله ابدي حياة جديده
كمنه اني وطيبه ساعدنه امي وحضرنه السفره وكعدنه ناكل ويحاولون يضحكوني وفعلاً ندمجت وياهم ونسيت كلشي خلصنه عشه غسلنه اماعين وسوينه جاي صيبت واخذته جوا كاعدين نسولف ندك الباب كام محمد يفتح الباب دخل ودخل ورا شاهين

لكل حكايا بقايا🙂🖤

اخوان ورب مريضه فدوره افلاونزه موتتني تموت بحيث مداكدر اشيل راسي من المخده الله وكيلكم الخاطركم كتبت هل بارت اعذروني واحبكم💗